|
|
|
 Re: عصفورة بي سيارة !! (Re: عبدالحفيظ ابوسن)
|
الصدفة وحدها قادتني لمعرفة هذا العالم
عالم لايمت للسودان الذي اعرفه
معاناة الناس في العيش الكريم والكرامة
المعاناة في انتزاع حقوقهم الانسانية
المعاناة من اجل تعليم وصحة تليق بالانسان
دة السودان الانا بعرفو
لكن عالم الطيور والكلاب دة عالم تاني
| |
 
|
|
|
|
|
|
|
|
Re: عصفورة بي سيارة !! (Re: عبدالحفيظ ابوسن)
|
ونحن اطفال بنشرك للطير مع فصل الخريف
الشرك زاتو سوداني . تعمل لية ولفة عبارة عن فرع شدر وتغزو في الواطة وتجتهد ان يبدو كشجرة . وتشتت تحتو العيش . والشرك عبارة شبكة ننسجها يدويا من خيط العصب . وتربط فيها حبل طويل جدا . وتمسك به علي مسافة بعيدة من الشبكة . الطير بتل ياكل . تجر الحبل يطير البعض وتقبض بعضه
في الخريف بتجي عصافير ملونة مختلفة ليست مثل طيورنا ودابرق و عشوشة
او شرك محلي بطشت غسيل العدة
او بشرك نقطعه من ذيل الحصان ونحن نتفادي رفسة الحصان او صوط صاحب الحصان
| |
|
|
|
|
|
|
|
|
|
Re: عصفورة بي سيارة !! (Re: عبدالحفيظ ابوسن)
|
العصافير زاتا علاقتنا بيها محدودة . كان ذلك قبل اكتشاف جمعية الرفق بالحيوان
تجنح العصفور . ودة عندو طريقتين . يا تقص اطراف جناحو . او بنعمل حركة في الجناح زي نطويه كدة فلا يستطيع الطيران
الهدف نلعب بيهو سحابة نهارنا وليلا نشوف كرتونة ولا تدخلو النملية وغالبا يصبح وجبة سهلة لكديس البيت ولا الجيران
او نربطو بي خيط
او يتحول لوجبة لينا زاتنا . بسرقة حبة زيت وتحويله لحلة او مشوي
| |
|
|
|
|
|
|
|
|
|
Re: عصفورة بي سيارة !! (Re: عبدالحفيظ ابوسن)
|
اها كبرنا وكبرت الحاجات
تراجعت حقوق الانسان
وازدادت حقوق الحيوان والنبات
جمعية الرفق بالحيوان
وتطرفت كمان
ما بياكلو لحم زاتو شفتو كيف
لكن بقعو النبات ودة تعارض مع حماية البيئة كمان 😆 النبات زاتو كائن حي
واجتهدو في الامر بشكل علمي يقول ليك الانسان كائن نباتي . كدة عاين سنونو . ماعندو انياب ولا قواطع . زيو و زي الحمار والغنماية والخروف ما اسنانو زي الكديس والاسد وكدة
دى اسنان طحن ومضغ ما تقطيع
| |
|
|
|
|
|
|
|
|
|
Re: عصفورة بي سيارة !! (Re: Arif Nashed)
|
الصدفة وحدها
ابني حداشر سنة وأجز . قال داير كلب يربيهو . ووقفت ألف احمر بعد ان افحمني بحجج قاطعة وواضحة . وانا عيني علي الضيوف واخوانو الصغار وحقن السعر البقت بالسعر الفلاني . لو قلت ليهو كدة بقنعني وهو عامل دراسة جدوي مكربة من خلال ناشينوال جيوقرافيك والنت في انواع الكلاب وكيفية تدريبهم
المهم كحل وسط وصلنا لتربية جوز عصافير
ومن هنا لقيت عالم انما عالم . فانتازيا موازية للواقع وتهرب منه
| |
|
|
|
|
|
|
|
|
|
Re: عصفورة بي سيارة !! (Re: عبدالحفيظ ابوسن)
|
وبقيت اسأل
داير لي عصفورين .. في زمنا انت قاعد في الشارع بجي زول شايف قفص . وتشتري منو بي تعريفة وقرش . وما يشتري الا داقس وفارة !
المهم وصف وصف فلان وعلان . وانا امشي لي فلان وعلان . ولقيت كم واحد بعرفهم لكن ماقايلهم عصافيرين !! وهاك يا ونسة كناس مهتمين بتربية طيور الزينة !
اها لقيت ليك العصافير دى فيها عنصرية كمان
في جوز بي 600 ج وفي جوز بحصل 70 ألف .. سبعين مليون !
الكترااااابااااا !!!
آي والله وقت اتخلعت .. الزول قال لي خش الفيس واكتب قروب محبي طيور الزينة
يا زول ها !! سوق راسو عديل
عصفورين متجوزين حديثا مع كم صورة ب 60 مليون مع رقم التلفون . تقرا تلقاهم اتباعو
وناس ستة وخمسة مليون راقدات هبطرش
70 مليون لو لما فيهن كديس متشرد ياكلهن كما يأكل عشوشة
| |
|
|
|
|
|
|
|
|
|
Re: عصفورة بي سيارة !! (Re: عبدالحفيظ ابوسن)
|
شغالين هندسة وراثية 😆😆😆
تهجين .. يعرسو عصفور لي عصفورة ما من قبيلتو . يقوم يلد هجين . يشيلو الهجين يعرسو لي هجين تاني يطلع هجين تالت
الوان الطيف السبعة وتقسيماتها كلها في
اها الهجين دة غالي ومعاهو ببغاء زنجبار
ارخص نوع العصفور الاسترالي الجوز بي مليون
| |
|
|
|
|
|
|
|
|
|
Re: عصفورة بي سيارة !! (Re: معتصم الطاهر)
|
الناس دي شغالين يخلعو فيني .. وانا اشيل واحسب الحد الادني للاجور
ويومية الطلبة مية جنية يشيل القدح من تصبح لامن تمسي
والعيال الهجروا الدراسة وشغالين كوارو موية
وال وال وال
الناس التكدح بي اجر
ومرة بلا اجر
قام مع خلعتي دي واحد قال لي
في السجانة واحد بادل ليهو عربية بي قفص عصافير
انا اخو العصفور !!!
كيف الكلام دة ؟ يعني ألف عصفور و مليون عصفور بي عربية
انا غايتو مليار عصفور ما ببدلهم بي عجلة رال خلي دبل
قال لي
لا .. قفص فيهو زي 15 جوز
قربت اقول ليهو
العصافير بي قفصهم ؟ ولا اسيكتو ساي
خفت يعتبرني جاهل
يا اخواتي ستات البيوت
ادوني ويقود قبال اموت
الدهب صافي البريق
بي مد دقيق
رحم الله حميد
| |
|
|
|
|
|
|
|
|
|
Re: عصفورة بي سيارة !! (Re: عبدالحفيظ ابوسن)
|
ههه ابوالريش انا زول مدينة ياخ قايلني زي الخام ديلك بتاعين عصافير نحن
يا عارف دة قايد قوات ابوطيرة البقولوها؟
ههه يا معتصم الهباد لي غلب اخوات العوان فراح الحلة علي قول حميد
ياهو الهباد
بنشرك في النبارو والبحر تكلة من البيت
وفي السوق بالطش جمب سوق العيش
| |
|
|
|
|
|
|
|
|
|
Re: عصفورة بي سيارة !! (Re: عبدالحفيظ ابوسن)
|
ود ابو سن
والله بوست ظريف وغي نفس الوقت مهم لانه بيعرفنا انو اذواق السودانيين ارتفعت وبقت اذواق عالية وكمان رقيقة..
انت العصافير ذات الوان قوز قزح خليها....تعال نحكي ليك عن الكلاب ...هسع في كم كلب صايع في شوارع الخرطوم
وما عندها سيد!؟...ذات يوم دخلت دكان في نيويورك ...دكان يبيع كلاب...قلت كدي ندخل ونشوف اسعار الكلاب بكم،،،
وجدت كلاب اشكال وانواع ..صغيرة وكبيرة وبالوان مختلفة وكل كلب مكتوب خارج القفص نوعه وتاريخ نشاته ومميزاته
...كل ده ساهل ..بس الخلعني اسعار الكلاب،،،
ايه رايك وجدت كلب سعره سبعة الف دولار ...اي والله سبعة الف دولار !! قلت لزميلتي الرافقتني هسع ثمن الكلب ده ما بجيب
عربية فارهة ،،،سالنا صاحب الدكان ليه سعر الكلب ده غالي كدا ....قال لينا لا غالي ولا حاجة ...الكلاب الغالية حتصل الاسبوع القادم
وسعر الكلب عشرة وحداشر الف دولار...
قلت في نفسي لكن ارجع السودان اقبض لي كلبين تلاتة من الشوارع ..ومجان واربيهم في البيت عشان ابقى برجوازية زي ناس نيويورك...ههههههههههه.
بس ما تقول لي الكلاب ذاتها انعدمت في السودان وما بلقى لي كلاب صايعة...
مع وافر التقدير والاحترام
| |
|
|
|
|
|
|
|
|
 Re: عصفورة بي سيارة !! (Re: امتثال عبدالله)
|
تخيل يا ابسن انا عايش نفس الفيلم !
ولدي عايز كلب ، برضو يوتيوب والتلفزيون وحافظن ليك حفظ دوبرمان وشنو كده ماعارف ..
قلت ليهو يا زول هوي لمن نمشي الحلة في الاجازة نشوف ليك جرو امو بت عم ابوه
هنا كلب ما بسكن معانا ، طبعا بطرطش ليهو في الموضوع وفعلا في الحلة الموضوع ما صعب وتكلفتو صفر ويومك التزهج منو بتقدر توزعو بسهولة او حتى توديهو التحتانية يعيش بمزاجو
بمناسبة االطيور :
عمك ابشنب الله يرحمو قاعد في الدكان الصباح ، جاتو مرة شايلا ديك : يا ابشنب ما تضبح لي الديك ده الله يجعل فيك البركة
عمك ما بعرف يضبح كلو كلو وما معترف بالحاجة دي قال لها : وحات سيدي علي ما بفنقس لي فوق طيرة ، اقلاهو سديس ولا رباع ، طير ما يحوم فوقي
| |
|
|
|
|
|
|
|
|
|
Re: عصفورة بي سيارة !! (Re: عبدالحفيظ ابوسن)
|
نفس الفلم يا عبدالله ادريس ومعلومات عن كلب الراعي والدوبرمان واسماء زي اسماء الادوية . ومعلومات تاريخية وعلمية وانا منعقد ألف احمر
بعرف الدوبرمان من فلم سرقة الكلاب الزمان داك
امو دايرة تستغفلو وبقت كوز 😆😆 قالت ليهو البيت الفيهو كلب ما بتخشو الملايكة والرحمة بتمرق منو
جاب ليها اهل الكهف وكلبهم باسط قدميه بالوصيد وانتصر عليها . هرشتو ليك
قلت كلب مافي يعني كلب مافي الله ينعل الكلاب في القبل الاربعة
اها حل العصفور دة حل ذكي مني
| |
|
|
|
|
|
|
|
|
|
Re: عصفورة بي سيارة !! (Re: عبدالحفيظ ابوسن)
|
قبل كم شهر تم ضمي لقروب واتس في كوستي اسمو
الهيئة العليا للاحتفال بمعرض الزهور
والضم للقروبات بتم دون شورة .
فجأة تلقا نفسك في قروب ما عارف الفيهو منو
المهم اندهشت وتربصت اشوف الحنك شنو
عرفت كم زول
وداير أكتب مستنكر
عملت مداخلة زول مندهش رسلتها
وبديت أكتب لقيت نفسي برة القروب قبل اتم كتابتي
ضربت لمن اضافني وقلت ليهو
عيب والله في زمن زي دي يكون الاهتمام والتبرعات لدعم معرض زهور وو
المهم قبل اتم كلامي قال لي
انا زاتي اضفتك غلط ولامن لقيتك دة انت انخلعت وحذفتك
| |
|
|
|
|
|
|
|
|
|
Re: عصفورة بي سيارة !! (Re: عبدالحفيظ ابوسن)
|
Quote: يا اخواتي ستات البيوت
ادوني ويقود قبال اموت
الدهب صافي البريق
بي مد دقيق |
يا حفيظ ياخي ما تحرف شعر حميد
يا اخواتي ستات البيوت
ادني قوت قبال اموت
دور والعيال ما فكو ريق
دهب الجبال صافي البريق
بي مد دقيق وان كان مريق
مطفية نيران السكوت .. رغم الدخان
والحلي زي المافي زول .. رغم البطان
نحنا ناس نبلة سااااي يا حفيظ
الطيرة قبل تصل الواطة بنقطع رقبتا ونولع النيران في العويش
وناكلها طازجة بدون غسيل لا زيوت ولا بهارات ولا كلام فارغ
لا نعاف ولا بنخاف من كوليرا ولا انفلونزت طيور ولا سجم ولا رماد
نهارنا كلو بين صيد السمك من النيل والطير من اشجار النيم والحراز على ضفاف النيل نفسه
وفي العشية نرجع محملين بكل ما لذ وطاب من نباتات السعدة او البراسيم للبهايم
ايييييه حليل الراحو وخلو الريح تنوح فوق النخل
| |
|
|
|
|
|
|
|
|
|
Re: عصفورة بي سيارة !! (Re: Haytham Ghaly)
|
| Quote: لا نعاف ولا بنخاف من كوليرا ولا انفلونزت طيور ولا سجم ولا رماد |
صاحبي المجمر قال بي مناسبة إنفلونزا الطيور دي كلمة زمان ... 😉
قال يعني نأكل شنو بعد ده ...
مرة إنفلونزا الطيور ... و مرة جنون البقر ...
باكر كمان يقولوا ( بواسير السمك ) ... و بعدها الا نأكل برسيم عشان نعيش ...
| |
|
|
|
|
|
|
|
|
Re: عصفورة بي سيارة !! (Re: يحي قباني)
|
تشكر هيثم
نعم وهي كذلك
شوف في النهاية سدت بابها عليها وماتت خوف من المزلة
نحن برضو كان عندنا النبلة . النبلة كان للقمري والبلوم .
بنقضم رقبتها في محلها . يا مشوية ولا مشينا الحلة سرقنا زيت والطوة عبارة عن علبة ساردين فاضية
| |
|
|
|
|
|
|
|
|
|
Re: عصفورة بي سيارة !! (Re: عبدالحفيظ ابوسن)
|
| Quote: ههه ابوالريش انا زول مدينة ياخ قايلني زي الخام ديلك بتاعين عصافير |
يا زول مدينة شنو ..... مش ياها المليون ميل دي؟ (باعتبار ما كان).
وحاتك في خرطومنا دي شركنا بالقلوبية وبالسعف وضربنا بالنبلة وربطنا الكدندار بالخيط.
إنت قايل كان عندنا بلاي ستيشن؟
| |
|
|
|
|
|
|
|
|
|
Re: عصفورة بي سيارة !! (Re: عبدالحفيظ ابوسن)
|
برج الحمام
قن الدجاج
لا يخلو بيت او جار البيت من قفص جداد ولا برج حمام
الجداد البلدي الواحد وليس البطري او غيري
جداد بلدي وبعضهم يربي جداد الوادي الارقط بعد تجنيحه . لأنو بطير
جداد للبيض ولا ضبيحة لضيف
الحمام فطور الجمعة بي دمعة الحمام
من المناظر المألوفة تلقا ليك شافع شايل كم جوز للبيع في السوق . فالحمام غذاء ومصدر رزق
والحمام هدية لي ود الطهور . الجيران كلهم برسلو الصباح جوز حمام لود الطهور وللنفسا والمريض
طهرت ولدي . وانا اصلا ما باكل الحمام .. بعافو ومابجيب حمام البيت
لامن طهرتو الحمام رقد .. يوميا جوزين تلاتة
قال لي
والله يا بابا اكلت حمام لامن قربت اطير
| |
|
|
|
|
|
|
| |
عبدالحفيظ ابوسن
محمد أبوالعزائم أبوالريش
Arif Nashed
معتصم الطاهر
Abdullah Idrees
يحي قباني
فيس بوك
تويتر
انستقرام
يوتيوب
بنتيريست