|
|
 Re: © من شر البليلة ما يفقع من الضحگ π√و (Re: دفع الله ود الأصيل)
|
® ضبانة ضگر π√
{88}
®. طيب وكت فتحنا مع الناعم هاگم دي:
واحدة عاملة فيها ضبان ضگر , بتجسس على راجلا
أبو عين زايغة. أخونا عامل مشفر موبايلو على بصمة
أصبعو السغير ؛ لقتلو نايم يشخر ..شالت أصبعو بصمتو
ليك علي الگيبورد، و فتحت الشاشة بالرمز السحري،
عشان تشمشم الشمار و تگشف الأمور.
© أها و گتين خز من لگزتا.. انبطحت أرضن سلاح..
لامن شافت تاني زولك هجس رقد و عاود ا لكرة للشخير،
قامت تاااني تهابش و تبحت سوت عوسا تب في الموبايل
و شافت فيه جبل الرجاف الما بنشاف ظاطو.
و يلا عينك عاد ما تشوف علا النور.
| |
 
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
® فراق الطريفي لي جملو π√
{89}
(فراق الطريفي لي جملو)!!!
® إذ يحكى أن عمك الطريفي هذا كان رجلاً حِبِّيبَاً
و عينه (زائغةٌ) ما بنلاها علا التراب لدرجة يموت في أجواء الطراوة والخضرة ، و يضرب أكباد الإبل لمجرد أن أن يظفر بلمحة بصرٍ من وجهٍ حسنٍ.
© و قد فعلها ذات مرةٍ ، يوم أن رأى ذات خرجةٍ له مهرة عربيةً جموحاً، و لكنها أصيلةً و مصونةٌ بحيث لا تبارح خدرها. فراح يتردد على دارها مدعياً براءة مقاصدة و سلامة نواياه، بعفوية سؤاله عن رب بيتها. و حيث درجت هي على تمنعها في وجهه، و بالتالي صدها إياه في كل مرةٍ بقولها:إن أبا أولادها موجودٌ في الجوار.
@و حيث لم يمل الرجل أو يكل متنه من جـراء
(كثرة الطلة المسخت خلق الله) ، إلى أن ضاقت المرأة به ذرعاً. حتى إذا فاض بها و قد طفح الكيل و بلغ السيل منها الزُّبى. شكت أمر تردااد هذا المتطفل عليها، لزوجها، و الذي نصحها بدوره إن توحي إليه بغيبة صاحب الدار، فتتماثل له بالتالي بإبداء الرغبة في إستضافته.
∆ و ما أن سمع الرجل صوتها رخيماً ، تدعوه كي يتفضل بالدخول ، إذا به يكاد يقفذ ليطير فرحاً و قد طارت نفسه شعاعاً ، إذ بدأ يتنازعه مزيج شعورٍ بين الخوف و الرجاء.
¶ و قد أناخ بعيره و عقله و توكل على شيطانه؛
ثم جلس خائفاً يترقب؛ و ينتظرها ريثما تتهيئ له، حيث مرت به لحظات و گمان ساعات من خوفٍ و رجاء ، شعر بها و كأنما تتطاول به إلى سنين ضوئية ، و هو على على أحر من جمرن تهبُّه سمائم الهبباي.
¶ إلى أن قطع عليه شريط أحلام يقظته في تمام خلوته صاحب الدار و ناداه هاشاً باشاً كعادة العربان في الاحتفاء بضيوف هجعتهم ؛ خاصة و قد علم بكثرة تردده على داره و سؤاله عنه قادما من سفر قاصد. و لكن لما لمح شيخ الطريفي شيئا يلمع في يد مضيفه گأنه سلاح أبيض، ابيضت عيناه من الدمع، و سُقِط في گلتا يديه ، فراح يبحث عن ريقه الذي نشف (درابة) على لسانه كما الزيت على ظهر صفيح ساخنٍ ، و هو يتلعثم بالكلام باحثاُ عبثاً عما يقوله ليتخارج من موقفٍ موتٍ أو حياةٍ لا يكاد يحسد عليه. إلى أ ن قال لصاحب الدار:
- " و الله يا شيخنا ، أنا أصلى جاي أقدم ليك جملي البارك برة دا هدية سااااي عربون خوة بيناتنا في الله".
¶ فما كان من الرجل إلا أن شكر له حسن صنيعه.
و قال: "بما أنه لا جزاء للإحسان إلا الإحسان، فوالله لن نتركك حتى نقدم لك ذبيحةً لنحسن بها وفادتكو نكرم بها مثواك (الأخير) إن شاء الله.و بما أنه ليس بملكنا سوى بعيرك هذا/ سننحره لكو نطعمك من كبده. ثم استل سكينه و نحر جمل عمك الطريفي أمام عينيه؛ و قد تنفس هذا الأخير الصعداء و هو يقول لنفسه: السكين القدر الساطور دي لو ما جات في رقبة جملي كانت تكون في نحري من الأضان للإضان!
¶ و هگذا، خرج عملك الطريفي لا يلوي على شيئ، ببقجة متاعه يحملها على كتفيه و يلوك مرارة الحسرة و الندم على فراق جمله ؛ و لا يوم الليلة. حتى طارت مثلا حگاية" فراق الطريفي لجمله"
********andandandandand********
فَمَنْزِلِيَ الفَضَاءً و سًقْفُ بًيْتِي** سَمَاءُ الله أو كٌتًلُ السَّحَابِ
فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ .
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
® حمار نوم π√
(90)
® حمار نوم π√
® كمان شوف دا قرفان من بعلتو للطيش. فيوم راقدين لصق جنب بعض؛
قام يحدر ليها مبحر فيها شديد ، لقاها مدروخة طافية نور. يلا داير يفش غلو ؛
كار لفوووق و ينعدلك ليها بطالوش أم گف صاموطي لامن عينا برقت.
© المسگينة صحت مذعورة و هو عمل نايم. فيا مؤمنة يا مصدقة ،
شفقت عليه قعدت تقرا ليه في المعوذتين ، و تتفتف عليه؛ قايلاه جاهو
گابوس و لا شايلو حمار النوم. لامن غتتو نام، و هجست.
¶ يلا يقوم تاني يناولا ليك أم صل حار يقلع الضرس. و هگذا
دواليگ. لحدت جضوما شرطنن قامن شيط من الكفيت، گتر عليها.
¶ قامت شاردة منو و قفلت عليه و جات تاني تتاوق لو برقراق الباب
من برة ؛ گان لقتو ليك يفرگ في يدو و يتگشم متل نار القصب،
بنشوة المنتصر.
¶ حتين ي دوبك زولتك وقعت ليها " نظرية القرود الخمسة"
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
® من طرائف مشايخنا الكرام π√
{91}
قال الشيخ گشگ عن عبد الحليم حافظ :(و هذا العندليب عندنا ظهرت
له معجزتين الأولى إنو يمسك الهوى بإيديه والتانية يتنفس تحت الماء ) ..
{92}
® من طرائف مشايخنا الگرام د€âˆڑ.
{ فهي ساعة .. و ساعة}
® من أطرف مواقف الشيخ عبد ااحميد كشك:
© * يروى أيضاً عن الشيخ أنه قال: (الظلم تسعة أعشاره عندنا في السجن ،
وعشر يجوووووب العالم كله ، فإذا أتى الليل جاءوا به ليبيت عندنا ؛ عشان خاطر يتعشى معانا سوس مفول (لگون السوس غالب على الفول) ..
{93}
الشيخ عبد الحميد كشك يرحمه الله گان معروفما بشدة عناده و دماغه الناشفة ،
حتى و هو في أحلگ الظروف: فيحگى أنه في فترة اعتقاله تعرض للاستجواب
مصحوبا بضروب من التعذيب و التنكيل على يد الضباط، حتى ساحت رگبتاه ،
فلم يقو على المشي فقام أحد عساكرهم ، و قد رثى لحاله، ليحمله على ظهره
لكي يعيده إلى زنزانته، فبدأ الشيخ و هو يمتطيه ، بتلاوة دعاء الرگوب و
السفر على متن الدابة: (سبحان الذي سخر لنا هذا ؛ وما كنا له مقرنين) .
(94)
و بعيد توقيع اتفاقية گامب ديفد علي يد الرئيس الأسبق / أنور السادات،
مع الصهاينة و قد شوهدت زوجته جبهان السادات على مرأى من تلفزات العلم بأسره،
و هي تتبادل القبلات الساخنة مع زعيمهم موشيه ديان و لا إسحق رابين لا أدري ، علق
الشبخ گشك على منظرهم المخذي ذاگ بقولته الشهيرة " الله يرحمگ ي جمال ي علد
الناصر يا جدع ي صعيدي يا ناصح؛ دانتا على الأقل كونت لامم عليك مراتگ"
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
{96}
من ﻃﺮﺍﺋﻒ ﺍﻗﺼﺪ ( ﻓﻀﺎﺍﺍﺍﺋﺢ ) ﻔﻨﺎﻧﻴﻦ العداد الرامي -:
∆ مما قرأت وأضحكني حتى بدت نواجذي ، ثم بگيت:
© ﻗﺎﻟﻚ ﻓﻰ ﻭﺍﺣﺪ ﻣﻦ ﻓﻨﺎﻧﻴﻦ ﺍﻟﻐﻔﻠﻪ ﺩﻳﻞ ﻓﻰ ﻣﺪﻧﻰ
ﺑﻐﻨﻰ ﺑﻤﻨﺎﺳﺒﺔ ﻋﻴﺪ ﺍﻻﻡ .. ﺍﻣﻰ ﺍﻟﻠﻪ ﻳﺴﻠﻤﻚ .. ﻳﺎ
ﻣﺮﺿﻌﺎﻧﻰ ﺍﻟﻄﻴﺒﺔ ﺑﺎﻟﺸﻄﺮ ﺍﻟﻴﻤﻴﻴﻴﻴﻴﻴﻴﻦ .. ﺍﻟﻠﻪ
ﻳﺴﻠﻤﻚ .. ﻫﻬﻬﻬﻬﻬﻬﻬﻬﻪ. فما لم أمام الجنة العليا
المنظمة إلا استدعوه للنزول ﻣﻦ خشبة ﺍﻟﻤﺴﺮﺡ
بحرلة مبتگرة، مدعين أن أحدا كان ينتظره لأمر
لا يحتمل الانتظار ﻭ لكت الراحل برضو معذور
لأنو ﺣﻠﻒ ﻗﺎﻝ ﻃﻮﻝ ﻋﻤﺮﻩ ﻗﺎﻳﻞ ﺗﺮﺑﺎﺱ ﺑﻐﻨﻴﻬﺎ ﻛﺪﺍ ..
