|
|
|
 Re: قليلا من الاتساق لا يضير يا مزوطاتي باشا خ (Re: طلحة عبدالله)
|
المعروضات في بوست ( بالله ده كلام يا اهل الوصيف (صوره))
Quote:
عموما منطق من بدأ الذي لجأت له يا ود الشيخ منطق عاجر تماما و بداية أو مدخل لتبرير فعل همجي يستحق الإدانة غض النظر عن من فعله او من بدأ به
عن نفسي ادينه بلا تحفظ ومن اي الجانبين صدر بل ادينه و ارفضه من جمهور الهلال على وجه الخصوص الذي فاز بلقب جمهور الكاف المثالي في احدى السنوات و لا يشبه قيم نادي الهلال للتربية
|
الكلام دا قالو المزوطاتي بعد ما اخ كريم إبن كريم جاب ليهو الصورة دي :
مع انو في البوست بتاعو جاب فقط صور كراسي الهلال وقعد يكورك
أقبض زنطور مقنع .. جاري وين يا زنطور .. الخ الخ
واضح جدا انو ارتداء ثوب الحكمة عندو وقتو وممارسة الاتساق ليهو حوبتو
والمبادئ مجزأة ومخزنة للحفظ والصون تخرج فقط عند الحوجة لتسد الفرقة .
وواضح جدا انو الشعارات المقددة دي لا ترفع إلا عندما تستوجب ادانة الخصم ..
المفروض يا حبيب من البداية تدين وتتذكر حادثة كراسي المريخ
وترفع شعاراتك الفوق دا .. كدا بتكون كفاءة وسيد مبدأ ومقفل مادة
الاتساق .. لكن تجيب صور كراسي ناديك المهلهل المبشتن وتشهر
باتنين من مشجعي المريخ في غمرة تعصبك لناديك وإفراطك في الاحتفال
بغلب عادي يحدث منذ قديم الزمان في عملية تبادل أدوار أزلية بين فريقين
وضيعين فدا يؤكد انو الكلام القلتو فوق دا مراقة من زنقة الخجلة
ولا علاقة له بالقيم والاتساق والشعارات الكذوبة جدا دي ..
وأكبر دليل انك هنا تحطيم كراسي استاد المريخ..تحطيم كراسي استاد المريخ..
ما صهينت من الادانة وبس .. لا أبدا .. بل حاولت تشكك في صحة الحدث من أساسو ..
قلت متذاكيا بجدارة :
Quote:
حكاية الاصابات دي ما فهمتها يا بشير
يعني جماهير الناديين اشتبكو سوا ولا الحصل شنو
اذا جماهير مدرج واحد هي العملت الشغب فالاصابات تحصل كيف يعني فلقوا روحهم ؟
|
طيب على الأقل قول (ع )الحرف الأول من (عيب) عشان نبلع
ليك خطبتك العصماء الفوق دي .. 
يتبع ان الله هون .........
| |
 
|
|
|
|
|
|
|
|
Re: قليلا من الاتساق لا يضير يا مزوطاتي باشا خ (Re: طلحة عبدالله)
|
شكلك مليت البوست تعديلات وبعد دا ما لقيت الحتة القصدتها ليك رغم ان المهلة تعدّت كم يوم! ما مشكلة هاك دا أوّل خطأ أساسي ينسف بوستك دا و يفرتقه حتّة حتّة
وبديك تاني فرصة تعالج الفرضيّات المجلّية :
كتبت يا ظريف | Quote: الكلام دا قالو المزوطاتي بعد ما اخ كريم إبن كريم جاب ليهو الصورة دي : |
بعد دي مفصلية و اساسية في بناء بوستك التعبان دا توحي بان حديثي كان رد فعل على ما كتبه الحاج
طيب يا ظريف ارجع لتواريخ المشاركات و شوف تاريخ مشاركتي و مشاركة الأخ المعني
وتعال مردّف 
| |
|
|
|
|
|
|
|
|
Re: قليلا من الاتساق لا يضير يا مزوطاتي باشا خ (Re: محمد البشرى الخضر)
|
ههههههههه
ياها دي المنتظرنك بيها أيام وليالي ؟؟
كان أحسن ليك تخلى البوست يحتل يا كيشة
شخصيا حنيت عليك وخليتو راح في حال سبيلو لكن أظنك شقي يا شقي ..
أولا
تعديلات شنو يا أبو تعديلات اتا .. دي كلها تعديلات أخطاء مطبعية ما أكتر ..
ثانيا
تواريخ شنو البتنسف البوست ؟؟ موضوع البوست في المجمل هو عن عدم
اتساقك في حكاية شغب الجمهور .. انت ما قلت كلامك دا إلا لما جات سيرة تحطيم
كراسي المريخ كلام وصورة .. والدليل الأكبر كان في بوست سابق للبوست
بتاع بتدقا بفترة طويلة (جبت ليك رابطو فوق) أنت ما أدنت فيهو التحطيم وألقيت فيهو خطبتك العصماء
حول العشوائية والفوضى والمسميات دي .
ذاكر الكلام دا تاني من الأول بديك فرصة وتعال بمنطق فيهو قليل من الاقناع ؟خخخخخ
..........................
قبل ما تذاكر يا جرجير عايز أسألك على أن تجاوبني بأمانة رجل شجاع و بشفافية منقطعة النظير ..
السؤال هو
عطفا على ظروفي الأنت أكيد عارفا خصوصا ومونديال الأندية ببدأ بكرة في العين
توقيت عودتك للبوست الكنت هارب منو دا هل كان
ذكاء
واللا خبث
؟؟؟؟؟؟؟؟؟؟؟؟
| |
|
|
|
|
|
|
|
|
|
Re: قليلا من الاتساق لا يضير يا مزوطاتي باشا خ (Re: طلحة عبدالله)
|
افا عليك يا تنظير خبث شنو ياخ, عرفت بالبطولة دي منك اسي و بالمناسبة السعيدة دي جازف لينا تذاكر أنا وحتوت وقت اصلك مهم كدا ومشغول بيها قدر دا
ارجع للموضوع: مسالة "بعد" دي مفصلية في بوستك المهبب دا, انت افترضت انني كتبت مداخلتي و ادنت التكسير من الطرفين بعد أن اتى الأخ بدلائل على ارتكاب جمهور الهلال لنفس الفعل
طيب أنا قلت ليك راجع تواريخ و اعني بالتحديد زمن المداخلات ح تلقاني كتبت كلامي قبل ان ينزل هو مداخلته! هاك واحد زوووووط :)
التانية افترضت انني لم ادن الحدث في وقته وجلبت بوست تعليقي فيه لا يدين الحدث
هاك الزوط التاني طيب: ارجع ابحث في نفس الفترة عن بوستات اخرى تناولت الحدث
و اديك الزووط التالت: ارجع بالتاريخ و ابحث في ارشيف 2010 و 2009 و اقرأ نعليقاتي في احداث سابقة شبيهه
بعدين انت قصة الاتساق دي اتاريها ماكلة معاك جمبة برضو! اقيف في الصف طيب
| |
|
|
|
|
|
|
|
|
|
Re: قليلا من الاتساق لا يضير يا مزوطاتي باشا خ (Re: مني عمسيب)
|
يا طلحة ياخي اتساق وين مع ناسنا ديل . .!!
اخوانا ديل يسجلو مننا لاعب يسموها ضربة ادرية . .
نسجل منهم يقولو علينا الهلال الاحمر . .
كل الرؤساء المرو عليهم انسحبو من الدوري اوالكاس في زمن ( صلاح ادرس والبرير والكاردينال) يسموها بطولة وشفتنه . .
ننسحب يقول علينا خايفين . .
استادنا ده كسروه ثلاثه مرات وفي احداها كانو ضيوف وفي مباراة المريخ لم يكن طرف فيها . .
| |
|
|
|
|
|
|
|
|
|
Re: قليلا من الاتساق لا يضير يا مزوطاتي باشا خ (Re: أيمن محمود)
|
جرجير تاني رجعت لي لتواريخ وتواقيت ؟؟
قلت ليك بوستك بتاع (بتدقا) ات سيلف ما جبت فيهو السيرة
وعديتو كله زووووط وجوووووط وما عارف شنو ..
وتوقيت شنو انت محاضرتك بتاعت أدين وعشوائية وفوضى كانت
رد على محمد الشيخ .. تكون رديت عليهو قبل ما يتداخل واللا كيف ؟
ثم ياخ أنا جبت ليك رابط بوست بتاع بشير أحمد الفيهو تحطيم
كراسي المريخ والأنت أكتفيت فيهو بالتشكيك ولم يفتح الله عليك
حتى بكلمة (عيب)، في حين جيت في بوست تكسير كراسي الهلال
مليتو بالزوووط ومطاردة الزناطير المقنعين والما مقنعين قبل أن
تعتلى منبر الخطابة لتحاضر عن السلوك والفوضى والعشوائية ..
