|
Re: زواج الجنيات توجد صورة (Re: عبدالحفيظ ابوسن)
|
Quote: بدري يا اشرف ونحن صبية صغار . موسي العجب بكون عارف القصة دي كنا اطفال وبنجي السوق في الاجازات شفت واحد ساكن ريفي كوستي بقولو متزوج جنية وبحكو عنو قصص خيالية لتأكيد زواجو دة |
ابوسن سلامات كوستي الجميلة كانت لي فيها ذكريات لا تنسي في اوائل التسعينات وانا مهندس صغير في شركة NCR كنت دائم الحضور لصيانة ومتابعة اجهزة الكمبيوتر للبنوك هناك وخاصة بنك النيلين ولي علاقات وصلات طيبة حتي الان مع اهلها
انا مولود في الخرطوم وجواز سفري استخرجتو من كوستي . في الوقت داك وانا في جلسة مميزة مع بعض الاخوان وخلال الونسة عرفو انو ما عندي جواز فاصرو بكرة الصباح اكون عندهم لاستخراج الجواز وقد كان وطبعا حسب القانون
كوستي معني الاخوة مجسد في اهلها
يديك العافية
| |
|
|
|
|
|
|
Re: زواج الجنيات توجد صورة (Re: Ashraf El Bagir)
|
تحياتي أبو سن هي مسألة فقهية قديمة تكلم عنها بعض فقهاء المذاهب ومنعوها لأسباب منها اختلاف النوعين وأيضًا حتى لا تحمل امرأة من إنسي بالزنا وتأتي وتقول أنها متزوجة بجني طبعًا الحمل من الجني أصلًا غير متاح لاختلاف النوعين!
| |
|
|
|
|
|
|
Re: زواج الجنيات توجد صورة (Re: عبدالحفيظ ابوسن)
|
ابوسن وشركاه بنعرف... ان جميع الجن وَلَد إبليس. والله سبحانه وتعالى يقول في كتابه العزيز (يرونكم من حيث لا ترونهم ) و (يَرَاكُمْ هُوَ وَقَبِيلُهُ مِنْ حَيْثُ لاَ تَرَوْنَهُمْ) والبيان واضح فكيف يرى الانس . الجن؟ وكل الحكايا دي متواترة ولكن لم نرى او نشهد ان الولد دا امو جنية وابوه بشر وحبوبتو جن ازرق
| |
|
|
|
|
|
|
Re: زواج الجنيات توجد صورة (Re: Ahmed Yassin)
|
حسب طبيعة الانس والجن فالاتصال الجسدي المباشر مستحيل
اعتقد انو الموضع كله عباره عن خيال للانسي عندما تسحره الجنية وطبعا معروف ان السحر هو صنعة الجن والسحر اساسه الخيال اعتقد المتزوج بجنية يعيش واقع خيالي افتراضي مع قناعته الكاملة بانه حقيقي يمارس حياته الزوجية ويري اولاده امامه ولا يراهم غيره وهذا بفعل سحر الجن يعيش حياة الوهم وهو لا يدري
| |
|
|
|
|
|
|
Re: زواج الجنيات توجد صورة (Re: محمد جلال عبدالله)
|
ود اب سن سلام دا عمنا ود صالح الله يرحمه نعم كان متزوج جنيه كان يوميا يكون موجود في السوق من صباح الرحمن السيجاره في السيجاره طول اليوم وأكثر أماكن جلوسه كان جنب دكان محمد ادم حمزه وفتح الرحمن الشايقي وما بلبس جلابيه شايل عصايه ومنديل ولابس طاقيه بلون الطبق ويسكن في قريه ام هاني جنوب كوستي والتي الان أصبحت من احياء كوستي الان مره في جماعه كانو عايزين يتأكدوا من كلام الجنيه دا صاح ولا كلام ساكت ، مشوا ليهو زياره تقريبا ٥ أشخاص فطلبوا من لبن وفي جلستهم أتلفت منهم ومع ارتداد الطرف خت كوريه اللبن قدامهم والرغوه صابون تايد في الغساله لمن قال ليهم اتفضلوا الجماعه الخمسه مرّقوا دفعه واحده من باب ألقطيه والباب لا يطّلع غير شخص انحناء وحبوا جري ولا خدشه ولا نعال اتملصت اها لمن حصلهم خارج البيت قالو ا له عايزين نعرف اللبن دا من وين فكان رده من بقر عبدالعال ( النكاير) لا توجد ترجمه النكاير الا اذا تتفنت كان ود صالح يساري التوجه ورجل مرح ، في سنه ضربه الجزيره أبا كان راكب لوري العجب الله يرحمه في اتجاه كوستي وعند القرب من الحاميه اشتد صوت السلاح فصاحت احدي الانصاريات تنده وقالت يا سيد ابا فرد عليها جوابا يقطع العشم في المندوه وقال لها الدوسه مع سيد ابا ذاته
وعندك جارك عيسى عبدالله بلمك في من لديه معلومات اكثر في حياه ود صالح والجناويه
| |
|
|
|
|
|
|
Re: زواج الجنيات توجد صورة (Re: عبدالحفيظ ابوسن)
|
تحياتي .. فهمي هو نفس ما أورده اخونا محمد جلال .. لكن، ورد في سورة الا نعام لفظ شياطين الإنس والجن في قوله تعالى: (وَكَذَلِكَ جَعَلْنَا لِكُلِّ نَبِيٍّ عَدُوًّا شَيَاطِينَ الْإِنْسِ وَالْجِنِّ). سؤالي، هل الإنس لهم شياطين وكذلك الجن، وبالتالي يمكنهما أن يتلاقيا؟ ولا تفسير هذا اللفظ شنو؟
| |
|
|
|
|
|
|
Re: زواج الجنيات توجد صورة (Re: عبدالحفيظ ابوسن)
|
ود اب سن لك التحيه
شيخ عبدالحي قال لا يجوز لم يورد لنا الدليل من الكتاب و لا السنه بعدم جواز الانس من الجنيه
الاخ محمد جلال قال ليك منو الجني ما بحمل الانسيه و الله احملها و كمان تلد منه انسي و لعلمك اكثر ركوبه من المتزوجات ، لكن زواج الانسية من الجني منع لقفل باب الزرائع .
الاخ احمد يس ليس ابليس ابو الجن . هو احد الجن . الشئ الذي يميزه عن بقية الجن انه هو اول من كفر من الجن و كان اسمه الحارث .
الزبير الختمي
| |
|
|
|
|
|
|
Re: زواج الجنيات توجد صورة (Re: محمد حمزة الحسين)
|
التحية للأحباب .. فهمت المقصود من البوست .. الحبيب أبوسن يقصد الناس في شنو وعلماء في عالم آخر بمعنى أنهم لا يعايشون الواقع .. وهموم الناس .. قبل ساعتين وقبل قراءة البوست .. كنت أسمع في راديو السيارة إذاعة مكة .. شيخ يتحدث عن كيفية الطهارة بعد قضاء الحاجة .. يتحدث عن قطعتين حجر ... إلخ والحمامات هنا كلها مناديل ورق ومطهرات ومن صعب تجد حجر بمواصفات ما ذكره الشيخ إلا عندنا في البلد ( كوركوتي )
كنت أظن أن عبدالحي مختلف وعياً وإدراكاً .. لقد خاب ظني فيه .. من المفروض يشجع الشباب على العلم والمعرفة والعلوم والابحاث .. إلخ
شكراً أبوسن .. دائماً تجعلنا نعيش الوطن والواقع اليومي هناك مليون تحية ..
| |
|
|
|
|
|
|
Re: زواج الجنيات توجد صورة (Re: علي عبدالوهاب عثمان)
|
Quote: ليس ابليس ابو الجن . هو احد الجن . الشئ الذي يميزه عن بقية الجن انه هو اول من كفر من الجن |
وَإِذْ قُلْنَا لِلْمَلاَئِكَةِ اسْجُدُوا لآِدَمَ فَسَجَدُوا إِلاَّ إِبْلِيسَ كَانَ مِنَ الْجِنِّ فَفَسَقَ عَنْ أَمْرِ رَبِّهِ أَفَتَتَّخِذُونَهُ وَذُرِّيَّتَهُ أَوْلِيَاءَ مِنْ دُونِي وَهُمْ لَكُمْ عَدُوٌّ بِئْسَ لِلظَّالِمِينَ بَدَلاً
تحياتي أخي عبد الحفيظ ابوسن
والزبير الختمي
وجميع ضيوف البوست الأعزاء
| |
|
|
|
|
|
|
Re: زواج الجنيات توجد صورة (Re: كمال معتصم احمد السيد)
|
سلام يا أهلنا، والله عبدالحي ده أصلاً ما حصل تابعت كلامو. لكن الكلام المنشور ده فيهو كم هائل من التخلف. الشمس تغرب بين قرني شيطان؟ الرقراق مكان الجن المفضّل؟ ده شنو ده؟ يعني رحلاتنا الكنا بنعملها زمان في الجناين كانت مليانة جن؟ بعدين الحتة السمحة دي أخليها ليهو ليه ..... حقارة منو؟
ياخ الجن الحكى لينا بيهو القرآن ناس كويسين شديد (قالوا إنا سمعنا قرآناً عجبا)
| |
|
|
|
|
|
|
Re: زواج الجنيات توجد صورة (Re: عبدالحفيظ ابوسن)
|
ود اب سن صورتك دي ماظهرت لي خالص وداير لي موقع لرفع الصور العندي كلهم مدتم انتهت 🕊
ورد في بعض التفاسير ان الجن ارادت ان تُزهد وتبعد سيدنا سليمان في زواجه ببلقيس ملكة سبأ فذكرت له ان رجليها رجلي حمار فكانت قصة الصرح فكشفت عن ساقيها وتبين كذبهم
والله اعلم
تحياتي لك وللضيوف الكرام 🕊
| |
|
|
|
|
|
|
|