|
كتب الكاتب الفاتح جبرا المتوفرة بمعرض الدوحة
|
|
 Re: العفريت (Re: Khalid Saeed)
|
أبداع ياحبيبنا درديري كباشي
ادي قعدة .. النشوف اخرت العفريت ده شنو
هههههههههه
--------------------------
هههههههههههههههههههههههههههههههههههههه
تسلم يا حبيبنا الارباب
شوية وبرجع
ما شوية حقة علم الهدى
| |
 
|
|
|
|
|
|
|
|
Re: العفريت (Re: درديري كباشي)
|
العفريت
2
بمجرد ما اقتربت أم ( الجريح) من الشلة والذين كانوا يترقبونها وقفت أمامهم موجهة حديثها لخضر سيد الدكان .
- أنت يا راجل حكايتكم شنو أنتو وولدك . نرحل؟ نخلي ليكم الحلة دي عشان ترتاحوا ؟ ولدك كره ولدي لعب الشارع .شوفوا يا ناس الولد جسمه كله مفلق بسبب ولد خضر الشقي العواليق الاسمه حمد دا عامل اضنينه الطايرات ديل .الليلة كان ما دموا جرى زي دم ولدي ما بمشي من هنا .. انتو قايلنها فوضى ولا سايبة .يلا يا عصام أمشي أفلقوا زي ما فلقك قدام أبوه ؟
وظلت تمطر الحضور مثل ما كينة الرشاش .
- كدي يا حاجة أهدئ .
- تحج في جبل أعور أنت كمان ولدي دموا جاري وتقول لي أهدى عايز تعمل ليه شنو عايز تزبلوا ؟.
خضر صاحب الدكان متطأطئ رأسه تأدبا .ويتمتم بتمتمات هي حتما لعنات كلها تصب ضد ولده الشقي الذي وضعه في هذا الموقف .. كما أنهم في القرية لم يعتادوا على هذا النوع من النساء .. هذا طبع أهل البندر والمدن. هنا يستحيل أمرأه من نساء القرية تقف هذا الموقف أمام الرجال. حقيقة كل الحضور صابهم الشلل من هول المفاجأة.
وعندما رأت صمتهم ظنته استسلاما وعدم حيلة منهم تناولت قطعة طوب من الأرض واعطتها لولدها قائلة ( يلا أمشي يا عصام أفلقه زي ما فلقك الليلة بس العين بالعين والسن بالسن .)
هنا تدخل الأستاذ: ما صاح يا أستاذة خلينا نحقق في الموضوع والغلطان يأخذ عقابه لكن ما بالطريقة دي .
- أستاذة انا ؟ أنت دا الأستاذ أنا لا أستاذة ولا قريت وما تعودت اخلي حقي لزول .. مادام انتو ساكتين وسايبين أولادكم عاملين عصابة على أولاد الغرباء نحن قادرين نأخذ حقنا بيدنا ما تفتكرونا ناس مدن خوافين زي ما نتو فاهمين ومفهمين اولادكم .. يلا أمشي يا عصام أفلقه.
عم خضر لازال صامتا لم يرفع رأسه لينظر لها.
ولدها تناول الطوبة و حمد وهو ممسوك بزراعي عبد الجبار الزبال القويتين لم يبقى له سلاح سوى النظرات النارية التي وجهها ناحية عصام . والذي اختفى خلف أمه .
لازال الأستاذ مستلما زمام المبادرة ومواجها لها أنابه عن الباقين .
- يا أستاذة يا ام عصام عشان تصدقي شفتي السياط دي؟ اشتراها خضر مخصوص عشان يعاقب ولده. الا نحن وقفناه قلنا لازم نعمل تحقيق ونعرف الغلطان منه قبل ما يعاقبه.
نظرت ناحية السياط وفعلا بدأت تهدأ. كما هزها أن عم خضر لم يرد لها أو حتى يرفع رأسه لينظر الى حجم غضبها. وهي لا تدري لو تركت له فرصة
به كمية من الغضب تجعله يذبح ابنه أمامها لو يرضيها أو يبرد جوفه هو على الأقل. لكن دبلوماسية الأستاذ أراحته قليلا. بل جعلته يحاسب نفسه. هو لم يفكر يوما في أن يجري تحقيقا في أي حادثة كان طرفها أبنه. فكان دوما ينحاز للشاكي ويعاقب ابنه أشد العقاب .. هذه بادرة جديدة عليه أول مرة يحس أن الأمر يحتاج الى تحقيق في بعض الأحيان.
هدوء ام عصام شجع الأستاذ على المواصلة وبدأ ينادي في الحضور من الصغار.
- تعال يا خالد.
- - أيوا يا أستاذ؟
- - كدي ورينا الحاصل شنو؟
- انا جيت ميدان الكورة بعجلتي. آها قام حمد قال لي أديني سحبة بالعجلة. أديته العجلة .. أها قام عصام جرى وراه ودفره لغاية ما وقع في كوم الطوب وقام جاري حمد اتناول طوبة وفلقه في رأسه ..
- أها حمد بعد فلقه هو كمان قام جاري ؟
- أبدا حمد راح كمل لفته بالعجلة عادي ..عصام هو الجرى بيتهم ونادى لينا أمه .وعم عبد الجبار الزبال جا نادى حمد وقال له أبوك عايزك .
الأستاذ موجها حديثه لباقي الصغار .زأها يا أولاد قصة خالد صحيحة ولا هو بيدافع لصاحبه .
ردوا رد جماعي : أيوا صحيحة يا أستاذ .
رفع الأستاذ نظره ناحية ام عصام ليعرف رد فعلها . كأنها فهمت اشارته التفتت على ولدها .وضربته في وجهه بالكف :أنت ما قلت لي كدا يا كلب ؟
لحقها الأستاذ ماسكا منها الولد : لا يا أستاذة ما كدا الحكاية .. ونحن قبل ما نغلط في الناس لازم في الأول نتحقق من الحكاية . عشان الغلطان يأخذ عقابه .. هسع رأيك شنو ؟ تعال يا حمد ؟ سيبو يا عبد الجبار .. أها ورينا أنت اتعوقت وين ..؟
رفع حمد عراقيه القصير وكف سرواله الطويل ليبين الجرح على ركبته .. بل كان جرحا اكبر من فلقة ابنها عصام .
قالت أم عصام : لا حول ولا قوة الا بالله دي عايزة خياطة عديل .. وانت يا كلب ضربني وبكا وسبقني اشتكا أنت فالقه فلقة أكبر من فلقتك. الولد دا ودوه الدكتور معليش يا عم الخضر والله الشياطين ديل عايزين يخسرونا لبعض .
عم خضر لازال مطأطئ رأسه لم يرفعه حتى ساقت أم عصام ولدها وغادرت وهي لازالت توبخ فيه وتضربه على رأسه.
رفع عم خضر رأسه بعد ما تأكد من ذهابها شاكرا الأستاذ: الله يخليك يا استاذ والله الليلة كنت ناوي اسلخ جلده سلخ واقطع فيه السيطان دي .
- والله يا حاج خضر تربية الأولاد وعقابهم في الغلط مهم لكن ما معناه نظلمهم في كل صغيرة وكبيرة لازم نتحقق انهم غلطانين فعلا.عشان ما نكتل فيهم المروة ونحولهم لجبانين مستسلمين وخايفين مننا في كل صغيرة وكبيرة
- يعني اسع هو ما غلطان ؟
- هو كونه ياخد حقه بيده غلطان مافي شك .لكن في لحظات غضب نحن الكبار مرات ما نقدر نتحكم في نفسنا . يعني اتخيل زول عوقك وجرى منك انت لو كنت في سنه حا تخليها تعدي كدا؟. كان اشتكيته لأهله هم الصغار يشوفوها عيب.
- طيب تعال يا حمد أمشي مع خالد المركز الصحي يخيطوا لك الجرح دا ويعالجوك. لكن ما تفتكر بطني بردت من شقاوتك .
- يتبع
| |
|
|
|
|
|
|
|
|
 Re: العفريت (Re: درديري كباشي)
|
درديري وضيوفه سلام
متابعه بشغف مع العفريت ده ... ولكن خوفي ان تتركنا في النص وتشتت
عارف يا درديري قضية التربية واحده من أخطر القضايا في حياتنا والتي يجب منحها كل الاهتمام ....
مع خالص ودي وتقديري ؛؛؛
| |
|
|
|
|
|
|
| |
Khalid Saeed
إدريس محمد إبراهيم
فيس بوك
تويتر
انستقرام
يوتيوب
بنتيريست