|
Re: لماذا لا تبادر الزوجة زوجها (Re: عبدالحفيظ ابوسن)
|
البوست منبثق عشان ما تجي العصابة وتتعكلت فيني انبثاقة معقدة شوية ابوحسين جاب رابط .. دخلنا في الرابط مرقنا بي هناك للفلم زاتو ف شنو نحن اهل الفرحة جينا ما يجيني ود المشرف يقول لي خسئت ولا صبأت داير اخستك مالو ياخ ان الخستكة تقي من امراض ورم الفشاش والكبدة مناضلين كبار بخستكو انا مع شنو كمان ود المشرف داير تشارك في مضمون البوست حبابك ما داير اتخارج قبل تخش
| |
|
|
|
|
|
|
Re: لماذا لا تبادر الزوجة زوجها (Re: Maawya Hussein)
|
اها انا هنا جزء ضئيل من البرنامج واحدة قالت ليه الزوجة ما بتصارح راجلها برغبتها الجنسية حولااا ومعاهو كلام تاني ما قدرت افرزو لكن المذيعة نطت .. وسألت بت شابة بجرأة شديدة انت رأيك شنو ؟ يعني ممكن ؟ واستدركت سريعا يعني معليش رغم انك ما متزوجة وشابة لكن رأيكم كشباب ورررر البت نضمت حقيقة اطفالي الصغار كانوا متعلقين فيني نقة ونضمي ومتابعتي كانت نص كم لكن دة الرسخ في ذهني الذاكرة انتقائية
| |
|
|
|
|
|
|
Re: لماذا لا تبادر الزوجة زوجها (Re: عبدالحفيظ ابوسن)
|
شوف يا عاصم .. تخش جمهورية التلفزيون دي منطقة حرة وتتمتع بحرية منقطعة النظير . عليك الله شفت منقطعة النظير دي مش في مكانها واتقطعت فيها عمتك قالت قدرو كان جلدو بزيد وبرضو دى اشارة لقصة تراثية بذيئة اها انت تنزل من عربيتك وهي برضو جمهورية مستقلة وتخش التلفزيون فأنت آمن لكن تمرق الشارع العام كداري يلم فيك وكيل نيابة ولا عسكري ساي .. يوريك انك في بلد خرجت لتوها من سحيق التاريخ ويجو يقولو ليك لماذا لا تطلب الزوجة زوجها للفراش ؟ مالها ؟ ما بني آدم ؟ ياخ كدى خلوها من الدق وتفتيشها هي لابسة لباس ولا ام فكو وبعد داك ننقاش دة كلو ونخش اغرق منو ناقشو كدولة انها بني آدم
| |
|
|
|
|
|
|
Re: لماذا لا تبادر الزوجة زوجها (Re: Asim Fageary)
|
شنو يا معاوية بقا اتوماتيك ولا زي حق الخواجات تنضمو معاهو وينطفي براهو ولا تصفق احكي ليك نكتة من ركبت مفتاح النور في مرق السرير ولا عمك دة بسحب الباص ورد ياخ عندنا فتاوي بتقول وليع النور حرام عديل والنظر يورث العمي تقول لي اطفي انت زاتك مفروض تخش بالتحسس من الصالة للاوضة
| |
|
|
|
|
|
|
Re: لماذا لا تبادر الزوجة زوجها (Re: ترهاقا)
|
Quote: ابوحسين جاب رابط .. دخلنا في الرابط مرقنا بي هناك للفلم زاتو |
أبو حسين تطير عيشتو ..... إنت قلت عايز الرابط و جبتو ليك ... خليك أمين ياخ ..... بعدين قلتها ليك إنت كبرت على الحاجات دي أرقد نوم نومك ....... كنا بنتكلم عن صاحبنا ... واحد قال : دا نوع بعمل الشكلة من العصر عشان ينوم بدري بدون إزعاج .....
| |
|
|
|
|
|
|
Re: لماذا لا تبادر الزوجة زوجها (Re: ترهاقا)
|
ود أب سن الجميل ... وضيوفه الكرام
تعرف عندنا أهلا لينا في ضهاري الجزيرة ... جاهم شيخ حريم ... بيدرس الحريم في المسجد عن واجباتهن تجاه أزواجهن .. وحقوقهن أيضا
أها أظنو مرة اتكلم عن ضرورة أن تتزين المرأة لزوجها وكلام قريب من حديثك هذا ....
واحدة قالت ليهو والله الحاج ده بنوم في عنقريب براهو قدام الديوان ... ولا يرافقه إلا عكازه وتبروقته وإبريقه ...
قال ليها بعد تتزيني كويس .. وقبل ما يجي من صلاة العشاء ... أمشي ارقدي ليهو في عنقريبو ده
زولتك نفذت النصيحة .. صاحبنا جا لقاها ممدة في عنقريبو ...
ده منو ده ... بسم الله ... في شنو يا ولية .. مالك .. في شنو؟
قالت ليهو الشيخ قال كيت وكيت ...
زولك اتناول عكازه وجا عانيها ... قومي تقوم قيامتك ... مرة ما نصيحة ...
عليك أمان الله ... مرقنها كرعينا ....
وتاني يوم ... الشيخ ذااااااااااتو مرقنو كرعينو ...
والله صحي ....
تقول لي تبادر .... ههههههههههههههه
| |
|
|
|
|
|
|
Re: لماذا لا تبادر الزوجة زوجها (Re: ABUHUSSEIN)
|
سلامات اخ عبد الحفيظ لماذا لا تبادر الزوجة زوجها .. سؤال فعلا في محله ، مافيهو قلة أدب ولا صعلقة دي ثقافة جنسية مطلوب اشاعتها في هذا الزمن الذي يتوفر فيه عرض كل الثقافات والمعلومات المتضرر الأول من غياب الثقافة الجنسية للفتاة هو الرجل ، عندما تأتية زوجته ميتة حسيا وجنسيا لذلك أقول وعوا الفتيات والنساء ، وشجعوهن على النقاش والتفاعل مع الطرح ، ومسكوهن درب الإجابة السليمة أما عن السؤال نفسه ، فأعتقد أن المرأة الواعية من حقها أن تبادر، ولكن حياءها الفطري قد يجعل المبادرة غير صريحة وهو أمر مقبول حسب ثقافتنا وقدرتنا .
| |
|
|
|
|
|
|
Re: لماذا لا تبادر الزوجة زوجها (Re: حيدر حسن ميرغني)
|
Quote: الحجة دايرة تتعشى قالت ليه الحاج عندك مزاج ولا أقرش لي بصلة قال ليها أقرشيلك شوال ، نشكر الحاج على الشفافية بس عليك الله دي أُمة يبادروا ليها |
سودانيز دي فيها ناس قاعدين على الهبشة ...... دا واحد منهم ......
عبدالحفيظ عندك فرامل للبوست دا و ل طالقوا ساكت لي كل من هب و دب ....
| |
|
|
|
|
|
|
Re: لماذا لا تبادر الزوجة زوجها (Re: حيدر حسن ميرغني)
|
غايتو في واحدآت بيبادرن وعلي سبيل المثال لا الحصر واحدة قالوا عندها طريقة ظريفة جداً للمبادرة بتخلي الراجل لآمن يجي يرقد ؤ تمشي علي المرآية تمسك فتيل الخُمرة بين أصبعيها السبابة والإبهام وتقوم برجه . عمّك قال لأصحابو، والله بقيت من اشوّف المرا شايلة فتيل الخُمرة ؤ ترُج فيهو إتذكر التمرجي البيدي حُقن البانسلين .
أها وكِت يبادرن نبقى في الزي دا عآد !...
| |
|
|
|
|
|
|
Re: لماذا لا تبادر الزوجة زوجها (Re: ولياب)
|
هس عليكم الله الموضوع ده داير نقاش.. ومنو القال المرأة ما بتبادر... بس مبادرتها ما مفضوحة زي مبادرة الراجل... مبادرة غير مباشرة وجميلة ومهذبة ومفعولها أقوى من الكلمات.. فبالله ناس التلفزيون ديل ما يلخمونا من الحاصل بمواضيع الكلام فيها بمسخها... ما بحتاج لكلام أصلا... ولا يترتب عليها أي أثر... هسع يعني في الغرب الفيه مش مبادرة بل إغتصاب عديل للرجل من المرأة يعني حصل شنو؟ ما هي نفس المشاكل الهناك هنا Stereotype زي ما بقولوا.. فالموضوع يا أخي أب سن ما بيستاهل غير للونسة ساكت.. لكن صدقني تحصيل حاصل لا فيهو ناحية فلسفية ولا إجتماعية ولا بطيخ.. .The happy ending is always achievable if the communication is initiated/ executed properly بس ما شرط الصراحة لحد الجرأة اللفظية والتي من الممكن أن تشوه الصورة والمحتوى ولا شنو؟
| |
|
|
|
|
|
|
Re: لماذا لا تبادر الزوجة زوجها (Re: Kamal Karrar)
|
يا حيدر وحات الخوة كان سبلت ليها عيونك ساكت . تقول ليك اها لقطت ليك رمد وجيت ترمدنا ارقد في حوش الديوان ما تعادي الشفع ديل مش قالوا مدرسة للرومانسية بعد شوية يجيبو لينا فني علاقات جنسية زي الخواجات تدفع وتقابلوهو ويقول ليك خلو النور مولع
| |
|
|
|
|
|
|
Re: لماذا لا تبادر الزوجة زوجها (Re: عبدالحفيظ ابوسن)
|
يا ابوحسين عمي مسلط .. عندو طاحونة والكهربا قاطعة جاتو بنية مفترية من مشيتها وكنت بقعد معاهو لأنو وناس وماعندو فرامل قالت ليهو كهربتك قاطعة ؟ قال ليها كهربتي تكوي في الطبلون . لكن كهربة الطاحونة قاطعة امشي يا بت الاكبر منك يا .... امك يا شاف .... قلت احرجتها لكن يا عمي قال لي هي قاصدة
| |
|
|
|
|
|
|
Re: لماذا لا تبادر الزوجة زوجها (Re: عبدالحفيظ ابوسن)
|
يا عبدالباقي عمنا النبارك قال وبحكي لي ناس السوق الكبار وانا بتصنت قال ليهم جات خاشي من السوق المغرب . لقيت المرة تولع في حفرتها .. مشيت الجامع وصليت العشاء .. شلت عنقريبي في نص الحوش وقجيت ناموسيتي .. وختيت عكازي تحت العنقريب وقلت لل الوليدات علي الجزيمة ماشي انوم لو جات كديسة مارة جمبي ساي إلا يكون آخر يوم ليها .. تعبان وداير انوم اها زي دة لومك علي لو قالوا ليهو اول حرف فيها بطيخة يقول تربيزة تقول لي تصارحو
| |
|
|
|
|
|
|
Re: لماذا لا تبادر الزوجة زوجها (Re: Kamal Karrar)
|
سلام ابوسن والشباب
كيف ما بتبادر!
نعم مش مبادرة مباشرة وتعبير
ولكن يا اللخو . . . ريحة الدلكة ساااااى مبادرة ويا حبذا يوم تجي داخل وتلقاها نضيفة ومحننة
ياخي ديل ما عندهن موضوع ساى البيتكلمن عن المبادرة دي
مودتي
| |
|
|
|
|
|
|
Re: لماذا لا تبادر الزوجة زوجها (Re: محمد أبوزيد)
|
هوي ها اتا دة يا عووضة نحن مثقفين وشباب قدر بعض بناقش في كيفية ادارة حياتنا الاجتماعية لتحقيق التناغم الثنائي من توطين شكل العلاقة للاحساس بالرضاء الذاتي الذي ينعكس علي الرفيق اتا الحشرك معانا شنو كمان
| |
|
|
|
|
|
|
Re: لماذا لا تبادر الزوجة زوجها (Re: عبدالحفيظ ابوسن)
|
يا عمر التاج يا اخوي غايتو في حتة الثقافة الجنسية دى لا يشق لنا غبار بالذات في حكاية التصريح وحياتك لو واحدة ركبت معاك الباص ساي تعرف انها موحية لزوجها قبل تصلو . يا زول ريحتها ساي تخليك ملهلب كيف تصل بيتك وتوحي بي زوجتك دة كان ما لحقتها بي تلفون قبل الوصول وعاين جاي الايحاء دة عابر لكل العالم . امشي شوف الكراتين الجاية من السودان فيها شنو ؟ مثقفين جنس ثقافة حتي منعنا عطر الخمرة من البنات الما معرسات مع انو مجرد عطر .. لكن سبحان الله بشتغل ريموت كنترول بس
| |
|
|
|
|
|
|
Re: لماذا لا تبادر الزوجة زوجها (Re: عبدالحفيظ ابوسن)
|
هوي يا منتصر النكتة دي ما حقتنا والله كان رعفت ما تقول ليك كدة دي نكتة سمعناها بي لهجتها كمان من دولة شقيقة قبل اكتشاف النت زاتو هنا بالكتير ودة لو كانت حادة والادوات الايحائية المساعدة ما شغالة احتمال احتمال تقول ليك خلاس ما داير حاجة من المطبخ اقفلو زمن المطبخ كان خارج الاطار وبعد دة كلو تقول ليك متيمنة ومتنضرة ابوي ميت
| |
|
|
|
|
|
|
Re: لماذا لا تبادر الزوجة زوجها (Re: محمد حيدر المشرف)
|
يا اب سن بمناسبة دخول ناس الدوحة لي بوستك قال ليك الراجل مغترب كم سنة والمرة صابرة في السودان الشقيق اها بعد رجع إجازة كل ما تبادر الراجل يعمل حميل ويقول ليها بس أصبري شوية عشان الرطوبة هناك شديدة اها بعد عدة مبادرات سلمية المرة قنعت اها عندها ديك شليق شلاقة ابوالحسين ذا الردا الأبيض لم في العدة خلا أعلاها سافلها فنتو بالشبشب وقال ليته انت أريتك بي رطوبة قطر التكسرك ،فشنو أحمد ربك انك على عدم الرغيف البخلي عبق الأمكنة أو وشوشة العبير في المواصلات يدورك ستارتر فجوعوا تصحوا
| |
|
|
|
|
|
|
Re: لماذا لا تبادر الزوجة زوجها (Re: عبد الصمد محمد)
|
عندنا واحد يا ابسن برضو مرتو فجأة وقفت الدخان رغم إنهم ما داك الكُبر
قال بقيت لما أدور القصة بولع الحفرة وبدخن أنا ذاتي
قال بقت من تشوفني بفتح في الحفرة تقوم على الغرفة تجهزها وتفرشها وتجهز الخُمر
| |
|
|
|
|
|
|
Re: لماذا لا تبادر الزوجة زوجها (Re: عمر التاج)
|
سلام لصاحب البوست و ضيوفه
كان ابن عقيل الحنبلي يقول:
كنت إذا استغلقت علي مسألة دعوت زوجتي إلى الفراش فإذا فرغت من أمرها، قمت إلى قراطيسي أصب العلم صبا.
يا ابن عقيل ما أروعك. بس تعال و شوف حال الناس الأيام دي
الواحد بعد الفراش يغمى عليه للصبح: ما يقدر يلبس لباسو زاتواا
قال أصب العلم صبا !!!
| |
|
|
|
|
|
|
Re: لماذا لا تبادر الزوجة زوجها (Re: اسامة محمد ابوبكر)
|
اذنكم من الرد المتسلسل يا مشرف كتبت كتير عن الازمة السودانية وسأظل أكتب الخستكة اعالج بها احساس الكآبة والخوف علي الوطن شوال السكر وعندنا سبعة مصانع من 615 ج يقفز بين طرفة عين ل 860 ج والتسعيرة جاية من الحكومة شوال الدقيق من 167 لي 450 ج سني علي النضال ايدي وسوكي بالهتاف فمي و اغني ل قلبي واغني كدة كدة يالترلة لتفريغ طاقات سلبية واكتساب الفرح لا تخدعك هذه البوستات كبوستات انصرافية يا مشرف بل هي ترياق يخصني وبعدينك بقينا زي سيد العجلة والكسرة بي موية يا نفرغ ولا نطب ساكتين
| |
|
|
|
|
|
|
Re: لماذا لا تبادر الزوجة زوجها (Re: عبدالحفيظ ابوسن)
|
هههههههه
Quote: يا جلال انا عرفتو .. ناس أسكت كب ديل صعبين. |
الكب و الكبكبه و البكا مولاانا هوى .. ما تجرجرنى فى الكلام .. البوست ده جريمة و عليهو العين بعدين انا ذاتو جنّى و جن البوستات الزى بيت العزّابة ما بدورن بعدين عشان نقتكم دى الشغلة ح تبقى تكاثر لا جنسى
