|
|
|
 Re: السودان يقطع علاقاته مع كوريا الشمالية .. � (Re: حيدر حسن ميرغني)
|
اخي حيدر
هذا أسوأ خبر وقع عندي في موضع الم!!
كوريا الشمالية هي الام الرؤم لأبناء جيلي المحظوظين..
كوريا الشمالية بنت لنا قصراً للشباب والأطفال ورعت مواهب الشباب والأطفال في شتى الضروب!
كوريا الشمالية كانت الداعم الاول للفنون في السودان وخاصة الموسيقى وكان دوماً هناك ثلاثة أو أربعة خبراء في مجال الموسيقى بمعهد الموسيقى والمسرح .. تتلمذت مع زملائي ونهلنا من علمهم الكثير.. وادين لهم ولكوريا الشمالية بحب وتقدير كبير.
لك الله يا سودان
| |
  
|
|
|
|
|
|
|
|
Re: السودان يقطع علاقاته مع كوريا الشمالية .. � (Re: حيدر حسن ميرغني)
|
يا حيدر أنا ما شايف أي مشكلة نبيع كوريا من أجل مصالحنا
كورية شنو يا أخي هي إيران بثقلها الإقليمي بيعت بقت على كوريا الشمالية
علاقتنا معاها كانت علاقة حزب مايو الإشتراكي بنظام اشتراكي انتهى زمن الشيوعيين الدمويين في السودان فلتذهب كوريا غير مأسوف عليها
حتى لو عندنا معاها علاقات وكانت هي ثمن رفع اسم السودان من قائمة الدول الداعمة للإرهاب فيا له من ثمن بخس
وقطع العلاقات هنا بيكون بصورة دعائية أكثر من هي ذات مدلول سياسي حقيقي
وما تنسى ليس هناك صداقات دائمة بل مصالح دائمة
السياسة هي فن الممكن
| |
|
|
|
|
|
|
|
|
 Re: السودان يقطع علاقاته مع كوريا الشمالية .. � (Re: Frankly)
|
حسب اعتقادى كوريا كان ليها دور كبير فى بدايات وتاسيس التصنيع الحربى.
طبعا جماعتنا ديل مصالحهم تخليهم يجرو حسب المصالح امبارح ايران والليله كوريا
زى ماقال ......ومامعروف بكره الدور على منو ؟؟؟؟
يمكن روسيا ؟ بعد بدايه موضوع تعاون فى المجال النووى لانتاج الكهرباء او مايعرف
حسب ماظهر فى الاعلام عن الورشه او الندوه التى اقيمت قبل فتره حول الموضوع بحضور الروس
| |
|
|
|
|
|
|
|
|
|
Re: السودان يقطع علاقاته مع كوريا الشمالية .. � (Re: Asim Ali)
|
يا حيدر أنا ما شايف أي مشكلة نبيع كوريا من أجل مصالحنا
كورية شنو يا أخي هي إيران بثقلها الإقليمي بيعت بقت على كوريا الشمالية
علاقتنا معاها كانت علاقة حزب مايو الإشتراكي بنظام اشتراكي انتهى زمن الشيوعيين الدمويين في السودان فلتذهب كوريا غير مأسوف عليها
حتى لو عندنا معاها علاقات وكانت هي ثمن رفع اسم السودان من قائمة الدول الداعمة للإرهاب فيا له من ثمن بخس
وقطع العلاقات هنا بيكون بصورة دعائية أكثر من هي ذات مدلول سياسي حقيقي
وما تنسى ليس هناك صداقات دائمة بل مصالح دائمة
السياسة هي فن الممكن
اين استقلالية القرار ؟
اين السيادة ؟
دى املاءات وتدخل في الشئون الداخلية من دولة دنا عذابها !
معناه ما عندك مانع في التطبيع مع إسرائيل طالما المصلحة بتقتضى !