........
∆ ﻭﺩ ﺍﻟﺮﻳﺢ ( ﺩ. ﻣﺤﻤﺪ ﻋﺒﺪﺍﻟﻠﻪ ﺍﻟﺮﻳﺢ /
ﺣﺴﺎﺱ ﻣﺤﻤﺪ ﺣﺴﺎﺱ ) ﻗﺎﻝ ﻣﺮﻩ ﺑﻴﺤﻀﺮ
ﻓﻲ ﺣﻔﻠة ﻟأ حد الفنانبن و هو يصدح شاديا
بأغنية:( ﺃﺣﻠﻲ ﻣﻦ ﻟﺆﻟﺆﺓ ﺑﻀة ( ﺳﻴﻴﻴﻴﻴﺒﻚ )
ﻣﻦ ﺷﻂ ﺍﻟﺒﺤﺮﻳﻦ ) ﻗﺎﻝ ﺍﻧﺎ وااله ﻣﺎ گان
ﻭﺍﺟﻌﻨﻲ إنو ﻗﺎﻝ (ﺳﻴﺒﻚ )ﺑﺪﻝ( ﺻﻴﺪﺕ ) ؛
ﺍﻟﻮﺍﺟﻌﻨﻲ ﺍﻥ ﻛﺎﻥ ﺑﻴﺄﺷﺮ بيدينو الاتنين بآخر
(ﺟﺪﻋﻪ گدا، يعني الود خلاس ﻗﻨﻌﺍن طب)
في مشهد تمثيليلگلمة (ﺳﻴﺒﻚ).
******((((@))))******
¶ ﻭ ﻭﺍﺣﺪ ﺗﺎﻧﻲ ماسگ (ﺍﻟﺮﻕ )
ﻭ ﻳﻐﻨﻲ ﻭ ﻫﻮ مغرود عويناتو ﻣﻦ
غمرة ﺍﻟﻄﺮﺏ الأصيل ﻭ ﺍﻻﺳﺘﻤﺘﺎﻉ
للنخاعة): ﻣﺎﻟﻚ ﻣﺠﺎﻓﻲﺍﻟﻨﺎﺱ..
ﻋﺎﻳﺶ ﺑﺮﺍﻙ ﻓﻲ ﻏﺮﻓة
¶ و دا گمان صاحبي گمان گنان من عرب تنوب ،
قاعدين بنتغالت في گوبليه من غنوة البلابل بيقولن:
"عشة صغيرة گفاية علينا" أنا شراقي زول بطانة مطلش
للطيش، قلتلو :بيقولن (شاة) سغيرة؛ و هو عامل فيها
تفتيحة مقرم و قليل حيا قال:(فرشة سغيرة گفاية
علينا).المهم طلعنا الاتنين طاشين شبگة.
مع الاعتذار لأية بذاءة،{ إن وجدت}.
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(98)
® لِبَاُس عَمٌّكً الفّرَّانِي €
@ زمان كان الفراني لامن يبدأ الانخراط في عمله اليومي ، بين لتٍّ و عجْنٍ و طبطبةٍ و أيلاجٍ ثم إخراجٍ للطاولات محملةً بشطائر الرغيف الحار، بيكون مسخن شديد ،بالذات أثناء تعرضه وجهاً لوجه إلى حمو نيران التنور.
© ف بيضطر يخلع ملابسه الداخلية لزوم التنفيس عن نفسه و تَفَادِيا لالتصاقها بجسمه بفعل السخانة و العرق و كدي .
and فلامن مرات يقع خلاف بينه و بين رب العمل ، لحد ما يصلو إلى درب مسدود و يختوه ليك قرض، و لامن يبقو مع الحركرك، يقوم الفراني يطنقر ، يقبض آخر يدو و يلبس لباسو و يبقى متخارج؛ يخلي للزول عجينو مجمبع. كان دا بمثابة جواب رسمي و شعبي لتقديم استقالته نهائياً.
@ في مثل هذه الحالة ، قد يلجأ سيد الطابونة إلى الأجاويد ليتدّخَّلوا لإنقاذ الموقف. و يلا، تبدأ ليگ التحانيس مع عمگ الخباز . فمسلن يقولولو
و بكل عفوية وحسن نية : ياخي كدي إتا أولن استهدى بالله و (أملص) لباسك ، و خلَّنا نقول: رجعنــــاك في مسمـــاك، عشان(تشوف شغلگ)
فا شايف كييييف؟!!
Abdalbaghy Micheal گتب:
إستقالة إرتجالية مُبسطة ومُحكمة إتخايل حال العجانيين والعجين لامن يفور-ويقولو للطولجي أرفع والفران مافي-خايتو الأفرام الإدارة الدكتاتورية ما بنفع معاهُ...
Abdalbagy Micheal ،
[}> أريت حالگ زبن يا بقة. و أحي صمودگ معنا ، قابضين على جمر البقاء هنا عبر مروج "همس البنفسج" و الذي بات يشگو قلة فئرانه.
© طبعن زي ما قتا ليگ ناسنا ديل عباقرة منسيين ، بس ما لاقيين جهة تتبناهم. ف گدي هاگ اسمع الجاية دي و أدينا رأيگ بعدين:
@ قالک: أيام أبعاج/ جعفر نميري ..في الأبيض كان في مواطن شيوعي معروف اسمه عبدالله الحيوان لقي طلبة خورطقت الثانوية طالعين في مظاهرة طوالي دخل و سطهم و بدأ يهتف:
- " لن يحكمنا طيش حنتوب " ناس الشرطة عارفينو طبعا و طوالي قبضوه و جابو المحكمة ... و دار الحوار التالي بين القاضي و المتحري الذي اعتقل عبدالله الحيوان.
- القاضي :"الزول دا اعتقلتوه ليه"
- المتحري:"و الله يا جنابو كان بيهتف سيادة ضد الرئيس "
- القاضي :"حدد بالضبط كان بقول شنو؟"
- المتحري "كان بقول لن يحكمنا طيش حنتوب "
- القاضي:"و طيش حنتوب دا منو ؟"
- المتحري هنا ضرب الجرسة طبعا ما يقدر يقول جعفر نميري .
- قال للقاضي :والله ى جنابك مابعرفو ".
- القاضى" طيب قبضت الزول دا علي اي اساس ؟"
- المتحري :" قبضتو لانو شيوعي "
- القاضي "وعرفتو شيوعي كيف؟"
- المتحري:"بي شنبه الكاجة دا"
في النهاية المتحري ادوه درس في الأخلاق و اطلقوا سراح عبدالله الحيوان .
- المتحري برا المحكمة قال ليهم "علي الطلاق القاضي دا ذاتو شيوعي .
����������
Abdalbagy Micheal, أخونا بقة
الزول الموسوعة و الراجل الحمش، ياخي و الله دايمن ليك علينا و في ذمتنا يد سلفت و دين مستحق. و طبعن لروعة گلامگ الديگ/تا/تور/ ية في أي شيء ما بتنفع. و الفراني هنا عارف وكت حوبتو ، و متين (يلبس) و لا (يملص) سروالو. وقدر يمسگ سيد الطابونة من إيدو البتوجعو.
^^^^^^^^^^^^^^^°^((((++}}}}^^°^°°°°°°°°°°°°°°°°°
كتب سالم عبدالله قطبي:
دي ما سمعنا بيها قبال كدي. ..هم خبازين الجزيرة ديل. .كانوا متحضرين ...للدرجة دي...! عداك. .العيب. .يا خوي. ..أتاري الشجر الكبار فيه. ..الثمر. ..صحيح. .
[}> عمنا الوريف Salim Abella Mohammed Gotbi,
طبعن إذا من تالا گدي فهم بالتاگيد متحضرين و (جاهزين) موية و نور. عمومن هي طريقة مبتگرة و بلدية خالس، لإبرام و (فسخ) العقود لزوم (الشغل). و زي ما گلو شيخ و ليهو طريقتو ف گلو عيش و ليهو خبازو.
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
{99}
( خذ الحگمة من خشوم المشكنبين)
# دا واحد مجنُون مَقَيدْ في مَسِيد الهِبِيْكَة.
قام جاتْ واحدة من (طالبات الذُّريةِ)
لَدى أَبُوي الشَّيْخ، الذي انزَوَى بِها
في رُكْنٍ قَصِيٍّ ، من خَلْوَتِه
(لُزوم الخُصوصيِّةِ التَّامة، وكدا)
)ِ مُتَجاهِلاً وُجودَ أخونا ذاك المُشَكْنِب ،
و الذي يَبْدو أنه كان بالعَكْسِ، في كامِل
قِواهُ العَقْلِية المُعْتَبَرَةِ شَرْعاً و قانوناً
و لَكِنْ قالوا بَسْ:" شَقي
الحالِ يَقَعُ في القَيْدِ".
© فالشَّاهِدُ أنَّهُ شاهَد بأمِّ عَيْنَيْهِ،َ
سيدنا الفكي المفترس يفعل بتلك
اليَمامَةِ،ما لا يسر عَدُوُّا و لا صَليحاً.
مِمَّا دفعه لفُقْدانِ أَعْصابِه،ِ ليُطْلِقَ صَرْخَةً
مُجَلْجِلةً و هو يَضْرِبُ كَفَّاً بِكَفٍّ:" واللَّه
عادْ أكان فَتَحْنا خَشُمْنا دا نضَمْنا يَقولوا
عَلَيْنا مَجانين ، و كان انطَمَيْنا سَكَتْنا،
أها الهِبَيْكَة غِرْقَتْ". فااا باللَّه ماياها
دي زاتا" شَرِّ البَلِيْلَةِ ما يُضْحِكُ"
ود الأصيل(Abersabeel)
و بَعْضُ النُّفُوسِ ** كبَعِضِ الشَّجَـرْ
جَمِيــــلُ القَـــوامِ ** رَدِيْءُ الثــَّــمَرْ
وَ َسبْرُ النُّفُوسِ *** كَصم الحجارة
فَمِنْهَا كَرِيْمُ نَّفِيْسُ وً جلمود صخـرْ
و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
تمامة ال(100)
® من طرائف مجالس التعايشي ود تورشين£
الخليفة عبد الله التعايشي ذات لحظة صفاء كان في
مجلسه بين وجهاء أم درمان .. فقال لهم مستأنس:
في واحد بخاف من الله وما بخاف مني ..
وواحد ما بخاف من الله لكن بخاف مني..
وواحد لا بخاف من الله ..ولا بخاف مني
.. فتعجب القوم (دايرين يتعجبوا ساي) واستغربوا ونظروا لبعضهم البعض ..
ثم يمموا وجوههم شطر الخليفة مستوضحين ومستفسرين .. فابتسم الخليفة ونادى أحد ملازميه
ونهره قائلا : امش لي الشيخ محمد ود البدوي ..قول ليهو الخليفة دايرك هسع .. وشوف بقول ليك
شنو. و بعمل شنو ..وتعال بسرعة كلمني ..ولاتزيد ولا تنقص.. أمش.. فخف الملازم مسرعا الى
الشيخ ود البدوي (جد سعاد الفاتح البدوي) .. وجده في حلقته يدرس طلاب العلم ..فوقف امامه قائلا:
يا الشيخ ود البدوي الخليفة قال دايرك هسع.. فلم يغير الشيخ البدوي من هيئته ولا مجلسه الا ان قال له:
قول لخليفةك ود البدوي عندو درس هسع يخلص منو وبجيك .. ثم واصل في درسه غير عابئ
باندهاش الملازم .. فقفل الملازم راجعا الى الخليفة وأنبأه الخبر : ماذا قال للشيخ ود البدوي
وما كان رد الشيخ ود البدوي وهيئته اثناء الحديث فالتفت الخليفة
الى جلسائه قائلا : هذا يخاف من الله ..ولا يخاف مننا ..
# ثم ان الخليفة ارسل نفس الملازم الى شخصية أم درمانية مشهورة اخرى..
فقال له نفس ما قال في السابق .. فاسرع الملازم اليه ..فوجده يتوضأ على تبروقة
(والتبروقة هي الفروة أو برش الصلاة) وقد غسل رجله اليمنى وتبقت له اليسرى فرفع
ابريقه ليغسلها .. فانتصب امامه الملازم قائلا : يا فلان الخليفة قال بدورك هسع.. فانتفض
الـــ(فلان) ورمى الابريق قاطعا وضوءه ودخل ليلبس قفطانه استجابة لأمر الخليفة هنا
اسرع الملازم قبله الى الخليفة واخبره الخبر.. فقال الخليفة لجلسائه وهو يشير
الى القادم مسرعا : هذا يخاف من الخليفة ولا يخاف من الله ..
# هنا ازداد شوق الجالسين لمعرفة الاخير .. فهمس الخليفة للملازم
أن اذهب للنـــــــور عنقرة ..وقول ليهو الخليفة دايرك هسع .. فاسرع الملازم
إلى دار النور عنقرة .. فوجده جالسا ,امامه برمة مريسة رافعا عبارا الى فمه ..
فوقف أمامه وقال له : سيدي الخليفة قال دايرك هسع .. فقال له النور ناهرا وسابا
أبيت ماني جايي .. ثم جره اليه واجبره على شرب عبار .. وكانت المريسة في عهد
الخليفة ممنوعة تماما في ام درمان وخصوصا لقادة الجيوش .. مما يعد مخالفة كبيرة
... وبعد إجبار الملازم على شرب كمية كبيرة من المريسة ، وهو راجع الهوا
ضربو ...وصل الخليفة ووقف بعيييييييييييد عشان ما يشموا فيهو الريحة..
قال ليهو: { هاي.... النور عنقرة قال ليك ماني جاي...}
الخليفة قال ليهو { سيبو النور عنقرة ... تعال إنت}
قال ليهو {و أنا ذاتي ماني جاي} ولم يلبث الا قليلا حتى ظهر النور عنقرة
راكبا فرسه ولاوبسا دروعه .. فقال له الخليفة ضاحكا : اقيف آ النور .. مافي شي
.. ارجع .. ثم التفت الى جلسائه قائلا : هذا لا يخاف من الله ولا يخاف من الخليفة.
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(101)
® المنحوسπ√
مع أزمة المحروقات الحاصلة،
بتاع حافلة شاحن ناس ماشين لفاتحة،
ما فاضل علا گرسي فرد واحد فاضي؛
و حالف بالتكطعو علا يغلقا لحدت فوق
صبارة الموية. قالولو: اتحرگ بنا، مابي ،
الشاهد ، لامن شافولم زولجاي عليهم
مشرقط يجقلب من يعيد لاحقم يناهف نفسو
قايم.السواق قال: خلاس نرفعو و نقوم. قالولو:
ياخ الزول دا بالذات نحنا عارفنو منحوس و خايب
رجا ، بقلبنا يعدمنا طافي النار . قاللهم مالي نا و مال
نحستو لازم حافلتي تملا فل. أها الزول من قرب قعد
يصفق لهم و يكورگ : انزلو هوي ها أنتو الراگبين
منجعصين لها شني. ترا هداك زولكم الماشين
تشيلو فوقو الفاتحة قالو قام شديد يتلتل.
يلا جماعتگ وررر فضولگ الحافلة و خلو
لگ صاحبنا خشمو ملح ملح. و قالولو:
يلا هاگ خم، دا الطمع ودر ما جمع.
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(102)
لا يصر أحدكم أن يظل ديكاً
{ أريتا دي عيشتن تطير ياخي!!}
[}> يحكى أن ديكا كان يتوعي (يؤذن)عند فجرية كل يوم...
فأتى صاحب الدار براه متحيل وقال له : لا تعوعي مجددا
فقد أزعجتني و اقلقت منامي وإلا سأنتف ريشك و نأكلك.
[}> خاف الديك و ضرب خماسي في سداسي في نفسه:
الضرورات تبيح المحظورات ..و من باب ترجيح المصالح
الشرعية أن أترگ الخدمة حفظا لماء وجهي ..فهناك ديكة
غيري تؤذن بكل الأحوال. ثم الأذان ظاطو راخي فرض
كفاية لا فرض عين ، وتوقف الديك عن العوعاي.
[}> بعد أسبوع جاءت صاحبة الدار و قالت له:
إن لم تكن تؤذن فما فائدتك ، فلا انت ديك ولا دجاجة
فيا إمتن دبگ تعوعي أو جدادة تگاگي. والا سأنتف
ريشك و ناكلك.......
[}> أيضا تنازل الديك واختار أهون الشرين.
قال " و لا تلقوا بأنفسكم إلى التهلكة " فأصبح
يگاگي كالدجاجات خوفاً من صاحبه الذي قال له
من قبل لا تؤذن ...
[}> بعد شهر قال له صاحب الدار: أنت تگاگي
كالدجاجات الآن، فيا إمتن تبيض كالدجاجات
ماذا و ألا سأذبحك غدا و الباقي عارفو براگ!!!!
[}> عندها بكى الديك وقال ياليتني مت و أنا
شهيد أرفع النداء لصلاة الفجرية.
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: امتثال عبدالله)
|
مساگم الله بالخير امتثال و كل المعاگم.
بس أوعة گمان تگون واطاتگن هناگ يا دوب
صبحت. ياخي والله البوست دا لو مگتوب
ليه البقاء فبوقود حيوي بقوة حصانية ذات
دفع رباعي، ظللتم دوما تنفحونا بها منذ قدمنا
لنععم بالعيش سعداء بيناتكم. مع أعمامنا ناس
علي الگنزي و ود الحسين ، و اللي شكلهم گدا
زي حردانين مني الأيامات دي موش عارف.
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
{103}
[}> على ذگر التعايشي، فطبعن دا بقودنا برضو لسرد
نوادر مما كان يدور في أروقة بلاط الخليفة عبد الله
ود تورشين. و بعضها طارتأمثالا و لها مضارب. و هنا
و هنا واحدة منها اخترنا لها عنوان :"الفيلة دايرالا رفيقة"
© فيقال إنه كانت له فيلة شابة ترتع و تلعب و تعوثخرابا
في مزارع الرعية و لا حد يقدر يقول لها تلت التلاتة كام.
∆ و ذات مرة دخلت مزرعة أحدهم و كان من الصنف الأحمق
(الما برضا الحقارة) فلامن شافا تبرطع يمين و شمال ، قام (يناحيها) بعيدا عن حمى حقله. و لما علم أنها لخليفة المهدي، كبرت في دماغه؛
و مشالو يشكيلو أمره. فلامن دخل عليه و بدأ يتذمر من الفيلة.و لكن، مما لمح الشرار يتطاير من عيون الخليفة و نهره: الفيلة مالا قول مالك:
¶ أها زولك ظرط ريقو مرتين لقاهو يابس كو بس درابة؛ أها و قعد
يتلبج و يتراجف ، لامن عرق و جف و ركبينو ساحن و الگلام
طار ليه من راسو قال ليه: "الفيلة دايرة ليها رفيقة".
و يلا من يومو داگ بقالو بدال الهم همين.
