قبل أن اسافر كانت ذاكرتي تزدحم بكثير ومن الاراء الانطباعية و السالبة عن الشعب الاثيوبي. واضعا في ذهني تجنب اي انطباعات مسبقة قضيت قبل ان اسافر ايام و ساعات في الشبكة العنكبوتية ادرس و اراجع معلومات عديدة عن ارض اثيوبيا النجاشي و عن الشعب الاثيوبي. تلك الارض التي ترقد في الجانب الشرقي للقارة الأفريقية فاتحة ذراعيها و قلبها و عقلها للرياح القادمة من الشرق و الشمال طوال فترات التاريخ الإنساني.. تلاقحت اثيوبيا على مر التاريخ بالعديد من الثقافات و عطر الحضارات و جوهر الخبرات الانسانية.. هذه الارض التي حضنت المسيحية منذ آلالف السنين و تعتقت تلك الخبرات لدى ذاكرة شعبها و اختلطت بتاريخها القديم و الحديث .
09-29-2017, 02:27 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
لا أريد ان اسافر و أنا لا اعرف عن تلك البلاد شيئا إلا ما تفضل عليّ بها زوار عابرون لم يعرفوا عنها إلا القليل و لا زوار دائمون لا يعرفون عنها إلا السياحة في الأجسد و خبرات الليالي الحمراءو احضان بنات الهوى اللاتي قذف بهن الفقر إلى احضان الغرباء ... و لكن هناك جوانب أخرى لا يعرفها هؤلاء... لا أدعي أنني عرفت كل شيء عنها .. فمعرفة الشعوب الحقة لا تكون إلا بالمساكنة و معرفة البلاد لا تكون إلا بالعيش فيها.. و لكن كتب كثير من السواح الغربيون مقالات جيدة و متوازنة اعانتني كثيرا...
09-29-2017, 02:34 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
كنت أود السفر إلى الدوحة بالخطوط الاثيوبية و الهبوط ترا نزيت لمدة ثلاثة أيام في أديس ابابا.. على الأقل فرصة لمعرفة بلاد و شعب و تاريخ و ثقافة.. و لكن لابد من الحصول على تأشيرة مسبّقة( من حقها طبعا رغم الجوار) توكلت على الله و ذهبت للسفارة للحصول على التأشيرة. كان ذلك قبل عطلة عيد الاضحي...بحوالي يومين أو ثلاثة . فهالني أعداد طالبي التأشيرة من السودانيين... الغالبية العظمى من الذكور .. ..... و الغالبية كذلك في سن الشباب أو نهايته(؟؟؟؟)... ...كان الزحام شديدا...
- هل كلهم ذاهبون لقضاء العيد هناك؟ أكيد و إلا لما كان هذا الزحام في هذا اليوم..
لكني للأسف لم أتمكن من الحصول على التأشيرة في ذلك اليوم. ..و عدت بعد عطلة العيد ..و قد خف الزحام.. دفعت قيمة التاشيرة:330 ألف و اعتقد أنه مبلغ كبير.. رغم الانتظار في القاعة الواسعة الباردة و ثلاجة المياه المبردة ... إلا أنني شعرت بالملل لطول الانتظار.., و لسلحفائية الاجراءات( اب سنينة يضحك..) لكن رغم كل ذلك تحس باحترام الانسان و بالتنظيم..(الكلام ليك يا المنطط عينيك)
09-29-2017, 02:42 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11825
منتصف ليلة 16 سبتمبر توجهت الى المطار ودعت الأهل و الأحبة و قلبي ذاهل.. باحة المطار كأنه تجمع للعزاء. ( معقولة يا جماعة؟ هذه الساحة الا يمكن أن تقوم فيها كافتيريا واسعة تحتلرم آدمية المودعين و المستقبلين؟ أعجزنا حتى أن نقيم مكان محترم نودع فيه بعضنا بعضا؟)... وصلت إلى البوابة و الإزدحام الذي لا داعي له...و الهرجلة ...و عدم النظام ... كأننا لسنا في دولة..أو كأن لا حكومة هناك( خلونا من السياسة).. دخلنا إلى داخل المطار ..الزحام على قفا من يشيل ..المكان ضيق في الداخل( و لكن لو النفوس اتطايبت..) المكان مزدحم...بحوالي ستة رحلات تتزاحم في نفس المكان و في نفس الوقت( يا للنظام..يا للترتيب...يا للإدارة) .. اكتملت الإجراءات و دخلنا إلى داخل الصالات.. الجوازات و ما ادراك ما الجوازات ....إزدحام غير مبرر)..... و تكشيرات لا داعي لها... و زهو فارغ بالزي الرسمي و عيون تتقلب و تتفرس في عباد الله من المسافرين (الملكية طبعاً).. الحمد للله تجاوزنا الجوازات بسلامة المولى.. في داخل الصالة الكبيرة ( أقصد الضيّقة) كافتيريا صغيرة . اسم كافتيريا تجا وزاً...تتكون من كاونتر صغير..و بضع سلع و مأكولات( برضه ما بطال..أحسن من العدم).. ....و ازدحام على الكاشير على ... الحمامات كما هي بكآبتها و شناعتها... مواسير بعضها معطل......زجاجة ميرندة ملأى بسائل صابوني( برضه كتر خيركم ما قصرتوا).. لا ورق للتجفيف و لا جهاز للتجفيف( بلاش فلهمة معاك ..جفف في هدومك لو ما معاك منديل)...
09-29-2017, 07:54 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
عند الرابعة صباحا كنا داخل الطائرة الاثيوبية و هي تتهيأ للإقلاع... جُلْتُ في الوجوه من حولي.. الوجوه بعضها سوداني و بعضهااثيوبي و جنسيات أُخر... ساعة و نصف من الطيران تفصلنا عن ارض النجاشي الذي وصفه نبينا الكريم بأنه لا يُظلم عنده أحد.. و و تذكرت بلال المؤذن....و هجرة الصحابة إليها.... ( أعرف بعض آثارٍ من شوفينية ضيقة تحاول أن تضيّق واسعا بنسبة هجرة الصحابة إلى السودان .. ...و هناك آراء متعددة في هذه المسألة و في اختلافها نظر).. و تذكرت اسطورة بلقيس و زواجها من سيدنا سليمان.. قصة بلقيس التي تنسبها المصادر الاثيوبية لها ...... ...بل و تربطها بتاريخها السياسي من خلال ابتداع تسلسلٍ لتاريخ حكامها لوطنيين... تذكرت معاركنا مع اثيوبيا خلال المهدية... و تذكرت اكسوم الذي يقال بانه دمر مروي.. و تذكرت معارك كرن و مصوع...خلال الحرب العالمية الثانية... و تذكرت بمناصرتنا للثورة الاريترية حتى نالت استقلالها دون أن يترك ذاك عداء و احقادا بيننا و بين اثيوبيا . تذكرت ت ضمن ما تذكرهيلاسولاسي و امان عندوم و منجستو هايلاماريام... و لم انسى فنانيهم العظام الذين كانوا يعطرون ليالي العاصمة من لدن منليك و غيره و الفرق الاثيوبية...
.....يا إلهي الهذه الدرجة نحن مرتبطون ماضيا و حاضراً؟؟
و على حين غرة الميكرفون الداخلي يصدح بلغة احاول أن أفهم منها كلمة و لا استطيع...... ...و خلال دقائق كانت فتيات سمهريات القوام يأمرننا بربط الأحزمة.... مررن من بين الصفوف برشاقة و ابتسامات باسنان لؤلؤية تضي وجوههن..
و خلال دقائق كانت الطائرة تلامس أرض المطار و الخضرة تحيط بجوانبه .. الاجواء خارج الطائرة تشي بمتعة و نشوة لأجواء الخريفية متعة التوقّع مع متعة النظر..
09-30-2017, 06:23 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
هبطت من الطائرة إلى الباص ثم إلى داخل صالة المطار.. المطار على ما أتذكر مكون من طابقين.... لكنه طويل و ممتد باتساع نصف كيلو متر ( بالله ما الذي يمنع أن يكون المطار عندنا بهذا الاتساع ..لماذا الضيق؟ من الذي يخطط للمطار من الذي يديره؟؟؟ أنا أعلم من يديره) تذكرت مجمع خدمات الجوازات الجديد في المدن الثلاثة .....لو تم عمل واحد مثله في المطار (طبعا أربعة طوابق) كان اراح المسافرين و المودعين و المستقبلين و رفع رأسنا شوية)... ..........هل مطارنا خارج نطاق التغطية الحكومية؟؟؟ هل لأنه لا يمر به المسئولون؟ ( لربما....لأنهم يمرون من صالة كبار الزوار حتى من منتمي المؤتمر الوطني من الصف الثالث و الرابع يمرون من صالة كبار الزوار).. ذهبت لأخذ العفش لأجد و لدهشتي وجدت أعداداً كبيرة تملأ العين من عربات حمل العفش.... .ذهبت إلى إحداهما عربات العفش( و خلسة تفحصّتها ..لعل بها عيب ما...متعود طبعا) ثم تفحصت أخرى و ثالثة..و أخيراً اقتنعت بأننا فريد عصرنا ...و تأسفت لامن كمل الأسف...و الغيظ كمان. .لكن لا حسادة..لا حسادة...التحية لحكومة تهتم بسمعتها و سمعة بلدها و راحة مواطنيها....أما نحن لا بواكي لنا... ليس مطار اديس بتلك الفخامة التي تضارع أفخم المطارات ...و لكنه مهيأ بما يكفي لراحة و خدمة المسافرين القادمين من كل البلدان.. .. ....و حتى الموظفين تحس بأنهم في قمة المهنية و الجدية و الابتسام حينما يتطلب الأمر ذلك...
09-30-2017, 12:21 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
ههههه يا محمد لومني تاني أكان انقطعتا من الزيارات الخاطفه دي .... عندي اخوي قاعد يخطف زيك كدي كلو مرة يقطع لي التزكره ويجيبا لي ومعاها بروموشن بتاع اعيادم الكتيره دي ... تصدق لي هسي ما عتبتها ... بعد 30+ سنه غربه وشوق ... الفكره بتاعتي بما إنو أنا عارف رقبتي زول بكاي أكان مشيت اديس دي تاني يمرقني منها الجليل الرحيم واكون صيعت عالمين كتار خلاس ... بعد البوست دا حا تمشي تالت ورابع الي ما شاء الله وما حا تحكي ايتها كلمه وربنا يجيب العواقب سليمه.
09-30-2017, 03:07 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
(ههههه يا محمد لومني تاني أكان انقطعتا من الزيارات الخاطفه دي .... عندي اخوي قاعد يخطف زيك كدي كلو مرة يقطع لي التزكره ويجيبا لي ومعاها بروموشن بتاع اعيادم الكتيره دي ... تصدق لي هسي ما عتبتها ... بعد 30+ سنه غربه وشوق ...) -------------------------------------- بعدين يا زووول هوييي انا ما بكاي زيك: (الفكره بتاعتي بما إنو أنا عارف رقبتي زول بكاي أكان مشيت اديس دي تاني يمرقني منها الجليل الرحيم واكون صيعت عالمين كتار خلاس ... --------------------------------------------------------
(......بعد البوست دا حا تمشي تالت ورابع الي ما شاء الله وما حا ت خلاص يا حكي ايتها كلمه وربنا يجيب العواقب سليمه.....) -------------------------------------------------------------------------------- خلاص يا صلاح نشوف تاني اكان مشيت...و الا اكان أكلمكم تاني.... .... لأني بالجد ناوي لمشية لشرق اثيوبيا ازيارة ضريح النجاشي و عايز أشوف المكان الذي دخل منه المهاجرون من الصحابة..
09-30-2017, 04:50 PM
Hassan Farah Hassan Farah
تاريخ التسجيل: 08-29-2016
مجموع المشاركات: 9121
محمد عبدالله الحسين انت يا خوى كترت غشواتك للزهرة الجميلة اوع يكون الاحباش ديل كتبوا ليك شئ؟؟ على احر من الجمر ننتظر انطباعاتك وطبعا 3 يوم مش كفاية جبت خبر إكسوم وهى اثيوبيا القديمة والذى غزا مروى هو ملكها عيزانا
09-30-2017, 08:41 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
(محمد عبدالله الحسين انت يا خوى كترت غشواتك للزهرة الجميلة اوع يكون الاحباش ديل كتبوا ليك شئ؟؟ _--------------------------------------------------------------------------- يا ريت والله ...
(على احر من الجمر ننتظر انطباعاتك وطبعا 3 يوم مش كفاية جبت خبر إكسوم وهى اثيوبيا القديمة والذى غزا مروى هو ملكها عيزانا) شكرا على المتابعة ..بس بخاف من المتابعة اللصيقة.. كلامك صحيح اكسوم هي المملكة و الملك الذي غزا مروي هو عيزانا .. تشكر يا صديق على الاهتمام بالمتابعة
09-30-2017, 09:18 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
و أنا احاول الخروج من المطار قررت أن تكون الثلاثة ايام حبلى بالبحث و التقصي و الفرجة و الشمارات( هذا إذا لم تكن هناك امطار تهطل مدرار كما حدث في المرة الفائتة...غايته الله يستر.. ساحاول ان اتعرف على مختلف القبائل و الإثنيات المختلفة ( طبعا اكتشفت أنه كنت متفائل أكثر مما يجب)... المهم خرجت من المطار و لفحات البرد تؤنبني لأني لم ارتدي البدلة بل وضعتها في الحقيبة و درجة الحرارة حوالي 18 درجة.. من بوابة المطار تمتد ساحة واسعة طولياً ..مقدمتها مزدحمة بتاكسي المطار الحديث.. و خلفها جماهير غفيرة( كلمة غفيرة هذه كلما مرة أحدث نفسي بأن أبحث عن معناها بالضبط ولكني أنسى).. الجماهير تقف (كأنها في لقاء جماهيري) و هي تنتظر الواصلين....أسر و أفراد رجال و نساء .. لابد أنهم في شوق لوصول عزيز سافر و اغترب ....و ما أكثر المغتربون في اثيوبيا....
