|
Re: خطوات حكومية حاسمة لحل الضائقة المعيشية و (Re: عمر التاج)
|
اخر خطوات البشير الحاسمة لحل ازمة الغلاء قال: - نحن ضاغطين البنوك والتجار عشان القروش الاكلوها يجيبوها راجعة هههههه غايتو البلد كان متكلة على البشير، معناتو متكلة على حيطة ود أمونة .. طيب نشوف حيطة ود امونة دي شنو؟: ود أمونة زول مشهور في الحلة بالشغلات البسيطة يحفر حفرة يكسر حطب يغرف بلاعة المهم عندك أي شغلة بسيطة تناديهو ليها وما عليك الأ تظبط الفطور والجبنة وتديهو الفيها النصيب. عندنا عمك جبار وما بطلع القروش وعندو حيطة داير إبنيها جاب ليهو كم بنا قالوا ليهو حيطك دي واقعة في خور الأ نردم الخور أول وبعداك نبنيها عمك شاف الشغلة مكلفة قام نادى ود أمونة عشان يبنيها ليهو ناس الحلة نصحوهوا يا زول ود أمونة دي ما شغلتو جيب ليك بنا زي الناس لكن عمك ركب رأس وأصر على رأيو وود أمونة ما صدق طوالي بدأ في البنيان أول مامشوا شوية عمك سألو يا ود أمونة وين المجرى بتاع تصريف الموية ود أمونة عامل فيها ما نساهو قال ليهو بنحفر ليهو بعدين تاني البنيان مشى شوية عمك قال ليهو يا ود أمونة حيطك دي معووجة . ود أمونة رد عليهو البياض بجيبها أها ود أمونة إنتهى من البنيان فرحان وقبل ما يحاسب عمك الحيطة جات واقعة وضحك الناس على عمك . أها الميزانية بتاعت 2018 دي عاملة زي حيطة ود أمونة أول حاجة الحكومة جابت ليها زول من الجيش على وزارة المالية ما عارف ميزانيتنا دي واقعة في خور وبعدين سحب الدعم عن السلع وماعمل ليهو مجرى عشان المساكين يتنفسوا ولما الجماعة قالوا ليهو ميزانتك دي معووجة قال الجمارك بتجيبها ورفع الدولار لحدي ما عار منو 😂غايتو حيطة ود أمونة ماكتلت ليها زول لكن ميزانية الركابي دي بعد تقع حا تكتل الشعب السوداني كلو. -الحيطة منقولة-
|
|
|
|
|
|
|
العنوان |
الكاتب |
Date |
خطوات حكومية حاسمة لحل الضائقة المعيشية وسعر الصرف.. | عمر التاج | 01-25-18, 07:38 AM |
Re: خطوات حكومية حاسمة لحل الضائقة المعيشية و | حمد عبد الغفار عمر | 01-25-18, 07:04 PM |
Re: خطوات حكومية حاسمة لحل الضائقة المعيشية و | عمر التاج | 01-25-18, 08:14 PM |
Re: خطوات حكومية حاسمة لحل الضائقة المعيشية و | عمر التاج | 01-29-18, 08:19 AM |
Re: خطوات حكومية حاسمة لحل الضائقة المعيشية و | Hani Arabi Mohamed | 01-29-18, 08:37 AM |
Re: خطوات حكومية حاسمة لحل الضائقة المعيشية و | Asim Fageary | 01-29-18, 08:42 AM |
Re: خطوات حكومية حاسمة لحل الضائقة المعيشية و | عمر التاج | 01-29-18, 10:17 PM |
Re: خطوات حكومية حاسمة لحل الضائقة المعيشية و | عمر التاج | 01-30-18, 05:58 AM |
Re: خطوات حكومية حاسمة لحل الضائقة المعيشية و | ابوحراز | 01-30-18, 06:36 AM |
Re: خطوات حكومية حاسمة لحل الضائقة المعيشية و | عمر التاج | 01-30-18, 07:05 AM |
Re: خطوات حكومية حاسمة لحل الضائقة المعيشية و | عمر التاج | 01-30-18, 07:56 AM |
Re: خطوات حكومية حاسمة لحل الضائقة المعيشية و | عمر أبوعاقلة | 01-30-18, 08:36 AM |
Re: خطوات حكومية حاسمة لحل الضائقة المعيشية و | عمر التاج | 01-30-18, 11:04 AM |
Re: خطوات حكومية حاسمة لحل الضائقة المعيشية و | عمر التاج | 01-30-18, 11:50 AM |
Re: خطوات حكومية حاسمة لحل الضائقة المعيشية و | عمر التاج | 01-30-18, 12:52 PM |
Re: خطوات حكومية حاسمة لحل الضائقة المعيشية و | عمر التاج | 01-30-18, 06:42 PM |
Re: خطوات حكومية حاسمة لحل الضائقة المعيشية و | عمر التاج | 01-31-18, 08:05 AM |
Re: خطوات حكومية حاسمة لحل الضائقة المعيشية و | عمر التاج | 02-02-18, 05:41 PM |
Re: خطوات حكومية حاسمة لحل الضائقة المعيشية و | فقيرى جاويش طه | 02-02-18, 06:41 PM |
|
|
|