والله يا محمد الزول البهترش ده يستحق عضة مايك تايسون لي هولوفيلد دك . عضة الميدسون أسكوير . يا جماعة من زي ديل الواحد يعمل شنو ؟ غايتو يا يدق راسو ب الحيطة . يا كمان يشوف لو 48 برميل وايت ليبل تكفيهو لأحد ما تعدي 2020 . الوايت ليبل هو الحل
01-11-2018, 07:48 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
اكتر زول فاكا منو في السودان بالله شفتوا الزول دا قادي كيف!!! ما محضر اي حاجة غير بدلته التعبانة دي اشتر وكلامو خبشتوري تميت الجاني في الواتس وانبسطت في النهاية لأنو دي نوعية البيدو البشكير ............ وقال نحن الشباب تشب فيك نار الجمر؛ ونار اليشب بتاعة محسن خالد.... شباب مين ياعم الزول دا بالميت ٦٤ حولا صافية فير الجمع والأعياد والعطلات الرسمية؛
01-11-2018, 08:02 PM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4470
يا عادل يا باهي، يفترض في زول مثقف مثلك أن يعرف الفرق بين تكسير التلج ونسف قارة أنتاركتيكا .. والله والله يا عادل لم أستطع مشاهدة الفيديو دفعه واحده.. كنت بمشي واجيهو راجع (مفقوع مراره) ليس إلا ما موضوع مواقع.. وأنا في التمني يكون البرنامج كله كاميرا خفيه.. طلع موضوع مطامع.. أدونا عين يا ملك الغجر (حتى الوش الضاحك أبى ينزل)
01-12-2018, 06:05 PM
محمد المرتضى حامد
محمد المرتضى حامد
تاريخ التسجيل: 08-14-2006
مجموع المشاركات: 10832
لا يملك المرء الا ان يبصق في وجه هذا النفاق والضحالة الفكرية ولكن يا مولانا تفكرت قليلا حول المظهر الكلي البائس لهذا الزول .. وجدت ان النفاق ليس متجذرا في الطبيعة السودانية وبالتالي ليس له ادبيات وخبرات تتراكم وتضمن التطوير والتجويد وتشعل المنافسة بين المنافقين ليتم اصطفاء وانتقاء الاصلح في النفاق للقيام بادوار النفاق على المستويات العليا والظهور التلفزيوني الخ الخ .. لو كان الامر كذلك, لوجد الديكتاتور زول احسن من الزول الهايف والفاشل ده بكثير ..
نعم النفاق ليس متجذرا في طبيعتنا السودانية بل العكس تماما .. هو سلوك مرفوض ومستهجن بيناتنا ونأباه ونستقبحه جدا ..
01-12-2018, 08:11 AM
محمد الأمين موسى
محمد الأمين موسى
تاريخ التسجيل: 10-30-2005
مجموع المشاركات: 3470
Quote: النفاق ليس متجذرا في طبيعتنا السودانية بل العكس تمام
فعلا يا ود المشرف لذن تجده أشترا، ونسأل المولى عز وجل أن يحتفظ بشتارته ولا نصل إلى اليوم الذي تكون فيه الصورة الذهنية للسوداني مبنية على النفاق والتزلّف، لأن هذا الأمر يتناسب تناسبا عكسيا مع الرجولة والمروءة.
01-12-2018, 08:54 AM
Deng
Deng
تاريخ التسجيل: 11-28-2002
مجموع المشاركات: 52553
سلامات مولانا ومشتاقين غايتو فيديو مبالغة من كمية القرف ! كأنّي اتابع في احمد موسى وبقية شلة إعلام الهشك بشك المصري أيّأم انتخابات السيسي الاولي!
في الدقيقة 10:00 تقريبا وفي اجابته على سؤال المذيع عن الدستور وكدا يقول ان من يتحدّث عن الدستور له اجندة! طيب نشوف من تحدّث عن الدستور و الذي يمنع ترشيح البشير وله اجندة حسب هذا الجميعابي:
فتأمّل
01-12-2018, 08:58 PM
محمد المرتضى حامد
محمد المرتضى حامد
تاريخ التسجيل: 08-14-2006
مجموع المشاركات: 10832
(النفاق ليس متجذرا في طبيعتنا السودانية بل العكس تماما .. هو سلوك مرفوض ومستهجن بيناتنا ونأباه ونستقبحه جدا ..)
مش كده وبس يا المشرَّف، نحن كسودانيين نقف في النقيض للنفاق للدرجة التي نتبنى (عمليا) المثل القائل (الشكروهو قدامو نبذوهو) .. تخيّل، حتى من يستحق الثناء لانبذله له أمامه دعك عن من لايستحقه أصلا، وفي غربتنا هذه كان المعروف عنا أنا أبعد الشعوب عن النفاق ولم نعرف في تاريخنا - قبل حلول العهد الغيهب - مثل هذه البِدع.. يا محمد هسه أنا خجِلٌ من نسائنا ، بالجد والله.
01-12-2018, 12:26 PM
بارودى مصطفى فاشر
بارودى مصطفى فاشر
تاريخ التسجيل: 09-05-2014
مجموع المشاركات: 457
كنت احتقر الاعلام المصرى من الاسرف فى التطبيل وكسر الثلج لا مثيل له فى العالم ولكن فوجئت بهذا الرجل التافه الذى تفوق على المصريين فى التطبيل رجل تجاوز الستين ما ذا يريد من هذه الدنيا الفانية حتى يضع نفسه واسرته فى هذا الوحل القذر حسبى الله
01-12-2018, 01:04 PM
حمزاوي
حمزاوي
تاريخ التسجيل: 10-10-2002
مجموع المشاركات: 11622
يا حمزاوي والبقية بكون عندو دكتوراة ونص كمان ... صدقوني انا شخصيا شفت حالات زي دي ، ناس عندهم دكتوراة وماجستير والله الكتابة بالعربي ما بعرفو ! لا يمكن تصور الدمار الذي لحق بالتعليم ابدا ، هذه الشهادات اصبح لديها مقاولين ولديهم اعلانات تبث في تلفزيوناتنا علنا ، مراكز خدمات شغالة تسليم مفتاح يسلموك بحثك جاهز ويجي يناقشك واحد من نفس نوعيتك دي زاتا .. ياخ الرئيس عندو ماجستير بتاع شريعة ولا شنو كده ما عارف المهم .. اغلب قيادات الوطني دي عملت درجات عليا في الفترة الفاتت دي ، ناس ربيع عبدالعاطي و بدرالدين محمود وياسر بتاع الكهربا ده تقول خلاص فاضين يعني ! شيء مقرف حقيقة
01-12-2018, 02:44 PM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
هذه الشهادات اصبح لديها مقاولين ولديهم اعلانات تبث في تلفزيوناتنا علنا ، مراكز خدمات شغالة تسليم مفتاح)
لي صديق يعمل محاضرا بجامعة مرموقه وأستاذ عالم نال درجة الدكتوراه في إحدي الجامعات المعروفه في بريطانيا، قال لي في ما معناه أنه يحس ببعض الضيق وعدم الإرتياح إذا ما نودي بلقبه الأكاديمي. وفي ظني أن هذا الشعور تسرب إليه من الحاصل يا عبدالله.. عموما الرجل في الأصل مركز لتوزيع التواضع لكن أكاد ألمس في نبرته كيف ابتُذِلت الألقاب الأكاديميه حتى أصبحت ضربا من الذم.
01-13-2018, 05:14 PM
محمد المرتضى حامد
محمد المرتضى حامد
تاريخ التسجيل: 08-14-2006
مجموع المشاركات: 10832
سلامات يا بارودي.. في الفيديو الذي أورده محمد البشرى قال عمر حسن ، في معرض إشارته للدستور، أثناء رده على المذيعة ما مفاده أنه لن يتمكن من الترشح مرة أخرى لرئاسة الجمهورية، لكن في كل العصور والأزمان هناك من يكون ملكيا أكثر من الملك وكاثوليكيا أكثر من البابا، more Catholic than the Pope والساقيه دي يا عزيزي مدوِّره منذ عصرفرعون وهامان، ومستمره حتى (عصر) اللنغاز ،وحين ضرب زلزال أرض مصر قال أحد المطبلين لسلطانها وقتها: ما اهتزت مصر من كيدٍ ألم بها..لكنها رقصت من عدلكم طربا شايف القطب الجنوبي بيدرشوهو كيف لامن البطريق يآمن؟ ... ياخ نحن انضربنا في الأنكل..
01-12-2018, 05:21 PM
بارودى مصطفى فاشر
بارودى مصطفى فاشر
تاريخ التسجيل: 09-05-2014
مجموع المشاركات: 457
(ياسر الجميعابي ده عمره حوالي 55 سنة ، ولسه بتكلم عن أنه شاب؟؟ بعدين لابس علم السودان في البدلة مقلوب.)
الزول دا يا دينق حساباته كلها غلط ، من حيث الزمان جاء بتطبيله في الدقائق الأخيره من عمر المائدة.. أضف إلى أنه لم يعد في خرتوية الحكومه ما تبذله للهتيفة وحارقي البخور أو الكُوَش ، كما أن هذه الحكومة لم يبق من عمرها سوى أشهر ، بمعنى أن مجازاته بوظيفة ، ولو كملحق إعلامي، لن يعمِّر فيها كثيرا ، وعلى بال ما يدرج إسمه بكشوفات الماليه تكون الحفله فرتقو مكرفوناتا و لملمو كراسيها.. با ختصار دراسة جدوى مضروبه..
غايتو إلا يهدوا ليهو شورت كوتينهو أو قميص ميسي الجابوهو من سعد قشره ، الجابت سيرتو د. نعمات.
-
55 سنه لسه شباب ياخ..
طرف السوط وصلنا..
شايف يا جميعابي، جبت لينا الكلام في صمة بوستينا ؟
تقلب العلم وبشيرك يرميهو.. لاعرفناهو عَلــَم لا عرفناهو وَدِع..
01-13-2018, 04:15 AM
محمد المرتضى حامد
محمد المرتضى حامد
تاريخ التسجيل: 08-14-2006
مجموع المشاركات: 10832
( كأنّي اتابع في احمد موسى وبقية شلة إعلام الهشك بشك المصري أيّأم انتخابات السيسي الاولي! في الدقيقة 10:00 تقريبا وفي اجابته على سؤال المذيع عن الدستور وكدا يقول ان من يتحدّث عن الدستور له اجندة!)
دام صفاك يا أبا المجتبى، هسه مش كفانا زولنا دا يا محمد، جايب لينا سيرة المدعو أحمد موسى كمان؟ ياخ دي أوفردوز تقتل فريق.. زولنا دا هاوي وطيب ساي وممكن يتراجع حسب المطره أو الكتاحه لكن أمثال أحمد موسى خبراء ومراجع في الأرصاد.
هذا الجميعابي الذي يقول أن من يشير إلى الدستور له أجنده لا يدري أنه بهذا القول يدين نفسه مستصحبا مقولة رمتني بدائها ، فمن باب أولى أن من ينادي بمخالفة الدستور له أجنده أيضا وكمان أجنده مشبوهة لأن من يحتكم إلى الدستور ، أيا كان السبب، له هدف حميد والعكس تماما لمن يطالب بمخالفته.. ياخ الناس ديل مفروض يحسنوا الظن بنا، فعندما ننادي بعدم ترشيح سيدنا عمر مرة أخرى فإننا نريد له الراحه والتمتع بعنب مزرعة السليت والإبتعاد عن ازعاج السارينا وزجاج الفصور الصيني ولكي يستمتع بالدعاش وعبق الجروف والإعداد للدكتوراه مع خلفيه موسيقيه لأغنية وليم اندريه (بدور ارتاح)..
أما مضمون الفيديو فلا يعول عليه لأنه سبق وأعلن أنها الأخيره وسرعان ما تراجع بعد أن قال بعضهم إن القرار ليس قراره بل قرار الحزب وأن زولنا عليه الإنصياع لقرار الحزب بأن يرشحه هذا الأخير مرة أخرى للرئاسه..
أها ، حصل الإنصياع والضياع..