استقليت التاكسي و قلت له :إلى فندق (أو نُزُلْ) إم دبليو MW Guest house و ذلك لأنني نزلت فيه المرة الماضية.... و هو يقع في شارع بولي القادم من المطار و يقع قرب إدنا مول... باختصار الفندق موقعه مريح لأنه قرب المطاعم و المحلات. ثم الأهم سعره مناسب.... الغرف الصغبيرة حوالي 20 دولار .و الكبيرة 30 دولار..
حقيقة صاحب التاكسي لم يكن ضمن سائقي تاكسي المطار،(الذين يعرفون كل الاماكن في العاصمة).., كان يوقف سيارته خارج مواقف تاكسي المطار..
سألت صاحب التاكسي :هل تعرف فندق ام دبليو هوتيل اجاب بالإيجاب.. كم الأجرة؟ صاحب التاكسي: 150 بِرْ( أي حوالي 150 ألف سوداني) اجبته: لا 100 بِر فقط( يا ود يا تفتيحة إنت!) صاحب التاكسي: اوكي (نسيت أن أقول أن العملة الاثيوبية(البِر) تعادل جنيه سوداني بالجديد.. الدولار يعادل 27 بر أي الريال القطري أو السعودي يعادل حوالي 7 بر.
سار بي التاكسي مسافة طويلة أكثر مما يجب.. في أثناء الطريق وقف بي أمام فندق آخر .و أبطأ السيارة: صاحب التاكسي: هذا الفندق ممتاز و أسعاره معقولة اطالع أنا الفندق من بعيد...في الحقيقة عجبني ...تصميمه جميل و معماره راقي .. و لكن في الجوار...لا توجد محلات و لا مطاعم.. - لا لا ...هذا بعيد من السوق و المحلات( هذه المعلومة انتبهت لها مؤخرا عند بحثي عن الفنادق في النت..... من الضروري القرب من مركز المدينة و محلات التسوق .. و ذلك لتقليل نفقات التنقل و لتوفير الزمن و للاستمتاع بالتسوق و الفرجة و معرفة كل ما له علاقة بالتبضّع و الأسعار...وما إلى ذلك..
10-02-2017, 06:45 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
أخونا ود الباقة شكرا على كلماتك الرقيقة: (اخونا محمد متابعة لصيقة لسردكم الرائع رحلتكم لشاد وافريقيا الوسطى ما زالت ماثلة امامي بكل تفاصيلها الجميلة واصل) همسة: إن شاء الله ما تغيّر رأيك..لأني لست من كتب رحلة شاد و أفريقيا الوسطى.. مع ودي الأخ ابو الريش تسعدني كلمات يا أخي: (شكرا على السرد الممتع. ثم ياخى لو تكرمت وكلمتنا عن إثيوبيا فقط وخليت المقارنة مع الهباب الاسمو مطار الخرطوم يكون كويس.) و لكن بعد إذنك المقارنة ضرورية ..استحملنا شوية... كمان دايرنا ننسى بلدنا؟ ههههههه لك الود الأخ حسن فرح شكرا لجبر الخواطر .. الله يجبر خاطرك ي صديق
10-02-2017, 08:25 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
منذ الدقائق الأولى لركوبي في التاكسي....أدركت (بطرف حاستي السادسة فقط) أن السائق يريد أن يتخلص مني بإنزالي في أقرب فندق... و قلت في نفسي لربما لا يعرف الطريق إلى الفندق الذي ذكرته له..........و بالتالي: فهو يريد أن يخرج من هذا الموقف...لكن لننتظر.... ( إن بعض الظن إثم). ثم بعد مسافة سير في شوارع أنيقة أخذني إلى فندق آخر اسمه ابيسينيا( و هو الاسم القديم لاثيوبيا..قبل امبراطورية اكسوم..و التي يقال بأن حكامها و قبائلها ينحدرون من أصول عربية و لكنهم يؤمنون بالهة متعددة (لادينيون ..بتحفظ ).. ...و قال لي السائق : - إيه رأيك هذا الفندق ب 15 دولار...و فندق راقي...و أنا أعرفهم( تذكرت أسلوب سائقي التاكسي في القاهرة).. .....سبحان الله البشر في كل مكان......لا نخدع أنفسنا بالتصنيفات الزائفة ..و أوهام الهوية المترفة...الجوهر واحد .. ...إنه الإنسان.. مهما تعددت إثنياتهم (أعراقهم) أو ألوانهم أو بلدانهم.. ....خلق الإنسان هلوعا... ....خلق الإنسان جزوعا... ...........تحبون المال حبا جما... هذه جميعها قوانين ثابتة تصف البشر بكل جنسياتهم و ألوانهم.. إنه طبع البشر..فلا تتعبوا أنفسكم لتبالغوا في وصفهم... نزلت مع السائق ( و لسان حالي يقول: ما مشكلة على الآخر أعطيه فرصة .... ...........و كذلك لآخذ خبرة و معي واحد من أهل البلدة..).. بهرني الفندق فعلا ...فهو راقي ..نظيف ..مرتب...هاديء .... .......و تطل الرومانسية من مقاعده الوثيرة في صالة الاستقبال،... و من و اصايص الزهز المبثوثة في الأنحاء.... و من جلسة موظفة الاستقبال الرئقة...و نظراتها المهذبة.. و لكن....
- للأسف ( هكذا قالت موظفة الاستقبال) لا توجد غرف شاغرة إلا بعد الساعة الحادية عشرة صباحاً ( و الساعة الآن لا تزال السابعة و النصف صباحاً)... و هكذا أُجهِضت المحاولة الثانية لسائق التاكسي في التخلص مني ( و ملصي في أقرب فندق)..
10-02-2017, 08:56 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
لم أكن أدري ما يفكر فيه سائق التاكسي ...و لكني أخمّن... ....بينما السيارة تجوب بنا الشوارع و الأحياء ..و أنا بين النعاس و الإفاقة مسمتع بهذا الجو الرائق... و الخضرة و الزهور لا ينقطع مرآها عن ناظري البتة... و هكذا دون أن أشعر وجدت نفسي اتجول في المدينة... و هكذا دون أن أشعر أجد نفسي أشاهد على عدة أحياء من أديس ابابا( عسى أن تكرهوا شيئا و هو خير لكم).. بعد هنيهات...استدار السائق ليدخل في طريق جانبي.....(يبدو محتاراً، و لا يريد أن يخسر المشوار أو الزبون ،،و لكن معرفته خانته).. أخيراً... وقف ليسأل سائق تاكسي آخر عن اسم الفندق الذي ذكرته له أولاً.... و بعد أن وصف له الرجل الطريق...بدا لي أن ملامحه قد تغيرت... و بدأ العبوس يلوح في وجه( حينها عرفت أن المسافة للفندق الذي أقصده بعيداً) و ظهر ذلك كذلك في السرعة التي بدأ يقود بها السيارة... و كل ذلك و أنا أتفرج في الشوارع و المنازل ...و الصباح الجديد . و الصباح الجديد يلقي أول نظراته و يضع أولى لمساته على المدينة.. ....فيمسح أوجه المنازل و يلقي بأشعة الشمس الباكرة على الشوارع.... و الخضرة اليانعة الندية تتوزع في كل الأنحاء.... أنا أعشق الصباح و دفقة الشمس البكر و الهدوء الصباحي و نسماته الناعمة .. ..( رومانسية شديدة مش كده؟).. بدأ السائق صامتا طيلة الطريق ..و هو يقود السيارة في صمت.. و أخيرا ....أهتدى إلى الفندق ...
10-02-2017, 10:00 AM
Abureesh Abureesh
تاريخ التسجيل: 09-22-2003
مجموع المشاركات: 30182
قبل أن اواصل أود أن أشكر الأخ حسن فرح للفيديو الوثائقي عن أديس ابابا.. و يا دوب وجدت الوقت لكي اشاهده.. فهو بالحق فيديو جميل يقدم معلومات شاملة عن المدينة.. أكرر لك شكري و امتناني..
10-02-2017, 07:58 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
نواصل ما انقطع: شاهدت لافتة الفندق (MW Guest House) و أنا قرب الكنيسة الأشهر (ميدهاتو عالم) أي منقذ العالم. نزلت من التاكسي و معي السائق و توجهنا إلى استقبال الفندق...الباب الزجاجي مغلق....إذ لا زال الوقت مبكراً.. ..ثم بعد دقائق فتح الباب شاب سمهري ذو سوالف خفيفة: بدأت الحديث بالانجليزية مستفسرا عن وجود غرفة شاغرة....اجابني بانجليزية لا بأس بها بأن هناك غرف شاغرة ..... الغرف.الكبيرة بحوالي 30..دولار و الصغيرة 20 دولار... بالإضافة للإفطار المجاني و الشاي و القهوة عدة مرات في اليوم... العرض جيد good deal....
سائق التاكسي ينتظر الأجرة ..و أنا أتوقع فاصل من المساومة بين القبول و العرض... بدلا من دفع 100 بر سأدفع له 150 بر...هذا نظير الجولة التي استمتعت بها - هذا ما قلته في نفسي..و لم اصرح به..
مددت يدي ب 100 بر للسائق كجس نبض أولي( خبث أم حذر أم شطارة أم؟؟ لربما كل ذلك)...و عندما رأى يدي تمتد بذلك المبلغ اشاح بوجهه و تحرك بعيدا كأنه يريد الخروج( طبعا كنت أتوقع مثل هذا التصرف ..و هو كذلك يتراوح بين الخبث و الشطارة).. ......ثم عاد و هو يقول في لغة استعطاف : - الوقود غالي...( طبعا أعرف ذلك)..
لا بأس من مشاركته خطئه.... مقابل الجولة الطويلةة. مددت له 150 بر ..فشكرني و ذهب..
حمل موظف الاستقبال الشاب الذي عرفت ان اسمه (جون) حقائبي الى الغرفة..و عندما دخلت الغرفة سالني: - تتكلم عربي؟؟قالها بلهجة أقرب للعامية السودانية المكسرة..يبدو أنه شك أن أكون من السودان. - أنا مولود في بورتسودان ..و عشت فيها حتى صار عمري تسعة اعوام... طبعا طبيعي ان تنهار كثيرمن الحواجز بعد أن عرّفني بنفسه.. وضع الحقائب و قبل ان يستأذن ليذهب قال: - إذا احتجت لتغيير عملة كلمني....ثم بعد تردد اضاف: -إذا اردت أي شيء آخر كبير والا صغير...كلمني ..ما في مشكلة... (طبعا استوقفتني العبارة الأخيرة ة و كأني شعرت بها تذهب بعيدا في عرض الخدمات... المهم أغلقت الباب و حاولت أن استلقي و الساعة تتعدى الثامنة صباحا...و اصوات المارة , السيارات يدعوني للخروج برغم التعب .... لانني لم انم في الليل حيث بدأت الطائرة رحلتها في حوالي الرابعة صباحا.... لم استطع مقاومة النداء للخروج و الاستمتاع بجولة صباحية...الجو بارد لابد من لبس البدلة.... و إلى هنا انتهت المرحلة الأولى..السخيفة طبعا...و التي بدأت منذ وداع الأحبة ..مرورا بإجراءات الوزن و الجوازات و التفتيش،.. ثم أخيراً رحلة الطائرة و رحلة البحث عن الفندق و حتى الوصول للفندق..
10-03-2017, 05:59 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
و تلميحات مبطنة بخصوص زيارة أديس: دعوني اتوقف لحظات قبل مواصلة السرد لكي اتعرض لجانب مهم يتعلق بزيارة اديس أو حتى مجرد التفكير في زيارتها.. و أنا اتأهب للسفر لاديس ابابا....أحس بأن البعض يصمت قليلا...تأدبا .. و البعض الآخر ( من كان البساط بيني و بينه احمدي...يعلق: - ياخي قصة اديس دي شنو؟ - ماشي برااااك( مع مط الكلم الأخيرة) - أما الجنس اللطيف( ليس على عمومه و لكني أقصد زوجات الاخوان والجارات : فكنّ يلتزمن الصمت دون تعليق( و لكني أحس بأن في الصمت كلاما كما يقولون).. أو يعلقن (الجنس اللطيف)في خبث خفي: ليه ما تسوق معاك أولادك؟ فتجد نفسك في موقف اتهام مسبق من عدة جهات... يعني يا جماعة بالعربي الفصيح كده ..ما في.. في قاموسنا سياحة بريئة؟ سياحة لأجل السياحة؟ في الفندق الذي أقيم فيه قابلت أحد الشبان الصغار من السودانيين القادمين من السعودية... بعد التحية و ما إلى ذلك ....سألني : جاي من وين؟ - من السودان - إن شاء الله جاي مع أولادك..(لاحظ كلمة إن شاء الله دي( يعني يتمنى).. طبعا مررت الكلمة أو التعليق...و لكني توقفت عند (ما وراء القصد..) و استغربت.. و لكن عندما قلت له: أنا جاي ترانزيت و ماشي الدوحة...يبدو أنه شعر بالارتياح( ياخي شكرا لاهتمامك يا عزيزي) و خلال اليوم عرفت أنه عريس جديد و أنه في انتظار عروسته القادمة من السودان... بناء عليه أقول: إن كل من يفكر في زيارة أديس أو اثيوبيا و لوحده سيجد أمامه علامة استفهام أمامه..بعضها صريح و بعضها مضمر... و أقول بصراحة حتى زوجتي( و التي كنا ننوي أن نقوم سويا بزيارة اديس و لكن تغير البرنامج لأسباب تتعلق بالحجز و بارتباطها بالعمل في الدوحة)... لذا سافرت هي للدوحة و أنا إلى أديس).... أقول حتى زوجتي تقول لي : كل زول بيستغربمن زيارتك لأديس دي... و أعرف كذلك أنها أيضا تسمع تعليقات ما، من زميلاتها و صديقاتها...لكن.... لكن ما مهم ...الله أعلم بالنوايا.. و ما ذنبي إذا كنت أعشق السفر... ........و هل سيثير سفري التساؤلات إذا ما قلت أنني سأسافر إلى يوغندا أو الصومال أو حتى افغانستان؟؟ الإجابة يا سادتي عندكم ....و عندهم..... و عندهن...
10-03-2017, 08:13 AM
احمد الشيخ احمد الشيخ
تاريخ التسجيل: 12-23-2014
مجموع المشاركات: 784
شكرا اخ محمد على البوست الجميل والسرد الرائع انا زاتي بديت "عشقي" لأثيوبيا ، من خلال رحلات ترانزيت من الدوحة اديس الخرطوم وبالعكس ومنها بقيت امشي زيارات عدييييل لأثيوبيا اول زيارة كانت مخيفة كونك اول مرة تمشي بلد غريب براك وما عارف فيه حاجة لكن بعد كدا يبدأ "سحر" الحبش يتغلل جواك ، لغاية ما تبقي أثيوبي أكتر من الأثيوبييين بغض النظر عن سمعة اديس عند السودانيين، ونظرتهم الأحادية ليها، لكن بصراحة ، الما سافر اثيوبيا ما "ساح" أهم حاجة في زياراتك لأثيوبيا انك ما تهتم بأديس أديس دي رغم كل الفيها ، انا بعتبرها "أقل" ما داير اقول أتفه، حاجة في اثيوبيا لازم تمشي خارج اديس عشان تفهم عظمة وجمال اثيوبيا بحر دار، قوندار، أواسا، ..الخ الما زار بحيرة تانا ما عرف اثيوبيا والما زار قوندار واواسا ما عرف جمال وسحر طبيعة اثيوبيا وان شاء الله نواصل معاك وننقل تجاربنا في الحتة دي تحياتي
10-03-2017, 08:36 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
أخونا أحمد الشيخ شكرا على المتابعة اللصيقة بعدين....ايوة ياخوي أظهر شوية شوية اتاريك متابع و لابِد ساكت و كاتلك عشقك لاثيوبيا و داسيه من قبيييل؟ (انا زاتي بديت "عشقي" لأثيوبيا ، من خلال رحلات ترانزيت من الدوحة اديس الخرطوم وبالعكس ومنها بقيت امشي زيارات عدييييل لأثيوبيا) ------------------------------------------------------- خلاص يا زول انتم السابقون و نحن اللاحقون... (بغض النظر عن سمعة اديس عند السودانيين، ونظرتهم الأحادية ليها، لكن بصراحة ، الما سافر اثيوبيا ما "ساح") -------------------------------------------------------- فعلا يا أحمد عندنا تنميط ,و تبسيط مخل فيه ظلم كبير للشعب و البلد...
10-03-2017, 08:58 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
بعد نصف ساعة من مقاومة الخروج في تلك الصباحية المبكرة ....... .....تغلب عليّ إحساسي بقصر المدة المحددة لي في اديس ابابا..... ........... كما تغلبت عليّ بصورة أكبر: الرغبة في التعرف والاكتشاف و الإندياح و الاندماج العفوي التلقائي في عالم الله الواسع بالخارج مع البشر في حيويتهم المحببة و معركتهم اليومية الأزلية مع الحياة..... ....لذا قررت النزول من الطابق العلوي إلى الاستقبال... جون يجلس في مقعد موظف الاستقبال و ابتسامة مندهشة لنزولي المبكر تطرح تساؤلا بيّناً... في تلك اللحظات أجد بجانبه سيدة اثيوبية في حوالي الخمسين.....بادرتني هي بتحية صباحية معطرة: - صباح الخييير (بلهجة عربية مكسرة) الملامح اثيوبية قحة ،الوجه مستدير،اللون الذيس يميل للأصفر..العيون شبه خضراء مع لون غير محدد (سلامة النظر.....عمى ألوان.... (ذكرني لون العيون لون عيون سكان الاسماعيلية و المنصورة إن لم أكن مخطئاً).. قلت في نفسي : بداية مشجعة قال لي جون: هذه صاحبة النُزُل رددتُ التحية بأجمل منها (بدلاً من بمثلها). قالت بابتسامة ودودة: - هناك فطوووور و شاي و قهوة ...كلو فري (مجانا) قالتها بصوت ترويجي مهذب. - تفضل للمطعم قالتها مادة يديها للأمام ...مطعم الفندق جزء من الفندق ......كان محل لبيع الملابس من قبل. . عرفت لاحقا أنها صاحبة العمارة الصغيرة المكونة من طابقين يضمان الفندق و ثلاثة محلات).. خلال خمسة دقائق كان الطعام جاهزاً...... ..............الفطور بسيط عبارة عن بيض مقلي مع الخبز أو فول مصري.. طلبت فول مصري...كان الطبق شهيا جدا معمول بشكل لذيذ... ....الفول مقشور و عليه طبقة علوية(رشة) من الصلصة الخفيفة و الليمون مع التتبيل... حقيقة لم أذق مثل هذا الطبق من قبل...حقيقة طبق شهي جدا.. بعد قليل تم تقديم الشاي...ثم اعقبتها بلهجة مرحة و كأنها تتفضل عليّ: - (فِري ..فِري.).قالتها لي الفتاة التي تعمل في المطعم مرتين.. عرفت لاحقا أن لصاحبة الفندق ابنة تدير المطعم و أخرى تعمل في الاستقبال للفترة النهارية..
10-03-2017, 09:36 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
بما أن تفاصيل السفر و ذكرياته تتتداخل و يطغى بعضها على بعض ...بعضها مهم و ذو قيمة و البعض الآخر ليس كذلك.. و حتى لا أحمل القاريء و المتابع معي في التداخل الوجداني و تشوش الذكريات لتلك الأيام القليلة .. ساحاول أن ألملم دقائق ذكريات الأيام الثلاثة في أديس فيما تبقى لي من صفحات و وقت ..و سأوجز هذه الذكريات في الموضوعات التالية: - هطل الأمطار الذي يوشك أن يفسد علي ما تبقة من وقت في أديس - زيارة للسوداني الذي يقيم مطعما في منزله.. - رحلة المساج التي لم تكتمل... - زيارة سوق ميركاتو و عسل النحل - مقابلة مع الشاب السوداني الذي يعمل في تصدير اللحوم و أسرار تهريب اللحوم.. - وجهة نظر عامة و انطباع عن المرأة الاثيوبية
10-04-2017, 05:58 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
جلست في استقبال الفندق لأستريح قليلا قبل أن أنطلق في لجولة صغيرة(بروفة) استرعى انتباهي وجود شخصين يبدو أنهما سودانيان.. تحية سودانية متحفظة...بعدها ابتسامة اذابت الجليد..ثم الأسئلة التقليدية...من وين؟ ماشي وين؟ أول مرة تجي ..؟ احد الشابين( أكثرهما تلقائية و عفوية) سألني: جاي من السودان؟ إن شاء الله جاي مع أولادك؟ الله! سؤال عجيب! لكني فيما بعد عذرته فقد عرفته لاحقا انسان جميل و بسيط ....من لهجته ..فهو ينتمي إلى الريف في أقصى الشمال.. .حضر من السعودية للقاء عروسه( الحنة في يديه لكن و الله ما شفتها إلا بعد كلمني...بعدين هو انا جاي اتفرج على السودانيين و لا الاثيوبين؟ السودانيين أنا شبعاااان منهم....هههههه. في الحقيقة عذرته...عذرته عشان تلقائيته ..و لانه جاي في مهمة خاصة...للقاء عروسه ...( فهمتوا؟؟).. قد قابلته فيما بعد مع عروسه خلال اليوم..كانت تلبس البرقع..... .لكنها رغم البرقع و التخفي ..تبادلت معي الحديث و التعليق..و بكل أدب و احترام..
و هنا أدعو لهما بالتوفيق و بأن يرزقهما الله الذرية الصالحة..
10-04-2017, 07:48 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
أما الشاب السوداني الآخر الذي كان يجلس في الاستقبال مع العريس ... ...كان شكله عاصمي أو من المدن الكبيرة ...عرفت أنه مسافر في نفس الليلة إلى السعودية... ..قال لي ذلك الشاب، و كأنه يلقي بمعلومة مهمة : - في مطعم سوداني قرييب... لم اعلق..لأني لما اسافر برة لا أجري وراء الوجبات السودانية التي تركناها ورانا ثم واصل في سرور: -......بيعمل وجبات سودانية ...مفروكة ..و شية بالصاج. تابعت حديثه دون أن أهتم ( مرات الواحد بيكون ثقيل غصبا عنه...لكن ما قرضمة) تابعت حديثه و لم أرد ..و لكن قلت في نفسي : - نحن السودانيين ديل نسافر برة.. و بدل ما نجرب حاجات جديدة.... - نسافر للخارج ........نقوم نفتش على حاجاتنا الخليناها ورانا؟؟ و كأننا لا سافرنا لا حاجة؟ - ده شنو الهبل ده(آسف على كلمة الهبل) - مطعم سوداني شنو؟ و وجبات سودانية شنو؟ و شية شنو؟ و مفروكة شنو؟؟ لكني احتراما للشاب الذي كان يود أن ينقل لي معلومة مفيدة ... لم أعبّر له عما بداخلي.. و لكني بدلا منها قلت: - إن شاء الله..حأمشي و أشوف المطعم لكنه بعد ثواني واصلو اضاف : - الراجل صاحب المطعم ...عامل المطعم في بيته .. - ..و هو متزوج مرتين واحدة سودانية و واحدة اثيوبية.. و هنا فقط بدأت أركِّز ..و استيقظت لدي حاسة البحث و الاستكشاف( و ليس الشمار وحده)... علما أنني من زمااان اهتم بكل ما يتعلق بالبزنس ..و ظروفه. و احاول أن أتعرف على ظروف نجاح أي عمل تجاري و كذلك أسباب فشله... و أهتم بالأفكار الجديدة و الابتكارات في مجال الأعمال... كل ذلك هواية و تنظير بدون تطبيق عملي....و لكن قد يجيء يوما استفيد من كل هذه المعلومات و الأفكار.. المهم قلت في نفسي : - إذن سأذهب لهذا المطعم و سأقابل صاحبه.. -.. و ما مشكلة سأتناول وجبة من وجباته السودانية ( رغم إني جاي من السودان و شبعان ..شية و مفروكة و قراصة و لقمة..)..... ....لكن بس ما هسه ...و لا الليلة ....لأني بالجد تعباان و محتاج لي راحة.....و الجسم مكسر..
الجسم مكسر؟؟؟؟؟؟ طيب ليه ما امشي أعمل مساج؟؟
شايف محلات المساج كتيييرة.. ليه ما أجرب؟ خلاص اوكي..فكرة جميلة... و ده موضوع تاني بس ما تذهب أفكاركم بعيييد .. أصله أنا عارفكم... لكن برضو بقول ليكم انتظروا..
10-06-2017, 08:18 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
الإخوة الزملاء الأعضاء الجادين و المونساتية تحية حارة و صادقة أنا متأكد إنه في زحمة موضوعات المنبر الحااارة اليومين ديل...... ...........زي موضوعي ده بيروح وسطهم في شربة موية ..او شمار في سليقة .. .......رغم إنه شايفه بيستحق المتابعة( القرد في عين أمه غزال..)..أنا شايف كده
عشان كده قلت : - يا ولد أديها يومين تلاتة أخلي غبار المعركة ينجلي عن البوستات الحارة .... - و خلي الناس تروق شوية بعدين نجي نحن( ناس قريعتي راحت ) ندخل بشويش ... و نعرض بضاعتنا ...
من زاوية تانية: نعم في الحقيقة هو العنوان تكرر كثيرا ......... ................عشان كده قلت احاول أخرج من النمطية شوية , و أحاول أعكس انطباعاتي و خبرتي الشخصية التي قد تفيد البعض ... لكن برضه ..الحال في حاله
عشان كده بقول للجماعة إياهم ....:
- بالله الدخل الفيلم ده قبل كده... يزح لينا شوية و يخلي الماشافه قبل كده يشوفه..
و تحياتي يا موانساتية
10-06-2017, 10:36 AM
سيف الدين محجوب سيف الدين محجوب
تاريخ التسجيل: 01-18-2013
مجموع المشاركات: 680
متابعين بس الجرجرة لزوما شنو ؟!! دي ثلاثة يوم ولا ثلاثة شهور ؟!! خليك من العبارات المنمقة والحنك البيش دا وهات آخرك تخريمة : أنا وأعوذ بالله من كلمة أنا ،،،، من قدامى عاشقى أديس ولنا فيها كر وفر سنين طويلة عشان كدا نحنا ماسكين ليك ،،، يلا ،،، أقطع لينا
شكرا على المتابعة (متابعين .........بس الجرجرة لزوما شنو ؟!! دي ثلاثة يوم ولا ثلاثة شهور ؟!!) -------------------------------------------------------- دي ثلاثة يوم ولا ثلاثة شهور ؟!!) هسه عليك الله اكان ما ذكرناك؟؟؟ ****************************************** و كمان: (............خليك من العبارات المنمقة والحنك البيش دا وهات آخرك...) - حاااااضر يا سيف: بس حيلك علينا شوية العبارات المنمقة دي ضرورية .....و أما الحنك البيش: اللي يكفينا شره.. ********************************************* تخريمة : أنا وأعوذ بالله من كلمة أنا ،،،، من قدامى عاشقى أديس ولنا فيها كر وفر سنين طويلة عشان كدا نحنا ماسكين ليك ،،، يلا ،،، أقطع لينا) --------------------------------------------------- لكن انت من قدامي عاشقي اديس ابابا و ليك فيها كر و فر ....و أنا لسه جديد ..و شكلي ما ناقش حاجة... ************************** و الله كلامك يا سيوفوا عسل و كمان دوغرييييي و واضح جدا و في الختام شكرا على المتابعة و عباراتك الودودة يا صديق
10-06-2017, 11:08 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
الأخ ود الباوقة الصبر سمح يا ود الناس هههههههه.... لكن ما مشكلة (غايتو موضوع المساج دا قلبي اباه نهائياوشكرا)---------------- --ايه رأيك مساج أصلي قبل رفع العقوبات؟؟؟؟ههههه
الأخ أبو السيوف تعقيبا على كلامك اللطيف: (ابو عبد الله والله بي كلامك الظريف تعقيباً على ملاحظتي أعلاه أحرجتني شديد وكأنك كبيت جك موية سااااقطة فوق رأسي عشان كدا يا خوي ،، احكي ،، احكي وعلى أقل من مهلك أخد راحتك للطيش ،،، عندنا شنو نحنا ؟؟؟ الجرجير وبعنا كيمان من المودة) ------------------------------------------------------------ و الله ما في إحراج و لا حاجة...نحن اخوان و ما بينا حاجة..و كلامك ظاهر إنه من زول قلبه أبيض... و اتحملنا شوية في الجرجير ..>ههههه...لكن
إن شاء الله ما نطول عليك كتير يا عاشق اثيوبيا القديم..
