صباح الخيرات متى سيعتمد الليغا الاسباني تقنية الكميرا اقل شئ في تحديد الاهداف السنة الفاتت حكم بيتيس اهدى الدوري للغريم وامبارح القريبة دي قمة كروية وليلة باردة اتدفينا فيها بي مباراة قمة السرعة والقتالية والمهارات بين البرشا والوصيف فالنسيا والجضاض الملكي على بعد عشرة نقاط مننا طبعا الهدف بتاع ميسي العمى يشووفو وظاهرة حتى بالاحساس ساي قوون والطامة الكبرى الحكم المساعد على بعد حداشر متر من الحالة المهم في انتظار صدور قرار من الاتحاد الاسباني بضرورة ملامسة الكرة لشباك الخصم عشان يكون بالثابتة وكده
11-27-2017, 08:43 AM
حامد بدري حامد بدري
تاريخ التسجيل: 03-10-2013
مجموع المشاركات: 2749
بصراحة حاجة مخجلة انا والله راقد فوق سريري شفتها بكل وضوح مش ممكن يعني الفريق يتعب ويتعب في مباراة مرهقة وحاسمة زي دي ويخسر نقطتين شوف المصايب الاترتبت على مباراة بيتيس السنة الفاتت : ضاعت الليغا ، قلت المكافاة بتاعة الفوز ، رونالدو فاز بافضل لاعب نظام فاز بالدوري ودوري الابطال والسوبر الاسباني يعني يفترض برشلونة يفوز بالدوري وبالسوبر ، يعني لقبين مشو لريال مدريد ساي كده بالمجان ، السنة الفاتت كان في عدة اخطء في عدة مباريات كلها عكس مصلحة برشلونة
11-27-2017, 11:50 AM
حامد بدري حامد بدري
تاريخ التسجيل: 03-10-2013
مجموع المشاركات: 2749
Quote: بصراحة حاجة مخجلة انا والله راقد فوق سريري شفتها بكل وضوح مش ممكن يعني الفريق يتعب ويتعب في مباراة مرهقة وحاسمة زي دي ويخسر نقطتين شوف المصايب الاترتبت على مباراة بيتيس السنة الفاتت : ضاعت الليغا ، قلت المكافاة بتاعة الفوز ، رونالدو فاز بافضل لاعب نظام فاز بالدوري ودوري الابطال والسوبر الاسباني يعني يفترض برشلونة يفوز بالدوري وبالسوبر ، يعني لقبين مشو لريال مدريد ساي كده بالمجان ، السنة الفاتت كان في عدة اخطء في عدة مباريات كلها عكس مصلحة برشلونة
الكورة ظاهرة مادايرة ليها شوف ولو افترضنا الحكم مامتمركز كويس اها بتاع الراية مالو ولييه برشلونه تحديدا البحصل معاو كده ومع الفرق القوية يعني لامن نكون غالبين اربعة وتلاتة مابحصل شي الماغسني انو حقت السنة الفاتت لسه مااتفشا ورما مننا قامو طبقو لينا البوخه الله في ياااااخ الله فيييييييييييي
11-27-2017, 11:44 AM
حامد بدري حامد بدري
تاريخ التسجيل: 03-10-2013
مجموع المشاركات: 2749
Quote: كل من يرفض استخدام تقنية الفيديو فهو يساعد على الفساد بشكل مباشر أو غير مباشر !!
يعني كيف نعرف أنّه خطأ تحكيمي عادي .. وليه ما يكون هناك بيع .. وهكذا دواليك !!
