(واما بنعمة ربك فحدث) يا ابنتنا نجمة اجمل وجهان وبتتحبا زادك الله بسطة في الرزق والصحة والرضى النفسي ولا حرج عليك بل هم مصدر فخرنا وهم يعطون للحياة معناً فقبلة على خدودهم تذهب عنا الحزن والرهق وتصبح الحياة متجددة كلما رأينا فرحهم الذي يسعدنا عقبال الشمعة المية برحمة من الله
02-08-2018, 09:53 AM
محمد بدرالدين
محمد بدرالدين
تاريخ التسجيل: 01-15-2018
مجموع المشاركات: 2185
والله يا نجمة اجمل وارق جملة تعبر عن المشاعر الدفاقة... وربنا دائما يعمر بيتكم بالحب والمودة والرحمة مدى الحياة... وما تنسي بخور التيمان زي ما وصاك ود قباني مع وافر تقديرنا وبراميل الود التي تعلمين
02-08-2018, 04:05 PM
عبد الصمد محمد
عبد الصمد محمد
تاريخ التسجيل: 12-12-2004
مجموع المشاركات: 1402
عارفا يا استاذة نجمة يبدو ان اجابتي كانت دبلوماسية ويبدو أنني قليل المعرفة بأعضاء المنبر ولكن والله افرحتيني شديد عندما تفهمت الملف وشئ نادر أن تعبر المرأة السودانية عن حبها لزوجها وبمنحاًً جماهيري والرجل السوداني اكثر تعطيلاً لعاطفته الانسانية ولا يصرح بها حتى همساً بعد الزواج ومن كل قلبي ادعو لكما بهناء دائم واستراتيجة الحب في الاسرة بيد المرأة الزوجة والام وليت نساء بلادي فهمن سر تماسك البيوت وبنيانها فارحتينا افرحكم الله فرحاً ابدياً
02-08-2018, 08:58 PM
elhilayla
elhilayla
تاريخ التسجيل: 02-05-2002
مجموع المشاركات: 5551
الأخت دكتورة نجمة والأخ بدر الإحتفاء بمثل هذه المناسبات وفي العلن يزيد من الترابط بين الأزواج: بختكما وربنا يزيد المحبة والعافية عقبال ناس البورد كلهن (زي ما قال أستاذنا القباني ناس البورد ديل حطب بس: يا قل هو سبعة) الشب والقرض ضروري ____ الحليلة
02-08-2018, 09:04 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
علميهم يا نجمة ان فضح مشاعر الحب لمن نحب فالحب يعطي حياتنا غماماً ومطراً رزازي يلطف جو البلد الذي نعيش تحت سمائه وهو جو حارق ليس بشمسه فحسب بل انسانه الذي يرى أن الصرامة واغلاق مشاعرنا بالضبة والمفتاح ، أنه من العيب والنقصان فضح ما تحمله دواخلنا من مشاعر انسانية رفيعة اودعها الله في دواخلنا وبأنه شئ اللهي أراد الله به تخفيف ما يمر علينا من هواجس ومصاعب بل يساعدنا حتى في عبور ما يظنه الاخرون مستحيل . فكلمة الحب ما هي إلا قطعة خبز وجرعة ماء ونسمة هواء تدخل الريئة فيجري الدم في الشرائيين لأنه ينطلق من قلب سليم ما اعظم المرأة يا دكتورة نجمة، لهذا نجد دورها متجلياً مع نبي الله موسى في ام خافت عليه فالقت به في اليم، واخت تابعته ثم دلتهم على من يرضعه، وامرأة فرعون حفظته ورعته حتى شب عندها، ثم ها هي من سقى لها تصبح زوجة له وكانت معه ليلة ان وجد عند النار هدى فأعلمي يا دكتورة نجمة ان مثل قلبيكما سينتجان انساناً مشع بنور الحب الذي يطعمه لمن حوله ليخلق عالم متوازن في داخل ذاته وخارجها رعاكما الله ومن انجبتما من ذرية صالحة باذن من جعل قلبيكما يشعان بنور الحب حتى وصلت اثاره لنا في سودانيزاونلاين فتحركت مشاعر المنبر لتعبر عن فرحها بهذا الحب انداح حتى على قراء سودانيزاونلاين فما بالكم باعضائه؟
02-16-2018, 02:53 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
هات هات وبدر يدفع يور دولار كلو 💷💵💶 استرليني زاتو مافي مشكلة
مغرِب 29 شعبان ... حلتنا كلها بتطلع في طرف الحلة يتحروا هلال رمضان ، اليومة ديك كانت في سُحُب تقيلة والرؤية متعذِّرة ... عندنا عوير في الحلة إسمه علي بنقول ليهو ( علي عِلْعِلَّه ، ديك الحِله ) والحكاية طويله ... على العوير لقط الهلال بين السُحُب وقال : هداااااااك الهلال .. فعلاً كان كلامو صاح ....شيخ الحلة أداهو شِلِن... العوير عاين في اتجاه الجنوب وصاح : هداك هلال تاني....
هسع انا يا نجمه ضِمنت حق القصيدة الأولى .. حأعمل فيها عوير البورد وبعمل ليكم واحدة تانية كااااااش شيك لا
محمد فضل الله المكي والله انت شاعر مرهف بالجد...والغالية نجمة مفروض تدفع ليك بالدولار الأمريكي واليوان الصيني كمان ..طبعا العملة الصينية حتكون بعد ٥ سنوات عملة العالم ... ومع وافر التقدير والاحترام
08-17-2018, 06:14 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
بدر .. السما في صفاك يا وجهاً علم البدر معاني الفجر وأشرق سحراً ثم أضاء
Quote: اسمعو او اسمعهى الجندرية بتحب عثمان تراث
اهو دا ربنا القدرك عليهو ؟ ودالرضي قال يا سعد بدر الجيل ظهر .. درة عقد جيد الدهر -- و البدر حولوا اتنين شهر -- وعبدالرحمن الريح قال بدر الحسن فاق القبلو ووراهو -- ونختم بى .. يا شبيه البدر حسنا وجمالا وبهاء
08-18-2018, 10:34 AM
Kostawi
Kostawi
تاريخ التسجيل: 02-04-2002
مجموع المشاركات: 39979
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة