|
|
|
 Re: يا ود الشغيل:انقل لينا بوست عطبرة التوثيق� (Re: Basamat Alsheikh)
|
| Quote: سين سؤال ياالشغيل،ليه ناس عطبرة بحبوا عطبرة اكتر من ناس السودان التانيين مابحبوا مدنهم؟ |
الرائعة بسمات .
انا بخلي احدى العطبراويات تجيب على سؤالك حيث كتبت :
كتبت احدى العطبراويات ما يلي :
عطبرة دى فيها ميزة مابتتلقى فى اى بلد وهى انها بتقبل اى زول ...بلد حنينة ، وفاردة ايدينا دائما للقاصدنها ..
مرة لاقيت فيها واحده من اصول هندية ، عائشة وسط الناس وكأنها من عمق السودانسالتها انت الجابك عطبرة شنو ؟قالت لى والله انا كنت مسافرة وادى حلفا عشان منها نمشى مصر نعالج الوالدةو لمن وصلنا عطبرة القطر اتعطل ، وقعدنا كم يوم ...وفى الاثناء دى امى تعبت ووديناها مستشفى عطبرة ، وقعدنا فترة قريب شهر لانو حالتها ماكان بتسمح ليها الحركة ، وفى المستشفى اتعرفنا على ناس بقو لينا ذى الاهل وماقصرو معانا انا واختى ولما امى خرجوها اصرو الا نمشى معاهم البيت فى وطالت فترة مكوثنا وحبيناهم وحبونا وبقت عُشرة ، لحد ما الوالدة اتوفت وكان اخونا فى الخرطوم جانا فى عطبرة وعرف اهلنا الجداد ، واصرينا بعداك انو نسكن عطبرة عشان الناس الطيبة ومن ديك ولحد الان فى عطبرة ...
ياسلام على عطبرة ....يا الله.... والله كلام يستدر الدمع استدراراً ويجعل المآقي تهمل ..
أحبكم أهل مدينتي
| |
  
|
|
|
|
|
|
|
|
Re: يا ود الشغيل:انقل لينا بوست عطبرة التوثيق� (Re: الهادي الشغيل)
|
| Quote: سين سؤال ياالشغيل،ليه ناس عطبرة بحبوا عطبرة اكتر من ناس السودان التانيين مابحبوا مدنهم؟ |
الرائعة بسمات :
هل تصدقي انني سبق وان توجهت بنفس السؤال للرائع ابي جهينة من جهابذة المنبر وكتابه الأصفياء .. معطون بحب عطبرة واليك نص السؤال والاجابة :
سألت استاذنا الجميل الكاتب العطبراوي المبدع جلال أبو جهينة عن سر عشق العطبراويين لمدينة عطبرة حيث لا نجد وبكل فخر أهل مدينة يفخرون بمدينتهم ويعشقونها حد الثمالة كما يعشق أهل عطبرة مدينتهم فنجد ذلك الهيام والعشق في أشكال شتى منها مايملأ الاسافير والمنتديات ووسائل التواصل فنجد التغزل في عطبرة والوله بها في أبهى صورة ..
أجاب الاستاذ أبو جهينة بالآتي :
٠٠٠٠٠٠٠٠٠٠٠
سؤال وجيه جدا:
السبب شنو؟
انا في اعتقادي الجازم بان جيل الاباء الذين عملوا في السكة حديد انصهرت مشاعرهم حيث كانت الورش عبارة عن مصب لعشق المهنة ولعشق كل من امتهن اي مهنة من مهن الورش ثم اندلق هذا الشعور في تجار السوق الكبير واندية الرياضة وطلبة المدارس وحتى ستات الاندايات.
عشق كان ينفث عبقه مع صفارات الورش واجراس المدارس والكنائس ليعم كل اطياف القبائل وغرب النيل من فاضلاب وعكد وداخلة العمدة السرور.
المناسبات كانت تجمع كل الوان قوس قزح السياسة.
والفنان الاتبراوي كان صوته يعانق كل مشاعر اهل اتبرا.
يتسلل صوته كما يتسلل نهر الاتبراوي عنيفا ليتصالح مع النيل.
| |
|
|
|
|
|
|
|
|
|
Re: يا ود الشغيل:انقل لينا بوست عطبرة التوثيق� (Re: الهادي الشغيل)
|
ياعليش قالوا الحضارة أنثى
والمدن كالنساء .. اما تحتضنك وتحتويك بحنان
او تركلك (ترفسك) عديييل
عطبرتنا دي يا ما حضتنا وهدهدتنا وأرضعتنا السماحة والنضال
وبحسب تعبير رسول حمزاتوف شاعر داغستان الكبير
" شيئان في هذه الحياة يستحقان المنازعات الكبيرة : وطن حنون، وامرأة رائعة"
كعطبراويين بنشوف مدينتنا دي وطن يستحق الحب والمنازعات
دي مفخرة الإنتماء
| |
|
|
|
|
|
|
|
|
|
Re: يا ود الشغيل:انقل لينا بوست عطبرة التوثيق� (Re: حيدر حسن ميرغني)
|
الاستاذ عليش
اقرا كلام حيدر حسن ميرغني العطبراوي مرة ثانية وبرضه فيه رد بليغ للرد على
سؤالك ورده عجبني شديد وعايزة احفظه عن ظهر قلب وبالحرف،،،
وفعلا يا ما ادتنا عطبرتنا من دفق مشاعرها وحنانها حلاوتها،،،
واذا جيتنا زيارة لعطبرة ستجد الوطن الحنون وستجد النساء الرائعات وستجد
الرجال ذوي المروءة والشهامة والكرم،،،
ودمت بالف خير وصحة وعافية
| |
|
|
|
|
|
|
|
|
|
Re: يا ود الشغيل:انقل لينا بوست عطبرة التوثيق� (Re: Basamat Alsheikh)
|
بسمات ياعزيزة تحياتي واسمحي لي كالعادة اختها علي بلاطة:
الشغيل ده وهابي!
فما دخل امثالو بي نموذج عطبرة اللي مابتختلف عن اي رقعة في السودان اطلاقا.
بمعني لو سكان عطبرة كانو وهابية لا قدر امون، فقطع شك لما كانت عطبرة ماهي اليوم في ذاكرتك وذاكرتو هو، الوهابي الارهابي الداعشي الذكوري، اللي بتعجب يا اختاه انك تقدميهو ليقدم نموذج مجتمع وقيم عطبرة، وهو من ينظر لامثالك كناقصة عقل ودين وفقا للكتاب والسنة!
كيف هو حدث او كان من عطبرة خلاص بالاستيكة تمسحي كل مارمز اليه شيطان جرة الوهابية بالذات تجاه امثالك كامراة ياغزيزة؟
البعرفو في مجتمع الوهابية، الاخ اكثر من يشك فيه، او يخاف عليهو من اهل بيتو اي زوجتو تحديدا، فهو ابن امه وابيه اي شقيقو الروح بالروح اي اخوهو!
كيف مخاليق دي طريقة تفكيرم الوافدة الدخيلة الاجنبية، تنجب طريقة تفكيرم هذه، نموذج انسان ومجتمع عطبرة؟
كيف؟
نعم اذا طريقة تفكير الوهابي المريضة بتدمر حتي نشيج الاسرة الواحدة، فكيف لعقلية كهذه ان تنسج نسيج نموذج مجتمع عطبرة؟
هذا مستحيل!
لايمكن الثقافة العربية تنجب شئ حتي قريب من نموذج مجتمع الثقافة السودانية علي الاطلاق!
اذن مضحك جدا انو وهابي ذكوري بدوي رعوي خلوي يحتفل بذات قيم مجتمع عطبرة اللي هو جا السودان كباشبوذغ ال سعود ليدمرو باعتبارو كافر اومارق وماشابه من ترهات!
هل مجتمع الوهابية ممكن ينجب نموذج البلابل مثلا، اللي مجرد صوتن كنساء عورة، دعكي من الغنا اللي اصلا حرام؟
مضحك منظر الوهابي الارهابي الداعشي البحتفل بمنجزات ذات القيم اللي في عرفو خارجة عن الدين!
ماعلاقة وهابي بي نموذج مجتمع وثقافة عطبرة؟
| |
|
|
|
|
|
|
|
|
|
Re: يا ود الشغيل:انقل لينا بوست عطبرة التوثيق� (Re: الهادي الشغيل)
|
بشاشا يا عزيزي اسمح لي برضه اختلف معاك اولا في اول نقطة من كلامك
..انت بتقول "نموذج عطبرة اللي ما بيختلف عن اي رقعة في السودان اطلاقا "
...لا نحن اهل عطبرة نموذج عطبرة بيختلف اختلاف كلي عن اي رقعة في
السودان واهل عطبرة بيختلفوا كليا عن باقي سكان المدن الاخرى،،، وكل ناس
مدينة بيعتزوا بمدينتهم ، ونحن بنعتز بمدينتنا ام المدائن عطبرة ،،،
وان شاء الله انت تكون زرت عطبرة قبال كده ؟ واذا ما زرت فمقدمة ليك دعوة
لزيارة عطبرة في الصيف القادم عشان تشاهد بنفسك كيف عطبرة واهلها بيختلفوا
عن اي بقعة اخرى في السودان...
وانت بتقول في نهاية تعليقك انك بتستغرب كيف لوهابي يمثل نموذج ومجتمع وثقافة
عطبرة" يعني انت معترف ان لعطبرة نموذج ومجتمع وثقافة رفيعة المستوى،،،
واقول لك انني لست متدينة بالقدر الذي يمكنني ان اعرف كل شئ عن الوهابية وعن عقيدتهم
وتفكيرهم الديني ، واذا انت بتقول ان السعودية وهابيين ، فانني اعرف شيئا واحدا وهو ان
السعودية تحارب داعش وانصار داعش والذين يقتلون الابرياء بدون ذنب ، فمعنى هذا ان الوهابيين
الذين تصفهم بانهم متطرفين يقاتلون داعش ولا يؤمنون بافكار داعش،،، ولكن تاكد يا استاذ بشاشا
ان المجتمع العطبراوي مجتمع مسالم ومجتمع يحتضن الجميع ، واذا كان مجتمع عطبرة كلهم اصبحوا
وهابيين فسنصبح كلنا وهابيين،،،فالنسيج الاجتماعي لعطبرة نسيج متماسك ونسيج قدوة ولا توجد اي
نوع من انواع الكراهية والحقد والعنصرية في المجتمع العطبراوي،، انه مجتمع الفضيلة ومجتمع المروءة
والشهامة السودانية الاصيلة،،
ودمت بخير وعافية
| |
|
|
|
|
|
|
|
|
|
Re: يا ود الشغيل:انقل لينا بوست عطبرة التوثيق� (Re: Basamat Alsheikh)
|
سلام ياناس عطبرة،في الحقيقة هذا السؤال لفت نظري منذ فترة طويلة...لقد قمت على مدي العشرين عاما الماضية بزيارة الكثير من المدن السودانية،وتعرفت كذلك على كثير من السودانيين من مختلف المدن والقرى..لم أصادف إطلاقا تمجيد لمدينة من قبل ساكنيها كما يفعل أهل عطبرة..نعم الناس تحب مدنها لكن ليس كأهل عطبرة..وقد كان ذلك الأمر بالنسبة لي سلوك جمعي شاذ..في عام 94 كنت في عطبرة لفترة أقل من عام،تلك كانت تلك زيارتي الأولى لها،أعقبها الاستقرار المؤقت أيضا في مناسبتين متباعدتين..تعرفت في تلك الزيارة ـــ وماتلاها من زيارات ـــ على قبطي عجوز من أقباط عطبرة ،وسرعان ما أصبحنا صديقين ..هذا الرجل من مواليد 1915 على ما أذكر، استهلكنا أنا وهو الكثير من العصريات مع بعضنا البعض،كنت أذهب إليه في المنزل فيخرج كرسيين نجلس عليهما أمام المنزل،ونبدأ في سرد الأحاديث،في الواقع كان هو الذي يتحدث وأنا أمارس عملية الصمت الشغوف..كان رجلا قصير القامة ،منحني الظهر على خفيف،شاحب الجسد وتبدو عروقه من داخل يديه زرقاء وخضراء..لكن هذه لم تكن الصفات التي جعلتني استهلك طواعية كل تلك الأوقات في حضرته،ماشدني إليه أكثر من أي شئ آخر،هو روحه الحلوة وحبه للدعابة،ورغبته العارمة في الحكي..كان أكثر مايحكي يحكي عن فترة عمله في السكة حديد مع الأنجليز ومابعدهم..كانت زوجته ماتزال موجودة في الدنيا،لديهما ابن واحد هاجر إلى استراليا..فصارا وحيدين..شيخنا لم تكن له علاقات قوية مع باقي الأقباط في المدينة،لذلك كانت الظروف مثالية تماما لننفرد أنا وهو في مقعدينا ،في تلك الأمسيات الناعسة،نراقب المدينة ونمارس غريزة الحكي والاستماع..كم كان مرحا وهو يخبرني بأن الأنجليز كانوا يسمحون للأقباط بدخول البارات دون السودانيين.. في مثل هذه المناسبة يقول مثلا:كانت الحاجات رخيصة جدا،تصور قزازة ال(ولاأذكر الاسم بالضبط ) كانت بقرش..
بعد كل هذا الجلوس معه،وأيضا تجوالي الكثير في المدينة،وصلت لخلاصة أن هذا الإرث التمجيدي العطبراوي ناتج في الأساس من أن المدينة نشأت على أكتاف المصريين...المصريون هم في الأصل من أدخل في (العطبراب) هذه النزعة التي تنحو للشذوذ بمقاييس باقي مدننا،ومشابهة جدا للاتجاهات المصرية..الأمر في نظري ليس مرده لجمال عطبرة وتفردها،لا،الأساس هو أن جيل الورش الأول ـــ الذي أشار إليه أبوجهينة ـــ أخذ الراية من أولئك المصريين الذين علموهم الصنعة..
وصار الأمر من بعد مسلما به،جيل بعد جيل،وناس عطبرة يعتبرون عطبرة متفردة جدا عن باقي الربوع..خلاف الأقباط،نجد أن كثير من الأسر المصرية المسلمة اتخذت من عطبرة سكنا لها..مما ساهم في النفخ على هذه النزعة..
هذا الانطباع إن كان حقيقة،فلن يقلل بطبيعة الحال من روعة تلك النزعة..مازلنا نحب عطبرة وناس عطبرة،ونكون سعداء جدا عندما تقذف بنا إطارات السيارات في طرقات تلك المدينة.
سلام واحترام
| |
|
|
|
|
|
|
| |
عليش الريدة
حيدر حسن ميرغني
Bashasha
Khalid Saeed
فيس بوك
تويتر
انستقرام
يوتيوب
بنتيريست