بيريز خامي الجضاض الابيض ويشيل ويستورد في فقاساتو كل سنة بي بيضة والبيع حاصل على اعلى مستوى موش ليغا بس حتى الفيفا كل يوم جديد قاعدة تظهر عمليات رشاوي وبيع علني الفيديو حقو يعتمدو الان قبل بكرة أقل شي خط المرمى سرقة مجهود لاعب في هدف امر بأثر على نفسية اللاعب مسجل الهدف وبقية اللاعبين واقرب مثال الشوط الاول البرشا سريع ومقاتل ودفاع مية مية كل الخطوط قريبة من بعض الشوط التاني الرتم تعبان وتغييرات زادت الطين بلة كان يجيب ألكاسير مكان سواريز النايم في التسلل
11-27-2017, 12:54 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
عيب كبير .. سبب واحد مقنع يخلي الاسبان .. ما يطبقوا نظام الكاميرا مافي .. الدوريات المحترمة كلها مطبقاهو .. الأمر مرتبط بالعدالة والانصاف .. وحتى لايضيع مجهود الفرق اوانطة .. الحصل فيه ظلم كبير يقع على اللاعبين والاندية .. دي مليارات بتندفع والأمر مش تسلية .. الواحد مستغرب حد الاندهاش .. كيف تجد طريقة تعيد بيها الحق لأهله .. وتضع الأمور في نصابها .. وتجي ترفض !!! .. في حاجة غلط ..
11-28-2017, 06:11 AM
حامد بدري حامد بدري
تاريخ التسجيل: 03-10-2013
مجموع المشاركات: 2749
Quote: عيب كبير .. سبب واحد مقنع يخلي الاسبان .. ما يطبقوا نظام الكاميرا مافي .. الدوريات المحترمة كلها مطبقاهو .. الأمر مرتبط بالعدالة والانصاف .. وحتى لايضيع مجهود الفرق اوانطة .. الحصل فيه ظلم كبير يقع على اللاعبين والاندية .. دي مليارات بتندفع والأمر مش تسلية .. الواحد مستغرب حد الاندهاش .. كيف تجد طريقة تعيد بيها الحق لأهله .. وتضع الأمور في نصابها .. وتجي ترفض !!! ..
صباحك عافية واضافة لكلامك انو القصة اتكررت مع نفس الفريق مرتين خلال موسمين الموضوع فوقو مصلحة لطرف ما
11-28-2017, 07:20 AM
حامد بدري حامد بدري
تاريخ التسجيل: 03-10-2013
مجموع المشاركات: 2749
صباح الخير ادناه تصريح رئيس اللجنة الفنية للحكام فيكتوريانو "لا أعتقد أنه بسبب هذا الاخفاق في المستايا، يجب تجميد الحكم ايغليسياس فيلانويفا، هو اخفق في هذه المباراة، واللاعبون ايضا يخفقون في تسجيل ركلات الجزاء، هل تتم معاقبة اللاعب الذي يهدر ركلة جزاء؟". فتأمل
معقولة فريق خلال اقل من تلاتة اسابيع ياكلو منو قونين ويخسر اربعة نقاط بسبب رعونة الحكام والحكم المساعد ورغما عن ذلك مازال في الصدارة والجضاضة البيضاء يشيلو ويدوها في الدربات والحقن وبرضو ضاربا سمير
النجيلة مسطرة بس عاينو للنجيلة وتعرفو سواريز موقفو سليم وهدو صحيح ولكن منو البقول بت المك عذبة ولا جضاضتو البيضاء ضاربا سمير
12-04-2017, 08:30 AM
حامد بدري حامد بدري
تاريخ التسجيل: 03-10-2013
مجموع المشاركات: 2749
صباح الخير ود الامام فيديوهاتك كلها مااشتغلت معاي بس انا طلبتا منك حالات مشابهة يعني اقوان جوووت مامحتسبة لو رجعت لي ورا وقعدتا اطلع ليك عن لاعبي الريال ومجاملة الحكام ليهم بتتعب من الذاكرة سااااي خليك من وثائق
12-04-2017, 10:14 AM
Osman Mahmoud Osman Mahmoud
تاريخ التسجيل: 09-05-2017
مجموع المشاركات: 581
دا اسمو فريق المتباكين ..! عندما كان ماينكو في اوج عطائه كان اسمو فريق ماينكو ..
شايفك جادي وجبت فيديوهات ..!
تاني اهم رجل في الاتحاد الاسباني اسمو غاسبارت دا الزول القلع منو بيريز لويس فيغو .. عاد بعد العنوان دا تاني فضل شنو "مسئول مهم في الاتحاد كان رئيس طرف منافس."
كونو في اخطاء تحكيمية دي حاجة ما بختلفو فيها أتنين وكونو كرة تعبر خط المرمى وما تتحسب قوون دي حاجة عادية وبتحصل يوميا" في أي دوريات مافيها تقنية عين الصقر.
لكن الما طبيعي انو تكونو اول المستفيدين من الأخطاء التحكيمية ولما يحصل خطأ ضدك تنوحوا وتتهموا التحكيم بانو منحاز للملكي!!
الملكي أكتر فريق متضرر من التحكيم لكننا لا نعيرها اي اهتمام والضرر الأتضرروا الملكي في الموسم ده بس من التحكيم لم يتضرره فريق آخر
12-04-2017, 10:20 AM
Osman Mahmoud Osman Mahmoud
تاريخ التسجيل: 09-05-2017
مجموع المشاركات: 581
ما عندي معلومة عن الاتجاه الرسمي في ريال مدريد يطالب بعين الصقر وتقنية الفيديو ام لا .. ولكن في رأي التقنية غير مهمة بالنسبة للريال لأنها لا تحل كل المشاكل ..! يعني ركلة جزاء ضد البرشة حكم الفيديدو عادي ممكن يقول تدخل عادي لا يرقى احتسابه الى ضربة جزاء .. ممكن حكم الراية يوقف هجمة مهمة للريال بداعي التسلل .. شفنا في المباراة الاخيرة للريال الحكم لم يأمر بإستمرار اللعب لأحتساب خطأ للريال كان ممكن يحرز منها مهاجم الريال هدف "اللعبة كانت تداخل قوي مع لوكا مودرتش قبل بعد ان مرر الكرة لرونالدو الذي وجد نفسه في مواجهة المرمى الكلام دا بعد الدقيقة 80" مثلا طرد راموس وايقاف اكثر من لاعب كان بحوذتهم اربعة كروت صفر .. تم ايقاف من اربعة الى خمسة لاعب والمباراة القادمة امام اشبيلية .. مثل هذه الحالات لا الفيديو ولا عين الصقر ممكن يعملو فيها حاجة ..
.
12-04-2017, 02:25 PM
حامد بدري حامد بدري
تاريخ التسجيل: 03-10-2013
مجموع المشاركات: 2749
كم حالة لم يحتسب فيها هدف لبرشلونة بعد عبوره خط المرمى في الخمس سنوات الفاتت؟؟
تلاته ؟ أربعة ؟؟ خمسه؟؟
شوف برشلونة بيحتسب ليهو كم ضربة جزاء ظالمة لمصلحتو في الموسم ؟
وشوف كم ضربة جزاء بتحتسب ضدو؟؟ وقارن بباقي فرق الليغا وليس الملكي وحدو !!
شوف كم مباراة بيتم فيها طرد لاعب خصم لبرشلونة وبالمقابل شوف العك البعمل فيهو سواريز كل مباراة ولا ياخذ كرت أصفر واحد !! بل اصبح شئ معتاد أن يلعب برشلونة ضد 10 لاعبين في معظم مباراياته مع ضربة جزاء واحدة او لاثنين
12-04-2017, 03:11 PM
حامد بدري حامد بدري
تاريخ التسجيل: 03-10-2013
مجموع المشاركات: 2749
Quote: للتوضيح : خلال العشر مواسم المنصرمة حصل برشلونة والريال على نفس عدد ضربات الجزاء للمفارقة وهو عدد (87 ضربة جزاء لكليهما ) ..
مرحبيك عبدالله منتظر ود الامام يديني احصائية او اهداف سجلها الريال ولم تحتسب كما حصل مع البرشا بالنسبة لضربات الجزاء والحالات التحكيمية التانية كل الفرق مرت بتجربة مشابهة الريال في الابطال مباراة بايرن الاخيرة طرد وتسلل خاطئ اهداهم اللقب
يا حامد نحن عندنا أقوان هزت الشبكة عديييييل كده وما إتحسبت تقول لي عبرت خط المرمى ولا لا !؟!
كدي شوف القوون ده عبر الخط ولا لا ؟
كونو الحكم ما يحتسب هدف وفي الإعادة يظهر إنو الكورة عبرت خط المرمى دي قلنا ليك بتحصل بصورة متكررة وفي أي دوري مش ضد برشلونة بس وبالمناسبة ده أكتر أنواع الأهداف المنقوضة البتعذر فيها الحكم وحكم الرأية لأنو زوايا الرؤية قد لا تكون جيدة لحظة عبور الكرة خط المرمى . لكن كل الناس بتعتبرا هفوة تحكيمية الا ناس برشلونة بعتبروا الريال دفع للحكم عشان ما يحسب الهدف ده !! معقولة بس :) الريال لو بدفع للحكم كان دفع للحكم عشان يديهو حقو بس في المباريات الإتعثر فيها بسبب التحكيم !!
يا عبدالله يا رين لو أديتنا إحصائية ضربات الجزاء لبرشلونة والريال وباقي الفرق في آخر سنتين تلاتة وكمان إحصائية أكتر فريق مستفيد من طرد لعيبة الخصم :) ولو الموضوع صعب بس أختار آخر 10 كلاسيكوهات وجيب احصائيات الطرد والبلنتيات :)
12-05-2017, 02:43 PM
حامد بدري حامد بدري
تاريخ التسجيل: 03-10-2013
مجموع المشاركات: 2749
ود الامام عندك ووون جووووت عبر الخط تلاتة متر وماحسبو الحكم الحالات التحكيمية بتاعت فاول وضربة جزاء وتسلل كتيرة وللطرفين في موسمين هدفين عندك حالة مشابهة
يا حامد الهدف ياهو الهدف و النقطة ياها النقطة وبالعكس تماما" لما يتم نقض هدف غير واضح ومشكوك في صحتو والناس ما تتأكد من انو هدف الا عبر الإعادة التلفزيونية دي تعتبر غلطة غير مقصودة اما الترصد في ضربات الجزاء والطرد وعدم أختساب اهداف واااضحة ده ياهو الترصد زااااتو ورغم كده عادي جدا" نقطة لا نقف عليها كثيرا"!!
فمن غير المنطقي يا حامد أخوي تجي تقول لي هدف لم يحتسب ضد بيتيس الموسم الفات ومن الأعادة ظهر أنو هدف صحيح إنو الهدف ده كان مقصود منو أهداء الليغا للريال أو تسبب في كسب الريال للليغا وفي نفس الوقت المباراة المياشرة بين الريال وبرشلونة تم ظلم الريال فيها ظلم شديد وإحتساب هدف غير صحيح لبرشلونة!! معقولة ياخي
12-07-2017, 09:55 AM
حامد بدري حامد بدري
تاريخ التسجيل: 03-10-2013
مجموع المشاركات: 2749
Quote: فمن غير المنطقي يا حامد أخوي تجي تقول لي هدف لم يحتسب ضد بيتيس الموسم الفات ومن الأعادة ظهر أنو هدف صحيح إنو الهدف ده كان مقصود منو أهداء الليغا للريال أو تسبب في كسب الريال للليغا
الموسم الفات مشا عدا ات اها الموسم ده الانت رابع الترتيب فوقو وفي مباراة حساسة زي فالنسيا كورة العميان موش مساعد الحكم والحكم يشوفا انا نايم في سريري شفتها سؤال الحارة ياتا كورة عبرت وما اتحسبت ولا ضربة جزاء او تسلل ماحسب هسع انا جبتا سيرة لي هدف سواريز مع سلتافيغو عادي بتحصل بس دي لازم عين الصقر وبي كامرة خاصة وعندها حساسات
12-17-2017, 09:45 PM
حامد بدري حامد بدري
تاريخ التسجيل: 03-10-2013
مجموع المشاركات: 2749
لم يكتمل ولا ثلث الدوري وللان هدفيين صحيحات للبرشا والحكم في زاوية رؤية صحيحة ورجل الخط كذلك ولكنه شغل منظم ومقصود وميسي وسواريز بالذات كمان هدف سواريز امس في ديبورتييفو غير المحتسب
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حامد بدري
Abdullah Idrees
ABUHUSSEIN
جمال ود القوز
أيمن محمود
Osman Mahmoud
فيس بوك
تويتر
انستقرام
يوتيوب
بنتيريست