|
|
|
 Re: الخيش المفروم في مطاعم الخرطوم (Re: Yasir Elsharif)
|
الخيش يا اخ ياسر فيهو بروتينات تقيلة .. خاصة القديم،
وطبعا الاطعم منه الملاح البتعمل بالصراصير والجنادب .. وده حايتفتح ليهو بوست منفصل .. المهم خبر اليوم يقول..
تااااق لصاحبك بتاع الطقه فى الاسواق و قول ليهو _ احبك و انت متخييييش 😂😂😂😂😂
ضبط مطعمين بالخرطوم يستخدمان جوالات الخيش في الأطعمة كبديل للحم
الخرطوم : هاجر سليمان
شنت مباحث حماية المستهلك حملات مكثفة أمس استهدفت المطاعم بالعاصمة القومية، وضبطت قوة المباحث مطعماً شهيراً للوجبات الشعبية بالسوق العربي يستخدم خيوط جوالات الخيش بدلاً عن اللحم المفروم وذلك في صنع ملاح التقلية والأطعمة التي يدخل في صناعتها اللحم المفروم، وأثناء الحملات ضبطت قوة المباحث أيضاً مطعماً معروفاً بسوق ليبيا تديره سيدة تقوم بصنع الأطعمة من جوالات الخيش وتقديمها لزبائنها.
وطبقاً للمصادر فإن عينات من تلك الأطعمة أحيلت للمعامل الجنائية حيث جاء قرار المعامل ليؤكد بأن تلك الأطعمة تم صنعها من مادة الخيش وتم تدوين بلاغات في مواجهة المتهمة، والمتهم وستتم إحالة أصحابهما للمحكمة. وفي السياق تؤكد حماية المستهلك استمرار حملاتها معلنة انطلاق حملات كبرى لتفتيش المطاعم وفحصها للتأكد من جودتها.
السوداني
| |
 
|
|
|
|
|
|
|
|
Re: الخيش المفروم في مطاعم الخرطوم (Re: عمر التاج)
|
نحن سبقنا ناس الخرتوم بي سنوات عددا يا عمر
عندنا في كوستي الكسرة والعصيدة عند النسوان .. ما مطاعم
اها انتشرت القصة دي مع ملاح الشرموط . عند بعض النسوة
بجيبو الخيش ويتعمل مع الشرموط . ما براهو يعني . وياخد مرقة ماجي
والخيش زاتو بتقطع دقاق جدا عشان ما يتفرز ويظهر
الموضوع انتشر وتمت محاربة اي مرة متهمة بالخيش . والزباين ثابتين ما زي الخرتوم
اياهم ناس السوق مافي غيرهم
| |
|
|
|
|
|
|
|
|
 Re: الخيش المفروم في مطاعم الخرطوم (Re: الطيب عباس)
|
Quote:
طيب لو الخيش المفروم بيتأكل وطاعم وفيهو بروتينات وغير مضر، يبقى المشكلة في أنو حقو يكون معلن وغير مدسوس
|
الخيش القديم يا ياسر بكون طاعم لانه بتحلل بسرعة وبكون معتت ومليان مصايب وعرق.. وهو مضر طبعا وربما سبب كثير من الامراض
وطبعا شكله في الطبيخ يشبه الشرموط المطحون لذا فان الزول القرمان بستلذ بطعمه عادي ..
وطبعا لاصحاب المطاعم مربح جدا مع كيلو اللحمة الزاد فوق المية جنيه .. شوال فحم فاضي واحد بيظبط الحلة
| |
|
|
|
|
|
|
|
|
|
Re: الخيش المفروم في مطاعم الخرطوم (Re: عمر التاج)
|
سلامات اخ عبد الحفيظ
يعني انتم السابقون وناس العاصمة اللاحقون
Quote: نحن سبقنا ناس الخرتوم بي سنوات عددا يا عمر
عندنا في كوستي الكسرة والعصيدة عند النسوان .. ما مطاعم
اها انتشرت القصة دي مع ملاح الشرموط . عند بعض النسوة
بجيبو الخيش ويتعمل مع الشرموط . ما براهو يعني . وياخد مرقة ماجي
والخيش زاتو بتقطع دقاق جدا عشان ما يتفرز ويظهر
الموضوع انتشر وتمت محاربة اي مرة متهمة بالخيش . والزباين ثابتين ما زي الخرتوم
اياهم ناس السوق مافي غيرهم |
لكن الخيش عندكم شكله بيستخدم لتدقيل الملاح
والماجي بتطعمه .. لانه الويكة واللحمة غالية..
المشكلة بعد غلاء الخيش الملاح تاني يبقى رقيق ..
ونسمع في المطاعم واحد يكورك فيهم
( ملاحكم ده مالو خيشو خفيف كده؟)..
ذكرتني بتاع اللبن حقنا كان راجل صادق وكده .. اها يوم زود السعر شوية .. قلت ليهو ليه الرطل بي خمسة الف ؟ انت قاعد تشتريه بكم؟ قال بخمسة الف ..!
-طيب وبتربح شنو؟
- حق الموية .
| |
|
|
|
|
|
|
|
|
 Re: الخيش المفروم في مطاعم الخرطوم (Re: عمر التاج)
|
سلامات اخونا الطيب..
الشى ده سمعت بيه ولا جابو ليك؟
Quote:
سمعت بالموضوع دا والله الله يكضب الشينه 🤣
قالو طاعم خلاص
تحياتي تجتوج |
الخيش فعلا قالوا ملاحو طاعم ..
لكن انا بتوقع بعد ينتهي الخيش المطاعم تلجأ لاكياس البلاستيك لانها محظورة من الاستخدام الخارجي..
تحت تحت الحكومة قالت مادايرة كيس في الشارع
عشان المواطن لما يجن بسبب الغلاء مايلقى اكياس يلقطها ويربطها في راسو
يعني الحكومة عايزة تجننكم لكن ماعايزاكم تستمتعوا بجنكم
| |
|
|
|
|
|
|
|
|
|
Re: الخيش المفروم في مطاعم الخرطوم (Re: nour tawir)
|
الأخت نور تاور
تحياتي يا ملكة
في ظل الانفلات المجتمعي الكامل خلال الفترات الأخيرة وغياب الرقابة
أتوقع ان يكون الشعب قد اخذ جرعات كافية من كل عناصر الكون
المواطن المسكين جرب الميتة والدم لحم الخنزير والخيش والبغال
والبلاستيك والكلاب والصراصير والجراد والقمل وما اكل الكلب
ومافضل ليه الا ان ياكل لحم أخيه ميتا
| |
|
|
|
|
|
|
| |
عمر التاج
Yasir Elsharif
عبدالحفيظ ابوسن
الطيب عباس
nour tawir
فيس بوك
تويتر
انستقرام
يوتيوب
بنتيريست