أطنان من المودة يا ظريف
10-07-2017, 08:08 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
الساعة الآن حوالي العاشرة صباحاً الشوارع هادئة و لكن المارة يذرعون الشوارع في نشاط... اندهشت لكون أن سكان أديس ابابا يستيقظون مبكرا جدا... و لكن بعض المحلات ..خاصة محلات بيع الملابس تتأخر في فتح أبوابها... أشعر بنعاس و خدر و ثقل في الأرجل و تكسر في العضلات ...كيف لا؟ كيف لا و منذ يومين و أنا انتقل ما بين وداع للأصدقاء و الاقارب و ما بين شراء احتياجات السفر للدوحة... سوف أسير قليلا بهذا الشارع شبه الرئيسي.. شارع تقف على جانبيه العديد من المحلات... محلات لبيع الملابس ...محلات بسيطة و لكنها منظمة و راقية ... يقم بالبيع فيها( و ربما أيضا هم أصحابها) فتيات فائقات الأناقة و الجمال... الفتيات يقمن بتنظيف الواجهات بأنفسهن و هن يضعكن...الملابس ضيقة و محزقة( غض البصر للضمان واجب)... و لكن أحيانا و إجباراً( و ليس اختياراً) تنزلق العين.. حتى بعد النظرة الأولى...استغفر الله العظيم..
بلد يبدو أن الأيدي العاملة في معظمها هي من النساء الشابات و الفتيات اليافعات...( لعن الله الفقر و الحاجة)... . ...خطوات وأنا أسير أجد اللافتة بالانجليزي و الأثيوبية( مساج...بالزيوت العطرية) شعرت بالإنجذاب التلقائي و بأرجلي تقودني لأقف ( مثل القروي الساذج) أمام اللافتة لأعيد قراءة الكلمات و أتأكد مما تعنيه... البوابة ضخمة و مفتوحة على مصراعيها على عدة غرف في الداخل( كما يبدو للناظر من الخارج).... السور الخارجي من الحجر الأنيق... و هناك ساحة أمامية واسعة ...و رائحة العطور الآسرة تدخل الخياشيم دون استئذان( لا أدري هل آتية من الداخل؟ أم من صفوف الازاهر المتراصة على حواف السور و المداخل.... ..المنزل يذكرني بمباني سكن اساتذة جامعة الخرطوم ذات الطراز الانجليزي... المكان و الرائحة و تعب الجسم كلها تهتف بي : أدخل.. هذه أول مرة أجرب فيها مساج في مكان عام... أخيرا قررت الدخول و البحث.. تحذير: ود الباوقة و من لف لفه عليهم حبس الأنفاس..
10-07-2017, 08:25 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
خطوات اخطوها إلى داخل المنزل/المحل.. الأرجل تقودني و أنا أمني النفس بدلك رياضي يعيد الحيوية للعضلات التي أرهقها ما أرهقها... و أمني النفس بعودة الروح للشرايين و الأوردة لتضخ الدم في حيوية تدفق المياه لى سد النهضة... و أمني النفس باسترخاء روحي و كأنني مومياء مسجاة في متحف الموميات... دخلت من الخلف لأنني لم أجد باب للغرفة من الأمام.. نسيت أن أقول أن الساحة الامامية للمنزل معلق فيها عدة مناشف يلعب بها الهواء يمنة و يسرة كأنها ترحب بي و توعدني بمساج تاريخي لا أنساه.. أثناء دخولي الخاطيء من الخلف و أنا أبحث عن مدخل المكان ... إذا بي أجد فتاة ( و قد دهشت لوجودي في هذه الناحية) اشارت علي بأن أذهب من ناحية اليمين. درت من ناحية اليمين كما أمرت ..... وجدت نافذتين مفتوحتين... ليس هناك أي حركة تدل على وجود إنسان..الصمت يلف المكان...لا زبائن؟؟ يبدو ذلك.. قد أكون أنا الزبون الأول في هذه الإصطباحة..... .....محظوظيا ولد ..بالتالي ستحظى بأجمل وة أطول مساج... مش الزبون الاول؟
و فجأة ينفتح باب الغرفة.... غذن هناك من كان يتابعني؟؟ ( بطل الهواجس الأمنية بتاعتك دي....... يتابعك شنو؟؟؟ إنت كارلوس و الا جيفارا؟
و فجأة ينفتح باب الغرفة في المنزل المخصص للمساج .... و أجد أمامي وجه جميل مبتسم... لعلها موظفة الاستقبال...هكذا فكرت.... -ويلكوم( بالإنجليزية) قالتها و هي تشير إلى الداخل... الممر طويل و غرفتين على الجانبين...لم أدري أين أدخل سرت و توقفت مترددا و أنا أنتظر التعليمات... أشارت مرة أخرى للدخول إلى إحدى الغرفتين... وقفت و أنا متردد...
ثم رجعت... جاءت هي و فتحت باب الغرفة ... هل هو الاستقبال؟ سميت باسم الله و دخلت - الله؟ الغرفة فارغة و شبه مظلمة...
مرتبة فقط في منتصف الغرفة و عدة زجاجات بطرف الغرفة و عدة مناشف...؟ - إذن المساج ليس في السرير كما كنت أتخيل .... - ....ما مشكلة في الأرض في الأرض..منها جئنا و غليها سنذهب.. أين الرجل الذي سيقوم بعملية المساج؟ - لربما ذهبت لتنادي عليه.. ظللت واقفا حائرا لا أدري ماذا أفعل ..هناك كرسي في الركن...جلست عليه ..بعد عدة دقائق جاءت فتاة أخرى سلمت علي و هي تبتسم .. - المساج 200 بر ..أوكي( 200 ألف سوداني) - ما مشكلة و لكن أين الملد الهمام؟ كانت طويلة ممشوقة القوام ترتدي بدلة رياضية من القطن... وقفت و هي تنظر لي..
كانت تنظر لي و في عينيها شبح سؤال باغتها: أين الرجل الذي سيقوم بالمساج؟ -ابتسمت في دهشة :ليس هناك رجل..أنا من سيقوم بعملية المساج... في تلك اللحظات كان قلبي قد بدأ يدق و دبيب من الخوف و الحساس بالغباء و السذاجة يطوقونني... غرفة مغلقة و مظلمة و معي فاتنة و شيطان (لربما أكثر من واحد ...؟ ماذا ستكون النتيجة ؟ إبن سفاح طبعا ....في أحسن الظروف كيف لم أعرف أن المساج يقوم بها البنات..كما في تايلاند حسب ما عرفت و هل أنا في بلد إسلامي إصلاً؟ بالطبع لم أفكر في ذلك مطلقاً... رإت ترددي و حيرتي تراجعت للوراء ...و أعتقدت أن المبلغ هو الثمن - أوكي 175 بر.... آخر سعر
لكني فتحت الباب .... و خرجت... شكرتها و اعتذرت كان الشيطان يقف في الباب يلعنني على إضاعتي الفرصة الذهبية..
و خلال دقائق كان الشارع العريض يستقبلني بالأحضان رجعت للفندفق و أنا أحمد الله...و لسان حالي يقول: - آل مساج آل!
10-07-2017, 10:02 AM
Hassan Farah Hassan Farah
تاريخ التسجيل: 08-29-2016
مجموع المشاركات: 9121
- آل مساج آل! ................................................................................................................ هههههههههه ها يا قول الترابى....عاد جنس استهبال يا ود عبدالله الحسين....اتلأ من دورك.... التكنك ما سمعت من قبل المساج فى أدس ود عم شنو
10-07-2017, 12:56 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
يا ود فرح ليه تحرجني كده و نحن أصحاب؟؟؟ ( هههههههههه ها يا قول الترابى....عاد جنس استهبال يا ود عبدالله الحسين....اتلأ من دورك... .... التكنك ما سمعت من قبل المساج فى أدس ود عم شنو) --------------------------------------------------------------------------- يعني الواحد يحكي ليكم بالجد تشككوا في روايته...تكنكم كنتوا معاه ؟؟ ياخيس ن بعض الظن اسم..(استغفر الله العظيم ن بعض الظن إثم) خلاص القصة كملت يلا شوفوا حاجة تانية.. موقف زي ده خطر ...و كل واحد عارف نفسه في المواقف الزي دي عشان كده انسحبت انسحاب أمريكي عينك عينك ...لأنه بعدين ما في تراجع لي وراء..
10-07-2017, 01:03 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
يلا بعد ده حانتقل إلى جزء تاني..... خلاص .موضوع المساج انتهى بخيره و الحمد لله ما فيه شر...( ده بالنسبة للناس المصدقين ) حأنتقل لى الجزء التالي و هو:
زيارة لمنزل الرجل السوداني الذي أقام مطعم في منزله... سنحكي لكم من هو؟ و كيف جاء لى أديس؟ و كيف فكر في القيام بهذا النوع من الأعمال.. و سأحكي لكم بعضا من خبراته عله تفيد البعض...
10-07-2017, 03:38 PM
Hassan Farah Hassan Farah
تاريخ التسجيل: 08-29-2016
مجموع المشاركات: 9121
الأخ حسن فرح يا نبع الفرح و الله أثبت إنك شلال فرح ياخي ألف شكر على مشاركاتك العديدة و على مناوشاتك اللطيفة و على مشاغلاتك..و مُزحك التي أثرت البوست و اضافت له الكثير و غن شاء الله سنلتقي دوماً
دكتور تحياتي لك ولاهلي الاحباش مليون سلام سرد جميل وسياحه ممتعه في رحاب اديس ارجو الا تحرمنا من التواصل معك حينما تاتي مره اخري لاديس فنحن موجودين وسنكون سعيدين بالجلوس معك ولا تحرمنا من واجب الضيافه وايضا نحن اهل البلد وهناك جوانب اخري مشرقه عند اهلينا الاحباش ومناطق جديرة بالزيارة تواصل معي في الخاص مودتي ياحبيب
10-07-2017, 06:46 PM
ست البنات ست البنات
تاريخ التسجيل: 10-02-2002
مجموع المشاركات: 3639
تحية لك أخي محمد عبدالله الحسين, وتحية لهذا الحكي الجميل الراكز , انك لراوي محترف ! تنقلنا معك في شوارع اديس وتنعمنا بجوها البهي, ولكنك توقفت عن الحكي الجميل هذا ونحن في الانتظار . ست البنات.
10-07-2017, 08:10 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
الاخ حسن: أسعدتني كلماتك الجياشة المفعمة بلود و الإخاء يا أخي العزيز :
(دكتور تحياتي لك ولاهلي الاحباش مليون سلام سرد جميل وسياحه ممتعه في رحاب اديس ارجو الا تحرمنا من التواصل معك حينما تاتي مره اخري لاديس فنحن موجودين وسنكون سعيدين بالجلوس معك ولا تحرمنا من واجب الضيافه وايضا نحن اهل البلد وهناك جوانب اخري مشرقه عند اهلينا الاحباش ومناطق جديرة بالزيارة تواصل معي في الخاص مودتي ياحبيب) --------------------------------------------------------------- و كذلك لك الشكر لكرمك و أريحيتك الباهرة.. و إن شاء الله سنتواصل ...... و عند أي زيارة قادمة لابد من أسعى للإلتقاء بك عند أول قدومي إنشاء الله.. تسلم يا وريف
الأخت ست البنات أعجز والله عن التعبير عن وقع كلماتك المشجعة أشكرك على تكرمك و تشريفك لي بتعليقك و متابعتك و أسأل الله أن أكون عند حسن الظن و كما تتوقعون: (تحية لك أخي محمد عبدالله الحسين, وتحية لهذا الحكي الجميل الراكز , انك لراوي محترف ! تنقلنا معك في شوارع اديس وتنعمنا بجوها البهي, ولكنك توقفت عن الحكي الجميل هذا ونحن في الانتظار).... ------------------------------------------------. أكرر لك شكري و تقديري أختي الكريمة
و هكذا يا صحاب....رجعت حاملاً اسفي لفشل حملة المساج الذي كنت أمنّي النفس به... و في القلب حسرة....كما يقولون.. كيف ؟ ....و النفس أمارة بالسوء تلكزني باليمين و (لقد اضعت الفرصة).. ....بل و تزيد النفس الامارة من الإحساس الثقيل باستيلاد مشاعر الندم على مطب من الخطيئة كان.... مطب كاد أن أيغرقتي في مستنقعٍ آسنٍ و عميق( و لكنه جذاااب)،... مطب ظاهره فيه الأنوثة و الجمال، و باطنه من قِبلِه العذاب .. الحمد لله خرجت أخيراً من ذلك المولد .......بلا حمص ... و لا سمسمية... و لكن رجعت بعذريتي سالماً.......و بلا خطيئة . و هنا اسمحوا لي بأن أعتذر اعتذارا خاصاً لكوكبة من المشجعين.....و المتربصين في الخفاء .... و كل هؤلاء الذين كانوا ينتظرون لمشاهدتي و أنا أترنح....أو مشاهدة مقاطع (بورنو)شديدة الاحمرار ..... كل ذلك في تلك الغرفة المظلمة المحتشدة بالعطور، و الاروما الباذخة العطر و بالشيطان و ابنائه.... و بحفدته لربما، الذين أتى بهم جميعاً ليشاهدوا دورة تدريبية مهنية... دورة تدريبية حول كيفية إغواء رجل من بني البشر...رجل ضعيف مثلي، يحمل بين جنبيه قلب يعشق ... و مشاعر تجيش عند أول دفقة من أنوثة تعانق مشاعره و خياشيمه ...و مكامن الشهوة فيه( يا لطيف).... و لكنني.... هكذا نجوتُ( و هكذا انجيناه...).. ورجعت إلى الفندق و كل تعب الدنيا في جسدي... و زاده تعباً خيبة الأمل في إجهاض مساجٍ كنت أرجو أن يعتصر كل خلية من جسدي.... مساج يستخرج من جسدي كل عناء الأيام الماضية و وعثاء السفر و كآبة المنظر و بعضاً من نصَب الحياة... .......و هكذا يا أحبة نمتُ....نمت متوسداً صبوتي....و محتقباً مشاعري الحبيسة. كان نوما عميقا..نوماً سافرت فيه في سياحة مبهمة ...سياحة غائمة الملامح، سياحة مبهمة التفاصيل،... جولة هيولية ...طفت فيها عبر الاثير و الاسفيرر.... ..........رأيت فيها بحاراً و أشجاراً و ركبت فيها مراكبَ و عبرت بها مياهاً كثيرة.. لكنه باختصار كان حلما مريحا، و إن لم أتبيّن تفاصيله و لم أشغل نفسي بتأويله.. و لم أكن ممن هم للرؤيا يعبُرون...و لا بتأويل الأحلام عليم. استيقظتُ و احساس باسترخاء و خدر لذيذ يغشيان كل جسدي.... و كياني.....
