مفروض يكون في برنامج💻💻 اسمه طرمبات طرمبات⛽⛽ على وزن افراح افراح و يكون كالاتي: اول ما يطلع الزول من الطرمبة🚙 يتلاقاهو المذيع🎤 المذيع 🎤👨: نبارك لاخونا صاحب العربية و نقول ليه الف الف مبروك البنزين. صاحب العربية 👨🚙: الله يبارك فيك مقدرين جيتكم و شكرا كتير. المذيع🎤👨: احساسك شنو اللحظة دي و انت عندك بنزين؟ صاحب العربية👨🚙 : و الله احساس😍😍 لا يوصف يعني الزول كان مستني اللحظة دي بعد صبر و الحمد لله ربنا ادانا الفي مرادنا (نظرة للعربية بطريقة زي المجكسة) المذيع👨🎤: تقول شنو للناس الوقفت معاك و كانت خلفك و امامك في الصف؟ صاحب العربية👨🚙: و الله احب اشكرهم و اقول لهم كتر خيركم . شكرا لزميلنا الفي الصف🚗🚕🚕 الجاب لينا المصلاية و صلينا فيها. الفجر 🌑و الظهر 🌕و العصر 🌗و المغرب 🌒و ان شاء الله نصلي معاهم العشاء🌛 بعد ما مرقنا. و نشكر اخونا صاحب العربية السوداء جاب لينا. سيرمس الشاي . و كمان مولانا 👳👳المعانا في الصف ادانا محاضرة في الصبر من العصر لحدي المغرب . وربنا يديم المحبة و التواصل و هسع الحمد لله عملنا قروب واتس اب 📲📲 المذيع👨🎤: نتوجه لاصحاب العريس قصدنا صاحب العربية العنده بنزين . صاحب صاحب العربية 🚗🚙🚗🚙: و الله نبارك ليه البنزين و نقول ليه مبروك و تغلبها بالبنزين و تغلبك بالمشاوير. 😅😅😅😅😅😅😅😅😅
04-08-2018, 10:53 AM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48787
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة