|
Re: الخطوات العملية لمشروع السودان200 ونظرة شا (Re: محمد جمال الدين)
|
عارف الناس لا بتقدر تعلق ولا بتقدر حتى تعمل لايك لانو لما الزول يصل للنهاية دا لو اصلا في زول صبر بتكون جاتو فلايت :) كلام كتير لكنه شرح ضروري في تقديري لمشروع يبدو صعب وربما طموح اكثر من اللازم!.. "بوست من الفيسبوك".. طابت أيامكم صحاب سودانيز
بس لو في زول مقتنع اتمنى أن لا يتردد او يتاخر في تسجيل إسمه.. تحرك عمليا!.
| |
|
|
|
|
|
|
Re: الخطوات العملية لمشروع السودان200 ونظرة شا (Re: محمد جمال الدين)
|
مشروع السودان200.. قلة قليلة منا ولكن صبورة هي التي ستنجز المشروع!
اتصور أن النشاط العملي اي الهدف من قروبات مشروع السودان200 في الفيس والواتساب واينما كان ليس النقاش من اجل النقاش.. ولكن كلنا امل في العمل الدؤوب والصبور من اجل إنجاز مشروع السودان200 بواسطة الناس المقتنعة بجدواه بلا تردد وقادرة على تحمل اعباء العمل على تحقيق حلم مشترك فيه فائدة لنا اجمعين بلا فرز وفق اهدافنا المعلنة.. ولكن لكل عمل مهما ظهر خيرا قد يكون عنده عقبات وعنده حظ من عداوة البعض تلك اظن من بديهيات الحياة.. ليس بعد لحسن الحظ! .. عليه لنعمل وفق القناعة بلا انتظار او اعذار او اعطاء مساحة لسماع اصوات جبلت لتكون في الضد من كل شي بغض النظر عن معناه ذلك مبرر بظروف الصراع الراهن في السودان الراهن .. لحسن الحظ حتى الان كل شي يجري على ما يرام في الصورة المرئية.. فقط علينا ان نحتاط للمستقبل على امل ان نستطيع تجاوز كل العقبات المحتملة في سبيل إنجاز مشروع السودان200.. بالإصرار والمثابرة التي لا تعرف الملل ننجح!. هذا المشروع ليس صفويا بل حقنا كلنا. . نستطيع إنجازه بلغتنا البسيطة المشتركة وفهمنا الكبير المشترك!
| |
|
|
|
|
|
|
Re: الخطوات العملية لمشروع السودان200 ونظرة شا (Re: محمد جمال الدين)
|
و هذه هي مبادئنا "وهي أهم شيء": مبادئنا في السودان200: الاحترام المشترك، لا تمييز على اي اساس كان، لا عنصرية او جهوية، لا إقصاء لا احتكار.. مشروعنا مدني شعبي لا سياسي لا أيديولوجي غير حزبي غير حكومي.. نعمل بجد وصبر ومثابرة في روح الفريق.. وبكل الممكن من الصراحة والشفافية.. ولا تكليف فوق طاقة إي منا، ولا مهمة من المفترض تتعارض مع عمل او حياة العاملين الخاصة .. أنت تعمل بقدر ما تستطيع افضل ما يكون وبقدر إيمانك كفرد حر وصاحب حلم مشترك.. والأهم المقدرة على المبادرة والصبر والمثابرة.. وعدم الانتظار تحديدا عدم انتظار الجماعة او الاخرين انت تعمل ولو جميع الناس تراجعت .. انت تعمل كفرد حر وظف نفسه بنفسه في خدمة هدف نبيل.. هذا المشروع عاطفة ووجدان مثلما هو عقل وخطة مرسومة.. تلك هي المبادىء!.
| |
|
|
|
|
|
|
Re: الخطوات العملية لمشروع السودان200 ونظرة شا (Re: محمد جمال الدين)
|
السودان200: التسجيلات الصوتية في صيغة كتابية.. وتهدف إلى شرح فكرة السودان200 بطريقة إضافية وهي عفوية وإرتجالية قصد بها مشاركة الفكرة بطريقة أكثر تفصيلية وداعمة للوثائق المكتوبة في البدء .. وأعتقد أن من يطلع عليها بروية سيأخذ فكرة أدق وأشمل عن مشروعنا لأنها عمدت للإجابة على الاسئلة الجديدة التي واجهتنا أثناء المسير في طريق إنجاز المشروع.. أدناه تسجيلان والبقية تأتي لاحقاً بالتتابع في بوستات أخرى خاصة.
وارجو من كل المهتمين وناس ادارة المشروع بالذات والمكاتب الخارجية الوقوف على هذا المكتوب كما التسجيلات الأخرى التي تحولت بدورها إلى صيغة كتابية وسننشرها تباعا. "1"
مشروع السودان 200، مشروع توثیق السودان في 200 سنة، كتابة وتوثیق السودان المعاصر 1821-2021
في خلال ثلاث سنوات من الآن، أي في سنة 2021 سیصبح عمر السودان المعاصر 200 سنة . نحن نسعى بحزم إلى إنجاز المشروع في هذا المدى الزمني لنقدمه هدیة للسودان في عید میلاده ال200 وهدیة لشعبنا وهدية للأجیال المقبلة.
السودان 200 هو مشروع الوعي العلمي بالذات الجماعیة لشعبنا والبیئة المحیطة الخاصة بنا، نتعرف علینا ونعرف العالم .بنا، نسجل وننقل مساهمة حضاریة تضاف للتجربة البشریة . كلنا نستطیع أن نعمل في المشروع ؛جمیع الأیادي الخیرة والعقول المخلصة عندها فرصة مؤكدة للتعاون والعمل. السودان 200 حركة أمل وعمل ومحفل للتلاقي الموجب، مشروع مرسوم لیناسب الجمیع ومصمم ضد الخسارة وضد الفرز وضد الإقصاء وضد الاحتكار. السودان 200، سمفونیة للأمل في مستقبل وطني واجتماعي أفضل، سمفونیة نستطیع أن نعزفها معا محتفلین بشعورنا .المشترك وحلمنا المشترك وعملنا المشترك السودان 200 مشروع سوداني وطني مدني طوعي غیر رسمي غیر حكومي غیر حزبي غیر سیاسي غیر أیدولوجي، .یتأسس وینفذ تضامنیا عبر جهود ذاتیة سودانیة مخلصة ...وهذا نداء لتضافر الجهود المخلصة
"2"
مشروع السودان 200/ تسجیل صوتي
أتوقع انو یكون دا تسجیل هام من وجهة نظري لاني ح أحاول أعمل رؤیا شاملة بشكل أفضل من التسجیلات الماضیة وهي تسجیلات مهمة برضو ولكن هذا التسجیل بتمنى من زملائي و أصدقائي أن یسمعوهو للنهایة لأنو بیدي فكرة أفضل وبخلینا متابعین بشكل لصیق أفضل. ویجاوب على أسئلة كتیرة جدیدة سمعتها.
في البدایة ح أعید نفس الحاجات البنقولها دائما لأنو دایما في ناس بیجو جدیدین بمر علیهم التسجیل مهم جدا الناس تعرف الأساسیات دائما. ومن أهم هذه الاساسیات هي الإجابة على السؤال: شنو یعني 200 ؟ ضروري جذا أنو دائما نوضح للناس شنو یعني 200. بمشروع السودان 200 نعني السودان المعاصر، السودان الحدیث، الذي نشأ حسب وجهة النظر الأكادیمیة العامة سنة 1821 . وبعد 3 سنوات، في سنة 2021 ح یبقى عمر السودان 200 سنة، ح یكون تاریخ میلاد السودان ال 200 .
نحنا دایرین یوم عید میلاد السودان 200 نقدم لیهو المشروع دا هدیة للسودان، وهدیة لشعبنا، وهدیة للأجیال المقبلة. طبعا كان في سودانات عدیدة في الماضي قبل العام 1821، كان في سودانات أكبر مساحة أو أصغر مساحة حسب اللحظة التاریخیة المحددة لكن السودان المعاصر الذي نعیشه والذي انفصل سنة 2011 بسبب أن الناس في العهد المستقل ما لقت طریقة إنها تعمل عیش سلمي مشترك ومصلحة مشتركة، هذا السودان تأسس سنة 1821 عبر العسف المادي. نحن نأمل دائما أنو نقعد فیهو ونوحدو ونعمل دولة وطنیة حدیثة تسعنا جمیعا، ونعمل مجتمع مسالم ومنسجم مع ذاته ونعمل عیش سلمي مشترك عبر الوعي بالذات ويعني عملياً الإحاطة بالمصلحة المشتركة والتحديات المشتركة والمصير المشترك وشنو البجمعنا وشنو البفرقنا. وهذا من أهداف المشروع دا. دا من أهداف مشروع السودان 200. بهذا حاولت أشرح لماذا سمیناه مشروع السودان 200 وهو عبارة عن كتایة وتوثیق للحاضر للراهن، وكتابة وتوثیق للناقص من التاریخ ، وإعادة قراءة التاریخ بطریقة احترافیة و أیضا هناك جوانب كتیرة لإكمال الناقص من صورة السودان بقدر الإمكان في الواقع والأذهان.
عمل سنعمله نحن ، عمل شعبي مدني عمل حر عمل مستقل عمل غیر سیاسي غیر أیدیولجي مفتوح للجمیع ما فیهو إقصاء ولا فیهو تمییز على أي أساس كان وفي نفس اللحظة إنو الناس لا تمیز داخله إلا بجهدها والعمل الذي تعمله وإیمانها بالمشروع.
قلنا أنوهناك جوانب عملیة عدیدة غیر الكتابة والتوثیق، نحنا ح نعمل أشیاء عملیة في الواقع عدیدة. ضربت أمثلة في التسجیلات السابقة أعیدها الآن بشكل عاجل، ح نعمل أطلس شامل متكامل للسودان یتحدث عن كل معالم وقرى ومدن وأثار وودیان ومناخ وأنهار السودان والمزید، كل حاجة عن السودان. ح نعمل قناة فضائیة مستقلة غیر سیاسیة تهتم بإرث السودان وهي جزء من المشروع ، ح نعمل متحف لحضارات السودان ، متحف مجسمات لكل حضارات السودان التاریخیة: الكوشیة والحضارات اللاحقة لها زي المرویة والمرحلة المسيحية ومملكة علوة في سوبا والحضارات الأحدث في السودان الوسیط زي السناریة والحضارة الفوراویة والحضارات التي نشأت في منطقة جبال النوبة والتي نشأت في منطقة شرق السودان كذلك الحضارات التي نشأت في مناطق الُشلك في لحظة ما محددة ، نحن نتحدث عن تاریخ السودان ، نتحدث عن السودان في 200 سنة ، نتحدث عن تاریخ وحاضر السودان في 200 سنة بالتالي حتى مافي إقصاء للجغرافیا أعني الجنوب وكل أرجاء السودان هي جزء من الأحداث التي مرت خلال هذه ال200 سنة.
من أهم أهداف المشروع – هدف المشروع مركب أي لیس له هدف واحد بسيط – لكن في تقدیري الهدف الاول هو الوعي العلمي بالذات الجماعیة، هذا هدف مباشر ونأمل أن یقودنا إلى تشكل كتلة تاریخیة تساهم في توطید دولة وطنیة حدیثة وتعمل عیش سلمي مشترك عبر الوعي بالذات، عبر الوعي بالمصلحة المشتركة والتحدیات المشتركة و شنو البجمعنا وشنو البفرقنا. وأیضا نقدر نوضح نفسنا للشعوب الأخرى ونقدر نبیع أدبنا، نبیعو بكل المعاني، ونقدر نوصل تراثنا وشعرنا وغنانا وفننا وأساطیرنا وحجاوینا ، ده كلو لمن ندونو ونترجمو بنقدر نوصلو للأخر، بالتالي هناك أهداف إقتصادیة ، وهناك أهداف سیاحیة كما قلت في السابق ح نعمل متحف لحضارات السودان ، دا مثال للحاجات العملیة وهي كثیرة . نأمل ، ودا جزء من خطتنا أن نعمل متحف كبیر، ربما هو الأكبر في العالم، متحف مجسمات لجمیع حضارات السودان
حقیقة السیاحة في السودان غير مزدهرة طبعاً ودا بالإضافة للأسباب والمعوقات الإداریة والظرفية، هناك علة اخطر وهي بعد المسافات. فنحنا ما عندنا زي أهرامات الجیزة موجودة في الخرطوم أو أم درمان ، نحنا عندنا الأهرامات والإرث العظیم بتاع حضارات السودانات القديمة موجودة في الأطراف البعیدة ، كالدفوفة في أقصى الشمال ، والبركل وشرق السودان وجبال النوبة وجبال الفور والفاشر وسنار.
بالتالي المسافات بعیدة لذلك أنا بفكر إنو نحنا نستقل المساحة خلف أم درمان، 5 كیلو متر مربع ، نعمل فیها نماذج بالضبط بنفس الاحجام ونفس الصورة الموجودة لهذه الاثار في مناطقها وأن یكون الناس الحارسنها أو قاعدین فیها في اللحظة المحددة یلبسو نفس اللبس بتاع المرحلة التاریخیة ویتصرفو بنفس الطریقة اذا كان ممكن ویتحدثو نفس اللغة إن كان ممكنا أو على الأقل نماذج منها. من الناحیة العملیة هذا سیبرز الحضارات السودانیة ومن المحتمل أن ینعش السیاحة بشكل أفضل، لأن الناس لمن یجو ویشوفو ویتعرفو على النماذج دي ممكن یرغبو إنهم یشوفو الأصول فنعمل طریقة منظمة لتوصیلهم إلیها ودا أيضاً سيقود إلى تشجيع البحث الأثري كما الحفاظ على الأثار المكتشفة عبر توفير ميزانية ورسم خطط إستراتيجية للسياحة والبحث العلمي والجيني. في المستقبل سنبحث و سنتحدث عن كل هذا ومسألة التموین ح نجیبا من وین والمعوقات الإداریة والمعوقات الأخرى كلها سنتحدث عنها مع بعض وسنتعاون مع جمیع الجهات الممكنة لإنجاز مثل هذه المشاریع الوطنیة الكبیرة الإستراتیجیة التي لا تهم الحاضر فقط بل أيضاً الأجیال المقبلة.
لیس من أهداف عملنا الحصول على معلومات سریة أوأمنیة أیا كانت ، نحن مجالنا العام هو التحدث عن إرثنا و تراثنا وجغرافیتنا والأحداث التي مرت ببلادنا السودان في ال200 سنة الماضیة وحتى العام 2021 عام ميلاد السودان ال200. وسنتعاون مع جمیع المؤسسات السودانیة ذات الصلة وبالذات الأكادیمیة الراغبة في التعاون أو المؤمنة بهذا العمل.
هذا العمل صدر من شباب موجیدین في الخارج، أنا منهم مثلا موجود في هولندا، طبعاً لست وحدي، فقط أتخذني مثال للإيضاح، یعني المبادرة بدأت من هنا لكن هذه المبادرة حقت الناس كلهم، تبنوها الناس كلهم، نحنا سودانیین جینا هولندا كمثال، لأنو عندنا قضیة في بلدنا، هذه القضیة في الأساس سیاسیة. ولكن عملنا هذا غیر سیاسي غیر أیدیولوجي غير حزي غير حكومي، مدني شعبي. هولندا فیها وجود سوداني، نحن موجودین وننشط لأجل السودان، نعمل والناس قاعدة تعمل لأجل السودان في مستویات كتیرة ، مستوى الاقتصاد، مستوى التعاون، نقل الخبرات إلى السودان وبالعكس أو كلما سمحت الظروف العامة وهي معلومة. هولندا فیها 22 حزب سیاسي، یعني التشكیلة السودانیة كلها ممثلة وموجودة في الجالیة السودانیة ، هولندا فیها 42 منظمة مدنیة یعني بتمثل جمیع أطیاف واعراق السودان، هولندا فیها سفارة سودانیة في كل الأوقات وفي كل الحكومات (هنا اعني الوجود الفيزيائي للسودانيين بكل أطيافهم وأعراقهم وتوجهاتم). نحن ننشط من أجل السودان كل بطريقته الخاصة وهذه المبادرة جاءت من هنا ولكنها من أجل السودان ومركزنا الأساسي دائما ح یكون السودان و حیكون عندنا فروع برا و ح ننظم شغلنا وأي زول مرحب بیهو هذا نكرره دائما.
الشغل دا مفتوح ولكن عندو أجسام إداریة، هذه الأجسام مرنة و تتكون من 3 أجسام أو أجزاء، في منها .أجزاء إتغذت وإتعملت وقابلة للتطویر دائما: الجسم الأول هو جسم إداري یعني ینسق ویدیر العمل من شباب معظمهم صغار في السن وهذا الجسم قابل للتطویر دائما و للتعدیل للأفضل، وهناك مجلس خبراء لغایة الأن في أسماء ولكن نحن نأمل في المزید من الخبراء والعارفین والعالمین، .وهناك لجنة اللوجستیات والمالیة ونحن نغذي فیها الان وزي ما قلت أنو العمل دائما قابل للتطویر وللتكمیل. محاور العمل: هناك في الحقیقة 27 محورا للعمل كل محور حاجة كبیرة جدا لكن لدینا شكل تنظیمي لیهو ولدینا تصور لكیفیة عمل الناس وعندنا لكل محور 5 أنماط أو أعماق للعمل مثلا : الأول هو جمع المعلومات والتسجیل والتصویر والفيلمنق والتصمیم دا قد نحتاجه لكل محور من المحاور.
الثاني هو الكتابة والتدوین ، الثالث هو التحلیل والمقارنات ودي بعملوها خبراء. مثلا جمع المعلومات دا كلنا ممكن نعملو، یعني عایز اقول أنو الأعماق المختلفة دي ممكن كل زول یلقى مكان یشتغل فیهو. المستوى الرابع هو البحث العلمي وهنا نحتاج طبعاً لخبراء. الخامس التقییم والمتابعة . والمستوى السادس هو الدعم اللوجستي والتمویل ، هذا كلو منظم بطریقة محددة وأنو اللجنة الإداریة ح تشتغل مع الناس وتتابع و حنعمل غرفة عملیات یومیة قاعدة یومیا، شعارنا مافي نوم في شغل ح ننجز الشغل الذي یتراءى كبیرا وشبه مستحیل دا ح ننجزو في 3 سنوات!.
أنا واثق بالعزیمة والإیمان والإصرار وعدم الخوف وعدم التردد ، نشتغل ، نشتغل ، نشتغل ، ح نعملو ، ح نعملو، الآن نحن نعمل وبعرف شباب كتار شغالین ، وأنا أعمل لوحدي في 9 محاور رغم كل ظروفي وقلة تجربتي بالمقارنة والزحمة العایشها لكن مفرغ نفسي للشغل دا.. وهناك الكثيرين يعملون الأفضل وسيعملون.
ح نعملو ح نعملو، انا واثق اننا ح ننجزو ما تترددو، أي زول عندو شك عندو سؤال أو متردد یخاطبنا مباشرة، أي ناس برا بتكلمو أنو دا ما ممكن دیل ما معانا دیل ما ناسنا . نحنا بنشتغل وبس، بنعرف نشتغل و حننجز المشروع دا ح نعمل البنقدرو أنا واثق إنو ح نعملو كلو بمحاوره كلها، المحاور العملیة والمحاور النظریة كلها ح ننجزها في 3 سنوات و أنا أكرر دائما انو في اللحظة التي سننجز فیها هذا المشروع ح نغیر كتیر في تصورنا لبعضنا.
ح نفهم بعضنا أفضل كسودانیین و ح نفرح ببعضنا أفضل لأننا ح نكتشف الجمالیات المخفیة والمخبئة كما أحزاننا التي سنحولها إلى أغاني وأشعار نبيلة ولوحات فنية سنعلقها على جدار التجربة الإنسانية!.
یعني ح نرى أنفسنا من الخلف و ح نشوف الإنسان السوداني الغائب البنفتش عنو السوداني الاصیل دا وین، مشى وین، قاعد هو قاعد في إرثنا قاعد في خیالنا قاعد في مخیالنا مندس فینا. ح نعمل تصالح وسلام مع الذات. ح نقدم وجهنا الحضاري للعالم. أنا واثق بأن الشغل دا ح یساهم في توحیدنا والتوحید لیس بمعناهو الجغرافي فقط. ح یخلینا نحس مع بعض أفضل نحس بتراثنا، نحترم بعض أفضل و ح یخلینا نقدم صورة أفضل للأجیال المقبلة بدل هذه الهزائم الكتیرة والهزات والإحباطات، ونقول للأجیال الجدیدة نحنا عملنا شيء، نفرح بیهم ونفرحهم بينا. كمان للأمم الأخرى ، الصورة العامة للسودان للأسف سیئة جدا الآن، أمة متحاربة أمة مریضة مجتمع متشقق الناس ما بتسمع عننا خیر للاسف.
نحنا دایرین نسمع العالم خیر ودایرین نفرح نفسنا بینا ، نحنا عندنا حاجات عظیمة ولازم نعمل مع بعض. هذا العمل أیضا جزء من أهدافه أنو نحنا كلنا نعمل مع بعض بكل ألواننا السیاسیة بكل أطیافنا بكل خلفیاتنا العرقیة والجهویة ، كلنا نكون مع بعض بكل أعمارنا بكل تنوعنا نساء رجال ألوان مختلفة من حتات مختلفة في السودان ، من الغرب من الشرق من الوسط من أقصى الشمال من الجنوب من جبال النوبة ، كلنا بأعراقنا كلها بعشائرنا كلها .بمواقعنا السیاسیة كلنا نشتغل مع بعض، فقراء وأغنیاء كلنا نشتغل مع بعض دا الحلم بتاعنا نحن. هذا المشروع ح يساهم في التغيير للأفضل حتى قبل إنجازه هذا الملتقى الموجب في غاية الخطورة!. أنا واثق بأن هذا المشروع لما ننجزه بساوي مفاعل نووي سوداني عملناهو بأیادینا وعقولنا وحدنا.
هذا المشروع عظیم، وأنا أقول هذا الكلام وأكرره لأن المشروع دا كبیر جدا وفي المبادرات الكبیرة الزي دي القناعات العقلیة بس ما كفایة، لازم تؤمن لأن المشروع دا بحتاج تضحیة والتضحیة تحتاج إیمان. وأنا شخصیا جاهز لأضحي لأني مؤمن وعایز الناس المؤمنین كلهم یقیفو مع المشروع دا بلا تردد ولا خوف.. ونحنا نملك الإرادة وح نعمل المشروع تحیاتي وحبي لكم والسلام. تسجیل صوتي 26/12/2017
| |
|
|
|
|
|
|
Re: الخطوات العملية لمشروع السودان200 ونظرة شا (Re: محمد جمال الدين)
|
السودان200.. مقترح بتطوير طريقة جديدة مبتكرة للعمل .. كلنا نستطيع!
أفكر في عمل فورم شبيه بالإستبيان أو صيغة إستمارة قل خارطة طريق قد تساعد الراغبين في المساهمة في توثيق الإرث الشفاهي لشعوب السودان بالعامية السودانية واللغات السودانية الأخرى.
نسعى من خلالها إلى تسهيل عملية رصد إنتاجات المخيال الشعبي في شتى ضروب الحياة كالمحكيات الشعبية المختلفة التي تروي أحداث الماضي من حروب وثارات وتصالحات وهجرات خارجية وداخلية إلخ. كما رصد إرث المناشط الإجتماعية والإقتصادية والثقافية إلخ.
ورصد مواقع المعالم الجغرافية وأسمائها والمعلومات الأساسية عنها "قرى ومدن صغيرة أو كبيرة وجبال وتلال وسهول وهضاب إلخ ". و خلفيات السكان الممكنة في الماضي والحاضر والتحولات البيئية والديمغرافية التي جرت خلال ال200 سنة الماضية في كل تلك الأماكن أي جميع أرجاء السودان وقراه ومدنه القريبة والبعيدة.
وأسماء الرموز "البشرية" المحلية المعروفة وطنياً أو في حيز المكان "صغير أو كبير" وأعمالها وافكارها وفي كل مكان من السودان "أركانه الأربعة".
وهذه مجرد أمثلة أي محاولة مني لتصور المطلوب.
إذ نستطيع أن نضمن المزيد من العناصر في الإستمارة المعنية ونسعى من خلال ذلك لأن يجد المساهمين خارطة طريق جاهزة يسيرون على هداها.. كما نأمل ان تساعدنا هذه الطريقة في تحديد المتشابهات ورصد الإختلافات في المرويات الشعبية ومقارنتها بالنسخة الرسمية إن وجدت.
ونأمل أيضاً أن تجعل هذه الطريقة الباب مفتوحاً للجميع للمساهمة في توثيق السودان200 ليس في مجال الإرث الشفاهي وحده بل تسهيل العمل في جميع محاور المشروع المعلنة "راجع شئت مسودة المشروع الأساسية".
إذ من خلال هذه الطريقة نستطيع أن نحدد بالضبط وتضامنياً ما هو المطلوب من الراغبين في المشاركة في توثيق السودان200 وفق أهداف المشروع وخطته المعلنة.
ما الضرورة؟: خطرت لي هذه الفكرة تلقاء التجربة إذ كثير من الراغبين في التعاون والعمل في مشروع السودان200 "يتساءلون" إذ البعض لا يعرف بالضبط ما هو المطلوب منه في حدود إمكاناته المتاحة.. وليس على الشخص المحدد أن ينفذ جميع المطلوبات في الإستمارة فقط ما يستطيع.. ولمن شاء الإضافة على ما بالإستمارة فهو حق طبعا. تلك هي القضية!.
