( إرهابي مسلم ) ... يدهس 8 اشخاص في نيويورك ...

Quote: الناس ماسكة فى ارهاب دى زى حكاية الزول اللى لقى مرتو مع واحد فى السرير قال ليها والله بعد كده ما فضَّل ليك الا تشربى سجاير. يعنى شراب السحاير بقا عنده هو المشكلة والجريمة الكبرى. الارهاب نتيجته ازهاق روح انسان حى القتل فى انداية فى استاد كورة فى حفلة ايضاً نتيجته ازهاق روح انسان حى. يعنى حا تفرق شنو مع ذوى المقتول اذا قتله ارهابى ولا قتله زول فى شكلة؟ حا يجوا يقولوا والله الحمد لله ولدنا انقتل فى شكلة ولَّا فى انداية وما انقتل فى حادث ارهابى ؟ القتل ارهاباً يُفسد الطُّمأنينة العامة ,, ومايسمى بالـ Serial killer ايضاً يُفسِد الطمأنينة العامة ,, القتل حرباً يُفسد الطمأنينة العامة .. للاسف أصبح مُستَقِراً لدى الكافة انه طالما كان مرتكب الحادث مُسلِماً فالقتل تمَّ باسم الدين وبالتالى يكون مرتكبه قد تجاوز مرحلة القتل الذى لم يتم باسم المعبود ووصل الى مرحلة شرب السجاير ,, اما لو كان فى مرحلة النوم مع المحارم فى السرير It's OK المهم أن لا يكون القتل قد تم باسم الدين وعلى وجه التحديد الدين الاسلامى لتزول عنه صفة الارهاب ,, وما تقسيم القتل الى ارهاب والى قتل عادى الا كتقسيم الناس الى ابيض واسود وايحاد فكرة أن الابيض افضل من الاسود حتى يكون الاسود تابعاً للابيض . راجعوا البوستات اللى كتبت عن حادث لاسفيقاس الاخير لتَروا الفرق يعنى الناس الماتوا فى الحفلة ديل يحمدوا ربهم عشان ما قُتِلوا فى حادث ارهابى وما قتلهم مسلم ,, ويبوسوا يدهم ورا وقدام ,, والميديا تنوم ملئ اجفانها والناس تمشى المراقص والحفلات مطمئنة لانه داك كان حادث معزول وما حا يتكرر تانى لإنه ما أرتُكب باسم الله او الدين (ومرتكبه ما كان راجىمن وراه الجنة) عشان كده عيب نقول عليه حادث ارهابى ,, طالما الزول الارتكبو ما مسلم يبقى حاشاه الارهاب. وناس تموت ولا حد نقول عليه ارهابى.