السماحة خشم بيوت والرسول صلى الله عليه وآله وسلم قال: (رحم الله رجلاً سمحاً إذا باع وإذا اشترى وإذى اقتضى) لكن انت بتقصد السماحة التي تجمع بين الخَلقْ والخُلقْ ودي ما بتلتقاها عندنا انحنا كبار المنبر سناً وليس مكانة فكم من شبل كبير وكم من كبير صغير لكن السماحة في المنبر لمجموعتين، نساء ورجال: انا طبعاً ما شفت صورهم لكن اجمل واسمح ناس في المنبر هم الشباب والشابات غير المتزوجات، يعني المتزوج او المتزوجه راحت عليهم. وفي المنبر داء : الشيخ ابو الزهور يأتي في المقدمة اي بمعني عميد العزاب بالمنبر ومن النساء لا استطيع ان افصح بالاسم دلالة بل سافصح به اشارة : واحدة في كندا وبتمشي الدوحة واول حرف وثاني وثالث حرف نجده في سورة والضحى اما الثانية وهذا ليس ترتيباً لمستوى السماحة، يعني زي هلال مريخ اول حرف وتاني حرف نجده في كلمة ام وآخر ثلاث حروف نجدها في آل ثاني اللهم إني قد بلغت اللهم فاشهد
12-16-2017, 01:56 PM
محمد الامين محمد محمد الامين محمد
تاريخ التسجيل: 03-07-2005
مجموع المشاركات: 10013
عمو الكنزي يا خي انت احلي زول في المنتدي دا دمك شربات ههههههههه لو كنت صغير شوي كنت خطفتك خطف من وسط الجماهير ديل هههههه تصحيح لي معلوماتك انا عايشة في الدوحة والتربيت بين الدوحة وكندا وبسافر كنت كندا علشان التخصص بتاعي وما بحب الناس الشينين دا توقيعي 😂😂😂😂😜
اسا حلفتك بربك أنا قلتا وضاحة؟ يعني اصلو ما نجيب سيرة آل ثاني دي ولو بالهظار عارفا أنا مدان لقطر حتى النخاع عملت بسفارتها بالخرطوم في منتصف السبعينات ونقولوني جنيف وفترة خدمتي في السفارة بالخرطوم هجرت نص القرية مشت قطر أسا في جيل الاحفاد في عمرك كدا، ويكاد أن يكون هناك حي باسم قريتي خاصة ايام الشيخ خليفة بن حمد وحتى زمان ادوني منحة في جامعة قطر لاخوي وكان عندو غرفة وميز واعانة شهرية اسا المهاجر في زمنا دا ما بدوها ليهو ماهية شهرية. شفتي الناس ديل كيف؟ قايلا روحك الوحيدة البتحبي شيخ تميم؟ هل تصدقي السودانيات الفي جنيف كانن في الولادة بشمو نفس المستشفى الخاص (Clinique Bois-Gentil) البتجي ليهو الشيخة موزا وتضع مولودها يومها شيخ حمد كان ولي عهد لأبيه شيخ خليفة شفتي عز سودانيات جينف دا كيف وهي كلينك ذات تاريخ عريق في تخصص الولادة ولا تسع إلا العشرات من المرضى وعناية لا توصف ولكن بكل اسف اصبحت تاريخ بعد أن تعرض صاحبها ومديرها لقضايا ماليه مع شركات التأمين. طبعاً لمن تجي الشيخة موزرا تقريباً المبنى كلو ليها إلا بعض الغرف للطواري اها لو غايتو قلنا الزولة الساكنة قطر وعندها جائزة في المنبر لاجمل زول طيب التانية تبقى منو؟ والبحيب ع السؤال ح اديهو جائزة قزاز سمن اصلي من حلتنا. واليك الصورة الاثرية لكلينك [IMG]http://Cliniquehttp://Clinique Bois-Gentil Clinique Bois-Gentil[/IMG]
12-16-2017, 07:42 PM
وضاحة وضاحة
تاريخ التسجيل: 01-16-2005
مجموع المشاركات: 9116
عمو الكندي يا خي انت تحلي زول في المنتدي دا دمك شربات ههههههههه لو كنت صغير شوي كنت خطفتك خطف من وسط الجماهير ديل هههههه تصيحح لي معلوماتك انا عايشة في الدوحة والتربيت بين الدوحة وكندا ويسافر كنت كندا علشان التخصص بتاعي وما بحب الناس الشينين دا توقيعي 😂😂😂😂😜
12-24-2017, 06:52 PM
صديق مهدى على صديق مهدى على
تاريخ التسجيل: 10-09-2009
مجموع المشاركات: 10200
خالص شكري للإخوة محمد الأمين والكنزي والأخت وضاحة.
في رأيي المتواضع كل عضوات البورد جميلات وسمحات، بدون فرز السماحة بكل معانيها.
وفعلاً يا أخ محمد الأمين لم نستشار ساعة خلقنا لذلك ندهش حين (يعرض) علينا أحدهم بضاعة من هذا انوع على سبيل (السباق) ولهذا فتحت البوست لأتعلم ماذا تعني مفردة (سمح) أولاً، وبعدها أفهم معنى (أسمح)
أظن نبدأ الترشيح، من يرشح (أسمح) رجل هنا؟
وهدية لكل عضوات المنبر
12-17-2017, 08:46 AM
محمد عوض احمد محمد عوض احمد
تاريخ التسجيل: 01-17-2013
مجموع المشاركات: 197
شين وسمح متلازمة ما اظنها تنتهى فى السودان المشكلة انو السماحة او الشناة (للجنسين ) ممكن تدمر حياة الزول مع انو عناصر التدمير الموجودة فى الشناة اكتر الاهم انو زمالة الناس السمحين من وراها خير كتير, كنت بتحصل على رعاية ممتازة, مثلاً فى مدرستنا الثانوية لانه يجلس بجانبى, احد اكثر الطلاب وسامة فى امدرمان, وهو ابن احد الفنانين المشهورين جداً, بالسماحة والحق انو الولد طلع زى اغنيات ابوهو, واشهد انو كان فى غاية التهذيب والادب, الناس الشينين معاناتهم كبيرة, حتى من صغرهم التعليقات البسمعوها من الضيوف الثقلاء, بتكون سخيفة ومؤذية, ولحدى ما يكبرو ممكن يلاقو اصناف من الصد من النساء والرجال,
12-17-2017, 09:42 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
يطيب لى ان ادلو بدلوى هنا على قناعة تامة بأن كل عضوية سودانيزنا ده ممكن تتفاعل مع هذا البوست و تدخل عادى فيهو الا عضو واحد كان كسرو رقبتو ما بجى حايم بى جاى عارفنى كان شفتو حايم بى جاى ح اوريهو الويل و سهر النهار بت الكلب يا بت الكلب
12-17-2017, 09:53 AM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
يا جلالجونا اخطأت وضاحة في تشكير عمها علي الكنزي ووصفو بخفة الدم وناسية انو جلالدونا في المنبر دا يا اخي لوعتنا كلنا بنيتو للمجهول عشان كدا كلنا بنخاف وكلنا خواف كما قال احمد مطر يا اخي اجهر ولا على الاقل عرف بالالف واللاام مودتي
Quote: يا محمد عوض مزيدا من التواضع ياخ! ههههههه يمين بغليونك دا تخشخ المنافسة الضحي الأعلى
انت قايل روحك هين
ياريت ياخى لو انا الزول السمح البى الغليون ...دا طبعا الدبلوماسى الاديب جمال محمد احمد, غايتو هو والراحل د. محمد عبدالحى من اجمل الادباء السودانيين, شكل ومعنى وكتابة عليهم رحمة الله ورضوانه
12-18-2017, 07:21 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
يلا دايرين من الخبراء شرح الآتي: 1- يورونا المواصفات العامة للسماحة في الرجال 2- والمعايير الممكن باجتيازها نقرر إنو فلان (أسمح) من فلان 3- وهل هنالك ارتباط بالسن أو الثقافة العامة أو الموقع الجغرافي؟ 4- وهل يصح التعميم في (السماحة) يعني هل وجود (عينات) في مجتمع يكفي لتوصيفه بأنه (سمح)؟
يا حاتم مواصفات سماحة الرجال بتكمن في الرجل الذي يتصف بالمروءة والشهامة والنخوة السودانية الاصيلة والاخلاق الرفيعة،،فسماحة الوش والقوام لا تدوم في هذه الدنيا الدوارة المتقلبة...فسماحة الوش والقوام دي خلوها للبنات،،،يعني نحن بنتمكيج كل يوم لشنو،،،وحتى بسمات جميلة القروب بتتمكيج... مع وافر الاحترام والتقدير
12-18-2017, 08:02 AM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
تحياتي لصاحب البوست ولكل اعضاء وعضوات سودانيز اون لاين وجميع القراء بعد غياب طويل واتمنى لكم عاما سعيدا مليئا بالمحبة والعطاء وشئنا أم أبينا فإن { الشينين } هم الأكثر حظاً في الحياة الزوجية كمان ياجماعة انتوا عاوزنهم يكونوا شينين وبرضو مايكونوا محظوظين !!!!!
اغلب اصدقائي ومعارفي الشينين حباهم الله بنسوان سمحاااات واي واحد عامل فيها سمح واي بت سمحة تلقاها بعد فصاحتها دي كلها اتزوجت واحد شين لدرجة ان التعليقات تطالهم كلما مشوا في الشارع او التقوا باصحابهم والمشكلة بعد السماحة دي كلها تلد ليها شااااافع اضنينو مشتحات وانت كلما تعاين في الشافع تستغفر و تتذكر قدرة الله في خلقه .. قال جينات قال !!!!
لكن صراحة المرأة الجميلة تجلب الرزق !!!! وكلما تلقى الواحد مفلس وزيتو طاااالع قول ليهو الله يعينك على المدام !!!
12-18-2017, 10:33 AM
الزبير بشير الزبير بشير
تاريخ التسجيل: 08-11-2009
مجموع المشاركات: 1770
والله فعلاً إنت الظاهر عليك يا اب حراز طوّلت الغيبة، لكن من مداخلتك يبدو إنّك طولت شديد كمان . بعض الناس هنا عندهم فلقصة، يقولُوّلك، مِياه كثيرة مرّت تحت الجسر !...
12-18-2017, 03:09 PM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
على الطلاق يا اسامة وانا افتح هذا البوست وفي هذه اللحظة جات في راسي رواية غابريل ماركيز فاذا بي اجدها متجسدة في اخر مداخلة لكم. تحياتي لكم وصاحب البوست والمرور
12-20-2017, 05:55 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20482
يا أخ بكري ابوبكر بالله شوف Hassan Makkawi سرق توقيعي وكلمة السر وكتب شنو؟ انظر ادناه
Quote: عمى "كباسة" التوقيع: الكندى
ود طبعاً لاعجاب عضوة بالمنبر والاثنين مرقو منها من الناحية القانونية لانو صاحبة التعليق كان اشعبطا فيها ح تقول لي: قوم لف كدا ولا كدا، انت صدقتا أنو بت في عمري تعجب براجل اكبر من ابوها؟ ثم ثانياً انا قلت الكندي وليس الكنزي فاهم يا عمك؟ أما Hassan Makkawi ح يقول لي : يا عمك انت موهوم ساي . الكلام دا عن الكندي وليس الكنزي . واضح يا عمك ؟ ولا نفسر ليك أكتر من كدا؟ عشان كدا العجائز الزينا حقو يحترمو نفسهم ويقعدوا بعيد من مسابقات زي دي. وأنا غايتو قربت اصدق بس قلتا نمهل شوية. وفعلاً النتائج أتت مخيبة لتطلاعاتي المتأخرة
12-20-2017, 08:12 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: المشكلة انو السماحة او الشناة (للجنسين ) ممكن تدمر حياة الزول مع انو عناصر التدمير الموجودة فى الشناة
محمد عوض كيفك الشناة ما بتدمر إلا في وجود (معينات) و(سواند) ولو لاحظت إنو غالبا بيتم ربط التوصيفات دي بالعرق بنمط شبه لا إرادي ودا ما موضوعنا حالياً، لكن مافي زول بتدمر في حال اختلاف ملامحو عن المستحسن عندك (أخونا) سيل التحت دا
داك ياهو مليونير ومشهور، والله كان شفت الجكس السايح بجمباتو تستغرب
إيييييييييه، دنيا خليها على ربك يا مواطن.
أها نبقيك حكم ولا بتدور تنافس الخنافس؟
========================
Quote: زمان الزول الشين بيقولو عنه أنه ( بيخوفوا بيهو الشفع )...
عبد العزيز محمد عمر كيفك الزمن العلينا الزول حقو يخاف السمحين ذاتم هسع لو زول وقف جمبك وقال ليك (أسمح) انت ولا أنا تسوي شنو؟ تقوم جاري بس
مخافة أن لا تتهم في (توجهاتك) هههه
========================
Quote: يمين بغليونك دا تخشخ المنافسة الضحي الأعلى
محمد الشيخ إزيك ياخوي محمد عوض دا كايسنو يحكم لأنو عينو نجيضة، علا لو هو كايس التنافس دا يبقى شيتن تاني.
========================
Quote: مواصفات سماحة الرجال بتكمن في الرجل الذي يتصف بالمروءة والشهامة والنخوة السودانية الاصيلة والاخلاق الرفيعة،،فسماحة الوش والقوام لا تدوم في هذه الدنيا الدوارة المتقلبة...فسماحة الوش والقوام دي خلوها للبنات،،،يعني نحن بنتمكيج كل يوم لشنو،،،وحتى بسمات جميلة القروب بتتمكيج...
ههههههههه امتثال إزيك ياختي غايتو (إشارتك) وصلت ههههه والتحية لبسمات لو بمكياج ولا (ساكت)
في الزمن العلينا دا القيم صارت بضاعة نادرة، وممكن عادي (سماحة الوش) تكون (ميزة) وحتى الرجال صار عندهم مكياج، شعوب آسيا مثلاً رجالهم بيشيلوا الحواجب بدون حرج وعندنا رجال مشهورين في السودان بيبيضوا وشوشم وفي واحدين بيعملوا الأحمر ومن بينهم فنانين مشهورين.
========================
Quote: غايتو يا حاتم انا امي الله يطول في عمرها كانت زمااااااان بتقول انت سيد السماحة . اذا دا شرط لدخول مسابقتكم خلاص اعتمدوه😂
تم اعتماد (أب شنب) منافس في فئة الشباب وعلى من يأنس في (وجهة) كفاءة فليتغدم!
هو ذاتو الأولمبياد بدونك ما ليهو طعم ههههه تحب تهدي الجايزة لمنو؟
========================
Quote: والله اضم صوتي لصوت امك اتا سمح
مرحبا أخ إبراهيم عبد الوهاب أها، نازل في دائرة أب شنب ولا منافس ليهو عدييييل؟ عشان نخت نقطة لشنب المغنتيس في الروليت تنفعو لليوم الآخر يعني (أخونا) سيل الفوق دا (أسمح) منو؟
========================
Quote: مرة حبوبتني حبصة رحمها الله قالت لي: " تعال يا سمح الجنون"
وتم اعتماد محمد الشيخ منافس لإبراهيم عبد الوهاب في نفس الفئة بناء على توصية حبصة احتدم الوغى لكن (حواء) والدة هههه
========================
Quote: اغلب اصدقائي ومعارفي الشينين حباهم الله بنسوان سمحاااات واي واحد عامل فيها سمح واي بت سمحة تلقاها بعد فصاحتها دي كلها اتزوجت واحد شين لدرجة ان التعليقات تطالهم كلما مشوا في الشارع
أبوحراز شرفتنا أيوة، دا الكلام، خلي ناس أوساموس ديل يستبشروا (خير) شوية ومصداقن لكلامك دا، التحت دي هايدي مرت سيل الفوق دا شوف شوف شوف
الصاااااااقعل!!! أها، في كلام؟ هسع دي لو لم فيها محارب عنيزة مش كان ارتاح من (الخدمة) العنيفة الشريفة!
========================
Quote: اقنع الديك
اذا اي واحد ما عامل فيها سيد السماحه
و كمان جنب المرايه اعاين و اصلح الشعر و ياخد تصفره و احيانا ترفرفه لي روحه
الزبير إزيك وهو نحنا راجين شنو غير (الديك) هههههه ديك المنبر الشايف نفسو (سمح) لكن لقينا بدايل والأولمبياد ولع ولهبتو قامت
أها، نختك في فئة الشباب ولا داير فئة ليك براك؟
========================
Quote: إذا تم اعتماد ترشيح علي دفع الله يكون المعيار الأول للسماحة شنب تراب مغنطيس
أحمد إزيك ياخوي والله أبشنب دا كنا دايرنو حكم لكن أصر وألح يخش لجوة الميدان
أهو غايتو ظهروا ليهو البشنقلو الريكة.
أنا شايفك حكم، قلت شنو؟
========================
Quote: بعض الناس هنا عندهم فلقصة، يقولُوّلك، مِياه كثيرة مرّت تحت الجسر !...
مرحبا بود المدير الراجل القدير
معولين عليك في وضع المعايير والله جد!
========================
Quote: عمى "كباسة"
حسن مكاوي أدينا وشك، عشان نحكم يا كمان قول لي (رافض)
========================
Quote: فصاحب البوست القوقلي، لا يقرأ الكتب ولا المجلات المحكمة.
صاحب البوست يستشهد الآخرون بأعماله في المجلات المحكمة.
أوساموس! انت لو كايس المنافسة قول عديييل بنعمل ليك اعتبار في فئة (الشيوخ) يا كمان أصبر عشان تجي المنصة تسلم الكؤوس والوشاحات وبنعصر ليك (الظرف) آخر الليل ومعاهو القزازة أم رقبتن طويلة عشان تنسى الدنيا الأبت تديك دي.
_____ التحية للجميع، التجميع دا عشان الكوتة محدودة، حليل أيام البرطعة.
طبعا" مقاييس الجمال بتختلف حسب الثقافة و حسب التقاليد والسائد في المجتمع عشان كده التفاوت بيكون كبير جدا" ونحن كسودانيين برضو مقاييس الجمال بتختلف باختلاف بيئاتنا وباختلاف الأجيال والثقافة والموضة السائدة .
عندنا صاحبنا كان بيتونس مع فليبيني في إنو فلانة ديك حلوة وعيونا حلوة أندهش من رد الفليبيني لما قال ليهو فيما معناه إنو دي شينة شدييد ياخ ما شايف عيونا كبار كيف :) وما عارف إنو العيون دي هي المكسرة صاحبنا :)
12-20-2017, 04:42 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20482
ههههه حاتم اين ذكاؤك المعهود يا صاح !! تقنطر نفسك للخواض وشبلي هههه تطالب بي اولمبياد سماحة الاهم جزء فيها الصورة .... جليتا واقفة .... شيل او استعن بي تاكتيك ميسي او حا تاخد هاتريك بلغة الكورة او سيك في قبولك بلغة الكشتينة😂😂
12-20-2017, 11:31 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20482
Quote: المعيار المعيار :) طبعا" مقاييس الجمال بتختلف حسب الثقافة و حسب التقاليد والسائد في المجتمع عشان كده التفاوت بيكون كبير جدا" ونحن كسودانيين برضو مقاييس الجمال بتختلف باختلاف بيئاتنا وباختلاف الأجيال والثقافة والموضة السائدة .
عندنا صاحبنا كان بيتونس مع فليبيني في إنو فلانة ديك حلوة وعيونا حلوة أندهش من رد الفليبيني لما قال ليهو فيما معناه إنو دي شينة شدييد ياخ ما شايف عيونا كبار كيف :) وما عارف إنو العيون دي هي المكسرة صاحبنا :)
والله عيونهم شينات النصيحة ههههههه بيقوموا يوسعوها عشان تبقى مدورة الآسيويات ديل يبقوها زي ما بيصوروها في مسلسلات الأطفال بتاعتهم عيون كبيرة ومطاولة
فرق يا عثمان مش، الحور العين العيون الحبتين يملن الوش، تلقى الخشم والدقن قطعة واحدة تحتهن
أها، انت بيئتنا بتعرفا، وبصفتك دكتور وكدة بنخلي ليك المعايير دي مستشار في لجنة التحكيم بدرجة خبير.
Quote: يا حاتم إبراهيم من أي باب نخش نقيم أنفسنا وغيرنا ؟ السماحة خشوم بيوت كتيرة خخخخخخ .
وتم اعتماد طلحة في فئة الشباب وبالباب الباب البيعجبو يا أحباب مرحب بيك.
Quote: ههههه حاتم اين ذكاؤك المعهود يا صاح !! تقنطر نفسك للخواض وشبلي هههه تطالب بي اولمبياد سماحة الاهم جزء فيها الصورة .... جليتا واقفة ....
أنا هنا لجنة منظمة
خواد شنو يقنطر منو؟ خبير القولون والكرشة دا لو متابع كويس هو بيرفع بوست الاحتجاجات أول حاجة وبعدين بيجي يكتب هنا، نظام (هوي تعال أهمزني تاني) بقت ليهو حلوة ههه دي آخر مرحلة في أعراض الهيستيريا البنانوفوبية، المازوخية فإذا لقيتو في بوست حقي عاين جمبو فوق تحت حتلقى بوست (البراعة) قريب عاجبو العداد وهو ما ناكر دي، وما هاماهو (ترجمتو) ولا (براعتو) المزعومة.
يعني يا حاتم ديربي السماحة الفاتحنو دا، ما (تتاررو) لينا شوية، نخش معاگم. [} بصراحة ما عندنا حاجة؛ علا بس:{عشان خاطر عيون حلوين بشوف في رموشها ليل و نهار..و (رگشة) تشيل مشاعرنا.. تقصر للخطى المشوار نجيكم نحنا مشتاقين فراشات تسأل النوار و خضرة قولنا عند اللقيا يا السمحين تقيف (دفار). هذا مع خالص اعتذارنا ، و عميق حزننا على روح/ عندليبنا الأسمر ، و اليوم يصادف الذگرى السادسة لرحليه. [} لگن ، تعرف مرات ملامحك براها بتخونك ، و ترميك في مطبات(نواعم) [} طيب ، نمرق بكم من حتة(الشنا) دي كاتمة شوية. فمن أطرف طرائف أيام حنتوب الجميلة}، گان أخونا ود أب ظن ، عربي مقرم من من ظرفاء قاع المدينة أياميها. مرة على خشبة المسرح النص طار منو ، فقام عاين في الجمهور گدا ، لمح ليگ أحمد منقة/ راجل رزين جدن و هادي خالس و زوى بتاع كسر و قراية بس ، شايل رياضبات {أدشنل}؛ النوع داگ الكنا بنسميهم الترزية (لطول جلوسهم للمذاگرة ليل نهار). لاكنو گان شين لامن شين، و متلش خلقت ربنا گدا، يگطع الخميرة من بيت النمل ؛ يعني شكلو يوحي بإنو أخطر شرامي . ياخ دا گان لامن عبتو تقع في المراية صدفة ساي، لامن ياخدلو خزة. [} الشاهد، قام ود أب ظن حب يتخارج بو عن الورطة، و يضحگ معاه الجمهور. فناداه: ي منقة هووي، تعال هنا بالله جيب سفة!!. فزعل أخونا أحمد منقة و قال ليه: يا زول قول بسم الله ؛ منو القال ليك أنا قاعد أسف، تسف الجردقة و الرماد اليكيل حماد ، إن شاء الله.ود أب ظن طبعن مصر يشاغب ، قاللو: و الله ي منقة، بحگم التخصص، فالمعطيات كولها هدي ظاهرة عندك ، علا لاگين بس براگو الماك قادر تبرهن!!
يا صديقنا اسامة سلالالالالالام ومشتاقين يا اسامة ياخى انت زول ناقد محترف ومتمكن من ادواتك فما ممكن تكون في خندق واحد مع ابوحسين ضد الاخ حاتم وتساهم في الهبوط المتنامى في المنبر . فالمنبر بالفعل لم يعد يغرى الزوار وصار مثل بعض قروبات الواتساب المملة التى تفتقد الى المحتوى . ارجو ان تفكر بالامر وتحياتى لصاحب البوست وضيوفه بدون فرز ، الشينين والسمحين وحتى الذين بدون ملامح .....
Quote: حاتم و وضاحة ظلا يروجان لقصة "السماحة" ، من العدل أن يبذلا صورتيهما بالمنبر لنرى هل هما أصلا مؤهلان لطرح الموضوع أم لا، وبعد كدة نشوف
حاولت أفند عباراتك هنا فلم أجد أي منطق أو حقيقة أو مجرد دافع مقبول لما تقول.
فربما يحالفك التوفيق في محاولة أخرى لكن إن أعدت النظر ستجد أن طرحك أعلاه لا معنى له مطلقاً.
___ مرحب بيك إذا رغبت في المنافسة.
=========
Quote: فما ممكن تكون في خندق واحد مع ابوحسين ضد الاخ حاتم وتساهم في الهبوط المتنامى في المنبر .
هو (خندق) بذاته! كان يتعلل بطلب (بيانات) فمن الطبيعي أن (يتفرغ) الآن لمطلبه الحقيقي والهبوط نتيجة طبيعية لتواجد أمثاله هنا، كانت مسألة وقت فقط قبل أن تظهر حقيقته.
أوساموس حكاية ترفع بوستك الفضيحة دا كل يومين وتجي في بوستاتي تناغمني بطريقة (هيت لك) دا سلوك ما بيناسب سنك، ولا (وضعك) أبرد شوية وخلي فرقة للناس يتذكروك بحاجة كويسة تستاهل إن وجدت.
=========
أها، انتو الناس الشايفين روحهم (سمحين) مالم ما ديرين يجونا؟
Quote: يعني يا حاتم ديربي السماحة الفاتحنو دا، ما (تتاررو) لينا شوية، نخش معاگم. [} بصراحة ما عندنا حاجة؛ علا بس:{عشان خاطر عيون حلوين بشوف في رموشها ليل و نهار
مرحبا أستاذ ود الأصيل مكانك محفوووووظ وكان ما اتارررو بنترهم ليك زندية ونختك في لبهم شفت ايميلك يادوب وحاوصل ليك المعلومة اليوم.
=============
Quote: ياخي منافساتك ناقصة سيد السماحة الأصلي الزول الوقف وسط المنبر ودق سدرو وقال انت قايل روحك اسمح مني !
ننتظرو يجي يتحدى هنا عشان نقدر نحدد في المتسابقين في زول اسمح منه ولا كلامه صاح
هي! واللاهي كان ما كلامك دا كنت ناسي كلو كلو الغريبة أنا ختيت فئة (الطلائع) وقصدي منها (المتطلعين) وأبعدنا النساء مخصوص عشان التشويش وكدة، واللعب يكون نضيف وقعدت أتلفت راجي (البيدق سدره) ويقول هانذا ههههههه
أها، نجي لنجم الأولمبياد
Quote: قرينا الجامعة مع بعض ولا فتحت صيدلية قصاد صيدلي ولا انت اسمح مني ولا اسم حاتم أكبر من اسم محمد .. Re: قراءة ثانية في ملخص مولانا الملك حول مسأل�Re: قراءة ثانية في ملخص مولانا الملك حول مسأل�
لا تعليق. لكن نأمل من صاحب المقتبس أن ينورنا برؤيته لنفسه. ويدينا (المعايير) بتاعتو عشان (نعاير) بيها الناس هنا.
___ الزمن ميل يا لطيف ههههه، كدي بس اقترحوا علي رد على السطر الفوق دا.
12-24-2017, 11:41 AM
Hassan Makkawi Hassan Makkawi
تاريخ التسجيل: 02-27-2008
مجموع المشاركات: 6157
يجب في مثل هذه المواقف أن نتحلى بالحكمة وبفضيلة الصبر على المكاره وعدم الاستجابة للاستفزازات، وأن نوفر طاقاتنا الذهنية لمواجهة الظروف المعيشية الأكثر ضغطا التي تتهدد البلاد مع مطلع العام الجديد كلي ثقة بأن تلقى مناشدتي استجابة إيجابية من المعنيين
هذا، والوطن من وراء القصد
12-24-2017, 06:03 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
يا اخوانا الفوق ديك عسل انتا _____ و بتضحك كمان زول طول بى عرض و ماسك فى انا بفتش فى الحقيقة و امتلك خاصية التحليل العقلى و ازن الامور بميزان العقل و هلم جرررررراتك الكتيرة ديك و اى زول جاب ليهو خبر من الواتس ولّ صوره يحكها ليهو لامن تجيب الدم و مؤلف صحيح البشراوى فى شرح البوست اللفتاوى جايى هنا و بلا خجلة فى بوست الحرامى و بتضحك كمان بما انك تعرف الحق و تعرف اهله و لك قرنا استشعار بهن من حساسية لا تخطر على بال بشر داير تصنيف حقيقى للبوست ده و إلّا .........
12-24-2017, 06:06 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20482
غايتو يا جلالدونا لو كلامك الفوق دا القصد منو تشنيف مداخلة جرجير تكون كملت المبالغة عديييييل كدا.. أعتقد وبعض الاعتقاد جزم انك فهمتو مع سبق الترصد يا حبيب .
يا طلحة روق ... قبل مداخلاتى دى عندى مداخلة فوق يا ريت ترجع تقراها و خليها الانبثاقة الشهير بيها و سرقة فكرة البوست نحنا فى المهابشة قال مهابشة قال _______ اعرف ود البشرى تبقى رمادى
12-24-2017, 07:14 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
هيا يابا أكان بقيت رمادي زي ابو حتوت ما جيد ليك و غرّتك لا صرّتك الزيّك منو تقدل و تخوجل فوق اريزونا كلّها لكن بي وين؟ ما تقدرش :) مد رجليك قدر امكانيّاتك / قدراتك و ارجع الفيس ابرك لك خخخخخ
12-24-2017, 07:00 PM
صديق مهدى على صديق مهدى على
تاريخ التسجيل: 10-09-2009
مجموع المشاركات: 10200
و بترد كمان !!!! حكمتو بالغة و جاتا العادة الشهر الفات يبرك فيك يا يابا جمل خال ود البوش كدى ضنّف لينا البوست ده و بعدين نشوف ويه الكتاب مافى زول قال ليك رماديتك عينة غايتو جنس قوة عينك يتحدثبوبا قال مهابشة قال
12-25-2017, 07:07 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
دا شنو اسّي؟ مليون مرّ’ قلت ليك - وقلت لتنظير برضو - ما ضروري تكتب اي حاجة عشان تقول انا موجود, الباسويرد ما بعفّن ولا عندو صلاحية تنتهي بعدم الاستخدام ولا الكوتة تحاسب على استخدامها من عدمه عشان تقوم تتعولق كدا وتكتب اي كلام نظام الباسويرد شغّال وكدا !
12-25-2017, 07:30 AM
صديق مهدى على صديق مهدى على
تاريخ التسجيل: 10-09-2009
مجموع المشاركات: 10200
Quote: حكمتو بالغة و جاتا العادة الشهر الفات يبرك فيك يا يابا جمل خال ود البوش +++ تعرف فى ناس الحمض النووى بتاع خلايا مخّهم متكوّن من تركين بس انت فتّهم غادى .. تركين مخلوت بى بنانا مخمّرة Re: مرحب بيكRe: مرحب بيك +++ حاجة كده زيها وزى الاستمناء الفكرى يعنى ممكن تقول استكلاج لغوى Re: مرحب بيكRe: مرحب بيك
هي البيئة وحدها السبب في فرز مثل هذه الأنماط. أعرف أربعة (نماذج) أخرى بذات النمط (البشري والأخلاقي)، أحدهم صار فقيها ومفتياً.
========
نجي للروليت
اللجنة المنظمة: حاتم بنانا الحكم: أحمد محمد عمر مستشار لجنة: عثمان الإمام
فئة الطلائع
المتنافس
له
عليه
نقاط
ملاحيظ
شاروخان
-
-
2
القاطرة أم دخان
-
-
1
سلمان خان
-
-
-
فئة الشباب
المتنافس
له
عليه
نقاط
ملاحيظ
دفع الله أب شنب
-
-
1
الزبير
-
-
-
محمد الشيخ
-
-
-
إبراهيم عبد الوهاب
-
-
-
طلحة
-
-
-
مكاوي
-
-
-
محارب عنيزة
-
-
-
جناح مزعج
فئة الشيوخ
المتنافس
له
عليه
نقاط
ملاحيظ
هنري (سيل)
-
-
3
منافس خارجي
أوساموس
-
-
-
ملاحظات: - لا يزال أبشنب في مقدمة فئة الشباب بنقطة يتيمة أليمة - تقدم شاروخ فئة الطليعة في الأسبوع الثاني للإولمبياد تليه القاطرة - أخونا سيل متربعاً على عرش الشيوخ، فيما لم يصب أوساموس نجاحاً
=============
يا محمد الحسن حيدر! دايرين المعايير عشان (نعاير) بيها باقي النيس في الأولمبياد دا.
المتفرجين: أنا خالي الذهن تماماً من نوع الإجابة المناسبة على (تحدي) أخونا محمد الحسن التحت دا
Quote: قرينا الجامعة مع بعض ولا فتحت صيدلية قصاد صيدلي ولا انت اسمح مني ولا اسم حاتم أكبر من اسم محمد
فليضع أيكم نفسه مكاني، بماذا يرد؟
____ لحد ما نفرتق السطر دا ونشوف دلالاته وأبعاده (الإمكانية).
12-25-2017, 08:32 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
حاتم فى موضوع عنك مفتوح بى غادى بعد ما ترد عليهو بعد داك ساتكرم بالرد عليك و يا ود البشرى البيريود حقيقة طبيعية و لا عيب فى ذكرها و احسن من ثقافة الزووووط سؤالى ما زال قائم يا بتاع المحاققة يهمنى اعرف توصيفك لهذا البوست
12-25-2017, 08:41 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: البيريود حقيقة طبيعية و لا عيب فى ذكرها و احسن من ثقافة الزووووط
وما الداعي لذكرها اساسا, طيب البراز و البول حقائق ايضا هل ستذكرها بمناسبة أو بدون بعدين شنو العوارة دي "أحسن من ثقافة الزوووط" أولا وطّن نفسك واستقل بها ولا تكن إمّعة, تبرر لنفسك بأفعال الآخرين و تنسب نفسك لهم وتقارن, اها الآخرين ديل وقعوا النار ماش تقع وراهن؟ الشي التاني ماهي ثقافة الزووط بالضبط؟ وأيًّا كانت الإجابة هل تاتي خارج السياق وبمناسبة وبدون زي ذكرك لموضوع العادة مثلا
Quote: يهمنى اعرف توصيفك لهذا البوست
وأنا لا يهمّني أن تعرف!
12-25-2017, 08:31 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
ان شاء الله بى مساعدتك ح اوطنا و لو استدعى الامر ح اعمل ليها اعادة توطين و بالعربى resettlement بس البهمنى انو لا يهمك الرد على حاجة بتهمنى اذا اخدنا فى الاعتبار ملاواتك فى الحق بزعل منك بالجد
12-25-2017, 09:28 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
وا جيدلى وا جيدلى هو النبى الخدر بزعل زى زعلى ده خلاس يا ود الخدر ما ح ازعل منك على ان تعلمنى ما لم احط به خبرا كيف اعرف الحق عشان اعرف اهلو و توصيف هذا البوست و ان شاء الله تجدنى من الصابرين
12-25-2017, 10:00 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: كيف اعرف الحق عشان اعرف اهلو و توصيف هذا البوست و ان شاء الله تجدنى من الصابرين
واحدة واحدة خطوة خطوة عشان تستفيد وتتطور قدرات استيعابك مع الزمن ابدا من الأول ما تحرق المراحل, اتعلّم الكتابة الصحيحة و المفيدة وقبل ذلك تعلّم القراءة في رقبتها ثم اعرف متين تجيب سيرة "العادة" ومتين ما تجيبها ومتين توطّن نفسك و تكون مستقل لامن تصل مرحلة تعرف الحق - خلا سنة أو اتنين لو شدّيت حيلك ان شاء الله - تلقائيا بتقدر توصّف البوستات براك ولن تحتاج تسال الناس ورّوك أو سفهوك خخخخخ
12-25-2017, 10:22 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
احتمل لولوتك و ازيد انى استطيع معك صبرا ملاحظاتك على العين و الراس و يسعدنى شرحك اللوني و تفصيلاته و يشرح صدري إجابتك على الشى البهمنى و صابر معاك صبر السنين
12-25-2017, 11:04 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
جلال ده يا ود البشرى قبل كده دكتور أيوب زنقو ليك زنقه ، لليوم ده ما أوفى بوعده للدكتور ، وجايي يساكك في الناس بأنهم يكونوا صادقين وما يتهربو من أسئلة الناس ، أين العدل يا جلال ؟
12-25-2017, 01:03 PM
محمد حمزة الحسين محمد حمزة الحسين
تاريخ التسجيل: 04-22-2013
مجموع المشاركات: 1437
كان معانا واحد في الجامعة اسمو ( الحبر ) البسمع ( الحبر ) يقول إمام الجامع ..!! ( إسم وقور صاح ...) أها ( الحبر ) مرمط الاسم دا في الواطة دي..!! ( محبرة وانكشحت ...) هو طبعا زول لذيذ شديد.. وصاحبنا شديد .. وبراهو بقول لي أنا الجامعة دي مافي شي جابني ليها غير( البنوت ) ديل ....!! ولا داسيها ...!! قال هو من عشاق الجمال ...!!! وبي أدب ....!! مرات بقول شعر ....!! مرات بجدع دوبيت ....!!! وأحيانا قف تأمل ....!! وصراحة نظرتو مابتجلي ...وعينو نجييييضة ...!! كنا مرات بنستدعيهو عديل كدا إذا حدث خلاف قانوني في تقييم إحداهن ...!! فلدي ( الحبر ) القول الفصل ..!! والخبر اليقين..!! نقول لي فلانة دي هسا سمحة ولا الحاصل شنو...!! يعاين ليها كداااا وبدينا النتيجة .....!! ( في ملاريا ولا مافي...!! ) بعدين حافظ البنات السمحات ديل في الجامعة أكتر من المقررات ...!! وفِي كل الكليات..!! ( الحبر يعتمد اللامركزية نظاما للحكم ) هو أصلا بقرا ( اداب ) قال لي أنا كان رغبتي هندسة بس خذلتني الرياضيات ....!!.،....( إتخيل ليك منظر ) قال لي كنتا شاطر فيها شديد لحدي ماظهرو ناس ( س ) و( ص ) ديل ...إتعقدتا منها شوية .....!! ولمن دخلنا في ( المربع) ( وشبه المنحرف) أنا ذاتي انحرفتا أها لمن ظهر ( جيب التمام ) ...!! قال لي بديت اقنع واليوم الأدونا فيهو نظرية الاحتمالات عرفتا إنو أنا إحتمال كبير أجلي فكرة ( هندسة ) دي أصلا قال لي لحدي ما وصلنا ( جتا ) و ( جتا٢) الواطا ضلمت ويووووم الظهرت ( ظتا ) طوالي ( شتتا ) ...قال ( ظتا ) قال ..... قال لي إنتا ( جتا وظتا ونق ٢ ) ديل شنو هن ......!! ؟؟ إنس ولا جن ....!!! نقعد نستنا ( شبه المنحرف ) لحدي ما ينحرف رسمي ... ونشارك في الجريمة دي .....يفتح الله ....!!! طوالي اتخارجتا ... المهم الله جابني ( اداب ) ( الحنينة ) دي ....!! هسا لو ما ( اداب ) دي ذي ( سلافة ) دي كان نشوفا وين ....!!! وصدق الحبر ) ...!!! ( كلنا سلافة ) .....!! نحنا ذاتنا كنا بنجي مكركرين من كليتنا نتفرج فيها ونرجع كان اسما ( سلافة الزرافة ...) أطول من العميد ......!!! سماحة قاطعة ....وبعد دا كلو ظريفة .....تضحك مع أي زول زي المضيفة...!! وأي واحد بتخيلا ضحكت معاهو حصريا ويرجع مبسووووط ....!!! اها دي سلافة الفن ....! بت زي المطرة تهطل علي الجميع ....!!! وياهدية من الله والله بدّي الجنة ......!!! المهم ( الحبر ) بس كدا مغرم بالجمال أينما حل ...حافظ البنات السمحات الفي الجامعة ديل حفظ ....!! يقول ليك ( هويدا ) بت صيدلة ...( وسحر ) بت هندسة ....( أماني ) بيطرة ...وسعاد بت القانون ...اها ( سعاد ) دي كمان كتاب برا ...!! جاية من حتة بعيدة كدا في السودان الكبير دا ....لكن بالله الحق وقفت ليك بنات ( المنشية ) ديل في حدودن ...!! سماحة اصلو مامعقولة ...مرات بتلبس توب ...!! كرهت ليك البنات التوب ذاتو .....سامنها وكيل النيابة الاعلي ....!! ( حلا ووقار ) ... غايتو السودان دا شايل شيل ....!! الله يحفظو بس .....!! بهناك كمان ( إنتصار ) أيقونة إقتصاد .....!! إنتصار دي كمان نااااار...... الحبر قال ( إنتصار ) انتصرت للحق والفضيلة والجمال ...مفروض يعلقوها في مدخل الكلية ويدفعو ليها راتب ....!!! أها دي ميزة البلد دي ....!! تنوع عجيب ( والحبر ) عندو ( مسادير) في البنات ديل ...لدرجة إنو نص بنات الجامعة عندهن خبر بالقصة دي ...وفِي مسادير اتسربت مره قال في ( سحر ) بت هندسة دي ********** سحر سحرتنا بي ديسا وجمالا الهادي وسحر كتلتنا خلقه لمن هناك بي غادي وكت الليل يجن...! والجامعة ليا تنادي ما بسمع غير سحر ...!! ساحراهو جوه فؤادي
كلام والله ....
قلنا ليهو إنتا سعاد ( القيامة ) دي ليي ماقلتا فيها حاجه
قال في سعاد مابقدر أقول مسدار سعاد اللبن الحليب بالرقاق الحار سعاد ( كاتلاتا ) رقة وسماح ونضار سعاد ( الزيت ) ...!!! والزيت تحرم عليه النار
........هيييييع ....!!! أبشر ااالحبر
أها نوع الكلام دا بعجب البنات...!! فبقن يتقربن من ( الحبر ) كان يجدع فيهن مربوع ....ومن حظيت ....!!! عبرت..!! الحبر بقي زي الزين .....!! مكتول في حوش الجامعة تنتظره الحسناوات ليقول كلمة ...!!!! والبنضم فيها الحبر ...ذي الجابوها في غلاف ( سيدتي ) يذيع صيتها ...!! وترتفع إسهمها ....!! ويتردد صداها في ردهات الجامعة
أها لمت ليك فيهو ( وعد ) ....!!! ( وعد ) دي شهادة لندن .... إسما ( وعد صلاح ) شوف الأبو ذاتو إسمو منو ...!!؟ ( تخجل يالحبر ) ....سايقا ( صلاح ) ....!! أها ( وعد ) .... اللسان من الانجليزي لما معووج ...وهي خدورية ولذيذة كدا ...!! كل يوم لبسة جديدة ...!! وكلها حركة وحيوية ( شغل لندن كمان .....) وهي مع ناس ( الحبر ) في اداب ....!! علي الانجليزي العليها دا...!! ماخدة فرنسي وروسي.. ( ابو الزفت ) ( التلاته في مجلس الأمن ) ( ذي ذي عادي بكون عندها حق الفيتو ) !! فضل ليها السوداني..!! ( الحبر ) قال لي أول مادخلنا الجامعة كان بتحكي لينا أفلام كدا حضرتا بالإنجليزي... وبي نفس ( الاكسنت ) بتاع الخواجات داك ...!! قايلانا دفعتا ....!! ونحن الوكت داك جايين بي ( برزنت كونتينيوس تنس ....) ...!!! والمنقطا فينا ورهيب شديد ( برزنت بيرفكت كونتينيوس تنس ...) ( الاتنين مع بعض بيرفكت وكنتنيوس ) .....!!! ولد دا ...!! تعبو فينا ساكت ستفونا ( قواعد ) وخلو الانجليزي.. المهم قال لي هي تحكي ونحنا مافاهمين ولا حاجه أول ما تحكي حاجه مضحكة في الفيلم بنضحك معاها ....!!! نشوفا صرت ..بنصر ....!!😠 بس شغالين معاها كدا ...!! يعني لو يوم حكت عن حادث في الفيلم ونحنا ضحكنا كان الضحك شرطنا ....!! الغريبة قال لي كانت بتقول لينا اسماء الأبطال ديل عشان تحفزنا نحضر الفلم قايلانا بنعرفم ...!!! ( دا بسمو الإفراط في التفاؤل وحسن الظن ) ...!! قالت ( كاميرون دياز ) روعة الأداء في الفلم الأخير ...!! ( هو الاول ذاتو وينو ...!؟؟ ) ..😳 واحد صاحبنا اسمو ( التاج ) متفلسف كدا قال ليها ماغريبه عليهو دايما أدوارو متميزة .....!!! ( كاميرون دياز ) طلعت مره ....🙈🙈 التاج أسبوع غايب من الجامعة ....!!! ماشاءالله تبارك الله ربنا يغتي عليها ( كاميرون بت دياز ) بالرفاء والبنين إن شاءالله .....!! عليك الله شوف الناس دي في شنو ...ونحنا في شنو .....!! أها( وعد ) قالت لي ( الحبر ) قالو بتقول شعارات ...!!! اتخيلو البت دي قاصدا شنو بي ( شعارات ) دي ....!!؟؟ قاصدا الشعر والقصايد البقولا ( الحبر ) دي ...!! دي معناها لو دايرا تقول ( مسادير ) ... نجهز أنبوبة الأكسجين بس ....!!! مافي حل .....!! حتفقد سوايل ....... ( الحبر ) طبعا لو مالجامعة هو ووعد دي الا يتلاقو صدفة في الاستوب ......يازول حسا ليك بي عظمة قال ليها .....!! أيوا بقول...!! ويالسمحة خاتي القول ...!! عليك الله اتصلح معانا يالحبر شنو خاتي القول ....!! وشن بقول .....!! وانا اخوك يالسمحة ....!! والكلام البفلق دا .....هي ( وعد ) دي ...الشعر قالت شعارات .....!! شابكنا خاتي ....!!! وبعاتي ...!! داير تكتل البت ...صاح ..!!! طبعا نوع الكلام دا بالنسبة ليها عبارة عن اللغة الأمهرية .... تكون هسا بتقرا لي الشاعر الانجليزي ( بيرسي شيلي ) شعر الخواجات المسيخ داك ........ أنا وأنت ( زنبقتان ) تتفجران أحاسيس .... نتكي علي ضفاف التيمز ...!!! ونسرق لحظات من صمت الكون ..... وتلتقي ارواحنا علي صفحة الميلاد (الله يرحمك ياعتيق ) ...!!! هرونا الخواجات ا( بالزنبق) دا .... أي قصيدة فيها زنبقة ....لي هسا أنا ما عارفا شنو ...!! بس إحساسي بقول لي انها ( قنبلة ) .....!! المهم ( وعد) بقت لو ما لاقت ( الحبر ) ما بترتاح...!! ونحنا مستغربين في العلاقة بين التيمز ونهر الدندر دي ........!!! يازول خلت الورا والقدام ....!!! بس مركزا ليك مع ( الحبر ...) والحبر يتجرجر ....( ليلة القدر وجاتو) ....!! لقيناها تشرب معاهو في الشاي في كافتيريا (ضاربه ) كدا جنب الجامعة اسمها كافتيريا (العائلة السعيدة ) .....عايلة واحده ماشفناها جات لآفة هنا مما جينا الجامعة دي ....!!! وسعيدة كمان .....!!! 😳 الله يغفر ليكم بس .....!! غايتو أهلها كان شافوها قاعدة هنا كان نفضوها ....!!! كويس إنو شاي....!! دي لو أكلت كان اتسممت وسجنو ( الحبر ) .... يبدو أن ( وعد ) تفتقد لهكذا أجواء .... لقد أخرجها ( الحبر ) من الصندوق ....!!! وعرفت أن هناك مدينة تتنفس غير التي تعرفها ...وهناك ضجيج وحياة ....!! وبعيدا عن مكيفات الهواء الرطبة ...وسكون الغرف المغلقة ...!!هناك شمس تلسع وتداوي ....!! وأناس طيبون يمتلئون بالإحساس والدفء... وخلف مدينتها توجد مدينة اخري موازية لكنها علي النقيض ..وعلي طبيعتها ..دون مكياج وبلا رتوش .... ( وعد ) أحبت هذا الواقع ....لكنها لم تستطع أن تتأقلم معه فالطبع يغلب التطبع ....!!وفشل (الحبر ) رغم هذا التقارب إنو يقطع ( مسدار ) في ( وعد ) ....!! فالمسدار يستوجب الصدق والإحساس ...وكيمياء الروح ....!! ( وعد ) تجيد الإنجليزية لكنها راسبة في المحلية ....!! تعيش معنا وفكرها مع ( دياز ) ....!!! ( الحبر ) قال لي ( وعد ) دي زي بت ( ام لعاب ) سمحة ومتمرة الا ما طاعمة ...... خلينا مع القمري السوداني الأصيل البقوقي دا ...بنات يشفقن ....!!! سلافة بكل هذا الجمال الطاغي وكت تقول ليك ( اصلو ما بصدق ) ....لما تفهم حاجه ...!! وتشعر وقتها أنك داخل السودان الحنان .....!!! وعد شابكانا ...( اووه ماي قود ..) ....!!
تجاذبنا أطراف كل هذه الذكريات بعد أن التقيت ( الحبر) صدفة في مجمع الجوازات ....وَيَا لها من صدفة ....!!! ياهو ( الحبر ) ذاااااتو بكل عفويته وعذوبته ..... إتقالدنا واتطايبنا مساااافة .....!!! قلتا ليهو أوعي بس تكون لسا متابع السمحات ....!!! ضحك جنس ضحك ...قال لي فضلو فيها سمحات ...طارت لينا في راسنا دا ....!! اشششش براحة ديك المدام الجاية ديك ....!!! ( صدق من سماها الحكومة) فعلا وصلت زوجته ....سلمتا عليها قال ليها دا علوب صاحبي شديد وفردتي من الجامعة ودي ( تماضر ) زوجتي وطبعا ماكانت معانا في الجامعة ....!! قلتا ليهو سلامة الله شافك كان قبضتك بالثابتة ...!! قعدو يضحكو الاتنين ....!! قال ليها علوب دا بتاع مشاكل ...!قلتا ليهو أقوووول ...قال لي قول ..أتحداك ..(معاها غمزة في العين ...) 😜 قلتا ليها بالجد انت محظوظة...!! ( الحبر ) راجل كلس وخاتي القول كان مميز في كل حاجه ....( لما قعدت تتبسم ) ...قلتا ليها حتي إختياراتو كانت مميزة ...!! قالت لي ( سجم خشمنا ) اختياراتو ياتا ...!!؟؟ (سجم ....!! وخشم ) تعالي يا ( وعد ) اخدي ليك نقلة وشوفي الكلام ...!! وحلات النضم ...!!! قلتا ليها زول يشيل الإنجليزي تخصص رئيسي ومعاهو تاريخ ...دا مازول جدير بالاحتفاء ....!!؟؟ ( كبير ياعلوب ) ( الحبر لما امن ) ...!! (ما عارفاهو كان شايل سلافة و إنتصار ) .. أداني ليك حضنة قوية وقال لي في أضاني ....!!! عزيتني ياعلوب بردها ليك ....( انا ذاتي صدقتا ...!! ) قلتا ليها صدقي زولك دا خلي الهندسة عشان رغبتو العظيمة دي ...!! بس في اللحظة دي ( الحبر ) ضحك شديد قال لي هيااا علوب ما كلمتك ما اكتشفتا ليك ناس ( جتا وظتا وسين وصاد ...) طلعو ديل البطيرو الصواريخ ...🚀 وبشغلو النت ...وبدورو الطيارات ...!! ✈️ .....!! بتصدق ....!!! وفقعناها ضحكة ....!!! وتماضر تضحك لضحكاتنا التي تعالت تلامس السحاب .....!! الله يجازيك يالحبر تبادلنا الذكريات وأرقام الهواتف ...وافترقنا علي أمل لقاء الحبر أعاد للاسم البريق ....وحتما سيجمعنا الطريق .... ياحليلك ياخ .....!!! كانت لنا أيام (#اووووه ماي قود..)
: : : مع التحيات لله الزاكيات
12-25-2017, 08:01 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
أرحب بالأخ ياسر أحمد واشكر الأخ محمد حمزة الحسين على الإضافة. شرفتونا في الأولمبياد
======================
آخر خبر محارب عنيزة، الجناح المزعج في فئة الشباب يشحد الناس يفتحوا ليهو نافذة (عشان يملاها)
في سودانيزفورم جبت ليهو باسوورد، نط قال (المتابعين هناك شوية) بنزيدم ليك! قال لا لا، انتو حتزوروا كلامي. خليناهو.
----- قبل تلاتة أسابيع تاني قدمنا إنابة عنو طلب عضوية هنا ولا هبب لينا، قعد يتضبضب، شكراً ساكت ما سمعناها منو -----
رجع تاني يشحد الناس يفتحوا ليهو النافذة سألتو، ياخي قدمنا ليك طلب عضوية وانت ما اتفاعلت ودايرين نعمل ليك حملة تانية تجي عضو (محترم) موافق تبقى عضو ولا رافض؟
ههههههه يعني حاتم يعمل منبر جديد، هههههه لن نؤمن لك حتى نرى الله جهرة خايف من الميز.
ومن لا يحب صعود الجبال يعش أبدا بين الحفر.
_____ انت مخلوق مقهور يا عاطف عمر، الواحد يرثى لحالك.
============
طيب،
يا محمد الحسن حيدر أنا شايف كل التهويشات و(الإشارات) البتعمل فيها دي، الفي راسك سويها بدون (عرضة) و(دلوكة).
لكن هنا، بصفتك صاحب المقتبس التحت دا
Quote: قرينا الجامعة مع بعض ولا فتحت صيدلية قصاد صيدلي ولا انت اسمح مني ولا اسم حاتم أكبر من اسم محمد
فكل البيهمني موضوع (انت اسمح مني) تحديداً 1- بأي منطق أو حدث حاصل في الدنيا يخليك تضع (سماحتك) موضوع نقاش معي؟ 2- أصلاً على أي معيار (تفترض) سماحتك! عشان نعمم المعيار دا ونفهموا. 3- أي دافع يخليك (تعتمد) مبدأ حسم النقاش بناء على (خلقتك) من أساسه؟
الجميع في انتظارك، لكن الأولمبياد مستمر.
==============
Quote: Samir Elhalfawy · يعمل لدى Computer engineering بالنسبة ل(سيل) يا حتومة الزول دا أختار استايل مامن ثقافتو مفروض يشوف خواجية استايلا افريقي
من الفيسبوك إذن تقرر حساب هدف على أخونا سيل، وسيتم تعديل الروليت لاحقاً ههههههه
12-26-2017, 08:48 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: Atif Omer Mohamed Ali (لمن..تملك..منبر..واجيك..في..نافذته..ممكن..تسأل..سؤالك..ده! اوو..تبرز..توكيل..من..صاحب المنبر..)
شكراً للرد بكدة انت فقدت مصداقيتك يا (عاطف عمر) وأثبت إنك متفرغ بنية الإزعاج فقط لا غير فأنت اتجاهلت مقترحين لقبول العضوية ورفضت التالت.
واتفهم خوفك وتجنبك لمواجهتي بصورة مباشرة هنا ولكنك ظللت تستغل نافذة الفيسبوك لحشوها بساقط القول وتعبئتها بصورة مكررة ومزعجة جدا ومع يقيني بحق الجميع في التعبير لكنك لم يلتزم يوماً بموضوع النقاش المطروح أو تتيح الفرصة للآخرين للتداخل من نفس النافذة.
عن نفسي لا اتأذى منك ولكنك شرعت في تناول بقية الأعضاء والعضوات بالشتيمة وفي مواضيع لا علاقة لي أو لهم بها، وأنا المسؤول عن البوست وعن النافذة ومحتواها كذلك ومع محاولاتي المستمرة لدعوتك لنقاش مفيد أو حتى جعلك عضوا (محترما) بالمنبر إلا أنك تثبت بردك الأخير تمنعك ورفضك للارتقاء لمستوى البشر والوعي المطلوب مما يؤكد نيتك وتفرغك التام للسباب والقول المنحط طبعاً لا تكلفاً، وبالتأكيد لن نتخلى عن فتح النافذة دعماً للنقاش بسبب مهووس اعتاد على القذف والشتم.
كان بوسعي إخفاء مداخلاتك أو حتى مسح النافذة، لكن ارتضيت الصبر والتعرض لأعراضك المرضية والآن لم يعد بوسعي أن أرجو منك أي نفع.
طيب، لكل من يزعجه هذا المخلوق في نافذة الفيسبوك هنا أو غيرها
ضع الماوس على الرابط (Atif Omer Mohamed Ali)
سيظهر سهم سفلي إلى اليسار، اضغط عليه
ثم اختر (تمييز كمحتوى غير مهم أو احتيالي) وكذلك (إبلاغ إلى فيسبوك) حسب المتاح
وكرر الإجراء مع كل مداخلة مزعجة.
نحتاج إلى أكبر عدد من المساهمين في كل نافذة مفتوحة هذا سيغلق حساب المذكور من طرف إدارة الفيسبوك تماماً.
أما مداخلاته اللاحقة فأنا كفيل بها، هاتفياً ومعه شخصياً أو الجهة المختصة.
وبالتأكيد مثله لن يكون خسارة لأي أحد هنا.
وأقدم الاعتذار والأسف لكل من مسه شيء من هذا الكائن الغريب.
12-28-2017, 09:21 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حاتم إبراهيم
وضاحة
Ali Alkanzi
محمد الامين محمد
صديق مهدى على
محمد عوض احمد
جلالدونا
عبدالعظيم عثمان
MOHAMMED ELSHEIKH
علي دفع الله
ابراهيم عبد الوهاب
ابوحراز
الزبير بشير
معاوية المدير
Maawya Hussein
osama elkhawad
Hassan Makkawi
وهبه الشبلي احمد
طلحة عبدالله
Nasser Amin
دفع الله ود الأصيل
عمر دفع الله
محمد البشرى الخضر
معاوية الزبير
محمد حمزة الحسين
فيس بوك
تويتر
انستقرام
يوتيوب
بنتيريست