|
|
|
 Re: بهدوء تجسس الزوجة (Re: عبدالحفيظ ابوسن)
|
لازالت هذه السلطة تدهشني بإنصرافيتها
والتي تبدو انصرافية مقصودة !!
قصد أكبر من شغل الرأي العام
فهي كدأبها تضرب في النسيج الاجتماعي تفتيتا
يعني عجزت عن اصدار قوانين رادعة لحالات اغتصاب الاطفال وساكة الناس في البيوت
قوانين مش اعدام ولا غيرو بل قوانين التحري واثبات الجريمة وسرعة البت فيها
| |
 
|
|
|
|
|
|
|
|
Re: بهدوء تجسس الزوجة (Re: عبدالحفيظ ابوسن)
|
بعدينك الاتهام بتم اثباتو كيف!!؟
الزوجة والزوج في منزل واحد . تتوفر فيهو خصوصية وسرية بالغة وامن وسكينة
يعني اقول شفتها بتفتش فيهو
ولا اصورها بي موبايل تاني وهو بتفتش
ولا تقول لي عندك علاقة مشبوهة وبتتونس مع بت اقوم ارفع قضية تجسس
| |
|
|
|
|
|
|
|
|
|
Re: بهدوء تجسس الزوجة (Re: عبدالحفيظ ابوسن)
|
غايتو
قول سجنتها سنة
بحق لي طلاقها
ولا برجعها البيت عادي بعد سنة
ادبتها تاني كان جبت مرة جوة اوضتها تعمل رايحة
طيب اقول لاولادي امكم وين وليه ؟
وانا دخلتها السجن عشان ما مؤدبة وبتجسس
| |
|
|
|
|
|
|
|
|
|
Re: بهدوء تجسس الزوجة (Re: عبدالحفيظ ابوسن)
|
صباح الخير يا ناظر
إن لم تفعلها غير قد يفعلها او قد فعلها
غايتو دي فرماله لي اي خلاف بين الزوجين يصل للمحاكم
وستتنشر ظاهرة شاهدات الزور لإثبات تجسس الزوجه
:
:
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: بهدوء تجسس الزوجة (Re: عبدالحفيظ ابوسن)
|
تحايا السيد أبوسن.
في الحقيفة منذ أن سمعت بهذا القانون في السويشال ميديا وأنا غارق في الحيرة ،،، رغم اهتمامي بجرائم المعلوماتية وايماني القاطع بأن تكون شديدة ومغلظة .. ألا أنني أميل للأعتقاد بأن المشرع الذي سن هذا القانون متخلف بدرجة تكاد لا تصدق.
أنهم يتحدثون عن زوج وزوجة .. في عبارة بسيطة شراكة يفترض أنها أبدية بين اثنين تتيح لهم حقوق متساوية .. ولنجاج هذه الشراكة يجب ان تكشف كل الأسرار بين الطرفين وعلى المشرع اتاحة القوانين التي تثبت هذه الشراكة والتي لا تمنح اي منهم امتياز على الأخر أو تساعده في ان يكون عدواني ولديه حقوق تسلطية على الطرف الثاني.
الزوج الذي لديه اسرار يخفيها عن شريكة حياته او الزوجة التي لديها اسرار تخفيها عن زوجها وهو/هي على استعداد على مقاضاة شريك / شريكة حياته لمجرد الاطلاع على محتويات هاتفه .. لا اعتقد أنه / انها جدير بهذه الشراكة وعلى المشرع أن ينظر من هذه الناحية.
أما اذا سلمنا جدلا بهذا القانون فعلى المشرع أن يأتي بأليات الأثبات حتى تتم ادانة شريك / شريكة الحياة.
عموما الأزواج ادري بادارة مثل هذه الأمور والمشرع كان من باب اولي بحث تشريعات اخري تحمي الحياة الزوجية وتطوير قوانين الأحوال الشخصية بدلا عن هذا القانون الذي أعتقد أن اهل السودان بوضعهم الثقافي والتعليمي الحالي لا يحتاجون اليه.
| |
|
|
|
|
|
|
|
|
|
Re: بهدوء تجسس الزوجة (Re: Shueib Medani)
|
الخرطوم – رحاب عبدالله
كشفت وزارة الاتصالات وتكنولوجيا المعلومات عن مقترح لتخفيض العقوبة في قانون انتهاك الخصوصية . وقال مستشار المركز القومي للمعلومات ماهر عيسى عثمان انهم تقدموا بمقترح لتخفيض العقوبة في قانون انتهاك الخصوصية على الزوجة التي تتجسس على هاتف زوجها أو العكس للسجن سنة واحدة بدلا عن ثلاث سنوات التي كان حددها القانون لعام ٢٠٠٧.
وكشف عن وجود لجنة دائمة لسن قوانين متعلقة بمجال التكنلوجيا مبينا أن النطاق العريض للوحدات الحكومية تستخدم نظام تشغيل الطرقات غير مرخصة كما أن الشركات الصغيرة تعمل بدون تراخيص للبرمجيات الإمكانات محدودة.
من جانبه اشار عيسى ابراهيم الجعيلي مدير اكاديمية السودان للعلوم إلى وجود معوقات تواجه نقل التكنلوجيا اجملها في عدم توفر المعلومات المالية ونقص الخبرات لدى الكوادر،غياب ترتيبات قانونية توائم الشروط العالمية ، المواقف الرسمية والتشريعية والاشتراطات والقيود من قبل الجهات المختصة بالإضافة إلى احتكارية مصادر التكنلوجيا في دول محددة وندرة الموارد المالية .
وطالب الخبير أسامة طالب الله بوضع قوانين تضمن الالتزام بالمعايير الدولية وأكد الخوجة لتصنيف التحديات حسب الخطورة وعواقب نقلها للسودان مطالبا بتحديد المسؤلية في حال انحراف المعيار للتقنية وأشار لوجود أخطاء تصاحب التطبيق على أرض الواقع بعد نقل التقنية ما عده يتطلب تدريب الكوادر بالخارج.
منقول
| |
|
|
|
|
|
|
|
|
|
Re: بهدوء تجسس الزوجة (Re: عبدالحفيظ ابوسن)
|
بحثت ولقيت السعودية ! وكم دولة عربية فيها كلام زي دة
ومالقيت دولة اوربية فيها قانون زي . امكن ما لاقاني لكن موجود . فيها قوانين تحرش صارمة جدا
وشوفو المنقول
قال ليك اجهزة وارسال ناس يتعلمو وصرف
| |
|
|
|
|
|
|
|
|
|
Re: بهدوء تجسس الزوجة (Re: Shueib Medani)
|
سلام ابسن و الضيوف الكرام
أشك في ان الهدف من القانون ان ينقلب الرجال و النساء ضد بعضهم و
ينشغلوا بمعارك و نقاشات جانبية بدلا عن الإعتراض على زيادة الأسعار
في الموازنة الجديدة. الفئة الوحيدة التي قد تنعم ببعض السلام العائلي
المتوهم كنتيجة لتهديد الزوجات بهذا القانون هي الكيزان و توابعهم من
المتزوجين بأربع زوجات بينهن مشاكل دائمة . لا تتوقعوا أي خير من الكيزان.
هل بدرية هي من فصلت هذا القانون المخزي ؟
| |
|
|
|
|
|
|
|
|
|
Re: بهدوء تجسس الزوجة (Re: نعمات عماد)
|
لحمد لله والصلاة والسلام على رسول الله وعلى آله وصحبه، أما بعـد:
فلا يجوز لك التجسس على زوجك وتتبع عوراته، ولا التنصت عليه عبر أجهزة الصوت، قال تعالى: وَلَا تَجَسَّسُوا ا{ الحجرات:12}.
وقال رسول الله صلى الله عليه وسلم: فيما رواه البخاري ومسلم: لا تجسسوا ولا تحسسوا ولا تباغضوا وكونوا إخوانا.
وعن أبي برزة الأسلمي - رضي الله عنه- قال: قال رسول الله - صلى الله عليه وسلم-: يا معشر من أسلم بلسانه ولم يفض الإيمان إلى قلبه لا تؤذوا المسلمين ولا تعيروهم ولا تتبعوا عوراتهم، فإنه من تتبع عورة أخيه المسلم تتبع الله عورته، ومن تتبع عورته يفضحه ولو في جوف رحله. رواه الترمذي وقال الألباني حسن صحيح.
فعليك أن تبادري بالتوبة إلى الله عز وجل من هذا الذنب وأن تعزمي على عدم العود إليه مرة أخرى.
وأما ما يظهره زوجك من أمر علاقاته بالنساء فالذي نراه أن تعملي على محاولة إنقاذه مما وقع فيه إحسانا إليه وإبقاء على كيان الأسرة وحماية لها من التفكك والانهيار، لا سيما إن كان بينكما أولاد، فإن استجاب لك وأقلع عما يفعله فالحمد الله، والله سبحانه يقبل التوبة عن عباده ويعفو عن السيئات، وإن استنفدت معه النصح ولم يجد نفعا فإن من أهل العلم من يجوز طلب الطلاق لفساد دين الزوج، وعليه فإذا أردت ذلك فعليك رفع الأمر إلى القاضي لطلب الطلاق، وللقاضي حينئذ أن يجبره على الطلاق إن كان في الأمر ضرر عليك، وإلا فلك مخالعته بما تتراضيان عليه، ونحن نؤكد ثانية أنه لا ينبغي أن تتعجلي بهذا.
ولمزيد من الفائدة يرجى مراجعة الفتوى رقم: 45258، والفتوى رقم: 26233.
والله أعلم.
منقول
| |
|
|
|
|
|
|
|
|
|
Re: بهدوء تجسس الزوجة (Re: عبدالحفيظ ابوسن)
|
بما أن من حق الزوج أن يتزوج أربعة نساء فإن للزوجة الربع فقط من خصوصيات زوجها و بالتالي إطلاعها على أي شيء خارج الربع الخاص بها يعتبر إنتهاك لخصوصية الزوج.
و بما أن المرأة تتزوج زوج واحد فقط فإن للزوج كامل خصوصيات زوجته و بالتالي لا يمكن تصور إنتهاك الزوج لخصوصيات زوجته.
منطق ولا منطق؟
| |
|
|
|
|
|
|
|
|
|
Re: بهدوء تجسس الزوجة (Re: Hafiz Bashir)
|
السجن ولا بمسكن ولا حاجة .. وحاة الله يتجسسن جنس تجسس
تقفل الموبايل بكلمة مرور يحمروا ليك معناها داسي حاجة .. تخليهو فاتح بس دخلتك الحمام كدة التفاتيش تدور
وأكان نومك تقيل يستنوك تنوم ويدخلوا بيه تحت البطانية
زمااان اول ظهور الجوالات الحديثة والواتساب كنت بخلي زوجتي تدخلوا عادي نظام الود واثق من روحه وما داسي حاجة
لحدي ما يوم استاءت وقالت لي دة شنو اللفظ المستخدمو فلان دة! حالتي عاداهو مهذب ! عاينت للرسالة لقيتها في قروب شباب وكاتب كلمة معر.....
قلت ليها أهااااا كدة اختلفنا .. نحن شباب بيناتنا مافي حواجز ومسك لسان وانتي لأنك حرمة اتحشرتي وسط الرجال عشان كدة سمعتي الما مفروض تسمعيهو .. تاني ما عندك أي علاقة بموبايلي دة ولا تقري ونساتي نهائي .. وسرى القرار دة من حينه وإلى الآن
بالمقابل بعد ما هي دخلت عالم التكنلوجيا أنا برضو ما بقرأ واتسابها
صاحبي من النوع البقفل بالبصمة وكلمات السر ورموز في شكل شبكة أجعص عنكبوت ما يعمل زيها قال لي اصلو ما تقنعني بإنك سايب موبايلك بدون كلمة مرور وهي ما بتهبشو ! قلت ليه أنا عاااارفها بتفتشو وما عندي أي مشكلة في دة .. أنا مشكلتي في التحقيقات البعد التفتيش ودي اتخلصت منها بقرار المنع .. تقرأ وتقطعو في مصارينها عشان لو سألت بقول ليها انتي البوديك تفتحي تلفوني شنو ! :)
| |
|
|
|
|
|
|
|
|
|
Re: بهدوء تجسس الزوجة (Re: ABUHUSSEIN)
|
النساوين ديل مابنقدرن يشهد الله ..
انا عندي موبايلين ..
الاتنين مفتوحات لا رقم سري ولاحاجة ..
مرة الولد بيطبظ عمل رقم سري لي واحد منهم ..
صحيت من النوم لقيت لجنة التحقيق منعقدة ..
تم اتهامي باني وضعت رقم سري ..
اتذكرت قبل انوم واحد من الاولاد كان بيقابض في الموبايل ..
ناديتو وهرشتو قلت ليه انت بليد ولاّ شنو ..
تعال شيل الرقم السري العملتو ده سريع .. ههههه..
لجان التفتيش لم تقف يوما ..
لكن الراجل العايز يعمل حاجة ويتقبض ..
ده فاره ساي .. هههههه ...
| |
|
|
|
|
|
|
|
|
|
Re: بهدوء تجسس الزوجة (Re: جمال ود القوز)
|
اتا يا حبيبنا أبو سن محتج على قانون التجسس
واللا على الزوج البشتكي زوجتو ؟ لانو شايفك
نازل سلخ في الزوج ..
كدا لف الكشافة دي على موضوع البوست بالضبط .
| |
|
|
|
|
|
|
|
|
|
Re: بهدوء تجسس الزوجة (Re: طلحة عبدالله)
|
تلفوني فيهو كلمة سر؛
سر مكتوم في جوف الليل؛
لكن كلمة ساهلة ومهببة؛
اي زول في البيت حافظا؛
ياخ الطيب بفتح تلفوني عادي ويلعب؛
الطيب عمره سنتين ودقدقة؛
ما عندي واتسابات بقولوا عليها؛
مشاركات بسيطة ومكررة وانا ذاتي ما قاعد اقراها؛
بعملها دليت مرة واحدة
وفي القروبات بالخبرة لو المشاركات كتيرة
معناتا في وفاة بدخل اعزي واطلع....
| |
|
|
|
|
|
|
|
|
|
Re: بهدوء تجسس الزوجة (Re: عبدالحفيظ ابوسن)
|
صحي يا نعومة
ياهم المفضوحين
تتذكري قصصهم التي تطفح في الاعلام . الفضائح الزوجية والاتهامات
نحن شعب مستور الامر لن يتجاوز مجالس الصلح بين الاهل . او طلبات الطلاق للغيبة او النفقة
لم اقرأ عن زوج اشتكي زوجته إلا نادرا جدا وفي ظروف معقدة
دايرين يقننو لي سلوكهم بينا
| |
|
|
|
|
|
|
|
|
|
Re: بهدوء تجسس الزوجة (Re: عبدالحفيظ ابوسن)
|
هههه يا احمد ياهو الحب والغيرة
هو جنس تفتيش لكن وتحقيق
خلونا نكون حرفا جنس حرفنة
البنقبض دة داقس
عندنا تصريح مهم في قروبات ناس كوستي
مافي مرة تضرب لي بعد خمسة
لو ضربت لي قيامتي بتقوم
وجنها وجن تلفون ما ارد عليهو
ما رديت مالك
دة منو
عاينت للرقم وشفتك مخلوع
داير شنو
وو
ووو
احتمال التحقيق يستمر لليوم التاني
غايتو بقول
الموبايل زي الملابس الداخلية التحتانية
| |
|
|
|
|
|
|
|
|
|
Re: بهدوء تجسس الزوجة (Re: عبدالحفيظ ابوسن)
|
يا ود القوز عامل باص ورد
امرق اشيلو
اخش البيت افتحو
مع ابقاء الموبايل في الصامت
يا اخوي التحقيق حاااار
والاتهام ما داير سبب
لومك علي سودانيز دي ما عارفاها . لو عارفها تحقيق حول اسم اي بوردابية ردت لي يتم شهر
وتتبع لكل ردودها
ويطلعو منو اتهامات لامن تحتار
الواتس داك يا شفيفة ويا راقية الا تسودو المنبر
تشتكيها قال
| |
|
|
|
|
|
|
|
|
|
Re: بهدوء تجسس الزوجة (Re: عبدالحفيظ ابوسن)
|
Quote: مافي مرة تضرب لي بعد خمسة
لو ضربت لي قيامتي بتقوم |
في شغل تصميم المواقع ما بهمني العميل دة تصنيفه شنو .. ببسطه عشان آخد قروشه وخلاص
السلفي بونسه بشر الأمور محدثاتها والصوفي بمدح ليه سمح الوصوفو والكوز بهتف ليه في سبيل الله قمنا .. أصلو ما عندي قشة مرة
مرة شغال لي موقع مسئولة عنه شابة مهاجرة في آخر الدنيا البي هناك يعني فرق توقيت قدر الضربة
هي بصراحة كدة زايداها حبة :) .. بتكتر الكلامات عاملة فيها مهتمة بالشغل وانا عارفها دايرة الونسة .. وانا لازم اونسها من هسة لحدي ما تتحول القروش :)
قوووومي يا دكتورة الهنا اتصلي واحدة صباحاً والمدام تصحى معاي سوووووا سوا للتلفون
طبعاً الباقي واضح ما محتاج حكي .. وصاحبي الاستلم الموقع بدلي إن شاء الله ما ينفعو
من ديك تاني أي زول من جماعة النت ما بديهو رقم تلفون كان نطط أقول ليه بالإيميل بس كان اتأخرت نص ساعة في الرد لومني لكن تلفونات نهااااائي ما معانا
| |
|
|
|
|
|
|
| |
عبدالحفيظ ابوسن
محمد حمزة الحسين
Shueib Medani
نعمات عماد
Hafiz Bashir
ABUHUSSEIN
جمال ود القوز
طلحة عبدالله
عبدالمنعم الطيب حسن
سيف النصر محي الدين
فيس بوك
تويتر
انستقرام
يوتيوب
بنتيريست