01-13-2018, 10:56 AM
عمر أبوعاقلة
عمر أبوعاقلة
تاريخ التسجيل: 04-11-2016
مجموع المشاركات: 1321
اتذكر بعد الفوز الصدمة لدونالد ترمب في انتخابات الرئاسة، كتب أحد كبار محللي السياسة الأمريكية ما معناه أنه بعد أن جمع البيانات وأخضعها للفرز والتحليل الدقيق، توصل إلى محصلة نهائية وهي: !OMG
أعتقد أن هذا هو بالضبط رد فعل كل من يحاول أن يستوعب الهدف من هذه "المبادرة" أو أن يفهم ما يقوم به هذا "الشاب". الشاب والشابة الذين استضافوه included
01-14-2018, 07:05 AM
نادر الفضلى
نادر الفضلى
تاريخ التسجيل: 09-19-2006
مجموع المشاركات: 7022
ما بقول زول .. بقول شئ مقرف ووضيع .. ينطبق عليه عبارة ترمب الأخيرة الغير لائقة فى وصف دول أفريقيا
حاله يذكرنى بالنكتة المصرية فى عهد حسنى مبارك . بتصريف لسودنتها: إيه رأيكم فى البشير ... البشير دا رصين طب وإنتم مع مين؟ .. إحنا م############ـــين! (وعفوا)
صحى سؤال وجيه .. بيطلع منها بيكم ؟ غايتو فات بى غادى ناس .. دعونى أعيش .. وناس .. من أجل أبنائى
* وبمنطقه الغبى دا .. لو فى أمريكا مثلا الرئيس كلنتون أو أوباما أحبهما وأيدهما معظم الشعب الأمريكى هل ذلك يبرر تغيير الدستور لتمديد فترة رئاستهما؟ حتماً لاااااااا .. الدساتير فى كل العالم حددت فترات محددة للشخص للرئاسة ولا بد من التغيير هذه خلاصة التجارب البشرية والديمقراطية فى العالم
(الشغلانة الزي دي ممكن الزول يطلع منها بي كم تقريبا؟) قول : بيطلع منها لي وين؟ وبعدين الشغلانه دي مالك ومالا بتسأل عنها يا سيف؟ دي عايزه ليها ناس من طينه فريده ، ما بتعرف الفارق بين الحمأ المسنون و المفتون .. إتصلت بزول عندو مكتب (علاغات) وكده قال لي قول لسيف ممكن يطلع منها بوظيفة معتمد بمحلية ضاع صبري.. سنه بس..وبعدها يطلع من جِلده..
فشّلتنا.. الوش الضاحك أبي كلو كلو ..
يقول جبران (أكثرهم صدقا أقلهم قدرة على التعبير)
01-14-2018, 06:01 PM
محمد المرتضى حامد
محمد المرتضى حامد
تاريخ التسجيل: 08-14-2006
مجموع المشاركات: 10832
سلامات نعمات.. أتمنى تكوني ما شاهدتيه لأن تجربة مشاهدته تورث اليأس وتنحسر معها الثقه في العباد ويغيض معها ماء المروءة.. على أية حال قاومي إغراء المشاهدة وتوضأي وصلي ركعتين درءا للميقرين.. في ناس يا نعمات جففوا غدد الدهشة فينا ونضبت معهم صوامع الشهقه.. ما عندكم شعور كنال تريتمنت؟
الله يجازيهم الضرسونا..
01-14-2018, 09:29 PM
nour tawir
nour tawir
تاريخ التسجيل: 08-16-2004
مجموع المشاركات: 17638
(والله لولا مقامك وزوارك يا مولانا لكنت وصفت هذا المتحزلق بالعبارات التي تليق به الله يسامحك )
الغالي هيثم.. أشكرك على كلامك الطيب.. نعم يا عزيز ، لاداع لأي خروج عن هيثم النظيف لأي سبب كان، ومن الأقوال المأثورة أننا ستتعلم الكثير من دروس الحياة، إذا لاحظنا أن رجال الإطفاء لا يكافحون النار بالنار.. الحياة يا سيدي قصيرة وفيها الكثير الجميل الزين الذي لايكفيه عمرنا فما بالك في إضاعته في الشين.. الله يسامحه رغم أنه أساء إلينا ..
01-15-2018, 09:46 PM
محمد المرتضى حامد
محمد المرتضى حامد
تاريخ التسجيل: 08-14-2006
مجموع المشاركات: 10832
(غايتو فات بى غادى ناس .. دعونى أعيش .. وناس .. من أجل أبنائى)
بس ما للدرجه دي يا نادر .. أقسم لك بمشبع الأفيال الذي سمك السماء بلا عمد أن المولى قسَّم الأرزاق فلا داع لخلع لحم الوجه لأجل مال أو سلطة كمن غرتهم الدنيا الذين لم يتدبروا قوله تعالي: (وَمَنْ كَانَ يُرِيدُ حَرْثَ الدُّنْيَا نُؤْتِهِ مِنْهَا وَمَا لَهُ فِي الْآخِرَةِ مِنْ نَصِيب
يا الفضلي ألسنتنا كانت طويله سلقنا بها أقوام وصفناهم بالمتزلفين لكننا دخلنا عصرا أصبح أولئك الأقوام (دافوري ساااي) إذا ما قورنوا بالليقا الإسبانيه بتاعتنا دي ...
الله يغيزو قارديولا كان خرب علينا اللعيبه.
01-15-2018, 04:52 PM
محمد المرتضى حامد
محمد المرتضى حامد
تاريخ التسجيل: 08-14-2006
مجموع المشاركات: 10832
ظلمت الشاب مقدم البرنامج (الواثق) و (الشابه) التي معه، في ظني ، وليس كل الظن إثم ، أنهما دعيا ذلك الدكتور الجهبذ ليتفرج خلق الله على مافي رؤوس بعض متعلمينا ويضعونا أمام الحقائق.. هذا ليس اجتهاد مني لكنني من لغة الجسد وطريقة طرح الأسئله والتعابير التي ارتسمت على وجهيهما تبينت أنهما بيتا النيه في تعرية شريحه من البشر وأنهما نجحا في كشف الرجل ومن هم على شاكلته..
مودتي المعروفة يا حسن..
01-15-2018, 05:20 PM
hassan bashir
hassan bashir
تاريخ التسجيل: 02-17-2006
مجموع المشاركات: 1302
قصدت أنهم included ضمن زمرة المبتلين بهطرقات الشا(ي)ب عاشق الرئيس ويمكن أن تلمس كم الدهشة في تعابيرهم مما يقول به الرجل، خاصة عندما قال أن إحدى أهداف المبادرة هي عمل "تكايا" باسم الرئيس في كل أنحاء السودان. وهنا لا بد أن أشيد بمفهوم ال diversification في هذه الخطة الاستثمارية، فبالاضافة للمناصب والتدفقات النقدية، فهو يتوجه أيضاً نحو الأصول العقارية.
01-15-2018, 03:09 PM
محمد المرتضى حامد
محمد المرتضى حامد
تاريخ التسجيل: 08-14-2006
مجموع المشاركات: 10832
وإنا إليه راجعون يا عمر.. كثير من حملة الألقاب العلمية الفخيمة شاركوا في ما آل إليه حالنا، إنتظرناهم طويلا كيما يأتونا بالإنتصار فجاؤنا بالإنكسار.. كم مر هو الخذلان..
01-15-2018, 06:01 PM
محمد المرتضى حامد
محمد المرتضى حامد
تاريخ التسجيل: 08-14-2006
مجموع المشاركات: 10832
(قصدت أنهم included ضمن زمرة المبتلين بهطرقات الشا(ي)ب عاشق الرئيس ويمكن أن تلمس كم الدهشة في تعابيرهم مما يقول به الرجل، خاصة عندما قال أن إحدى أهداف المبادرة هي عمل "تكايا" باسم الرئيس في كل أنحاء السودان. وهنا لا بد أن أشيد بمفهوم ال diversification في هذه الخطة الاستثمارية، فبالاضافة للمناصب والتدفقات النقدية، فهو يتوجه أيضاً نحو الأصول العقارية.)
حبيبنا الحسن، أعدت قراءة مداخلتك الأولى فعرفت أن الخطأ في الفهم كان في جانبي فجِد لي العذر.. والله يا ود بشير الحاصل دا ، بما فيه من (تكايا) وسرايا ونهاية كوميديا سوداء بكل ما تحمل العبارة .. قلت لي زولك جاي بخطه استثماريه؟ في رايي وكما أوردت أعلاه حساباته غلط من حيث الزمان والمكان ، كان على الأقل يتبنى diversified portfolio...ههه الله يديهو العافيه..
01-17-2018, 03:12 PM
محمد المرتضى حامد
محمد المرتضى حامد
تاريخ التسجيل: 08-14-2006
مجموع المشاركات: 10832
(و أحسن أطلع من هنا فورا قبال ما تحصل لى ذبحة.. ..... دى مصيبة شنو دى يار بى الوقعت فينا ؟)
هه.. عزيزتنا نور.. صدقتِ.. زي ما بقولوا حبوباتنا مصيبتنا يعزوا فيها، أن نسمع من رجل متعلم يرجى منه مقولة أن الشباب لا عيش له ولايؤمن إلا بالبشير فإن تلك مأساة حقيقية لأن عمر حسن نفسه لو استمع لهذا القول فلن يحترم في قرارة نفسه هذا الرجل. المشكله يا استاذه نور أن الرجل لم يتوقف هنا وحسب بل ادعى أنه تواصل مع 70% من سكان دارفور ، وأنهم يؤيدون مشروعه بترشيح عمر حسن ، نعم ، 70% من الدارفوريين ، قالها دون أن يطرف له جفن، كنت أتمنى أن يسأله المذيع : كم عدد سكان دارفور؟؟
على قولك، أحسن (تتخارجي) لأن فيديو زي ده أقل حاجه يسببها إنفلونزا الطيور..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة