|
|
 Re: ظرفاء المنبر (Re: جمال ود القوز)
|
Quote:
غايتو نحن بنستخدم وقافي دي للزيارات السريعة .. ياخي عليك الله أرح معانا والله زيارة وقافي |
زيارة وقافي دي جديدة لنج .... 😂😂😂😂
بقولو واقفين علي حيلنا ... يعني ما حا نقعد
وقافي دي استعمالها واااااحد لو كسرتو رقبتكم ياهو معناها ....
**********************
Quote: ولا زال ابوحسين شايل بقجته وعايز يفرش يسترزق في طرف اي ملجة
الحديث عام يا شاب وما عن حاتم انت بقيت لا ترى في الدنيا غيره! دي غبينة شنو دي اصلو
|
بقيت ممل و لا تمل التكرار...
كلامك دا انا قلتو زمااااااان و ما داسيها من زول و المنبر دا كلو حفظ الحتة دي عن ظهر قلب ...
الحديث عن انتقام وقافي حديث عام ...؟؟؟
كتبها شكسبير في واحدة من رواياته و ل شنو ... ؟؟؟
دي عبارة كتبها معروف ابوالحسن و لغرض لكن المخاطب طلع زول بريء يعني الخطة طرشقت ....
***************
| Quote: هههه السياق يا ود الزبير .. السياق |
و الله السياق دا عذبتو عذاب ...😂😂😂😂😂😂
***************
| Quote: انا شايف نفسي سغيل جدا .. خخخخ |
و الله دا مريح خلاص ...
يا ريت لو كل الثقلاء زيك كدا .. 😂😂😂😂
ما كان اتعبونا زي الخازوق الحايم يغالط المنبر كلو ...😂😂😂😂
| |
 
|
|
|
|
|
|
|
|
Re: ظرفاء المنبر (Re: ABUHUSSEIN)
|
تشكر ود القوز
تلك اياما مضت وبالفم طعما حلوا منها وبالاردان عطر
نحمد الله قلبنا الصفحة
سي جديد ... نقطة سطر جديد
اللستة لسة ما كملت لكن خلاس سميناها رضينا
ودو بغالت ونحمد الله ان قيضك له وابوحسين
قال موسيقي تصويرية للقون
سنة يالقون
اها لفايدة محمد الامين
القوز زاتو عندو دلالة وايحاء جنسي مستحدث بس ما تقول لي يعني شنو
ذكرتني قصة المنطقة وفهمها دي بستندو عليها ناس القانون في نفي ولا اثبات الاستفزاز الشديد المفاجئ . وكل ما بعدت عن المدينة بعض التعابير بتجيب دم عديل
اها وقافي دة اظنها ثبتت دلالتها
لكن زي ما قال معاوية وفقا للسياق😇😀
| |
|
|
|
|
|
|
|
|
|
Re: ظرفاء المنبر (Re: عبدالحفيظ ابوسن)
|
تعرف يا اب سن! أخوك فتّح على كبر .. يعني مع نهايات الجامعة كدة
زمن المدارس كنت الطالب المثالي المسكين أول الفصل البقعد في الكنبة الأولى وبقرأ القرآن في الجمعية الأدبية وبقدموهو للصلاة وكدة
قبل فترة كدة زملينا عمل قروب واتساب لم فيه ناس الابتدائي والمتوسطة .. واحد من شفاتة زمان خش القروب جديد وانا كنت بعيد بعديها اتصل علي في التلفون ونحن طبعاً منقطعين سنين طويلة .. بقى يتونس معاي وكل دقيقتين يسدرني ويخمسن لي مشيتها مرة واتنين لقيتو موااااصل ويضحك قلت ليه شنو يا عمك انت رجعت مراهق تاني ولا شنو :) قال لي النحكي ليك الحاصل .. الجماعة ديل دخلوني القروب ونحن قاعدين كلنا في النادي بقرأ في اسماء الناس لقيتك قلت ليهم يااااااخي خربتوها علينا نحن ناس منطقة صناعية ولسانا فاكي وموبايلاتنا مليانة بلاوي تقوموا تلمونا مع شيخ أحمد؟ بتلومونا مع الراجل ساي
