|
|
|
 Re: الميرى (Re: عبدالحفيظ ابوسن)
|
قانون مكتب العمل بلزم اي مخدم بدفع راتب شهر عن كل سنة قضاها العامل مع مخدمه . وتحسب وفقا لآخر مرتب
وبلزم صاحب العمل بدفع راتب سبعة شهور للفصل التعسفي اضافة للراتب الشهر
فترة التثبيت ستة شهور
| |
 
|
|
|
|
|
|
|
|
Re: الميرى (Re: عبدالحفيظ ابوسن)
|
طيب دة كلام كويس
قانون مكتب العمل المعتمد في المحاكم السودانية
ويستطيع إلزام صاحب العمل بدفع المبلغ المقرر او الوصول لإتفاق خارج المحكمة بين العامل وصاحب العمل
| |
|
|
|
|
|
|
|
|
|
Re: الميرى (Re: عبدالحفيظ ابوسن)
|
يعني الوظيفة الحكومية (الميرى) ضمان و الضمان من الله
الناس بتتمسك بيها رغم راتبها الضئيل لأنو فيها معاش . نهاية خدمتك بتاخد معاش يساعدك في شيخوختك
ومش كدة وبس في صندوق معاشات . يساعدك في الحصول علي معاشك
لذا كانت مرغوبة ولازالت . حتي وصل الامر الزول يدفع عشان يستوظف . يدفع مبلغ كبير عشان يتحصل علي وظيفة دايمة في الحكومة . واظنني ذكرت ذلك هنا سابقا في البورد قبل سنوات
| |
|
|
|
|
|
|
|
|
|
Re: الميرى (Re: عبدالحفيظ ابوسن)
|
قانون مكتب العمل عملتو الحكومة لمصلحة المواطن العامل
ف شنو
مفروض هي اقصد الحكومة تكون احرص مخدم علي مصلحة المواطن العامل
ما معقول تعمل قانون لحمايته قناعة بفكرة او فلسفة حق العامل وتقوم هي زاتها ما تلتزم او تتحايل عليهو ؟
| |
|
|
|
|
|
|
|
|
|
Re: الميرى (Re: عبدالحفيظ ابوسن)
|
موضوع الستة شهور دي بقا مشكلة وليها حل
عمالة مؤقتة . وبالذات للعمال الصغار
يشغلوهو ستة شهور الا يوم ويفصلو
وبعد كم يوم يقدم للوظيفة ويشتغل ستة شهور الا يوم وهكذا
في ناس شغالين سنوات عمال وموظفين مؤقتين وفي الحكومة كمان
| |
|
|
|
|
|
|
|
|
|
Re: الميرى (Re: عبدالحفيظ ابوسن)
|
ميري شنو ومعاش شنو يا عبدالحفيظ يا أخوي ..
الكلام ده انتهى من 30 سنة ...
المعاش الذي يمكن الإعتماد عليه للمحافظة على ادامية المعاشي وتعويض لشقاء السنين وزهرة الشباب التي افناها لا يوجد في السودان
معاش لا يساوي مصاريف يوم في هذا العهد التعيس .. ولا تكفي علاج ملاريا ..
وهم في أمس الحاجة لمن ياخذ بيدهم ...
والله الا معاشا لناس تانيين زز غير غالبية الموظفين العادين ..
| |
|
|
|
|
|
|
|
|
|
Re: الميرى (Re: Dr. Ahmed Amin)
|
آي صحي يا احمد المعاش ضئيل لكن برضو الناس ساكة الوظيفة .. عارف ليه لأنو اصلا مافي وظايف الكحة ولا صمة الخشم
غير كدة الوظيفة زاتا الموظف ما ببقا عليها بشوف ليهو شغلة اضافية .
الوظايف المؤقتة بقت منتشرة جدا جدا وهي الاساس
غير كدة الحكومة ابتدعت طريقة جشعة في التحايل
يحسب المعاش من المرتب الاساسي . والمرتبات ضعيفة جدا . فأبتدعوا الامتيازات والحوافز والمنح . المرتب الاساسي ممكن يكون ألف ج لموظف في درجة متقدمة ويصرف ماهية تساوي اضعاف مضاعفة من مرتبة
المرتب الاساسي زايد طبيعة العمل زايد البدلات زايد الحوافز زايد المنحة !!! زايد زايد
| |
|
|
|
|
|
|
|
|
|
Re: الميرى (Re: عبدالحفيظ ابوسن)
|
سلامات يا ود اب سن
في حاجات كدا الواحد ما بنتبه ليها في حينها أو بنظر فيها نظرة مختلفة حتى تتغير الظروف فيراجع موقفه
اول شغل لي كان في شركة خاصة و عشان قوانين العمل كانوا لحؤا لنفس الفهم دا مع العمال المؤقتين يتم تعيينهم لمدة تلاتة اشهر إلّا يوم او اتنين ويفصلوا لأسبوع اقل شي ثم يعيّنوا مرّة أخرى
وكان يشرف على المتابعة جماعة الموارد البشرية و الاختيار للتعيين كان افراد الأمن في الباب هم البتحكّموا فيه باعتبار تجمهر العمالة خارج المصنع
المهم احنا كمهندسين بقينا نعاني من تغيير الوجوه بعد يكون العامل تدرّب وعرف طبيعة الشغل تتفاجأ بوجه جديد, دقّينا جرس فقرّرت الإدارة ان نتولّى الموضوع مع تنويرنا بالقوانين و انهم لو لم يتم استبدالهم سيثبتوا تلقائيا ممّا يعني زيادة الاعباء المالية و استحقاقاتهم من تأمين صحي ومعاش و ساعات عمل اضافية
وأن المصنع ليس منظمة خيرية بل جهة ربحية و ان اي اعباء اضافية نتسبب فيها ستحيب على ميزانية الـ cost center المعني
طبعا بعد أوّل دورة ومع النظرة الانسانية والعلاقة النشات عمدنا لتمرير الفترة لعدد منهم, المدير كان متابع و رغم تحذيرات الموارد البشرية كان يكتفي بالصمت و المتابعة, جات نهاية السنة و ظهرت الفوارق في الميزانيات و الخسائر
جمعنا و كان واضح لتزييط الموازنة على كل قسم تخفيض نسبة من الموظفين, واضاف لو كان المخفض من العمالة التي تعمّدنا تثبيتها ستخصم الست شهور الاساسي المستحق للعامل من راتب المسؤول عن تعيينه- طبعا الكلام ما قانوني لكن منطقي فا قبلنا حينها وما اشتكينا و اضطررنا لفصل العمال الثبتناهم, بداية السنة الجديدة كل الأقسام طالبت بأن تعود مسالة العمالة للموارد البشرية و الأمن !
نفوسنا امتلأت بالسخط حينها على عدم الانسانية, لكن الآن وبعد جينا الخليج و شفنا الدنيا ماشة كيف اتفهّم منطق الادارة حينها
لكن هذا منطق قطاع خاص مسؤوليته نحو المجتمع مهما قيل عنها ففي النهاية محدودة وليست كمسؤولية الحكومة و التي من احد واجباتها توفير الوظيفة و الحياة الكريمة لشعبها
لذا ليس هناك منطق لتعاملها كالقطاع الخاص
وللأسف من يتشاطر و يدعي توفير ملاليم للحكومة بفصله للعمالة المؤقتة تلقاه يهدر الملايين في امور فارغة وامتيازات لمسؤولين لا يحتاجونها أو ليس بقدر حوجة العامل المؤقت للملايين.
نفس المنطق في الامارات مثلا بالنسبة للمواطن المسؤولة الحكومة عن توفير الوظيفة له فعدا عن تمييزه في الراتب و كدذا لا يمكن فصل مواطم من حكومة او قطاع خاص ساي كداحتى المهمل يعطى الفرصة تلو الفرصة وفي النهاية يرفع امره لمكتب الشيخ و غالبا يتم نقله لمؤسسة أخرى لن الفكرة ليست ربح او خسارة بل نوع من العدالة الاجتماعية
| |
|
|
|
|
|
|
|
|
Re: الميرى (Re: محمد البشرى الخضر)
|
تشكر ودو للمداخلة الجيدة
واضيف الحكومة زاتها مفروض تكون مسؤولة من حفظ حقوق المواطنين في المؤسسات الخاصة
دة دور أي حكومة
قريت قبل فترة انو فرنسا قررت رفع سن التقاعد وحصلت مظاهرات . وهنا الناس بتعمل شهادة تسنين عشان تقعد كم سنة في الشغل
ليه ؟
المعاش برة مجزي وهنا مافايت انبوبة غاز وكهربا
عشان كدة بعد المعاش في التعاقد الشخصي والمشاهرة
وفي هذا دعوة للفساد . الموظف يكون نفسو بأي شكل !!
| |
|
|
|
|
|
|
|
|
|
Re: الميرى (Re: عبدالحفيظ ابوسن)
|
| Quote: ما معقول تعمل قانون لحمايته قناعة بفكرة او فلسفة حق العامل وتقوم هي زاتها ما تلتزم او تتحايل عليهو ؟ |
يا حليلك ....
القانون صاح عملتو الحكومة .... لكن ياتو حكومة (سنة كم)؟
القانون إتعمل لما كانت في حكومة وفي بلد ...
هسي ... طلقيتا ساكت.
| |
|
|
|
|
|
|
| |
عبدالحفيظ ابوسن
محمد البشرى الخضر
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست