|
Re: يا أرحم الراحمين ..... (Re: محمد البشرى الخضر)
|
مولانا احمد الشايقي ... نسأل الله عز وجل يبلغنا المراد وهو القادر ... شكرا" لمرورك يا السعدابي عز الفحلاب ... ود البشري ياخي كيفنك ... اضحكني ود المشرف في وصفه لبوستاتك وهو ينقل احداث المنبر للعائد من الحردا جلال. من منزلي يمكن ان تري الميدان بالجريف شرق الذي من المفترض قيام مظاهرات الاتحاديين المتجه الي ساحة القصر ... واشيل واعاين في الميدان من الساعه 2 لين الساعه 4 ... ما شفتا غير دفارات الشرطه وبكاسي الامن .... خالي اتحادي جناح الحزب الشيوعي جاني داخل أربعه ونص جيعان وعطشان ومنطط عيونو قال لي جينا من الكدرو ونزلنا جنب مستشفي شرق النيل ناداني واحد صاحبي شغال فيها وبعرفني كويس قال لي إن بقيت زول مظاهره اتخارج سريع علي أهلك عندنا حالة طوارىء من الصباح وادونا فكرة إنو اليوم حا يكون في موت شديد ومع ال7 إسعافات بتاعت المستشفي تم جلب 10 اسعافات بي طواقمها من عدة مستشفيات وتم انتداب العديد من الدكاتره والممرضين ايضا" ... قال لي الكيزان ديل بي صحهم دايرين يعدمو البلد نفاخ النار ويقعدو في تلة خرابا ... قتا ليهو ياهو دا الفهم ... كلبا" لقالو عضم مليان هبر لحم قعد ياكل فيهو واي واحد يقرب منو ينجر فيهو ومستعد يقتل اخوهو عشان الغنيمه .... بعدين يا اخونا مظاهرات تتبناها احزاب المعارضه الفطيس دي مؤكد ما حا تكون منتجه .... الشعب السوداني بيعرف براهو متين يثور ويقلبا علي الشيطان الرجيم زاتو بس خايف من سيناريو اكتوبر وأبريل ...
|
|
|
|
|
|
|
العنوان |
الكاتب |
Date |
يا أرحم الراحمين ..... | Salah Zubeir | 02-24-18, 09:27 AM |
Re: يا أرحم الراحمين ..... | ABUHUSSEIN | 02-24-18, 09:41 AM |
Re: يا أرحم الراحمين ..... | قسم الفضيل مضوي محمد | 02-24-18, 10:38 AM |
Re: يا أرحم الراحمين ..... | الصادق عبدالله الحسن | 02-24-18, 11:53 AM |
Re: يا أرحم الراحمين ..... | معاوية المدير | 02-24-18, 12:04 PM |
Re: يا أرحم الراحمين ..... | Salah Zubeir | 02-24-18, 12:38 PM |
Re: يا أرحم الراحمين ..... | زهير عثمان حمد | 02-24-18, 12:44 PM |
Re: يا أرحم الراحمين ..... | Salah Zubeir | 02-24-18, 05:55 PM |
Re: يا أرحم الراحمين ..... | أحمد الشايقي | 02-24-18, 10:14 PM |
Re: يا أرحم الراحمين ..... | محمد البشرى الخضر | 02-25-18, 05:13 AM |
Re: يا أرحم الراحمين ..... | Salah Zubeir | 02-25-18, 02:38 PM |
Re: يا أرحم الراحمين ..... | عزالدين عباس الفحل | 02-25-18, 05:16 AM |
|
|
|