|
|
|
 Re: إقتراح لمطوّري التطبيقات عن الواتساب ... (Re: محمد المسلمي)
|
هلا يا حااااج
تقصد حظرته يراسلك مباشرة؟ لكن ما اظن فيها انتهاك خصوصية لأنك بموافقتك على الانضمام أو البقاء في القروب ضمنيا وافقت على كل الأعضاء المتواجدين ويمكن زولك دا تم اضافته قبلك
لكن قول المشكلة في الاضافة الجديدة لا تتم مشاورتك كعضو قديم, لكن دايما عندك الفرصة تطلع من القروب
| |
  
|
|
|
|
|
|
|
|
Re: إقتراح لمطوّري التطبيقات عن الواتساب ... (Re: محمد البشرى الخضر)
|
الشي التاني موضوع المحتوى - اذا ممكن تتم قراءته و تصنيفه من قبل التطبيق
لو في امكانية قبل ان يتم ارسال الميديا أو الرسالة النصية يجي للمرسل رسالة انه النكتة او الصورة او الفيديو أو الخبر دا مر على الزول الح ترسلها ليه زي خرتمية مرّة من الصباح لذا لاداع لإرسالها لكن ممكن ترسلها لفلان ما جاتو
طبعا دي قد تكون صعبة لأنه لا أعتقد انه في سيرفر بالمعنى المفهوم يحتفظ بالرسائل وكدا لكن بتلقوا ليها حل
| |
|
|
|
|
|
|
|
|
|
Re: إقتراح لمطوّري التطبيقات عن الواتساب ... (Re: محمد البشرى الخضر)
|
تاني في موضوع المحتوى
لو ممكن كمستخدم احدد تصنيف المحتوى البسمح باستقباله, يعني زي فلتر اليوتيوب أو قوقل, لما يحاول واحد يرسّل لي رسالة تخالف واحد من التصنيفات الاخترتها يقوم النظام يديه رسالة " أن انقرع و بطّل البتسوّي فوقه دا " وكدا
بالنسبة للقروبات لو ممكن الواحد لو عايز يعيد ارسال رسالة مكرّرة نزلت قبل كدا يجيه تنبيه للحتة دي و رسالة تقول ما معناه " اقرا فوق قبل ترسّل يا أطرش " أو ما شابه
| |
|
|
|
|
|
|
|
|
|
Re: إقتراح لمطوّري التطبيقات عن الواتساب ... (Re: Maawya Hussein)
|
يا معاوية تيليقرام مين! دا زمن الواتساب لغاية ما يكمّل فورته وظهر برنامج او تطبيق جديد ما في حل غيره , لذا لو أمكن يتحسّن طالما ما عندنا وسيلة غيره
يا مولانا الميزة الجديدة ح تحل مشاكل كتيرة, في قصة عن حبوبة اتورطت ورطة كبيرة بسبب عدم المسح, كانت بتسجل قطيعة مع قريبتها في مجموعة من اهلهم ما خلّت واحد و هي دايسة زر التسجيل قبل ما تفكه و التسجيل يمش اكتشفت ان التسجيل في قروب العائلة فيه كل من قطعت فيهم واولادهم ونسابتهم وحكااااية
بقت ماسكة الزر وغالبها تفكو وما عارفة تعمل شنو وتجري هنا وتجري هناك و تكورك لأولادها و قصة وديل اتلمّوا و هاك يا تنظير وفكّي البطارية واقفلي النت و وضع الطيران و دا كلّو وهي ضاغطة زر الميكرفون خابفه تفكو يمش التسجيل
هسي بختها و الزيها المشكلة اتحلت
| |
|
|
|
|
|
|
|
|
|
Re: إقتراح لمطوّري التطبيقات عن الواتساب ... (Re: محمد البشرى الخضر)
|
Quote:
الشي التاني موضوع المحتوى - اذا ممكن تتم قراءته و تصنيفه من قبل التطبيق
لو في امكانية قبل ان يتم ارسال الميديا أو الرسالة النصية يجي للمرسل رسالة انه النكتة او الصورة او الفيديو أو الخبر دا مر على الزول الح ترسلها ليه زي خرتمية مرّة من الصباح لذا لاداع لإرسالها لكن ممكن ترسلها لفلان ما جاتو
طبعا دي قد تكون صعبة لأنه لا أعتقد انه في سيرفر بالمعنى المفهوم يحتفظ بالرسائل وكدا لكن بتلقوا ليها حل
|
يا ود البشرى ولا صعبة ولا حاجة .. هي شروط برمجية يعني أديك مثال بالعربي كدا للشرط البرمجي في الحتّة دي:-
إذا ودالبشرى استقبل الفيدو الذي رقمه كذا (أمنع) ما عدا ذلك (أسمح)
لاحظ في حتة الفيديو أنا افترضت عندو (رقم) أخدو بمجرد نزولو في الواتساب وقاموا الجماعة عملوا ليهو إعادة توجيه ...
وبالنسبة لي واحد قام برفعه من جديد للواتساب فهنا ممكن ياخد رقم جديد .. ولكن أعتقد برضو بيكون في حل للحتّة دي بياخد زمن أكثر وذلك بفحص المحتوى ...