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
{104}
طبعن قالگ: الظريفة في حكاية الفيلة دي، انو المزارع،
گان متفق مع بقية جيرانو انو يمشوا معاو للتعايشي المرعب
هو يبدأ الكلام معاه بالفيلة، ولما "يزأر" التعايشي: مالا الفيلة،
يقومو الباقين كلهم يبدو الشكية من عمايل الفيلة. لكن أولما
بدأ الكلام قدام التعايشي بالفيلة، و داگ بنهرة، قالاو مااااااالا
الفيلة ، اتكلم!/أها زولگ أتلفت وراو على االبافين يشيلو
معاو، لقاهم راقدين رز و گاطعين موية ونور، فشعر
بمهانة في وش التعايشي برااااااااو، فقاللو: يا سيدي
خليفة المهدي، الفيلة انا رأيي انو تجيب ليها فيل
يونس وحدتا، بدل ماهي قاعدة براهاّ
∆ مسمار جحا:
علا لاكين برضگ ماتمو لينا الحگاية،
نعرف ظاكو عمگ التعايشي دا، هل فعلن
بي صحو گان جادي يرسل وفد (لماليزيا)
يستوردو فيل ضگر مخسوس عشان يونسلو
فيلتو الحنگوسة الدلوعة و لا لأ؟! فياخ غايتو
بس فاضل نقول: ما أشبه لتلبتنا ببارحتهم.
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
قرأنا في تاريخ السودان الحديث ان الخليفة عبد الله التعايشي كان حاكم صعب شديد ومخيف ويهابه الجميع وانه كان دكتاتور رهيب وقراراته اوامر يجب تنفيذها فورا ودون نقاش..ولا نعرف صحة هذه المعلومة ..والحاجة الغريبة ان ود إسماعيل كاتب بوست يقول ان السودان محتاج لحاكم زي الخليفة عبد الله التعايشي ..ولا نعرف ماذا يقصد ...
مع وافر التقدير والاحترام
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: امتثال عبدالله)
|
موش قصدك صديقنا اللدود الودود المدعو/
إسماعيل عبدالله محمد ، يا زولة ما عليگ منو دا ،
مارقنا گوانا بس شوية جلابة مونساتية طالقي
بخور و حملة أباريق. و قصدو بحكم ودتورشين
يعني يلحسنا گوعنا أكتر ممانا لاحسنو هسي.
عمومن گدي لامن تصحو و تشربو الشاي،
بجيكم مقبل، نونسگم نوادر من جراب
التراثرات و من سحارة حبوبتي.
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
{107}
طبعن القصة متداولة بروايات شتى ، شأن الأدب الشعبي، حيث لا أب له و لا وريث.
¶ و عندنا واحدة بطلا واحد درويش اسمو /فكي بلة. دي بالذات واصلاني بسيناريو نهايتو
هزلية و مضحكة شوية. قالو على أيام موقعة شيكان، كان بقول إنو الانجليز ح يهزم (جهادية)
خليفة المهدي/ عبد الله التعايشي ود تور شين. رغم أطماعه العريضة في سبي و (أسلمة)
ملكة التاج البريطاني ؛ و من ثم الزواج منها. حتى قيل إنه بعث إليها بكتاب عنوانه
( أسلم تسلم) و أرفق معه سرواله. المهم دي درامة أخرى و طويلة.
¶ فما علينا؛ و نرجع لفكي بلة ، و الذي اقتادوه مكلبشا إلى مجلس الخليفة
ود تورشين، الذي كان جبارا عتيا، و ذو بأس شديد. فارتعدت فرائص الفكي
لما نهره الخليفة؛ و أمره ليردد على مسمعه ما نسبوه إليه.
- أها كنتا بتقول في شنو ياااا فكي بلة؟!
قام فگي بلة بتراجف و قاللو - لا لا ي خليفة المهدي ، أنا أنا كنت
بقول ليك أمي بتسلم عليك و داعية ليك بالنصر المؤزر على علوج
ملكة التاج البريطاني، و إن شاء الله عاد تعرسوها لينا عاد كان بقيت إتا
ولا كان يونس ود الدكيم بتاعك. فا شايف گيف بالله ، نظام المخارجة!
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(109)
اقتباس المشاركة الأصلية كتبت
بواسطة أبو خالد مشاهدة المشاركة.
ههههههههه
زكرتني النسوان النضمااااات الركبن
مع أبو داوود في عربيتو. فزهج منهن
و گان ماكللو راس نچيفة باسم فقام فك
ليهو عطورات نفاذة و يلا بقي يحدر
للحروم عليك أمان الله تمممم سكتن ،
تاني لامن نزلن بغم ما قالنها.
.........
يجازيك ي بو خالد، و تراني
ماني ختيان عليگ طعلت موية من
تحت تبن و ايا ما تحت السواهي دواهي
ياخي بكداماوديتنا حتة تانية خالس.
[} عمومن برضو طريتنا بتاع اللمجاد داك الكانت
أمورو مكركبة شوية و ركبن معاه جكسويات ظوراف
كدي و سنة ناعمة خلاس ، و ماهن شبه بهدلة فكل ما
أخونا دا بطنو تموصو ليك و تجيه نفحة عطورات يفكها
بنگهة(ثاني أوگسبد اللعوتيگ) و يلا يقوم يرتا في حالن
و يضرب ليك بوري طويييل كدا برا شغلة، بس عشان يغبي
اللتر و كدي .علا هو نان شغلو داك هو عاد أتر نصاحن بغبى
عليهن! فقامن لامن فهمن االسبب و بطل العجب.و بس لامن
فجأة ظهرت ليهم سخيلة متعارضة في الطريق، قالنلو:
ي عمو السخيلة الماشين عليها دي عليگ الله گان ما
صدمتها عدييل، أكتلا ساي و نحن بنغرم دِيَّتا.
علا عليك الله بس تعمل فينا معروف و
تختينا جنس (ريحة بوريك العفن دا).
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
{111}
أبوداؤد كان في حفلة وكان الصف الأول
كله نساء من ااعبار التفيل و وزن الفيل كل
واحدة أسمن من التانية و بعد الاغنية الاولي
طلبو منو أن يغني أغنية (فريع البان) قام
عاين ليهم و عاين للصف الأولوقال ليهم :
فريع البان عاد وين و كيف مع (قعور)
شدر التبلدي المرصوصات لينا ديل.
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
والله وصلتني طرفة اليوم بالواتساب تفقع من الضحك بالجد...ولينا هسع ساعتين بنضحك وما قدرنا نقيف لغاية ما واحدة فينا شرقت..وجبنا ليها موية وقطعت الصيام...
والنكتة بتقول ..
ان واحد شايقي حول رصيد بالغلط لزول ما بيعرفه ..ولكن في النهاية استطاع يرجع قروشه مضاعف...وهو يحكي القصة ويقول:
اليوم حولت رصيد ٩٠٠ جنيه لزول ما بعرفه واتصلت في الرقم اكثر من مرة عشان يرجع لي الرصيد ولكنه ابى يرد ،،وفي الاخر لما فقدت الامل رسلت ليه رسالة وكتبت في الرسالة الاتي :_
الاخ العزيز/ الاخت العزيزة
يشرفنا ويسعدنا قبولك الرصيد ونود ان نبلغك انك اصبحت عضوا رسميا في تنظيم الدولة الاسلامية داعش في العراق والشام والسودان ، وانت الشخص الثامن والتسعون ممن انضموا الينا خلال هذا الاسبوع..
وباذن الله سوف يبدا تدريبك غدا ولا تقلق فسوف نصل اليك في مكانك ونحن نعرف اين انت ، ولكن اذا لم تكن لديك رغبة او لديك ظروف حالية تمنعك من التدريب والالتحاق بالمجاهدين في سبيل الله فما عليك الا ان تعيد الرصيد الينا لانه مال مخصص للجهاد في سبيل الله .
التوقيع
اخوك في الله
ابو الحارث الشيشاني
..وبعد خمسة دقائق فقط وصلني الرصيد مضاعف ورسالة مكتوب فيها ما يلي:
اسف والله يا اخي الموبايل كان في الشاحن وانا ضاعفت ليك المبلغ مساهمة مني لكم في الجهاد ،، اسف كثير على التاخير ،
وللعلم انا انا معاق وعندي شلل رعاش ، ووفقكم الله ورعاكم.
غايتو يا ود الاصيل احتمال نستمر نضحك لغاية نهاية الشهر من هذه الخطة الجهنمية لاستعادة الرصيد....
ودمتم بالف خير وصحة وعافية ،،ورمضان كريم وتصوموا وتفطروا على خير..
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(113)
غايتو محن الشوايقة لا تنتهي.
فلو ديك مسموعة نديكم تاني واحدة.
قالو أبو الشوش مشى السعودية شعال مع كفيل
و سارح لو بي الإبل . كم سنة ما أداهو و لا قرشن
أحمر و مانعو يسافر يشوف أهلو. فيوم عصلك معاهو وقف
لو بس كنوجارة قاللو ماشي أهلي و تديني حقوقي هسي على داير
الملين تمرقن لي إن شاء من ود عينك. العربي داير يتغاتت عليه.
مشى بلغ فيه ناس المباحث عشان يتخلص منو يبعدوه ليه أبطاو و النجم.
فادعى عليه قاللهم الزول الراعي المعاي أنا متهم و بي سعر و هداك معضي
لي ناقة عاداها بالسِّعَر. ناس الشرطة جو معاه بسلاحم قالولو: يلا ورينا الناقة
العضاها. قام عمك شاف لو واحدتن ضعيفة بجغورة كداي لامن روحا منسلة
و كملانة من لحم الدنياو أصلن قنعان منها. قامو طاخ ضربوها رموها ميتة. يلا
أبو الشوش داير يوريهو جنس الغتاتة الما سمع بها.قام سوالو نظام عليًّ على
أعدائي قاللهم يا جنابو دي ميها الناقة الأنا عضيتاتعالو النوريكم العضيتن ،
يولا عزل لهم عشرة نياق من أجود حُمْر النعم العندو لمو فيهن طاخ
طراخ رصصوهن الوزاحدة تلو الأخرى لامن عمك قام يصرخ ،
أبو الشوق الشوش عيان لو شافو مهستر قال للعاساكر: أقول
ليكن حاجة ،امسكو عمكم دا رصصوه ريحونا منو
لأنو هو زاتو أنا مديهو عضة في صرتو
حتين عمك الكلب رقد موية و اعترف.
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(115)
😂😂😂😂😂😂😂😂😂😂
يا هو البفطر
ﺟﻴﺖ ﻃﺎﻟﻊ ﻣﻦ ﺍﻟﺒﻴﺖ ﻭﻗﺎﺷﺮ ﻣﺎﺷﻲ لي مشوار محتاج قشره..
