|
|
|
 Re: سيلفي مع كريستيانو رونالدو خخخخ (Re: طلحة عبدالله)
|
شايف بعض الأصدقاء الريالاب كملوا السيلفي مع عدد
من أساطير كرة القدم خلال كأس العالم للأندية الذى انتهى
مولده أمس بعاصمة الإمارات أبوظبي .. لم يوفروا حتى الباك
الشمال بتاع البرازيل روبرتو كارلوس .. شغالين سيلفي بس ..
كل الأصدقاء تقريبا وثقوا لأنفسهم بالتقاط صور تذكارية
مع لاعبين ورموز لكرة القدم العالمية في الحدث ..
وعندما سألنى أحدهم لماذا لا تلتقط مع هولاء النجوم صورا
تذكارية .. قلت له وأنا صادق في قولي :
لا أحد منهم طلب مني أن ألتقط معه صورة ..
أي نعم هم نجوم وكل حاجة ..
لكن شنو يعنى وقفت إلى جانب أحدهم وركزت
في الكاميرا وأنا أرسم ابتسامة مصنوعة أو أفتعل حركة متكلفة ؟
شنو يعنى الناس شافتني وقالت يا سلاااااام يا نجم ؟؟ .. لو يا سلااااام
دي معها قروش أوكى.. بس يا سلام ساي ما بتوكل عيش ولا بتخارج ..
انتهى عصر مجانية الأشياء يا أهلنا .. خخخخخ
لكن لا بأس اذا طلب مني شخص عزيز مثل رونالدو سيلفي معه
أن اتخلى مؤقتا عن قناعتي و .....
وأجامله ..
المشكلة انو رونالدو لم يطلب لأنه ببساطة لا يعرفني .. خخخخخ
خلاص بى راحتو طيب ..
أنا بستمتع بلعبه وبشجعه بحرارة لكن ما بتصور معاهو سيلفى كان
نطط مالم يطلب منى هو ذلك ..... خخخخخخ 
يتبع إن الله هون .
| |
 
|
|
|
|
|
|
|
|
Re: سيلفي مع كريستيانو رونالدو خخخخ (Re: طلحة عبدالله)
|
طبعا لا يخفي على أحد سواء كان ملكي متزعم متسيد
أو برشلونى كاره ذاتو أو أيا كان من ناس قريعتي راحت
انو ريال مدريد فاز بكأس العالم للأندية أمس للمرة الثانية
على التوالي بعد تتويجه العام الماضي ..
ولا يخفي على أحد من الجماعة الفوق ديل انو الدون
رونالدو كعادته احتكر كل الألقاب .. الهداف وأول لاعب
يسجل في نهائيين متتالين ويصبح الهداف التاريخي
للمسابقة العالمية البارزة ... وأول أية حاجة في أية حاجة .
| |
|
|
|
|
|
|
|
|
|
Re: سيلفي مع كريستيانو رونالدو خخخخ (Re: طلحة عبدالله)
|
هههههه
يا كمال البوست دا أنا ما شفتو لأنو الأيام الأخيرة دي كنت مشغول
حبتين .. لكن أعتقد والله أعلم انو الراجل بى حقو ..
ياخ اذا كان مدرب جريميو البرازيلي ريناتو غاوشو قال أنا
أحسن لاعب في كأس العالم للاندية .. وقبل كدا بيليه قال أنا الملك
وما عارف منو قال أنا شنو ..
كلهم يا كمال قاعدين يقولوا أنا أنا أنا .. ياخ جرجير الشهير
بود البشرى قال أنا خبير ..
هى بقت على الدون دا يعنى ..؟؟
غايتو من وجهة نظري انو بى حقو وليهو حق ..
الليلة الكلام دا لو قالو الولد الاسمو نيمار معليش لكن رونالدو
ما غريبة ..
بس أنا ما بتصور معاهو كان نطط .. إلا يطلب منى هو ..
| |
|
|
|
|
|
|
|
|
|
Re: سيلفي مع كريستيانو رونالدو خخخخ (Re: طلحة عبدالله)
|
طلحه
تحياتي
متعة كرة القدم هي ميسي وروعة كرة القدم هي ميسي
وميسي لا كان ولا حصل
طلحه يا اخ الالقاب دي عاديه وحساباته غير حسابات المتعه والفنيات
فما تركز عليها كتير
قلت لي ان طلب الدون ذلك ستفعل
احيييك والله
| |
|
|
|
|
|
|
|
|
|
Re: سيلفي مع كريستيانو رونالدو خخخخ (Re: طلحة عبدالله)
|
ولا يهمك يا كمال عباس
أنا في غاية الأسف انو يكون بينك وبين فرانكلي
تشاحن وتراشق ومطاردات .. أتمني ليكم وفاق دائم .