طيب ليه ضيعتوا 28 سنة من عمرنا ومن عمر البلد
بالمناسبة نسيت أقول ليك انو المصلحة خشم بيوت ومصالحكم البتقدموا من اجلها التنازلات لا علاقة لها بالوطن والمواطن بل هي مصالح إرضاء الاسياد من اجل الاستمرارية في الكرسى
| |
|
|
|
|
|
|
|
|
|
Re: السودان يقطع علاقاته مع كوريا الشمالية .. � (Re: خالد حاكم)
|
وين استقلالية القرار ياخالد لما يضغط عليك طرف اخر ويملي عليك شروطه
لو كان قطع العلاقات مع ايران وكوريا جاء من غير ضغوط وبطريقة مدروسة ابدا ما مشكلة
لكن ان تنصاع لرغبة طرف اخر في اصدار القرار دي هنا الكارثة
هل هؤلاء ( السعودبة وامريكا) يشكلان سياستنا الخارجية
لاحظ ليس هناك اسباب واضحة لقطع العلاقات ، فقط قرار يصدر ضربة لاذب دون ذكر اي سبب
| |
|
|
|
|
|
|
|
|
|
Re: السودان يقطع علاقاته مع كوريا الشمالية .. � (Re: حيدر حسن ميرغني)
|
يا حيدر ما في حاجة في عالم القطبية الواحد اسمه استقلال قرار بالمعنى المثالي
مثال بسيط السودان دا كانت أمريكا فارضة عليه قرارات أحادية وشفت كيف كل دول العالم قاطبة رضخت للإملاءات الأمريكية وقطعت علاقاتها الإقتصادية مع السودان بل بعضهم رضي بغرامات مليارية لعلاقتهم الإقتصادية مع السودان
فرنسا ألمانيا روسيا كندا كل هذه الدول كانت لنا علاقات إقتصادية قطعت إرضاءاً للأمريكان لأن مصالحهم الإقتصادية مع السودان قووووول عملت في الميزان التجاري مليارين يعني شنو مقابل 100 مليار و150 مليار
أها الدول الغربية دي باعت السودان بكل بساطة وشافت مصالحها
ونحن اليوم نبيع كوريا الشمالية ولو عايزين نبيع ليهم الجنوبية برضو بنبيع المهم تكون الكفة مائلة لصالح مصالحنا
كورية شنو يا حيدر؟
تبادلنا التجاري مع كوريا الشمالية كم؟
ح يكون كم مع أمريكا وحلفائها الغربيين؟
بالإضافة تأثير أمريكا الكبير على البنك الدولي في ملف إعفاء ديون السودان البالغة أكثر من 64 مليار دولار قول نصفها على السودان والنصف الأخر على جنوب السودان
لو نجحنا في إعفاء ديون السودان 50 سنة من التعاون مع كوريا الشمالية لا يمكن يجلب لنا مثل هدا المبلغ
عشان كدا الواقعية في التعاملات السياسية مطلوب بشدة قد يراها البعض خضوع ويراها الأخرين عدم استقلالية للقرار لكن المحك هو المصالح الوطنية
المثالية دي حركات ثورات شيوعية ساكت
العالم عالم تعاون وهناك قوى كبرى يجب الإعتراف بها ولها تأثير كبير على معاملاتنا الإقتصادية مع باقي دول العالم.
السودان سيصدر قرار بقطع العلاقات وهذا هو استقلالية القرار
دي سياسة وما شكلة في سوق ملجة
تحياتي يا حيدر
| |
|
|
|
|
|
|
|
|
|
Re: السودان يقطع علاقاته مع كوريا الشمالية .. � (Re: Frankly)
|
حيدرنا مساء الفل ..
منقول من بوست ريشو .
حار من الدوكة مباشرة
"عاجل ....
الخارجية الأمريكية : السودان وافق علي تغيير
المادة 126 الردة والمادة 125 الكفر والمادة 152
الزي الفاضح وتعديل مادة الميراث والطفل ...!!"
التفاصيل لاحقا
تصدق بقيت احب امريكا ؟ هههههههههه
| |
|
|
|
|
|
|
| |
حيدر حسن ميرغني
جمال ود القوز
حمد عبد الغفار عمر
عزيز
Frankly
Asim Ali
خالد حاكم
مني عمسيب
فيس بوك
تويتر
انستقرام
يوتيوب
بنتيريست