ﺍﻭل ﻣﺎ ﻗﺮﺑت ﻟﻠﻈﻠﻂ ﺍﺷﻮﻑ ﻟﻴﻚ ﺍﺭﺑﻌﻪ انفار ﺟﺎﻳﻴﻦ ﺟﺎﺭﻳﻦ ﻋﻠﻲ جري جد..ﻗﻠﺖ ﺩﻳﻞ ﻣﺎﻟﻬﻢ ؟؟ ﻳﺎ ﺭﺑﻲ ﻳﻜﻮﻥ ﻓﻲ ﺍﻟﺰﺍﻣﻴﺔ ؟؟؟ !!! ؟ ﺍﻟﻤﻬﻢ لمن ﻗﺮﺑﻮ ﺳﺎﻟﺘﻬﻢ يا ناس. ﻣﺎﻟﻜﻢ ؟؟؟ﻗﺎﻟﻮ ﺍﻟﺘﻮﺭ !! ؟؟ﺷﻨﻮ؟؟؟؟ ﺍﻟﺘﻮﻭﻭﻭﺭ ﻳﺎ ﺑﺸﺮ
ﻣﻊ يا ﺑﺸﺮ ﺩﻱ ﺍﺷﻮﻑ ﻟﻴﻚ ﺗﻮﺭ ﻏﺒﺎﺭﻭ ﻓﻮﻕ ﺟﺎﻱ ﺟﺎﺭﻱ ﻋﻠﻲ ﺍﻟﺠﻤﺎﻋﺔ ﺩﻳﻞ..
ﻃﺒﻌﺎ عملت فيها ود انيق وشاب لطيف ما عندي شغله بي حاجات زي دي.. و ﻫﻮ ﻣﺎ ﺳﺎﻛﻴﻨﻲ ﺍﻧﺎ و ﻣﺎ ﻋﻨﺪﻱ ﻣﻌﺎﻩ ﻣﺸﻜﻠﺔ.. ﻭﺑﻌﺪﻳﻦ ﻋﻴﺐ ﺯﻭﻝ ﻗﺎﺷﺮ ﻛﺪﺍ ﻳﺠﺮﻱ ، ﺍﻓﻮ ﺍﺑﻮك ﻳﺎ سيف الدين ﻧﺤن ﻛﻤﺎﻥ بنجر
ﻣﻦ ﺍﻟﺘﻴﺮﺍﻥ..؟ المهم ..ﻃﻠﻌﺖ ﻣﻦ ﻧﺺ ﺍﻟﺸﺎﺭﻉ ﺑﻘﻴﺖ ﻉ ﺟﻤﺒﺔ ﻭﺍﻟﺘﻮﺭ ﺟﺎ ﺟﺎﺭﻱ ﻋﺎﺭﻑ ﻧﺎﺳﻮ.. ﺑﻌﺪ ما ﻓﺎﺗﻨﻲ ﺑﻲ ﺗﻼﺗﺔ ﺍﻣﺘﺎﺭ ﻛﺪﺍ ﻗﻠﺖ ﺍﻟﺤﻤﺪ ﻟﻠﻪ..شويه كده ﺻﺎﺣﺒﻚ ﻭﻗﻒ،،،،،و ﻗﺒﻞ ﻋﻠﻲْ.. ﺑﻘﻴﺖ
ﺍﻟﺘﻮﺭ ﺧﻠﻔﻲ ﻭﺍﻟﺰﻟﻂ ﺍﻣﺎﻣﻲ ﻭﺣﺎﺓ ﺍﻟﻠﻪ ﺍﻟﺸﻲ ﺩﺍ لمن ﺟﺎ ﻛﺎﺗﺢ ﻋﻠﻲْ.. ﻻ ﺣﻮل ﻭﻻ ﻗﻮﺓ ﺍﻻ ﺑﺎﻟﻠﻪ ﺍﺗﺬﻛﺮت ﺯﻣﻦ ﺍﻟﻜﻮﺭﺓ ﻭﺍﻻبتدائي ﻗﻤت ليك ﺑﻲ ﻧﻤﺮﺓ خمسه.. ﻭ ﻫﻮ ﻭﺩ ﺍﻟﺬﻳﻦ سكاني ﻋﺪييييل.. ﺍﻟﺰﻟﻂ ﺩﺍ ﺑﻘﻲ لي شريط ﻓﻮ
ﻗﻄﻌﺘﻮ ﻭالعواليق ﻗﻄﻌﻮ ﻭﺭﺍﻱ ﻳﺎ ﻛﺎﻓﻲ ﺍﻟﺒﻼ ﻋﺮﺑﻴﻪ ﺳﺎﻱ ﻣﺎ ﻛﻔﺘﺘﻮ..
ﺩﺧلت ﺟﻮﺓ ﺍﻟﺤﻠﺔ دخل وراي.. ﻟﻘﻴﺖ ﻟﻲ ﺯﻗﺎﻗﻴﻦ ﻭﺍﺣﺪ ﻓﻴﻪ ﻣﺰﻳﺮﺓ ﻭﻗﻔﺖ بين اﻟﻤﺰﻳﺮﺓ و ﺍﻟﺤﻴﻄﺔ .. ﻳﺠﻲ ﺑﻲ ﺟﺎﻱ.. ﺍﻣﺸﻲ ﺑﻲ ﺟﺎﻱ.. ﻳﺠﻲ ﺑﻲ ﺟﺎﻱ
ﺍﻣﺶ ﺑﻲ ﺟﺎﻱ.. ﺯﻫﺞ ﺧش ﻓﻲ ﺍﻟﻤﺰﻳﺮﺓ ﺭﻭﺳﻴﺔ ﻛﺴﺮ ﻟﻴﻪ ﺯﻳﺮ..
ﺭﺑﻚ ﺭﺏ ﺍﻟﺨﻴﺮ ﻓﻲ ﻋﻤﻚ ﺟﺎ ﻣﻦ ﻫﻨﺎﻙ ﺑﻲ ﻋﻜﺎﺯﻭ ﺷﺎﺑﻚ ﻟﻴﻚ ﺍﻟﺘﻮﺭ ﻫﺶ
ﻫﺶ ﻭﻗﺎﻝ ﻛﺪه ﻭﻗﺒﻞ ﻋﻠﻴﻪ.. والله ﻋﻤﻚ ﻃﻠﻊ ﻣﺎ ﻫﻴّﻦ ﻟﻴﺎﻗﺘﻮ فل.. قام صوف ﺑﻘﻴﺖ ﺷﺎﻳﻒ ليك ﺍﻟﻐﺒﺎﺭ ﺑﺲ.. ﺍﻟﻤﻬﻢ ﺷﻠﺖ ﺍﻟﻜﻮﺯ ﻭﻏﺴﻠت ﻭﺷﻲ ﻭﻗﻄﻌت ﻟﻲ ﻛﻮﺯﻳﻦ ﺑﺎﺭﺩﺍﺍﺍﺍﺍﺕ..ست البيت الفيهو المزيره واقفه تتاوق بالباب ضحكت قالت لي والله عاد ياهو البفطّر..😸😸😸
لحدي اللحظه ديك حتي اتذكرت اني صايم..😎
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(116)
دي واحدة بتاعت رومانسيات
مشتهية يدلعوها يسوها شوية الصيام
الظهار هبش معاها العضم، قالت لشريك حياتها:
قول لي بالله ، أكتر زول بتحبو من جوة قلبك منو؟
هو برضوعطشان ، قال أمي. قالت: ثم من؟! قال أبوي.
قالت ثم من؟!قال: إخواني و أصدقائي . برطمت و قالت:
أها و بعيدن آخرتا معاك! يعني أنا وين؟! برة الشبكة يعني
و لا شنو؟!! قال ليها بدبلوماسية مصطنعة: علا لاكين ما
إنتي ما سألتيني عن أكتر واحد بعشقو؟!!هنا زولتك شهقت
و استعدلت لسخفوكدا ثم قالت: أهايا روحي قول لي سريع :
دي منو البتموت فيها دي؟! قالها: و الله ياخ بصراحة بعشق
عيلال الريال بفنايلم الزي قزاز اللبن و الهلال كمان،
و بموت في موجو الأزرق! أيلا ، أ ها كان زولتك
حمّرت لو شديد و أدتو نهزة و قامت فرتقك.
********ود ا لأصيل*******
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
{118}
® أًعْضَاءٌ مُنْتَهْيَةُ الصَّلَاحِيَِّة)
@ مع اعتذارنا مسبقا عن أي ما من شأنه أن بجرح مشاعر القارئ الگريم
و نقلا عن بعض (منصات التناصل اللااجتماعي) يرروى ، و الذمة طبعن، على المصدر ، أن محكمة بريطانية تعاقبُ كهلاً سودانياً عمره 65 سنةً، بالغرامة و ذلك على إثر دعوى قضائية مرفوعة ضده من قِبَلِ جيرانه الهيتة بالهيتة ، تفيد بامتعاضهم من جراء وقوفه مطولاً أمام باب منزله
و هو متلبسٌ بتهمة العبث ب(أعْضَائه السفلية) تصوًّروا بالله عليك !؟
[} و قد أقرَّتْ المحكمة في نهاية حيثيات مرافعتها، بعدم ثبوت الأدلة و المسوغات الكافية لدمغه لتهمة الإرهاب ( الجسدي) ، مما كان قد ينذر بترحيله من أراضي المملكة المتحدة. و لكن نظرا لكونه مرافقاً لابنته الطالبة، أثناءَ دراستِها بإحدى الجامعات البريطانية العريقة، فقد تحرگت دبلوماسيتنا بالخارج عبر السفارةالسودانية، حيث قامت بتحرير خطابٍ رسميٍّ و شَعْبِيٍّ لهيئة المحكمة الموقرة ، مؤكدةً فيه أن ما أقدم عليه الزول يعدُّ جزءاً لا يتجزأ من موروثنا الشعبي على نطاق ربوع
جمهوريات موزنا الكضبن كاضب . فشايف گييييف؟!!
∆ كذلكـ قدم محامِيُ الدفاع المعيًّن من قبل سفارتنا بمدينة الضباب ، مذكرةً رسميةً، تتضمَّنُ نزاهة موقف موكله ؛ و قد فَصَّلَ فيها لحضرات السادة المستشارين شرحاً ضافياً وافياً بما يلي نصه: :" أن: مداعبتنا العَفَوِيَّةَ لأعْضاَئنا التناسلية ، بالذات (القلقتين) تُعْتَبَرُ عادةً أصيلةً و
حميدةً جدَّن، بل إنها تعد تقليداً ضارب الجذور لدى السواد الأعظم
الذگور الكهول من أفراد شعبنا السودانيِّ الأبيِّ، حيث يشغلون بها أوقات فراغهم المُمِل و القاتل؛ خصوصاً بعد تقاعد (أعضائهم الذكورية بامتياز) عن العمل و خروجها نهائياً من دائرة الانتاج و هجرها تماماً (للفراش) بغرفة (العمليات) ، و إلى غير رجعة. فحينئذٍ ، يصير استخدامها لدى الكثيرين، فقط ، لقدح تفكيرهم الخلاق ، أثناء نوبات تأملاتهم
الإيحائية. و في ختام المرافعة، ضرب المحامي للمحكمة
مثلا سودانياً معروفاً و مفاده أنو: (اللي ما عندو شغلة
ياإمتن يلعب بي قلقاتو ، و يأ إمتن يستسلم للهم يزمو) .
[} هذا ، و جدير بالذكر أنه لما طالب قاضي التحقيق
بإحضار مترجمٍ( إشارة) ليتولَّى فك طلاسم مثلنا المهبب
دا أمامه، و قد لبوا له طلبه، قيل إنو الخواجة لم يتمالك
نفسه من نوبة ضحكٍ هستيريِّ لحدت ما شرق ، و قرب
يشرق يروح فيها. لولا لحقوه بي تلاتة (كيـزان) موية.
على فكرة، الخبر رغم بذاءته صحيح مائة بالمائة،
و ليست مجرد نكتهً سَمِجَةً؛ و من شر ما يضحگ!!
∆ تخريمة و تگية خط:
هههههههاااااااااااييييييي
و الله ياهو قال موروث شعبي قال!!
بصراحة ربنا كدا ، ناس سكوتلانديارد ديل
ظاطم ما عندهم سالفة ،. يعني خلاس حلحلو
كول مشاكلم مع مكافحة الإرهاب العابر للقارات و
الطالعة لينا في البخت الأيامات دي، و تجاوزو آثار
منطقة اليورو ؛ و بقو فاضيين، بس يتكبسوا بالبيبان،
يقابضوا في الناس ، يضايقوهم في (أدق خصوصياتم)؟!!
[} بعدين تعال ياخي ، عمك دا ظاطو بالغ ، فعلن صحي بالغ،
يعني أصلو ما لقالو حاجتن يستعين بها على قدح تفكيرو
الخلاق ، أثناء تأملاته الإيحائية، علا بس (البتاعات) ديل!!؟.
∆ علا لاكين برضك و الله فكرة جوهنمية ، قال يعني إيه،
الود أحسن يستعملن زي( قرون استشعارٍ عن بُعْدٍ) ، بدل ماهن
قاعداتلو مدلدلات في الصقيعة كدي، برا شغل و لامشغلة.
عاملات متل( مدفع الدلاقين) و لا (جبنة بي فنجانين).
¶ ما قلنالك ياخي ناسنا ديل أعظم عباقرة ،
بتاعين ابتكارات فنانة و كدي .علا بس ،
تقول شنو ، ياخي سبع صنـــايع
و الحظ مهبب و ضايـع!!
<<< ود الأصيل>>>
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
{119}
قراءة متعجلة فى: أدب التنحي
و لو ببعض ماء الوجه!!
★★★ ★★★ ★★★
® يحگى أن هتافات حشود الجياع حول قصر الجنرال
الاسبانى فرانشيسكو فرانكو كانت تقض مضجعه على
فراش الموت فسأل زبانيته عما يجري ليجيبوه بأن شعبه
جاء لتوديعه. فيتساءل إلى اين هم ذاهبون؟.
© هگذا، الجنرال لم يكن يتصور بأنه سيرحل و أن
الأقرب إلى واقعه و مخيلته أن يرحل الشعب الأسبانى
عن بگرة آبائهم و أمهاتهم، بينما يبقى هو خالداً علي
سدة عرشه الذى استحوذ فتربع عليه عقوداً من الزمان .
¶ و لكن تظل الشعوب دوماً صامدةً و يذهب زبد الطغاة
جفاءً گغثاء السيل إلى مزابل التاريخ. هگذا حال كل المستبدين
(و تلگ الأيام نداواها بين الناس)؛ فمنهم من قضي نحبه و منهم
من لا يزال ينتظر.فدائما ما يظن الديكتاتور ان قبضته الفولاذية
على مفاصل و اجهزة السلطة و نسجه التحالفات مع النخب العسكرية
و الاقتصادية و الاعلامية والثقافية فى مقابل الحماية وتقاسم العوائد
و ممارسة الظلم والقمع لقهر جماهير الشعب و فرض الخوف عليهم
و انزال العقاب العنيف فى حال عدم الامتثال لاستبداده يظن أن
كل ذلك سيضمن له البقاء آمنا في سربه؛ و لكن قراءة
التاريخ تقول غير ذلك فكل ظالم ، و إن طالت سلامته،
فلا بد يوماً على مقصلةٍ حدباءَ مشنوقٌ؛ و إن شدة
الگبت تولد الانفجار. فلتعتبروا يا أولى الأبصار.
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
**********(121)***********
إديــــــكم العـــــــافيـــــــة،
@ فدايرين نغير شوية من جو أهل الفن و الأفراح
و ناخد بكم جولة سريعة كدا في بيوت التراح ففيها
والله ما يُضحِك أكثر مما يُبْكِي.
# ف كدي هاكم دي لمحة من جوة سراد ق
منصوب لأداء و اجب لعزاءلأحد المراحيم. فالواحد(ة)
ممكن يمشي بيت ناس الباكا ظاطو و مو عارف يسو شنو!
بالذات خبر الهجعة، طبعاً الناس بتجي مخلوعة عين طافية وعين
مولعة لاحقين الشمار الحار..يعني بالذات النسوان ما يصدقو يسمعو
الواحدة تلفح توبا و يلا طيران أول ما تخش لا جوا تكرف الأرياح ديك
المي خمج.شئ خُمَر و شئ دِلَك و شئ دخاخينن بسووها عند أخو التومات
داك القالو في أمبدة كرورن الببنشر المكنات ؛ و شيتن تاني عاد مافي
داعي بس خلو ساه في سرك. و دا كلو كوم براهو و البجن شاكات
غوايشن يكشكشن للطيش من قمقمة راسا لي كيعانا. وأهم شي
بعد القشرة والانطقامة دي كلها تقوم تجي بتوب ساري ربط
و سفنجة ؛متعمدة كدي عشان نظام يوقلو: الزولة جاية
مخلوعة من فاجعة النبأ العظيم و الفقد الأليم.
*****(((((+)))))*****
ياخي مرة كدا في واحده قال ليك خالِعا الخبر
بلحيل أها جات بشكل بعاتي قايم من الترب. جات
فتشت ليك ست البكا من جديد ونطت ليها في رقبتا،
وعااااااااااااااااااك وعيييييييييييك وهاك يا قلدي.
وهي تزرف ليها دموع حزن التمساسيح
تسكبها فوووووق ذراعيها!!!
* ود الأصيل،،،
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
*****((((122)))))*****
فالبكاء للنسوان بقى مظهر اجتماعي و حلبة
لإستعراض عضلات الإمكانيات المادية و الجسدية.
يجن قاشرات فيهو قشرة بالطريقة الصاح ..ومحملات
بدموع التماسيح.و خليك طبعاً ، من حكاية الأم لو عندها بت
بنوتة عروسة أمورة كدا ترمي في الشوك، خسوسن لو كانت حفلة البكا
بي حنان سكيب و لا عوضية ردحي. تلقاها جايبة بتها معاها استعراض
بمكياج كامل و تدورها علي كل الحريم و بالذات كبارات سيدات الأعمال
(نظام تسويق و كدا) : يلا عزي خالتك دي و عزي فلانة دي وعزي عمة
المرحوم دي وتكون البنية مجهجهة وما ناقشة تعزي كيف و لا تقول شنو.
و هسي في الكوفيرات في حنة اسمها حنة البكاء دي بنقشوها شكل
من جوا الكراع عشان الواحدة لمن تنتكي و (ترفع ) أول ما
ترفع كراعا ، كول الناس يشوفوها بكل أريحية.
*****(((((ود الاصيل)))))*****
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
(124)
ودي كمان حكاية واحدة حنكوشاية في بيت عزا ،
الموقف كالآتي :ماما أصرت إلحاحاً إنو تسوقا معاها تتعلم،
تندمج مع الناس. وليتها ما ألحت؛ مشت و كانت أول و آخر مشية
لبيت بكاء . صاحبة الفاجعة كانت شابة عندها بيبي عسل بس زوجها
مات مشت الحنكوشة مع ماما الغلتانة ما شرحت ليها تتصرف كيف .
المهــــم زولتك قالت أمري لله و مشت.. أمها مشت ختت يدها فوق هامة
ست البكا و يلابدت تنيص و تقوم بالواجب. غايتـو لما جاء دور حنكوشتنا
دي، أول حاجة عاينت للشويفع بأسى شديد و مدت يدها عاااديجدن و المرة
مشتغربة بتعاين ليها جوة ود عينها. وهي بإبتسامة غبشاء كدا و قالت ليها :
" وا لله أم سوري فور هم! و ست البكا من الصدمة ضحكت لامن بكت زيادة.
لووول قالت ليها ياخ خلاص معليش ما تعلي: لووول!! والولية تعاين ليها لمن
كترتو قالت ليها يا إخيتي متأسفة على شنوهو إنتي الكتلتيهو و لا شنو كمان؟!
يا زول قولي بسم الله، ما لك دايرة تتوهقي ، تلبسي لروحك تهمة
و جناية من مافي؟!و لحدي هأسي ماما قاعدة تعيرها بالموقف
المهبب داك و حالفة ما تطلعها معاها.
# فبصراحــة أكتر شئ بحيرني في قصة بكي الحريمات..
الواحدة تجئ كده وفي جزء من الثانيــة تَدَفِّق لها تنكي من الدموع
هدر ساي كدا (يكفي أهل الفراش موية تبايخ على غسيل) لمن تقول
دي يوقفوهــا كيف؟أهـــا إنت في حيرة ماسورة الدموع دي تقيف كيف!
فجأة تلقــاهـن يمشن يقعدن بالجنبة كده وهاك يا قرقراب.. دي بتقولي عليهـا
شنو؟؟ ولا كمان تلقاهن ماشات على بيت البكا طاقت حنك و يضَّاحكن لحدي
يصلن الباب.أول ما يختن كريعاتن جوا عينك ما تشوف علا النور سكليب
و شق حيوب و لطم خدود، يعين شيء ما أنزل الله به من سلطان لامن
يخلعوك ظاطو. و نحنا برضو آسفين ياخي للأطالة الحزينة
**********(((((ود الأصيل)))))**********
| |
|
|
|
|
|
|
|
|
|
Re: ©خ من شر البليلة ما يفقع من الضحگ π√و (Re: دفع الله ود الأصيل)
|
(125)
الفكرة لناصر أدروب؛ و لينا بس
حق السلبطة في حبكة السيناريو.
عن العنصرية و الفوشار بالقبيلة.
[} واحد من أهلنا ديل بيحكي لرباطابي:
قاللو: طبعن إحنا جدودنا ديل أخوان لزم
ياهم ناس عريگ و شگير و بطيح و رافع
و حليو. أها دا جاب أهلي العرگيين و داگ
جاب الشكرية و بطيح جاب البطاحين و
رافع جاب الرفاعيين. أها ديل كلهم في
أم هبج ، بطانة أب علي. علا بس حليو
دا زعل من اخوانو؛ أها نقر عصاتو و قام
گاطع البحر مشى لامن استقر بالهوج؛
ترا جاب أولاد عمنا الحلاويين.
[} قام الرباطابي حدرلو سمح
و يلا قعد ينجرلو من راسو ساي
گطع أخدر. قاللو: طبعن ، نحنا حت
إحنا جدودنا أخوان لزم. واحد كان
اسمو ربيط و التاني بريط. يلا قامو
اتشاكلولم في جرف. يلا قام بريط بي
زعلة ساي من أخوه، ركب لگ الطيارة
مرقا في آخر الدنيا ؛ أها تراهو جاب
ولاد عمنا البريطانيين ديل؛ و خلالنا
أخوه المكعكع دا بجاي في الفنقاقة
ساي ترا جابنا نحنا الرباطاب .
<<< ود الأصيل >>>
| |
|
|
|
|
|
|
|
|
|
Re: © اختلاف سخافات π√ (Re: دفع الله ود الأصيل)
|
{127}
دا شويفع ويحيد أمو، دلوعة و بليد و گسلان و غلباوي
لامن موباااالغة.فيوم كان شارد و جايباه أمو لمقابلة مدرسو
اللي أصلن غلبان معاه حيلة في حفظ جدول الضرب. فمن باب
التهديد المدرس قال ليو بالهظار كدا:اسمع يا ولد هوي، أحسن ليگ
تنعدل، و لا أنا أمك المغلبا دي بعرسا ليك و بسوقا أريحا منك ظاطو.
أها عاد ، زولتنا ما صدقت من كلمة عرس دقشت أضانا مسكت فيها
و قالت فيها كب: يلا يا استاذ عرسني ساي هسي طالي من دربنا دا
على المأذون ، وكان لي المقيصيف دا جناي و عارفاه سمح
أصلو عنيد ، النوع الما بقتنع علا يشوف بي عينو بس.
| |
|
|
|
|
|
|
|
|
|
Re: © اختلاف سخافات π√ (Re: دفع الله ود الأصيل)
|
{127}
دا شويفع ويحيد أمو، دلوعة و بليد و گسلان و غلباوي
لامن موباااالغة.فيوم كان شارد و جايباه أمو لمقابلة مدرسو
اللي أصلن غلبان معاه حيلة في حفظ جدول الضرب. فمن باب
التهديد المدرس قال ليو بالهظار كدا:اسمع يا ولد هوي، أحسن ليگ
تنعدل، و لا أنا أمك المغلبا دي بعرسا ليك و بسوقا أريحا منك ظاطو.
أها عاد ، زولتنا ما صدقت من كلمة عرس دقشت أضانا مسكت فيها
و قالت فيها كب: يلا يا استاذ عرسني ساي هسي طالي من دربنا دا
على المأذون ، وكان لي المقيصيف دا جناي و عارفاه سمح
أصلو عنيد ، النوع الما بقتنع علا يشوف بي عينو بس.
| |
|
|
|
|
|
|
|
|
|
Re: © اختلاف سخافات π√ (Re: دفع الله ود الأصيل)
|
(128)
كنا راكبين لينا دفار من جيهة المناقل جايين على مدني
معانا عمتن لينا عجوز و متحورة على ناس أبوي الشيخ
فكلما نجي لينا في هُبكة و لا ميلان تُرعة ، تقعد تنهم ليك في
أبواتا ما خلت المكاشفي أبو عمر و لا الحفيان و لا ود شاطوط .
فكان راكب جنبنا لصق واحد من أخوانا للسلفيين، ديل شكلو كان
متضايق منها، فقعد يقول ينبها يقول ليها يا حاجة م خير تقولي يا الله!
فلامن كتترو م عاها قامت شبت ليه في حلقومو و قالت لو: اسمع
هوي يا جنا هوي ، إتا ما قمتا من الواطة و قايلني ما بعرف الله ،
بعرفو بلحيل ، علا لاكن داخراهو لي زنقة (كبري بيكة )
| |
|
|
|
|
|
|
|
|
|
Re: © اختلاف سخافات π√ (Re: دفع الله ود الأصيل)
|
{129}
[} كان منشغلاً بالهاتف وضغط على الرقم 7 بدلاً
من 9 بالمصعد و لم ينتبه عند وصوله إلى باب الشقة
أنها شقة الجيران. فتح الباب الذي لم يكن مغلقاً بالمفتاح
و دخل و جلس و ما زال مشغولاً بقراءة الواتس آب
و الإيمو و الفيس و الذي منو. زوجة جاره كانت منشغلة
أيضاً بالمسلسل التلفزيوني وناولته فنجان الشاي دون
أن تنظر إليه . فجأة دخل صاحب الدار زوجها و كان
أيضاً للدف ضاربا و مشغولاً بهاتفه الذگي وعندما
جلس و نظر ، فوجد( في بيته)رجلاً غريباً، فيرعان
ما انتفض فنهض و اعتذر و قال لهما : يا جماعة
أنا آسف جدن، والله دخلت إلى الشقة بالغلط!!
*(إنها مصايب التناصل اللاجتماعي ) 😂😂*
* ود الحيشان التلاتة،،،
| |
|
|
|
|
|
|
|
|
|
Re: © اختلاف سخافات π√ (Re: دفع الله ود الأصيل)
|
)133(
∆ عمك شاغل وظيفة الإمام الراتب لمسجد الحارة و أيضا خطيب
الجمعة فيه ؛ و هو ظاطو ياهو سيد كنتين التشاشة الوحيد هناك.
∆ فالجماعة قاعدين يشترو منو (بالطلق) ، مسلن : الدايرلو موية
فول رشوشة للبوش و لاعليها شوية موية جبنة بي شلن و هلم جرى.
∆ يلا يوم الجمعة قام صعد المنبر گلفت ليهم خطبة عصماء
لكن سريعة على الطاير كدا. و بعداك رفع كفيه بالضراعة و الدعاء:
" اللهم اقض الدين عن المدينين"؛ فقام واحد من المصلين رفع اصبعو
بنقطة نظام و قاللو: يا سيخنا ، دفترالجرورة عندك ، أمش اشطب
ساي و فكنا ريحنا ةو ريح روحك.
| |
|
|
|
|
|
|
|
|
|
Re: © اختلاف سخافات π√ (Re: دفع الله ود الأصيل)
|
{{{{{136}}}}}
[} جاي {قرمان} قرمت الخير ، و الدنيا آخر الليل
لقى أولادو و مرتو يغطون في سبات عميق . قام
براحة قرب من الحنان داير يصحيها بدون ما يزعج
الشفع العفاريت، قام جبد يدها رفعا و فكاها ؛ اليد
وقعت باردة ، و الحنان ما صحا! قام تاني جبد
يدها رفعا فوووق و فكاها؛ و اليد تاني وقعت
والمرا ما صحت.. أها لامت خلاس لقى ما
في طريقة ، زهج و مشى رقد نام .
∆ الصباح واحد من شفعو جاب ليهو الشاي قاللو:
يابا گبديف أصبحت ، أُمبارح شايف الركشة أبت
تدور معاك ! معليش، تاني تعال أبدر شوية؟!!
😁😁😁😁🙊🙊🙊🙊😂😂😂
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: Biraima M Adam)
|
())))138(((()
لله درُّكَ يا بريمة من يديمٍ، جاز فيحقك قولي:
أيـّها الساقي إليك المُشتكى قد دعوناك وإن لم تسـْمع ِ
ونديم ٍ همتُ في غُـرَّتـِه
وشربتُ الرّاح من راحتِه
كلـّما استيقظ َ من غَفـْوتـِه
جذبَ الزّق إليه واتـّـكا وسقاني أربعا ً في أربع ِ
@ فكم تضحكني أكثر مما أفعل بك ، حتي تُسيل لعابي ، ثم
تعودُ لتُجهِشني بالبكاء و بيننا بُعد ما بين المشرقين و المغربين .
فلا أ ضحك الله لك سنَّاً و لا أشبع لك بجطناً غلا بحلالٍ طيب.
# ولك أن تقارن نفسك مع خلقٍ آخرَ ، لعله يكون مثلاً كصاحبي
بالجنب ، فإذا رأيته يضحك حتى تبينَ نواجذه و تهتزَّ كتفاه و جاملته
من باب رفع الحرج ، قلت: ضحِكنا معاك شوية ياخي مما أضحل الله،
إذا به يُلقمك حجراً بقوله: و إتا مالك البضحك في دار الدنيا دي كتير.
مما يضطرك لمجاراته مكرهاً أخاك لا بطلفتقول له:على رأيك
و كمان والله و الببكي برضك كتير لامن ما يديك الدرب.
# إلى أن يفتح الله عليك بحالةٍ مختلفةٍ . و لعلي أختم لك
بأرقَِّّ ما راق لي من قول أحدهم من هذا الصنف النادر بالذات-
و لعه كأي مشوكشٍ راح يضاحك نفيه على أطلال حائط مبكىليلاه.
فكلما مررت به وجدته يقهقه برا شغلة - و كلماً بادرته بسؤالي متطفلاً:
"أضحك الله سنك؟"يجاوبني بسؤاله : " عاد شن أسوي يا خوي كان ماني
لاقيلي زولاً كدي ساي غيري أفضفض ليه فأبثه حزني و أهريه ضحكاً
بجنس نكاتي البأئخة دي"ففي يوم لقيتو مزود عيار القرقراب حبتين لدرجة
أن انتزع مني ابتسامة صفراء مشوبةٍ بالحذر، و اعتصر مني دمعة عصية،
لحد ما قلت اللهماجعلو خير؛ نظراً لنقاءقريحته مع قساوة هيئته بثيابة
هالرثة؛ ثم عدت أسأله: ما الجديد هذهالمرة ، فقال لي :"دي الظاهر
نكتة عجيبة، و للكأني سبق و سمعتها مني ذات مرة و لكن،
يبدو أني نسيتهافي زحام مرارات هذه ا لحياة الدنيا
دار الغش أم بناين شوية طين و قش!!
* أخوك/ و د الحيشان الت لا ت ة
* رافع الأذان عالياً في جزيرة مالطة.
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
{)139(}
😂مفسر الأحلام و النهى😂
[} ساري الليل جا متلبلو في بيت عجوزة.
لقاها صاحية عويناتا يلاقطن متل أمباجحوات.
صرخ في وشها: مالگ ، المساقدبك لهسي شنو ؛
رفعت خلق الله گلها تشخر ما تنطمي تخلينا
نلقط رزقنا؟!!
[} الحيزبونة بت لزينة انخلعت، لكن شغلت مخلها سريع
قالت لو: ياولدي شكلك ود ناس و متعلم و تلقاگ كمان خريج
شريعة و قانون؛ علا بس ظروف البلد هيي الجابراك على رياضة
النط من فوق الحيط. تحين اسمعني ياولدي أنا عندي دهب في
السحارة ديك و ضحاگات المجننات الناس ديل النار ما ما تاكلن؛
و تراكا متل ما شافني على وش القبر و مگطوعة من شدرة ، لا
جنا لا تنا. أها خمهن شيلن مبروكات عليك و ربنا يزيدك. علا لكن
أمانة عليك وگت الله جابك لي ، قبل ما تمرق، أنا كنت حلمانة لي
جنس حلم گدي يطير القلب لامن هداةقومني من هدي أتراجف ؛
و دايراك تفسرو لي و تقرا و لي و تتفتف تعزم لي فوق راسي دا.
[} الحرامي حن في حالا، قال: شكلها خرفانة و لا بتهضرب؛
لكن النشوف الحلم و نفسرو ليها ينوبنا فبها ثواب. قالت لو:
كنت حلمانة أشوف روحي ماشة فوق قيفة البحر؛ وفجأتن
گدي گراعي انزلقت و بقيت بوشي مدردقة في الشيمة رايحة
فيها فقعت أگورگ بي حس يجيب الضهبان :ألحقني ياعبود!
الحقني ياعبوود .. تعال يا عبووود الحرامي قعد يقوللها :منو
عبود ده؟! وفجاة لقاه نازل عليه متل الرهجومة من الدور
التاني و مسك الزول و يلا نزل فيه شلاليت الگلب الأگل
الدريش. الحاجة قالت ليه : بشويش يا عبود الهلفوت دا
ما يموت في إيدك يجو يحسبوه عليك بني آدم قام داگ
قاللو : اضرب ضربك ساي ياعبود ، أنا أستاهل، المخلي
شغلي و قاعد مجخم أسمع في أضغاث الأحلام!!!
😘😂😂
| |
|
|
|
|
|
|
|
|
|
Re: © من شر البليلة ما يفقع من الضحگ π√و (Re: دفع الله ود الأصيل)
|
{{{{{140}}}}}
حنگوشاية ﻣﻦ جيل الألفية الرابعة
ﻣﺘﺰﻭﺟﺔ حديثا ، و أنجبت طفلا..ﺻﺎﺣﺒﺘﻬﺎ
ﺟﺎﺕ ﺗبارك ليها ﺑﻌﺪ م ﻛﻤﻠﻦ مشاريب و حنگ
ﻭ هظار، ﻗﺎمت سألتا: ﻭينو ﺍﻟﺒﻴﺒﻲ؟ ﻗﺎﻟﺖ ليها :
استني شوية گدا. ﻗﻌﺪﻭ ﻧﺺ ﺳﺎﻋﺔ؛ تاني سألتا:
ﻭينو ﺍﻟﺒﻴﺒﻲ ياخ ﺩﺍﻳﺮﺓ أﺷﻮف حلاتو ﻗﺎﻟﺖ ﻟﻴﻬﺎ:
ما تصبرى ياخ ﺧﻠﻴﻪ (يرن) قصدي ﻳﺒﻜﻲ
زاتي ماني ﻋﺎﺭﻓة ﻣﺤﻞ ﺧﺘﻴﺘﻮ ﻭﻳﻦ!!!
😂😂😂😂
| |
|
|
|
|
|
|
|
|
|
: © π ال حســاب مدفــــــوع √ (Re: دفع الله ود الأصيل)
|
ال حســاب مدفــــــوع
(((142)))
[} ﺭﺳﻞ لجكسويته المتحنگشة باﻟﻮﺍطس ﻗﺎﻝﻟﻴﻬﺎ :ﻭﻳﻨﻚ
ﺍﻧﺘﻲ يا حناني!؟ راگبين ﻗﺎﻟﺖ ﻟﻴﻪ ﻓﻲ ﺍﻟبرادو ﻣﻊ ناس بابي
ﻭ ﻣﺎﻣﻲ و باقي العيلة ﻃﺎﻟﻌﻴﻦ ﻧﺘﻐﺪﺍ في أمواج؛ و يمكن
نمشي روتانا او برج الفاتح غايتو ما عارفة؛ بوريك بعدين.
[} أها، ﻭ ﺍﻧﺖا ﻭﻳﻨﻚ ما بابين ؟ﻗﺎﻝ ﻟﻴﻬﺎ: أﻧﺎ قريب منك،
راكبين باص الوالي خط أمبدة گرور بي أب نيران و ممگن
نمرقا في الحاج يوسف، متجهين الگلاگلة لفة لفه نكوس لينا
لي رغيف بدون صفوف؛ و أنا هدا مشمع ليك ورا ﻤﻘﻌﺪك
مباشرتن. فا شنو ، بطلي حركات ، و طنشي اﻠﻜﻤﺴﺎﺭﻱ
العكليتة السغيل دا ؛ و الحساب مدفوع!!!
| |
|
|
|
|
|
|
|
|
|
Re: : © π ال حســاب مدفــــــوع √ (Re: دفع الله ود الأصيل)
|
{{{145}}}
(مرة يسيل لعابي من الضحك .. و مرة
يجهشني البگاء.. و مرة تغلبني القراية)!
[} عنوان الرسالة "الغازات الحميدة" (Mild) و حكمها
من الناحية الفقهية" و قد نال الشيخ (ف.س) بفضلها
على إجازة علمية عليا فى الفقه المقارن بتقدير ممتاز.
[} و فى معرض دفاعه عنها، ذكر فضيلة الشيخ بأن
التسمية الفصيحة - شرعاً - لهذه الغازات، هى "الضرطة"
الواااحدة دي. و قد قسم سماحته تلك الغازات إلى نوعين
اثتين.. الصنف الأول ناقض للوضوء ، و اللاخر غير ناقض
لعهد الوضوء. وحدد لينا خصائص كل صنف بدقة متناهية.
فالغازات التى تنقض الوضوء - حسب قوله - هى الضرطات
الملثمة برائحة عبيطة گنگهة البيض الممزر، أو البصلة العفنة،
أو البسطرمة البايتة نية، أو الكرنب الملفوف. و هى أيضاً الغازات
التى تستغرق وقتاً فى خروجها خمييرة، يزيد عن 4 ثوان.. و هى
كذلك الغازات التى يصاحبها صوت دوي مزعج أعلى من30 ديسبل
(الديسبل هو وحدة قياس الصوت في علم الفيزياء). و لم يشرح
لينا سماحة الشيخ ، ما إذا هل يتحتم على كل مسلم حريص على
الحفاظ على صلواته و لا سبما صلاته الوسطى، أن يحمل معه
جهازا لقياس قوة الضرطة گاما يحدث بإطلاق واحدة في الهواء
الطل؛ لگي يكطع الشگ باليقين فيدرأ الحدود بالشبهات:
فهل هى 30 ديسبل، أم هي أعلى أو أدنى من ذلگ!؟!
[} و أما بالنسبة للانبعاثات الغازية التى لاتتوافر فيها
تلگ الخصائص و المواصفات و المقاييس المبينة عاليه،
فقال عنها سماحة الشيخ العلامة ، لا فض فوه - و لا
أضحك الله له سنا و لا أشبع له بطنا إلا بحلال طيب -
أنها غازات حميدة ، بحيث لا تنقض الوضوء .
| |
|
|
|
|
|
|
| |
دفع الله ود الأصيل
Biraima M Adam
فيس بوك
تويتر
انستقرام
يوتيوب
بنتيريست