|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: ايام فى كندا (Re: جلالدونا)
|
مناسبة الزيارة كانت لحصور فعالية تكريم زميل المنبر و عازف الكمان الماهر عمر منصور
اعتذرت للصديق معاوية المدير عن الحضور حتى ليلة الجمعة اليوم السابق ل ليلة التكريم
ثم بعدها بقليل زالت اسباب الاعتذار
و حجزت ليوم السبت الساعة 11 صباحا
على كاونتر الخطوط الكندية ووجهت بوجوب حصولى على تأشيرة دخول
هنا قنعت من السفر عديل كده و لكن بى حبة عكلتة سألتو و دى احلها كيف
قالى خش الموقع ده و املا الاستمارة .. الموافقة ح تجيك فى الايميل خلال عشرة دقايق
مليت الاستمارة و دفعت الرسوم اون لاين و فى رجاك يا التأشيرة
تصدّقوا جات فى اقل من خمسة دقايق
هنا ... بعد انقطع العشم من السفر تأكّدت انة موعود بى رحلة ممتعة
| |
 
|
|
|
|
|
|
|
|
Re: ايام فى كندا (Re: جلالدونا)
|
سؤال فني يا جلالدونا
هل انت عندك جواز سفر امريكي والكنديين طالبوك بتاشيرة!!؟؟
وبعد الاجابة على السؤال واصل في ذكرياتك وورينا سودانيين كندا استقبلوك كيفن، وهل ضبحوا ليك
خروف، ،وهل كنت بتعمل مقارنة بين المدينة الكندية التي زرتها والمدينة الانت عايش فيها في امريكا!؟
زي ما نحن بنعمل لمن نزور مونتريال وتورنتو واتوا ونعمل مقارنة بينها وبين نيويورك،،،
ودمت بخير وعافية
| |
|
|
|
|
|
|
|
|
|
Re: ايام فى كندا (Re: جلالدونا)
|
سؤال فني يا جلالدونا
هل انت عندك جواز سفر امريكي والكنديين طالبوك بتاشيرة!!؟؟
وبعد الاجابة على السؤال واصل في ذكرياتك وورينا سودانيين كندا استقبلوك كيفن، وهل ضبحوا ليك
خروف، ،وهل كنت بتعمل مقارنة بين المدينة الكندية التي زرتها والمدينة الانت عايش فيها في امريكا!؟
زي ما نحن بنعمل لمن نزور مونتريال وتورنتو واتوا ونعمل مقارنة بينها وبين نيويورك،،،
ودمت بخير وعافية
| |
|
|
|
|
|
|
|
|
 Re: ايام فى كندا (Re: Basamat Alsheikh)
|
بسمات يا اميرة ومنارة المنبر السلام عليكم ورحمة الله تعالى وبركاته
الشئ المعروف اى انسان يحمل الجواز الامريكى لا يحتاج لتأشيرة مسبقة
فى حالة سفره خارج أمريكا عدا دول معينة وعلى ما اعتقد كندا ليست
من هذه الدول
مع خالص التحايا
يا اصيلة
صديق مهدى على
| |
|
|
|
|
|
|
|
|
|
Re: ايام فى كندا (Re: صديق مهدى على)
|
انا سالت السؤال ده يا صديق لانو جلالدونا قال ناس الخطوط الكندية طالبوه بتاشيرة الدخول لغاية ما قنع من السفر
على حد تعبيره ولكن قالو ليه املا اورنيك والتاشيرة بتصلك في عشرة دقائق، يعني في النهاية برضه عمل تاشيرة،،،
.ونحن بنعبر الحدود الامريكية الكندية لمونتريال بدون اية تاشيرة وحتى في زميلتنا وصديقتنا عندها فقط قرين كارد
وبتدخل معانا بدون تاشيرة،،،
اوع يكون جلالدونا قاعد في امريكا بدون قرين كارد وبدون جنسية امريكية،، وهو ما عارف قرار ات ترامب الجديدة
بعد حادثة ارهابي نيويورك المسلم !!؟؟؟( وجه ضاحك ضاحك )...والضحكة دي بتعني انه ما يخاف..طرمبة ده بيهظر
ساكت..
ودمت بخير وعافية
| |
|
|
|
|
|
|
|
|
|
Re: ايام فى كندا (Re: Basamat Alsheikh)
|
سؤالك في بكانو يا بسمات
جلال زارنا بالجواز السوداني
و شكك في الوطنية بتاعتنا
خليك قريبة يا صديقة البوست ده
ح يكون مدهش
جلال ح ارسل ليك الصور العندي
موت موت حياة حياة و انت اتصرف
| |
|
|
|
|
|
|
|
 Re: ايام فى كندا (Re: Hamid Elsawi)
|
سلام أيها المتداخليين طبعا عندنا فى اريزونا عدد من السودانيين رافضين
امتحان الجنسية الأمريكية وحتى فى إخوة نجحوا فى الامتحان للجنسية
الأمريكية رافضين استخراج الجواز الامريكى ويفضلون استعمال الجواز السودانى
ولقد سألت بعضهم لماذا يرفضون الجواز الامريكى فاجاباتهم كانت غير مقنعة لى
بل وضحت لهم ان حمل الجواز الامريكى له فوايد داخل امريكا وخارجها لكن راكبين
رسينهم إلى أن اتى ترامب وحدث ما حدث . غايتو الله يستر عليهم وما على الرسول الا
البلاغ
مع خالص التحايا لكم جميعا
صديق مهدى على
| |
|
|
|
|
|
|
|
|
|
Re: ايام فى كندا (Re: صديق مهدى على)
|
اخونا صديق و العزيزة بسمات
حاجة كده قالت لى خليك سودانى و موت سودانى
لا يوم الليلة العراقى و السروال بقد بيهو عين الوول مارت
السكين ام جفير و العكاز اب ضبة و سوط العنج قاعدات
بس المشكلة مخالفات لى القانون
ما تسرحو بى . خلّونى فى كىدا
| |
|
|
|
|
|
|
|
|
|
Re: ايام فى كندا (Re: جلالدونا)
|
اوووو حبيبنا ود الصاوي
اول شى التحية ليك و للاسرة الكريمة المضيافة
ياخى سودانيتكم فاتت الحد بى غادى
و كان لى الباسبورت , شن طعمو غير وريقاتو
الطبع هو المحك
و ما قصرتو تب
الصور صورنا و بيها احتفينا
و وصلن بالسلامة
مافى شيىة تب يازول
| |
|
|
|
|
|
|
|
|
|
Re: ايام فى كندا (Re: جلالدونا)
|
على متن الطاشرة جلست بجوارى سيدة ثلاثينية
تجاذبت معها اطراف الحديث
و فى بالى السءال عن البرد
قالت لى درجة الحرارة الان فى كالقرى 3 درجات مئوية
طوالى حسبتها بالفهرنهايت لقيتا بتساوى 37 و معاها حبة كسور
اقصى درجة ممكن اتحملا 66
غايتو طممت بطنى
و فكرت ارجع
| |
|
|
|
|
|
|
|
|
|
Re: ايام فى كندا (Re: جلالدونا)
|
حباب جلا مبروك عليك المركوب والعراقى والسكين بس فتح عينك
زى الريال أب عشرين وخليك مع عمك ترامب حنين وكفاية كدى
يا جلال الدين
| |
|
|
|
|
|
|
|
|
|
Re: ايام فى كندا (Re: rani)
|
أحبك يا وطني غيور
| Quote: زامل جدى المرحوم تاج السر الحسن الحسين |
يا جلال تاج السر الحسن الشاعر الواحد دا ...؟!
وش مندهش لكن الحمدلله لقيتو
'طلعت قريب قريي ود المدير
واصل ومتابعينك اهم صور صلعة ود المدير يا الصاوي
:
:
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: ايام فى كندا (Re: محمد حمزة الحسين)
|
شكرا محمد حمزة للمرور
الصور ح تدهشك كتير
ماعارف بنزلوها كيف
عندي حاجات كتيرة ما شغالة الاقتباس مثلاً
و السبب أبو صلعة الكبير سيد الحوش بكري
يا جلال كلموا لينا عشان يتصلح معانا شوية
و صور معاوية ح اشوف طريقة ملتوية انزلها بيها
و موت موت حياة حياة
| |
|
|
|
|
|
|
|
|
|
Re: ايام فى كندا (Re: MOHAMMED ELSHEIKH)
|
اووووو رانى
يمين الله ليك حق تزعل ياخ
و اللوم راكبنى من راسى لى رجلىّ
ياخى انا ذاتى استغربت انت ما جيت للتكريم ليه
باقى التفاصيل بشّدك سلك بى باقى اليوم ده
| |
|
|
|
|
|
|
|
|
|
Re: ايام فى كندا (Re: جلالدونا)
|
بوستك يا جلال مبشِّر
لكن مستواك في الإملاء متدهور
حقو تقدم لدبلوم خلاوي في فينيكس
وإلا سنضيف "نـون" لمبشِّر
بعيدا عن السخرية، رايك شنو في بيت الشِعِر الفوق ده
مش "أسحن" من حاجات صديق مهدي 
| |
|
|
|
|
|
|
|
|
|
Re: ايام فى كندا (Re: معاوية الزبير)
|
ههههها
غايتو جنس بنشرة هى
تعرف بكتب من كى بورد ما فيهو حروف عربية
بالذاكرة فقط بعرف ليك محل الواو اب همزة وين
الخلوة ماب ناباها لكين الفيك اتعرفت
رايك شنو فى الحكمة دى
| |
|
|
|
|
|
|
|
|
|
Re: ايام فى كندا (Re: جلالدونا)
|
انت رايك شنو (تكب) البوست باللنقليزي
الليامات دي الناس عندها رغبة عارمة في الترجمة
--
بالمناسبة ترجمة "wild hope" هناك ممكن تكون "عشم"
| |
|
|
|
|
|
|
|
|
|
Re: ايام فى كندا (Re: جلالدونا)
|
اول من التقيت به من اهلى البورداب المحتفى به علة مدخل صالة الحفل
و صديقه البروف .. انسان خجول متواضع و مسامرة معه طالت لساعة من الزمان قبل بداية الحفل
رجل يستحق التكريم و الاحتفاء و هو اهل له
من اليمين ... المحتفى بهو الزميل ابراهيم ناصرو شخصى و الزميل معاوية المدير
| |
|
|
|
|
|
|
|
|
 Re: ايام فى كندا (Re: MOHAMMED ELSHEIKH)
|
ماك طالبنى حليفة يا معاوية الزبير
كنت عايز اكتب البوست ده باللنقليزى لكن خفت من ترجمة الحتة دى
I have a wild feeling و التى حتما سترد فى النص
و يقوم يجينى اخونا مصطفى مدثر و يقول لى ... بسى ميلاو ...
<بالمناسبة دى ترجمة من العربية للعربية>
و العوّه تقوم و البوست ينحرف
| |
|
|
|
|
|
|
|
|
|
Re: ايام فى كندا (Re: جلالدونا)
|
و الفنان عمر بانقا .. مع اطيب التحيات ليهو
ينثر رحيق الغنا الجميل , و الدايرة تعج بالمبتهجيىن الراقصيىن
واقف بى جانب كبّر نرقب المشهد من بعيد
قال لى ارحكا ناخدلنا هزّة
مشينا و فى نص الدايرة ... رجلى عفصت كراع زول ..
لذّانى من كتفى .. النصيحة ليك يالله اللذّة حرقتنى بس فى اللحطة ديك
تنزّل علىّ ادب و سماحة و تهذيب ما عاديات
... شرامة الحفلات عارفين ردة الفعل فى المواقف الزى دى خاصة لامن تكون قدام البنات ..
ابتسمت ليهو و اعتذرت بكل لطف و طلعنا من الدايرة
سألت كبر , انت وين حامد الصاوى .. قال لى قاعد و هسى حايم فى الدايرة
رجعنا نفتشو .. لقيتو ياهو ذاتو زولى العفصتو
اتقالدنا و القدلة جابت معاهاو رقيص مع انو ايقاع الغنوة ما اسلو
| |
|
|
|
|
|
|
|
|
|
Re: ايام فى كندا (Re: معاوية المدير)
|
يا سلام يا مدير ياخى
الزول ده ما عادى
___
من ضمن فقرات التكريم كانت مشاركة الاصدقاء بإلقاء كلمات
شارك معاوية بتلاوة مداخلة الزميل علاء تمبس فى بوست الدعوة للتكريم
الوجه ناظرا الى الارض
و الايادى تحاول تغطى حاجة
شفت الدموع بتجرى ياخ
بعدها بقليل لمتنا جلسة. هو و العزيز كبر
قال و قال و قال
نسينا نفسنا ياخ
التحية ليهو و لى كبر
| |
|
|
|
|
|
|
|
|
|
Re: ايام فى كندا (Re: معاوية المدير)
|
حسب علمى ده ابراهيم ناضر
الزول ده من ما اتصور مع ترودو بقى يجيب لينا صور كيف كيف
الود ظاهر فيها
المهم تانى لو اتشاكلتو امشو استاربوكس من سكات
| |
|
|
|
|
|
|
|
|
|
Re: ايام فى كندا (Re: جلالدونا)
|
مع البرد الشديد كان دفء التواصل الحميم
اكرمنى الزميل حامد الصاور و اسرته الكريم بدعوتين فى منزلهم العامر
الاولى كانت بحضور الجميلين كبر منصور المفتاح و معاوية
دعوة غداء و امتدّت الى سهرة كنت من اجمل الامسيات
| |
|
|
|
|
|
|
|
|
|
Re: ايام فى كندا (Re: Hamid Elsawi)
|
تكرم يا حامد و سعيد بى الايام العشتها بيناتكم
العيزومة التانية و كانت بى حضور الاخوان احمد بشير و محمد عثمان
كانت من امتع الونسات
ناس تملاك سعادة و فرح و سرور
عجبتنى حتة البرجوازى الراسمالى دى
التحية ليهم و عديلة عليهم وين ما قبّلوا
| |
|
|
|
|
|
|
|
|
|
Re: ايام فى كندا (Re: جلالدونا)
|
جلادونا وصحبه الكرام .......
اينما ذهبت وجدت السودانيون يتدفقون ودفء وحميمية تفوق حسن الظن العريض ...... هنيئا لكم ايها الاحباب هذه اللمة الجميلة.
شعب جميل وطيب وبسيط، فقد فلنبحث في اسباب العنف الذي يخالط هذا الجمال، لعلنا نجد السبب والعلاج.
فتكون الكمدة بالرمدة .........
...................................................................
الواقف في شمال الصورة لعلها صورة كبر الفنان ، نان وين صورة كبر السياسي ..... ههههههه
| |
|
|
|
|
|
|
|
|
|
Re: ايام فى كندا (Re: سامي عطا المنان)
|
ههههههه
يجازى محنك يا فاضلابى
كدى شوف الجكّة دى
ود المدير .... عزيز
منصور .......... سليمان عبد القادر
جلال .............. بشارة
كبر .......... كمال عبد الوهاب
حامد الصاوى ,,,,, جاد الله
اى ستة تانين و نجيب ليكم كاس العالم
الرزوقى ما معاهم ... خرخار و الحكم بيطردو
و كمان عثمان برضو بيابى الدك و بدخل قون فى مرمانا
| |
|
|
|
|
|
|
|
|
|
Re: ايام فى كندا (Re: حيدر حسن ميرغني)
|
هههههها كويس جدا و دى براها سلامة
التانين اوعاك تعرفن .. ختيرين جد
يمين الله يا يا حيدر كبر و منصور ديل وناسين جنس ونسةلفوا بينا
من امدرمان و الجزيرة ابا و الدلنج و الفبايل و خشوم البيوت
ناس و عادات غايتو انا كنت قاعد فاغر خشمى
| |
|
|
|
|
|
|
|
|
|
Re: ايام فى كندا (Re: جلالدونا)
|
الواقف في شمال الصورة لعلها صورة كبر الفنان ، نان وين صورة كبر السياسي ..... ههههههه
سياسة ما بتلمني مع كبر و منصور يا سامي
لكن الحياة و المدينة الواحدة و البرد و النادي السوداني
و الجالية السودانية و زوجاتنا و اولادنا و سوداننا و كندا
و القراية و الشعر و الغُنَا و حب التراث ووو الخ
كلو بلمنا ..... الا السياسة دي
| |
|
|
|
|
|
|
|
|
|
Re: ايام فى كندا (Re: معاوية المدير)
|
تعرف يا سامى | Quote: الواقف في شمال الصورة لعلها صورة كبر الفنان ، نان وين صورة كبر السياسي ..... ههههههه |
فعلا دى صورة كبر الفنان الوناس
لاقيتو اربعة مرلت فى حفلة التكريم و اخدنا لينا عشرة ونسة
فى بيت حامد الصاوى مرتين و برضو ونسة
فى اجتماع الجالية و حوار الهموم الكتيرة و مشاركات قوية من حامد الصاوى و ود المدير و اخرين
كبر يمتلك المقدرة على العمل الاجتماعى و لولا السياسى لكان اخوتنا التلاتة الفوق ديل من اعظم قادة العمل الاجتماعى فى كندا
| |
|
|
|
|
|
|
| |
جلالدونا
صديق مهدى على
Hamid Elsawi
rani
محمد حمزة الحسين
MOHAMMED ELSHEIKH
معاوية الزبير
معاوية المدير
عبدالعزيز الفاضلابى
سامي عطا المنان
حيدر حسن ميرغني
ابراهيم ناصر
فيس بوك
تويتر
انستقرام
يوتيوب
بنتيريست