Quote: فعلى كل ثعبان يحمل سماً على رأسهم الدعي الشقي قباني ان يأوى لجحره طالما الكنزي هنا والا سالقمه حجراً عند رأسه يذهب بسمومه عنا فمتوا ايتها الثعابين السامة بغيظكم وسمومكم وولوا مدبرين خيراً لكم فالكنزي لا يخشى احداً غير الله
Quote: جاتني نومة حلمت مباشرة أشوف في عين النائم شجار بين الله والملاك مالك الوكت بقى لي يوم قيامة المكان صحراء فيها صخور ترابية أنا سحلية عيونها كبار ومطلع راسي من حفرة أراقب في الشجار
أها، هو براهو إعترف إنّو سحلية عيونا كباااار .
إنت فهمتني ...
03-12-2018, 09:09 AM
زهير عثمان حمد زهير عثمان حمد
تاريخ التسجيل: 08-07-2006
مجموع المشاركات: 8273
لا و كمان لما الجلم جاب ليهو جيب الجيب داك بتاع الديش الالمانى السحلية جرت و اندست جوه جحر و جحرت معاها ضب بعد ما اندست استدركت شيل حالا الراجيها بى انفرادا بالضب بدون قسيمة قامت سوتو قيامة هو فى موت يوم القيامة جنس جهجهه هى انت فهمتنى
03-12-2018, 09:15 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: اذن فقد تم الدق في السودان .. وكان الدق معتبر .. ولذلك كان الكوراك في لندن وكمان باعلا صوت
الغريب شنو يعني !، في حاجات كتيرة في السودان بيدقوها علي سبيل المثال، الويكة بيدقوها، والريحة بيدقوها، والدلوكة بيدقوها، والحلاوة شوف عيني دِي بيدقوها، أهلنا الكُبار الفقدو سِنُوُنُن وكِت يشتهو حلاوة المولد بيدقوها في الفُندُك ؤ يسفوها، أها عشان تصدقوني إنو الحلاوة بيدقوها، لكن الشي الغريب البِنيّة الجديدة الجماعة كتلوها بريحة أباطاتُن،
إنت فهمتني ...
03-12-2018, 09:18 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: الكنزي لو تريد ان تعلم قارئ نهم املك مكتبه من ٦٠٠٠ كتاب ستة ألف كتاب من ثلاث لغات والرابعة قليل من الكتب وقد جلبتها من جنيف ووصلت وهي الان على الارفف في منزلي في مكان متسع خصص لها
زي ما قال المثل، زي البِتاع المعتِل البتاعات فوق ضهرو ؤ بتاعو ما شغال،
إنت فهمتني ...
03-12-2018, 10:13 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: اخ حافظ بشير يا اخوي ما سمعتا بكرامة الكنزي في طرح قباني اقروا انه اقوى بوست مفتول منذ انشاء سودانيزاولاين ولسا ياما كرامات ستأتي بعد حين والكرامة الكبرى هي هدم الرسالة الثانية
إنت فهمتني ...
03-12-2018, 11:05 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: انت يا كنزي ردي علىك فوقو شطّة ولاّ ملحه زايد؟ مالك مطنّشو وانت ما شاء الله البجي بي خشم باب البوست كلّه بتستلمه و تضيفه وتقدّمه وكان واحد عطس ساي قبل يحمد الله بلقاك مادي ليه المنديل تشمّته! أفا يا مجندلهم !! لكن إحسانا للظن بقول ما شفتها, فا شنو: هاكا ليها معادة - بي ضبّانتها
إنت فهمتني ...
