دي قصة عجيبة !! .. في الهيصة دي كلها انا دوما كنت .. أبحث عن أين العربة الهايس ؟ .. لانها هي سبب المصيبة دي .. في حتات فطيتا ما قدرت كملت فيها قراية .. ربما كان فيها اجابة؟ .. المهم : العاقل لايجعل بيته مقابل لأي عمل تجاري .. رهنا او بيعا أو أي صورة يخش فيها البيت .. إن شاء الله سيد البيت ما يلاقى ياكل .. ربنا بيغير الحال طال الزمن أوقصر .. الاستعجال وتصور ان البنوك فيها الحل .. ده تفكير قاصر وعجول ومتهور .. تمش تجيب بي يدك طرف ينازعك في بيتك .. ويمرقك منو بي حكم قضائي .. لا حول ولاقوة الا بالله .. تحضرتي واقعة جار لنا قبل كم سنة .. اوضاعه المادية تدهورت خالص .. السماسرة بدوا يرازوهو لانه بيته مابيتفوت .. وعندهم مشتري جاهز وعايزين يتعشوا منه .. قابلته سالته قلت ليهو ياعمنا .. شايف السماسرة فاكين اشاعة قالوا داير تبيع .. قال لي عارفهم ديل حرامية ساي .. والله انا ووليداتي كان ناكل النجيلة دي .. وأشر بيده على نجيلة في البيت .. مع إنهم قررربوا يجيبوا راسه .. لكن الله الهمه الثبات ولقى النصح .. بعد 5 سنة معاناة اشتغل ليهو ولد وبنت .. كفوه شر الحوجة ويقى البيت كما هو .. يسكنه اهله وذووه الاستعجال مصيبة .. ربنا يحل قضيته دي ويرأف بحاله ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جمال ود القوز
فيس بوك
تويتر
انستقرام
يوتيوب
بنتيريست