قال لي بس قلت كدة وقعدوا يضحكوا لمن دايرين يقعوا من الكراسي قالوا لي وحاة الله أحمد دة نحن يوم الخميس لما تكون موبايلاتنا مراقبة من النسوان بنحنس فيه تحانيس عشان يدينا باقي اليوم راحة من قلة الأدب 
قال لي أها بعد عرفتك انحرفت حلفت أخلص كل الخمسينات الفوتناها في وجودك .. الواحد يفكها مدنكلة والناس تتضاير بيجاي وبيجاي نلقاك وسطنا نضطر نتعافص بالكرعين بس عشان ما نقولها قدامك
وحكيت ليك القصة دي لييييييه ؟ عشان اقول ليك انحرافي دة كلو ياهو نكات وصور ساي لكن لحدي هسة ما بعرف أقول لزول يا شاذ حتى لو بهزار ولا حصل قلت ..... أمك ولا سبيت دين .. يعني لسة اللسان معقود :)
أها كلمة زوووط دي من الكلمات الكنت مستنكرها شديد بسبب إيحاءها الجنسي وما بستخدمها نهائي .. شوية شوية كدة بقيت اتجاوب معاها في ونسات الأصحاب القريبين شديد .. لحدي ما حضرت البوست الأرفقت ليك رابطه فوق دة على الهواء مباشرة حتى اتصالحت معاها وبقت لي عادية
| |
|
|
|
|
|
|
|
|
|
Re: ظرفاء المنبر (Re: أحمد محمد عمر)
|
الله يخزي شيطان عقلك يا احمد عمر محمد ...لا ..لا.. اقصد احمد محمد عمر..
مش كان اخير ليك تستمر في نفس مشوارك بتاع الابتدائية الكنت قاعد فيه في الصف الاول
وتجي الاول ويقدموك للصلاة...
في الحقيقة نفس المنظر مر بينا في المرحلة الاولى حيث كانت صديقة عزيزة لنا تجلس في الصف
الامامي وتجاوب على اي سؤال والمدرسين متكيفين منها شديد وتحرز الدرجة الكاملة في اي امتحان
وهي دائما جادة وما بتضحك حتى في النكات البتوجع المصارين...
وكنا نحن نتقرب اليها عشان تساعدنا في حل الواجب وكمان عشان الاساتذة يعاملونا زيها بوصفنا صديقاتها..
فهي المؤدبة الذكية المهذبة الشاطرة التي لا تشقى من تجاورها وتصاحبها...
.هسع بتدرس طب في الخرطوم
ومعانا في قروب الواتساب وكل يوم بترسل لي نكتة تقطع المصارين من الضحك...فقلت ليها يا مغير
الاحوال من حال الى حال...
مع وافر التقدير والاحترام.
| |
|
|
|
|
|
|
|
|
|
Re: ظرفاء المنبر (Re: امتثال عبدالله)
|
تسلم احمد .. وتشكر علي السرد الصادق
اللسان دة عندو فرملة لو قلبت جلود تاني ما بتمسك
اها انا تخيل ما قادر اتفق مع كلمة زووط دي نهائي . وحقيقة ما حصل قلتها لو تصدق . ما عارف في بعض الحروف كدة لامن تتلم مع بعض بتديني ايحاءات ما اياها
احتمال لأني ما رياضي ولا اهتم بالرياضة ولا اقرأها ولا اشاهدها
لكن اهو زي ما حكيت قاعد اسمعها ولا تصك اذني
طيب ما تشرح لي محمد الامين حكاية الضمير المستتر .. شايفو ما وقعت ليهو
| |
|
|
|
|
|
|
|
|
|
Re: ظرفاء المنبر (Re: عبدالحفيظ ابوسن)
|
احمد محمد عمر قال کان بقعد
فی الصف الاول ووووو الخ
بس لمن جاب حکایة يقرا القرآن
ويقدموهو للصلاة قربت اقول
ليهو زوووووط
وبرضه تقولوا لي ما ظريف؟؟
ياخ تاني ظوووووط بدون اي
ايحاء جنسي
| |
|
|
|
|
|
|
|
|
|
Re: ظرفاء المنبر (Re: Osman Awoda)
|
بصراحة فكرة تقنين الاستزواط دى غبية
و لو غلفوها بى ورق عنب تبقى الحاجة ياها الحاجة
مدلول جنسى فاحش
و سقوط لغوى و لفظى بشع تقشعر له الابدان
____
لو قالا ليك ولدك او بنتك
ردك شنو ؟؟؟؟!!!!
اتمنى الا يقف حمار الشيخ فى شنو ديك ما عارف
| |
|
|
|
|
|
|
|
|
|
Re: ظرفاء المنبر (Re: عبدالحفيظ ابوسن)
|
| Quote: كان اخير ليك تستمر في نفس مشوارك بتاع الابتدائية الكنت قاعد فيه في الصف الاول |
دخلت ولدي في كورس صيفي عاملينو الاساتذة الدرسوني زمان ذاتم .. مرة مشيت ليه في المدرسة سألته من استاذ الحاج عشان اسلم عليه قام اتبسم كدة وقال لي قبل شوية جلدني :)
في كلامنا جاء استاذ الحاج وسلم علي سلام حار شديد وقال لي شاكلت ولدك جنس شكل قلت ليه زمان لما نجي نجلد الفصل كلو اول حاجة بنطلع ابوك برة حتى نبدأ الجلد هسة لما نلقى الفصل فيه ازعاج بنجلدك اول حتى نشوف المزعج معاك منو :)
بصراحة اتكيفت كيف ما طبيعي :) بعد طلعنا قلت ليه بتخاف من الجلد؟ قال لي لأ قلت ليه عيش حياتك زي وفرفش زي ما عاوز أكل الجلدة وفرفش تاني :) لو رجع بي الزمن أصلو ما حأكون بالمسكنة ديك
بالنسبة لمثال صاحبتك أنا لاحظت كتير الطبايع بتنقلب .. يعني الفتوة المخوف الحي كلو بعد يكبر ببقى زول مسكين والمولانا من صغير بخربها بعد يكبر .. اتخيل لي المسألة اكتفاء من نمط ومحاولة تجربة انماط تانية على سبيل التنوع
يا أب سن المصطلحات بشرعنها التكرار .. يعني لو ما قعدت في وسط بستخدمها كتير ما بتتصالح معاها .. ودونك كلمة ماسورة والقالوا حمد وغيرها
وحاة الله يا عووضة كنت شيخ يزوروا فوقي عديل بس من عرفت درب النت دي خربت
بمناسب شياطين النت النحكي ليك دي :)
في الحج كنت حريص حرص مبالغة على الانقطاع عن أي شأن دنيوي عشان اسلمو نضيف .. ومشيت كويس لحدي يوم رمي الجمار ماشي على العقبة كدة وشايل الحجار وارفع في الاحرام في الكتف وينملص تاني بس ذكرتني حركة التوب عند النسوان :) .. المهم الشيطان من كل ضلالات الدنيا دي ما جاب لي إلا بوست معاوية المدير عن الحج اتذكرت النكتة الحكاها واحد من رواد البوست عن رمي الجمار قال ما مجانين كيفن! عرايا وبطقعوا بالحجار .. قعدت أضحك والناس بتبكي لحدي ما لعنت معاوية المدير أقصد الشيطان حتى استعدلت
يا جلالدونا بتقدر تناقش التفاصيل التحكيمية لضربة الجزاء بتاعة ريال مدريد مع بنتك ؟
| |
|
|
|
|
|
|
|
|
|
Re: ظرفاء المنبر (Re: عبدالحفيظ ابوسن)
|
هههه انا يا احمد عكسك مع الاختلاف . في المدرسة الطالب المثالي عادي ممكن يعفو المهرجلين لو كنت معاهم اكراما لي تصدق
اما في البيت فلي من الاسماء ما يحيرك . كل زول مسميني اسم
فكنت لامن اشتكي من شيطنة شافع من شفعي . اهلي يقولو لي ولدت ذنوبك وهاك يا حلي لاولادي
هسة اقل نقاش معاهم يقولو لي ما قالوا كنت اكعب مننا زمان خلينا نعيش تجربتنا
آي والله بنفس المنطق دة
| |
|
|
|
|
|
|
|
|
 Re: ظرفاء المنبر (Re: عبدالحفيظ ابوسن)
|
شنو يا حمد ذكرتني نكتة رمضان اللافة اليومين ديل
جزاك الله خير
احكي واتمضمض واستغفر
واحد من اعمامنا في السوق فقران ومفلس بفطر يومي مع احد اعمامنا الاثرياء
مرة الثري قال ليهو
ما تجي احججك؟
قال ليهو لا مالك مال حرام
... طيب ما يومي بتفطر معاي !!
قال ليهو
باكل وبستغفر
| |
|
|
|
|
|
|
|
|
|
Re: ظرفاء المنبر (Re: عبدالحفيظ ابوسن)
|
يا أحمد شكلك قريت في السعودية عشان كدة كنت بتجي الأول ياخ في السودان إسمها رمي الجمرات الجمار ده برموه ناس عمك عووضة في الخلا (يا ود البشرى عارفها برضو صاح ما تشب لي في حلقي )
| |
|
|
|
|
|
|
|
|
|
Re: ظرفاء المنبر (Re: أحمد محمد عمر)
|
كان عندنا واحد حالي صامولة شوية (الله يرحمو)
كان كل ما يشوف ليهو كوم نسوان يقول بأعلى صوتو
فحشر فنادى
هسه دي فيها إيحاء ولا ما فيها
دي ما النكتة الوعدتكم بيها
| |
|
|
|
|
|
|
|
|
|
Re: ظرفاء المنبر (Re: Osman Awoda)
|
راجينك ياحمد
ولا لسة ما صليتو 😷😷😷
غايتو العوين ما بعرفن
لكن الثقافة الذكورية الشعبية ( رغم انف محمد الامين 😂😂😂) لو دايرة تمرق ايحاء بتمرقو
| |
|
|
|
|
|
|
|
|
|
Re: ظرفاء المنبر (Re: عبدالحفيظ ابوسن)
|
مافي حيل للغلاط لذا ساختصر
أولا شكرا احمد على التذكير بالرابط و النقاش الدار قبل خمس سنوات
اللغة متحركة وليست ثابت أو جماد
ممكن نفس الحروف أو الكلامت تعني - اصطلاحا - معنى مختلف تماما عن الآخر عند كل جماعة أو شلّة معينة وهذ امر غير اختلاف الثقافة عادي في نفس اصحاب الثقافة الواحدة تلقى الاصطلاح مختلف
الشي التاني السياق هو البحكم دائما
الشي التالت الجنس ليس بالشيئ الساهل أو الهامل ليتم ادخاله في اي شي أوفي سياقات مستحيل ان يكون له علاقة بها
أخيرا .. من يتداعى لخياله أمر الجنس عند سماعه أو قراءته للفظ ما في سياق لا علاقة له بالجنس تبقى المشكلة عنده وعليه العمل عليها
وزوووط دي ما بنخلّيها أكان نطّطتو
وزي ما قال الخنجر عجبك عجبك ما عجبك افتح بلاغ في الشرطة :)
_______________________________
أبو حسين بجيك اصبر لي مشغول شوية
| |
|
|
|
|
|
|
|
|
Re: ظرفاء المنبر (Re: محمد البشرى الخضر)
|
أخيرا .. من يتداعى لخياله أمر الجنس عند سماعه أو قراءته للفظ ما في سياق لا علاقة له بالجنس تبقى المشكلة عنده وعليه العمل عليها
تعبيرك دة ما صحيح يا ودو
نحن ما نتداعي لينا الجنس حين سماع الكلمة في سياقها اللاجنسي ولم نحاكمها اخلاقيا .. وبرضو عارفين انها كلمة جنسية شعبية .
الجنس ما حاجة ساهلة
تعبيرك دة ما فهمتو بالجد
كيف يعني ؟
| |
|
|
|
|
|
|
|
|
|
Re: ظرفاء المنبر (Re: عبدالحفيظ ابوسن)
|
| Quote: نحن ما نتداعي لينا الجنس حين سماع الكلمة في سياقها اللاجنسي ولم نحاكمها اخلاقيا .. وبرضو عارفين انها كلمة جنسية شعبية . |
إذن يا قريبك انت ما معني بيها😁
| |
|
|
|
|
|
|
|
|
|
Re: ظرفاء المنبر (Re: محمد البشرى الخضر)
|
غايتو يا أب سن على مسئوليتك
قال اتنين راخيين جو ماشين في ناس قدامهم جنازة ما بعرفوا صلاة الجنازة شالوا الفاتحة
ناس الجنازة سألوهم لو واحد فيهم بعرف الصلاة واحد فيهم قال ليهم بالحيل بعرفها
وقفوا يصلو واحد امام والتاني كان واقف وراه - كبر قرأ الفاتحة وركع وهو راكع التاني اداه ضربة وقال ليهو دي وقافي يا ------
| |
|
|
|
|
|
|
| |
ABUHUSSEIN
جمال ود القوز
عبدالحفيظ ابوسن
osama elkhawad
Osman Awoda
جلالدونا
حمد عبد الغفار عمر
معاوية الزبير
محمد البشرى الخضر
فيس بوك
تويتر
انستقرام
يوتيوب
بنتيريست