10-08-2017, 07:35 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
استيقظتُ و احساس باسترخاء و خدر لذيذ يغشى جسمي و كياني..... .و شوق للحاق بما تبقى لي من ساعات للتجوال و السياحة... و هكذا نزلت إلى كافتيريا الفندق... - صباح الخير - صباح النور جلست، ثم طلبت قهوة تركية... ضحكات أنثوية صافية تنبعث من الطاولة الكائنة في ركن الكافتريا.. .....تجلس خمسة صبيات في عمر الزهور...رشيقات القد ، مصففات الشعور، لامعات، أنيقات...ما شاء الله... .......كنّ يجلسن قرب بعضهن و هن يتحلقن حول الطاولة... بدأت اتابع حركاتهن و سكناتهن و قد أبهجني منظرهن و هن يتبادلن الحديث ببراءة و ود ...
كن منشغلات بالحديث و كل براءة الدنيا تحلق حول تلك الطاولة و هن يضحكن..و يتفرجن على صور في جوال إحداهن.. أحسست أنهن بلا كدر و لا مشاغل و لا حتى إحساس بالعالم الصاخب من حولهن...... ..جلست لدقائق أنشغل بمرآهن، مرآهن الذي أدخل الراحة في قلبي ... كنت و أنا ارقبهن كأني ارقب خفية سرب من طيور أليفة بديعة تلقط الحب و أنا أخشى أن يشعرن بوجودي فيطرن في الفضاء..مُخوّفات.
نسيت قهوتي (حتى برد الشراب في حافة الكأس) و أنا اتابع هذه الطيور الأليفة.... لما طالت متابعتي لهن اكتفيت بالدعاء لهن من كل قلبي ..... دعاء لهن بالوئام و بالسلام و بأن يظللن هكذا هانئات النفس، خليات القلب من كدر الدنيا و مشاغلها... ثم نهضت لأذهب... ..... و هكذا ...خرجت...
10-08-2017, 08:01 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
نسيت قهوتي (حتى برد الشراب في حافة الكأس) و أنا اتابع هذه الطيور الأليفة.... ...........دعوت لهن من كل قلبي بالوئام و بأن يظللن هكذا هانئات النفس، خليات القلب من كدر الدنيا و مشاغلها... ثم خرجت... -إلى أين؟ - لا أدري..المهم لابد من أن أخرج.. قادتني خطاي للشارع الخلفي من الفندق.... كان الشارع مزدحم ( كأني في السوق العربي)...... ..........زحمة من الشباب ( معظمهن من الفتيان) و هم يجلسون أمام عدة محلات.... .....امامي مطاعم ومكتبات و محلات لبيع الهواتف..و كافتريات شعبية..و صوالين لتصفيف الشعر... - صوالين؟ - آه...الحمد لله احتاج لأن أحلق شعري( أقصد ما تبقى منه)... - .......في الحقيقة محتاج أعمل (قطعية بس)، قطعية أنيقة تبرز ما خفي من وسامة ..... و لكنها وسامة في المنظر الخلفي للرأس( ما بطال)... - كيف يا ربي صالون الحلاقة عندهم؟ - هل مثل ما عندنا؟ - أكييد..لأن معظم الصوالين عندنا باتت تذخر بالشباب الأثيوبي.. نظرت يمنة و يسرة ..ثم قررت الدخول في أحد الصوالين..
10-08-2017, 08:33 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
- كيف يا ربي صالون الحلاقة عندهم؟ - هل مثل ما عندنا؟ - أكييد..لأن معظم الصوالين عندنا باتت تذخر بالشباب الأثيوبي.. نظرت يمنة و يسرة ..ثم قررت الدخول في أحد الصوالين.. انتصب شاب في العشرين مرحبا بقدومي... - الله؟؟ ما هذا؟ بنت في صالون رجالي؟ ماذا تفعل؟ - لربما زائرة أو صديقة ذلك الشاب أو قريبته...(إن البعض الظن إثم...) - الناس ديل طريقتهم مختلفة مننا ....الا تفهم؟؟؟ نظرت إليها( غصبا عني والله لأنه أعجبني شعرها من أول نظرة....كانت التسريحة آفرو...) نظرت و اطلت قليلاً...و الله قليلاً ليس إلا بسبب خجلي.... و كنت أتمنى أن تطول.... حاولت التفاهم بالانجليزي و بالوصف و الإشارة ...و اخيرا طلبت مني الشابة أن أجلس....يا حظي..أقصد يا ويلي... - ااترك نفسي لشابة لتخلل شعري و تعبث بمشاعري(القاعدة على الهبشة؟؟).. - .....دي مصيبة شنو دي؟؟ - نحن نهرب من دي نقع في دي؟؟ المهم جلست في المقعد و مزيج من مشاعر، و توقعات، و توجسات، و أمانٍ خجولة تنتابني ... .....و دعوات مترددة، و أنفاس واجفة كلها تعبث بي أنا المسكين..و انتظرت.. لبستْ الأنيقة الابرول و تقدمت للضحية الساكنة.... أول خطوة...... رشة ماء بااردة رشتها لترطيب الشعر، ( فرطّبت الأجواء خارجيا و داخلياً).. ...رذاذ الماء المفاجئ جعلني أقفز.... كانت أول لمسة لشعري قد حملتني لتدخلني في دهليز لانهائي... خافت الاضواء ..... ..........احسست بأني استلقي في اريكة في بستان مخضر...أما الباقي فلا أتذكر منه شيئاً.. و كنت استفيق مرة فمرة عندما تمسك برأسي لتلفته يمنة أو يسرة.. ......و هكذا و أنا بين آفاقة و استفاقة (كما يقول الشاعر أمل دنقل) انقّل راسي و خاطري.. لم استفق إلا و صوت (السشوار )الكهربائي العالي( كأنه عزول خبيث)... يوقظني بكل فظاظة الدنيا... نهضت في تراخي.... نفضت ملابسي و خدري اللذيذ و أعطيتها 15 بر كما طلبت..... و أنا اودعها في سري ...... خرجت متكاسلاً ..في هدوء..و هاتف يهتف بي أن أرجع... خرجت ...و كنت أتمنى أن لا أخرج...
10-08-2017, 01:14 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
الشكر الجزيل لمن اتصل على تلفوني الخاص و الإيميل..زز ...... و للذين لم يبخلوا بالتعبير عن مشاعرهم و احاسيسهم...و هم يتابعون ما أكتب.... أقول لهولاء و أولئك: حقيقة إن مشاعركم هي المرآة التي تعكس لي خطواتي في الطريق و هي التي ترشدني للسير في السبيل... و أثمن كذلك عالياً من اتصل لرفع روحي المعنوية و تقديم النصح والاستشارات....
لكم و لهم الشكر الجزيل
10-09-2017, 05:06 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
بعد خروجي من صالون الحلاقةرجعت لقواعدي (للفندق) سالماً و منتشياً.... أحس بأنني صرت خفيفاً ( الله يكفينا شر خفة العقل...خفة الوزن هينة)... .....جلست في صالة الاستقبال... - كوب من القهوة التركية اعتقد سيعدل المزاج أكثر... إذن من الافضل أن أنتقل لكافتيريا الفندق فهي أكثر هدوء... ذهبت....خلف كاونتر طلبات الزبائن وجدت صاحبة الفندق منهمكة.. ... كانت تقوم بنفسه بالتنظيف و إعادة ترتيب المحل..حيث أن الكافتيريا تم افتتاحها قريباً.. - صباح الخييير ..........قالت بلكنة اثيوبية عذبة و ابتسامةشبه جادة ترتسم على الوجه الباسم طبيعة. - تفضل ... قالتها بشيء من المهنية - قهوة و الا شاي؟ - قهوة - بس خمسة دقائق بعد حوالي خمسة دقائق أحضرت القهوة بنفسها ..... ثم احضرت لنفسها طبق من البيض المقلي و جلست في المقعد المقابل... - أنا كنت في السودان زماان؟ - الله؟ حتى أنتي؟ البلد كلها اظنها مشت السودان! - كان ذلك خلال الحرب مع اريتريا ..كنت في القضارف و كسلا ...ثم الخرطوم - القضارف ليست جميلة...لكن الخرطوم جميلة( حليل جمال الخرطوم) - يا ربي دي وجهة نظرها فعلا ...و الا كسير تلج؟
بعد ذلك دخلتْ في فاصل من مقارنات بين الزبائن السودانيين و السعوديين و الكوايتة.. ...وطبعا نحن الفائزون(السودانيين أجدع ناس) ... المقارنة لم تكن بناء على الوضع المالي للزبون و لكن للسلوك المريح التصرفات المهذبة... - الزبون السوداني...ما في مشكلة ..ما في صراخ ( طبعا مع تقليد الزبون).. أنهيت الونسة باسلوب دبلوماسي ........لأنني كنت أنوي الذهاب لسوق ميركاتو...
10-09-2017, 08:20 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
أنهيت الونسة مع صاحبة الفندق باسلوب دبلوماسي ....... .........لأنني كنت أنوي الذهاب لسوق ميركاتو....... و هي أصلا ونسة عابرة و بالنسبة لها ونسة مهنية تقع ضمن بناء علاقات مع الزبائن.. أخبرتها بأنني أود الذهاب لسوق ميركاتو ... سألتني هل أود أن أذهب بالمواصلات العامة أم الخاصة؟ - كم سعر المواصلات العامة( حافلات) و كم الخاصة؟ - التاكسي بين 150 إلى 200 بر( جنيه تقريبا) - المواصلات العامة(الحافلات) تركب مرتين...السعر 3 بر - اوكي شكراً..باي - انتظر ..وين ماشي؟ استغربت.... - ليه؟ ماشي سوق ميركاتو - عااارفة...بس لازم تعمل حسابك! - انت غريب...في حرامية كتييير - فلوسك لازم تكون داخل البدلة ...في الجيب الخلفي...( طبعا أنا عااارف عارف...ده نفس النظام عندنا) الحرامية قبيلة واحدة في كل أنحاء العالم ( الناس برضه هم ...هم........و لكن مرات وهم الهوية الوطنية و الشوفينية ..... ........و هي السذاجة التي تزيّن لنا التفوق( كأننا الجنس الآري)..
سوق ميركاتو و ما ادراك ما ميركاتو الاسم يحمل في نطق كلماته تنغيم محبب يغري بترداده كما يحيلك لأن تتخيل أفكاراً و معانٍ مبهمة و لكنها في كل الأحوال جميلة..قادتني هذه الأفكار و التخيلات لأن أفكر في زيارة ميركاتو ..و طبعا قبلها في معرفة بعض المعلومات عنه.. و طبعا لجأت في ذلك لىغوغل..و اختصر هذه المعلومات فيما يلي: ميركاتو تعني (السوق) باللغة اليطالية.وهو..سوق حيوي تم تأسيسه إبان الغزو الإيطالي للبلاد ويقع في قلب العاصمة أديس أبابا، وهو من أكبر الأسواق الأفريقية الحالية وتغطي بضائعه إثيوبيا وعددا من الدول المجاورة كجيبوتي والصومال. ويقع السوق، الذي يحمل تسمية إيطالية، على مساحة كبيرة في وسط أديس أبابا القديمة ويعد مدينة قائمة بذاتها ويضم مناطق وأحياء سكنية ومرافق متعددة منها مواقف للحافلات.. بضاعة ميركاتو متنوعة، سواء أكانت جديدة أم مستعملة و منها بضائع مستوردة من مختلف دول العالم تشمل الأجهزة إلكترونية والسيارات والأغذية وغيرها، ويدخل السوق بضائع بملايين الدولارات يتم توزيعها يوميا على كافة المدن والولايات والمناطق المجاورة للبلاد. ويضم السوق بين جنباته مقار العديد من الشركات إلى جانب 50 فرعا للبنوك الإثيوبية والمراكز الدينية وأهمها مسجد الأنور العتيق أكبر مساجد البلاد ويحتوي على العديد من المكتبات والمعاهد، إضافة لمسجد النور ومدارس أبادر الأساسية والأولية الابتدائية والجالية اليمنية وأبوبكر الصديق لتحفيظ القرآن ومكتبتي الأقصى الدينية والنجاشي ومركز الهدي الإسلامي.. ويفتح ميركاتو أبوابه طوال الأسبوع حتى في الأعياد، وبه كل ما يحتاجه الشخص والتاجر من مستلزمات جديدة ومستعملة وعلى قدر أموالك تجد ما جئت تبحث عنه في السوق الذي يشكل مصدر رزق للعديد من العمال وفيه تجد الفقير والغني والباعة المتجولين ورجال الأعمال أيضا. وتوجد به أسواق للأشياء المستعملة كالأواني والأثاث والخردة وكل شيء لا يخطر لك على بال تجده في ميركاتو، إلى جانب مواقع بيع الأطعمة للفئات الفقيرة بأقل الأثمان، من طرائف ميركاتو كذلك بيع الأطعمة بأقل كمية قد تتخيلها كالبيع بقبضة اليد، وهنالك مرشدون للمشتري للمواقع ويتلقى أجرا مقابل ذلك، وتجد من يقوم بتوصيلك لموقع محدد داخل السوق نظرا لكبر مساحته وازدحامه ويطالبك بأجر مقابل الوصف.
