|
|
|
 Re: ابوبكر عباس .. مستنير ومجير وشيوعي ملتزم (Re: خالد العبيد)
|
حمد لله على السلامة يا خالد...
يا مشرف، معقولة ما لاقيت أبّكر دا ولا مرة!!!
معاوية الاتلوّم ولّ اتلوّمت الجزيرة يا ربي،، الحجروك عنّو؟
لكن برضو أحسن لينا، حيكتل قلبك بحنك استنارة ميت أو بنكهة ستاربكس وضحكتين...ومشاغبات هنا دايرالا قلب حي برضو...
أب سن، بمناسبة معاوية ياخي، وين الراجل دا مختفي هنا؟ لو في كوستي بتضاحك مع باسبار ... فهو إذن بخير.
أبوبكر، يا واصل، بلا توصيلة، ورغما عن اللائحة والحاصل... تاني الله يقدرك زوغ من منتصر...ههههه
| |
 
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: عبدالله عثمان)
|
منتظر زول يسبني عشان أجي أنشبك فوقو
شكر ساي كدا ما بنفع
خلونا من استنارتي أم خيطين الكاشفين سرها ناس هاشم وشيخي عبد الله عثمان،
أهم ما في الموضوع اكتشافنا لنضال خالد العبيد وهو مناضل من الطراز القديم
قال لينا في الونسة:
التجاني الطيب قال ليهو:
تعال هنا بتشتم في الناس في سودانيز ما لك؟
قال قلت ليهو: شوف يا استاذ، الزول دا بشتم في الحزب
التجاني قال ليهو: الحزب حقك؟
أوعة أشوفك بتشتم ليك في زول تاني
في قعدتنا ديك سرحت وتذكرت عبد المطلب بن هاشم مع أبره الحبشي
"للبيت رب يحميه"
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: Biraima M Adam)
|
معاوية في السودان يا هاشم
ضرب لي بعد صلاة الصبح لافي في الخرطوم داير محل شاي وجبنة
لامن قلت ليهو انا في السوق والشاي بالزلابية والقهوة شغالة
شعرت بيهو انعبر ورمقني بعين شوق ل كوستي
معقول سوق كوستي فاتح ؟
هسة في ناس غيرك ؟
قلت ليهو السوق مليان . كدي لو جمبكم سوق امشي عليهو
وفعلا في العزوزاب ضرب الشاي وولع سجارة وقال لي اقفل الخط داير اشرب الجبنة بمزاج .. شفت الحقارة
قفلت الخط
ضرب لي بعد نص دقيقة
اتونس معاي مع رشفات القهوة
معاوية شخصية استثنائية مليئة بالحنين لعوالم البراءة البكر
مش البكر بالمعني الحنبلي
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: خالد العبيد)
|
ابو بكر عباس من الناس القلبك يحبهم قبل تلاقيهم
---------------------
علي دفع الله
سلامات ابوالزمل
فعلا ويزداد حبك له بعد ان تلتقيه وجها لوجه
اكرمني ايما كرم .. كان يود حضور ابني وارف الذي كان مرهقا من تعب السفر
واصر ان نأخذ له نصيبه من العزومة الكاربة
اعلمته ان ابني نباتي وسأدبر امره في الفندق
لكنه ذهب الى اكثر من محل بحثا عن طعام يناسب ابني النباتي
| |
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: عمر دهب)
|
هسّ يا عمر دهب، أكتر زول بناكفو في الامارات هو ود عمتك المليونير تلميذي عبد الله الخطيب،
أي نعم بحبو جداً، لكن أبداً ما عشمان نطلع منو بهللة
صعب صعب في القروش
طبعاً لو قرأ المداخلة دي، بقطع ليهو خمسين كلم عشان يسبني ويحذرني من أن أجيب سيرتو في الميديا
وما أجيب سيرة قروشو
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: أبوبكر عباس)
|
والله، يا أخوانا، لو في زول مفروض نحتفي بيهو هنا يكون المناضل خالد العبيد،
فرصة كويسة الواحد يا خالد يلقى فيك الزاوية البنبحث عنها في الناس
زاوية الانسانية
من العشرة دقائق الأولى بتكتشف انو الزول دا لا يقل عن حيدر حسن ميرغني
فشنو يا أخوانا، خلونا من راكوبة المستنير وركزوا على العبيد ود بدر
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: أبوبكر عباس)
|
سلام لأبي عبيدة وياسر الشريف،
طبعاً الصدفة وقعتني عن طريق د خالد عبد الله في صداقة غوث المحبة عند الجمهوريين وهو العمدة عبد الله عثمان،
عبد الله عثمان للجاهلين ببواطن الأمور الجمهورية هو بوابة المحبة لقلوب الجمهوريين، يعني لو عمل ليك صاح بأصبعو، تصبح جمهوري أصيل حتى لو فيك شويّة زندقة.
عندي ود عمي جمهوري، بعد عرف انو أنا صديق عبد الله؛ بقى يهتم بي أكتر من حق الدم.
رسلت ليهو قبل فترة رسالة قلت ليهو:
تعرف ان لقيت ما في مخرج سياسي لورطة الدين والسياسة إلا عن طريق الفكرة
فشنو؟ أنا داير أنضم للحزب الجمهوري السياسي
قال لي: نتكلم
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: عبدالحفيظ ابوسن)
|
أبوبكر، يا واصل، بلا توصيلة، ورغما عن اللائحة والحاصل... تاني الله يقدرك زوغ من منتصر...ههههه
-------------------------
هاشم الحسن يا حريف !
سلامات
عارف قريت الفقرة الفوق دي ده عشرة مرات واكتر
ومن اخرو كده .. انا لمن قلت ابوبكر شيوعي ملتزم كنت عامل شرك لي ناس كتار منهم زملاء " منظمين " عشان يجو هنا !
اقلو عزيزي القارئ يعرف تفسير مقولة قديمة لي عبدالخالق
انو في ناس بره الحزب افضل بكثير من عضوية ملتزمة
المهم يا حبيب خليني اسوق البوست ده موجة موجة واكيد برسى على بر
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: خالد العبيد)
|
((المهم يا حبيب خليني اسوق البوست ده موجة موجة واكيد برسى على بر))
سوق سواقتك يا خالد وأمخر بنا عباب الموج إلى بر آمن...الموضوع واقع لينا والنية واصلة وعلى الله مجريها ومرسيها.
لكن برضو المستنير دا ما مضمون، قلنا خلاص كشفنا آخرو طلع مقدم اوراقو لي حزب محظور. بتاع مشاكل!!
ــــــــــــــــــــــــــــــــ
يا أبا سن حمدا لله على سلامة معاويتنا ياخ. بالله بلغه أطيب أمنياتي بأطيب الأيام والليالي السودانية.
قلت لي بي فهم حنبلي، لا وانت الصادق، دا بقى من الأحناف ولله الحمد، وآن له يمدد رجليه
لأنو الصنقرة في بنابر القهوة دي مرات بتعسِّم المفاصل رغم إنها برج مراقبة استراتيجي.
وطبعا بعين الصحفي الراصدة ومن كاميرا الحس شديد الحساسية،
حنكون موعودين ببوست عن شريعة وحقيقة الأوضاع وظاهر وباطن البلاد.
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: عمر دهب)
|
بختك والزول دة جدو اب قناية لاحقو وكان ندهتو بلحقك برضو
---------------------
عبدالله عثمان حبابك
تصدق انا والمستنير طلعنا اهل من نفس البطن والمنطقة ..
هو بالغرب ونحن بالشرق . واليومين ديل انا بقرأ في كتاب قيم اهدتني له بنت عمي الزلال عثمان حمدالله
قام بتالبفه جدنا عثمان والد الزلال واسد القبيلة فاروق حمدالله ..
بعنوان : كتاب الصلات الرحمية لقرى الكجيك والدرقاب والبجراوية .
وربك ستر ما جيت ليهو سيرة الكتاب في الونسة كان اكلني حنك وقلعو حمرة عين .
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: عمر دهب)
|
عبد الله عثمان كما قال ابوبكر .. رجل يأسرك بأريحيته غير المتكلّفة
برنامج فكر يمشي على قدمين ..
إلتقيته لساعات قليلة وسعدت بمعرفته..
من الناس التحفر ليهم عميقا في دواخلك
عكس اللذين يعلقون قليلا في ذاكرتك ..
ان شاؤ الله يوم شكره مايجي
-
شكرا يا مستنير
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: خالد العبيد)
|
التجاني الطيب قال ليهو:
تعال هنا بتشتم في الناس في سودانيز ما لك؟
قال قلت ليهو: شوف يا استاذ، الزول دا بشتم في الحزب
التجاني قال ليهو: الحزب حقك؟
أوعة أشوفك بتشتم ليك في زول تاني
في قعدتنا ديك سرحت وتذكرت عبد المطلب بن هاشم مع أبره الحبشي
"للبيت رب يحميه"
------------------------
بكور يا حبيب
عم تجاني فصيلة نادرة لن يجود بها الزمان
رباني واحسن تربيتي الحزبية
اذكر أيام الديمقراطية كنت ضمن الكادر الصحفي الذي يحرر صحيفة الشبيبة لسان حال اتحاد الشباب السوداني
كنت شاقي سوق الخرطوم ومعي الأستاذة الصحفية سلمى
سمعنا صوت رصاص بالقرب من مكتب يتبع للاخوة الجنوبيين
شلنا الخبر وجري على جريدة الميدان
التقينا عم تجاني وحكينا ليهو الحاصل
عاين لي وعاين لي سلمى وقال لي :
انت مش شغال في الشبيبة .. قلت ليهه ايوه .
عاين لي سلمى وقال ليها وانتي مش شغالة في الأيام .. قالت ليهو ايوه
قال لينا :
طيب العمالة ليكم شنو !
درس أخلاقي واعلامي لا ينسى
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: خالد العبيد)
|
ياود العبيد خلينا بلا مستنير بلا مستشار معاك دا زول فارغ وانا افرغ منو
على اليمين لو لميت فيهو اسمعوا الغناء الما سمعو
برررررضو الواحد يحس انو بيحبو.
المهم وكت جابت سيرة ناس حمد الله
انا عايز اعرف اخبار الزول النضيف الشفيف العفيف اللطيف الظريف المابعرف شنو اييييف:
د. قاسم حمد الله
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: MOHAMMED ELSHEIKH)
|
سلام للجميع غايتوا البوست ده انا متابعه من اول حرف حتي الان
واحتفال الزميل خالد العبيد بالمستنير دي اناماشغال بيها المستنير
زول عكليتة 😂😂 لكن انا جايي لي سيد البوست زاته الانسان
السوداني الحقيقي وأكون صريح معاكم عندي صورة الشيوعي شي
مخيف عديل وكان عندي الاشد خوف منه هنا يعلم الله الزميل
خالد العبيد ولكن عندما التقيته تذكرت ورع جدودي الصوفية
وزهدهم في الحياة وجلست استمع اليه بصورة عفوية حتي
اعتقدت في نفسي انه مثل خالد العبيد لايمكن يسير في الطريق
الخطا فلا استطيع ان امدحه ولكن اختصره في كلمتين
خالد العبيد سوداني اصيل
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: خالد العبيد)
|
اخوي المسلمي ود شيخي خصيم السم القطب الكباشي
قبل ما نستفيق من صدمه المستنير ابوبكر انا مجهز ليه السبح و النوبه و الطار قايله ختمي و طلع شيوعي كمان عاوز تطلع لينا الشيوعي التاني خالد الاسترالي عاوز تطلعه قادري .
بعد ده حا اكون سودانيزاون لاين الصوفي
الزبير الختمي
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: الزبير بشير)
|
لا لا .. ول أبا أبو بكر .. ما زول كويس .. يكون كويس كيف وهو شيوعي؟ .. منصف نعم، حقانى نعم .. وكده ممكن نتفق .. لكن كويس لأنه شيوعياً ما بتجي.
------------------------------------------
اخا العرب ناكر اهلو برمة
كيفك
ارى تناقض عظيم في كلامك لحبيبنا ابوبكر
انت قلت ان ابوبكر منصف وحقاني وهذه صفات يمتاز بها الشيوعيين
فلم نسمع في التاريخ البعيد او القريب لاي شيوعي سارق او لص او مزور او فاسد
لذا فهو كويس وزايد في الناس كواسة وقيافة
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: خالد العبيد)
|
خالد العبيد تحياتى , مفروض ناس استراليا يتبركوا فيك عشان كنت فى حضرة الفكى ابكر و مؤكد بكون عزم ليك فى الاكل الجابو ليك و كان متشدد انه يشوف لولدك اكل نباتى عشان يقرا ليه فيه برضو , طبعا هو بكون دس منك انه قرا ليك فى الاكل عشان ما تكلم زول و الناس تعرف انه طرطشته دى شغل اسافير ساى لكن ابكر فكى كارب زول تقابه و محايات , المستنير فى بوستات المجاملات دى ما بقدر ياخد راحته كدى جيبوا زول يهبشه عشان يولع لينا لمبتين تلاته
فى المناقل فى لاعب كورة اسمه عثمانو بلعب فى الزهرة فريق الكزو من جبرونا بيلعب حفيان لما يشوت كورنر بيشوت معاها تلاتة عجلات من حقات الجمهور مرة اجبروه يلبس كدارة لعبه ما عجب جمهوره واحد كورك ليه يا عثمانو طلع الكدارة و طلع د.....
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: خالد العبيد)
|
شكرا خالد على البوست الجميل ال بيفرد جناح المحبة
بيد انى
لا اقر بكل ما جاء ما لم يكن تتلمذ على ذلك الرجل ملك الاستنارة و حادى ركبها
و صاحب الحاجات البتقول عليها دى
د/ حسن محمد الفاضل
غير كده الزول ده سمع بيهو سمع و قعد يسوى سواتو
حاكو حاكو بس
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: جلالدونا)
|
هسّ يا عمر دهب، أكتر زول بناكفو في الامارات هو ود عمتك المليونير تلميذي عبد الله الخطيب،
أي نعم بحبو جداً، لكن أبداً ما عشمان نطلع منو بهللة
-----------------------
في ونستنا الرائعة جات سيرة التبرعات !
وكنا والشاب المعاي بنتكلم عن صديقتنا اميرة التي تقرر لها عملية بمبلغ خرافي تم جمع جزء مقدر منه
اميرة الان في المانيا لاجراء عملية دقيقة جدا في العمود الفقري
ابوبكر اخد الموضوع بصورة جادة
أتمنى ان يكون الموضوع لسه في بالك
انت وعمر دهب قدمو طلبنا ده لي تلميذك المليونير
اطلعوا منو بي هللات
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: خالد العبيد)
|
على الأقل عرفت أكثر عن زول (مثير للجدل)
فطاب خاطري ... شكرا على هذه الإضاءة, أخي
خالد العبيد ... بس مسألة (شيوعي) دي مضرسة
شوية وخربت التدافع الطبيعي حين الحديث عن
شخص ... فالزول الما بقول إنو (شيوعي) ما في
داعي زولا آخر ينصب له (شرك) ويضيق ليهو
ما إتسع
وربما هي سانحة أخي خالد العبيد, لأن أثني على
حديث الأخ محمد المسلمي عنك, فأنت إنسان موغل
في حب الوطن وفي عموم تداعيك الإنساني. مشكلتك
إنك بتنسب كل هذه الجمائل للشيوعية, فيما الأصل أنك
جيد وأدوب ومقبول هو كونك إنسان في المقام الأول
وسوداني في المقام الثاني. دخلت يا خالد الحزب وأنت
(مربى) وعلى خلق وسجية. فهذا جهد الفطرة والأسرة
والمجتمع السوداني وسائر ما رك في خلدك من عموم
المسيرة الإنسانية ... فلماذا (تختصر) السوية والجمال
في الشيوعية ... وحسب؟؟؟ أرى هنا إستغراق مميت
وتصوف شيوعي موغل في غير مكانه ولا زمانه
يا خالد, أنت ولا شك (جميل) لكن الشيوعية ديكتاتورية
(قبيحة) فضارف على نفسك, أما حزبكم ... فله رب
يا مستنير ... أراك ليبرالي حر الرأي .. وهذا يكفي
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: خالد العبيد)
|
يا خالد يا ابن الوليد
الشيوعيين اسعلني منهم
نضاف وجميلين ومأمونين
وبالمقاييس دي الناس الدخلو
البوست دا كلهم شيوعيين،،بمن فيهم
حيدر قاسم وبريمة
المسلمي ذاتو شيوعي
،،،
شوف الكلام دا بتاع واحد من قادة الكيزان:
الحل الوحيد للازمة الاقتصادية انه وزارة المالية
يتولاها واحد شيوعي لانه ما بيسرقوا وما بغشوا
وما سمعت بي شياعي فاسد ولا مختلس
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: خالد العبيد)
|
الشيوعيين اسعلني منهم
نضاف وجميلين ومأمونين
وبالمقاييس دي الناس الدخلو
البوست دا كلهم شيوعيين،،بمن فيهم
حيدر قاسم وبريمة
المسلمي ذاتو شيوعي
---------------------------
طيب يا عثمان يا حبيب
حيدر قاسم شخصيا اسعلني منو انا ده خالد العبيد
حيدر دفعتي في الترشيح لمن اترشحنا للحزب في ظروف قاسية
والوكت داك " آخر ايام نميري " ما بطرق باب الحزب الشيوعي الا الشجعان
شفت كيف ..
بعد قدمت طلبي استدعاني الحزب تحت ظروف تامينية عالية
خشيت مدرسة الترشيح لقيت حيدر قاسم قاعد قدامي في اول اجتماع مرشح شيوعي شجاع ونبيل
وكمان كان معانا عبدالوهاب وردي ود. سهير الشوية وآخرين لن اذكر اسمائهم !
الوقت داك انا كنت كملت الثانوي العالي ومفروض اخش اولى جامعة بعد كم شهر
حيدر كان في جامعة الخرطوم او اتخرج شغال في وزارة المالية والاقتصاد الوطني .. هكذا كان اسمها وليصححني حيدر .
لا زلت اعامل حيدر كشيوعي وزميل شجاع يمتاز بجسارة مدهشة اكتسبها من خلال وجوده داخل الحزب " ما جاتك واقعة من السما يا حيدر " !!
حيدر اختلف وطلع مننا ورغم خسارة الحزب له الا ماكينة مدرسة الترشيح شغالة بنفس الايقاع ويا ما خرجت ..
تصدق يا حيدر قبل اسابيع كنت في السودان مشيت مركز الحزب في اجتماع
لقيت بنية حلااااته صغيرة وفاهمة ونضامة قالت انها من فرع الحزب في امتداد ناصر
نفس الحي الانا ساكنو
شفت ماكينة الحزب دائرة كيف !
-----------------
موضوع شيوعية المستنير انا لسه ما جيتو
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: خالد العبيد)
|
ارجع للجميل حيدر الذي كتب :
--------------------
بس مسألة (شيوعي) دي مضرسة
شوية وخربت التدافع الطبيعي حين الحديث عن
شخص ... فالزول الما بقول إنو (شيوعي) ما في
داعي زولا آخر ينصب له (شرك) ويضيق ليهو
ما إتسع
-----------------
وانا ذكرت في اول البوست التالي :
ابوبكر عباس انت شيوعي ملتزم
أقول قولي هذا رغم لائحة الحزب
وعلى القائل تدور الدوائر ..
وانا لها
فتعالوا !!
----------
شفت كيف يا حيدر انا عندي فهمي الخاص جدا لشيوعية المستنير ابوبكر
اصلا ما عندي فكرة انو عضو حزب ام لا !
لكن اخلاقو واخلاقك النبيلة .. والكلام الجابو عثمان عووضة عن الشيوعيين تجبرني ان اتمنى عضويته رغم اللائحة التي قد تنفي امنياتي في بيان !!
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: خالد العبيد)
|
اخر كلام لحيدر اقوله على رؤوس الاشهاد
تذكر الرجل الذي درسنا كورس الحزب يا حيدر ؟
ساعطيكم وصف دقيق له :
رجل قصير القامة .. سمين
اخضر اللون يميل قليلا للسواد
مشلخ H في خدودو الاثنين اليمين والشمال
علي اليمين يا ابوبكر تشوفو ماشي شاقي السوق تقول لا بيعرف يكتب لا يقرا!
ادانا الكورس كامل شامل
ده ما المهم المهم الالاتي :
بعد اتخرجنا من مدرسة الكورس بشهور قليلة قامت الانتفاضة وعادت الديمقراطية
انا دخلت كل دور الحزب في العاصمة المثلثة
وحضرت بل كنت من المنظمين لمعظم ندوات الحزب الجماهيرية
لم يحدث على الاطلاق ان رايت الرجل الذي قدم لنا الكورس الحزبي على الاطلاق !
الا مرة واحدة .. وركزو معاي !
عندنا جيرانا في ناصر .. اتوفى والدهم عليه رحمة الله .
في بيت العزاء وبحكم الجيرة كنت اوزع الشاي على المعزيين
تسمر قلبي حين وقعت عيني على الرجل الذي درسني الكورس الحزبي يجلس في بيت العزاء
سارعت بطلاشة ان اذهب له واقدم له الشاي وجلست بجانبه كانني وجدت كنزا .
عرفني !
قال لي بهدوء :
اختاني امشي مني بعيد !!
بعد سنوات طويلة عرفت انه كادر سري لا يظهر على السطح على الاطلاق
توفى قبل سنوات حسب ما حدثني احد المخضرمين
ده حزب يطلعوا منو يا حيدر !!
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: خالد العبيد)
|
الكيزان ديل كلهم طالعين من بيوت شريفة برضو مثلها مثل بيوت الشيوعيين - ده فيما يتعلق بترباية البيوت لا الاحزاب طبعا
الحزب لن يزيد شيء على الرباني عليه البيت ، بل ممكن يغيَر في سلوكي للعكس تماما
يا يجعلني أكثر صرامة في امانتي ، او يجعل مني حرامي (مثل الكيزان)
طابع الفقر (البرنامج) الذي يغلف حياة الشيوعي يجعله مكبَل اليدين حتى لو اتيحت له الفرصة ليثري من المال العام (ده ما معناهو انهم كلهم شرفاء)
اما الكيزان لا اخلاق لهم لانهم يتاجرون بالدين كمرجعية لأخلاقهم يعني حاجة بينهم وبين ربهم مافي واحد يقدر يحاسبهم إلا ربنا ، ما في وازع مجتمعي عندهم
لذلك الاخلاق حاجة مطاطة ليس بالضرورة تتركز في الامانة فقط ..
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: حيدر حسن ميرغني)
|
زمان معاوية الزبير لمن زاروا ساقو للبل واداهو جزرة يأكلهم ليها
---------------------------
منتصر كيف حالك
مطلوب دخول معاوية الزبير
البعرفو انو معاوية وابوبكر اصدقاء اللداء !
ومعاوية قال لي عن المستنير من اللسان للاضان ما لم يقله فلان عن فلان
تحياتي يا حبيب
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: خالد العبيد)
|
الأخ عثمان عووضة ..
سلام ..
Quote: شوف الكلام دا بتاع واحد من قادة الكيزان:
الحل الوحيد للازمة الاقتصادية انه وزارة المالية
يتولاها واحد شيوعي لانه ما بيسرقوا وما بغشوا
وما سمعت بي شياعي فاسد ولا مختلس |
ما تشوف مسكنتهم دي.. البسوي فيه دا كله دهنسة عشان يمسكوا السلطة ..
واليوم اليمسكوها ح يمعطوا الشعب السوداني معط .. ذي ما بيعمل الكيزان ..
الشعب السوداني محتاج ليهو حاجة ذي قصص دكتور بشري الفاضل ..
"هبط جيش في أرض شعب لا جيش له .." الجيش الهبط دا نعملوا معه شختك بختك عسي يسمع لينا. غير كده البقية كلهم جربناهم.
بريمة
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: خالد العبيد)
|
يا بريمة انت ما بتعرف الشيوعيين
عشان كدا ما تغرق ذمتك
وزي ما قال صاحبنا،،الله يرحمه:جني
وجن حاجة الزول ما ضاقها يتكلم فوقها
انت شهادتك في الكيزان ممكن نقبلها
لانك علي الاقل بتكون انربيت معاهم
دا لو ما كنت منهم
،،،،
بعدين انا مرقتني ثن لستة الكرور
ولا لسة؟؟😉 😉 😉 😉 😉
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: Osman Awoda)
|
المهم وكت جابت سيرة ناس حمد الله
انا عايز اعرف اخبار الزول النضيف الشفيف العفيف اللطيف الظريف المابعرف شنو اييييف:
د. قاسم حمد الله
---------------------------
محمد الشيخ
حبابك الف
ابن عمي دكتور قاسم حمدالله اطلق على ابنه الكبير اسم علي فضل
وعلي فضل الابن تخرج من جامعة الخرطوم هندسة
دكتور قاسم بخير وتفرغ للعمل الزراعي في منطقة ربك وهو من مشاهير كوستي
درس في الاتحاد السوفيتي واحيل للصالح العام وكان من اوائل المعتقلين في بيوت الاشباح
تشكر يا حبيب على المرور الجميل
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: Osman Awoda)
|
الأخ عثمان عووضة
سلام .
Quote: بعدين انا مرقتني ثن لستة الكرور
ولا لسة؟؟ |
مرقتك من اللستة ..
السبب أني أطلعت وبدقة علي شهادات كثيرة في حقك .. وأعتبرتها لصالحك ..
ولكن أعلم أن كلمة الكرور تعنى الأنسان الروبضة .. الشخص التافه ويتحدث في شأن لا يعلم عنه شيء ..
مشكلة الشيوعيين عايزين يأتوا بمعايير أخلاقية خلافية مقارنة بمعايير أخلاق الشعب السوداني ..
الاسم المناسب للحزب الشيوعي .. هو "الحزب ضد الكيزان السوداني"
أسم مثل هذا يسهل علينا .. معرفة موقف الشوعيين من أي قضية يقف عندها الكيزان ..
بريمة
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: adil amin)
|
ابوبكر انا مجهز ليه السبح و النوبه و الطار قايله ختمي و طلع شيوعي كمان عاوز تطلع لينا الشيوعي التاني خالد الاسترالي عاوز تطلعه قادري .
---------------------------
حباب الختمي الوفي الزبير
طبعا انا اهلي زمان كانو ختمية بحكم طبيعة المنطقة
وانا داخلي انسان متصوف وغارق في الصوفية
وعاش ابوهاشم
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: adil amin)
|
هل ارسل الحزب الشيوعي وفد لي مصر للقبض على نميري بعد الانتفاضة ؟؟؟ ام لا ؟؟
وهل القصة دي حقيقية ؟؟؟
الاجابة ساهلة جدا جدا لان كل ما يمارسه البشر كسلوك يصبح حقائق كتاريخ....
قول رسل وفد او لم يرسل ...؟؟
ما تتجاهل ذى صاحبك كما ل الجزولي في الراكوبة ..الكلام ده ما بنفع ..
مجرد ما اجد الاجابة هنا ...بجي امسح الكلام ده كلو واخليك تتونس بى راحتك وادفن ليك نص عرقي تحت الزير وكيس تمباك كبير من جمبوك كيف تحت المخدة وامشي ...انا ونسة الشيوعيين قعد تعمل لي ارتكاريا ذى صلاح احمد ابراهيم
تقول لي مثقفو الخرطوم كالصحراء لا تنبت فيها بذرة
اخطات في التشبيه للصحراء في المساء روعة وبهرة
وكانت الصحراء في ماضي الزمان شاعرا ذا قلم وقدرة
لكنه استكان للخمول وللذبول واذل شعره
فرط في خياله وما الخيال للصحرا ء الا الخضرة
مثقفو الخرطوم قهوة ونومة وسهرة وسكرة
تفحمني حلمك با هذا لقد اشبهتهم انت وهم في هجرة
(ديوان بوق العاج منشورات دبي الثقافية )
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: adil amin)
|
سلام عادل هسي الكلام ده ليه ٣٠ سنة يعني البنات العشرينيات بقن خمسين وجوكرهم بايظ والوفد ده لو في وفد لو كانوا في الأربعينيات هسة بقو في السبعين يعني لو لمو في الصور دي ينشروها براهم في الفيس فشنو الليلة الحمراء دي بعد الزمن ده أم قشعم ذاتها كان ضربت ليها كلقتين قات من عنديكو في اليمن السعيد حيث لا مناشفة ولا بلاشفة ما بتثبتها خليك من كمال وخالد ،وياخ بعدين المصريين الوهم ديل في شيوعي بهدوده بالليالي الحمراء كان يصورهم مع كافيار ولا ممبار ولا أي سلع إمبريالية
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: muntasir)
|
سلام عادل هسي الكلام ده ليه ٣٠ سنة يعني البنات العشرينيات بقن خمسين وجوكرهم بايظ والوفد ده لو في وفد لو كانوا في الأربعينيات هسة بقو في السبعين يعني لو لمو في الصور دي ينشروها براهم في الفيس فشنو الليلة الحمراء دي بعد الزمن ده أم قشعم ذاتها كان ضربت ليها كلقتين قات من عنديكو في اليمن السعيد حيث لا مناشفة ولا بلاشفة ما بتثبتها خليك من كمال وخالد ،وياخ بعدين المصريين الوهم ديل في شيوعي بهدوده بالليالي الحمراء كان يصورهم مع كافيار ولا ممبار ولا أي سلع إمبريالية
*******************
حياك يا منتصر
الحديث ذو شجون
البوست ده قال الشيوعيين كويسين مش كده انا قلت الشيوعيين ما كويسين ذى الكيزان والبضاعة جات من بلد واحدة
وما تاخذ الامور بسذاجة وسطحية ..في مشكلة في السياسيين الجونا عبر الايدولجيات المصرية والسياسة في مصر كده رقاصات وسياسيين حاجة واحدة وما تنسى الحزب الشيوعي ولدو في ماخور عبدالناصر والقوميين العرب حدتو وراجع هزيمة 1967 عاشن تعرف
بعدين الناس ديل كتلو الهادي المهدي مع القوميين العرب وختو خمور في بيتو في الجزيرة ابا...يعني الخساسة في السياسة بي العربي كده ونفتح ملف ابوعيسى وبابرك عوض الله كمان في موت الازهري وايضا عبدالخالق محجوب
الشيوعيين ذى الواطة دي .... والفرق بينهم بين الكيزان الكوز برقص وما بغتي دقنو ولكن الشيوعي عايز يرقص ويغطي دقنو
وهسة السؤال قايم ....
هل حصلت القصة دي ولى ولا؟؟
والامر ما عنده دخل بي اليمن والقات ...
اي جريمة وفعل مشين من مؤتمر الخرجين 1934 ولحدي الللية 2018 لازم يتوثق ذى ما بسوي فتحي الضو
تعاااااااااااااااااااال مارق يا خالد في الديوان احسن لك كل ما تتاخر امر البوست بسوء حانزل لاريكس وصور ما بتنفع معا كلو كلو
كلم سيد البيت قول ليه خالك منتظرك في الديوان يمرق لي بره
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: muntasir)
|
هل ارسل الحزب الشيوعي وفد لي مصر للقبض على نميري بعد الانتفاضة ؟؟؟
------------------
لا
شكرا يا خالد
لكن الفيك اتعرفت.....كباية ليمون ما وسويتا لي
اصلو انا بكتب في كتاب اسمه "الغزالة الفوق في السلم عن الحزب الشيوعي ادمان الفشل " الحمدالله الفصة دي ما حصلت ولم يطالب الشيوعيين باعادة ومحاكمة نميري ..
ومع السلامة يا منتصر...ان شاء الله الاغنية تكون عجبتك...انا متخصص في معاويةالمدير كان جاء كلمني
| |
|
|
|
|
|
|
|
|
|
Re: ابوبكر عباس .. مستنير ومجير وشيوعي ملتزم (Re: adil amin)
|
الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يامختم
البرتكان نهدك مدردم
القمر بوبا عليك تقيل
الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وا هلاكي النار شافتا
| |
|
|
|
|
|
|
| |
خالد العبيد
حيدر حسن ميرغني
محمد حيدر المشرف
عبدالحفيظ ابوسن
علي دفع الله
هاشم الحسن
عبدالله عثمان
أبوبكر عباس
Abuobeida Ali Abdullah
Yasir Elsharif
Biraima M Adam
MOHAMMED ELSHEIKH
محمد المسلمي
الزبير بشير
احمد التجانى احمد
سفيان بشير نابرى
جلالدونا
HAYDER GASIM
Hani Arabi Mohamed
Osman Awoda
adil amin
محمد جبره
فيس بوك
تويتر
انستقرام
يوتيوب
بنتيريست