|
Re: قالوا بتحب قلت ليهم الروووب (Re: عبدالحفيظ ابوسن)
|
الخطوبة السودانية بشكلها المتعارف عليه زواج الا شنو كدة ما عارف حتي مراسميها نموذج مصغر لمراسيم الزواج فيها المال والدهب واللبس والحفلة والسيرة خطبت البت بتودي قولة خير حسب عادات المنطقة .. الكمية والنوعية لازم خاتم وسلسل وغويشة اسكيرت وبلوزة وشبشب وطرحة (الكمية والنوعية تخضع للوضع ) عطور وكريمات
| |
|
|
|
|
|
|
Re: قالوا بتحب قلت ليهم الروووب (Re: عبدالحفيظ ابوسن)
|
اها من خطبت البت انفكت من ابوها وعلقت في رقبتك كسوتها ومصاريفها بقت عليك كسوة العيدين زمان كنا مفتحين ما بتخطب وتخلي العرس بعد العيدين وطبعا كسوة العيد للخطيبة امر مختلف جدا تكسيها وتنعلتها وتجيب العطور والكريمات والذي منو
| |
|
|
|
|
|
|
Re: قالوا بتحب قلت ليهم الروووب (Re: Abureesh)
|
اووو حمد آي والله تنعلتها وفقا للموضة كم لبثتم في مهجركم هذا ؟!! اتا تعرف السفنجة القمر بوبا الزمان ديييك اتغيرت . كانت بتصنع محليا من شركة باتا سميكة وقوية .. بعدها جات سفنجات صينية ابو حمامة الاصلية . وكانت بأسعار معقولة . اها هسة اولادي في البيت ما بقبلو بالسفنجة . ظهرت مصانع بلاستيك تصنع اردأ الانواع كل شهرين دايرين شبشب . البارح دى اشتريت واحد للمدام ب 40 ج قال 50 بعد عض شلوفة ومعرفة حتي نقص السعر اها شوف دة شبشب بيت . عاين الخطيبة بتجيب ليها شنو ما تقول لي دكتور شول يا قديم
| |
|
|
|
|
|
|
Re: قالوا بتحب قلت ليهم الروووب (Re: عبدالحفيظ ابوسن)
|
سمعت بي كم جريمة قتل تشترك في التفاصيل شاب قام بقتل شابة في ظروف غريبة . شاب متزن وغير عاطل وفي وضع اقتصادي لا بأس به الشابة علي اعتاب التخرج او في الجامعة ثم تنكشف التفاصيل بعد فترة الشاب خاطب البنت . وصرف عليها في تعليمها الجامعي . طمحته البنت او أكتشتف ان لها علاقة بغيره وصارحته بأنها لا تريده حوادث القتل التي سمعت بها كانت بشعة سدد لها الشاب أكثر من طعنة بعضها تفاصيلها ابشع
| |
|
|
|
|
|
|
Re: قالوا بتحب قلت ليهم الروووب (Re: عبدالحفيظ ابوسن)
|
تحياتي اخ عبد الحفيظ قبل أن نعرف الحب كنا نسمع بالحب العذري وننتظره وعندما عشناه كان زمن الحب العاطفي البرئ حب صافي لا ينتظر الحبيب من الحبيبة غير رؤياها أما اليوم فها نحن نشاهد الحب المادي حب يتوافق مع متطلبات العصر الخادع لذا نرى حساب تكلفة الحب بقدر ما دفع الحبيب وحينها قد تدفع الحبيبـ/ة حياتها
| |
|
|
|
|
|
|
Re: قالوا بتحب قلت ليهم الروووب (Re: عمر التاج)
|
يا عمر اهل السلطة ضربوا اسوأ الامثال في مراسيم وطقوس الزواج . عالم خيالي في وطن فقير وضيقوا علي الشباب فرص النهوض ذلك الشباب الذي كان يكفيه التمسك بالتعليم النظامي لينهض بأسرته ونفسه صار التعليم مستحيلا للفقراء وفرص العمل مستحيلة للشباب الاكفاء انهدم الامل
| |
|
|
|
|
|
|
Re: قالوا بتحب قلت ليهم الروووب (Re: عبدالحفيظ ابوسن)
|
الحكومة السبب في كل تغيرات سلوكية في المجتمع . بشكل مباشر او غير مباشر كان التعليم سهلا حتي الجامعي لكل من يستطيع المنافسة بقدراته وتحصيله لا تعاني الاسر كثيرا في سبيل تعليم ابناءها هسة الموضوع حد الاستحالة الطالب بدفع رسوم ولو كان مقبولا حكوميا عليه ان يسكن ويأكل ويشتري كتبه ومتعلقات دراسته ودة كلو بقع علي عاتق الاسرة . والناس بتتصرف مرات حد الفساد وحتي الحب كما قال محجوب شريف مربوط بالسياسة
| |
|
|
|
|
|
|
|