10-10-2017, 07:03 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
قررت الذهاب للسوق الذي يبعد حوالي 35 كيلو من الفندق بالتجزئة بركوب حافلة على مرتين... و كنت اتحاشى أن أظهر بمظهر الغريب ...بالرغم من أن البعض كان ينظر لي طويلا .. .لربما لاحظ فعلا أني غريب أو لسابق عهده بالسودان و السودانيين ...يعني يكون عرفني (بالدم) زي ما بيقولوا.. طبعا حكاية (عرفته بالدم) دي كتيرة عندنا..و فعلا حقيقة..يعني مثلا ولدي لا يشبهني بتاتا و لكن واحد من أقربائي ينظر ليه و يقول لي : تعرف عرفته ولدك مما شفته مع أولاد ناس فلان ..بالدم بس. المنظر الغريب الذي ادهشني في موقف الحافلات أنني رأيت صفا طويلا من البشر... يكاد يقرب من 50 شخص يقفون صفا ..ذكرني بصف السينما و صف تذاكر الكورة... استغربت و تابعت الصف.. وجدتهم يدخلون واحد تلو الآخر لحافلة وحيدة دون أي خلال بالنظام أو أي تجاوز... و أثناء ما أنا أنظر لهذا الصف على بعد أمتار مني و أنا مندهش .. و كنت أنتظر الحافلة التي تقلني لميركاتو..ذا بي أجد نفسي انا ضمن صف جديد و هو يتكون من جديد و أنا داخله في انتظار حافلة أخرى.. يعني منتهى النظام و احترام الآخر ..رغم الأزمة المؤقتة في المركبات.... هنا .أرفع القبعات لهم و الله.. درس لنا في النظام و الانتظام نحن الذين فارقنا الدرب من زمان.... .و لكن أدينا الفصاحة و طولة اللسان و الفلهمة الفارغة و نظن أنفسنا شعب الله المختار..
10-10-2017, 08:01 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
وصلت السوق و لكن للاسف لم يكن المزاج رائقاً. ... كان المطر يهطل مدراراً... ....و طبعا لم اتعود ....بل لم استعد لحمل أو حتى شراء مظلة... .....المشوار طويل بحق....اكثر من نصف ساعة و نحن نشق شوارع اديس ابابا... ثم و صلنا السوق أخيراً .. .......السوق يشبه السوق الشعبي في امدرمان في منطقة الترحيلات( مع الفارق الكبير في سع السوق) السوق متسع بدرجة كبيرة و متعدد الأقسام.,.... و يبدو كل منطقة مخصصة لبيع و عرض بضائع معينة... الشاحنات مصطفة على طول شوارع السوق و هي مشحونة او تُشحن بالبضائع.... - أين أشتري العسل؟ التفاهم صعب ...القليل في السوق يعرف الانجليزية..... فضلت استخدام كلمة (مارر) بمعنى عسل ..لا أدري بالتقرية أم بالأمهرية..و لكنها أفضل من استخدام كلمة عسل أو HONEY.... و بدأ الوصف للمكان ..و لكن أيضا اللغة عائق هنا في السوق.... .يبدو أن أغلب الباعة و العمال لا يجيدون غير لغتهم..عكس الحال في وسط المدينة..
10-10-2017, 08:15 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
كان منظري غريبا حقا بالنسبة لهم..و أنا أمر في شواره السوق .... كنت ارتدي بدلة قيافة( مافي غيرها) لزوم البرد و كده..... و لكن منظرها غريب لأن معظم الزوار أو الموجودين في السوق ما كانو (قاشرين).... كثير من الشباب يجلسون أمام البرندات و المحلات ...يبدو أنهم في انتظار الزبائن للتحميل أو المساعدة في حمل البضائع أو من الذين يصطادون الزبائن خاصة من البعض الذين تبدو عليهم الحاجة أو يبدو عليهم الفقر...يبدو ذلك من الملابس و الأعين الجائلة التي تبحث عن الزبائن ..حيث بعضهم عمال و حمالين و سماسرة و فعلة.. صادفت كثير من الاوربيين..و الصوماليين..السوق يصدر لى الصومال و دول الجوار الأفريقي.. بعد تعب وصلت الى منطقة جامع النور أو الانوار المشهور..... حيث الحي الذي يكثر فيه المسلمون..... ....في ذلك السوق وجدت ضالتي.... العسل... اشارو لي الي دكان طرفي.. رجل عجوز بلحية يتحدث عربية اكثر وضوحا....كان هو صاحب المحل - مارر(عسل)؟ - ايوة قادني لداخل المحل..... المحل كبير و مكدس بالتوابل و البضائع... ..ناولني اعطاني برطمان بلاستيكي كبير ... - كم ؟ -160 بر (160 ألف جنيه) للكيلو الغريبة في المول القريب من الفندق ب 216.... و أمس أحضر موظف الاستقبال برطمان عسل للسوداني الذي سيسافر اليوم للسعودية الكيلو .. ... حسب قوله البرطمان سعة كيلو ب 450 بر..( لربما خدعه الرجل..بل أكيد) لكن يبدو أن العسل الذي اشتريته أنا هو الأجود... اشتريت 4 برطمان( 4 كيلو) لزوم الاستخدام و هدايا.
10-10-2017, 08:42 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
أولا أود التنويه لموضوع هام...و أتوقف قليلا عن سرد تفاصيل الجولة في السوق.... و يجب أن أنوه كذلك أن ما أكتبه ليس فقط سرد بقصد التسلية فقط و إن كانت التسلية موجودة و مرغوبة و مطلوبة.. و لكن هناك جوانب أخرى يتضمنها موضوعي و هو إلقاء الضوء على حياة الشعوب من حولنا و فهم الروابط و العلاقات الغنسانية و البشرية..و لتدعيم مفهوم جعلناكم شعوبا و قبائل لتعارفوا...و لاحترام الآخرين و احترام ثقافاتهم... و بما أن الحديث عن اثيوبيا و عن السوق و عن الاقتصاد ............ و قبل أن أغادر هذه المساحة أود أن أعرض موضوعا له علاقة بالعلاقات بين اثيوبيا و السودان.. كنت قبل دقائق أبحث عن صادرات السودان لاثيوبيا..و لكن بدلا من عثوري عما أبحث عنه وجدت موضوعا هاما... ..........زو هو مكانية استفادة السودان من الفرصة التي اتاحتها له الظروف بأن يكون منفذ بحري لصادرات و واردات اثيوبيا.. و هو الأمر الذي لم تأخذه حكومتنا حتى الآن محمل الجد...حسب ما سمعت.. و فيما يلي وجدت خطاب أرسله أحد أـصحاب الشركات السودانيين أرسله للهندي عزالدين في عموده و قرأته ..... .و أردت بالتالي أن أشرككم فيما سرده من حقائق..
10-10-2017, 08:51 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
السودان اليوم: الأخ/ “الهندي عزالدين” السلام عليكم ورحمة الله تعالى وبركاته وبعد أشير إلى تعليقك بخصوص زيارة رئيس الوزراء الأثيوبي وعدم تنفيذ ما تم الاتفاق عليه بخصوص استعمال ميناء بورتسودان وأود أن أفيد بالآتي:- 1 – أولاً صادرات السمسم الأثيوبي: منذ ما يقارب سبع سنوات تقوم دولة أثيوبيا بتصدير حوالي (180,000) طن من السمسم عن طريق ميناء بورتسودان ونستفيد الآتي: 1) العمالة في القضارف للشحن من الشاحنات الأثيوبية إلى الشاحنات السودانية. 2) الشاحنات السودانية من القضارف لبورتسودان. 3) المخلص / الجمارك. 4) عند وصول البضاعة لبورتسودان تقوم العمالة بإنزال البضاعة وتستيفها بالحاويات. 5) المخلصون – الموانئ – الوكيل الملاحي… الخ. أما الآن فقد فقدنا كل هذا ويتم شحن هذه البضاعة عن طريق ميناء جيبوتي للأسباب الآتية:- 1) لم يتم إنشاء الكبري بين الحمرة/ القضارف حتى يومنا هذا وغمرت مياه سد ستيت الطريق، مما أدى لإعاقة حركة الشاحنات من وإلى القضارف، وقد علمنا أخيراً بأن سلطات الكباري أعدت الدراسة ولكن وزارة المالية ليست لديها ميزانية لإتمام المشروع في الوقت الحاضر. 2) ارتفاع قيمة الترحيل للطن من القضارف لبورتسودان بما يعادل (75%) مما كان عليه بعد قرار وزير النقل بخصوص حمولات الشاحنات… الخ. 3) أحد المستثمرين السودانيين قام بجلب بنطون لتسهيل عبور الشاحنات وطلب دفع (12,50) جنيه للطن، وهذا انعكس على التكلفة. 2- ثانياً بخصوص الواردات: خلال العامين الماضيين تم تفريغ حمولة عدد (4) بواخر سماد، بواقع كل باخرة (50,000) طن، ولكن أيضاً هنالك بعض المشاكل التي يجب أن تحل لضمان وصول مثل هذه الشحنات عن طريق ميناء بورتسودان. 1) أولى المشاكل تأتي من وزارة التجارة التي تصر على إصدار أورنيك (T) بعد تقديم عقد النقل موضحاً جملة النولون…الخ، موثقة من السفارة السودانية، وإلا لن يتم إصدار هذا الأورنيك، وبالتالي لا تقوم سلطات الجمارك بالإفراج عن الشحنة ويتكبد الجانب الأثيوبي غرامات انتظار الباخرة خارج الميناء لمدة طويلة، علماً بأن هذه البضاعة (TRANSIT)، وليست عليها رسوماً جمركية وتنقل على شاحنات أثيوبية. 2) سلطات الجمارك لا تسمح بدخول العربات الأثيوبية كلها، بل على حسب توجيهات وزارة النقل، ولنقل (50,000) طن يسمح لها بعدد (200) شاحنة فقط، وحمولة كل شاحنة (40) طناً، ويتم التصديق الكلي للعربات بعد تدخل سلطات عليا كما حدث بالنسبة للشحنة الأخيرة. 3) الضرائب تصر على دفع (2,50%) من قيمة نولون الترحيل كضريبة أرباح على الشاحنات الأثيوبية، علماً بأن هذه الضريبة تطبق على الشاحنات السودانية وليس على الشاحنات الأثيوبية العابرة، وتم حسم هذا الجدل بعد مضي أسبوع من وصول الباخرة بعد تدخل من وزارة المالية والسفارة الأثيوبية. وبرغم المشاكل والمعوقات أعلاه، أود أن أقيد بعض التفاصيل المشرقة بعيداً عن دواوين الروتين الحكومي الذي يعيق تدفق البضائع الأثيوبية وهي:- 1) اتحاد وكلاء البواخر قاموا بتخفيض استحقاقاتهم بمعدل (50%). 2) عمال الشحن والتفريغ خارج البواخر أيضاً قاموا بتخفيض (50%) من أجورهم المطبقة على الواردات السودانية. 3) سلطات الجمارك قامت بتطبيق رسوم اسمية للطباعة… الخ. عليه مما سبق أعلاه الأخ “الهندي” يتضح لك أن كل ما تقوم به الدولة من اتفاقيات تكون هنالك جهات حكومية تعيق تنفيذها – بجهلها بالقوانين واللوائح المتعلقة بصادرات وواردات الترانزيت التي يتم تطبيقها بالدول الأخرى كدولة جيبوتي مثلاً التي ليس لديها أي مصدر دخل خلاف ما يأتيها من البضائع العابرة كما وضحت أعلاه، وعليه نتمنى تسهيل كل المشاكل والمعوقات لانسياب عملية مرور البضائع العابرة وإلا فسوف نفقد تدفق هذه البضائع عن طريق ميناء بورتسودان، لأن لديهم منافذ أخرى تنافسنا ويمكنهم العمل خلالها، ووزارة التجارة أول المعيقين في ذلك، وعلى استعداد لتوضيح ما يلزم إذا رأيتم ذلك. وهذا ما لزم إفادته الجزولي محمد الجزولي شركة المرفأ وكلاء شركة ترانزيت الأثيوبية
10-10-2017, 09:25 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
نواصل ما انقطع من جولة في سوق ميركاتو.......... .........زامر ببعض أجزاء السوق..و لكن بصعوبة تقتضي مزيدا من العزم...... الصعوبة بسبب تأثير الأمطار في شوارع السوق المكتظة...و اضطرار المارة للسير داخل البرندات العالية....ز ........يتكدس بعض الشباب الذين تبدو على ملامحهم الحاجة حول بائعي الطعام..و الشاي..و القهوة طبعا.. اواصل السير و الفرجة دون هدى..و لكني فجأة أتذكر تلك التي طلبت مني الفستان الاثيوبي التقليدي.. فقد وقعت عيناي على محلات تعرض الفساتين أوالزي الاثيوبي التقليدي و الذي عرفت مؤخرا أنه زي طقوسي.... أي زي يتم ارتداؤه للمناسبات الدينية (و ربما الوطنية)...و سعره عادة غاليا .. كنت قد سألت عنه في بعض محلات وسط اديس فعرفت أن سعره حوالي 40 دولار ... دخلت أحد المحلات. - سلامو -سلامو وجدتها تتكلم اللغة العربية الفصيحة.. من أين تعلمتي اللغة العربية؟ - والدتي يمنية - سبحان الله قلتها في سري أعرف أن اليمنيين تزوجوا كثيرا من الاثيوبيات و الاريتريات..
- كم سعر هذا الفستان؟ - 700 بر( وجدت مثله ب 900 في وسط العاصمة. - 400 بر مناسب؟( أسلوب في المفاصلة تعلمته من الشراء في دمشق و حلب، و من ثم صار ديدني) - لا لا ثم بعد دقيقة قالت: - 650 بر(650 ألف جنيه) - لا هذا كثير 500 بر - طيب..انتظر أستشير أخي( كان يجلس في كرسي بالخارج) رجعت بعد دقيقتين: -اوكي 500 بر اشتريت الفستان و أنا في منتهى السرور..و خرجت من المحل...
بعد هذه الجولة لابد من العودة للفندق فالساعة قاربت الثانية ظهراُ.... - هل أعود بالحافلة أم تاكسي؟ الفرق كبير بينهما في السعر..و لكنني مرهق و معي مشتريات.. اقف قرب أحد التاكسي: - أود الذهاب قرب ادنا مول - 200 بر - لأ 100 - لا لا ..زنهائي 150 بر
أخيرا اتفقت مع آخر ب 130 بر.... في الطريق استمتعت بركوبي في التاكسي ..... .على طول الطريق الأشجار الباسقة و الزهور و المباني النظيفة...(أسفي على بلدي) رغم البساطة في المظهر في الشارع العام لكنك تحس بالتهذيب في التعامل و بالنظام و النظافة و الانضباط و (الجمال الذي يسير على ساقين)...
10-11-2017, 05:08 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
بعد نومة طوييلة و مريحة من وصب الحوامة النهارية... ...و من صخب سوق ميركاتو.. الساعة الآن حوالي الخامسة و النصف... نسيت أن أقول تعرفت على شاب سوداني في بهو الفندق أمس.. و عند خروجي إلى غرفة الاستقبال وجدته جالساً. ابتسمت له .... قلت في نفسي ...فرصة جيدة ....فكرت أن اتجاذب معه الحديث..... ......خاصة انه خبرة في أديس فستكون بالنسبة لي دروس مجانية... سلمت و جلست في مقعد مقابل..لكن .. كان بقربه فتاة جميلة...أكيد من شكلها اثيوبية....جمييلة.. كنت أظن أنها منتظرة مثلنا في الاستقبال.. و لكني بعد لحظات أدركت أنها مرافقة لصاحبي السوداني.. ....لذا انسحبت انسحاب واعي.... ....و احترمت رفقتهما و احترمت خصوصيتهما ....غصب عني ..و نهضت... سأخرج...
10-11-2017, 05:46 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
خرجت لأتجول في الأنحاء... دخلت مول متوسط...الأسعار غالية مقارنة بالسودان.. البضائع ممتنوعة.. ذهبت بشارع آخر... مجموعة من الشبان و الشابات كل ممسك بخصر الآخر و يسرقون خطى منمقة ... في خطوات أكثر من بطيئة و إيقاع شبه مموسق ... و كعوب عالية و رائحة العطر تزاحم أنفي... مثل هذا المنظر غريب ..لم أشاهد مثل هذه المشية و الرومانسيات و التسكع بين الجنسين في الشارع الاديسي.. بعد خطوات التفت يميني لأجد اضواء في شكل قوس أعلى بوابة قوسية مضيئة بأضواء حمرء مكتوب عليها..نادي ليلي.. عرفت حينها مقصد هؤلاء الشباب..... نفسي أعرف ما يدور بالداخل...آه يا النفس الأمارة بالشمارت و الفضول... - و الله الشمارت و الفضول ديل يودوك في داهية... و سرقت الخطا بعيداً... قادتني خطاي و انا اتسكع في هدوء و استمتاع في الشارع الرئيسي الجانبي.. رأيت كافتيريا باهرة الأضواء.. .فقلت في نفسي لأدخل و اتناول فنجان قهوة أو شاي .. .و لاستريح..
10-11-2017, 06:25 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
جلست و أنا اجيل النظر في الكافتيريا ..... احاول أن أختار موقع مناسب للجلوس... أقصد مكان مناسب استطيع من خلاله التعرف على تفاصيل الحياة في تلك البلاد.. جلست ..نظرت يمنة و يسرة..... الكافتيريا مصممة على الطراز اليطالي..هذه ثالث كافتيريا بنفس التصميم....ماكينات الشاي و القهوة ذات الطابع الإيطالي ..>>>فترينة العرض...الكيك و السندوتشات.. جاءتني الجرسونة....طلبت منها المنيو...ليس لكي اختار فأنا مقرر أصلاً أن أشرب شاي أو قهوة .. .......و لكني طلبت المنيو لكي أتعرف على محتويات قائمة الطلبات التي يتم تقديمها في الكافتيريا و لكي أعرف الأسعار( أهم شيء) لكي أقارن.. .هذه عائلة صغيرة مكونة من الأم و الأب و طفلين...جاءت لهم النادلة بايسكريم..السعر غالي...حوالي 30 ألف للايسكريم.... و في خارج الكافتيريا ...بضع مقاعد مواجهة للشارع...... .........يجلس في طاولة مجموعة من العرب ..يبدو عليهم أنهم فلسطينيين ( معناها يعملون في البزنس في هذه البلاد... و في طاولة أخرى جلسة رومانسية هادئة تجمع شاب و شابة في منتهى الجمال و كان كيوبيد يحلق حول طاولتهما...ي كيوبيد من المؤكد له مقعد و مكان في تلك الطاولة حيث الكلام بالنظرات و بالدلال في العيون و الهمسات.....
10-11-2017, 09:29 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
الكافتيريات هنا تغلق في حوالي الثامنة و النصف أو التاسعة... أعتقد التوقيت ده توقيت مبكر ...ما متوقع منك يا أديس ..هههههه و لكن ما في مشكلة....... ما في مشكلة لمن يريد السهر فهناك مطاعم تستمر خدماتها حتى الحادية عشر تقريبا.. .....و كذلك هناك النوادي الليلية و الحفلات في بعض الفنادق... ......حسب ما سمعت و قرأت.. نواصل: ..جاءتني النادلة.... ابتسامة جادة ..و تأهُب لتقديم الخدمة .. طبعا جميع العاملين في كل محلات الخدمة من كافتيريات و مطاعم من الفتيات...حتى الكاشير.. و هنا أجد نفسي اتوقف لأقول ان صورة المرأة أو الفتاة الاثيوبية صورة ناصعة.... .....فالجدية هي السمة البارزة لهن جميعا تقريبا..... لم ارى في الشارع أو المحلات أي مظهر من مظاهر التهتك أو المياصة أو التدلل من المرأة أو الفتاة الاثيوبية..... قرأت المينو...طلبت شاي...(السعر 10 بر أي 10 ألف سوداني).. القهوة 15 بِر.. ....و برغم مسحة الجمال الغالبة و برغم التأنق البادي في أزياءهن حتى التي يمكن أن نعتبرها (عندنا) زي فاضح أو شبه فاضح، فهناك لا يلفت النظر و رغم وجود المرأة المكثف في كل المواقع و في الشارع بشكل عام...... لكني لم ار في السلوك و لا حتى في العيون أو النظرات من الرجال الذكور أي مما يدل على المتابعة اللصيقة (التي نعرفها) ......أو الالتفاتات (البايخة) ...... أو أي مما يدل على المضايقات أو ( المشاغلات) أو بشكل عام عدم الاحترام .....دعك من محاولات التحرش و المتابعات التي تنتهك الخصوصية.. جلست حوالي ربع ساعة .. بعد أن لاحظت أن الزبائن قد خفت حركتهم و أن الكافتيريا تتأهب للإغلاق.. نهضت و أناأحس بالارتياح و أحس بالتقدير لهذه البلاد ..... أحس بالتقدير و الاحترام للمرأة الاثيوبية على وجه الخصوص... المرأة الجادة ..الأنيقة ..الكادحة..( و كأنني أُكفِر بذلك عن أفكار مسبقة و وجهات نظر مسبقة هي في معظمها خاطئة و سالبة) ليس لدي ما أحييهن به إلا أن أرفع القبعة لها....للمرأة الاثيوبية و الفتاة الاثيوبية..
رجعت للفندق...تبقى لي نهار غد..... و في المساء سوف أتوجه للمطار للعودة للدوحة.. إن شاء الله سأذهب غدا للمطعم البيتي ... صباح غد البرنامج هو فقط الذهاب إلى المطعم الذي يقيمه السوداني في بيته و الذي حدثني عنه الشاب المغترب القادم من السعودية.. فإلى صباح الغد...
الأخ الجميل ود الباوقة: شكرا على شعورك النبيل: (سياحة جميلة جدا ومنتهى الروعة سردا وتفاصيل شكرا اخي محمد كأننا رافقناك في هذه الرحلة الميمونة الصادقة السرد......لك الود) ---------------------------------------------------------- خلاص حاجزين ليك مقعد قدام في الرحلة القادمة تسلم يا ذوق
*************************************************** الأخ اسامة العريفي:مة على رفع المعنويات شكرا يا أخ أسامة على رفع المعنويات بكلماتك اللطيفة دي: (متعك الله بالصحة والعافية اخونا محمد شرح كامل وممتع نامل ان تطلب من الرئيس رفع البوست الي الربع القادم) --------------------------------------------------- فعلا بعداقتراحك قدمت اقتراح لبكري لنقل البوست ..
فالف شكر مع خالص الود و الاحترام
10-13-2017, 08:40 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
قبل أن أتحدث عن المعلومات الوفيرة التي تجمعت لدي من زيارتي للسوداني صاحب المطعم ..... و هي معلومات بعضها غريب و بعضها مثير ..إذ أن بعضها يتعلق باللجوء و اللاجئين السودانيين و بعضها عن الاستثمار في اثيوبيا و بعضها عن الزواج من الاثيوبيات و قصص أخرى.. قبل أن أتحدث عن ذلك كخاتمة رأيت أن استعرض بعض المعلومات العامة التي حصلت عليها من خلال بعض المقابلات أو القراءات السابقة.. و بالتالي رأيت أن اشارك القراء ببعض من هذه المعلومات.. و بالطبع ارحب بالمشاركات لمن يود بأن يصحح لي بعض المعلومات أو يضيف إليها أو يعلق عليها أو يخالفها....... .........ففي النهاية القصد هو إثراء الخبرات و المعرفة من خلال المعلومة الصحيحة ...
10-13-2017, 07:20 PM
Hassan Farah Hassan Farah
تاريخ التسجيل: 08-29-2016
مجموع المشاركات: 9121
و بعضها عن الزواج من الاثيوبيات و قصص أخرى ------------------------------------------------------------------------------ ود عبدالله الحسين لك من الشكر جزيله نأمل ان تكمل جميلك وتحكى لينا عن الزواج عند الاثيوبيين... صاحبك السودانى ما ساقك لحفلة عرس اثيوبية؟ زى دى مثلا؟
او زى دى
10-13-2017, 09:39 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
قابلت في زيارتي الأولى في الفندق الذي أنزل به، أحداً من ظننته أنه من مواطني جنوب السودان من قبيلة النوير بالتحديد .استنتجت ذلك من خلال الخطوط العرضية التي في الجبهة.. كان يجلس في الفندق و يتحدث مع موظف الاستقبال.... و كان يتحدث معه بحدى اللهجات الاثيوبية.. قلت في نفسي:هذه فرصة لكي استفسر عن بعض المعلومات عن أديس و اثيوبيا من زائر مثلي.. فسلمت عليه.. و سألته و أنا احاول كسر الحاجز بيننا .. - كم سنة ليك في أديس ؟؟ و كيف تعلمت لغتهم؟ و .. فاجابني ضاحكا: - أنا اثيوبي.. استغربت لثواني ....ثم تذكرت أنني سبق أن قرأت من قبل أن قبيلتي الدينكا و النوير موجودتان في السودان و اثيوبيا كامتداد قبلي طبيعي ...يتحركون فيه عبر الحدود دون اكتراث بالحدود السياسية....
اللهم زدنا علماً و علمنا ما يفيدنا
10-14-2017, 10:11 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
استيقظت مبكرا ...فاليوم هو آخر يوم لي في أديس ابابا ... سأذهب للمطار في حوالي الساعة السابعة مساء.. - يااها ......البرنامج مزدحم للآخر... و لكن أهم جزء في البرنامج هو الذهاب للمطعم السوداني و مقابلة صاحب المطعم..
سأذهب لتناول الغداء في ذلك المطعم >>>>> ...........بالرغم من أنني لا أرغب في تناول وجبة شعبية سودانية..لأني عائد للتو من السودان.. و لكن لابد من طلب وجبة في المطعم ... لابد من طلب وجبة من أي نوع كان...فذلك المبرر الوحيد لفضولي و استفساراتي .. ....كما أن ذلك سيكون بمثابة مدخل للحديث مع صاحب المطعم أو الزبائن....و لكن.... - و لكن.....هل يا ترى سيتجاوب معي صاحب المطعم ؟ - أم أنه سيبضرب باستفسارتي و فضولي عرض الحائط؟ - هل سيتفادى أسئلتي بطريقة فظة أم بطريقة دبلوماسية؟؟ - هل سيتكرم بإطلاعي على كل المعلومات المتعلقة بالبزنس؟ - ....و على وجه الخصوص البزنس المطعم بالمطاعم و الكافتيريات؟ - أم أنه سوف (يتغاتت علي)؟ - يا ترى من أين هو في السودان؟ - و كيف اهتدى لمثل هذا النوع من الاستثمار؟ - هل هو غني؟ - و قبل كل ذلك هل راضي عن هذا الاستثمار؟ - من هم زبائنه؟ سودانيون فقط أم جنسيات أخرى؟ - إلى أي حد يتقبل المجتمع الاثيوبي وجود اجانب بينه؟ - ما هي وجهة نظره عن المجتمع الاثيوبي و الشعب الاثيوبي؟ أسئلة عديدة تدور في ذهني قبل أن أزور المطعم السوداني...
10-14-2017, 10:31 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
لا يزال الوقت مبكرا..حوالي الثامنة و النصف صباحا..و لكنه القلق... أريد الذهاب للمول القريب لشراء بن حبشي..كهدية للأصدقاء.... .بالرغم من أن سعره عادي و لا يقل عن سعره في السودان أو الدوحة....و لكن ماذا أشتري كهدية غيره؟ ثم إن غلاف العبوة جميل و لافت للنظر و مزوّق بشكل أنيق..يعني باختصار يدعوك لشراؤه... تناولت طعام الإفطار و تناولت كوب من لقهوة التركية..بمزااااج و رايق كمان.... المطر بدأ يهطل منذ نصف ساعة في الخارج..و السماء حبلى بالغيوم.. و السحب الداكنة تجعل الجو رومانسي و خيالي.. بعد أن أنتهي من تناول الإفطار سأذهب للمول لشراء البن... جلست ...جاءت صاحبة المطعم بابتسامتها الشا]قة و هي تحمل طبقا واسعا من البتزا ..اعدته في الداخل لنفسها و بناتها.. أصرت على أن أتذوق جزء منه...ظريفة هذه السيدةو و ودودة... تناولت قطعة.. - اوووو ..لذيذة - ترغب في المزيد؟ - لا لا لقد تناولت فطوري للتو.. في هذه الأثناء كان هطل المطر يشتد...و بدأ القلق يساورني... -اما لهذه الأمطار من وقوف؟ -المرة السابقة تسببت الأمطار في إلغاء برامجي للتجول في المدينة.. و هذا ما كنت اخشاه اليوم.. برنامج زيارة المطعم السوداني يمثل أهم جزء في البرنامج.. الله يستر !