03-13-2018, 11:57 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: حاجة خدرا كِدا عندها نكهة ؤ بيضرضِرُوها في الفول،
مصداقا" لكلامك يا ود المدير لما كنت شغال في وكالة ناسا مديرا للمشاريع الصناعية في كوكب زحل الوقت داك الناس مابتعرف زحل ده واقع في ياتو مجموعة شمسية عرض على مدير ناسا الجواز الأمريكي وكان ساكيني سك شديد لكن انا رفضت وقلت ليهو يازول انا جوازي الأخدر الزي الحاجة البضرضروها في الفول دي ما بتخلى عنو لكن لو بتدوني 3 فدان في زحل اعملم مزرعة للمحتاجين تكونوا ما قصرتو معاي :)
إنت فهمتني ؟!
03-15-2018, 12:29 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: شعر الشواهد في اصطلاح الرواة على ضربين: شواهد القرآن، وشواهد النحو؛ أما الأولى فكثيرة، وقد تقدم ما رووه من حفظ ابن الأنباري فيها، ولا يبالي الرواة في هذه الشواهد إلا باللفظ، فيستشهدون بكثير من كلام سفهاء العرب وأجلافهم، ولا يأنفون أن يعدوا من ذلك أشعارهم التي فيها ذكر الخنى والفحش؛ لأنهم يريدون منها الألفاظ وهي حروف طاهرة؛ وقد روى أبو حاتم عن الجرمي أنه أتاه أبو عبيد معمر بن المثنى الراوية بشيء من كتابه في تفسير غريب القرآن الكريم، قال الجرمي: فقلت له: عمن أخذت هذا يا أبا عبيدة، فإن هذا تفسير خلاف تفسير الفقهاء؟ فقال: هذا تفسير الأعراب البوالين على أعقابهم، فإن شئت فخذ وإن شئت فذر!
إنت فهمتني ...
03-15-2018, 01:50 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
سلام معاوية الزبير...اول لك ود خاص لعدة اسباب بس جدنا بعبر عن ذلك بافتعال المناكفات..مهم البوست دا اصلوا مقنطر..وخاصة مستر شامبو...عن سرعة البديهة اول سميها اللداحة...واقف في محل شاورما...واحد بدوي بدون مقدمات قال لي ازيك يا ابراهيم...قلت ليه اهلا يا موسى..حلف يمين الا يذبحني...دحين البوست دا احسن يسحب
يا معاوية 99 دي انا في اوربا. ..الان فهم حلبونا....عشان كدا كنت بتخاشن معاك كتير قايلك عارفني...اقرب ليك اكتر..اسال عبد الدائم رابح محمد علي جمعة وعبد المجيد عيسى..ونزار عثمان...وحسن طبلة...يا اخ جلدونا فاهم
03-21-2018, 07:45 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
فهمتك تماما با نملهواصل و بكل وضوح و فى انتظاركسالتك ليش جايب الاقتباس بتاعي من بوست قباني ليش حاولت تتمسخر...ما تمشي بعيد خلافاتك مع اي شخص اخر وان كان ذو قربى لي لاتعنيني..ما تلدغ وتنزوي وتمثل دور الحمل الوديع...
صباح الخير يا ابو الزمل ياخ الشبكك في المونساتية ديل شنو صاحب البوست من شدة ونسانيتو كايس زول يحفظ ليهو البوست مسخن لغاية ما يرجع امريكا يا النبي نوح! لا حِكَتْ لا بِقَتْ يا قول المرحومة
03-22-2018, 09:12 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: فهمتك تماما با نملهواصل و بكل وضوح و فى انتظاركسالتك ليش جايب الاقتباس بتاعي من بوست قباني ليش حاولت تتمسخر...ما تمشي بعيد خلافاتك مع اي شخص اخر وان كان ذو قربى لي لاتعنيني..ما تلدغ وتنزوي وتمثل دور الحمل الوديع...
