|
|
|
 Re: النسمة بسمات مريضة، وظلت في مستشفى لينوكس (Re: امتثال عبدالله)
|
ابو حسين
ولمن قريت ليها اسمك ابو حسين صححتني وتقول لي انت قاصدة ابو الحسين، قلت ليها لا مكتوب
هنا ابو حسين ما ابو الحسين، وتبسمت وقالت يعني انا ظالمة ابو حسين واتلومت معاه وبقول ليه
غير اسمك الامريكان ما يظنوا انك تبع الارهاب...وقالت ليك امسك في اسمك ابو حسين قوي ..اجمل اسم
وشكرا كتير ابو حسين لدعواتك لها بالشفاء
مع وفر التقدير والاحترام
| |
 
|
|
|
|
|
|
|
|
Re: النسمة بسمات مريضة، وظلت في مستشفى لينوكس (Re: امتثال عبدالله)
|
الأخت امتثال
الأخت الصغيرة بسمات بندعو لها في الصلاة..
كيف لا.. و هي اكاد أتخيلها حينما تدخل المنبر كفراشة جميلة…
...فهي تطوف على المداخلات و البوستات لتعلق بكل ظرف و روح من الإخاء الصادق…
و تدخل لتضفي على المنبر بأجمعه من روحها الجميلة و انسانيتها الجمة…ألقاً و نورا.
نسأل الله لها الشفاء العاجل الذي لا يغادر سقماً
و نسألأ المولى كما كشف الضر عن أيوب أن يكشف عنها الضر إنه سميع مجيب..
| |
|
|
|
|
|
|
|
|
|
Re: النسمة بسمات مريضة، وظلت في مستشفى لينوكس (Re: امتثال عبدالله)
|
مامون احمد ابراهيم
ربنا يحفظك كمان من كل شر وسوء
وسعداء بحضورك البهي ودعواتك الصالحة
ونحن بندعو معك ان شاء الله بسمات تقوم
بالسلامة وتعود لفرفشتها وضحكاتها بعد هذه
الوعكة الصحية التي كانت قاسية عليها، ووالدها
في الطريق الينا ، لاننا لم نخبرهم الا بعد ان خرجت
من المستشفى، ومع انه سمع صوتها الا انه لم يطمئن
واصر ان يراها بنفسه،،،لقد اخبرناكم بمرضها قبل ان نخبر
اسرتها،،،
مع وافر التقدير والاحترام
| |
|
|
|
|
|
|
|
|
|
Re: النسمة بسمات مريضة، وظلت في مستشفى لينوكس (Re: امتثال عبدالله)
|
نعود اليكم لحين ميسرة ومسرة بعد ان نتسوق شوية في المدينة التي لا تنام،،،
نعود اليكم انتم يا ملائكة الرحمة والعطف والرافة ،،،ووالله خجلتونا بكل هذه الدعوات
الصادقات يا رائعين....وعشان كده نحن اخبرناكم بمرض النسمة بسمات قبل ان نخبر والدها
ووالدتها،، ووالدها الحنون وبمجرد سماعه خبر ابنته اوقف كل شئ يشغله وقرر الحضور فورا
ليطمئن على ابنته، والنسمة بسمات تتلهف لسماع دعواتكم عندما اقرا لها دعواتكم وتعليقاتكم
اكثر من تلهفها للقاء والدها الذي سيصل غدا مساء، مع انني اعلم جيدا ان غرفتنا ستنقلب بيت
بكى عند وصوله،،،
مع وافر التقدير والامتنان يا ناس يا رائعين
امتثال
| |
|
|
|
|
|
|
|
|
|
Re: النسمة بسمات مريضة، وظلت في مستشفى لينوكس (Re: الباقر ابوبكر ابراهيم)
|
الإبنة الحبيبة بسمات ..
أولاً .. أنا آسف .. أنا آسف جداً .. للتأخير ..
للسؤال عليك .. وعلى صحتك ..
ألف سلامة لك ..
الرب قادر أن يمد لك يد الشفاء .. يارب ..
يارب .. اشف لنا بنتنا الحبيبة بسمات ..
يارب ..
وأيضاً الشكر لك يا إبنتنا الحبيبة إمتثال ..
الرب يبارك حياتكم ..
أخوكم وعمكم العجوز ..
ارنست
+++
| |
|
|
|
|
|
|
|
|
Re: النسمة بسمات مريضة، وظلت في مستشفى لينوكس (Re: د.محمد حسن)
|
وصل عمنا الشيخ عبد الرحيم، وعندما دخل غرفة ابنته ، خرجنا نحن لندعهما معا في هذا الاجتماع الاسري
ولكننا ونحن خارج الغرفة نسمع نحيبها المتقطع، وبعد دقائق قليلة فتح لنا الباب لندخل ، وابتدر كلامه بشكرنا
لما فعلناه من اجلها خلال مرضها، وقال بانه حاجز للرجوع لدبي يوم الاثنين ولكنه سيغير الرحلة لتكون عن طريق
المانيا لاعرض بنتي للاطباء في المانيا..وقلنا ليه يا عم الشيخ الناس في الدنيا دي كلها بيجوا لامريكا للعلاج لان امريكا
بلد العلاج والتقدم التكنلوجي، فرد قائلا، يا بتي يا امتثال امريكا بتاعتكم دي ما فيها علاج، العلاج هناك في المانيا محل
الناس الصنعوا التكنلوجيا البتبجح بيها امريكا...قلنا ليهم لكن هناك العلاج بالشئ الفلاني وهنا مجان،،، فقال يعني عشان
الفلوس بتي تروح من يدينا،،،،انا اصرف كل ما املك في هذه الدنيا كي ترجع لبسمات صحتها، وانا ما عارف طلعوها من
المستشفى في حالتها دي!! مش قلت ليكم العلاج في بلدكم دي كلفتة ساكت،،،وسالناه واها بعد المانيا وبعد تتعالج البيحصل
شنو؟ فقال بثقة يعني حيحصل شنو ، من هناك على السودان وتقعد مع امها، وقلنا ليه والقراية...فقال ،، بلاش قراية بلاش
كلام فاضي،،،ترجع للسودان والعرسان هناك على قفا من يشيل ،،، معقولة يا عمنا الشيخ الكلام ده يجي منك وانت البديت
تشجعها لمواصلة دراستها في امريكا وعلى حسابك الخاص،، قال ده كان زمان وولى،،،
المهم اقترحنا عليه ان يقضي ايامه مع بنته في الغرفة ونواصل الحديث....فقال انا اساسا حاجز في فندق على بعد ٤ شوارع
من عمارتكم ، وانا ما جيت اضايقكم...واصر على ذلك ووعدنا انه ومع طلوع الشمس حيكون معسكر هنا حتى منتصف الليل
وقررنا مواصلة الحديث غدا،،،،وتحول الحديث بعد ذلك عن صعوبة الحياة في السودان ، والحياة الاقتصادية، وتحدثنا ايضا
في بعض سياسات ولي العهد السعودي،، وهدات نفسه قليلا، بعد ان اصبحت النسمة بسمات تشارك في الحديث،،،،،
والى الغد لنواصل الحديث ان شاء الله،،،
وعلى امل انها اذا سافرت معه لالمانيا تعود الينا ولا تسافر للسودان،،،،ودعواتكم....يا احبة
مع وافر التقدير والاحترام،،،
| |
|
|
|
|
|
|
|
|
|
Re: النسمة بسمات مريضة، وظلت في مستشفى لينوكس (Re: امتثال عبدالله)
|
Quote: شكرا على المرور الكريم ،، واحتمال كبير يا معاوية ، وعرفنا تلفونك من البروفايل وهو 5875790377 نوصلك
معاه وتتكلم معاهو وتقنعه هذا اذا اشتد الكلام معاهو واصر على سفر النسمة بسمات، ولازم توريه انك من عطبرة وانه
عندك بنات في عمر بنته عشان راسه ما يمشي لبعيد، وهو ايضا يعز ناس عطبرة شديد،،،،لكن اذا الامور مشت تمام ما حنزعجك،،،
مع وافر تقديرنا واحترامنا |
مشكورة بتنا إمتثال،
رقم التلفون صحيح وإذا دعت الحاجة مرحب بيكم كولكم .
سلآمي وتحياتي للجميع طرفكم ...
| |
|
|
|
|
|
|
|
|
|
Re: النسمة بسمات مريضة، وظلت في مستشفى لينوكس (Re: معاوية المدير)
|
معاوية المدير
عارفنك راجل الحوبات
والضل الما بتعوج وبتظلل البعيد والقريب
وانت اخو الاخوان واخو الاخوات، وعارفينك ما بتقصر
..اذا استدعى الامر حنخليك تتدخل، لكن المشاورات ، البقت هادئة ستستمر
حتى العطلة الاسبوعية، واملنا كبير في الاقناع والاقتناع، وبكره حنواصل
ان شاء الله
ولحين ميسرة ومسرة
وتصبحوا على خير
مع وافر التقدير والاحترام
| |
|
|
|
|
|
|
|
|
|
Re: النسمة بسمات مريضة، وظلت في مستشفى لينوكس (Re: ايمن الصادق)
|
والله نعجز عن الشكر والامتنان لدعواتكم واهتمامكم ،،،
وبعد مناقشات حادة ومتواصلة واصرار بسمات على استلام شهادتها الجامعية، تم الاتفاق
على ان تسافر بسمات الى المانيا كي يطمنئن والدها وعمل الفحوصات اللازمة ، وزي ما قال
عمنا الشيخ،it is necessary to look for a second opinion واقتنعنا بوجهة نظره
واقتنع هو ايضا بوجهة نظرنا في ضرورة اكمال بسمات للسنة الاخيرة واستلام شهادتها ولكن
شرطه ان تسافر احدانا مع بسمات ترافقها وتقعد معاها في بون اسبوع وترجع معاها، وخاصة
ما لقى حجز ليها يوم الاثنين، ووافقنا واخترنا ابتهال لترافقها، وعي طبعا مبسوطة لان تذكرتها
ومصاريفها اليومية مدفوعة،،،،وسوف يسافر عم الشيخ يوم الاثنين وبسمات وابتهال يوم الاربعاء
وان شاء الله تعودان الينا بالسلامة،،،،
اما الهدايا التي استلمناها من الرجل الكريم عمنا الشيخ فحدث ولا حرج،،،من شنط اليد الفخمة والساعات
الراقية والعطور ذات الاسماء الرنانة، وفازت احدانا بهاتف جوال حديث كل الايكون باللغة العربية والكيبورد
باللغتين العربية والانجليزية،،،،
ونواصل معكم بعد شوية
مع وافر التقدير والاحترام
| |
|
|
|
|
|
|
|
|
|
Re: النسمة بسمات مريضة، وظلت في مستشفى لينوكس (Re: امتثال عبدالله)
|
وقبل ان نواصل نحكي الطرفة دي لود المدير
خلال مناقشاتنا وبعد خلاص قربنا نصل لاتفاق ان نسمات ترجع من المانيا ، قلنا ليه يا عم الشيخ نحن
كان عندنا خطة اذا انت عصلجت واصريت على رايك العجيب انو ندخل ود المدير واسطة خير، والحاجة العجيبة
ما سالنا منو ود المدير وبتعرفو من وين ، ولكنه رد، خلاص مافي داعي تتلتلو ود المدير يجي لغاية هنا ، واساسا انا
ما برفض طلب لبسمات،، وهنا عرفنا انه اعتقد اننا سنجيب ود مدير الجامعة، وسكتنا ولكن الضحكات كتمناها،،، وخليناهو
في اعتقادو....
مع وافر التقدير،
| |
|
|
|
|
|
|
|
|
|
Re: النسمة بسمات مريضة، وظلت في مستشفى لينوكس (Re: امتثال عبدالله)
|
احمد عالم
والله يا احمد نحن اتعودنا على زحمة نيويورك وما اظن نقدر نعيش في اية مدينة تانية غيرها
في امريكا ..نيويورك احسن مدينة في امريكا ، بل احسن مدينة في العالم اجمع، وفعلا جوطتها
كتيرة ولكنك لا تسعر فيها بملل او زهج ابدا، ففي كل لحظة وكل دقيقة وكل ساعة وكل يوم شئ جديد،،
وشكرا لمرورك الكريم ودعواتك وامنياتك الطيبة،
مع وافر تقديرنا واحترامنا
| |
|
|
|
|
|
|
|
|
|
Re: النسمة بسمات مريضة، وظلت في مستشفى لينوكس (Re: امتثال عبدالله)
|
ناصر جامع
تحية طيبة
شكرا لمرورك الكريم ودعواتك من اجل ان تستعيد بسمات صحتها،،
وكمان والله فرحنا لاختك الدكتورة فردوس من قلوبنا، ونجاحها نجاح لجميع
السودانيات في بلاد الغربة، وكمان فرحنا والله لاختنا بت صالح التي اصبحت نائبة
في برلمان ايوا، وعقبال الكونجرس يا رب،،،
مع وافر الاحترام والتقدير
| |
|
|
|
|
|
|
|
|
|
Re: النسمة بسمات مريضة، وظلت في مستشفى لينوكس (Re: امتثال عبدالله)
|
عز الدين عباس الفحل
اهلا يا الغالي انت يا عز الدين،
والحمد لله الجيت،، عشان كان ما جيت، كانت النسمة زعلت،،،ليييه؟
عشان هي في الوعكة بتاعتك كانت من الحاضرات بالدعوات الصالحات
..وحمد الله على السلامة يا ملك يا اصيل،،،
وشكرا لمرورك البهي
ومع وافر تقديرنا واحترامنا
| |
|
|
|
|
|
|
|
|
|
Re: النسمة بسمات مريضة، وظلت في مستشفى لينوكس (Re: محمد حامد)
|
الطيب ود شيقوق
سلامات،
بنتكم بسمات دي دايرة فترة راحة من دوشة وجوطة نيويورك في ارض البطانة عندكم في
في خيمة مافيها كهرباء ولا نور ولا ادوات ترفيه ولا تلفونات لمدة شهر كامل وتشرب كل يوم
الصباح كبابتين من لبن الجمال وتصوم عن الاكل وتتفرج على الطبيعة ، وكانت حترجع سالمة
غانمة،
وشكرا لمرورك البهي ، وشكرا لدعواتكم وامنياتكم،،،
ومع وافر تقديرنا واحترامنا،،
| |
|
|
|
|
|
|
| |
على محمد على بشير
Amira Hussien
على عبدالله بشير
Kabar
Anas Babekr
طارق عبد الله
طلحة عبدالله
منتصر عبد الباسط
محمد عبد الله الحسين
nour tawir
Saifaldin Fadlala
الباقر ابوبكر ابراهيم
Sudany Agouz
د.محمد حسن
معاوية المدير
Hassan Farah
علي محمد الفكي
ايمن الصادق
Mannan
محمد حيدر المشرف
محمد حامد
osama elkhawad
فيس بوك
تويتر
انستقرام
يوتيوب
بنتيريست