وإن إتفق معي البعض منكم في هذا المقترح إذن نحتاج الآن وللتو توصيات وصناعة نماذج مقترحة للإستمارة المعنية بواسطة العقول المبدعة.
وإن وجد المقترح القبول المناسب سنشكل لجنة خاصة في الايام المقبلة لتركيب عناصر الإستمارة المعنية بالصورة النهائية بحيث تكون قابلة للعمل بها: كوسيلة شعبية يستطيع العمل من خلالها أكبر قدر ممكن من الناس العاديين "غير المتخصصين" كما طبعاً الجميع.. إذ مشروعنا غير سياسي، غير آيديولوجي، غير حزبي، غير حكومي، مدني، شعبي وطني.. مشروعنا كلنا "كل مقتنع بلا فرز" فكرتنا جميعا ننجزها طوعاً بسواعدنا وحدنا كلما كان ممكنا!.
--- الكلام دا من قروب المشروع بالواتساب.. انقله إلى هنا لظني في فاعلية المنبر وأعضائه المخلصين برغم أحداث هذه الأيام المؤسفة.. كما أن جل وثائق المشروع منشورة بهذا المنبر المحترم. المهم اتمنى ان يشاركنا البعض منكم التأمل في الفكرة في الخاص او العام وأثق جدا في وعيكم الكبير ونحن أمام حلم عملي "لا نظري فحسب" أظنه كبير، ليس سهلا !
دا مش للناس المؤمنة بالفكرة فحسب بل أيضا لكل متعاطف أو من عنده ولو قطرة امل صغيرة في المشروع.. لذا احاول توصيل الفكرة لكم أجمعين علنا نظفر بدفقة روح وارادة من البعض منكم!.
لازم نحاول بجدية.. وصبر لا يعرف الملل.. الأحوال معلومة صعبة.. الأمل في العمل من أجل المستقبل.. الشوية الذين سيعملون كفاية.. نستطيع إنجاز المشروع ونعرف تشققات المجتمع والظروف الصعبة وسوء الفهم المحتمل.. لازم صبر وقدرة كبيرة على مواجهة الصعاب
نعمل بجد وصبر ومثابرة ونتوقع دوما الأسوأ في طريقنا ونجهز أنفسنا لذلك.. وفي ذات الوقت نتعلم من التجربة والخطأ والصواب بتودة وبلا استعجال أو زيادة في الآمال بلا أفعال.. العمل العمل العمل ولو شوية.. لازم نحاول كل يوم حاجة جديدة.. لازم.. نعمل اي زول يعمل قدرته دون انتظار أو توقعات غير مرئية من الآخرين.
محمد جمال الدين
واتساب 0031684688891 "واتساب خاص بالمشروع" إميل: [email protected]
| |
|
|
|
|
|
|
Re: الخطوات العملية لمشروع السودان200 ونظرة شا (Re: محمد جمال الدين)
|
حاجة مهمة بالنسبة للناس المستعجلة وممكن تحبط من البداية لمجرد خفوت بعض الحماس الفقاعي الأول.. دا شي طبيعي.. لازم نعرف ذلك.. في النهاية بيفضل أهل القناعة وحدهم.. ان كان الان عندنا مشاكل إدارية ومشكلة مؤسسات.. نقر بذلك ونعمل من أجل إصلاحه ولكن لازم نتذكر أن الأحزاب كلها والدولة السودانية برغم مرور 200 سنة على تأسيسها ما تزال تعاني من سوء المؤسسية ونقص الحس الديمقراطي حتى تاريخ هذه اللحظة.. وعندها مشكلة تمويل برضو.. تلك علل لحظتنا التاريخية برمتها.. فما بالك بمشروعنا نحن دا وعمره شهور فقط؟!.. لازم نعلي الفهم والصبر والعمل.
طبعا نعم انه شي جديد مختلف لكن لازم نصبر على تأسيسه في ظل ظروف ذات الأحزاب والدولة وذات الواقع الاجتماعي التاريخي .. شي صعب جدا لكن لا انتصار غيره!. --- أو هو ما يشهد به الواقع!
| |
|
|
|
|
|
|
|