|
Re: منشور بنك السودان الخاص بالتمويل العقاري (Re: Al Sunda)
|
Quote: رساله مهمه للمغترب السوداني *حول قرار بنك السودان المركزي بالتمويل العقاري للمغتربين*. البيشوف القرار ده لأول وهله قد يفرح ليهو أو يقول إنو أخيراً طلع قرار يحفظ إمتياز للمغترب مقابل ما قدمه من رسوم باهظه و ضرائب و زكاة و مساهمه و جمارك و غيرو ... لكن بالتمعن في تفاصيل القرار حتلقي *الفخ و المقلب* و الشرك المنصوب ليك ، كيف ؟ * المطلوب انك تدفع *قسط أول 25%* لقيمة العقار ( يعني ربع المبلغ ) كمقدم ...نفرض انك عايز عقار بناء أو شراء بقيمة 2 مليار _ و ده بيت عادي جداً خليك متذكر في الحسابات الجايه تحت . يله ال 2 مليار دي بي سعر سوق العمله اليوم بتساوي 58800 دولار = 250000 ريال ( 250 الف ريال ) . 25% منها قسط أول بتطلع 14700 دولار = 62500 ريال . ده *بي سعر سوق العمله*. * تعال نشوف ال 25% *بسعر بنك السودان* اليوم . الدولار 17000 بتسعيرة البنك الإرتجاليه ( قلع عديل ) و الريال بي 4000 . بالتقريب كده و لتسهيل التضريبات ، نصف سعر السوق بالضبط في كل العملات . يعني انت حتدفع قسط أول 29400 دولار = 125000 ريال .( يله عاين لي تضريبة القسط الأول فوق بسعر السوق ، حتلقاهو نص المبلغ ده .) اذن القروش الحتدفعها كقسط أول دي تطلع بسعر السوق 1 مليار ، يعني نصف قيمة العقار البي 2 مليار ، و البنك حيحسبها ليك ربع قيمة العقار ( 500 مليون _ نص مليار ) .. دي كده اللبعه الأولي من قولة تيت . * طيب ال 125000 ريال و اللي هي تساوي 29400 دولار = واحد مليار ، دي انت اذا دفعتها الان في سوق الاراضي بتشتري قطعه بقيمة مليار جنيه . . النقطه دي خليها في بالك كده بنرجع ليها بعدين . * يله نجي لباقي الأقساط .. المتبقي هو ثلاثه أرباع قيمة العقار ( 75% ) ، طبعا دي بنك السودان عايز يلعب فيها في تغيير السعر علي كيفو و ما بتقدر تحتج لاسباب كتيره منها ، انك دفعت مبلغ كبير و اتورطت ، و الشئ التاني البنك حكومه و بيتك مرهون عندو ، يا تواصل تدفع بمزاج البنك في السعر يا بيتك راح عليك . طيب الاقساط دي نفرض بحسن نيه كده انها حتكون بنفس سعر البنك اليوم 17000 للدولار و 4000 للريال . اذن انت مطالب بسداد المتبقي مليار و نص كأقساط و ده بيطلع ليك 88235 دولار = 375000 ريال !!!!! تعال ضرب المبلغ ده بي سعر السوق للعملات ، بيطلع ليك 3 مليار جنيه سوداني . * يعني انت اشتريت عقار عن طريق بنك السودان قيمته الأساسيه 2 مليار ، و دفعت فيهو لبنك السودان مليار مقدم و 3 مليار اقساط ، يعني اشتريتو بي 4 مليار و اللي هي 500000 ريال ( نصف مليون ريال ) = 117400 دولار ! قمة الإجرام الحكومي !! * نرجع للقطعه الانت اشتريتها قبيل بي مليار بدلا من تدفعها كقسط اول ، و خت عليها ال 3 مليار قيمة باقي الاقساط و قوم أبني بيها ،، حتعمل ليك عماره 3 طوابق مكمّله .. و تفرشها ليك و تشغل شاشاتك كمان و ريموتك في يدك و راقد قفا . بدلاً من انو سماسرة الكيزان يكونوا ركبوك ماسوره في بيت عادي جداً قيمتو 2 مليار و دفعوك فيهو 4 مليار تمن بيت طوابق . و تقعد انت تندم و تتحسر .. و هم يقولوا ليك هي لله تعال صوت للشجره تم الناقصه * التضريبات دي خاليه من باقي السرقات _ رسوم حكوميه _ ضرائب _ فرق أسعار عمله _ سمسره _ و كل باقي الإستهبال الكيزاني . *أوعك تدقس يا مغترب*
|
|
|
|
|
|
|
|
العنوان |
الكاتب |
Date |
منشور بنك السودان الخاص بالتمويل العقاري للمغتربين (صورة المنشور) | محمد جبره | 03-12-18, 01:37 AM |
Re: التمويل العقاري للمغتربين (صورة المنشور) | محمد جبره | 03-12-18, 01:45 AM |
Re: التمويل العقاري للمغتربين (صورة المنشور) | Mohd Ibrahim | 03-12-18, 05:01 AM |
Re: منشور بنك السودان الخاص بالتمويل العقاري | محمد الأمين موسى | 03-12-18, 05:09 AM |
Re: منشور بنك السودان الخاص بالتمويل العقاري | الطيب عباس | 03-12-18, 05:12 AM |
Re: منشور بنك السودان الخاص بالتمويل العقاري | Abdullah Idrees | 03-12-18, 06:39 AM |
Re: منشور بنك السودان الخاص بالتمويل العقاري | نصر الدين عثمان | 03-12-18, 07:35 AM |
Re: منشور بنك السودان الخاص بالتمويل العقاري | هشام المجمر | 03-12-18, 08:32 AM |
Re: منشور بنك السودان الخاص بالتمويل العقاري | أحمد الشايقي | 03-12-18, 10:52 AM |
Re: منشور بنك السودان الخاص بالتمويل العقاري | aosman | 03-12-18, 12:00 PM |
Re: منشور بنك السودان الخاص بالتمويل العقاري | aosman | 03-12-18, 12:06 PM |
Re: منشور بنك السودان الخاص بالتمويل العقاري | Nasser Amin | 03-12-18, 01:26 PM |
Re: منشور بنك السودان الخاص بالتمويل العقاري | محمد جبره | 03-14-18, 00:50 AM |
Re: منشور بنك السودان الخاص بالتمويل العقاري | محمد جبره | 03-14-18, 00:57 AM |
Re: منشور بنك السودان الخاص بالتمويل العقاري | محمد البشرى الخضر | 03-14-18, 07:05 AM |
Re: منشور بنك السودان الخاص بالتمويل العقاري | Al Sunda | 03-14-18, 07:42 AM |
Re: منشور بنك السودان الخاص بالتمويل العقاري | Al Sunda | 03-14-18, 07:52 AM |
Re: منشور بنك السودان الخاص بالتمويل العقاري | Nasser Amin | 03-14-18, 08:11 AM |
Re: منشور بنك السودان الخاص بالتمويل العقاري | عمر سعيد علي | 03-14-18, 08:38 AM |
Re: منشور بنك السودان الخاص بالتمويل العقاري | Abdullah Idrees | 03-14-18, 08:54 AM |
|
|
|