| |
|
|
|
|
|
|
Re: لماذا لا تبادر الزوجة زوجها (Re: جلالدونا)
|
معانا واحد في الشغل جا صاري وشو :( مالك يا زول ؟ المرة اتشاكلت معاهو وخلت البيت ..ومالا ؟ قال ليها كم يوم (بتبادر) وهو وعدا يوم الحميس والخميس جا وهو نط من وعدو
يدي الحلق للملهوش اضان
سلام وتحايا يا ابوسن لك ولضيوفك الاكارم
خلونا مستمعين ساي البوست دا فيهو فطاحلة المحترفين ونحن لسع ما وصلنا مرحلة الدرجة الاولي منكم نتعلم
| |
|
|
|
|
|
|
Re: لماذا لا تبادر الزوجة زوجها (Re: Osman Awoda)
|
يا مدير واحد صاحبنا شايل حبوب البندول في جيبو زي حبوب الضغط قال لي لامن اجي خاشي البيت واحس في مبادرة شغالة بنادي المرة .. واقول ليها جيبي لي موية تكون ماسكة الموية .. وانا ببطء تصويري اطلع حبوب البندول . واختها جوة خشمي حتان اتناول منها الموية والله مصداع صداع داير يكسر راسي .. اذنك آخد لي غمدة مع الحبوب نص ساعة واقوم وهي مارقة اقول ليها اطفي النور قال لي لومك علي نومتي حدها الصباح . كان عضتني باعوضة ما بحكها
| |
|
|
|
|
|
|
Re: لماذا لا تبادر الزوجة زوجها (Re: عبدالحفيظ ابوسن)
|
مشاركة من انثي خارج البورد
الراجل عايز من المرا شنو؟ وهو بيقدر يديها شنو؟ مطلوب منها شنو؟ الموضوع التزام ولا مزاج ولا مشاركة؟ هل تقبل ان تكون مجرد اداة جنس يسهل استبدالها ب جزرة او خيارة؟ هل تعلم شي عن عواقب عدم الاشباع الجنسي عند المرأة؟ الهدف من الزواج شنو؟ لماذا تكون العلاقات خارج اطار الزواج انجح؟ الحل شنو؟
| |
|
|
|
|
|
|
Re: لماذا لا تبادر الزوجة زوجها (Re: عبدالحفيظ ابوسن)
|
مشاركة من انثي خارج البورد
الراجل عايز من المرا شنو؟ وهو بيقدر يديها شنو؟
مطلوب منها شنو؟ الموضوع التزام ولا مزاج ولا مشاركة؟
هل تقبل ان تكون مجرد اداة جنس يسهل استبدالها ب جزرة او خيارة؟
هل تعلم شي عن عواقب عدم الاشباع الجنسي عند المرأة؟
الهدف من الزواج شنو؟ لماذا تكون العلاقات خارج اطار الزواج انجح؟ الحل شنو؟
يعني نحنا بقينا جزر وخيار ؟ ... هذا اضطهاد لنا لا نقبل به !
| |
|
|
|
|
|
|
Re: لماذا لا تبادر الزوجة زوجها (Re: Asim Fageary)
|
اها يا عاصم كدي نوقف الرد المتسلسل ونشوف راي اختنا هو كلام بالجد هام اهو نحن بنتكلم عن رغبات الرجل دون النظر لرغبات المرأة ماذا تريد وهل نحن واعين لذلك ونسعي لإرضائهن ماهي اضرار المرأة حين لا تشعر بالاكتفاء او الرضي حين تحس انها اداة فقط انعكاس ذلك علي العلاقة
| |
|
|
|
|
|
|
Re: لماذا لا تبادر الزوجة زوجها (Re: عبدالحفيظ ابوسن)
|
من القائل الرجل الحقيقي من يغري ذات المرأة أكثر من مرة اظنها احلام مستغانمي تصورنا للعلاقة الحميمة لا تخرج من تصور الرجل . هو الاساس والمحرك . دون الاعتبار للمرأة دون النظر لرغبتها هي واحترام خجلها وحياءها بعدم سؤالها بل بمعرفة ذلك الرجل عموما اكبر تجربة من المرأة . والمرأة ضحية الكبت فمن تنفلت منهن تحقق اقصي درجات رغباتها غير محاصرة بتقيم زوج يعتبر نفسه الوحيد الذي يمتلك جسدها وعقلها ومشاعرها الفاتح الاعظم لقلعة براءتها وانوثتها لذا يقول اوعاك من ام الدرفون ولو كان مدفون
| |
|
|
|
|
|
|
|