Quote:
تاني في موضوع المحتوى
لو ممكن كمستخدم احدد تصنيف المحتوى البسمح باستقباله, يعني زي فلتر اليوتيوب أو قوقل, لما يحاول واحد يرسّل لي رسالة تخالف واحد من التصنيفات الاخترتها يقوم النظام يديه رسالة " أن انقرع و بطّل البتسوّي فوقه دا " وكدا
بالنسبة للقروبات لو ممكن الواحد لو عايز يعيد ارسال رسالة مكرّرة نزلت قبل كدا يجيه تنبيه للحتة دي و رسالة تقول ما معناه " اقرا فوق قبل ترسّل يا أطرش " أو ما شابه |
ودي ساهلة برضو ...
ـــــــ
| |
|
|
|
|
|
|
|
|
|
Re: إقتراح لمطوّري التطبيقات عن الواتساب ... (Re: Rami Abdelkareem)
|
Quote: في قصة عن حبوبة اتورطت ورطة كبيرة بسبب عدم المسح, كانت بتسجل قطيعة مع قريبتها في مجموعة من اهلهم ما خلّت واحد و هي دايسة زر التسجيل قبل ما تفكه و التسجيل يمش اكتشفت ان التسجيل في قروب العائلة فيه كل من قطعت فيهم واولادهم ونسابتهم وحكااااية
بقت ماسكة الزر وغالبها تفكو وما عارفة تعمل شنو وتجري هنا وتجري هناك و تكورك لأولادها و قصة وديل اتلمّوا و هاك يا تنظير وفكّي البطارية واقفلي النت و وضع الطيران و دا كلّو وهي ضاغطة زر الميكرفون خابفه تفكو يمش التسجيل |
يا ود البشرى بالغت،
لو ما ناوي تورينا حبوبة عملت شنو، إنشا الله ما تلقى حل مع الواتساب.
هسي أنا بقيت زي حبوبة دي.
| |
|
|
|
|
|
|
|
|
|
Re: إقتراح لمطوّري التطبيقات عن الواتساب ... (Re: مني عمسيب)
|
سلام منى
الصور والفيديوهات في الواتساب عادة بعد ماتصلك وتشوفيها بتتخزن في تلفونك
لو قمتي مسحتيها من الواتساب او من ذاكرة التفون تاني مابتشوفيها
لكن لو عاملها نظام البيك اب في الواتساب ممكن ترجيعها تاني
يعني ممكن تعملي كل يوم بيك اب او كل اسبوع للواتساب وكل الصور والفيديوهات بتكون محفوظه
اما لو ماعندك بيك اب الا تقومي تحاولي استرجاعها من ذاكرة التلفون وفي عدة برامج
ممكن تستخدميها لكن كلها بقروش حوالي 100 يورو
| |
|
|
|
|
|
|
|
|
|
Re: إقتراح لمطوّري التطبيقات عن الواتساب ... (Re: Rami Abdelkareem)
|
حباب صديقنا الجديد الشديد هههههههه
رااااااااااااااااااااااااااااااااامي .
مشكور علي العطاء والنشاط المقدر .
والحوش منور بيك .
معذرة .
لكن لو عاملها نظام البيك اب في الواتساب ممكن ترجيعها تاني
انا جاهلة جدآ بالحاجات دي يا مهندسين عشان كدا
طالبة العون والمساعدة .. اها دا خطواته شنو عشان
اعملها ؟
مع وافر الشكر الكتيييييييييييييير .
| |
|
|
|
|
|
|
|
|
|
Re: إقتراح لمطوّري التطبيقات عن الواتساب ... (Re: مني عمسيب)
|
مشكوره على الترحيب منى
في الواتساب بتمشي للتلاته نقاط الفوق بعض تدوسيهن وتمشي لل سيتنق
تدوسي في الجات وبعداك تدوسي chat backup
بعداك تدوسي save
الطريقه التانيه عن طريق الsmart switch لو عندك سامسونق وللا عن طريق لو عندك icloud ايفون
ودي بتعمل بيها backup كامل للتلفون
| |
|
|
|
|
|
|
|
|
|
Re: إقتراح لمطوّري التطبيقات عن الواتساب ... (Re: مني عمسيب)
|
مشكورين يا شباب ح ارجع للتعليقات بالتفصيل بعدين أو بكرة ان شاء الله
هسي عايز اصح فكرتي الخاطئة عن عدم وجود سيرفرات للواتساب. بحثت لقيت المعلومة التالية
Quote: Does Whatsapp save my messages on their servers؟
Your chats are being saved on your phone and not on the Whatsapp server. The only moment Whatsapp saves your message is the moment you send it. The message is being saved on Whatsapp servers until it can be delivered to the receiving phone. This might take a while when that phone is ou treach of internet or is turned off.
If the message is on the Whatsapp server for more than 30 days it will be deleted from the server. |
فا شنو .. حديث صبري صحيح مية مية, نعم بمكن التعرف على محتوى الرسائل و التعامل معها
هل سنشهد في المستقبل توقف طوفان جمعة مباركة و هلا بالخميس و أخيرا نكتة المسطول القالوا ليه رجوع الساعة و شداد فسأل عن الإنجليز !!
النكتة دي بالمناسبة هي السبب الرئيس في البوست دا, فعلت فعلتها في ام حلة افكارنا ياخ !
| |
|
|
|
|
|
|
| |
محمد البشرى الخضر
محمد المسلمي
Maawya Hussein
محمد المرتضى حامد
حسين عبد المجيد
Rami Abdelkareem
محمد أبوالعزائم أبوالريش
مني عمسيب
عبدالعزيز الفاضلابى
فيس بوك
تويتر
انستقرام
يوتيوب
بنتيريست