الحكومه حار بيها الدليل وبقت ديك عده على الشعب حتى المنظمات الخيريه الاجنبيه العامله في الخرطوم لم تسلم من مافيا الانقاذ مما جعل يد هذه المنظمات مغلوله وغير قادره على تقديم المساعدات وهذه قصة واحده من المنظمات العامله في رعاية الطفوله بالسودان رفضت لها عصابة الانقاذ الصرف من حسابها المفتوح بالعمله الحره واجبرتها على ان يكون الصرف بالجنيه السوداني وكمان بي سعر البنك والمنظمه لها التزامات تجاه موظفيها الاجانب في صرف الرواتب بالدولار وكذلك التزامات مع المؤجرين بعقود لدفع الايجار بالعمله الحره فاصبحت المنظمه عاجزه عن الايفاء بالتزاماتها الاساسيه ناهيك عن مد يد العون لاطفال السودان الحكومه عامله زي الجو يساعدوا في حفر قبر ابوه دس المحافير سرقه في وضح النهار من حكومه عجزت ان تقوم بواجبها تجاه مواطنيها بل تحارب من يحاول مد يد العون دا يقولو عليه شنو!!!؟ لا عاوزه تساعد ولا عاوزه تخلي غيره يساعد والمنظمه طرقت ابواب كثيره لحل مشكلتها لكن الكيزان مله واحده اينما وجدوا مله ما فيها خير ولا بتحب الخير للاخرين
01-15-2018, 07:35 PM
على عبدالله بشير على عبدالله بشير
تاريخ التسجيل: 01-10-2013
مجموع المشاركات: 963
طيب و البنوك كلها تعلن الآن للمواطن العادى أودع دولار/ ريال و تاخذ حقك بالعملة التى أودعت ... و هذه متظمة أكيد ما دخل فى حسابها بالدولار و طالما منظمة تساعد يجب أن تكون هنالك تسهيلات الله يصلح الحال ...
01-16-2018, 08:38 AM
علي محمد الفكي علي محمد الفكي
تاريخ التسجيل: 01-08-2013
مجموع المشاركات: 3863
العزيز علي الحكومة مطلعة منشور للبنوك اي مواطن مودع مبالغ بالدولار له الحق سحبها دولار ماعدا المنظمات لو كانت خيريه او غيرها حتي لو بتساعد في خدمة المحتاجين وأعمال الخير لا يسمح لهم سحب اي مبلغ واذا تفضلوا عليهم يعطوهم الدولار بالجنية السوداني بسعر البنك اتخيل !!!
علوووووووووي يا كايدهم 😆😆😆😆😆 ديل ما عندهم اخلاق ولا ضمير وقلوبن ما فيها خير بستغرب وين اتربو ووين عاشو افعالهم ما بتشبه افعال الشعب السوداني الطيب واخلاقهم غرب والاسلام شرق غايتو ديل افة وسرطان اصاب البلد ربنا يخلصنا منهم وزي ما قال الطيب الصالح من اين اتى هؤلاء
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وضاحة
على عبدالله بشير
علي محمد الفكي
فيس بوك
تويتر
انستقرام
يوتيوب
بنتيريست