|
Re: سودانيون على الخط: يوجد إحساس ... لا توجد حس (Re: محجوب البيلي)
|
Quote: طوال وجودي في البورد استوقفتني كلمات وعبارات كثيرة.ربما كان القاسم الوحيد المشترك بينها هو أنها ... استوقفتني. رغم تعدد الأسباب:لجمالها..لشناتها...لغرابة تراكيبها...لأنني لم أفهمها...لأنني لن أفهمها...لعبقرية الأخطاء الإملائية أو النحوية فيها...........لأسباب أخرى |
| |
|
|
|
|
|
|
Re: سودانيون على الخط: يوجد إحساس ... لا توجد حس (Re: محمد الكامل عبد الحليم)
|
Quote: لا أذكر على وجه التحديد متى بدات جمع هذه التحف.(هل أسميها "تحف" أم "نوادر" أم "كتابات" أم ... ماذا؟)كنت أقرأ المداخلة فتعجبني العبارة.تعجبني = تستوقفنيوعندما تكرر الأمر قررت أن أجمع هذه العبارات لأشرك فيها الآخرين.كتابات كثيرة أعجبتني وفاتني تدوينها.وكتابات كثيرة مضى عليها وقت طويل حتى بهتت ألوانها.لذلك فقد يبدو بعضها غير مفهوم أو منتزعاً من السياق الذي وردت فيه. |
| |
|
|
|
|
|
|
Re: سودانيون على الخط: يوجد إحساس ... لا توجد حس (Re: محجوب البيلي)
|
والله ضحكت كما لم اضحك من قبل بين سطور هذا المنبر ..البوست الوارد لينكه اعلاه .. الذ بوست اقراهو من الله زرعني في هذا المكان ..اجمل تعليق كان لبيناوي ..Quote: اول مرة اشوف لي سد بيحبس الكهرباء ويولد الموية !! |
تحياتي يا بيلي ..حاولت كثيرا تذكر متى كتبت ادناه .. وفي ياتو مناسبة !!غايتو بالغت !!Quote: حافه واعلام .. وصحفيين كبار واعلام وبذاءات متفرقه .. وايميلات للنشر المجانى وللتهدبد وتسجبلات هاتفيه .. وأدباء ووكالات انباء وزوجات وزميلات سابقات وزملاء ورؤساء تحرير اجانب ومخافر شرطه وشهود بالتأكيد .. هناك نضال ما وثمة بطوله..← محمد حيدر المشرف |
| |
|
|
|
|
|
|
Re: سودانيون على الخط: يوجد إحساس ... لا توجد حس (Re: محجوب البيلي)
|
دعــاء الســفر:((Allahu Akbar, Allahu Akbar, Allahu Akbar, [O, who mocked us this and we have linked together, and I am to our Lord we must return] O I ask you in our journey this righteousness and piety, and work is satisfied, O Allah, we played our journey this fold after us, O Allah, You sidekick to travel, the successor in family , I seek refuge in You from the aftermath of travel , and blues scene, and ill capsized in the money and family) ◄ رواه عز الدين عباس الفحل، عن Google
| |
|
|
|
|
|
|
Re: سودانيون على الخط: يوجد إحساس ... لا توجد حس (Re: محجوب البيلي)
|
يا سلام عليك محجوب البيلي............. الجزء الاول ممتع واتفق علي ذلك كثيرين، وكنت استفتح به اليوم ولا ابالغ اذا قلت اختتم به اليوم كذلك.. الأسباب عندي معروفة وتعلم ذلك. . دعاء السفر لصاحبه عزالدين الفحل ، المفترض يختمه ب قوقل رضي الله عنه. الكيبورد تحت إبداعاتك وأفكارك المدهشة يابيلي ............
| |
|
|
|
|
|
|
Re: سودانيون على الخط: يوجد إحساس ... لا توجد حس (Re: معاوية المدير)
|
Quote: ولأنك يا محجوب صائد تقتفي المعاني ولطائفها من مظانها حيث يسكن الجمال وعلي جواره علامات التعجب والاستفهام وهن واقفات كحراس المحراب ...يوجد بالفعل ذاك الأحساسفقل لنا عنه لا سواه.. |
أخانا محمد الكاملشكراً على المبادرة... وعلى حسن الظن.آمل ألا أخيب ظنك، ومرحباً بك دوماً في محراب الجمال.
| |
|
|
|
|
|
|
Re: سودانيون على الخط: يوجد إحساس ... لا توجد حس (Re: محجوب البيلي)
|
Quote: تحياتي يا بيلي ..حاولت كثيرا تذكر متى كتبت ادناه .. وفي ياتو مناسبة !!غايتو بالغت !! |
إن كنت ناسي... أفكرك: حدث ذلك يوم 27 مارس 2009، هنا: صحافهصحافهعنوان البوست: أنا ( خضـرعطا المنان) .. فلا تـزايد أو تـزيد .. ياسـعادة ( العـمـيد !!!) ....................................أخانا الحبيب محمد حيدر المشرفإعجابك بالبوست يعني لي الكثير. وكما يقول ناس "منتديات الترتر" (محمد البشرى الخضر ©)مرورك دائماً، يعطر صفحتي
| |
|
|
|
|
|
|
Re: سودانيون على الخط: يوجد إحساس ... لا توجد حس (Re: اخلاص عبدالرحمن المشرف)
|
Quote: مرة السر عكاز كان راجع من صلاة عيد الاضحي هو وأبوهو (طبعاً ابوهو هو اللي ساقو للصلاة) المهم واثناء الصلاة كان في واحد جارهم ماصلي مع الناس وضبح خروفو بدري بدري .. أثناء مرور عكاز وأبوهو بالشارع لاحظوا إنو جارهم معلق الخروف قدام بيتو في شجرة مسلوخ وبيقطع فوقو .. فقال عكاز لأبوهو وهو يتمتم ( تعرف يا حاج الزول ده لو كان سيدنا ابراهيم كان سيدنا اسماعيل راح فيها) |
Quote: مرة السر عكاز كان زعلان شديد من ضابط إداري (شايف نفسو حبتين) في مجلس عطبرة لأنو رفض ليهو طلب قبل كده بتعالي وغطرسة ..... في أحدي الايام قابلو في عقد زواج في حلة الحصايا وكان الضابط الإداري لابس مركوب جلد نمر (كرت) من النوع الغالي الثمن و يتمخطر ويتبختر في مشيته ويقصد بيها التعالي و أظهار العظمة متخطيا الجلوس بصورة لافته للنظر و هو يتقدل وعاجبو مركوب النمر الجديد الذي أبتكر له مشيه مخصوصة ... فما كان من عكاز إلا و أن قال للجلوس بصوت عالي ... والله النمر سيد الجلد زاتو ما بمشي كدة ... |
Quote: وكان عادة يأتى الى المنزل متأخرا فيدخل دراجته بالمقلوب فيبدو وكأنه خارجا للتو...وعندما يسأله والده ماشى وين يرد عليه وهو يدخل الدراجه:أها خلينا المَرْقه !!!!! |
رواها الهادي الشغيل في نكات واقعية للسر عكاز أظرف طرفاء عطبرةة
| |
|
|
|
|
|
|
Re: سودانيون على الخط: يوجد إحساس ... لا توجد حس (Re: اخلاص عبدالرحمن المشرف)
|
من شدة اللغف والطيبات رقبتو اختفت يعنى لو حاكمو ب قصاص رقبة ما عندو الا يقصو من كرعينو المشققة دى
◄ معاوية عبيد الصائم في وصف ود الباوقة ............................................ شكراً أختنا الفاضلة إخلاص عبدالرحمن المشرف، أن أحييتِ هذا البوست الذي ظل ينازع طويلاً. أعدت نشر التحفة أعلاه بعد إضافة كلمة (من) التي سقطت منك سهواً.
| |
|
|
|
|
|
|
Re: سودانيون على الخط: يوجد إحساس ... لا توجد حس (Re: أحمد محمد عمر)
|
والله روعة غايتو يا أبو حميد بالذات حقت جلد النمر دي رهيبة .. دافن ليهو عدم منحه الرخصه وجاء اداها ليهو في حنانو .. هههه .. الزول ده ود نفاش عطبراوي بامتياز .. ياليت أخونا الهادي الشغيل يتحفنا بالمزيد من قفشات وتعليقات .. أخونا السر عكاز ... وبالمناسبة كل الحكاوي دي مريت عليها من قبل وقريتها وأضحكتني .. لكن هسه قريتها والله تاني ضحكتني كأني أول مرة أقراها .. مع إني متذكرها كويس جدا وذكراتي قوية .. لكن الزول ده يجبرك على الضحك .. فهو صاحب تعليقات في منتهى الظُرف والملاحة .. زي ده ما بتزنق ليك بي أخوي واخوك .. وحتى كان زنقتو بيكون عندك استعداد تعفو عنه .. لانه بعد تفارقه بتقعد تضحك من بديهته المتقدة ..
| |
|
|
|
|
|
|
|