انا لاقاني البوست دا وجبتو ليك .. فهل صحيح انك ما أدنت فيهو
بل وشككت واللا كلامي تأليف ساي ؟
أرجع انت للأرشيف وجيب متاعك هنا وفي النهاية حتي لو
طلع كلامك صاح وأنك أدنت قبل كدا .. فهذا لا يعني انو كلامي
الفوق دا والمصحوب بأدلتو غلط . مالك فرحان كدا ؟؟
.............
جرجير عايز تقنعني انو كأس العالم للاندية اللي لافتاتو مالية
الشوارع والمولات والبقالات والأستوبات وحتي في اماكن العمل
ترويجا ليهو ما عارفو يعني ؟
يا عبدالله قول كلام غير دا .
ثم شنو شحدة الطنقعة دي ؟؟.. خخخخ
يا أنا مهم ومشغول بمونديال العالم وبالتالي يتوجب عليك أن تطلب
برجاء أعطيتك أو منعتك.. يا إما كمان ما كدا وبالتالي ما في داعي للاحراج ..
| |
|
|
|
|
|
|
|
|
|
Re: قليلا من الاتساق لا يضير يا مزوطاتي باشا خ (Re: طلحة عبدالله)
|
يا تنظير ما هي القصة ما غلاط ساي
انت قلت التالي :| Quote: الكلام دا قالو المزوطاتي بعد ما اخ كريم إبن كريم جاب ليهو الصورة دي : |
الصورة المعنية ما جالها محمد الشيخ الأنا رديت عليه و الأخ الكريم جاب صورته القلتها بعد انا كتبت مداخلتي لا يغرّنك انها في الترتيب تبدو قبل مداخلتي عشان كدا قلت ليك راجع الزمن
فا شنو.. الحتة دي اكل زوووطك فيها من سكات واتعوّض الله في بوستك النسفته براك ولا داع للغلاط!
بالنسبة لتعليقي في بوست بشير كان كدا لكن هل يعني هذا تجاهلي فدانة الحدث في بوستات أخرى, قلت ليك زي ما فتشت دا عليك فقط البحث في نفس الفترة الزمنية وشوف انا كتبت شنو وقلت شنو
اعمل الهوم ويرك بتاعك صاح واعتمد هلى نفسك أنا ما بعمله لك كفاية اديتك هنتات
بالنسبة للبطولة ايوة ما سمعت بيها, كل يوم في ملصقات و احداث لدرجة ما قاعد اقيف فيها المشكلة وين؟ لازم الواحد يمش ويتلفت بعني
المهم: أرجوووك يا مهم وبدون طنقعة شوف لي طريقة تذاكر انا و حتوت ودا رجاء جاد جدا
| |
|
|
|
|
|
|
|
|
|
Re: قليلا من الاتساق لا يضير يا مزوطاتي باشا خ (Re: محمد البشرى الخضر)
|
القال ليك منو أنا ماسك في حتة الصورة
الصورة ما هي إلا دليل على الفعل البيأكد عشوائية وفوضى جمهور
الهلال زي جمهور المريخ ..
المهم في الموضوع كلو انو كلامك بتاع فوضى وعشوائية وسلوك
مشين دا ما اتقال إلا ردا على ود الشيخ اللى ذكرك بالتكسير الفوق دا ..
اتا عايز تاخد البتاخدو من الكلام وتخلى الباقي لشنو يعني ؟
ثم هوم ويرك شنو الح أجتهد فيهو دا ؟ أنا لاقاني أقرب دليل
على صحة كلامي موضوع البوست دا وجبتو ليك ..
اتا شايف نفسك انك عملت العليك قبل كدا جيب أرشيفك وتعال
وح نديك فيهو صاح لكن ما بالضرورة يكون كلامي غلط
بل ومنسوف كمان ..
زول سرق يقولوا لا دا ما حرامي لانو عندو ماضي نظيف ؟
...............
يا جرجير خلاص ما تتعب نفسك صدقتك انك ما عارف انو
بطولة كأس العالم للاندية في العين .. المهم بحاول أشوف لك تذكرتين
المباراة التانية يوم 12 والمباريات الأهم الفيها ريال مدريد في أبوظبي
الجزيرة كان لاعب أمس وفاز على أوكلاند سيتي وح يلاقي فريق أوراوا ريد دايموندز الياباني
يوم السبت في أبوظبي ودي تذاكرا هناك .
أشوف ليك تذاكر لسباق الخيول بكرة ؟
| |
|
|
|
|
|
|
|
|
|
Re: قليلا من الاتساق لا يضير يا مزوطاتي باشا خ (Re: طلحة عبدالله)
|
قال لي كلامك دا : | Quote: الكلام دا قالو المزوطاتي بعد ما اخ كريم إبن كريم جاب ليهو الصورة دي |
!
كلامي لود الشيخ اساسا ما بدا هنا بل كلامي كان اعتراض على منطق ما انتو برضو كسرتوا قبل دا كتبرير
زي ما لفحت بوست وبنيت عليه فتّش انت وشوف الباقي, ما ممكن تلفح من خشم الباب و تقعد
ريال مين البمشي ليه لغاية ابوظبي, دي لو ما جمبي هنا زاتو ما بمشيها و عشان خاطر حتوت
مشكور وما قصّرت
| |
|
|
|
|
|
|
|
|
|
Re: قليلا من الاتساق لا يضير يا مزوطاتي باشا خ (Re: محمد البشرى الخضر)
|
يا زول بعد دي شنو
والله ما فاهما ليك ؟ وبوست بشير أخليهو ليي يعني ؟
فكرة البوست دا لتوضيح انك ما كنت منصف ولا عندك
اتساق في ادانة السلوك المشين بتاع الجمهور لأنك
ما أدنت في بوست بشير جمهور الهلال
وبالمقابل طلعت منبر الخطابة ولبست جلابية الحكمة في بوست
تكسير كراسي الهلال وحاولت تتتسق بادانة السلوك هنا وهناك .
دا موضوع البوست كلو وعضمتو .
تاني شنو البعد والقبل .. امسك بس في ردك على ود الشيخ
وقارنو بموقفك في بوست بشير .. الصورة أنسى حنانا
واللا تعال فهمني بشرح العناقريب كيف بتنسف فرضية انك
ما متسق قياسا على الرابط بتاع بشير ؟
| |
|
|
|
|
|
|
|
|
|
Re: قليلا من الاتساق لا يضير يا مزوطاتي باشا خ (Re: طلحة عبدالله)
|
طيب افهّمك ليها!
بوستك دا قائم على فرضية عدم اتساقي و الإدانة التي ادنت بها الحدث من الجمهورين كانت "بعد" أن اتى زميل بصورة سابقة مارست فيها جماهير الهلال نفس الفعل - دا الجزء الأول الفرتفته ليك في راسك بإثباتي ان حديثي اتي "قبل" ان ياتي الزميل بالصورة المعنية وليس "بعد" كما فهمت انت و جريت بخفة الدنيا كلها تفتح بوست ظنا منك انك لقيت ليك ملكة ما
الجزء التاني و في سعيك للمزيد بحثت او لقيت بالصدفة بوست سابق و تعليقي فيه لا يدين الحدث فلفحته برصو بنفس الخفة وجيت جاري برضو
فا شلتو و سطتو ليك مع ليمون وقليل من السكر و سقيتك ليه كالعادة
لأن هذا البوست ليس الوحيد التناول الموضوع وهناك بوستات اخرى في نفس الوقت تجد فيها تعليقاتي واضحة ومتسقة - الإتسّاق القاطع قلبكم دا
انا لست فيء موضع اتهام لأدافع عن نفسي, كوني اجبت على تساؤلك دي براها تحمد الله عليها , سؤالك عن ادانتي و اجابتي نعم ادنت بكل اتساق تكسير جماهير الهلال لكراسي المريخ! دا كلامي وانا قدره عايز تصدقه اهلا ما عايز برضو اهلا و يمكنك البحث و جيب تعليقاتي على الموضوع في البوستات المختلفة ويمكنك اثبات زعمك
حتى ذلك الحين تقوم تلف و تبلع البوست السجمان زي سيدو دا
| |
|
|
|
|
|
|
|
|
|
Re: قليلا من الاتساق لا يضير يا مزوطاتي باشا خ (Re: محمد البشرى الخضر)
|
جرجير رجعتا لي تاني لحكاية قبل وبعد الما بتفيد أي غرض دي ؟
يا حبيبي بعد أو قبل المهم عضم الموضوع انك ما أدنت الحدث
إلا بعد جات سيرة تحطيم كراسي المريخ وتحديدا في ردك على ود
الشيخ .. تاني شنو صورة وما صورة .. خليك في عضم البوست
أها فرضنا كلامي بتاع بعد الصورة دا طلع ما صاح فهل
دا بيلغي حقيقة كونك لم تدن إلا بعد جات سيرة كراسي المريخ ؟؟
دا عضم البوست .. ما أدنت واعتليت منبر الخطابة إلا بعد جات
سيرة كراسي المريخ ..
بالنسبة لبوست بشير الما أدنت فيهو شنو البفرق كونو فتشتو
واللا لاقاني بالصدفة ؟؟ البوست دليل على أنك ما أدنت ولا اعتليت
منبر الخطابة لما تم تحطيم كراسي المريخ زي ما عملت في بوست
تحطيم كراسي الهلال .. وما تكرر حكاية انو أدنت في بوستات تانية
دي لانو ما بتعفيك يا حبيب .. جيب البوستات دا وبنديك عليها جيد
جدا وإن شئت ممتاز .. لكن دا لا ينفي انك ما أدنت في بوست بشير
وما أدنت في البوست بتاع تحطيم كراسي الهلال إلا بعد وردت سيرة
تحطيم كراسي المريخ .
دا البوست بتاعي قائم على الفكرة دي يا خوي .. شنو عايز تألف لي
فكرة وفرضيات من رأسك وتسوقني بيها .
| |
|
|
|
|
|
|
|
|
|
Re: قليلا من الاتساق لا يضير يا مزوطاتي باشا خ (Re: طلحة عبدالله)
|
كيف ما بتفيد! مش انت بنفسك كتبتها و بنيت عليها على اساس أنّي كتبت كلامي "بعد" كذا وكذا
يعني اساسية وكفصلية في طرحك, كون انه طلع فالصو و مبني على اساس خاطئ فا شنو حقو تعترف بالخطا بدل المكابرة دي!
الموضوع الأساسي كان عن الحدث الرئيس و الأحدث وهو تكسير كراسي الهلال, فا لا داعي للحديث عن حاجات تانية وحتى قبل أن تأتي سيرتها, ودا الحصل لمّا حاول البعض التبرير بسابقة تكسير كراسي المريخ فكان لابد من التعليق على ذلك و على خطل التبرير
مسالة الإدانة للتكسير كفعل عض النظر عن مرتكبه دا أمر بديهي ولا يختلف عليه عاقلان ولا يحتاج لتكرار الادانة في كل بوست ودا الحصل في بوست بشير الرابع ا و الخامس الذي تناول الحدث ايامها لذا لاداعي للتكرار هي ليست نعي أو تهنئة أو اعلان لعناية فلان أو علان هي مسالة قناعة و مبدأ وضمير في المقام الأول وليس إرضاء للآخرين
| |
|
|
|
|
|
|
|
|
|
Re: قليلا من الاتساق لا يضير يا مزوطاتي باشا خ (Re: محمد البشرى الخضر)
|
شنو الأساس الطلع فالصو دا يا ربي ؟؟؟
الصورة أصلا مرفقة كمعروضات وتأكيد على انو يوجد تحطيم..
أساس أكتر من كدا شنو تاني ؟
انت إدانتك جاءت رد على كلام ود الشيخ الذكر فيهو تحطيم كراسي المريخ قبل كدا .. ما برااااك ..
لو بادرت بالادانة قبل كلام بشير دا كان يكون معاك حق ومتسق وقلبك كبير .. لكن تعمل فيها خطيب
مفوه وملان قيم ومثل ومبادىء لادانة سلوك بادر بيهو جمهور الهلال الأنت ما أدنتو في بوست
فتحتو في نفس صفحة البوست دا .. وقبل ذلك في بوست بشير .. فانت هنا عايز تركبنا ضهر أبو جلمبو .. خخخ
في بوست بشير ما أدنت زي ما أدنت في كراسي تحطيم كراسي الهلال
دا عضم البوست .. دا عضم البوست .. دا عضم البوست .. بطل الجرجرة البتسو فيها دي.
Quote: مسالة الإدانة للتكسير كفعل عض النظر عن مرتكبه دا أمر بديهي ولا يختلف عليه عاقلان ولا يحتاج لتكرار الادانة في كل بوست
|
ههههههه ما هي دي ظااااااتا محل بربطو الناقة يا حبيب
ما في داعي لتكرار الادانة في بوست تحطيم كراسي المريخ أما في
بوست تحطيم كراسي الهلال فيوجد ألف داعي وداعي لتكرار هذه الادانة
ويكون أكوس كمان لو زينا هذه الادانة بخطبة عصماء زي ما علمتا أنت.. خخخخخ.
قل لي يا هذا ؟
شنو البخلي الادانة في بوست نحطيم كراسي المريخ (بوست بشير)
تكرار ما في ليهو داعي، وفي بوست تحطيم كراسي الهلال في داعي؟
| |
|
|
|
|
|
|
| |
طلحة عبدالله
محمد البشرى الخضر
MOHAMMED ELSHEIKH
مني عمسيب
عمر سعيد علي
أيمن محمود
يحي قباني
فيس بوك
تويتر
انستقرام
يوتيوب
بنتيريست