وين انت سألتنى عن مداخلتى انت جيت داخل بى الحلاوة الدقوها و شافوها شوف العين و جلدونا و حلبونا و جلدوبا و النون البقت باء و شعللت الحلاوة خليك واضح و صريح و قول الفى نفسك و لو قصرت معاك فى الرد يبقى اللوم راكبنى من الهد ثرو الشلولدرزو لى حد اللقز و لو دايرو بالالمانى ... الدوتشبز لاند ... و بى هدوء برضو معاك --- يا ودّو رغم انى ما عارف استاهل شنو لكن للضمان كدهبقول ليك يستاهلك الخير
: وقال بتعني باللاتينية قمة الابداع الالهي و برضو قال كل زول غيرك نمله امنتوووووووووو بالله اها ده ابداع براهو انت فهمتنى
يا سيد جلادونا...دي مداخلتك في اول البوست ..ودا اثبات ليك ولغيرك انو ما بداء العداء مع شخص الا يتعدى حدود الادب..ربعدها بكمل الادب معاه شوف زي بشرى. كل مشكلتي معاه انو بيدخل في مشكلة بين اتنين ويحاول نصر من تربطه علاقة شخصية ضارب بالمبدأ عرض الحائط... اما السنير معاوية الزبير اخشوشنت معه اكتر من مرة بسبب قال( تعالوا شوفوا اخو المستنير قال شنو)... اقول تاني ما لي دخل في خلافاتك ما يهمني عدم المسخرة ... بمناسبة الاحتلال..اي بوست يفتح ما بدخل في ورثة صاحبه ومرات من الافضل يعمل نائم خاصة اذا البوست هدفه الهمز واللمز
03-23-2018, 04:30 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
يا عمر نمله ياخى انا آسف لو استثقلت مداخلتى و ليك و لى اخوك مساحة من الود و ما عندى مشكله لا معاك و لا مع اخوك ف شنو اعتذر عن المداخله دى و لو طلبت منى تعديلا انا جاهز يا حبيب
03-23-2018, 04:37 AM
عمر نملة عمر نملة
تاريخ التسجيل: 11-08-2009
مجموع المشاركات: 2550
Quote: يا عمر نمله ياخى انا آسف لو استثقلت مداخلتى و ليك و لى اخوك مساحة من الود و ما عندى مشكله لا معاك و لا مع اخوك ف شنو اعتذر عن المداخله دى و لو طلبت منى تعديلا انا جاهز يا حبيب
Quote: شكرا وانا اسف لخشونتي ورد الفعلي الجلف..وتقبل الاسف مفروض يقفل كل باب يرجع لوراء بس ليش مداخلتك دي قلبنها وما قدرت افهم القصد..وخاصة ما متابع المنبر
يمين دموعي جرت ..
يا جماعة انا زول قلبي رهيف ... كده كتير علينا ...
03-23-2018, 04:51 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
سِنيَركُم عديل يا عمر نملة! خلاص خليني أسأل عنك برالمتنا أعضاء المنبر ناس عبد الدايم سيد أحمد وطارق جبريل أنا حدود ذاكرتي الطلابية اتوقفت في الوسطى عموما أعتذر عن أي خشونة معاك رغم أني ما متذكرها
تعرف مرة هاشم الحسن قبل عودته الأخيرة للمنبر قال لي بالتلفون حرفيا: "شايفك تعبان مع بابكر تشيل وتضاير ليهو.. انساهو ياخ خليهو ياكل نارو" أها شقيقك ده أتعبني شديد وخرّب علاقاتي حتى معاك انت
يا قُبة قلت لي قليبك رهيف وما بقدر على الهبباي في عز الصيف إنا لله ياخ من سماعين ود حد الزين
03-23-2018, 05:08 AM
عمر نملة عمر نملة
تاريخ التسجيل: 11-08-2009
مجموع المشاركات: 2550
يا هندسة ما مستاهل المنبر والحياة قصيرة يا سنير اه عب د الدائم النضيف دا انا برلومو.. واقول شي...حاولت التواصل معاك تلاتة مرات في وفاة والدتك عليها الرحمة...وعند الحادث..وفترة تواجدك في ألمانيا وجندت اصاحبي يصلوك..بس زي ما قلت الكلمة ما بتعبر عن كل ما تحب بل بالعكس ممكن تتفهم غلط زي مداخلة جلدونا بان انه مجرد مزاح وانا اختها تصفية حساب لخلافه من بابكر...خلاص باقي صالحوني مع بشرى
03-23-2018, 05:16 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
بشرى دة ودو ؟ اذا كان هو ما بتصالح يدو بتاكلو لو لقا كورة مقنطرة بشوتا بشوتا لو يدخلا في قونو رأي في ودو منذ دخولي المنبر زول موضوعي لكن مرضان بالاثارة
03-23-2018, 07:42 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
Quote: شوف زي بشرى. كل مشكلتي معاه انو بيدخل في مشكلة بين اتنين ويحاول نصر من تربطه علاقة شخصية ضارب بالمبدأ عرض الحائط...
يا سيدي ما مشكلة دا رايك و انطباعك من حقك تاخدو و أنا احترم الحتة دي لو كنت ممن يهموني كنت سعيت لتصحيح الإنطباع بتاعك لكن للأسف لأ, فا شنو.. أخد راحتك في رايك وهذا لن يغمطك حقا لك عندي لكن اعترض على تسمية رأيك بالمشكلة معاي, يا حبة انا ما عندي مشكلة مع أحد, ممكن مشكلة مع سلوك مع اسلوب مع طريقة تناول لكن مشكلة مع فلان كدا بالإسم لا يا خوي ولا الاسافير هي المكان الممكن ندي زول قيمة لدرجة انو يكون عندك مشكلة معاه الانطباعات و الآراء أوكي مقبولة طالما لم تتعدى على حقوق الآخر, انا مثلا رأيي فيك إنّك معقد بالإضافة لتحرجّك من المقارنة الدائمة بينك واخوك و التي نتيجتها ليست في صالحك بالطبع و مستثقل دمّك كمان! عادي طالما هذا الرأي و الاسنثقال ظل في حدود الرأي و استثقال الدم لا أكثر.
دم بخير
03-23-2018, 09:27 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
ودو ممكن تروق شوية اقسم بالله سيد البوست نايم جمبى خلينا نشوف فكرة الاحتلال دى بكرة ان شاء الله ح اقلع السروال و العراقى و اشتريت الفل سوت و فى حفل التكريم ح امسك المايك و وراى الخلفية الما خمج ثم اصدح ب هاتى هاتى يا نخلاتى و هاك يا تصوير و احسن صورة بنزلا صورة بروفايل تقول لى صورة قبانى انت شنو و الحاسبو لعب بنوريهو اللعب _____ عمر نملة شكرا للروح المتسامحة لكن من حقى برضو اسأل
03-23-2018, 10:50 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
مشكلتك يا ابو السيد جيت في نص الفلم وخجلان تسأل عن الفاتك و عايز تبشّر كمان كدي راحع بوست بعنوان "الزول دا معقّد" و بديك فرصة تعدّل المداخلة دي برّاحة بدون لخ, أو لخ على خفيف كدا ما بغلّت عليك
03-23-2018, 11:04 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: ا ابو السيد جيت في نص الفلم وخجلان تسأل عن الفاتك و عايز تبشّر كمان كدي راحع بوست بعنوان "الزول دا معقّد" و بديك فرصة تعدّل المداخلة دي برّاحة بدون لخ, أو لخ على خفيف كدا ما بغلّت عليك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
جلالدونا
زهير عثمان حمد
دفع الله ود الأصيل
MOHAMMED ELSHEIKH
محمد البشرى الخضر
عمر أبوعاقلة
Salah Zubeir
حسن حماد محمد
ناذر محمد الخليفة
Osman Awoda
عبدالعزيز الفاضلابى
عمر نملة
ابو جهينة
معاوية الزبير
عبدالحفيظ ابوسن
يحي قباني
فيس بوك
تويتر
انستقرام
يوتيوب
بنتيريست