|
|
|
 Re: الحكومة قالت ليكم خلو الترف (Re: فيصل محمد خليل)
|
عليك الله يا فيصل شوف جنس المغايس دي
بقن علينا اتنين
الواحد لو ما يقولو بتحدث في امور شخصية
نطلع الحكاوي الشخصية والشيلات حقات العرس وقولة خير وفطور العريس والسمايات والعزومات وموايد الرحمن
بقينا نتقاسم الرغيفة ونتمها موية
| |
 
|
|
|
|
|
|
|
|
Re: الحكومة قالت ليكم خلو الترف (Re: عبدالحفيظ ابوسن)
|
تصدق يا ود القوز
محنونا المحنة الواحدة دي
قالوا الولد وابوهو مفلسين فار مسيد بس
ماشين في السوق لاقو ليهم بلح سمح
الولد قال لابوه
هسة الواحد لو عندو قروش كان باع للعيال ملوة بلح
ابوه قال ليه
ليش ملوة ما كفاهم ربع بس
قال ليه
لا خليهم يشبعو
ملوة .. ربع .. ملوة ... ربع
الابو لما في الولد جلدو
جنك بذير قروش وبعزقة
| |
|
|
|
|
|
|
|
|
|
Re: الحكومة قالت ليكم خلو الترف (Re: عبدالحفيظ ابوسن)
|
صديقي ابوسن
كلامون دا ذكرني باحدى النبلاء الفرنسيين .
النبيل دا كان بيصحى من النوم الساعة ١١ و يستحمى
و يبدا يومه الساعة واحدة ظهراُ . يوم جاتو رسالة من المحكمة
فيها ان يحضر لجلسة في المحكمة الساعة ٨ صباحاُ .الصباح و هو
ماشي للمحكمة شاف الشارع كله مليان ناس ماشين فاستغرب و قال
كل الناس ديل مدعوين للمحكمة ؟! . الحكومة دي بتعاين بعيون ناسه
| |
|
|
|
|
|
|
|
|
Re: الحكومة قالت ليكم خلو الترف (Re: عبداللطيف حسن علي)
|
انت عارف يا ود ابو سن ناس الحكومة ديل بيقولوا ليكم خلو الترف عشان
هم ما بيتعاملوا بالجنيه ولكن عملتهم الدولار ، لانهم بيكنزوا ملايين الدولارات
من الاموال المسروقة من مال الشعب المغلوب على امره، ولمن رفعوا سعر الرغيف
لجنيه واحد استغربوا لمن سمعوا بان الناس طلعت مظاهرات ضد الغلاء ، ، وبيقولوا
بالله شوف المترفين ديل هسع وينو الغلاء اذا كان بدولار واحد ممكن تشتري ٣٧ رغيفة
باعتبار ان الدولار ببساوي ٣٧ جنيه،،وفي امريكا تشتري بدولار رغيفتين بس،،،
شفت الناس ديل بيفكروا كيفن!!؟وما عارفين ان اي عامل وموظف مرتبه اقل من ٤٥ الف دولار
في السنة في امريكا بيعتبروهو عايش تحت خط الفقر وبيحتاج لمساعدة من الضمان الاجتماعي
ويرسلوا ليه مرتب اضافي شهري يساعد بيه نفسه...
مع وافر التقدير والاحترام
| |
|
|
|
|
|
|
|
|
|
Re: الحكومة قالت ليكم خلو الترف (Re: عمر التاج)
|
صحي يا عبداللطيف ودايما بتكون في رمضان . ومعاهو ام عيالو ترقش كلها من الدهب
ولا الوزيرة القالت هي زيها و زي الناس تحت خط الفقر ومفكرة تلغي الماهية . مع انو الزول مش بلغي الماهية وبشتغل مجان . لكن بخلي الشغل وبشوف شغل احسن منو .
محاولات ساذجة وغبية لاظهار انهم زينا
هم ما زينا ابدا
نحن احسن منهم
| |
|
|
|
|
|
|
|
|
|
Re: الحكومة قالت ليكم خلو الترف (Re: عبدالحفيظ ابوسن)
|
ﻭﻧﺤﻦ ﺗﻌﺎﺑﺔ ﻧﺤﻦ ﻏﻼﺑﺔ ﻻ
ﻧﻘﺪﺍً ﻭﻻ ﻣﺤﺼﻮﻝ
ﻭﺟﺎﺯ ﺍﻟﻠﻤﺒﻪ ﻓﻲ ﻏﻠﺒﺔ ﻭﺣﻖ
ﺍﻟﻔﻄﺮﻩ ﻟﻠﻄﻠﺒﻪ ﻭﺭﻛﻮﺏ
ﺍﻟﺘﻜﺴﻲ ﺑﺎﻟﻘﻠﺒﻪ
ﻭﻟﻮﻻ ﺍﻟﺮﻭﺡ ﺑﻘﺖ ﺳﻠﺒﻪ ﻧﻤﺺ
ﺍﻟﺼﻠﺼﻪ ﻣﻦ ﻋﻠﺒﻪ ﻭﻛﺎﻥ
ﺍﻟﺠﺎﺗﻨﺎ ﻓﻲ ﺍﻟﺮﻗﺒﻪ .
ياخي حتى الصلصة بقت طرف في (ترف) اليومين ديل .
| |
|
|
|
|
|
|
|
|
|
Re: الحكومة قالت ليكم خلو الترف (Re: ولياب)
|
صحي يا امتثال
بقيسو بي نفسهم .. كومشينات مدورة . المال الخش البلد دي في دول الخليج مافي . لكنه يصب في بير ليس لها قرار . ولو كان تراب الارض ذهبا لما كفاهم . فهم مهلوعين . والمهلوع ما بشبع بياكل علي عينو .
لو كل بترول العالم وذهبه كبو فيهم برضو ياهو الحال
| |
|
|
|
|
|
|
|
|
|
Re: الحكومة قالت ليكم خلو الترف (Re: عبدالحفيظ ابوسن)
|
هلا ود ابوسن
الفساد افة الدول
ولنا فى نيجيريا أسوة سيئة
إنتاج يفوق المليوني برميل من النفط يوميا والحال ياهو نفس الحال
اعجبنى تصريح جورج ويا بعد اداء اليمين الدستورى رئيسا منتخبا للبيريا ان أولوياته محاربة الفساد ورفع رواتب الموظفين
وعندنا الفساد فى إرتفاع والرواتب فى هبوط (بحسابها بالدولار)
وأعود لموضوعك الأساسى وأقول ليك (الايدو فى المويه مازى الايدو فى النار)
ياربى قاصدين نخلى القرف؟
| |
|
|
|
|
|
|
|
|
|
Re: الحكومة قالت ليكم خلو الترف (Re: محمد بدرالدين)
|
تعرف يا عبد الحفيظ
يقال والعهده علي الراوي فيما يختص
بإستقالة الغندور
غندور قدم استقالته شفهياً للبشير
البشير قاليه ليه يا غندور
غندور قاليه يا ريس الرغيفه بقت ب ١٠٠٠ ج
قالوا عمر البشير نهر غندور نهره شديده
وقاليه يا مزمل ما تقول الف جنيه الرغيفه بجنيه بس
الشعب في بلد تاني والحكومه في الجهه المعاكسه البعيده
والله يكون في عون محمد أحمد الغلبان
شعب عملاق يتزعمه أقزام
| |
|
|
|
|
|
|
|
|
|
Re: الحكومة قالت ليكم خلو الترف (Re: محمد بدرالدين)
|
الخطاب طبعا موجه للمترفين
والمترفين طبعا ياهم ناسهم
بس دعوتهم الشكلها
حاجة كدا زي التحنيس والإستجداء وحلفتكم بالرسول دي
خلتني أتذكر حاجة قالها أمير كويتي بعد عودتهم للكويت
في عقابيل إنصرام الغزو الصدامي لبلدهم
قال ليهم تتقشفوا شوية
يعني الكان عندهم 4 خدامين عليهم الإكتفاء ب 3
تخلوا الترف نترجمها للمترفين السودانيين كالآتي :
ما في داعي تحلو في كل الوجبات
حلو في الفطور وفي الغدا وخلو العشاء يكن خفيف شوية
ما في داعي لتفاح فرنسا
فلنكتفي بتفاح المغرب
ما في داعي للإثاثات من إيطاليا
الصيني ماله !!!
(تقوم تسمع مرة وزير تقول ...صيني إخييي عليهم)
لكن
مهما كانت الدعوة للتخلي عن الترف
جات من منو وليه ما مهم
هي ضرورية
ولو هم جادين في حكاية الترف يبدوا بحاجة واحدة
أي وزير يكتفي بعربية واحدة
بعد ما السواق يوصل الوزير للمكتب
يرجع يشتري الخضار
و يمشي يودي المدام للحنانة
ويرجع للوزير عشان يرجعه للبيت ففي نهاية يوم العمل
يا شعب السودان
لن يتخلي المترفون عن ترفهم
فهو عندهم من حقوقهم المنزلة
والمحصنة والمسورة بالنصوص المقدسة
(وبجنازير الدبابات وهروات عملاء الأمن )
فما في حل غير تحرموهم من الترف
(وزي ما عارفين ترفهم فات حدود العوارة)
أحرموهم من الترف بأن تتوقفوا عن دفع الجبايات والضرائب
جربوا وما حتندموا عشان تشوفوا جرسة المترفين كيف
| |
|
|
|
|
|
|
|
|
|
Re: الحكومة قالت ليكم خلو الترف (Re: عبدالحفيظ ابوسن)
|
يا عماد قريش
دة فساد ما حصل ولا حيصل لا الآن ولا في المستقبل واقول ذلك جازما
يكون قاصدين الشطة تصدق
الشعب السوداني بقا ياكل بالشطة .. الشطة بتودر الطعم .. بتغطي عيب مذاق الطعام
يكونو قاصدين ما تاكلو شطة
| |
|
|
|
|
|
|
|
|
|
Re: الحكومة قالت ليكم خلو الترف (Re: عبدالحفيظ ابوسن)
|
يا عماد قريش
دة فساد ما حصل ولا حيصل لا الآن ولا في المستقبل واقول ذلك جازما
يكون قاصدين الشطة تصدق
الشعب السوداني بقا ياكل بالشطة .. الشطة بتودر الطعم .. بتغطي عيب مذاق الطعام
يكونو قاصدين ما تاكلو شطة
| |
|
|
|
|
|
|
|
|
|
Re: الحكومة قالت ليكم خلو الترف (Re: ahmedona)
|
Quote:
يا ولياب بقا نوم الليل ترف
لو في سكة تشتغل اربعة وعشرين ساعة عسي ان توفر ربع احتياجات اسرتك الغذائية فقط
الرغيف براهو بلتهم معظم الدخل |
يا ود أب سن أعانكم الله وأعاننا جميعاً .
لوقت قريب كانت الأمور هنا في الغربة
(سترة حال) ولكن تبدل الحال من السترة
للكشف ، وحقيقة أصبحنا أمام أمر واقع
الغلاء أمامنا والرسوم من خلفنا ، وبالرغم
من ذلك همنا ومعاناتنا من أجل الناس بالداخل
=========================
حقيقة هناك سؤال يدور في خاطري ، هل الذين
في سدة الحكم في بلادي يعانون من غلاء المعيشة
كما يعاني المواطن ؟؟؟
| |
|
|
|
|
|
|
|
|
|
Re: الحكومة قالت ليكم خلو الترف (Re: عبدالحفيظ ابوسن)
|
صحي يا محمد بدرالدين
شوف الجابتو صحف اليوم
قال ابتعدنا عن لا اله الا الله جابتلنا الغلاء
ومرة قالوا استعمال الرغيف الطازج !! يعني نخلي يبيت
ووزير قال نحن ما عندنا يقين ودة اسباب كارثة الاقتصاد
تباريهم يطلعوك من الملة
| |
|
|
|
|
|
|
|
|
|
Re: الحكومة قالت ليكم خلو الترف (Re: عبدالحفيظ ابوسن)
|
الاخ ابو سن
والاخوة المرور الكرام
قريت العنوان دة في كشك جرايد بالخرطوم
ولقيت نفسي بكورك بصوت عالي واسب والعن ف الحكومة
الناس الحواليني بعاينو لي زي الجاي من كوكب اخر الا عمك كبير كدة بي جلابية نضيفة ضحك وقال لي انت شكلك بتاع مشاكل
https://postimg.org/image/rcl8bb1ob/
https://postimg.org/image/rcl8bb1ob/
طبعا التصريح بتاع والي الخرطوم الطالب الاحزاب بي ممارسة الديمقراطية خلاني اتلفظ
شلتهم البيت وصورتهم وكنت منتظر افتح بوست بس م عرفت اقول شنو
| |
|
|
|
|
|
|
|
|
|
Re: الحكومة قالت ليكم خلو الترف (Re: Osama Mohammed)
|
يا بشير مريت علي قصة غندور .. وفي ظني هي قصة بائسة ومحاولة ركيكة وفاشلة
محاولة اظهارهم كبشر يحسون بآلام الناس
غندور يعلم ان الحد الادني للاجور 425 ج او نحو ذلك لا أكثر وهي التي يحسب منها المعاش لاحقا
ما تكفي الاسرة رغيف
محاولة أنسنة اهل السلطة محاولة فاشلة
وعلي ثقة لا يشوبها شك ان اي خلاف يطفو سيكون خلاف مصلحة شخصية محضة
| |
|
|
|
|
|
|
| |
عبدالحفيظ ابوسن
فيصل محمد خليل
جمال ود القوز
عبداللطيف حسن علي
عمر التاج
ولياب
عماد قريش
محمد بدرالدين
بشير حسـن بشـير
Nasr
ahmedona
Osama Mohammed
فيس بوك
تويتر
انستقرام
يوتيوب
بنتيريست