10-15-2017, 08:37 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
الساعة الآن العاشرة صباحا.....السماء تعلن عن هدنة مؤقتة... الأمطار هنا كما شاهدتها و سمعتها في هذا اليوم ..صامتة ... إذن من الأفضل أن أذهب للمطعم السوداني...الآن .... ....و لا داعي لكي انتظر للظهر ...فالطقس غير مضمون... لست متأكداً من الوصف مية في المية و لكن سأصل... .....فالمكان قريب من الفندق......فلا ضير من أن أضيع في تلك الشوارع المسفلتة ..... .و حتى السيارات تسير متمهلة في رشاقة في الطريق ...بل و تتوقف للمارة لكي يعبرون( أسفي).. لا بأس سأتسكع قليلا لكي اطالع بعض مظاهر الحياة في الشارع الاثيوبي.. استرعى انتباهي على طول الطريق وجود متاجر صغيرة و أنيقة (small is beautiful))... هي متاجر لبيع الملابس الجاهزة المُخَاطة محلياً أي داخل المحل نفسه..... .....ملابس أنيقة...بائعات رشيقات أنيقات..فتيات رائعات... .. شابات يفتحن النفس المسدودة بسمتِهِنّ الجميل و جديتهن البادية في الوجوه..... ......ما هذا الجمال المنثور على طول الطريق؟
أصل لزاوية الشارع (حسب الوصف) ادلف إلى شارع جانبي... .. .ادهشتني المباني بمعمارها الباذخ و اناقتها البادية.... ابتداء من البناء الداخلي الشاهق الذي يطل من بين الأسوار.... ....و انتهاء بالسور المبني من الحجر ..و الأبواب العريضة المنكبين الزاهية المنظر... ....و كذلك الشارع المسفلت.......كل هذا في شارع جانبي؟ نعم ...نعم ...نعم رغم أنفك.. بعد حوالي عشر دقائق أعثر على المنزل..
10-15-2017, 10:12 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
أحاول النقر على الباب....الباب موارب... لا أثر يدل على وجود مطعم من الخارج...منزل عادي... لا زبائن...لا زحمة...لا رائحة أطعمة و لا أي شيء..
إذن هو منزل عادي.. انظر من فتحة الباب..زأرى شخصا جالسا ينظف شيئا ما... ذلك الشخص يشير إلي بالدخول فأفتح الباب على استحياء ... يا الله! منظر المنزل الأرضي اثار إعجابي من أول نظرة .... حديقة امامية صغيرة ناضرة رومانسية و أنيقة.... و غرف متوزعة في فسحة المنزل ...بناء على الطراز الانجليزي.... يشبه منازل سكن اساتذة جامعة الخرطوم في السابق ( و التي تم تحويل معظمها إلى.....ما في داعي)... دون استئذان استخرج كاميرا الموبايل و أصور مدخل المنزل... الجو الغائم و رذاذ المطر يضفي على المكان و الزمان احساس رايق و جميل... احساس تنسى فيه الهموم و المشاغل.. لا أحد إلا فتاة في التاسعة عشر تجلس مام أحد الغرف..غرف المطعم... رائحة البن تجوس في الأنحاء و الفتاة الشابة تبتسم مرحبة... - أين متوكل (اسم صاحب المطعم كما أخبرني الشاب المغترب ) - بالداخل.. و ادخل بهدوء و حذر لداخل الغرفة التي تكون المطعم
10-15-2017, 12:46 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
وجدت شخص يعرف متوكل صاحب المطعم جيدا.. الغريبة هذا الشخص حضر معنا بالطائرة ..يرتدي جلباب و طاقية و يحمل كيس به بعض ملابس فقط... طويل القامة قمحي اللون...لم يعجبني مظهره و طريقة تعليقاته و نحن في طابور التأشيرة في مطار أديس... رغم أن ملابس نظيفة لكن شعرت بأنه(شماشي شوية)..عمره بين 45-50 عاما.. في المطار كان يتحدث مع موظفة الجوازات بالاثيوبية..عرفت أنه مألوف لدى تلك البلاد... حقيقة لم ارتح لتلك الشخصية...فقط مجرد انطبع ..سبيحان الله.. لما دخلت في الغرفة داخل المطعم(المطعم عبارة عن 3 غرف)..وجدت ذلك البلحمه و دمه.. سألته عن متوكل: - طلع لكن بيرجع بعد قليل كنت أسأله أسئلة( شمارات) يعني: - هل تأتي كثيرا لاثيوبيا و كان هو يجاوب على قدر السؤال و هو يشغل نفسه بالكتابة في الجوال.. سألته عن متوكل هذا ..صاحب المطعم ماذا هو و متى جاء و أين كان في السودان.. فقل: -أظنه كان معلم في السودان - و كذلك كان في ألمانيا استمريت في برودي لكي أكسر حدة الانتظار خاصة أنه ليس هناك شخص غيرنا نحن الاثنين.. بعد قليل طلبت قهوة و كان هو قد طلب (بامية مفروكة).. نفس الفتاة التي كانت تعمل القهوة هي من ذهبت و أحضرت الطلبات..>>> .الفتاة تذكرني بفتيات الثانوي..لونها أصفر...جميلة...شعرها ناعم لكنه قصير... استغربت في نفسي كيف يكون مثل ذلك الجمال هائما في مثل ذلك المكان ...ضائعا بين زبائن مختلفي المشارب و النوايا و الطوايا... -كم طلب البامية احابني: -100 بر أي حوالي 100 ألف جنيه ..طبعا اندهشت لغلاء السعر..
10-15-2017, 02:56 PM
Abureesh Abureesh
تاريخ التسجيل: 09-22-2003
مجموع المشاركات: 30182
الاخ محمد سلام... الكتابة الانجليزى كان سببها بعدى عن كمبيوتر والكتابة بالتلفون حيث كنت خارجا.. الان فقط قرات تعليقك وياريت لو كنت احسنت الظن باخيك وترجمتها.. والنصيحة كانت ان لا تاخذ تاكسى من خارج الصف أبدا فى اى مطار فى العالم.. فهؤلاء فيهم الغير مرخص وفيهم المستهبل بل فيهم المجرم.
تحياتى
10-15-2017, 09:08 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
الأخ العزيز أبو الريش مساء الخير هذه كانت رسالتك الكريمة: ( Happy end never take taxi from outside the line again.. very risky some of them have no insurance or even registered) طبعا أحسنت الظن بنصيحتك و شكرتك عليها : و فيما يلي نص ردي : (شكرا الأخ أبو الريش للنصيحة الغالية شكرا لبعد النظر و مراعاة شعور الآخرين.. و لا ضير لو كتبتها بالعربي..لأنه تنبيه مهم ...) بس انت ما طلبت مني اترجمها للعربي... فعذرا لسوء الفهم و حسن الظن متوفر... لك الشكر كله و المودة و الاحترام
10-16-2017, 09:33 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
المطر في الخارج لا زال يهطل في شكل دش( شاوَر shower )رذاذي ..بينما أنا ألوذ في داخل غرفة المطعم ... الوذ مكتفياً بالنظر من خلال الباب و النافذة تارة، و بأكواب الشاي و القهوة اللذيذة تارات أخرى،.ب ينما أنا أقطع الوقت منتظرا (متوكل) صاحب المطعم...
لا ضير من جولة في أنحاء المنزل...لو كان ذلك مسموحا فللبيوت حرمتها....زبالرغم من أنه مكان عام إلى حدٍ ما.... قمت بجولة خفيفة في أنحاء المنزل بمرافقة السوداني /التاجر الذي وجدته و الذي هو صديق دائم فيما يبدو للثلاثي... للمنزل و لمتوكل و لأديس.. هناك غرف خلفية ثلاثة للإيجار(500 بر في اليوم /نصف مليون سوداني) و هي أفضل من الفندق في رأي... أفضل لأنها أوسع من غرف الفندق إذ تحتوي على صالة استقبال بالإضافة لأثاث مكتمل..و فوق كل ذلك توجد في محيط بيئة سودانية دافئة و كاملة الدسم... أعود لمقعدي..و بينما أنا جالس فجأة يدخل شخصين...سودانيين طبعا... الشخصان يجلسان و يطلبات وجبة افطار....كانا منهمكان في الحديث اتابع حديثهما.. يبدو أنهما تعارفا للتو...يجلسان و يكملان تناول إفطارهما.. ثم يتجاذبا أطراف الحديث..... بدا و كأنهما يتعارفان من جديد..احدهما يعمل في دبي.... و بعد دقائق اتضح لهما أنهما تقابلا هناك...يتوادعان..يذهب أحدهما و يبقى الآخر.... هذا الأخير يذهب ليغسل يديه ثم يعود ليجلس متكاسلا... أصبحنا الآن وحيدين..أنا و هو... كان يقف و كأنه لا يريد استعجال الخروج... - لماذا لا أكسر حاجز التعارف و الصمت بيننا؟خاصة أنه يبدو ودودا؟ -كيف الحال؟ رد علي بابتسامة ودودة حتى بانت أسنانه البيضاء . -انت مقيم في أديس؟ - أنا قصتي طويلة قلت في نفسي: - ممتاز فأنا أحب سماع القصص المثيرة
الأخ حسن فرح شكرا يا صديق على المتابعة ...و التصحيح كمان( شكلك كنت مدرس انجليزي ..هههههه) فعلا كنت قاصد شاوَرshower ..لكن العجلة ( المن الشيطان) و الكتابة في المكتب ما مكنتني اراجع.... .لكن ما مشكلة ....طالما انت موجود .... ما بتقصر...., . و زي ما بيقول زيدان في الاغنية:اغلطوا انتو يا احباب...نجيكم نحن بالأعذار تسلم يا صديق و لك المود و الحب كله....يا ذوق
الاخ محمد عبد الله تحية وتقدير.. لم ارد التداخل من اول الخيط للاستمتاع اكثر بالسرد ..ومنعا للتشويش (وجه باسم) هذا البوست من اجمل ما قرات في الاونه الاخيرة..فشكرا ياخ.. النبي كما ختفت زيارة تانية اطول واعمق..
10-17-2017, 06:07 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
الأخ محمد خليل شكرا لمتابعتك و لمدك ظلال المحبة و الود و نتمنى أن نكون كما تودّ ______________________________________________ (الاخ محمد عبد الله تحية وتقدير.. لم ارد التداخل من اول الخيط للاستمتاع اكثر بالسرد ..ومنعا للتشويش (وجه باسم) هذا البوست من اجمل ما قرات في الاونه الاخيرة..فشكرا ياخ.. النبي كما ختفت زيارة تانية اطول واعمق..)
10-17-2017, 06:22 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
اعتذر للتكرار لدواعي التصحيح و التعديل و الحذف و الإضافة:
المطر في الخارج لا زال يهطل في شكل دش( شاوَر shower )رذاذي ..بينما أنا ألوذ في داخل غرفة المطعم ... الوذ مكتفياً بالنظر من خلال الباب و النافذة تارة، و بأكواب الشاي و القهوة اللذيذة تارات أخرى،.ب ينما أنا أقطع الوقت منتظرا (متوكل) صاحب المطعم...
لا ضير من جولة في أنحاء المنزل...لو كان ذلك مسموحا فللبيوت حرمتها....زبالرغم من أنه مكان عام إلى حدٍ ما.... قمت بجولة خفيفة في أنحاء المنزل بمرافقة السوداني /التاجر الذي وجدته و الذي هو صديق دائم فيما يبدو للثلاثي... للمنزل و لمتوكل و لأديس.. هناك غرف خلفية ثلاثة للإيجار(500 بر في اليوم /نصف مليون سوداني) و هي أفضل من الفندق في رأي... أفضل لأنها أوسع من غرف الفندق إذ تحتوي على صالة استقبال بالإضافة لأثاث مكتمل..و فوق كل ذلك توجد في محيط بيئة سودانية دافئة و كاملة الدسم... أعود لمقعدي..و بينما أنا جالس فجأة يدخل شخصين...سودانيين طبعا... الشخصان يجلسان و يطلبات وجبة افطار....كانا منهمكان في الحديث اتابع حديثهما.. يبدو أنهما تعارفا للتو...يجلسان و يكملان تناول إفطارهما.. ثم يتجاذبا أطراف الحديث..... بدا و كأنهما يتعارفان من جديد..احدهما يعمل في دبي.... و بعد دقائق اتضح لهما أنهما تقابلا هناك...يتوادعان..يذهب أحدهما و يبقى الآخر.... هذا الأخير يذهب ليغسل يديه ثم يعود ليجلس متكاسلا... أصبحنا الآن وحيدين..أنا و هو... كان يقف و كأنه لا يريد استعجال الخروج... - لماذا لا أكسر حاجز التعارف و الصمت بيننا؟خاصة أنه يبدو ودودا؟ -كيف الحال؟ رد علي بابتسامة ودودة حتى بانت أسنانه البيضاء . -انت مقيم في أديس؟ - أنا قصتي طويلة قلت في نفسي: - ممتاز فأنا أحب سماع القصص المثيرة
10-17-2017, 08:41 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10902
نحيف الجسم، يبدو كمن تعود على السير مسافات طويلة تحت الشمس و الهواء الطلق ... ....ليس أنا من يقول و لكن هكذا تقول ملامحه و سحنته و ملابسه (الكاجيوال) و هكذا تقول وقفته التي لا تمت للتأنّق المديني بصلة. في حوالي منتصف الأربعين أو يقارب الخمسين كما يبدو ..... ....يلوح الصدق في ملامح و في عيونه التي تبحث عن ملاذ.. - نعم أنا مقيم في أديس ابابا - منذ كم من الزمن؟ - حوالي 6 شهور.. -؟؟؟ - في الحقيقة أنا دخلت كلاجئ؟ -لاجئ؟ غريبة؟ و هل هناك لاجئون سودانيون؟ ضحك ضحكة كبيرة ..أخجلتني حتى بان جهلي و سذاجتي السياسية و التي فضحها سؤالي الأكثر عفوية و سذاجة.. - نعم لاجئون بالآلاف في شرق السودان. نتابع
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عبد الله الحسين
MOHAMMED ELSHEIKH
Salah Zubeir
Hassan Farah
Abureesh
احمد الشيخ
سيف الدين محجوب
ست البنات
محمد البشرى الخضر
اسامه العريفي
mohmed khalail
فيس بوك
تويتر
انستقرام
يوتيوب
بنتيريست