|
|
|
 Re: العلمو نورن (Re: محمد البشرى الخضر)
|
سجم التعليم وسجم المعلمين البيقيفوا تحت اليافطة دي.
كل الخليجيين البعرفهم بيشيدوا بالمعلمين السودانيين ... وأي واحد يلقى فرصة لازم يقول ليك أستاذي كان سوداني.
اليافطة دي بتتكلم عن المعلمين العرب ... يعني معروضة قدام العرب بما فيهم الخليجيين.
تاني نمشي وين؟
| |
 
|
|
|
|
|
|
|
|
Re: العلمو نورن (Re: محمد أبوالعزائم أبوالريش)
|
Quote:
ودو ياخ هههه
شيل جبادتك دي ارميها في خور تاني
هههههه
|
ههههه ..
قول الخطاط غلطان .. وما عارف ..
العارفين ديل ما قروها قبل ما يعلقوها
أو حتى بعده وقبل ان تنعقد جلستهم دي ..
والناس يجوا يقروها ويصوروها ..
ويمروقوا ليهم فضيحة زي دي ..
أكيد في زول غتيت منهم وكاجيهم هو الصورها .. 
| |
|
|
|
|
|
|
|
|
|
Re: العلمو نورن (Re: محمد أبوالعزائم أبوالريش)
|
من ضمن الحاجات الكنت بشتغلا فى السودان يا ود البشرى شغل الخط
الخطاط ما بكتب من راسو
بتجيهو ورقة مكتوب فيها المطلوب
اهم حاجة تكتب المطلوب دون تدّخل منك
فى واحدين بعدّلو بعد مراجعة اهل الشان
و واحدين لا
| |
|
|
|
|
|
|
|
|
|
Re: العلمو نورن (Re: جلالدونا)
|
هوي يا ود القوزو جلّي, انا مطرود من هنا كان ما جاني سيد البوست سمح لي اجيب الجبّادة و القفة ما بعلّق على كلامكم
طقطقتكم جاهزة ياها ليها ديك تقرا في كلامي دا, لكن الأصول أصول
| |
|
|
|
|
|
|
|
|
Re: العلمو نورن (Re: عبدالحفيظ ابوسن)
|
Quote: هوي يا ود القوزو جلّي, انا مطرود من هنا كان ما جاني سيد البوست سمح لي اجيب الجبّادة و القفة ما بعلّق على كلامكم
طقطقتكم جاهزة ياها ليها ديك تقرا في كلامي دا, لكن الأصول أصول |
كاااااك ياخ ....
حالتك صعبة ...... مرقوك بي عدتك .... قعدت تزوزي بي برة؟
يالا تعال طقطق
| |
|
|
|
|
|
|
|
|
|
Re: العلمو نورن (Re: محمد أبوالعزائم أبوالريش)
|
هههههههههه ..
والله يا أبو الريش ..
حالة ود البشرى صعبة ..
شايل جبادتو وقفته ..
وكايس الرزق الزي ده ..
اللذيذة أب سن قال ليهو تعال طقطقهم ..
بقت حالتنا نحن الصعبة ...
حقيقي غلطة شينة شديد ..
يأخ حرف الجر الواضح ده ..
يجر بلد سيبك من كلمة ..
الأجمل حرف الجر جاري ..
المعلمين الفطايس ديل ..
والله فعلا يستحقوا يجروهم فوق الشوك ..
يجرهم كلب سعران ..
هو التعليم انهار من شوية في البلد ..
ياهو من فعايل جنس المتلبطين في التعليم ديل ..
أصبحت مهنة معلم مهنة من لا مهنة له ..
أي زول خريج ومن طرف أصبح معلم ..
وبلا تأهيل تربوي ومناهجي ..
وسنده شهادته الجامعية فقط لا غير ..
وشهادته دي ما تاكله عيش ..
كان مرق بيها سوق العمل ..
فاتهجم على مهنة عظيمة زي دي ..
منوط بها تخريج اجيال تبقى عِماد أمة ..
لنا الله غايتو ..
شوف بشتنة السلم التعليمي
ده والمأساة الحصلت فيه ..
خربوها اكتر ما هي خربانة ..
ورجعوا يرصوها تاني نفس الرصة القديمة ..
سنين من الملاواة والمكاجرة ..
تخريج أجيال تأهيلهم تعبان ..
وضياع قروش بالهبل ..
عشان ترجع ريما لي قديما ..
قالوا ادي الخباز يخبز ليك ولو ياكل نص العيش ..
على الأقل تمرق بالنص سمح بدل تخسر الكل ..
ود البشرى يأخ تعال طقطق طقطقتك ... هههههه ..
| |
|
|
|
|
|
|
|
|
|
Re: العلمو نورن (Re: عبدالحفيظ ابوسن)
|
هلا بالخميس .. هلا هلا
مشكور يا ود ابسن على السماح
وعشان السماح دا وقع مني موقع جميل عفيت الشباب ديل من الطقطقة, لذا خليني ادخل في الموضوع طوالي
موضوعي هنا عن التأثير في المتلقّي, سواء اكان عن طريق الاعلام الرسمي او الشعبي - الشعبي اقصد بها الواتساب و الفيس و البوردات وسائر الوسائط الاجتماعيةبما فيها ونسة الخشم حتى
صياغة الخبر تحمل فكرة صاحب الصياغة وتؤثر على المتلقّي للخبر ليس بالضرورة ان نكون هناك كذبة, الحقيقة نفسها يمكن ان تتعرّض لصياغة تبرزوجه وتخفي وجوه
الشي الطبيعي و السائر ان المتلقي يتأثر بصاحب الصياغة ويتلقى الرسالة كما ارادها صاحبها, ويتوقف تعامله معها عل عدة عوامل منها ثقته في صاحب الخبر و خبرته معه ومدى تركيزه وما جرت عليه عادته و أخيرا و ليس آخرا وقع الخبر في نفسه وهواه
المهم , العوامل اعلاه تحكم رد فعل المتلقي و هي التي تسبب الاختلاف بين رد فعل وآخر
أنا اعتدت أن لا استلم الرسالة المصاحبة للأخبار واسلّم بها طوالي كدا, دائما ابحث عن زاوية أخرى للموضوع واحاول ان ارى الصورة الأشمل
ما الذي يجعلنا جميعا سريعي البديهة وملاحظة الخطا في رفع المجرور ونحن لسنا معلمين متخصصين وفي نفي الوقت بغيب عنهم وهم هذا المجال اكل عيشهم!
هل عشنا الظروف التي مرّت بموضوع اللافتة, هل رآهاالمعلمون قبل ان يرفعها الفني المختص قبلبدء الفعالية لنقل بساعة مثلا, هل لاحظوا الخطأ؟هل توفر الوقت الكافي لمعالجته؟ هل تمت المعالجة وهذه الصورة اخذت وانتسرت قبل هذه المعالجة؟
اليست هذه احتمالات
لكن لأ. الفكرة المصاحبة للخبر ان التعليم وحاله و المعلمين انتهوا كما انتهت البلد وكل شيئ فيها وغلطانة السلطة ورغرطي يا اللي ما انتش غرمانة 
________________
هوي .. دي صارقيلة راسها عديل حية تفرفر, وما بقبض بيها ساي, لذا ما يجيني واحد يقول طنّشتني من اسّي نكون واضحين 
| |
|
|
|
|
|
|
|
|
|
Re: العلمو نورن (Re: محمد البشرى الخضر)
|
تعرف يا ودو كسر المجرور ما داير تخصص وعلم زيادة زي غميس النحو . دة ألف با تا ثا .. وزي ما قلت ليكم كنا في الابتدائي اول سنواتو حفظونا حرف الجر
ماعندهم عذر ابدا لاهم لا الخطاط .. اعجب ان تضرسك بشري ولا يضرسك هذا
ف يا ودو دي مجرد يافطة لكنها مهمة فهي عنوان الحدث . وما كانت مختوتة في الواطة ولسة ما اترفعت .دي مرفوعة يعني تمت معاينتها من قبل اللجنة المنظمة
الخطا ما داير ترصد واضح
ثم انو فعلا دة من الحكومة .. لأنو اللجان والنقابات وغيرها هي البتعينها او توفر ليها الظروف المناسبة وتفوز غصب فتأتي بمن لا يعرف
زاويتك دي غيرها شوية ياخ
عاين للامر بشكل اوسع
| |
|
|
|
|
|
|
|
|
|
Re: العلمو نورن (Re: عبدالحفيظ ابوسن)
|
طيب يا حبيب ما دام الف با تا ثا ليه تفترض فوتانها على من علّمك وعلّمني القاعدة السهلة البسيطة دي؟
وانا ما قلت ما ضرستني او انها ليست خطأ لكن خطأ من! دي النقطة
بعدين اوسّع الزاوية أكتر من كدا كيف؟ ختيت ليك مليون وواحد احتمال من ضمنها ان الموضوع اتعالج وتم انزال اللافتة لكن الصورة اخذت وانتشرت قبل ذلك لتخدم الغرض .. و الغرض انت سيد العارفين يطلع شنو | Quote: ثم انو فعلا دة من الحكومة |
ههههههه
عرفتك والله واهي دي الرسالة المدسوسة في ثنايا الخبر البتكلّم عنها
| |
|
|
|
|
|
|
|
|
|
Re: العلمو نورن (Re: محمد البشرى الخضر)
|
ديل يا ودو لا درسوني ولا اظن درسو غيري
ديل جابوهم زعماء ومريسه
ما شافوها رغما عن الخطأ الظاهر لأنهم لا يهتمون ولا فارق معاهم ولا مؤهلين
بكون بهمهم تكلفة اليافطة وظهورها في الميزانية بي كم وهم دفعو كم حقيقة
وسع زاوية الشوف عشان تشوف ابعد من الحدث وتمظهرو .
انت ما قاعد توسع في الزاوية يا ودو انت بتفتش لي المراقات
هههه
تصدق ياود لو قلبت كلام سيدنا عمر ولو عثرت بغلة بتلقا كلامي صاح
الباعوضة البساهر بينا دى منها
| |
|
|
|
|
|
|
| |
عبدالحفيظ ابوسن
جلالدونا
محمد البشرى الخضر
محمد أبوالعزائم أبوالريش
جمال ود القوز
فيس بوك
تويتر
انستقرام
يوتيوب
بنتيريست