|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: لا بديل للسيد الصادق المهدي إلا .... (Re: كمال علي الزين)
|
حليلك اخوى كمال وحليل اما الأنصار وحليل الأنصار كمان
الصادق المهدى اكبر سند للنظام الحاكم واكبر سبب في بقاؤه
ولولا تزييفه لمواقف الحزب لما بقى النظام كل هذا الوقت
مع علمنا بانه حزب الامة كان الأكبر في انتخابات الديمقراطية
الثالثة وهو والنظام يعرفان ذلك مثلما اعلم وتعلم ...ولكن زى ماقال
المثل الدارفورى " الشايل في ضهره قش مابنط النار"
الصادق المهدى مشارك باولاده ومعارض ببناته وهو بين الاثنين
عبدالرحمن مساعد الرئيس عمر البشير
بشرى ضابط في الاستخبارات العسكرية
الصادق المهدى في كل المواقف الثورية اصطف الى جانب النظام
فمرة يحذر من الثورة ومرة يدعو الى القوة الناعمة ومرة ينظر
والصادق المهدى لا يهمه اكثر من البقاء في دائرة الضو ومن خلال
الموقف الحالي هو كسبان من مال السحت البجيبوه أولاده وعامل تمويه
من خلال معارضة مريم ورباح بناته .
تانى في شنو ؟
الصادق المهدى زيه وزى البشير الاتنين عايشين في عالم مختلف عن
العايشين فيه الناس ويمكن يتفاجأوا لمن يصحو على الحقيقة المرة كما تفاجأ
القذافى بالعيال القاموا بجرجرته في الشارع .
لو قفلت عليه تكون قفلت على كرت ميت .
تحياتى
| |
 
|
|
|
|
|
|
|
 Re: لا بديل للسيد الصادق المهدي إلا .... (Re: Abdalla Hussein)
|
الامه والاتحادى والاخوان المسلمين وشظايهم تخطاهم الزمان وفشلو ا فى تقديم اى شىء للسودان فرادى ومجتمعين .
البديل الفاعل احزاب من مثال الحزب المصادم حزب المؤتمر السودانى ....
بعيد عن التجاذبات الطائفيه والعقائديه والعنصريه.
احزاب سودانيه تستوعب المواطن السودانى دون تمييز سوى الانتماء للسودان.
..
العالم به حكومات تقودها شخصيات ثلاثينيه واربعينيه ...الصادق وغيره من القيادات القديمه يجب عليهم ان ينتقلوا الى القياده الروحيه.
وافساح المجال لدماء شابه وافساح المجال لها.دون مزاحمه الشباب.
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Mirghani Taitawi)
|
يا ريت تكنس كل الاحزاب وكل القيادات السياسية ويأتي جيل جديد
الحزبان الامة والاتحادي اصبحا آفة الامة السودانية
فقد تسلما السلطة الوطنية بعد الاستقلال مباشرة وكذلك بعد ثورة اكتوبر وبعد انتفاضة ابريل
من منكم يشير لانجاز لاي منهما؟
بكل اسف هما اللذان فرطا في الديمقراطية ولم يقاوما اي انقلاب عسكري اعني وقت قيامة مباشرة
نحتاج لجيل جديد يحكم السودان وتكون للمرأة حضور ونصيب لافت
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: amin siddig)
|
اعتقد أن كمال عايز يقول أن هذه هي اجابة السؤال البليد عن البديل و الفوضى و فزاعة سوريا و ليبيا وما إلى ذلك
السيد الإمام عنده الشرعية التي لن يعترض عليها اي احد - أومفروض كدا - لسد الفراغ المتوقع ومنع الفوضى التي تخيف الناس من ما بعد التغيير
فلا عبيد سيرضى بزيد و العكس و اي شخصية تظهر على الساحة سيثور التساؤل حولها انت منو وسويت شنو ووزنك كم واشمعنى ..إلخ
ولا تنسوا أن الحديث عن حكومة انتقالية بغرض واحد رئيس هو عقد عملية انتخابية كاملة الديمقراطية تأتي بخيار الشعب الحقيقي
| |
|
|
|
|
|
|
|
|
Re: لا بديل للسيد الصادق المهدي إلا .... (Re: محمد البشرى الخضر)
|
تشكيل حكومة إنتقالية تدير البلاد حتى لا نخوض وحل الفوضى التي يخيفنا منها النظام
كلامك وتنبيهك سليم يا كمال
ذهاب نظام البشير مسألة وقت ليس الا فى حال ذهاب البشير وحزبه وحكومته من الذى سيحكم البلاد حتى لا يكون هناك فراغ
من المؤمل فى المعارضة انها قد قامت بتشكيل حكومة ظل تقوم بقيادة البلاد لمدة زمنية محددة من كافة الوان الطيف السياسى ومن المؤسسات
مثل الجيش والشرطة والامن وذلك لعقد المؤتمر الدستورى وعقد مؤتمر اقتصادى للخروج من الازمة الحالية والتحضير لانتخابات حرة ونزيهة
اعتقد ان هذه المسألة لن تفوت على فطنة السادة فى المعارضة .
ياريت لوسمعنا ولو اشارة من المسئولين فى المعارضة وعلى رأسهم الامام الصادق على ان المسألة جاهزة حتى يطمئن رجل الشارع العادى .
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: علاء سيداحمد)
|
وايضا من التنبيهات المهمة جدا ارجو من المعارضة ان لا تخطأ نفس خطأ 1985م فى حل جهاز الامن مباشرة بعد الاستيلاء على السلطة
يمكن فصل القيادات العليا والوسطى فى الجيش والشرطة والاجهزة الامنية مع الابقاء على القيادات الدنيا والافراد حتى لا تحدث الفوضى التى يأمل فيها البشير وحزبه
وبمرور الوقت و بالاحلال والتعيين يمكن الاستغناء عن القيادات الدنيا والافراد .
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Amin Eltaib)
|
الصادق المهدي جزءا من المشكلة
اذ لا يمكن- والحال كذلك -ان يكون جزءا من الحل؛
لو ان هنالك إيجابية واضحة لهذا الواقع المؤلم
فانه يضمن كل البيض(الممزر) في سلة واحدة
بصادقهم وبشيرهم وجنجاويدهم ومرغنيهم وحسين خوجليهم؛
الشعب سيقذف بهم جميعا لسلة مهملات التاريخ....
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: عبدالمنعم الطيب حسن)
|
إلا السيد الصادق المهدي نفسه ..
رئيس الوزراء الشرعي المنتخب يجب عليه إستعادة الديمقراطية و تشكيل حكومة إنتقالية تدير البلاد حتى لا نخوض وحل الفوضى التي يخيفنا منها النظام
عليه تشكيل حكومة موقتة و هيئة قيادة للقوات المسلحة و قوات الشرطة و هو الأكثر خبرةً و كفاءةً و الأقل تمسكاً بسلطة لم تأته بأمر الجماهير و صناديق الإقتراع
...
1-الصادق المهدى عمره الافتراضى انتهى و صحيا لا يمكن أن يكون البديل و البلد منهاره الى هذا الحد..
2-الصادق المهدى فشل ثلاث مرات فى حكم السودان رغم ان الشعب السودانى كان يتغاضى عن اخطائه ويعيد انتخابه..
3-الصادق المهدى ارتكب جرائم فى جبال النوبة لا تقل عن جرائم الانقاذ وهو من ادخل المليشيات اليها وهو سبب كل ما يحدث فى جبال النوبة من 1986 و حتى تاريخ..
4- الصادق المهدى ساهم كثيرا فى تثبيت نظام الانقاذ و تلاعب باعصاب الشعب السودانى كثيرا فى هذا الشأن..
5- فما معنى هذه الخزعبلات ؟
الا يوجد رجال أو نساء فى السودان ؟
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: nour tawir)
|
الشعوب هي التي تصنع قادتها وليس القادة هم من يصنعون الشعوب
(1)
لا زلت أصر بأن العيب الأول فينا نحن كشعب وليس في ساستنا فقط..
نحن من انتقلنا بنفس روح العصبية القبلية المزروعة في وجدادنا ..
إلى التنظيمات السياسية فأورثناها التعصب والتشرزم وعدم الاعتراف بمقدرات الآخرين ..
تقوقعنا كل مجموعة لطائفتها أو حزبها وايديولوجيته ..
لا نقبل تحكيم العقل والموضوعية والمصلحة العامة بل العاطفة والذاتية المطلقة..
لذلك فشلنا طوال سنوات الاستقلال في تفويض حزب واحد ليحكم ويكمل فترته ..
باستثناء التجربة الأولى التي فوضنا فيها الحزب الاتحادي ..
ولولا هذه التجربة الأولى اليتيمة لربما كنا إلى اليوم عاجزين عن تحقيق الاستقلال..
عدم قدرتنا على تفويض حزاب واحد عرقل مسيرة تجاربنا الديموقراطية وأفشلتها..
وأيقظت شهوة الطامحين من العسكر واليائسين من التنظيمات السياسية ..
ليتآمروا على التجربة ويجهضونها باكرا ..
إن أردنا تخطي هذه الدائرة الملعونة ..
فعلينا الانتباه بأن ترياقها هو التفويض الكامل لحزب واحد حتى يكمل مدته المقررة ..
فإن حقق نجاحات أعدنا انتخابه وأن لم يحقق نجاحات انتخبنا سواه ..
بهذه الكيفية وحدها نطور أحزابنا وتجربتها وندفعها نحو تجديد قياداتها وبرامجها ..
بالديمقراطية التعددية المنضبطة والنظام الفيدرالي والإرادة الشعبية الواعية نستطيع النهوض بدولتنا ..
أما لو استمرت الكلمة الفاصلة هي للتعصب الأعمى بما تفضي إليه من جهويات وممارسات مدمرة ..
لا ولن نكسر طوق الانقلابات اللعينة ولو لعشرة عقود تالية.
فساستنا يا سادة لم يسقطوا علينا من السماء بل هم نتاج إرادتنا نحن كشعوب ..
(2)
ولا زلت أصر بأن العيب في شكل الدولة المركزية التي ورثناها من المستعمر ..
فمركزية الحكم هي التي تعبّد الطريق أمام العسكريين للاستيلاء على الحكم ..
فالجيش بحكم تشكيلته المركزية وانضباطه المهني الصارم مهيأ لتحقيق طموحات قادته ..
خاصة أولئك الذين يعجزون عن تخطي قيد الترقيات أو لهم عقائد سياسية ايديولوجيه..
لذلك فإن الجيوش التي تفقد عقيدتها القتالية كجيوش مهنية متقدمة ..
تكون أميل للاستقطاب نحو العمل السياسي والحكم كما حال كل الجيوش في العالم الثالث ..
وأكثر من يمهد لها في ذلك هي الشعوب التي تمارس العمل السياسي من خلال عصبيتها المغيبة للموضوعية والوعي السياسي..
نعم مركزية الحكم هي العلة في سوء توزيع السلطة وقسمة الثروة ..
وهي التي تفتح أبواب الفساد والبروقراطية وتكرس عائدات الانتاج في المركز..
مما يخلق و يراكم الشعور بعدم الولاء للوطن ..
الدولة مؤسسات دستورية وتنفيذية ثابتة لا تتأثر بالحراك السياسي إلا في حدود استراتيجيات وبرامج وسياسات الحكم العليا ..
تلك هي السياسات التي يتحمل تبعتها من هم في سدة الحكم ويحاسبون عليها من قبل الشعب فإن نجحوا مد لهم الشعب و إن أخفقوا أسقطت فرصتهم..
(3)
لو تفهمنا العلتين أعلاه ونجحنا في تخطيهما فلا يهم من يأتي به صندوق الاقتراع ..
وسوف تعالج الممارسة الديمقراطية سلبياتها بتكرار التجربة..
بلادنا ليست أعمق تنوعا وأقل مواردا وأعقد مشكلات من لبنان ..
دعونا نبدأ بأنفسنا وأول ما يجب التخلي عنه ..
الاحساس الكاذب بالأفضلية وامتلاك الحقيقة..
والتسرع المفرط في اتخاذ المواقف وإصدار الأحكام بناء على فرضيات سماعية واشاعات خبيثة دون تدبر..
تحياتي كمال وزواره الأكارم.
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Mohamed Doudi)
|
دودى...
طبعا نور تاور بعتقد ان ترديد الاكاذيب يتحول الى حقيقه بمرور الوقت ...لم تتعظى من تعريتك فى ندوه اقاهره عندما عجزت عن الدفاع عن هذه الخرافه والاكاذيب.
اها نشوف لينا بلد تانى ولا ننفصل
عليكم الله انتم هسه فرقكم من الانقاذ شنو؟
انتم تقدمون دعايه مجانيه للانقاذ بالاستمرار
...
من هو الكذاب الاشر ؟
و من يريد أن يجعل من الكذب واقعا ؟
و عن أى ندوة تتحدث ؟
يا أخى عرينا حزب الامة وسلخناهم لدرجة أن الصادق المهدى قد ارسل لى فى مكتبه فى شارع النحاس باشا لتلطيف الجو !
ثم أن قيادات حزب الامة ما كانت تنطق اسمى مجردا من السيدة نور..
ثم لماذا نكذب على حزب الامة بالذات ؟
أوليس حزب الامة هو الذى ادخل المليشيات الى جبال انوبة سنة 86 ؟
أوليس الصادق المهدى هو من سّلح البقارة فى المنطقة واستغل انضمامهم الى حزب الامة و اشعل فتنة العنصرية ؟
ثم أن كل ما قام به البشير فى جبال النوبة هو استكمال لبرنامج التصفية العرقية الذى بدأه الصادق المهدى..
فلماذا تريد أن تفتح على نفسك بوابات جهنم ؟
هل تعتقد ان عضوية حزب الامة هى هى ؟
لا أبدا..
خاصة فى جبال النوبة..
فقد فطن البقارة لتآمرات الصادق المهدى و قرروا عدم الحرب بالوكالة مرة اخرى و أن جبال النوبة هى موطنهم..
فى دارفور تقلصت عضويتكم الى اللاشئ..
فعن أى عضوية تتحدث ؟
ليت الصادق (بتاعكم )ينزل الانتخابات مرة أخرى..
ليبصم بالعشرة على نهايته السياسية..
أتقوا الله يا أخى..
فشل الصادق المهدى ثلاثة مرات فى حكم السودان..
و جر البلد الى ويلات الخراب...
و مازلتم تتفاصحون و تنسجون الاحلام والاكاذيب..
تأكد أن حكم البيوتات الطائفية فى السودان قد أنتهى..
و يمكنكم ان تحلموا كما تشاءون..
و لكن تزييف للتاريخ ؟
فهذه لن نسمح بها...
ونعود ...
لو عدتم...
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: nour tawir)
|
وليس حزب الامة هو الذى ادخل المليشيات الى جبال انوبة سنة 86 ؟
اها دى اكبر كذبه يا نور
لان حزب الامه لم يدخل مليشيات الى جبال النوبه الا فى مخيلتك؟
قال 86 قال
الندوه التى اتحدث عنها كانت فى القاهره فى اوائل التسعينات
بالمناسبه نحن نحترم الاخ وخصوصا الامام الذى وقع او كتب تمهيد كتب من ينتقدونه
مافى ديمقراطيه وتقدم من غير الراى الاخر
لك كل الحق بان تنتقدى ما تشاين ولكن لنا الحق ان نرد على اى معلومه غير صحيحه مثل فريه انو حزب الامه ادخل المليشيات الى جبال النوبه سنه 86
بالمناسبه سنه 86 لم يحكم حزب الامه لوحده ولم يملك الاغلبيه فى البرلمان
يعنى لو كلامك ده كان صاح مفروض يطالب اعضاء الحزب السودانى بمسائله حزب الامه
وايضا مفروض ان ذاتك ترفعى قضيه ضد حزب يجلب مليشيات الى جبال النوبه وكانت الدنيا ديمقراطيه والصحافه حره والقضاء مستقل وحزب الامه لا يملك اى اغلبيه ميكانيكيه
والله يا نور لو كلامك ده صاح يكون كل القوى السياسيه والمدينه تامرت ضد انسان جبال النوبه بما فيهم ممثلوا النوبه انفسهم
عشان كده عليك الله قولى كلام بخش فى العقل
دودى
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: أيمن نواى على)
|
جماهير حزب الأمة والأنصار - مننا ولينا - يكتوون بالمعاناة والجوع والفقر والظلم - كبقية مكونات شعبنا !
بالنسبة لقيادة حزب الأمة -فهي موضع خلاف من "جانبنا" ولكن مع هذا فلا أحد يملك وصايةعلي خيارات الجماهير- فإن جاءت الجماهير بقيادة حزب الأمة للحكم - منفردا أو مختلفا فهذا حقها - وماعلينا أن نحترمه - سنحتفظ بحقنا في الإختلاف مع حكم الصادق ومعارضته عبر
آليات الديموقراطية وعبر وسائل وأساليب الديموقراطية -
* بالنسبة للفترة الإنتقالية فمن الأفضل أن يتولاها تكنوقراط -وفق برنامج تتفق عليه القوي السياسية !
* أمام الصادق المهدي أن يقود جماهيره لمصارعة الإنقاذ ويعبر عن مطالبها وأمالها...
..
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: كمال عباس)
|
كمال عباس
هذا الرجل اياديه ملطخة بدماء الابرياء فى دارفور وجبال النوبة .... انتوا كحزب امة او الانصار يقودكم او يتقدمكم رجل اياديه ملطخة بى دماء شعبه ..... لماذا الصمت .... من الافضل أن تحاسبوه انتم قبل أن يحاسب .
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: كمال عباس)
|
جماهير حزب الأمة والأنصار - مننا ولينا - يكتوون بالمعاناة والجوع والفقر والظلم - كبقية مكونات شعبنا !
بالنسبة لقيادة حزب الأمة -فهي موضع خلاف من "جانبنا" ولكن مع هذا فلا أحد يملك وصايةعلي خيارات الجماهير- فإن جاءت الجماهير بقيادة حزب الأمة للحكم - منفردا أو مختلفا فهذا حقها - وماعلينا أن نحترمه - سنحتفظ بحقنا في الإختلاف مع حكم الصادق ومعارضته عبر
آليات الديموقراطية وعبر وسائل وأساليب الديموقراطية -
* بالنسبة للفترة الإنتقالية فمن الأفضل أن يتولاها تكنوقراط -وفق برنامج تتفق عليه القوي السياسية !
* أمام الصادق المهدي أن يقود جماهيره لمصارعة الإنقاذ ويعبر عن مطالبها وأمالها...
اتفق معك تماما
من حقك ان تنتقد الصادق المهدى وبرنامجه وادائه
الراى والراى الاخر مطلوب لنجاح اى ديمقراطيه
من حقنا نرشح من نختار وعليكم احترام خيار الشعب وعدم هدم المعبد على الجميع كما حدث من اليسار والنقابات فى الديمقراطيه الثالثه مما سهل مهمه المتامرين (الجبهه الاسلاميه القوميه وحزب البعث بانقلابه الفاشل)
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Mohamed Doudi)
|
سلام أخ أيمن نواي
كتبت
( كمال عباس
هذا الرجل اياديه ملطخة بدماء الابرياء فى دارفور وجبال النوبة .... انتوا كحزب امة او الانصار يقودكم او يتقدمكم رجل اياديه ملطخة بى دماء شعبه ..... لماذا الصمت .... من الافضل أن تحاسبوه انتم قبل أن يحاسب . )
أنا لست بحزب أمة وقد أبنت إختلافي معه في هذا البوست - علي أشاس صنفتني كحزب أمة - رأي إنو حزب الأمة لو جاء للسلطة عبر الديموقراطية فسنحترم خير الناخبيين ونعارضه
بالوسائل الديموقراطية !
* إن كان الصادق المهدي قد أرتكب جرما تحاسب عليه القوانين فليقدم لمحاكمة عادلة ومتكاملة الأركان بالسودان عند عودة النظام الديموقراطي - وليقدم الآن للجنائية الدولية
هذا إن كانت سلطة الجنائية تمتد حتي الثمانينات
فحسب علمي أن سلطة المحكمة ( كما تقتصر قدرة المحكمة على النظر في الجرائم المرتكبة بعد 1 يوليو/تموز 2002، تاريخ إنشائها، عندما دخل قانون روما للمحكمة الجنائية الدولية حيز التنفيذ.)
الكلام المقوس هذا من الويكبديا !
** بمناسبة الجنائية هل مع محاكمة البشير بالجنائية ؟ وهل تقف مع إسقاط نظامه ؟
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Mohamed Doudi)
|
دودى...
والله يا نور لو كلامك ده صاح يكون كل القوى السياسيه والمدينه تامرت ضد انسان جبال النوبه بما فيهم ممثلوا النوبه انفسهم
عشان كده عليك الله قولى كلام بخش فى العقل
....
كلامى صاح 100%...
و حكاية ان نور تكذب هذه سوف لن تنجيك من الورطة التى يعيشها حزب الامة بسبب فشله الذريع فى حكم السودان ثلاثة مرات...
و الصادق المهدى نفسه لا يستطيع انكار فظائعه فى جبال النوبة...
السبب الذى دفع النوبة بالاتجاه جنوبا و الحرب مع الجنوب لمواجهة العداء العسكرى فى المنطقة..
فالاحداث لم تدخل فى حيز التاريخ بعد..
فالضحايا و الشهود ما يزالون احياء..
و نحن لم نلجأ الى القضاء حتى الان لسبب بسيط..
وهو ان البرنامج الذى بدأه الصادق المهدى لابادة النوبة , واصل فيه عمر البشير...
بمعنى أننا لم نجد الوقت الكافى للمقاضاة..
و بما أن مثل هذه الجرائم لا تسقط بالتقادم..
فالشكوى قادمة لا محالة...
الصادق المهدى احرق هيبان كما تفضل الاخ أيمن نواى..
و احرق عشرات القرى فى جبال النوبة..
و ادخل الاغتيالات و الاعتاداءت على النساء و تعذيب المعتقلين و نزع ملكية الاهالى و حرق القرى.....الخ
نفس البرنامج الذى نفذه البشير بحذافيره..
و الصادق المهدى كما تفضل دينق هو أسوأ سياسى فى تاريخ السودان المعاصر..
وهو قائد فاشل بكل المقاييس..
لانه يحكم السودان بخلفية جده المهدى ..
ناسيا أن السودانيين هم من حرر السودان من كافة اشكال الاستعمار...
الصادق المهدى هو أكبر جزء فى أزمة السودان..
وسوف لن يسمح له السودانيون بأن يحكمهم مرة أخرى..
و كفاية عليكم أحلام السلطة...
أما من ظلم النوبة و من تآمر علينا...
فهذا موضوع لا يخصك..
تحدث فى الجانب الذى يخصك وهو موضوع البوست وهو الصادق المهدى..
ألد أعداء النوبة و البقارة على السواء...
لانه استغل ثقة البقارة فيه كقائد و نفذوا له حرب المراحيل...
هذه لن تتكرر..
و على فكرة حزبكم أيضا تآكل من جميع ولايات السودان..
و أن الجيل الجديد من السودانيين اسقط فكرة حكم البيوتات الطائفية..
و لانه لا يوجد انضمام الى حزب الامة من الاجيال الحالية..
هذه تضاف الى تقلص العضوية فى الاقاليم التى ذكرتها..
يعنى عايشين على اوهام ليس الا..
و جاى تقول نور تاور بتكذب !
سهلة جدا انى اتهمك بأى مصيبة مثلما تفعل انت الان لتنجو من ورطة دفاعك عن سيدك الصادق..
لكن ليس هذا مبدأى..
المهم أن لا يحكم الصادق السودان مرة أخرى, حتى يلج الجمل فى سم الخياط..
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Mohamed Doudi)
|
شكرا لك يا دودى
لا احد يذايد علينا .... عندما اتانا جدهم هارب من بطش الانجليز حميناهو... نحن من امانا جدهم من الانجليز .... ونحن لنا الفضل بعد الله على جدهم وعلى جميع الاشراف وغيرهم من الانصار فليعلموا ..... ثم ياتى أحفادهم ليقدروا بنا .... لا والله .... أن اكرمت اللئم تمردا ..... و ان شاء الله لننزعن الحق منهم نزعا ... فى عهد الصادق تم تسليح بعض القبائل لكى تضرب المواطنين العزل الابرياء فى الفرقان والقرى .... هذه لم يفعلها المؤتمر الوطنى .
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: أيمن نواى على)
|
لا احد يذايد علينا .... عندما اتانا جدهم هارب من بطش الانجليز حميناهو... نحن من امانا جدهم من الانجليز .... ونحن لنا الفضل بعد الله على جدهم وعلى جميع الاشراف وغيرهم من الانصار فليعلموا ..... ثم ياتى أحفادهم ليقدروا بنا .... لا والله .... أن اكرمت اللئم تمردا ..... و ان شاء الله لننزعن الحق منهم نزعا ... فى عهد الصادق تم تسليح بعض القبائل لكى تضرب المواطنين العزل الابرياء فى الفرقان والقرى .... هذه لم يفعلها المؤتمر الوطنى .
جدهم الهرب من بطش الانجليز ده منو؟1899-1956 فتره حكم الانجليز
عهد الصادق او الحكومه الائلافيه التى راسها 86-89
نحن على استعداد ان ندافع عن سجل الحكومه فى تلك الفتره
ونحن مع اخذ الحقوق ومع القانون
من حقك ان تشتكى الصادق او المرحوم احمد الميرغنى راس الدوله اذا امر اى منهم بقتل النوبه فى هيبان او اذا تم تسليح مواطنين ضد مواطنين لضربهم وقتلهم كما فعلت الانقاذ وجندت موسى هلاال وحميدتى والعالم كلو عارف هذه الجريمه وعشان كده البشير متهم مطالب دوليا بجرائم ضد الانسانيه
دودى
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Mohamed Doudi)
|
يا دودى
وقتك دا كلوا ما عارف الكان الهارب من الحاكم الانجليزى منوا ؟ ...... محل ما كان يقبل يرفضه اهل السودان .... خوفا من الانجليز .... وبعضهم اصدر فتوة دينية ضده .... حتى اتانا وجلا يرتجف من الخوف يترصده الناس ... اويناهو فى جبل بطن امك ومعه سبعين رجل .... انت بدافع عن شنوا اذا ما كنت عارف التاريخ ....
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: أيمن نواى على)
|
الصادق المهدي لو نزل في الجزيرة أبا لسقط
تمت تغذية الأجيال الواعية بتاريخ النخاسة المبطن بالدين الميكافيلي (متر في الجنة!) وما قام به أئمة السوء عبر عشرات السنين من أعمال إجرامية بقصد إبقاء المنطقة متخلفة إلى يوم البعث.
قال جاء ديمقراطيا قال،
خاتي يدو في موية باردة بالإشارة فقط كان بفوز ويفوز من أشار إليه ولو من خارج الدايرة.
زول زي ده مالو ومال دبابة!
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: آدم صيام)
|
قول كدا بعون الله النظام راى انه الوقت مناسب للتنازل عن السلطة و تسليمها لحكومة انتقالية هدفها الرئيس اجراء انتخابات أو صياغة دستور دائم
يسلّمها لمنو وعلى اي اساس يتم الاختيار؟ منو ود مقنّعة بقدر يقول أنا لها دون ان يواجه بسؤال : من أنت و اشمعنى؟ منو العنده اجابة للسؤال دا
سيدي الإمام وحده يستطيع ان يجيب بانه آخر رئيس حكومة شرعي منتخب بواسطة ممثلي الشعب المنتخبين بدورهم في ىخر انتخابات ديمقراطية نزيهة شهدها السودان
اي واحد تاني ح يلف و يدوّر ويقول كنت مناضل و كنت في المنافي وعندي لايف فيس بوك وتسجيلات واتساب و بوستات بعشرات الصفحات ومئات المشاهدات وآلاف اللايكات ما يلزمنا
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: محمد البشرى الخضر)
|
لا احد يستطيع ان ينكر ان الصادق المهدي حاف كدا كان اخر رئيس حكومة منتخب انتخابات حرة ونزيهة معترف بها
ولكن السؤال الاهم هل استطاع رئيس الوزراء الحفاظ على حكومته المنتخبة ؟؟
وهل نضمن ان يستطيع المحافظة على مجرد الفترة الانتقالية البسيطة هذه مع مراعاة عامل السن .. الله اعلم
اتمنى الا ينجرف الناس وراء الانتماءات والا تبدأ مباريات الشد والجذب بين اتباع الاحزاب التقليدية المختلفة فيما بينها ومختلفة مع بقية الاحزاب ايضاً
مثل هذه الافعال هي التي سوف تقود الى خلافات ستهوي بالبلاد الى درك اسوأ من الذي وصلناه فرجاءً التعقل .. خصوصاً ان التور لسة ما وقع كويس
يجب السعي على ان تكون كل الفئات التي تقف مع اسقاط نظام مافيا الانقاذ يد واحدة من اجل الوطن فقط والفيصل بينهم هي صناديق الاقتراع
ليس هناك شخص بعينه يستطيع ادارة دفة البلاد لا سيما في هذا الوضع والواقع المذري ولكن بالتأكيد ستوجد مجموعة من الاشخاص
يستطيعون تسييرها بالعمل كتيم واحد .. فيجب اختيار الاشخاص على حسب الكفاءة والتخصص وغض الطرف عن الانتماء.. فان لم نغض الطرف عن الانتماء الحزبي والقبلي يبقى فرقنا من الانقاذ شنو؟؟؟
ويا صاحب البوست بديل الصادق المهدي والميرغني وغيرهم هي حكومة الكفاءات ..
فترنا من حكم الفرد ياخي .. جربو المؤسسات ولو مرة في تاريخ حياتكم
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Haytham Ghaly)
|
شكراً للاحباب ..
أمس تفاجأت في نشرات الاخبار في التلفزيون ..
الخبر هو (( إعادة ترشيح بوتفليقه للرئاسة للمرة الخامسة على التوالي ))
الرجل بلغ من الكبر ما بلغ
لا يستطيع الحركة إلا على كرسي متحرك
لديه مشكلة في الحديث والتواصل
أحد المعلقين يقول (( أن هناك شبكة من قادة الجيش يفضلون بقاءه ))
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Haytham Ghaly)
|
| Quote: ولكن السؤال الاهم هل استطاع رئيس الوزراء الحفاظ على حكومته المنتخبة ؟؟ |
وهل فعل كل من وقّع على ميثاق الدفاع عن الديمقراطية شيئ يا غالي؟
استغرب في من يحمّل السيد الإمام مسؤولية انقلاب الجبهة الاسلامية عليه و على حكومته و عل الحياة السياسية الديمقراطية بكاملها لوحده و يعفي بقية الشركاء!
المهم الآن الحديث عن من سيقود الحكومة الانتقالية وما هي معايير الاختيار
انت براك عارف نحنا كلّنا راسنا قوي وكبير عندنا الجمل, أي زول يتم اختياره خرتمية اصبع ح يترفع بغعتراض و سؤال : إشمعنى!
الوحيد الذي يستطيع ان يجيب اجابة قاطعة لا يراجعه احد بعدها هو السيد الإمام
اي واحد تاني ح يدخل في كستبانة الأديب داك!
من يعترض على السيد الإمام اليدّينا معايير - نتفق عليها جميعنا - لإختيار من يقود الحكومة الانتقالية حتى مرحلة الانتخابات و الدستور
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: محمد البشرى الخضر)
|
ابداً يا ود البشرى بقية الشركاء غير معفيين .. ولكن الصادق كان رئيس الحكومة
هذا يعني ان المسؤولية الكبرى تقع على عاتقه هو
طيب بالنسبة لمن يقود البلد
لماذا لا تكون الاحزاب مكتب فلنقل اسمه المكتب الرئاسي يكون فيه مجموعة من الاشخاص
تدفع بهم الاحزاب ومنظمات المجتمع المدني للمشاركة في ادارة البلد ..
ويكون هذا المكتب منوط به اختيار رئيس يكون على رأسه وفق ترشيح داخلي فيما بينهم الى حين قيام الانتخابات
عموماً الامر ليس سهلاً ولكن كرأي شخصي افضل الابتعاد عن اي شخصية يعتقد جزء من الشعب السوداني
ان لها دور في فشل السودان منذ الاستقلال .. وخصوصاً من لهم تاريخ في التحيز والتمييز القبلي لدرجة تسليح القبائل حينما تتاح لهم فرصة السلطة
| |
|
|
|
|
|
|
|
|
 Re: لا بديل للسيد الصادق المهدي إلا .... (Re: Haytham Ghaly)
|
شنو حكايه اخر رئيس وزراء منتخب !!!!!!!!
ليه متجاهلين انو مع الميرغينى (اخر تحالف فى ظل الديمقراطيه ) لاعب على الحبلين حاليا ...كراع فى الحكومه وكراع فى المعارضه ...... دى انتهازيه.
اذا كان جزب مازال ليهو ثقلو - نفس الحال الاتحاديين - وين القواعد البتقود الحراك وتضمن استمراريتو ونجاحو؟؟؟
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Haytham Ghaly)
|
Quote: ماذا لا تكون الاحزاب مكتب فلنقل اسمه المكتب الرئاسي يكون فيه مجموعة من الاشخاص
تدفع بهم الاحزاب ومنظمات المجتمع المدني للمشاركة في ادارة البلد .. |
اهو دا العوج زاتو يا غالي! أنا مثلا لا انضوي تحت اي حزب, ولم تعقد انتخابات لتنال هذه الاحزاب التفويض الشعبي الذي اقتنع به, طيب البسكتني شنو على هؤلاء بل ومن هم هؤلاء ومن اين وكيف أتو ومن ولّاهم هذه المسؤولية
دا تساؤلي أنا الفرد دا فما بالك بعشرات بل وربما مئات الأحزاب الأخرى و الجماعات و الشلليات و القروبات و الصفحات وغيرها و انت عارف ان كل حزب بما لديهم فرحون !
ياعزيز رسميا حتى اللحظة لا يوجد ما يٌجمع عليه السودانيين سوى أن السيد الإمام هو رئيس الوزراء الشرعي المنتخب من اغلبية ممثلي الشعب نوّاب الجمعية التأسيسية المنتخبة في آخر انتخابات ديمقراطية جرت في السودان!
هذا كتاب سيدي الإمام العنده كتاب زيّه أو أحسن منه أو أكثر شرعية اليطلّعه للناس!
أها إن بقى الناس ارادت الحق و العدل و ما يجمعون عليه بأسس منطقية لا هوى و لايك وديسلايك وحظ نفس ياهو دا الكلام
أمّا إن ارادوا اضاعة وقت البلاد و العباد في جدل و نقة وأمور الأسافير دي فهذا أمر آخر
أو فليخرجوا لنا بمعايير عادلة و مقنعة للكل في اختيار من يتولّى امر الانتقالية
________________________________
وبعد دا كن تجي الانتخابات و سيدي امد الله في عمره نزل بشيلها بشيلها, أها قوموا للخرخرة عاد
الله أكبر و لله الحمد 
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: محمد البشرى الخضر)
|
من كل ولاية شخص .... جنوب كردفان الحلو ... غرب كردفان نمر ...النيل الازرق جوزيف .... غرب دارفور عبدالواحد .... شمال دارفور بين منى وجبريل... والوسط بين مادبو و هلال .... الشرق امنة ضرار ... الشمالية ونهر النيل والخرطوم والجزيرة وكسلا وشمال كردفان وسنار .... عليهم أن يختاروا شخص من كل ولاية متفق عليه ... فى حالى عدم الاتفاق على شخص ..... على البقية المختارة من الولايات أن تختار شخص من المرشحين فى فترة يومين فقط ... ويسمى بالمجلس الرئاسى .... هو الذى يختار الرئيس والقضاة ومراقبة الانتخابات لى ترشيح حكام الاقاليم والجهاذ التشريعى....للفترة الانتقالية .
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: أيمن نواى على)
|
يا أخوانا الفترات الإنتقالية لها منطق مختلف - بعد ثورة أكتوبر والإنتفاضة تولي رئاسة الوزارء أتنين منالتكونقراط ولم يتولاها آخر وزراء منتخب !
* بالعقل والمنطق الصادق المهدي - لايملك أغلبية تؤهله لرئاسة الوزراء منفردا - حتي ولو إعتمدنا له ال102 دائرة التي حصدها في آخر إنتخابات ديموقراطية ! إحتاج وقتها لبناء تحالف لتشكيل وزارة !
2- اليوم الصادق لايملك تلك المقاعد - لعوامل الوفيات والإستقالات والإقالات والإنشقاقات والتحول لأحزاب أخري !
3- الإتحادي صاحب الكتلة الثانية -
برضو كتلته تآكلت بفعل العوامل أعلاها وحتي ولو سلمنا إنه يملك ذات العدد فمن يضمن أنه سيتحالف مع حزب الأمة ليبقي ليبقي الصادق رئيسا للوزراء ؟
4- الكتلة الشمالية الثالثة هي الجبهة وهي خضعت لنفس العوامل السابقة بالإضافة للإشكالات ا لقانونية - الإنقلاب والجرائم
5 - نواب الجنوب ذهبو ا مع الجنوب ( بالمناسبة حتي إذا إستبعدنا نواب الجنوب فإن الصادق لن يتمكن من الحكم منفردا !
6 نواب الحزب الشيوعي ومن معه مات أغلبهم وذهب أحدهم مع الجنوب
سابعا نقطة هامة جدا لو أن السيد الصادق المهدي كان قد إنتخب بإنتخاب مباشر من الشعب- كما في النظام الرئاسي لجاز التحجج ببقاء الشرعية ولكن الصادق إنتخب عبر الجمهورية البرلمانية - إي إنتخب كنائب في الجمعية التأسيسة وتم إختياره بواسطة الجمعية التأسيسيةوبالتالي فإن شرعيته إعتمدت وتعتمد علي الأغلبية البرلمانية والتوازنات بل وبقاء البرلمان نفسه ....
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: كمال عباس)
|
الآخ الفاضل ايمن نواى...
لا احد يذايد علينا .... عندما اتانا جدهم هارب من بطش الانجليز حميناهو... نحن من امانا جدهم من الانجليز .... ونحن لنا الفضل بعد الله على جدهم وعلى جميع الاشراف وغيرهم من الانصار فليعلموا ..... ثم ياتى أحفادهم ليقدروا بنا .... لا والله .... أن اكرمت اللئم تمردا ..... و ان شاء الله لننزعن الحق منهم نزعا ... فى عهد الصادق تم تسليح بعض القبائل لكى تضرب المواطنين العزل الابرياء فى الفرقان والقرى .... هذه لم يفعلها المؤتمر الوطنى .
...
تاريخ السودان يتعّمد أن لا يذكر اسم المك ادم دبالو ملك مملكة العباسية تقلى..
فى عهد الامام المهدى..
الذى سانده و أواه حتى تم له ما اراد..
وهذه نقطة فى مسلسل التآمرات على النوبة..
و النتيجة كما تفضلت..
غدروا بنا..
و لنقف فى مسألة الغدر هذه بعض الوقت..
لانها و احدة من نكبات السودان..
و لآننا سئمنا من تاريخ السودان الذى يسير بشكل دائرى فنجد أنفسنا دائما فى نقطة البداية...
كتاب (من سمات الرق فى المجتمع السودانى) لابراهيم نقد عليه رحمة الله..
قد قام بتعرية عقلية الانصار و بالتالى اعضاء حزب الامة..
و المسألة ليست مجرد بيع و شراء للبشر كما النعاج..
و لكن أن هذه العقلية لم تدخل فى حيز الماضى بعد...
فهى واقع معاش فى عقلية الصادق المهدى..
لذلك فى الديمقراطية الثالثة حدثت احداث أبيى و قطار الضعين وقصة الرق التى وّثقها الاخوين بلدو فكان مصيرهما السجن و مصادرة الكتب..
حسنا ...
الاخوان ما يزالان على قيد الحياة..
و الكتب الاصلية مازالت فى الحفظ و الصون..
و سوف تظهر على العلن ان عاجلا أم آجلا..
حتى لو مات الاخوان..
وفى كتاب من سمات الرق فى المجتمع السودانى لابراهيم نقد نقرأ من ايرادات بيت المال ما يلى :
1-كاكا النوباوية ( رباعية ) 30 دولار
2-حوا الفوراوية 20 دولار
3- اتيم الجنقاى 25 دولار
4-عدد 10 هدوم 10 دولار
5-عدد15 حمير 30 دولار
6-عدد 10 حصين 30 دولار
---------------------------------------
الجملة
_________________________
هذه العقلية هى التى منحت فرصة للصادق لحكم السودان ثلاثة مرات..
ففشل فى الثلاث مرات..
و ينبرى البعض ليعيده الى رئاسة حكم السودان..
بمعنى..
أن الدماء التى اريقت فى هوامش السودان دفاعا عن شرف هذه الامة لا تستحق ان تحكم..
أى أن ابناء وبنات السودان يحاربون فى كل مرة يفشل فيها الصادق ويسلم الحكومة للعسكر..
و يطردون العسكر..
ليحكم الصادق
و هذه مقولة عمر نور الدائم عليه رحمة الله لاحد ابناء دارفور الذى اشتكى من سوء حال جنود الانصار فى اسمرا...
فيما قيادة حزب الامة تذبح الزبائح كل يوم جمعة ( انت زعلان من شنو يا جنا ؟ احنا خلقونا عشان نحكمكم..و كل مرة يقلعها مننا العسكر,
تحاربو انتوا و تطردوا العسكر وتسلمونا ليها عشان نحكمكم) !
هذه العقلية اذا لم تنتهى تماما من السودان فسوف تكون نهاية السودان بأذن الله..
الشاهد..
أن السودان الان يجب ان يحكم بواسطة جميع ابنائه وبناته..
بعيدا عن غرور و غطرسة الاحزاب الطائفية و الانظمة العسكرية..
و أى حزب تعامل مع الانقاذ بأى شكل من الاشكال لا يجب ان يمنح فرصة لقيادة السودان..
الصادق المهدى تعامل مع الانقاذ فى شتى المراحل...
و أما حكاية ان هناك حكام عن تسعين سنة..
فهذا كلام لا يهمنا فى شئ..
لان القائد أو القيادة القادمة يجب ان لا تزيد عن ستين سنة كحد اقصى..
لان ما حدث فى السودان يحتاج الى صفات كثييييرة لقيادته..
من بينها اللياقة البدنية..
التمسك المرضى بالاحزاب الطائفية سوف يكون هو اخر مسمار فى نعش السودان..
و ليس العكس...
و نعود...
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: nour tawir)
|
الصادق المهدى تعامل مع الانقاذ فى شتى المراحل...
عشان ما يكون الكلام سائب يا نور
كيف تعامل الصادق مع الانقاذ؟
هل شارع فى حكمهما او نزل انتخاباتها كما شاركت فيها ؟
الناس الشاركت الانقاذ هم
1-الحركه الشعبيه شمال-عقاروالحلو وعرمان كلهم شاركوا
2-حركه تحرير دارفور منى
3-التجمع الوطنى الديمقراطى (الحزب الشيوعى)
4-الاتحادى الديمقراطى الاصل والفرع بتاع الدقير
5-المؤتمر الشعبى
6-حزبك القديم (مياده سوار الدهب) انا غير متاكد بانك استقلت من منصبك كرئيسه للحزب اللبرالى او تركت الحزب كله طبعا شاركت فى انتخابات 2010
7-مبارك الفاضل ومجموعات منشقه منه
حزب الامه لم يشترك ابدا فى الانقاذ
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: كمال علي الزين)
|
عشارى وبلدو والرق ومزبحة الضعين (1-1)
October 31, 2014
اسامة محمد الحسن / باحث
[email protected]
يتحدث السيدان عشارى وبلدو ومن هم معهم فى اوقات محددة عن مزبحة قطار الضعين عام 1987 التى قتل فيها مواطنون ابرياء معظمهم ينتمون لقبيلة الدينكا ويثيرون هذا الموضوع فى اوقات محددة وفى ظروف سياسية محددة ايضاً والسؤال ما الذى يريدونة من ذلك هل يريدون اثبات ان هناك جريمة حدثت ؟ فمن الذى ينكر حوثها اذاً نعم هناك جريمة حدثت هل يريدون ان يثبتوا بشاعة ماحدث ؟ نعم كان حادثاً بشعاً وكيف لايكون بشعاً حيث كان الموت حرقاً هل يبحثون عن العدل وعقاب الجناة ؟ ومن منا لا ينشد العدل نحن كسودانيين ولايملك احد حق العفو او التنازل لكل الجرائم التى ارتكبت فى حق اى مواطن سودانى ولا بد لمحاكمة اى شخص يرتكب جرما او يشارك او يتستر علية ولكن اين نحاكمهم وهل فى المحمة الجنائية الدولية ام فى محاكم خاصة تنشأ لهذا الغرض طالما ان القضاء الموجود الان فى السودان غير موثوق فية .
بلدو وعشارى مطالبون ان يكملوا جهدهم طالما إلتقوا ببعض الناجين من المزبحة بزكر اسماء اشخاص متهمين ضالعين فى هذة الجريمة فليس من المنطق ان تكتب كتاباً كاملاً عن جريمة وقعت فى وضح النهار بدون ان تتوصل الى بعض اسماء الجناة المرتكبين لهذة الجريمة وليس من العقل اتهام قبيلة بكاملها بشكل عام او اتهام قرية بكاملها بشكل عام .
هل هناك جهة لها مصلحة فى تجريم الصادق المهدى بإعتبارة هو الذى سلح القبائل العربية لارتكاب مثل هذة الجرائم وقتئذ ثم سكتت طوال هذة الفترة والان وبعد ان بدأ الصادق المهدى فى القيام بدور لقيادة المعارضة تظهر هذة الملفات للاعلام مرة اخرى لتصفية حسابات حزبية وليس حباً فى العدل ولا رحمةً بالضحايا؟ سؤال يحتاج الى اجابة من الجميع.
سؤال آخر : تعيش مجموعات كبيرة من الدينكا فى الضعين وتزاوجوامع المجموعات الموجودة فى المنطقة من قبيلة الرزيقات لفترة طويلة تقدر بمائتين عام لماذا فجأة وبدون سابق إنذار قام هؤلاء الاهل بقتل بعضهم وقام بعض الرزيقات بجمع غالبية الدينكا الموجودين فى الضعين ووضعوهم فى قطار واحرقوهم أى نوع من الغبن الذى تحرك فجأة بهذة الطريقة البشعة التى جعلت الفرد يقتل جارة ؟ كيف لشخص يؤلف كتاباً كاملاً عن جريمة بشعة دون ان يتطرق للسبب والدافع الذى أدى لارتكاب هذة الجريمة؟ .
هل الدافع لاتكاب مزبحة الضعين كان هو هزيمة مليشيات الرزيقات والمسيرية فى حربهم ضد الجيش الشعبى لجنوب السودان ونتج عن ذلك غضب بركانى أدى للاهالى فى الضعين ان ينتقموا لابنائهم المهزومين فى المعارك التى كانت دآئرة فى الجنوب؟ وإذا كان هذا هو الدافع فإن المعارك القبيلة المحضة بين الرزيقات والدينكا مباشرةً دون حروب الوكالة للحكومة او الجيش الشعبى للدينكا هذة الحروب كانت متعددة منذ الاربعينات وحتى فى السبعينات هناك معارك طاحنة دارت بين الرزيقات والدينكا أبرزها معارك حدثت فى منطقة دسوسة وكانت الحروب سجال مرات ينتصر فيها الدينكا انتصاراً ساحقاً ويقتلون المئات من الرزيقات فى ساحات المعارك ولم يحدث غبن ادى لمزبحة اى من الاهالى فى الضعين ولا فى اويل لماذا انتقل الغبن الى الضعين وامتد الى قتل الابرياء؟ مطلوب البحث عن إجابة غير هزيمة المليشيا .
سؤال اخير فى هذة الحلقة : لماذا بلدو وعشارى لا يتحدثون عن الابادة الجماعية التى التى ارتكبت فى دارفور مع ان عدد الضحايا يفوق الالاف من قطار الضعين ومع ان هناك مليشيات من الرزيقات متهمين فى ارتكاب هذة الجرائم لماذا لم يؤلف بلدو وعشارى مراجع ضخمة بدلاً عن كتيب فى هذة الجرائم التى هزت ضمير العالم الانسانى أجمع ؟
سنواصل ولنا عودة فى موضوع الرق…
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Kostawi)
|
عشارى وبلدو والرق ومذبحة الضعين (1-2)
November 2, 2014
اسامة محمد الحسن / باحث عن الحقيقة
[email protected]
أثرت أسئلة فى الحلقة الاولى للقراء الكرام والمهتمين حول كتابات السيدين بلدو وعشارى عن مذبحة الضعين عام 1987 وقد كان تفاعل المهتمين محل تقدير وأشكر هذا الاهتمام كما أشكر اسرة موقع الراكوبة وموقع حريات على إتاحتهم لى هذة المساحة.
حسب معلوماتى وأتمنى أن تكون صحيحة فإن السيد عشارى ضالع فى علم الاجتماع فكيف فاتة حين ألف كتاباً عن صراع وصفة بين قبيلتين ان يتطرق الى المكونات الاجتماعية لهذين القبيلتين وايجاد تعريف مناسب على الاقل ليس بالضرورة ان يكون دقيقاً عن القبيلة وهل الرزيقات والدينكا هى مجموعات اجتماعية تصنف كشعوب وليس قبائل بحكم المجموعات الزنجية والعربية التى تنضوى تحت هذين المسميين ام انها جماعات لاتزيد عن كونها قبائل.
هل الرزيقات بمختلف أطيافهم الزنجية والعربية هم قبيلة أم شعب؟
لماذا نحن كجيل يفترض ان نكون بقدر من الوعى الذى يمكننا من محاربة النعرات العرقية والأخذ ببعضنا الى رحاب الوطن الواحد السودان لماذا نفشل ونسقط فى مستنقع القبيلة بسرعة؟ لماذا لاندين الاجرام ونوجة التهم لمن أخطأ مباشرةً ؟ لماذا نبحث عن قبيلة المجرم ونتهمة بقبيلتة قبل فعلتة؟ أى قانون هذا الذى يجد من الضروريات إيجاد قبيلة المجرم قبل إيجاد المجرم نفسة؟ .
نبهّنى احدهم بأن مذبحة بحرف (ذ) وليس (ز) لك منى خالص الشكر والتقدير وقال آخر ما المانع من الاحتفال بزكرى المذبحة فاليابانيون يحتفلون سنوياً بهيروشيما وناجازاكى ؟ اقول لك كل قتلانا هم جرح نازف فى جسد كل من لازال على قيد الحياة وضحايا الابادة الجماعية التى حدثت للمواطنين العزل فى جنوب السودان نتيجة صراح رياك مشار مع جون قرنق علينا ان نزكرهم كل عام حيث لم يكن هناك واتساب ولا فيسبوك ولا صحافى مغامر ينقل لنا من داخل الغابات كيف كانوا يقتلون من الجانبين الدينكا والنوير من الابرياء ليس حملة السلاح وجاءت نيفاشا والسيدان بلدو وعشارى من كبار موظفى المنظمات الدولية ولكن لم يضغط أياً منهم الوسطاء والمفاوضين على ضرورة إدراج فصل كامل يخصص للعدالة ومحاكمات مجرمى الحرب ولم يكتبوا لنا وللشعب السودانى أن نيفاشا ناقصة وان الابرياء فى مذبحة الضعين ومذابح الدينكا والنوير فيما بينهم يجب الا نغفل عنها ولم يحى احد ايام فرح نيفاشا زكرى مذبحة الضعين كان الجميع يتهافت الى تقاسم السلطة وبترول الشؤم . نحن بحاجة الى إحياء زكرى الاسير المفقود حيث لم يجد المفاوضون فى نيفاشا والمراقبين لها ولا أسير واحد من الجنوبيين لدى عصابة الحركة الاسلامية .
بأى طريقة كانوا يقتلون هولاء العزل وكم عددهم ؟ لكن السيدان عشارى وبلدو لاتتوفرلديهم ادوات البحث عن الاسرى المفقودين ولاتتوفر لديهم النوايا لتوجية نداء فقط مجرد نداء بضرورة معاقبة الذين كانوا يشرفون على تصفية القتلى ودفنهم فى مقابر جماعية.
نحن بحاجة لإحياء زكرى مذبحة طلاب الشهادة السودانية فى العيلفون حيث كان القتل بشعاً إما بالرصاص أو غرقاً والناجى من الغرق كان يذبح بالسونكى عند شاطىء النيل لكن السيدان بلدو وعشارى غير معنيين بأمر طلاب الشهادة السودانية هم معنيان فقط بموضوع مذبحة الضعين ومتخصصان فى الموت حرقاً وليس غرقاً.
نحن بحاجة لإحياء زكرى شهداء ضباط 28 رمضان الذين ضمن لهم المحاكمات العادلة أمين عام منظمة المؤتمر الاسلامى المشير عبدالرحمن سوار الذهب والرئيس السودانى الاسبق صاحب الالقاب الباشوية وإقتادوهم أسرى وجرحى وذبحوهم بلا رحمة لكن السيدان عشارى وبلدو غير متخصصان فى ضحايا الانقلابات الفاشلة وغير متخصصان فى مسائل قتل الاسرى والجرحى هما متخصصان فى قطار الضعين والموت حرقاً فقط.
نحن بحاجى الى إحياء زكرى شهدا مجزرة بورتسودان وبحاجة الى إحياء زكرى شهداء مجزرة سد كجبار وبحاجة الى إحياء زكرى هبة سبتمبر وبحاجة الى إحياء زكرى الذين قتلوا فى زنازين وبيوت الاشباح وبحاجة الى زكرى اصحاب العاهات المستديمة جراء التعذيب والخصى والصعق بالكهرباء فى سجون عصابة الحركة الاسلامية
نحن بحاجة الى تعاضد وتكاتف وبذل جهد كبير للوحدة الاجتماعية بيننا كسودانيين ونعلم تماماً من الذى لة مصلحة فى تقسيمنا الى قبائل نعلم جيداً ان هذة الحركة الاسلامية التى تسعى لتفتيت وحدتنا وتوزيعنا الى قبائل وجماعات هو هدفها الاسترتيجى للبقاء فى الحكم ونعلم جيداً ان هذة الحركة الاسلامية الانقاذية هى نبت شيطانى لا أصل لة فى السودان ولا قبيلة وانها تلبس ثوب القبائل قبيلة تلو الاخرى وعلينا العمل بقدر ما استطعنا ان نمحو من زاكرتنا واجيالنا القادمة هذا التلوث الفكرى العرقى وليس لنا قبيلة نرتضيها غير السودان ولا هوية غيرة .
وسنواصل ؛؛؛؛؛؛؛؛ ولنا عودة فى قضية الرق
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: عبدالعظيم عثمان)
|
يا مثقف يا رقيق، تَخيَّل أن زوجتَك الحالية هي أبوك مشام أنقوي! .. بقلم: عشاري أحمد محمود خليل طباعة
الأربعاء, 24 أيلول/سبتمبر 2014 11:45
mailto:mailto:[email protected]@outlook.commailto:[email protected]@outlook.com
(1)
في جميع الأحوال، الرق معرف قانونا في المادة 1(1) من اتفاقية الرق للعام 1926، وهي المادة التي تقرأ: "الرق هو المكانة [المقامية] أو الوضعية لشخص تُمارس عليه أي من القوى والسلطات المتصلة بحق الملكية أو كلُّ تلك القوى والسلطات".
ولأن الدولة الحديثة، كالسودان، لا تعترف بمقامية أو "مكانة" للرق، يتم تعريفه بخصائص"الوضعية". فكل وضعية شخص يُمارَسُفيها عليه التحكمُ الذي يرقى إلى درجة الاستحواذ، كما نستحوذ شيئا نملكه ونتصرف فيه، يتم تكييفها على أنها وضعية رق. مما ينطبق على حالة السيدة أبوك مشام أنقوي.
وأنا اخترت وضعية السيدة أبوك من بين مئات الحالات الأخرى، بسبب أن البيِّنة بشأن وضعيتها موجودة عند أسرة مادبو الحاكمة في دار الرزيقات. الأسرة الحاكمة التي حرر حد أعضائها السيدة أبوك من وضعيتها التي كانت عاشت فيها لمدة عامين في الرق، وأعادها إلى حياة الحرية والكرامة مع زوجها دينق دينق ماقوت وأطفالها السبعة، ووالدتها ألويل، وأشقائها، منهم باك مشام، الضابط السابق في القوات المسلحة.
فنجد في وضعية السيدة أبوك مشام أنقوي جميع قسمات الرق، أهمها التحكم الذي يرقى إلى درجة الاستحواذ.
فقد تم اختطافها بالقوة العنيفة المسلحة من بيتها في أشورو في شمال بحر الغزال. وجرى اقتيادها عنوة من بلادها إلى دار الرزيقات. وأثناء تلك رحلة العبور، كانت أبوك تتعرض للضرب من رجال المليشيا بالسوط.
وتم التوقف بها مع نساء وفتيات وأطفال مختطفين آخرين في أبو مطارق، عاصمة الرق في دار الرزيقات. حيث تمت القسمة للغنائم البشرية والمادية وفق إسهام التجار ورجال القبيلة وشيوخها في تموين الغزوة، ووفق قوة الدور في تنفيذ الغزوة. وكانت أبوك من نصيب أحد مختطفيها، آدم عبد الرحمن من قرية سوق بيِّن، مكان ليس بعيدا من دائرة أبو مطارق دائرة أحمد عقيل أحمد عقيل، ومن دائرة الفردوس التي فاز فيها لاحقا حسبو عبد الرحمن مساعد عمر البشير، الرئيس، على ما أذكر.
ما أن وصلت أبوك إلى قرية سوق بيِّن، حتى تم تدشين مقاميتها المنحطة بدعوة رجل المليشيا آدم عبد الرحمن لابنته كلتومة أن تركب فوق كتف أبوك وظهرها. وكذا تم تغيير اسم السيدة أبوك مشام أنقوي إلى "زهرة آدم". ومن بعد، جرى استغلالها، وتخديمها في الرعي وجلب الماء ودق العيش وطحنه. واعتدى عليها آدم عبد الرحمن جنسيا وتسبب في حملها بالإكراه. وباع آدم طفلها الرضيع، من زوجها دينق دينق ماقوت، لكنه اضطر إلى إعادته لها. وكان آدم وزوجاته وأمه يضربونها، وهو ضربها بنعله ليفقدها ثلاثة من أسنانها الأمامية، قبل خمسة أياما فقط من تحريرها. وكان يقيد حركتها، ويضعها تحت المراقبة، ويأخذ طفلها رهينة لكي لا تهرب، ويأتي بغير ذلك من أفعال ضدها في وضعيتها الجديدة.
فما دامت هذه هي وضعية أبوك الثابتة، ووضعيات غيرها لا تختلف عنها إلا في تفاصيل صغيرة، تكون الوضعية وضعية رق. لأنا نجد فيها أشكال أفعال "التحكم الذي يرقى إلى درجة الاستحواذ". ونجد رجل المليشيا يمارس جميع سلطات "الملكية" في السيدة أبوك مشام أنقوي.
(2)
إنكار وجود الرق في دار الرزيقات
يظل "المثقف" الشمالي العربي المسلم، القديم، وهذا تعميم مقصود، ينكر حقيقة هذا الرق. وهو رق له كذلك خصوصياته التاريخية والعنصرية والمتعلقة بالسياسة وبالحرب. الرق الذي دعمته وتسترت عليه حكومة حزب الأمة برئاسة الصادق المهدي، والذي وجد دعما لاحقا مكتوبا من قبل مبارك الفاضل المهدي ("دفوعات عشاري"، في سودانايل). وهو رق له خصوصية لأنه تسببت فيه أيضا قيادات القوات المسلحة السودانية (المليشيات، قطار بابنوسة واو، سياسة الأرض المحروقة). وهذه الخصوصيات المستفظعة هي التي تجعله رقا، إضافة إلى التكييف القانوني الأساس في اتفاقية الرق. وتعبير "الرق" إيحائي أيضا، نريد به أن نبرز هذه الخصوصيات. وبهذه الخصوصيات يتم استدعاء المحاسبية والعدالة الانتقالية.
ويظل الإنكار للرق يتصاعد، حتى بعد انفصال الجنوب، وكذا بسبب انفصال الجنوب. حتى لا يقال إن الرق كان من مكونات النفسية الجنوبية الطارئة التي حفزت الجنوبيين، بالمشروعية الأخلاقية، لرفض الوحدة مع الشمال العربي الإسلامي. الشمال القديم المُتمثِّلُه المثقف الذي ينكر وجود الرق (مصطفى البطل، مبارك الفاضل، وكثر غيرهما). والمتمثله المُدغمِس لحقيقة الرق بتضييق التعريف (الصادق المهدي) أو بتوسيعه وتمييعه للحد من حده القاطع (عبد الله علي إبراهيم، حسن الترابي)
...
أتناول في هذا المقال المثقفين الذين يرفضون تكييف الوضعية قيد النظر على أنها رق. وهم قطاع واسع من المثقفين المتعلمين، أغلبهم في المعارضة، ومن حزب الأمة على الأكثر، ومن "مثقفي" الرزيقات، ومن سلالة الإنقاذ. موقفهم واضح. إنو دا ولا رق ولا حاجة. دي مشاغبات، وعادات، ومراشقات بين القبيلتين الدينكا والرزيقات. والشكلة أصلا في مصالح الرعي والأرض. وإنهم بيتشاكلوا من زمان. وبعدين بيعملوا مؤتمر صلح. وبيرجعوا المخطوفين من كل طرف لقبيلتهم. وبيتصالحوا. حاجة بسيطة.
(3)
نصيحة الدكتور حامد البشير
نصحني الأخ الدكتور حامد البشير، عالم الأنثروبولوجيا، أن آخذ هؤلاء المثقفين الذين ينكرون وضعية الرق بالرأفة. "برَّاحة"، شوية شوية، بهدوء. يا عشاري، أشرح ليهم أولا تعريف الرق، كلمهم بالوقائع، وكدة يعني ... حبّة حبَّة. يا هو دا السودان.
يعني،بالعربي، ما استخدم معهم لغتي المعهودة. وهي لغة تحترم عقولهم، وتدخل معهم في الموضوع طوالي، لأني أفترض أنهم عارفين. ومافي أي دلع، إنهم والله ما فاهمين الموضوع ومتأثرين بالقبيلة وبالسياق الثقافي. أعرفهم يفهمونها طايرة.
أقصد دائما إلى استفزاز أفكارهم، ومشاعرهم أيضا. فالأفكار والمشاعر متلاحمة في الدماغ. ولا يكتب الكاتب في الشؤون الاجتماعية بدون مشاعر أو عواطف إلا وهو يقصد إلى إخفاء موقفه وموقعه. يريد ان يخدع القراء بأنه "محايد". وأنا أُعَرِّفهم مباشرة بالمكان الذي أقف فيه. وأعرف أنهم عندهم مواقف، وأنهم ليسوا بريئين أو محايدين كما يدعون.
فتكون بيني وبينهم البيِّنة والحجة المنطقية، لا حركات الحياد والكلام عن "الموضوعية". أقصد أن أخرجهم من طورهم منفعلين للتعامل مع المشكلة، مشكلة الرق.وللإفصاح عن مواقفهم. لأن في ذلك ما قد يعينني على فهمهم بصورة أفضل، وما قد يقودهم إلى اكتشاف أبعاد جديدة. لا أريد أن أتركهم مرتاحين إطلاقا، وخلاس كأنو الموضوع نقاش في جمعية أدبية، وكأنو موضوع الرق انتهى.
...
أريد اليوم أن أجرب تنفيذ نصيحة الدكتور حامد البشير. فأفترض "عدم الفهم" لدى هؤلاء المثقفين. وعليه، أريد في هذا المقال أن أُقرِّبَ الصورةَ أكثر لهذه الفئة الما قادرة تفهم "الرق" يعني شنو، أو عاملة ما فاهمة. سيان.
سأستخدم الأسماء "كمال"، و"ليلى بشير الهادي"، و"أحمد، حمودي" كأسماء وهمية، كما هو واضح ولا تشير إلى شخص بعينه. لتقريب الصورة.
واستلف الوعاء المعروف في المحاجة، أعلم أنه يستدعي العاطفة، واستخدمه شوقي بدري في مقاله. "هل تقبل هذا لأختك" سألوني هكذا عن مريم يحيى. ولا أستخدم هذا الإطار لدعم حجتي، ولكن لعرض موضوع الرق في إطار استفزازي مختلف لا يقنع أحدا، لكنه يبرز بعض الأبعاد التي قد تكون خافية على المنكرين لوجود الرق.
(4)
يا مثقف، يا رقيق، يا كمال (اسم كأي اسم!)
السيدة أبوك مشام أنقوي زي زوجتك، واحد. زوجتك نفسها الإنت عايش معاها اليوم.
ولو كنتما موافقني في الحتة دي، حدد موقفك واكتب لنا هنا في سودانايل. قول لا، في فرق. قول "والله أبوك دي دينكاوية ساكت! وأنا زوجتي من أسرة عربية مسلمة، جعلية حرة، ومن بنات الأسر في الخرطوم". نكون فهمنا، وكل واحد يمشي في طريقو.
يا كدة، السيدة زوجتك والسيدة أبوك حاجة واحدة، يا كدة لأ، السيدة أبوك مشام أنقوي دي غير!
...
أنا عارفك حتقول إنو أبوك مشام أنقوي والله يعني برضو تاريها متزوجة واحد زيي،كدة. صاح إنو دينكاوي، لكن، في النهاية، "بنو آدم". اسمو دينق دينق ماقوت. وكمان عندها أخو اسمو باك مشام كان ضابط في الجيش، ممكن يكون كان دفعة أخوي عبد النبي. وكمان قالوا عندها أخو تاني بيقرا مع ود عمي حمدان في جامعة الملك محمد الخامس في الرباط. وعندها أخو تاجر هنا ساكن في الجريف. دي حاجة عجيبة.
يعني عندها أسرة، حاجة غريبة، والله! ايوة ايوة. أبوك مشام أنقوي زي زوجتي ليلى بشير الهادي (اسم). ما في أي فرق. وأبوها الكتلوهو بتاعين المليشيا قالوا الناس إنو دا كان من أغنى الجنوبيين. كلنا سودانيين. الله نفسو قال خلقناكم من قبائل وشعوب لتعارفوا. حاجة عجيبة!
لا بأس. هذا تقدم.
طبعا أنا عارفك يا مثقف يا رقيق، وفاهمك كويس.
تِحِت تِحِت قاعد تقول إنو أبوك برضو خادم ساكت، وإنو زوجتك ليلى بشير الهادي امرأة حرة بت قبايل.
تشومسكي قال 99% من الكلام مُدَوِّر جُوَّة في الدماغ، وما بيطلع برة. عارفك بتتكلم مع نفسك وبتقول صاح أبوك قبيلتها أكبر قبيلة في السودان، لكين العدد يعني شنو؟زوجتي ليلى بشير الهادي بت أسر.وأبوك دي خادم ساكت. سمعك.
وعشاري دا زاتو لازم حبوبتو دينكاوية. لازم فيهو عِرِق. كلامو دا ما ساكت. خليهو يورينا جدو بعد خليل. حتلقوهو مرجان ولا ياقوت. خليل دي زاتها أظنها كانت خميس، هو بتاع لغويات قلبها!
سامعك. الكلام دا جوا هناك في أعماق دماغك، وما بيطلع. لأنو لو طلع حيشيلوا منك لقب "مثقف" وحتبقى واحد "رقيق" ساكت.
لكين أنا ماشي معاك.
يا مثقف. شوية شوية. زي ما قال دكتور حامد البشير. حَبَّة حبَّة. برَّاحة. بدون أي استفزاز، لحدي ما أجيبك في القاطرة. في اللفة. في الموضوع الأساسي. الحيخليك تتجنن. إنت عارفو شنو. بخليهو للآخر. في نهاية الحصة.
وبعد نهاية الحصة، كدة أسمعك تاني تتجرأ تقول والله دي حاجة بسيطة دا ما رق دي مشاغبات بين القبائل.
(5)
يلة، يا مثقف، نبدأ:
تصور أن زوجتك ليلى بشير الهادي هي أبوك مشام أنقوي! (انت قبيل قلت الحالة واحدة كلنا سودانيين).
تصور وتخيل. هذا الذي ينازعك في الموية والمرعى جاء يوما بالمليشيا بتاعتو إلى حلتكم في هجوم كاسح. كلهم مسلحين وراكبين عربات دفع رباعي (خيول)، وبكاسي (حمير) ولواري (جمال).
ولو التصور دا صعب عليك، حاول تتخيل إنو أبوك نفسها زوجتك، لكن اسمها ليلى بشير الهادي. اسم زوجتك القاعدة دي.
يعني، تخيل أن زوجتك ليلى بشير الهادي هي ذاتها المرأة التي حدث لها ما حدث لأبوك مشام أنقوي.
زوجتك ليلى يكون خطفوها بتاعين المليشيا. وساقوها من بيتك. وضربوها بالسوط .وشغلوها خدامة. وباعوا ولدك. وكسروا سنونها لما ضربوها بالمركوب. وفي الآخر بعد سنتين، رجعوا ليك. زوجتك. ليلى بشير الهادي. حنوا على حالتك.
ما حأسألك لسع دا رق ولا مشاغلات قبلية.
(6)
إنت طبعا هربتَ لما هم هجموا على بيتك. لأنو بتاعين المليشيا كانوا حيكتلوك لو لموا فيك. زوجتك ليلى بشير الهادي الفاهمة قالت ليك "أجري، يا كمال". لأنها بتحبك. وما عايزاهم يكتلوا أبو عيالها. مستعدة تضحي. عارفاهم بتاعين المليشيا عايزين النسوان والفتيات اليافعات والأطفال. وهي عارفة إنو أنت وأخوانها، وبعد ما ناس المليشيا يشيلوها، ويعملوا فيها الدايرنو، حتجو تفتشوها سما أرض عشان تحرروها. في النهاية أنت زول ما بطال. بس العنصرية عاملة ليك أرضي، ومقفلة ليك مخك وعيونك.
حبة حبة يمكن تبدا تفهم، زي ما بيقول دكتور حامد البشير.
..
وانت برضو عارف إنو بتاعين المليشيا ما حيكتلوا زوجتك ليلى بشير الهادي. لأنهم أصلا عايزين مرة تشتغل ليهم بالنهار. وبالليل كمان، أوف كورس. إنت مثقف وفاهم الحاجات دي بتكون كيف. لاكين الموضوع دا نجي ليهو بعدين. في الآخر.
(7)
زوجتك كلمتك بي الحصل ليها
يا مثقف يا رقيق، طبعا زوجتك ليلى بشير الهادي،بعد ما رجعوها ليك، كلمتك بالحصل ليها كلو. خلال سنتين في سوق بيِّن في الفريق بتاع الرجل من المليشيا.
"تصور يا كمالـ بتاع المليشيا ال######## دا ضربني بالسوط. شايف الآثار لسع يا ها قاعدة. شايف؟"
هي ذاتها زوجتك الجميلة. لكني أراك لم تعد تراها جميلة. بعد العملوا فيها بتاعين المليشيا. في قرية سوق بيِّن مع الرجل الفظ آدم عبد الرحمن وأسرته من ثلاث زوجات شريرات وامه الماكرة وابنته كلتومة قلية الأدب.
كانت زوجتك تتذكرك وتفكر فيك يوميا. وهي الآن بعد التحرير مبسوطة إنها رجعت ليك. عايزاك تتحرك. وانت مهموم بتكرج في أسنانك.بعد الإهانة العرضك ليها بتاع المليشيا ماسك زوجتك عندو سنتين. ما عندك همة. ما قادر تتصور كيف انت تكون حصلت ليك حاجة زي دي. في السودان العزيز العربي المسلم. يشيلوا زوجتك عديل كدة، ما يرجعوها ليك إلا بالواسطة بعد سنتين! طبعا بتفكر ترحل من السودان، تمشي إسرائيل.
تاني تجي تقول مافي رق؟ يا مثقف، يا رقيق! مرعى وماء. وحاجات زمان. وصلح. وتبادل الأسرى. وينها الأسيرة الإنت شلتها من ناس آدم عبد الرحمن عشان تبدل بيها زوجتك؟ أمور الاحتيال دي خليها. هسي جات كفي بيتك جوة أوضة النوم.
(8)
زوجتك لا تتوقف عن الحكي:
"عارف يا كمال، بعدين تخيل بتاع المليشيا المجنون دا عمل فيني شنو. أول ما أنا وصلت لحلتهم في سوق بيِّن جاب بتو كبيرة عمرة 17 سنة وقال لي أبركي! عشان بتو تركب فوقي. يعني أنا حمارة".
إنت بتسمع ساكت، يا مثقف يا رقيق.
وماسك أعصابك. تقول لنفسك: مراشقات بسيطة، ما فيها حاجة. يعني شنو؟ ما أنا ذاتي مرات قاعد ألعب حمار حمار مع بنتي نادية.كنت برضو ببرك زي الحمار وبنتي ندويةعمرها ثلاثة سنة تجي تركب فوق ضهري. ونضحك. ما فيها أي حاجة. عايش الهذيان.
مبارك الفاضل المهديبرضو طيب خاطرك وكلمك قال ليك ما فيها أي حاجة. قال ليك لاحظ إنو لما زوجتك ما قدرت تقوم بي كلتومة راكبة فوق ضهرها،وآدم ضربها بي كعب البندقية لحدي ما وقعت، الحاجَّة أُم بتاع المليشيا جات وشالت مرتك عشان تطيب خاطرها.
مبارك الفاضل المهدي كلمك، إنت ما سامع؟قال ليك شايف، العجوز دي حساسة كيف؟ كلمك قال ليك ديل ناس محترمين بتاعين المليشيات ديل، وعندهم أخلاق ورحمة. الحاجَّةالكبيرة أم آدم جات وشالت مرتك عشان ترضي عليها وتخليها تنسى. في أول يوم تجي ضيفة عندهم ما ممكن يعملوا ليها كدة.
(9)
يا مثقف،
طبعا مرتك برضو كل يوم تكلمك بالشغل عند ناس المليشيا، آدم عبد الرحمن الرزيقي "الفارس"وزوجاتو الثلاثة.
وأنتيا مثقف يا رقيق، متذكر كيف إنك كنت بتعِز زوجتك، ومريحها، لا تنضف بيت، لا تغسل، لا تترسل. بس حِنة وتياب وزيارات للأهل وآولاد حلوين مؤدبين، وانت تستعرض، عن استحقاق.
"تصور يا كمال من أول الصباح كانوا بيشغلوني أدق العيش وبعدين أطحنو.علموني المرحاكة، بالقوة. عشان يعملوا عصيدة. لحدي ما قامت لي حاجات هنا في يديني. هسي انتهت، بالحنة. الحنة دي ما عاجباك ولا شنو؟"
طبعا إنت مثقف ما فاهم. لا فهمت كلام زوجتك الأولاني عن دق العيش والطحين ولا التاني عن الحنة. مخك مشوش. عايز تتهرب من الموضوع داك، الموجعك. طوالي غيرتَ الموضوع.
(10)
زوجتك شافتك ما فهمت قصة المرحاكة في بيت بتاع المليشيا هناك في دار الرزيقات. ولا فهمت إشارة الحنة. هي برضو غيرَت الموضوع، وبدت تحكي ليك قصة الرعي بالغنم.
"اتخيل يا كمال، أنا ليلى بت البشير الهادي، بت أسرة كبيرة، وزوجي كمال بطولو وعرضو، شمالي عربي مسلم، يدوني خمسين خروف وغنماية ويقولوا لي يلة أمشي أرعي بيهم. وأوعك تجي راجعة قبل الساعة تلاتة. وكمان مرسلين معاي ولدهم، الله يرحمو مسكين مات من العطش. مرسلنو يراقبني عشان ما اشرد.
وأنا اشرد كيف يعني، ولدي حمودي معاهم ماسكنو رهينة.
ديل ناس عجيبين".
طبعا إنت مثقف سوداني ورومانسي خالس. بتحب الغنم والخرفان والمراعي.ترفض ان تستوعب هذا الذي وقع لزوجتك. تنكر. فتهرب إلى أحلام اليقظة، وتستمر تهذي. أنت تحب حالة الهذيان، لأنها تريحك من مواجهة الواقع المر..
زوجتك بدت تستغرب. لا ترى أي تعاطف من جانبك. وما في أي فهم. كأنها بتتكلم مع حيطة. تقول ليك شغلوني راعية بالغنم، تقعد تعمل بتاع بيئة ونوستالجيا لي أيام زمان، وما أحلى الأغنام والخراف في الخريف والدعاش. يا سلام!لعبة حلوة، "راعي راعي".
(11)
زوجتك ليلى بشير الهادي كلمتك.
"تتصور يا كمال، كل يوم كانوا يرسلوني أمشي الدونكي أجيب موية بالحمار. مرتين في اليوم. خمسة باقات أملاهم. أربعة فوق الحمار وواحدة أشيلها فوق راسي. شعري في راسي اتقطع. لكن شايفاهو هسي رجع زي ما كان زمان. إنت ما شايف؟".
برضو هي شايفاك ما فهمت.
(12)
يا مثقف يا رقيق،
زوجتك ليلى بشير الهادي تحكي كل يوم.
"تتخيل يا كمال، ولدك أحمد كان شالوه مني وفطموهو غصب، وشالوهو باعوه، عديل كدي. دي حاجة عندهم عادية. جننتهم اسأل ولدي وديتو وين؟ جيبوهو! لحدي الله لطف، الاشتراه وبراه ورجعوا وشال الخرفان بتاعتو".
طبعا، يا مثقف، إنت شايف ولدك يا هو داك قاعد يلعب. عمرو هسي أربعة سنة. وبديت تكرج في أسنانك، تاني.والدم يغلي في عروقك. يا دوب بديت تفهم شوية. إنو "الحاجة دي حاجة تانية". كلام عشاري دا يمكن يكون صاح.
إنت طبعا بتحب ولدك أحمد موت. قبل ما يخطفوهو مع أمو أخوانوا كان بيسموهو "حمودي". لكن إنت كنت بتحب تناديه "حميدتي". انت يا مثقف كنت بتحب المليشيات. متأثر بكلام الدكتور عبد الله علي إبراهيم قال ليكم دا جسد قبيلي تاريخي معروف وله وظيفة اجتماعية، والقبيلة مرات عندها ترايبالفيود، يعني نزاع قبلي، ولازم يكون عندها مثل هذا الجيش المحلي الشعبي، زي ناس قرنق واحد.
بس أنا ما قادر أفهمك، يا مثقف. دكتور عبد الله علي إبراهيم، المفكر بتاعكم، قال ليكم "يا جماعة دا رق". وقال ليكم "بس انتو قولوا رق، لاكين خليكم مصرين إنو رق حِبي، افريقي، بتاع مراشقات، ومشاغلات، زي بتاع المورلي البيخطفوا أولاد الدينكا، يعني ما عنصري.كدة حتقدروا تطلعوا من الورطة الدخلكم فيها عشاري دي. وتدخلوه وعشاري زاتو في ورطة. بسكل ما هو عشاري يقول رق، تقولوا ليهو "وبتاع جون قرنق دا شنو؟ وبتاع المورلي، كمان" وما تنسوا المذابح بتاعت رييك مشار وسلفا كيير الأخيرة. برضو قولوا ليهو دا رق. كدا نطلع حبايب. كلو عند العرب صابون. يعني ما في مشكلة. الحالة واحدة. السودان كلو رق. ولا عدالة انتقالية ولا كلام فارغ".
(13)
يا مثقف يا رقيق، أخيرا،
نجي للحِتَّة الخطِرة، "شوف شامة فيسيلا، في الحِتة الخطِرة"! ... تتذكر البلغارية الجميلة، في كلية الآداب؟
خلينا نكون جادين.
زوجتك كلمتك بي الحصل ليها كلو. إنت فاهم كويس"كلو" دي يعني شنو. بتحبك. وكلمتك بالتفاصيل. امرآة فاهمة، زي ابوك مشام أنقوي. وبتفتكر إنها متزوجة من مثقف فاهم. وما ممكن تعمل ليك أنو الموضوع كلو كان بس رعي وغسيل هدومو مرحاكة وموية من الدونكي. في حاجات تانية. بالليل. ومرات بالنهار.
وهي شايفاك تكرج في سنونك، وتتعصب، عرقان، وخايف من سيرة الموضوع، خاصة مع التومات. أنا ما كنت عايز أجيب الموضوع بتاع التومات دا. لأنو حساس وبيعمل ليك أعصاب.
"ما تتحسس كتير كدة يا كمال!" تظل زوجتك تردد. امرأة قوية. فاهمة. مثقفة.
اسمع هنا،
ما مفروض تكون عندك أي مشكلة إنو بتاع المليشيا ظل يعتدي جنسيا على زوجتك على مدى عامين. عديل كدة. جريمة بالإكراه. وعشان تفهم. دي سياسة الحكومة الإنت بتحبها. الإمام الإمام مجننا. يا دابك حتبدأ تفهم.
...
تذكر أن باك مشام، شقيق السيدة أبوك مشام، كلم الرئيس كارتر لما زارني في بيت الإيجار في الرياض إنو بتاعين المليشيا "ساقوا أختي وعملوا ليها كدة وكدة وكدة".كلمو بالتفصيل.
وانت برضو سمعت وقريت الكلام بتاع مبارك الفاضل قال ليك إنو بتاع المليشيا "اقترن" بي زوجتك و"أنجبت له"، يعني هو مبارك عمل ليك فتوى شرعية."اقترن بيها"! يعني على سنة الله ورسوله. وقال ليك إنو بتاع المليشيا كان بيعامل مرتك كويس مرات.يعني مفروض ما تشوف فيها حاجة. داير شنو تاني؟
ديل ناس حزب الأمة فاهمين الحاجات دي كويس. وفاهمين الإسلام. قالوا ليك ما فيها حاجة، خلاس اسمع الكلام. إنو بتاع المليشيا "اقترن" بزوجتك و"أنجبت له أطفال"، كلام مبارك الفاضل. ارجع اقراه في سودانايل. يمكن يساعدك ويخفف عليك شوية.
يا مثقف، يا رقيق:
أنا متعاطف معاك. وعايزك تغير آراءك المهببة دي. وعندي ليك نصائح:
ما أسمعك تقول "المرة دي أنا ما عايزها تاني"، و"ما قادر أتحمل"، "بعد الحصل ليها" في دار الرزيقات، وشنو ما عارف. انت كنت مفتكر الحكاية لعب يعني. يا ها دي. آي. عديل كدة. رق.
حتكون شنو كمان تاني؟ وإنت زاتك السبب. لا يوجد رق! حبة خيال مافي؟
وما أسمعك تاني تقول "مراشقات" ولا "مشاغلات قبلية".
...
خليك راجل مثقف، فاهم. إنو زوجتك كانت مُكرهة، وما عندها أي ذنب.
يعني مشكلتك كلها هسي في الحتة دي بس؟ ما قبيل قلت دي حاجات بسيطة! مشاغبات ومراشقات وعلاقات مرعى وأرض ونعمل صلح نكون أخوان. يلة أمشي أعمل صلح مع آدم عبد الرحمن، بتاع المليشيا!
بس خلاص لما جينا للموضوع الأساسي، قعدت تتبكى وتعمل عندك أزمة نفسية!
وما اسمعك تاني تقول التومات الحلوات ديل "بنات حرام أنا ما عايزهم". كلام أولاد العرب دا خليهو. تذكر إنك رجل"مثقف".
شايف أبوك مشام أنقوي سيدة راقية وفاهمة كيف؟ حصل ليها نفس الحصل لي زوجتك. بالتفصيل..
سمعت قصة أبوك مشام أنقوي؟
قالت إنو البنتين الهي ولدتهم بالإكراه من الرزيقي بتاع المليشيات ما بناتو ولا حاجة. قالت إنهم ديل بنات راجلها دينق دينق ماقوت. البتحبو. ودينق فرح بالبنتين بعد ما شافهم مع أبوك بعد حررها عيسى مادبو. دينق طار من الفرح. سموهن أنقار وأشان دينق دينق ماقوت. أبو الزفت!
الرجالة الجد جد، يا ها دي. مش الرجالة التانيةالفي مخك. الفي مخك دي، أي واحد ممكن يعملها. ######ك الألزيشن المربوط دا ممكن يعملها وهو مربوط. خليك راجل جد جد.زي دينق دينق.
ولما تبقى راجل جد جد زي دينق دينق ماقوت، يمكنك أن تبدأ تفهم "الرق".
الرق يا هو كدة. بالعربي السوداني، ....
عشاري أحمد محمود خليل
mailto:mailto:[email protected]@outlook.commailto:[email protected]@outlook.com
نقلا عن سودانايل
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: امتثال عبدالله)
|
دودى...
عشان ما يكون الكلام سائب يا نور
كيف تعامل الصادق مع الانقاذ؟
...
كون أن هناك احزاب أو افراد شاركت الانقاذ فى السلطة..
فهذا ليس مبررا بأن يكون تعامل الصادق مع الانقاذ أمرا عاديا..
جميل انك تعترف منذ بداية هذا البوست بأن هناك معلومة لا تعرفها أنت..
وهى أننى استقلت أم لم استقل من الحزب الليبرالى..
نعم قدمت استقالتى..
وقد نشرت الاسباب فى المنبر عدة مرات..
الصادق المهدى كان يدعو السودانيين الى الالتفاف حول الانقاذ لانها حّسنت من موقفها حيال حقوق الانسان كما كان يصرح..
و قد كان يجول ليسّوق لهذه الفكرة حتى وصل الى امريكا..
و قد كان مقررا له ان يصل كندا..
و لكنه حينما علم بما يعده له السودانيين فى كندا غير مسار الرحلة..
و أذكر ان الباقر عثمان كان قد اسماه مدير مبيعان المؤتمر الوطنى..
ثانيا هناك توقيع تم بين الصادق المهدى و عمر البشير اثار استياء السودانيين..
و على العموم فشلت تلك الاتفاقية الثنائية..
الصادق المهدى و حزبه كانوا اعضاء فى التجمع الوطنى الديمقراطى و دخلوا السودان ثم قبة البرلمان مع من دخل..
و لم يسجلوا موقفا رافضا لذلك الاتفاق الذى أمد من عمر النظام عدد من السنين..
و هكذا..
استطيع أن استطرد..
مشكلتك يا محمد دودى هى انك لا تعرف عن شئون حزيك و لا رئيس حزبك ولا قضايا السودان العامة..
لذلك دست على لغم اسمه نور تاور فانفجر فى وجهك..
و ما يزال الليل طفلا يحبو..
ألم اقل لك انك فتحت على نفسك بوابات جهنم ؟
و نعود....
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: كمال علي الزين)
|
سلام استاذ كمال
كتب زميل البورد هيثم
مثل هذه الافعال هي التي سوف تقود الى خلافات ستهوي بالبلاد الى درك اسوأ من الذي وصلناه فرجاءً التعقل .. خصوصاً ان التور لسة ما وقع كويس
طيب ياجماعة مش أحسن ننتظر لحدى مالتور يقع كويس وبعداك نبدأ ننظر منو اليحكمنا؟؟؟؟
شفقتكم دى ياها البتخلى النظام يستمر لحدى ما يسلما سيدنا عيسى
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: حسن حماد محمد)
|
امتثال عبدالله...
يا جماعة الخير
كمال علي الزين كلامه واضح ومنطقي وهو بيقول ان الصادق المهدي المنتخب انتخاب ديمقراطي ممكن يشكل حكومة مؤقتة فقط لحين إجراء انتخابات حرة ونزيهة والشعب يختار من يريد...هذا هو المنطق..عشان ما نتغالط ونقول البديل منو ...
....
انتى تتحدثين عن رئيس منتخب لثلاثة دورات..
و فشل فى الثلاثة دورات..
لذلك..
لا يجوز حتى ان يساهم فى تشكيل حكومة مؤقته ولا يحزنون...
الصادق المهدى سوف لن يحكم السودان مرة اخرى و لو لمدة 24 ساعة..
حتى يلج الجمل فى سم الخياط..
السودان بخير..
و فيه ناس كفاءة و نظافة يد وبراءة من دم السودانيين و يحبون السودان اكثر من مليون الصادق المهدى داخل بعض..
و شباب ايضا..
هؤلاء هم قادة السودان مستقبلا...
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: nour tawir)
|
هل هناك جهة لها مصلحة فى تجريم الصادق المهدى بإعتبارة هو الذى سلح القبائل العربية لارتكاب مثل هذة الجرائم وقتئذ ثم سكتت طوال هذة الفترة والان وبعد ان بدأ الصادق المهدى فى القيام بدور لقيادة المعارضة تظهر هذة الملفات للاعلام مرة اخرى لتصفية حسابات حزبية وليس حباً فى العدل ولا رحمةً بالضحايا؟ سؤال يحتاج الى اجابة من الجميع.
....
ملفات الصادق المهدى فى الديمقراطية الثالثة لم توضع فى الرف فى يوم من الايام..
حتى تعود لانه بدأ يتعامل مع المعارضة..
كل المسألة هى التوقيت..
و بما ان هذه الجرائم لا تسقط بالتقادم..
فبامكانها ان تظهر و تختفى..
حتى تحين اللحظة الحاسمة لمقاضاة الصادق المهدى..
حتى ولو كان فى قبره..
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: nour tawir)
|
الصادق المهدى ديمقراطى (مسلح)..
لا يختلف عن العسكريين سواء فى العقلية أو التنفيذ..
فقد حاول الانقلاب العسكرى من قبل قادما من ليبيا في ما اسماه السودانيين (أنقلاب المرتزقة)..
و لا ادرى لماذا هذه التسمية..
و لقد سّلح المليشيات فى جبال النوبة و الجنوب و النيل الازرق..
و قتل و دمر و حرق الاخضر و اليابس..
ثم شارك مع جيوش الانصار فى النشاط العسكرى ضد عمر البشير من اسمرا..
لذلك..
فشل فى كل سنوات حكمه لانه فاشل ديمقراطيا و عسكريا..
و لقد ان الاوا لتحديد شخصية الرجل..
و اراحة السودانيين من وهم زعامة الصادق المهدى..
الزعامة المكتسبة من تاريخ أجداده و التى بنيت على تجارة الرقيق و التعاون مع المستعمر..
لذلك ارسلهم المستعمر للدراسة فى جامعات العالم..
و مّكنهم اقتصاديا فى السودان..
و سلمهم السلطة قبل مغادرته..
ان الاوان لانهاء هذا الاستعمار المبطن و بشكل نهائى..
حتى تعود للسودان عافيته..
و نعود...
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: nour tawir)
|
| Quote: إلا السيد الصادق المهدي نفسه .. رئيس الوزراء الشرعي المنتخب |
شرعية الصادق المهدي لرئاسة الوزراء يستمدها من الجمعية التأسيسية التي أنتخبته و رأس الدولة الذي صادق على قرار تكليفه برئاسة الوزراء.
و هو مسؤول و محاسب أمامها.
بغياب تلك الجمعية التأسيسية لا توجد أي شرعية للصادق كرئيس للوزراء.
و بإختصار شديد جداً، ذلك زمانُ قد إنقضى.
33 سنة منذ تلك الإنتخابات التي إختارت الجمعية التأسيسية التي إختارت الصادق المهدي لرئاسة الوزراء
33 سنة أقل ب 3 سنوات فقط من متوسط عمر سكان السودان.
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Hafiz Bashir)
|
سلام للجميع
نبدأ بالاخ عبد العظيم عثمان
يا دودي سؤال أتمني تجاوبني عليه بي صراحة
لأنو إجابتك حأبني عليها نقاشي معاك ( إذا رغبت)
هل الصادق المهدي رئيسك وإمامك وله بيعه دينية في عنقك ؟
بجيك راجع
سؤال غريب وعجيب اساك سؤالك ؟ مالك ومال بيعتى وامامى؟
نور تاور
الصادق المهدى كان يدعو السودانيين الى الالتفاف حول الانقاذ لانها حّسنت من موقفها حيال حقوق الانسان كما كان يصرح..
و قد كان يجول ليسّوق لهذه الفكرة حتى وصل الى امريكا..
يا نور معليش انت اخت فاضله ومحترمه ولكن بتتكلمى كلام كلو اوهام وخيالات؟ كلامك الفوق ده ما صاح ابدا تقريبا انا حضرت كل زيارات الصادق لامريكا منذ 99
انت قلت فى المداخله السابقه ان الصادق شارك ولكنك الذى شاركت الانقاذ فى انخابات 2010 عندما كنتى رئيسه لللبرالى ....انت استاذه مربيه عظيمه وصحفيه فالدغمسه ما كويسه فى حقك ..من حقك ان يكون لك راى سلبى تجاه الصادق كما لى راى سلبى مثلا تجاه ترامب واستيفن هاربار ولكن لا يجرمنك شنئان قوم على الا تعدلى..فيا اختى الصادق لم يشارك الانقاذ ابدا ولن يشاركها باذن الله الا بامر الجماهير او باتفاق قومى...الكلام ده الصادق قالو فى 7 -1989 عندما تم اعتقاله ومازال متمسك به....قلت لى الصادق دعى السودانين للالتفاف حول الانقاذ؟؟؟
و قد كان مقررا له ان يصل كندا.
اها دى شتله تانيه؟ متى؟ وانا مؤسس للحزب بكندا؟
الصادق المهدى و حزبه كانوا اعضاء فى التجمع الوطنى الديمقراطى و دخلوا السودان ثم قبة البرلمان مع من دخل..
دى برضو كذبه وكمان كبيره...يا نور الصحفيه تاكدى من صحه معلوماتك لمصلحتك اولا
مشكلتك يا محمد دودى هى انك لا تعرف عن شئون حزيك و لا رئيس حزبك ولا قضايا السودان العامة..
بالله؟ دى مشكلتك ومشكله المثقفاتيه الادعاء الفارغ وعدم الاطلاع....الكلام الفوق ده كلو معلومات يمكن تتحصلين عليها عن طريق الشبكه العنكبوتيه ولكن مشكلتك وغيرك تعتمدين على الونسه الشفاهيه وهى 80% كذب وافتراء معظم الوقت
لذلك دست على لغم اسمه نور تاور فانفجر فى وجهك..
و ما يزال الليل طفلا يحبو..
ألم اقل لك انك فتحت على نفسك بوابات جهنم ؟
انشاء الله سوف اطفئ ابواب جهنم هذه بالحجه والموعظه الحسنه بعيدا عن الاسفاف
حبيبنا نصر كجام كوستاوى
ياريت تكون منصف تاتى بالمقالات التى فندت ادعاءات بلدو والبشارى واوراق التحرى موجوده ولقد نشرت فى حينها 87-88...طبعا المشكه اثيرت ايضا فى البرلمان وكان هنالك نقاشا بين النواب واستدعاء لوزير الداخليه ....
دودى
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Hafiz Bashir)
|
سلام يا حافظ
كيف تقول بغياب الجمعية التأسيسية يفقد السيد الإمام شرعيته؟ لو افترضنا جدلا انه تم حل الجمعية التأسيسية تاني يوم من انتخابه لأي سبب هل يفقد منصبه وشرعيته كرئيس وزراء منتخب؟
ناهيك عن انه حتى توقف الحياة الديمقراطية في 30 يونيو 89 لم يتم حل الجمعية ولحظة الانقلاب كان السيد الإمام رئيسا للوزراء ولا أحد ينازعه شرعيته, الحديث هنا عن فترة انتقالية بعد ذهاب الانقاذ, قولة ذهاب الإنقاذ تعني نظريا عودة الوضع ليوم 29 يونيو 89
وهو امر مستحيل بالطبع ان يعود الوضع بكامله كما كان عليه, لكن لا مشكلة ان يعود آخر رئيس وزراء منتخب باعتبار ان لا وجه للإعتراض عليه مقارنة بأي شخص آخر سيثور تساؤل عن المعايير التي تم اختياره بها
هنا الموضوع ليس عن اداء السيد الامام وفشله ونجاحه في دوراته السابقة - بالمناسبة هن اتنين أمهن و ابوهن التولّى فيهن رئاسة الوزارة ما عارف المرّة التالتة جات من وين* - الحديث عن شرعيته ووضوح المعيار و الحجة مقارنة بمحاولة اختيار اي شخص غيره و كيف سيكون هذا الاختيار مثارا للجدل و التحاجج و الخلاف
_______________
* برضو من المعلومات الخاطئة المرّت في البوست ان السيد الإمام تلاتة مرّات تولّى الوزارة و سلّم الحكم لإنقلابيين!!
طبعا دي ونسة اسافير ساي, لكن برضو حتى الونسة تحتاج قليل من التركيز
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: محمد البشرى الخضر)
|
(* برضو من المعلومات الخاطئة المرّت في البوست ان السيد الإمام تلاتة مرّات تولّى الوزارة و سلّم الحكم لإنقلابيين!!
طبعا دي ونسة اسافير ساي, لكن برضو حتى الونسة تحتاج قليل من التركيز )
قليل من التركيز و الإبتعاد اكثر من الجوانب الشخصية
نختلف كثيراً مع الصادق المهدى ، لكن الحقيقة الوحيدة انه اخر رئيس وزراء منتخب
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: كمال مبارك)
|
حافظ بشير...
شرعية الصادق المهدي لرئاسة الوزراء يستمدها من الجمعية التأسيسية التي أنتخبته و رأس الدولة الذي صادق على قرار تكليفه برئاسة الوزراء.
و هو مسؤول و محاسب أمامها.
بغياب تلك الجمعية التأسيسية لا توجد أي شرعية للصادق كرئيس للوزراء.
و بإختصار شديد جداً، ذلك زمانُ قد إنقضى.
33 سنة منذ تلك الإنتخابات التي إختارت الجمعية التأسيسية التي إختارت الصادق المهدي لرئاسة الوزراء
33 سنة أقل ب 3 سنوات فقط من متوسط عمر سكان السودان.
....
كلام مظبوط..
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: nour tawir)
|
محمد دودى...
انشاء الله سوف اطفئ ابواب جهنم هذه بالحجه والموعظه الحسنه بعيدا عن الاسفاف
....
يا محمد دودى واضح جدا انك راجل أى كلام..
و تهرف بما لا تعرف..
و تتهم الناس جزافا..
من الذى بدأ بالسب و الاتهامات ؟
أم تقل ان نور تاو ركذابة لاننى ذكرت ادخال الصادق المهدى للمليشيات فى جبال النوبة ؟
رغم ان قائد تلك القوات وهو فضل الله برمة مايزال على قيد الحياة و لاينكر شيئا..
و مسألة المليشيات التى ادخلها الصادق فى جبال النوبة لا ينكرها الا شخص يعانى من الزهايمر..
ألم تقل انه قد انتهرنى شخص فى ندوة فى القاهرة ؟
و تحديتك..
متى كانت تلك الندوة ؟
و ماذا كان موضوعها ؟
و ماذا قلت ؟
و من الذى أنتهرنى ؟
و اتحداك للمرة المئة بعد الالف..
لانه لا احد يجرؤ لينتهرنى..
اللهم الا شخص مهزوز و مجهول التاريخ و الهوية..
نابت فجأة فى الزمن الضائع ليتحدث عن السياسة اسمه محمد دودى..
أنت تتهرب من جرائم حزب الامة..
و تنقل كلام خاركم بارم.
شرقى غربى.
ثم تقنع نفسك بأنه الحجة و الموعظة الحسنة !
ثم يخيل اليك خيالك المريض بأن الناس تصدق ما تهرف به..
انت يا محمد دودى مزنوق زنقة ك..ل..ب. فى حارة يهود..
و بلاش فلسفة..
اعود الى حين ميسرة...
| |
|
|
|
|
|
|
|
|
|
Re: لا بديل للسيد الص سلام أخ محمد البشري [QUOTE] سلام يا حافظ كيف تقول بغادق المهدي إلا .... (Re: nour tawir)
|
سلام أخ محمد البشري
Quote:
سلام يا حافظ
كيف تقول بغياب الجمعية التأسيسية يفقد السيد الإمام شرعيته؟ لو افترضنا جدلا انه تم حل الجمعية التأسيسية تاني يوم من انتخابه لأي سبب هل يفقد منصبه وشرعيته كرئيس وزراء منتخب؟
|
نعم سيذهب رئيس الوزراء إذا حل البرلمان أو إستقال أغلب نوابه أو حتي لو سحبت أحزاب متحالفة تأييدها له !
لماذا لأن الجمهورية برلمانية لا رئاسية - فشرعية رئيس الوزراء إكتسبها من الجمعية التأسيسية فعبرها إنتخب لذلك المنصب !
راجع
بالعقل والمنطق الصادق المهدي - لايملك أغلبية تؤهله لرئاسة الوزراء منفردا - حتي ولو إعتمدنا له ال102 دائرة التي حصدها في آخر إنتخابات ديموقراطية ! إحتاج وقتها لبناء تحالف لتشكيل وزارة !
2- اليوم الصادق لايملك تلك المقاعد - لعوامل الوفيات والإستقالات والإقالات والإنشقاقات والتحول لأحزاب أخري !
3- الإتحادي صاحب الكتلة الثانية -
برضو كتلته تآكلت بفعل العوامل أعلاها وحتي ولو سلمنا إنه يملك ذات العدد فمن يضمن أنه سيتحالف مع حزب الأمة ليبقي ليبقي الصادق رئيسا للوزراء ؟
4- الكتلة الشمالية الثالثة هي الجبهة وهي خضعت لنفس العوامل السابقة بالإضافة للإشكالات ا لقانونية - الإنقلاب والجرائم
5 - نواب الجنوب ذهبو ا مع الجنوب ( بالمناسبة حتي إذا إستبعدنا نواب الجنوب فإن الصادق لن يتمكن من الحكم منفردا !
6 نواب الحزب الشيوعي ومن معه مات أغلبهم وذهب أحدهم مع الجنوب
سابعا نقطة هامة جدا لو أن السيد الصادق المهدي كان قد إنتخب بإنتخاب مباشر من الشعب- كما في النظام الرئاسي لجاز التحجج ببقاء الشرعية ولكن الصادق إنتخب عبر الجمهورية البرلمانية - إي إنتخب كنائب في الجمعية التأسيسة وتم إختياره بواسطة الجمعية التأسيسيةوبالتالي فإن شرعيته إعتمدت وتعتمد علي الأغلبية البرلمانية والتوازنات بل وبقاء البرلمان نفسه
......
| |
|
|
|
|
|
|
|
|
|
Re: لا بديل للسيد الص سلام أخ محمد البشري [QUOTE (Re: كمال عباس)
|
الاخت نور تاور مره اخرى
طبعا نور تاور بعتقد ان ترديد الاكاذيب يتحول الى حقيقه بمرور الوقت ...لم تتعظى من تعريتك فى ندوه اقاهره عندما عجزت عن الدفاع عن هذه الخرافه والاكاذيب.
يانور اعلاه ماكتبته فى اول رد عليك ومداخله بيننا ولم اذكر كلمه نهرنى كما ادعيت فى مداخلتك الاخيره (ادناه)
ألم تقل انه قد انتهرنى شخص فى ندوة فى القاهرة ؟
و تحديتك..
متى كانت تلك الندوة ؟
و ماذا كان موضوعها ؟
و ماذا قلت ؟
و من الذى أنتهرنى ؟
و اتحداك للمرة المئة بعد الالف..
لانه لا احد يجرؤ لينتهرنى..
وطبعا حتى الان ان مهذب جدا لم اتهمك بالكذب بل قلت بان معلومات ما صاح او غلط وانك ترددى الاكاذيب فيا اختى الفاضله حتى لا يتحول الحوار الى شخصى وانا زول بحترمك فسوف اتوقف عند الرد اذا كنت تضيقبن من الحوار....
بالمناسبه حسب علمى ان لم تخنى الذاكره وكما سمعت بان الندوه كانت فى القاهره دار حزب الامه والمتحدث الحبيب عبدالرسول النور حاكم كردفان السابق وابن جنوب كردفان....وفند اتهامك لحزب الامه بتسليح البقاره
اللهم الا شخص مهزوز و مجهول التاريخ و الهوية..
نابت فجأة فى الزمن الضائع ليتحدث عن السياسة اسمه محمد دودى..
أنت تتهرب من جرائم حزب الامة..
و تنقل كلام خاركم بارم.
شرقى غربى.
هسه الكلام الفارغ والشتم ده ليهو داعى؟ انت بتفتكرى الناس ما بتقدر ترد الصاع اردب؟ عليك الله ده مستوى بتاع حوار ونقاش؟ ليها حق الانقاذ تركب فى راسنا اذا كان ده مستوى رؤساء احزابنا
م تقنع نفسك بأنه الحجة و الموعظة الحسنة !
ثم يخيل اليك خيالك المريض بأن الناس تصدق ما تهرف به..
انت يا محمد دودى مزنوق زنقة ك..ل..ب. فى حارة يهود..
و بلاش فلسفة..
هسه المزنوق منو يا اختى....
بالمناسبه لو عاوزه محاضره فى اتاوا عن الصراع فى جنوب كردفان منذ بدايه التمرد حتى مجيئ الانقاذ وبالوثائق فانا مستعد
اما الاتهامات الجزافيه والشتائم فلا اجاريك فيها لاننى سوف انهزم
دودى
| |
|
|
|
|
|
|
|
|
|
Re: لا بديل للسيد الص سلام أخ محمد البشري [QUOTE (Re: Mohamed Doudi)
|
محمد دودى...
بالمناسبه حسب علمى ان لم تخنى الذاكره وكما سمعت بان الندوه كانت فى القاهره دار حزب الامه والمتحدث الحبيب عبدالرسول النور حاكم كردفان السابق وابن جنوب كردفان....وفند اتهامك لحزب الامه بتسليح البقاره
...
لقد كنت متأكدة بأن المعلومة هذه ملفقة لانك لم تر المشهد رأى العين..
و أن من نقل لك المعلومة هو الكذاب الاشر..
و انك لا تغربل معلوماتك قبل كتابتها..
عبدالرسول النور من قيادات حزب الامة الذى لا ينادينى باسمى مجردا..
فهو ممن ينادوننى بالسيدة نور..
و عبدالرسول النوب من قيادات حزب الآمة الذى يحيينى بأن يقّبل جبينى..
و الندوة التى تتحدث عنها كانت فى دار المنظمة السودانية لحقوق الانسان..
اشرف عليها الراحل المقيم دكتور حمودة رحمه الله..
و عبد الرسول النور هو من أثنى على كلامى و فّند نقاط الاختلاف بكل أدب و احترام..
و مرة أخرى استضفناه فى ندوه فى جريدة الخرطوم..
و لقد تعامل معى كما لو كنت ملكة زمانى..
عبد الرسول النور على قيد الحياة..
أمد الله فى عمره و متعه بالصحة و العافية..
ويمكنك ان ترسل له هذه المداخلة..
و هذه هى غلطتك و غلطة كثير من السودانيين..
فهم يعتقدون ان السب و الشتم هم أقرب الطريق الى هزيمة المتحاور..
ثم انهم لا يعرفون ثقافة الاعتذار حينما يتبين خطأوهم لانهم يعتقدون ان الاعتذار يقلل من قيمة الفرد..
و لا يدرون انه سلوك حضارى يوضح رقى الانسان و مستواه الفكرى..
| |
|
|
|
|
|
|
|
|
|
Re: لا بديل للسيد الص سلام أخ محمد البشري [QUOTE (Re: nour tawir)
|
تحياتي محمد البشري
Quote: سلام يا حافظ
كيف تقول بغياب الجمعية التأسيسية يفقد السيد الإمام شرعيته؟ لو افترضنا جدلا انه تم حل الجمعية التأسيسية تاني يوم من انتخابه لأي سبب هل يفقد منصبه وشرعيته كرئيس وزراء منتخب؟ |
Quote: نعم سيذهب رئيس الوزراء إذا حل البرلمان أو إستقال أغلب نوابه أو حتي لو سحبت أحزاب متحالفة تأييدها له !
لماذا لأن الجمهورية برلمانية لا رئاسية - فشرعية رئيس الوزراء إكتسبها من الجمعية التأسيسية فعبرها إنتخب لذلك المنصب !
راجع
بالعقل والمنطق الصادق المهدي - لايملك أغلبية تؤهله لرئاسة الوزراء منفردا - حتي ولو إعتمدنا له ال102 دائرة التي حصدها في آخر إنتخابات ديموقراطية ! إحتاج وقتها لبناء تحالف لتشكيل وزارة !
2- اليوم الصادق لايملك تلك المقاعد - لعوامل الوفيات والإستقالات والإقالات والإنشقاقات والتحول لأحزاب أخري !
3- الإتحادي صاحب الكتلة الثانية -
برضو كتلته تآكلت بفعل العوامل أعلاها وحتي ولو سلمنا إنه يملك ذات العدد فمن يضمن أنه سيتحالف مع حزب الأمة ليبقي ليبقي الصادق رئيسا للوزراء ؟
4- الكتلة الشمالية الثالثة هي الجبهة وهي خضعت لنفس العوامل السابقة بالإضافة للإشكالات ا لقانونية - الإنقلاب والجرائم
5 - نواب الجنوب ذهبو ا مع الجنوب ( بالمناسبة حتي إذا إستبعدنا نواب الجنوب فإن الصادق لن يتمكن من الحكم منفردا !
6 نواب الحزب الشيوعي ومن معه مات أغلبهم وذهب أحدهم مع الجنوب
سابعا نقطة هامة جدا لو أن السيد الصادق المهدي كان قد إنتخب بإنتخاب مباشر من الشعب- كما في النظام الرئاسي لجاز التحجج ببقاء الشرعية ولكن الصادق إنتخب عبر الجمهورية البرلمانية - إي إنتخب كنائب في الجمعية التأسيسة وتم إختياره بواسطة الجمعية التأسيسيةوبالتالي فإن شرعيته إعتمدت وتعتمد علي الأغلبية البرلمانية والتوازنات بل وبقاء البرلمان نفسه
...... |
شكراً كمال عباس
| |
|
|
|
|
|
|
|
|
|
Re: لا بديل للسيد الص سلام أخ محمد البشري [QUOTE (Re: nour tawir)
|
بسم الله الرحمن الرحيم..
نبدأ البوست !
1- ماهى مشكلة السودان ؟
هى مشكلة هوية بكل اختصار..
لذلك نحن نتعامل مع بلدين اسمهما السودان..
الشمال النيلى بنخبه النيلية من سلالة العرب و عدة سلالات دخلت السودان قبل الاف السنين..
و السودان الافريقى بأثنياته من الشعوب الافريقية الاصيلة الذين يّعبرون عن ثقافتهم و افريقيتهم بكل فخر و اعتزاز..
النخب النيلية متمثلة فى حكومات السودان الوطنية منذ الاستقلال و حتى تاريخه هى المسئولة مسئولية تامة عن انهيار السودان..
ستون عاما من الفشل هى التى اوصلت السودان الى حيث حطت ام قشعم..
و النخب النيلية الحاكمة هى العسكريين, عبود, نميرى و عمر البشير..
من (الديمقراطيين) الصادق المهدى, حسن الترابى, المراغنة و اخرين..
هؤلاء من تعامل مع السودان على اساس انه بلدين..
شعب نيلى يعامل بكل ادب و احترام (اولاد ناس..احرار..الخ)..
و شعوب فى الهامش يتم ضربها ضرب غرائب الابل حتى تطيع و تسير سوائمية خلف تلك القيادة..
و بمعنى ادق..
نظرة الحاكم الشمالى النيلى الى الشعوب السودانية الافريقية الاصيلىة على اساس انهم عبيد..
مهما فعلت تلك الشعوب..
ونشير هنا الى استضافة المك ادم دبالو ملك العباسية تقلى للامام المهدى..
ثم غدر الانصار باحفاد أولئك الملوك فى حرب المراحليل لمهندسها و منفذها الصادق المهدى..
فالسودانى الافريقى ما هو الا عبد عليه ان يسمع ويطيع..
ثم تأتى حكومات الشمال ببعض الوجوه من الهامش لتعطى الحكومة و جهها القومى..
و فى نفس الوقت تسن القوانين لتمسح بها تلك الشعوب مثل فتاوى قتال الخوارج..
الصادق المهدى أكثر عنصرية من كل الذين ذكرتهم..
لانه يتعامل بعقليه جده الامام المهدى..
لآن فى شرعتهم عبد و مولى...حتى بعد الممات(رفض حزب الامة دفن امينهم العام فى مقابر ال المهدى)!
و يتعامل مع السودان كملكية خاصة..
و لكن الوضع اختلف الان..
لان الاجيال السودانية الحالية..
و خاصة ابناء الهامش الذين مات اهلهم كما الجراد..1986-2018
لا يعترفون بالاحزاب الطائفية..
و لا يّقبلون يد أى قائد منهم..
و لا يحملون حذاء الاسياد فى ايديهم..الخ
بمعنى ..
أن السودان سوف لن يسير فى دائرة مرة اخرى..
لاننا سوف لن نعود الى نقطة البداية..
السودان الان اما ان يكون للجميع..
و أما فلا..
فلقد جرب الساسة فى الشمال ابناء تلك الهوامش منذ عام 1986 و حتى الان..
فلم يتوقفوا عن القتال..
العكس..
فهم يسعون اليه بكل شغف..
لماذا ؟
لانها مسألة هوية..
نكون جميعا سودانيين..
و أما فلا...
لم انته من كلامى..
و سوف لن يكون لاى مداخلة معنى حتى اكمل هذه المداخلة...
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: معاوية عبيد الصائم)
|
الاخ معاويه عبيد الصايم
لوعاوز صور للبشير مع قرنق الى نقد لهما الرحمه سوف ناتى بها
ماعندنا فى حزب الامه اى مشكله ان نجلس مع البشير ونتحاور مع اى سودانى تحت اى ظرف
العيب والمشكله بتكون لو بعنا مبادئنا شاركنا فى قتل وظلم السودانين كما حدث منذ عام 2006 حتى الان من
الحزب الشيوعى السودان
الحركه الشعبيه شمال
الاتحادى الديمقراطى الاصل
حركات دارفور عدا عبدالواحد
يكون لعلمك يا معاويه
نحن لم نغير موقفنا منذ الانقلاب
سوف نشارك اذا تم انتخابنا فى انتخابات نزيهه
او حكومه وطنيه انتقاليه لا يسيطر عليها احد ولا يستثنى منها احد تهيئ الجو لانتخابات حره ونزيهه
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Mohamed Doudi)
|
وعليكم السلام كمال و حافظ
شكرا كمال على تبيان الموقف الدستوري لإفتراض حل الجمعية التأسيسية وهو ما لم يحدث بالطبع, لذا بالرجوع لموضوع البوست و باقي حديثي التاليQuote: ناهيك عن انه حتى توقف الحياة الديمقراطية في 30 يونيو 89 لم يتم حل الجمعية ولحظة الانقلاب كان السيد الإمام رئيسا للوزراء ولا أحد ينازعه شرعيته, الحديث هنا عن فترة انتقالية بعد ذهاب الانقاذ, قولة ذهاب الإنقاذ تعني نظريا عودة الوضع ليوم 29 يونيو 89
وهو امر مستحيل بالطبع ان يعود الوضع بكامله كما كان عليه, لكن لا مشكلة ان يعود آخر رئيس وزراء منتخب باعتبار ان لا وجه للإعتراض عليه مقارنة بأي شخص آخر سيثور تساؤل عن المعايير التي تم اختياره بها
هنا الموضوع ليس عن اداء السيد الامام وفشله ونجاحه في دوراته السابقة - بالمناسبة هن اتنين أمهن و ابوهن التولّى فيهن رئاسة الوزارة ما عارف المرّة التالتة جات من وين* - الحديث عن شرعيته ووضوح المعيار و الحجة مقارنة بمحاولة اختيار اي شخص غيره و كيف سيكون هذا الاختيار مثارا للجدل و التحاجج و الخلاف |
نظريا آخر رئيس وزراء يتمتع بالشرعية هو السيد الإمام
طالما الجمعية التأسيسية التي يستمد شرعيته منها لم تحل أو تستقيل أو تفقد شرعيتها بطريقة دستورية, ما بني على باطل الانقلاب فهو باطل و حين يزول الإنقلاب تعود الأمور لما كانت عليه قبل يوم 30 يونيو 1989.
أمّا آراءنا في السيد و في حزب الأمة وسلوكه وتحالفاته و ما إلى ذلك تبقى آراء تقبل النقاش و الأخذ و الرد و الاتفاق و الاختلاف لكن لا خلاف على حقيقة شرعية السيد الإمام التي تجعلها الأنسب لقيادة فترة انتقالية هدفها وضع دستور دائم أو انتخاب جمعية تأسيسية لوضع الدستور
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: محمد البشرى الخضر)
|
فى الديمقراطيه التى كان رئيس وزراء كنا فى نعمه وحياه مدهشه تعليم وصحه وعزه لايختلف اثنان فى نزاهه الرجل وصفحته البيضاء كونه رئيس لحزبه امر يخص المكتب السياسى لحزب الامه وجوده فى فتره انتقاليه ضمانه للمسيره بشعبيه حزب الامه التى فاجت الاخرين عند سقوط النميرى
اجمل مافيه عفه اليد واللسان .
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: عمر دهب)
|
(*)
حديث الأخت نور تاور .. حديث يليق بعهد النظام الشمولي , بما فيه من تحدي خارج صندوق الإنتخابات
و لكن .. عند أول تجربة ديمقراطية جديدة ..سيعود السيد الصادق المهدي رئيساً للوزراء - مكتسحاً كمان
الحركات المسلحة أثبتت أنها مجرد واجهات للوردات الحرب و سماسرة الدم
الناشطون الإسفيريون .. الأحزاب الصغيرة , لكم في ميادة سوارالدهب و تراجي مصطفى خير مثال على الإنتهازية
الواقع يقول أن السيد الصادق المهدي يثبت كل عام أنه كبير أهل السودان و ليس كبير القوم من يحمل الحقدا ..
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: كمال علي الزين)
|
الصادق المهدي ليس الشخص المناسب لقيادة حكومة إنتقالية. شرعيته التي تعود لإنتخابات 1986 قد أزالها هو بنفسه حين صافح البشير ووقع إتفاقيات عديدة مع حكومته. نحن هنا لا نتحدث عن شخص ظل صامداً في مقاومة الإنقلابيين.
مرت ثلاثة عقود منذ تلك الانتخابات، و مصير السودان أهم من يحدد فقط بهذا المبدأ الإجرائي الذي يلزمنا بنتيجة تلك الانتخابات بعد مرور كل تلك السنين. شرعية الصادق المهدي الان مثل شرعية حفيد اخر ملوك سنار، مكانها كتب التأريخ !
الصادق المهدي مسجون في متاهة فكرية للتوفيق بين إرث المهدية و الإسلام السياسي المعاصر، و يرى حكم السودان مجرد منبر أعلى يعتليه و يتسغله في التبشير بمقولاته التوفيقية الضحلة ، لأنه يعلم أنه بدون أضواء السلطة فليس هناك من هو على إستعداد للإستماع لتلك المقولات التي لا ترقى لمشروع فكري جاد. إنه في سعي دائم لتعويض ما يفتقده من إبداع نظري ببريق السلطة.
لو كان أعلاه عيبه الوحيد لكان مما يمكن التغاضي عنه في مرحلة الفراغ في القيادة السياسية هذه، لكن الصادق المهدي لا يستطيع القيام بأبسط مهام إدارة جهاز الدولة: لا يستطيع فرض سلطته على الأجهزة الأمنية و العسكرية ، و لا يمتلك الحنكة لإدارة الاقتصاد و حله للأزمات السياسية هو الإعتكاف. أولويات سياسته الخارجية تحددها نزعاته لقيادة ما يسمى بالعالم الإسلامي و ليس المصلحة الوطنية.
يفتقد الصادق المهدي البراقماتية – بمعناها الإيجابي – المطلوبة لإدارة الاقتصاد و جهاز الدولة، و في نفس الوقت لديه براقماتية قاتلة و بليدة حين يستغل التوترات الإثنية لتحقيق حلول سريعة ، غير مكترث بالكلفة البشرية الباهظة و لا بالتوترات العرقية طويلة المدى التي يخلقها . إنه يهتم برأي ملالي إيران فيه أكثر من إهتمامه بمصير الأبرياء الذين يحرقون أحياءاً في القطارات.
إن قاد الصادق المهدي حكومة إنتقالية فبذلك يكون قد تم زرع بذرة عدم الاستقرار السياسي لعقود قادمة. تأريخ السودان السياسي الحديث هو تأريخ من فواصل تراجيدية يفصل بينها إعتلاء الصادق المهدي للمسرح السياسي ، يمهد فيها للكارثة القادمة. تقديم الصادق المهدي كحل إهانة للشعب السوداني و كأنه لنصف قرن عجز عن أن يخرج من هو أفضل منه لقيادته.
أرى إحتمال أن تأتي انتخابات بالصادق المهدي ضعيف و لكنه وارد. و لهذا السبب بالذات ، أي إحتمال أن تأتي أول انتخابات في ديموقراطية هشة بمثل الصادق المهدي ، يجب أن يتولى الحكومة الإنتقالية أشخاص بطبيعة مختلفة . الصادق المهدي بتخبطه و ضعفه سيمهد الطريق لإنقلابي سوداني على طراز السيسي. و الضمانة الوحيدة لمنع هذا السيناريو هي أن تقوم الحكومة الإنتقالية – قبل الانتخابات - بإضعاف مراكز القوى في أجهزة الدولة التي ستتربص للإتقضاض على الحكومة الديموقراطية. هذه المهمة لن يقدر على القيام بها شخص مثل الصادق المهدي لا يمتلك الحسم و لا الشجاعة و لا المبدئية و لا الحنكة.
يجب إحترام الخيار الديموقراطي إن أتي بالصادق المهدي ، و لكن يجب قبل ذلك تصميم النظام الديموقراطي ليصمد حتى و إن كانت الحكومة ضعيفة، و هذا ما لم يحدث طيلة تأريخ السودان. إن أتت الفرصة لإختيار نظام إنتقالي سيكون الخيار إعادة تدوير تأريخ الفشل السياسي – و أيقونته الصادق المهدي – أو إختيار طريق مختلف.
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: كمال علي الزين)
|
العزيز كمال الزين التحية والإحترام لن يحدث ذلك قبل أن يخرج عبدالرحمن الصادق من القصر وليس قبل أن يرفض الصادق تكريمه ممن إنقلب عليه وليس قبل خروج الصادق نفسه من المنطقة الرمادية رِجل في الحكومة ورِجل في المعارضه! يستعصي علي فهمي كيف يفشل حزب الأمة وهو حزب صاحب أغلبية كما ذكرت في آخر إنتخابات ديمقراطية حزب بهذا الوزن يفشل في تسيير مظاهرة من ألف شخص فقط دع عنك الملايين للتعبير عن مناهضته لسياسات الحكومة أو الإحتجاج علي إعتقال رئيسه في الماضي وإعتقال أمين الحزب ونواب الرئيس الآن! أصبحت وغيري كثير نشك إن بقيت لحزب الأمة جماهير والشارع أفضل مكان لمعرفة جماهير أي حزب
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: محمد الحسن حمدنالله)
|
2-
الواقع يقول أن السيد الصادق المهدي يثبت كل عام أنه كبير أهل السودان و ليس كبير القوم من يحمل الحقدا ..
....
رفضى التام من تكليف الصادق المهدى بتشكيل الحكومة الانتقالية..
نابع من عدم ثقتى التامة فى الصادق المهدى..
لانه سوف لن يكون امينا فى تشكيل الحكومة الانتقالية..
و لانه سوف لن يسلم البلد بعد تشكيل الحكومة الانتقالية..
و لانه رجل مريض بالسلطة..
و لانه فاشل سياسيا و بكل المقاييس..
و عموما..
من من السودانيين قام بتشكيل حكومة انتقالية ثم سلمها للشعب سوى الفريق سوار الذهب ؟
أمنة مختار..
تشكرى يا استاذة..
أما طبظاتى الجندرية التى لا اعرفها..
أعتقد أنها تدخل فى باب شخصى..
و لا رايك شنو ...
المهم الاتفاق حول ما يهم البلد..
.....
و نعود للنقطة الثانية..
عدم ثقة الهامش فى النخب السياسية الشمالية يعود الى ما قبل استقلال السودان..
حينما كانت تلك النخب تسافر الى مصر لمناقشة حق تقرير المصير للسودان مع الملك فاروق..
فلم تشمل تلك الوفود فى أىّ من مراحل التفاوض أى شخص نوباوى أو فوراوى أو فونجى أو جنوبى..
و بالنسبة للذين يحبون المغالطات لتنظيف تاريخ السودان الغير نظيف..
أن يمدوا القارئ باسم شخص واحد..
المهم تلك المفاوضات هى من نّبه الجنوبيين للخيانة السياسية التى كانت تدور فى ذلك الوقت..
الآمر الذى تفاعل و تشكل ودفع بالجنوبيين الى رفع السلاح من القرن الماضى و حتى الانفصال..
بقية الهوامش فّضلت معالجة الازمة السودانية بكل الطرق السلمية الممكنة حتى ستينيات القرن الماضى..
حينما ظهرت نهضة دارفور, اتحاد عام جبال النوبة, جبهة الشرق..الخ
كلها تنظيمات لم تفكر مجرد التفكير فى رفع السلاح لنيل المطالب..
حتى عام 1987 حينما رفع السلاح فى جبال النوبة لمواجهة النشاط العسكرى للصادق المهدى..
و استمر رفع السلاح حتى تاريخه..
اذا فالمسألة مسألة ثقة..
و اعتراف بالقيادة..
و جرد حساب لما قدمته تلك القيادة للسودان..
و سؤال بسيط وبدون أى تعقيدات..
ماذا قدمت الاحزاب الطائفية وقياداتها للسودان ؟
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: nour tawir)
|
3-
الاستاذ محمد على طه الملك..
ست نور فكيتي آخرك الزعل ما كويس أول مرة أعرف الشمال النيلي دا في قارة أستراليا !!!
انتو بتكرار استخدام المصطلح دا كمقابل للافرقانية عايزين تصلو لى شنو ؟
...
أعجبتنى هذه المداخلة يا ملك و يعجبنى الرد عليها..
أولا حينما اتحدث عن الشمال النيلى..
فأنا لا أتحدث عن الشعب..
الواقع تحت استهتار النخب الشمالية..
وهو ضحية مثل أى شخص فى أى جهة فى السودان..
أنا أتحدث عن النخب السياسية و الحكومات الوطنية قبل وبعد الاستقلال و حتى تاريخه..
هذا هو آخرى..
أما سؤالك حول ماذا نريد فالاجابة عليه كالاتى..
نحن نريد جنسية سودانية واحدة..
ثم و بعد ذلك فلينتمى أى شخص الى أى قبيلة يشاء..
يعنى باختصار نحن نريد السودان أولا...
و هذا كل ما يهمنا كسودانيين..
ثانيا نحن نريد المساواة فى الحقوق و الواجبات..
يعنى نكون جميعا متساويين فى هذا الجانب..
و لا يمكن أن تقنعنى يا ملك بأن سياسات حكومات الشمال تراعى ذلك..
و باختصار..
يعنى مسألة الاستعانة بوجوه معينة من الهامش لتعطى الحكومة شكلها القوى..
هذا الامر سوف لن يتكرر..
لآننا نريد دولة مؤسسات..
يعنى مثلا حركة اسماعيل الازهرى فى السودنة لم تنطلى علينا..
حينما ابعد اهل الهامش محل النقاش من التوظيف بحجة عدم التعليم..
لان الكنائس البريطانية و الاسترالية كانت تقوم بمهام التعليم فى الجنوب و جبال النوبة و لم تكن هناك أزمة تعليم كما ادعى..
فقد كانت تلك حجته فى ابعاد السودانيين الافارقة من دواوين الحكومة..
عنصرية عمر البشير الذى قسم السودان أكوام أكوام لا تخفى عليك و لا تحتمل المكابرة..
عمر البشير قتل ما يزيد عن الاربعة مليون شخص فى جبال النوبة و الجنوب و الفونج..
أما دارفور فحدث ولا حرج..
كل ذلك لاسباب عنصرية..
و مثال بسيط الطيار الروسى و الذى يقود طائرات روسية و حينما يكلف بالغاء قنابل الانتينوف فى جبال النوبة..
و حينما يتردد عن ضرب مدارس الاطفال..
كانت القيادة العسكرية تأمره بتنفيذ الاوامر و ضرب (الدخان العفن) يقصد بهم النوبة..
هذا هو الجيش السودانى الذى نعول عليه فى المشاركة فى اسقاط عمر البشير..
ثم ليقل لى احدكم..
كيف انه فى ستين عاما بعد الاستقلال..
لم يتم تعيين أى شخص من الشعوب التى اتحدث عنها فى الوزارات السيادية..
مثل وزير الدفاع و الداخلية..الخ
دينق الور تقلد وزير خارجية السودان فى الفترة الانتقالية لنيفاشا اذا لم تخنى الذاكرة بموجب اتفاقية دولية ما كان البشير سيتنصل عنها..
ثم ان النساء اللائى يتم الاعتداء عليهن فى دارفور (بالسونكى) و كثير من الاسلحة الحادة..و اللائى قال عمر البشير بان عليهن ان يفخرن اذا جاء الاغتصاب من جعلى..
هن نساء مسلمات فى دولة اعلنت الدين الاسلامى نظاما لحكمها..
و لكن لانهن دارفوريات فلا يرتقين الى مستوى البشر حسب عمر البشير الرئيس الشمالى النيلى..
هناك عدم ثقة من الحكومات الشمالية تجاهنا..
و هناك عدم احترام..
و هناك كراهية علنية و صلت حد استصدار الفتاوى لقتلنا مثل فتوى قتال الخوارج سنة 1992 و نفس الفتوى تم تجديدها عام 2012..
هذا هو آخرى يا ملك...
أعود بأذن الله...
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: nour tawir)
|
من ابداعات محمد دودى...
العيب والمشكله بتكون لو بعنا مبادئنا شاركنا فى قتل وظلم السودانين كما حدث منذ عام 2006 حتى الان
...
طبعا الذين قتلوا فى جبال النوبة و الجنوب و النيل الازرق من 1986 الى مايو 1989..
هؤلاء ليسوا سودانيين..
و لا حتى بشر...
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: nour tawir)
|
طبعا الذين قتلوا فى جبال النوبة و الجنوب و النيل الازرق من 1986 الى مايو 1989..
هؤلاء ليسوا سودانيين..
و لا حتى بشر...
الاخت نور تاور
بعض الذين قتلوا ونهبت ممتلكاتهم اقربائى شخصيا يا نور تاور فمافى زول يستطيع المزايده علينا هنا....
.
العيب والمشكله بتكون لو بعنا مبادئنا شاركنا فى قتل وظلم السودانين كما حدث منذ عام 2006 حتى الان
انتى عارفه انا بتكلم عن منو فى الجمله الفوق دى
بتكلم عن اصدقاء النضال الذين شاركوا الانقاذ
بالمناسبه مازلت على استعداد لاقامه ندوه فى اتوا عن الحرب الاهليه فى جنوب كردفان 1985-1989
دودى
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Mohamed Doudi)
|
محمد دودى...
بالمناسبه مازلت على استعداد لاقامه ندوه فى اتوا عن الحرب الاهليه فى جنوب كردفان 1985-1989
....
و لا تنسى ان تقدم لنا دعوة..
و بعدين ما دام انت عندك ناس قتلوا و نهبت ممتلكاتهم..
بتغالط قيام الحرب اصلا ليييه ؟
من الذى أشعل نار تلك الحرب ؟
و لماذا اشعلها ؟
و ماهى الايديولوجية و الاستراتيجية التى استخدمت فى تلك الحرب ؟
و ماهو دور فضل الله برمة ؟
و ماهو دور مبارك الفاضل ؟
و ماهى الرتب التى منحت للجنود من ابناء البقارة ؟
و لماذ حركت النبرة العنصرية فى تلك الحرب ؟
و لماذا أدخل الصادق المهدى ابناء البقارة اصلا فى تلك الحرب ؟
و ما هو السلاح الذى استخدم فى تلك الحرب ؟
و ماهى تداعيات تلك الحرب ؟
يا محمد دودى..
قسما بالله لا عندنا وكت و لا عندنا راحة البال البتخلينا ندخل فى متاهات زى دى و لا حتى عندنا اخلاق عشان ندخل فى مناكفات اسفيرية فارغة..
و لكن بما أنه واقع اتفرض علينا..
فالسيرة دى ما حتنتهى ....
يعنى باختصار المتسبب فى الخراب دا..
يعترف بخطأه..
و يعتذر ..
و ينتهى الآمر...
و لكن تغالطونا و تكذبونا وتشتمونا عشان نبلع الكلام و نسكت ؟
استحالة...
يعنى فى غيرى (لايوق) أكتر منى..
وبعدين انا بنظر للمشكلة بشكل شامل و عايزة الحل..
غيرى لا يعرف التسامح..
عايز حّقه وبس..
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: nour tawir)
|
يعنى باختصار المتسبب فى الخراب دا..
يعترف بخطأه..
و يعتذر ..
كده اتفقنا ودى لغه الاستاذه نور الذى نعرف
اى زول تسبب فى الفتنه بين مكونات الاقليم يعتذر
اما الحرب فلها اسبابها المنطقيه
رحم الله الاخ والصديق الاستاذ يوسف كوه
اما الذى تسبب فى الخراب
فسالى رياك مشار قائد اول حمله عسكريه فى جنوب كردفان
بالمناسبه هنالك فظاعات ارتكبت من البقاره
كما هنالك ابرياء قتلوا ونهبت ممتلكاتهم من البقاره ايضا
انا وانت ضحيه قوى خارجيه اتت من خارج الاقليم وفتكت بالاخضر واليابس والنسيج الاجتماعى للمنطقه ...الان هنالك تعافى والناس وعت الدرس بان العدو واحد...
لابد من مؤتمر فى المنطقه للحقيقه والمصالحه شبيه بتجربه جنوب افريقيا
دودى
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Mohamed Doudi)
|
كتب الأخ محمد البشري
((( وعليكم السلام كمال و حافظ
شكرا كمال على تبيان الموقف الدستوري لإفتراض حل الجمعية التأسيسية وهو ما لم يحدث بالطبع, لذا بالرجوع لموضوع البوست و باقي حديثي التالي
Quote: ناهيك عن انه حتى توقف الحياة الديمقراطية في 30 يونيو 89 لم يتم حل الجمعية ولحظة الانقلاب كان السيد الإمام رئيسا للوزراء ولا أحد ينازعه شرعيته, الحديث هنا عن فترة انتقالية بعد ذهاب الانقاذ, قولة ذهاب الإنقاذ تعني نظريا عودة الوضع ليوم 29 يونيو 89
وهو امر مستحيل بالطبع ان يعود الوضع بكامله كما كان عليه, لكن لا مشكلة ان يعود آخر رئيس وزراء منتخب باعتبار ان لا وجه للإعتراض عليه مقارنة بأي شخص آخر سيثور تساؤل عن المعايير التي تم اختياره بها
هنا الموضوع ليس عن اداء السيد الامام وفشله ونجاحه في دوراته السابقة - بالمناسبة هن اتنين أمهن و ابوهن التولّى فيهن رئاسة الوزارة ما عارف المرّة التالتة جات من وين* - الحديث عن شرعيته ووضوح المعيار و الحجة مقارنة بمحاولة اختيار اي شخص غيره و كيف سيكون هذا الاختيار مثارا للجدل و التحاجج و الخلاف
نظريا آخر رئيس وزراء يتمتع بالشرعية هو السيد الإمام
طالما الجمعية التأسيسية التي يستمد شرعيته منها لم تحل أو تستقيل أو تفقد شرعيتها بطريقة دستورية, ما بني على باطل الانقلاب فهو باطل و حين يزول الإنقلاب تعود الأمور لما كانت عليه قبل يوم 30 يونيو 1989.
أمّا آراءنا في السيد و في حزب الأمة وسلوكه وتحالفاته و ما إلى ذلك تبقى آراء تقبل النقاش و الأخذ و الرد و الاتفاق و الاختلاف لكن لا خلاف على حقيقة شرعية السيد الإمام التي تجعلها الأنسب لقيادة فترة انتقالية هدفها وضع دستور دائم أو انتخاب جمعية تأسيسية لوضع الدستور
))))
حل الجمعية التأسيسية - المقصود هنا ليس حلها عبر مرسوم رئاسي وإنما
لعوامل أخري !
وتحديدا الصادق المهدي فقد الأغلبية التي إنتخبته رئيسا للوزراء من داخل البرلمان !
- فقد الإتحاديين والجنوبيين والجبهة ! علي أساس يصبح رئيسيا شرعيا للوزراء إذا ما
فقد أغلبيته الإنتخابية؟؟
وحتي داخل حزب لم يعد يتمتع بذات الكتلة البرلمانية -والسبب
- الإنشقاقات
- الوفيات
- والمشاركة في السلطة !
ثانيا شرعية رؤساء الوزراء في النظم البرلمانية تعتمد بشكل دائم ولحظي علي الأغلبية البرلمانية المستمرة - !
-
لو إنتخب رئيس وزراء قبل إسبوع - بأغلبية 155 نائب من جملة 300 والبقية معارضينن
ثم - إستقال 10 نواب أو ماتوا أو سحبوا تأييدهم لهم لسقطت وزراته حتي ولو بقي البرلمان
شرعيا !
* بعد إنفصال الجنوب وعوامل الوفاة وتحول الولاءات السياسية وتأييد السلطة الإنقلابية
فيا أخي محمد البشري - أرجو أن تكون أكثر تحديدا - لتثبت أن الصادق لازال يتمتع بأغلبية برلمانية - لم تؤثر عليها كل العوامل السابقة - وكما نعلم فإن فقدان الأغلبية يعني
أوتماتيكيا وتلقائيا سقوط شرعية رئيس الوزراء المنتخب !
* بالعقل والمنطق الصادق المهدي - لايملك أغلبية تؤهله لرئاسة الوزراء منفردا - حتي ولو إعتمدنا له ال102 دائرة التي حصدها في آخر إنتخابات ديموقراطية ! إحتاج وقتها لبناء تحالف لتشكيل وزارة !
2- اليوم الصادق لايملك تلك المقاعد - لعوامل الوفيات والإستقالات والإقالات والإنشقاقات والتحول لأحزاب أخري !
3- الإتحادي صاحب الكتلة الثانية -
برضو كتلته تآكلت بفعل العوامل أعلاها وحتي ولو سلمنا إنه يملك ذات العدد فمن يضمن أنه سيتحالف مع حزب الأمة ليبقي ليبقي الصادق رئيسا للوزراء ؟
4- الكتلة الشمالية الثالثة هي الجبهة وهي خضعت لنفس العوامل السابقة بالإضافة للإشكالات ا لقانونية - الإنقلاب والجرائم
5 - نواب الجنوب ذهبو ا مع الجنوب ( بالمناسبة حتي إذا إستبعدنا نواب الجنوب فإن الصادق لن يتمكن من الحكم منفردا !
6 نواب الحزب الشيوعي ومن معه مات أغلبهم وذهب أحدهم مع الجنوب!
......
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: كمال عباس)
|
يا كمال تحليلك اختلف معه للاتى:
1-الصادق المهدى كان اخر سلطه تنفيذيه منتخبه وانفصال اقليم لا يعيب البرلمان واهليته يعنى يتم خصم النواب البرلمان الذين اصبحوا مواطنين لدوله اخرى وفقدوا الجنسيه السودانيه وبالمناسبه لم تجرى انتخابات فى حوالى 15-30 دائره فى عام 86 وكانت شاغره
2-اذا تم انتقال للسلطه لاخر حكومه ديمقراطيه اعضاء البرلمان او ما ينوب عنهم (احزابهم) اذا فارقوا الحياه من حقهم ان يسحبوا الثقه من رئيس الوزراء
3- غالبا تتقاضى القوى الرئيسه فى البلاد ( الامه القومى, الاتحادى الديمقراطى الاصل, الحزب الشيوعى, الحركه الشعبيه شمال, حركات دارفور(العدل والمساواه وتحرير السودان) وحزب المؤتمر الشعبى اذا شارك فى الثوره عن اخر حكومه ديمقراطيه ويتم الاتفاق على حكم انتقالى لا يتجاهل الاوزان فى اخر حكم ديمقراطى ولا نضالات الاحزاب فى الحراك ضد الشموليه وجماهيرتها ...
4- احبز حكومه تكنقراض او كفاءات لاداره الفتره الانتقاليه مع تكوين مكتب رئاسى خماسى من الاحزاب وبرلمان مصغر من القوى الحيه لرسم سياسات الفتره الانتقاليه كما تم الاتفاق فى برنامج البديل الوطنى بين ( تحالف قوى الاجماع ونداء السودان) لمده 4 سنوات على الاقل يتم فيها حلحله مشاكل الدستور الدائم والهويه ومحاربه الفساد والاتفاق على برنامج تنموى 5--10 سنوات يشمل التعليم والصحه والبنيه التحتيه
كدى يا كمال نسقط الانقاذ اولا ونترك سياسه امر الحكم للجماهير...لاننا حرااام ان نلدغ من الجحر الف مره.... لو تامر الاحزاب وعدم مسئوليتها لما نجح انقلاب الانقاذ...هل تتذكر الاضرابات اليوميه العبثيه المطلبيه التى عطلت الانتاج وذهدت الناس فى الحكم الديمقراطى لان الديمقراطيه تعنى الفوضى ولذلك استقبل البعض الانقلاب بقلب مفتوح ....لان الديمقراطيه ارتبطت بالفوضى وعدم القدره على اتخاذ القرار لعدم حصول اى حزب على الاغلبيه التى تمكنه من اتخاذ اى قرار وتحمل مسئوليته فى صندوق الاقتراع
دودى
| |
|
|
|
|
|
|
|
|
|
Re: لا بديل للسيد الصادق المهدي إلا .... (Re: Mohamed Doudi)
|
سلام أخ محمد دودي
(يا كمال تحليلك اختلف معه للاتى:
1-الصادق المهدى كان اخر سلطه تنفيذيه منتخبه وانفصال اقليم لا يعيب البرلمان واهليته يعنى يتم خصم النواب البرلمان الذين اصبحوا مواطنين لدوله اخرى وفقدوا الجنسيه السودانيه وبالمناسبه لم تجرى انتخابات فى حوالى 15-30 دائره فى عام 86 وكانت شاغره
2-اذا تم انتقال للسلطه لاخر حكومه ديمقراطيه اعضاء البرلمان او ما ينوب عنهم (احزابهم) اذا فارقوا الحياه من حقهم ان يسحبوا الثقه من رئيس الوزراء )
نقطتي محددة وهي أن السيد الصادق المهدي لايملك شرعية برلمانية أو أغلبية تجعله يستمركرئيس وزراء !
* النقطة المحورية هنا ليس ذهاب نواب الجنوب - وحسب وإنما الوفيات+ والتحولات السياسية + الإنخراطفي السلطة الإنقلابية الي غير ذلك !
* كم من نواب حزب الأمة ال102 أحياء؟ كم منهم يقف بمعزل عن الإنقاذ؟ كم منهم لازال يدين بالولاء للصادق؟
- قس علي ذلك كتلة الإتحادي - كانت 67 نائب ونواب الجبهة 50 والمستقليين واليساريين !
* شرعية رئيس الوزراء في الجمهورية البرلمانية تعتمد - علي قوته ووزنه الآني في البرلمان
.....
| |
|
|
|
|
|
|
| |
كمال علي الزين
Abdalla Hussein
Deng
صديق مهدى على
Asim Ali
Mirghani Taitawi
محمد حمزة الحسين
علي عبدالوهاب عثمان
Ali Alkanzi
محمد البشرى الخضر
علاء سيداحمد
عبدالمنعم الطيب حسن
nour tawir
محمد على طه الملك
Abureesh
Mohamed Doudi
أيمن نواى على
كمال عباس
آدم صيام
Kostawi
عبدالعظيم عثمان
Khalid Elsayed
حسن حماد محمد
Hafiz Bashir
كمال مبارك
نيازي مصطفى
فيس بوك
تويتر
انستقرام
يوتيوب
بنتيريست