|
Re: ضم كوستي ل قلي (Re: عبدالحفيظ ابوسن)
|
تحياتي ود أبو سن
دا كلو من تنظير الكيزان الفارغ ,, البلد هي ناقصة بالله انت عارف حكومتنا دي عاملة زي الزول البجرب كل الادوية لما ما تنفع برجع للعلاج البلدي تاني ويكون هرد فشفاشو بالادوية .. منها تجربة تغير الزمن 17 سنة وتاني رجعو وكلو بسبب تنظير طايش .. والكثير من القرارات ... وتاني حيرجعو
الجماعه لهطو الميزانية وفرقت معاهم دا التفسير الوحيد
| |
|
|
|
|
|
|
Re: ضم كوستي ل قلي (Re: فدوى الشريف)
|
عبد الحفيظ ... حبيبنا
السلام عليكم ورحمة الله ... تحياتى لك ولجميع اهلنا بكوستى
ازيدك من الشعر بيت كما يقولون - من بداية مرسى البنطون ومتابعا خط السكة حديد حتى قبل الوساع
كل هذه المنطقة ستضم الى قلى ...
والمنطقة جنوب خط السكة حديد - ستسمّى ( جــنــوب الــســوــدان ) .... حسب الارهاصات الحايمة اليومين دى
آآآآآآآآآآآآآآآآآآآخ يــــا كـــــوســـــتــــــى
| |
|
|
|
|
|
|
Re: ضم كوستي ل قلي (Re: ANWAR SAYED IBRAHIM)
|
ديل مودين كوستي وين الله أعلم ؟ .. مش كفاية جعلوها تابعة لربك .. كمان عايزين يبقوها هسه تابعة لقلي .. إنا لله وإنا إلية راجعون .. مدينة تابعة لقرية .. ده كلام شنو ده .. والله ماشفت مدينة في السودان الواسع ده .. افترى عليها النظام مثلما فعل بكوستي .. مرمط بها وبمواطنها الأرض .. الله لا غزا فيهم بركة .. من جات القبلية دي خربت السودان .. لكن تأثيرها في كوستي لاتخطئه عين .. قبلية قرارات لامن تقد عين الواحد .. عكس الفهم وضد المنطق ذاتو .. كده عنجهية بس ..
طبعا حكاية اتباع كوستي لقلي .. قديم أعتقد من ايام الشنبلي .. لكن وقفت الناس ضد القرار ده .. جعلتهم يتراجعوا عنه .. ولاّ أنا غلطان يا أب سن ..
| |
|
|
|
|
|
|
Re: ضم كوستي ل قلي (Re: فرح الطاهر ابو روضة)
|
على مواطنى كوستى تحديد يوم للعصيان ويقفوا صف واحد على طول قضيب السكة حديد من بداية السوق الكبير وحتى نهاية السوق الشعبى لاجبار من اتخذ قرا ر الانقسام على التراجع ولكى يعلم ان كوستى عصية على الانفصال
ارجوا عدم التهاون فى هذا الامر من يهن يسهل الهوان عليه ... فما لجرح بميت ايلام
قوم إذا الشرُّ أبدى ناجذيه لهم طاروا إليه زرافاتٍ ووحدانا لا يسألون أخاهُم حين يندُبُهم في النائبات على ما قال برهانا
| |
|
|
|
|
|
|
Re: ضم كوستي ل قلي (Re: Shaker Hamid)
|
تشكروا كلنا في الهم كوستي يااااا يا انور رجعت لي ذكريات قديمة دي قصيدة كتبها الشاعر والصديق عادل عثمان وتتحدث عن منبر كوستي سيتي وانجازاته في المدينة . وقام الصديق معاوية كشة بإدراج صور للانجازات واحتفالات المنبر . لي اكثر من صورة في الفيديو هذا اذا لم يتم دبلجة الفيديو الاصلي التحية للاصدقاء في منتدي كوستي سيتي الذي اتشرف بإدارته واخذني منه سودانيزاون لاين والتحية للاصدقاء عادل عثمان معاوية كشة
| |
|
|
|
|
|
|
Re: ضم كوستي ل قلي (Re: عبدالحفيظ ابوسن)
|

أخبار
كاشا يحذر من التظاهرات وينفي أنباء فصل شمال محلية كوستي عن جنوبها
2017-11-21 أنباء فصل شمال, كاشا يحذر من التظاهرات وينفي, محلية كوستي عن جنوبها
كوستي : خرطوم بوست حذر عبد الحميد موسى كاشا والي النيل الابيض من الدعوة للتظاهرات في الولاية التي انطلقت على مواقع التواصل الاجتماعي. ووصف كاشا الأنباء عن فصل شمال محلية كوستي عن جنوبها بالشائعة. و”كلام واتساب” وشدد كاشا على أنهم لن يسمحوا بالتظاهرات بقوة القانون.
وكانت مواقع التواصل الاجتماعي قد شهدت دعوة للتظاهر بالولاية على اثر ما تردد عن فصل شمال محلية كوستي عن جنوبها واعلن كاشا خلال مخاطبته مؤتمر الحزب الاتحادي الديمقراطي بولاية النيل الأبيض عن رهن بعض اصول الولاية والتي من بينها منزل الوالي ورئيس المجلس التشريعي والمخازن للبنك الزراعي لتمويل المزارعين لتمكينهم من زراعة اكبر مساحات بالولاية
| |
|
|
|
|
|
|
|