..............
شايفك يا كمال عباس قلتا رونالدو ( فريد عصرو ) العبارة بين
قوسين دي أحيانا بتكون فيها تهكم .. غايتو يا تقول لي رأيك
فيهو هنا يا كمان بضطر أمشي أفتش البوست الجبت رابطو
دا وأشوف كلامك فيهو وأجى أرد عليهو هنا حسب المقصود
من ( فريد عصرو ).. 
| |
|
|
|
|
|
|
|
|
|
Re: سيلفي مع كريستيانو رونالدو خخخخ (Re: طلحة عبدالله)
|
Quote:
طلحه يا اخ الالقاب دي عاديه وحساباته غير حسابات المتعه والفنيات
فما تركز عليها كتير
|
دا كلام حق أريد به منكر يا أبوعلوة يا ود الفكي ..
متعة كرة القدم في الأهداف لا غيرا .. أمسك حاور لي
من القون للقون و خت الكورة في الآوت وشوف البحصل
ليك ..
وبما انو الحال كذلك فرونالدو ممتع يا حبيب .. وعشان هو
ممتع احتكر كل الألقاب ..
ميسى برضو ممتع يا علي لكن مشكلتو انو لوحدو خخخخخ
| |
|
|
|
|
|
|
|
|
 Re: سيلفي مع كريستيانو رونالدو خخخخ (Re: طلحة عبدالله)
|
لا بإطلحة فريد عصرو بحق وحقيقة .. الأرقام والنتائج والإحصاءات تتحدث ...تاثيره علي الفريق ما موضوع جدال !!
ميسي لاعب كويس. ولكنو لاعب نادي. ونادي فقط لم يقدم شيئا للارجنتين لا بطولة أمريكا الجنوبية ولاكاس عالم مع انو يلعب مع الأرجنتين والارجنتين من فرق. العيار الثقيل في العالم !!تخيل لو ان رونالدو يقود فريق الأرجنتين. ... ولكن علي الإقل رونالدو. حقق اخر بطولة للأمم الأوربية !
راجع بوست الاخ المحترم هشام المجمر وشوف الإحصاءات عن رونالدو !! مع انو الإحصاءات. لا تسجل حجم. تأثير اللعب وقوة شخصيته !!
** بس ما عارف حكايتك مع نيمار شنو ؟
نيمار ما كعب بل هو لاعب جيد
بس. ما ممكن نقارنو. بالأساطير هو فقط جناح ماهر ( زي اجنحة زمان -زمن الباك باك والجناح جناح ) قبل ما تخش حكاية الطرف الذي يلعبددور الباك والجناح معا .. هو جناح مراوغ ومحاور وهداف ويسهل مهمة
الاخريين !!
جناح وبس ولكنه لم ولن يكون ماردونا. وبلاتيني. او رونالدو. او ميسي الخ
| |
|
|
|
|
|
|
|
|
|
Re: سيلفي مع كريستيانو رونالدو خخخخ (Re: طلحة عبدالله)
|
الخبير طلحة مبروك تسيد العالم للعام الثاني على التوالي
أوعى تكون فوّت فرصة السيلفي حاليا" قد تكون عادية جدا"
لكن تأكد بعد زمن وعمر طويل حتكون وثيقة وصورة تحفظ في المتاحف
وممكن تتباع في المزاد عديل .
حتجي أجيال بعدينا بكتير كل يوم حيسمعوا إسم رونالدو في أي تعليق في
أي مباراة لأنو ما خلى رقم قياسي حايم من زمن الابيض والاسود.
الود نيمار ده لو جاء الى الملكي حيبقى حاجة تانية فالعراقة والتاريخ والإرث الكروي
ومدرسة الفن حتفجر مواهبه
زي ما قال صحفي برشلوني شهير ومتعصب عمل لقاء مع
بيريز قبل كم سنة واللقاء مصور وموجود في اليوتيوب بيريز أخدو في جولة في الصالة
الفيها الكاسات الوقت داك كانو أقل من هسة بي زي 15 كاس كده 9 منهم دولية :) ولما أخدو للحتة الفيها
جائزة الفيفا لنادي القرن بيريز قال ليهو دي جائزة كل مية سنة بس :) الصحفي قال أصابته رهبة
وقشعريرة لم يشعر بها في اي مكان آخر . شفت العظمة دي كيف :)
| |
|
|
|
|
|
|
|
|
|
Re: سيلفي مع كريستيانو رونالدو خخخخ (Re: عثمان الأمام)
|
Quote: شايفك يا كمال عباس قلتا رونالدو ( فريد عصرو ) العبارة بين
قوسين دي أحيانا بتكون فيها تهكم .. غايتو يا تقول لي رأيك
فيهو هنا يا كمان بضطر أمشي أفتش البوست الجبت رابطو
دا وأشوف كلامك فيهو وأجى أرد عليهو هنا حسب المقصود
من ( فريد عصرو )
|
شكرا جدا يا كمال عباس
والله يلعن الوساويس ياخ
طلعت فاهم كورة زي ما هو مكتوب .. خخخخخ
تحياتي يا عزيزي والكلام عن الدون كتير وغالب
إطمئن طب آزول .
| |
|
|
|
|
|
|
|
|
|
Re: سيلفي مع كريستيانو رونالدو خخخخ (Re: طلحة عبدالله)
|
الكلام الفوق يا كمال رديت ليك عليهو وهو نفسو ردا على مداخلتك الأخيرة
أكرر تقديري واحتراماتي لفهمك الكروي يا حبيب ..
Quote: بس ما عارف حكايتك مع نيمار شنو
|
أبدا والله ما عندي معاهو أية مشكلة
سوى انو المفروض يتعامل مع الكورة على قدر العندو
مشكلة نيمار الكبيرة في انو صدق البروباغندا وعاش
الوهم مع الهالة الاعلامية بتاعت السماسرة ..
قلت في مناسبات سابقة انو الولد دا كويس لو اقتنع انو
المستقبل قدامو وعليهو الاجتهاد أكثر .. ودا يتطلب
منو انو يخت نفسو في بطن الواطة دي ويعرف انو مازال
قدامو الطريق طويل عشان يصل للمرحلة العايشا دي .
أنا ما قلتا كعب من الأساس يا كمال .
| |
|
|
|
|
|
|
|
|
|
Re: سيلفي مع كريستيانو رونالدو خخخخ (Re: طلحة عبدالله)
|
سلام يا عثمان الامام
Quote: الود نيمار ده لو جاء الى الملكي حيبقى حاجة تانية فالعراقة والتاريخ والإرث الكروي
ومدرسة الفن حتفجر مواهبه
|
أيوة وأهم حاجة يا حبيب انو يعرف حجمو
دمار اللاعب في الغرور والتعالي على الكورة
مشكلتو انو عايش الدور .. لو جاء ريال مدريد
وخت نفسو في الواطة بمشي لى قدام لكن لو اتعامل
أنو لاعب كبير ح يدق الدلجة قطع شك .
| |
|
|
|
|
|
|
|
|
|
Re: سيلفي مع كريستيانو رونالدو خخخخ (Re: طلحة عبدالله)
|
Quote: أوعى تكون فوّت فرصة السيلفي حاليا" قد تكون عادية جدا"
لكن تأكد بعد زمن وعمر طويل حتكون وثيقة وصورة تحفظ في المتاحف
وممكن تتباع في المزاد عديل .
حتجي أجيال بعدينا بكتير كل يوم حيسمعوا إسم رونالدو في أي تعليق في
أي مباراة لأنو ما خلى رقم قياسي حايم من زمن الابيض والاسود
|
فوتا أبو أمها ذاتو يا عثمان ولو جاءتني تاني زي ما جاءتني
قبل كدا كتير ح اكرفسا وأرميها في سلة الزبالة ..
أولا عندي عقدة عديل كدا من حكاية أتصور في مكان واللا جمب
معلم بارز واللا مع زول نجم الخ الخ الخ ..
ثانيا صدقني الأرشيف في الزمن دا والجائي لسة ما ح يحفظ ليك إلا عندك قروش
واللا ما عندك قروش .. خخخخخ
ياخ شوف كم مبدع وكم فنان انجدع على
رصيف النسيان زيو وزي علبة عصير ...
| |
|
|
|
|
|
|
|
|
|
Re: سيلفي مع كريستيانو رونالدو خخخخ (Re: طلحة عبدالله)
|
يا صفوة ...
انا شكّـــرت ميسي في المنبر ده لامن دخته... لأنه حريف و مقطعها ...
لكن كونو الرشاشات ( تحرقهم ) حتة انو كريس يحصد الكاسات دي ...
ده نابع من نشأتهم المبنية على الحقد الموروث من كون ان ( رفوفهم ) خالية من الكؤوس المحمولة جواً ...
عقدة تاريخية تأصلت في دواخل معظم الرشاشات الا من رحم ربي منهم ...
رشاشات يا صفوة .... نعمل ليهم شنو ... كمان حندخل في ( خلقة ) ربنا ...
و كمان واحدة خخخخخخ
| |
|
|
|
|
|
|
|
|
Re: سيلفي مع كريستيانو رونالدو خخخخ (Re: طلحة عبدالله)
|
يا طلحة أنت كمان ما تجامل ضيوفك للدرجة دي كمال عباس شنو وفهم الكورة؟؟
عرفت من متين؟
ما أهو قاعد قريب العشرين سنة في المنبر دا شوفته في بوست غير بوستات محمود محمد طه وشغال يطبل للشيوعيين والملحدين ولما تمسكوا في نقاش يقول ليك أنا ما شيوعي وانا ما وأنا ما
هسع دي تزرزروا في البكتبوا بيقول ليك أنا ذاتي ما بتاع كورة
كمال عباس الملل يمشي على رجلين
عارفه ح يمشي يعلف في بوستات الأخرين ويجي يلوك علكتهم وهاك يا تنظير لكن فهمه فطير وفي الكورة صفر كبير
ح يكتب سطر واحد ويعدله عشرة مرات
(عدل بواسطة كمال عباس on 17-12-2017, 02:08 PM)
(عدل بواسطة كمال عباس on 17-12-2017, 02:10 PM) (عدل بواسطة كمال عباس on 17-12-2017, 02:08 PM)
(عدل بواسطة كمال عباس on 17-12-2017, 02:10 PM) (عدل بواسطة كمال عباس on 17-12-2017, 02:08 PM)
(عدل بواسطة كمال عباس on 17-12-2017, 02:10 PM) (عدل بواسطة كمال عباس on 17-12-2017, 02:08 PM)
(عدل بواسطة كمال عباس on 17-12-2017, 02:10 PM) (عدل بواسطة كمال عباس on 17-12-2017, 02:08 PM)
(عدل بواسطة كمال عباس on 17-12-2017, 02:10 PM)
يا حكم!!! فاول
| |
|
|
|
|
|
|
|
|
|
Re: سيلفي مع كريستيانو رونالدو خخخخ (Re: طلحة عبدالله)
|
Quote: حبابك يا قباني المعتق
المعتق دي قاعد أقولا للخبير كمال شداد بس يا قباني .. عشان تعرف حاجة بس .. |
تسلم يا صفوة ...
و التحية للمعتق شداد ... ( ود حلتنا بالمناسبة ) ... :)
و الله يا صفوة انا مستخسر كتاباتك للرشاشات ديل ...
ركز كلامك مع الصفوة المريخية ياخ ...
ديل لا عندهم لا شغل لا مشغلة ...
تتذكر زمان أيام مباريات مريخ/هلال
الكورة تكون الساعة 7 مسا
مدرجات المريخ الجنوبية تبدأ الجماهير تتوافد من زي الساعة 6 وربع و طالع ...
اما رشاشات المساطب الشمالية تلقاهم فوق بعضهم من الساعة اتنين و نص الضهر !!!
يا كافي البلا ... زول واحد عنده شغل او وظيفة ما فيهم !!!
| |
|
|
|
|
|
|
| |
طلحة عبدالله
كمال عباس
Frankly
حامد بدري
علي محمد الفكي
يحي قباني
جمال ود القوز
محمد البشرى الخضر
فيس بوك
تويتر
انستقرام
يوتيوب
بنتيريست