|
Re: *****حكاية موضوع تعريفي... و حاجات تانية حامي (Re: Hassan Makkawi)
|
سلام حاتم ابراهيم .... مافي شك انو بوست ابوحسين دا وبوست جلالدونا كانو وسيظلو تاريخ جديد ليك علي الأقل في منبر سودانيزاونلاين ... تاريخ يتخطي زمن كتا بتقيف فيهو ضحي وتهتف :- (انتو الأعضاء القدام ديل بتبشتنوا قدام حاتم كدة مالهم) زمن كان فيهو التوابع (غير النوابغ) وحملة الاباريق والبخور يذهبون خلفك داخل البوستات ممجدين لموسوعيتك وغزارة علمك ... حارقي العمم والجرايد لهزيمة أعدائك اعضاء المنبر ... مش كده وبس بل بتزويدك بالنصايح عينة دقو لي وشيلو أضرب بيهو الواطه ، واسلخ بدون ما تنفخو ، واركبو ركوب الزراف ، وضربو عوقو لغاية مشي يبكي لي بكري عشان يرجع ليهو قروشو ....إلخ. دا كلو اداك الاحساس بأنك اصبحت النجم الأوحد في المنبر ... دا كلو خلاك تتجرأ علي شخصيات ما كنتا تحلم في يوم من الأيام انك تجتمع معاها في مكان واحد لتتبادل معاها الآراء ... ودي حقيقه شئت ام أبيت ... مشوارك داخل سودانيز اضمحلا نتيجه طبيعيه لعدم وجود رؤيا ولي ضعفك الباين لي حاجات إنتا خايف عليها ... لم تنفعك الموسوعيه ولا العلم الغزير (if) في تجنبك السقوط المخزي في مشكله حتي لو تمت ادانتك فيها لن تذهب بك الي السجن ولن تدفع تحويشة العمر ... ممكن تكلفك الاختفاء لأسبوعين وتجي راجع لحارقي البخور بي سوناتا او لامبرجيني جديد وتبدأ تعك من اول وجديد بدون مصادمات مع ايا" كان ويا دار ما دخلك شر .... جمهورك وناسك اجتهدو في محاولاتم لتبرئتك وفشلو فشل زريع امام الحقائق العارفا القاصي والداني ... فرحمة" بهم ومن حقهم عليك ان تنهي هذه الحكايه بي بوست تفتحو تعتذر ليهم هم في اللول ومن ثم لاعضاء المنبر وبي (lum sum) تطلب قفل الموضوع بدون الدخول في تفاصيل تحرجك وتقلل من قيمتك وتعتذر وتسحب بوست التاكتيك كبدايه لي رجوعك وتفاعلك الإنساني مع كافة الناس ... دا كلام بنقولو ليك ليس حبا" أو كرها" فيك وانما لنجنب اخوه وزملاء لنا نحبهم ونتفاعل معاهم فقدو المنطق البسيط دفاعا" وكفاحا" لمن لا يستحق. تحياتي ...
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: Salah Zubeir)
|
لخبطة شديدة يا أبوصلاح .. خلطت شعبان مع رمضان .. انت عندك موضوع واحد بس لا غيره .. ده شنو التكويش العملته هنا ده !! ... ثم كيف يعني انه ما يحلم يجتمع مع البعض هنا .. بيميزهم شنو يعني ؟ ... ما ترفع كاس البطولة ساي يا صلاح .. ركّز على موضوعك بتاع السرقة أو الانتحال .. أو أي ما كانت ما هيته بدون ماتشتغل كوار ..
شكله بنزينك قطع يا أخوي ...
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: Salah Zubeir)
|
يا ابو صلاح بس نعلّها دي الرسالة الشغال ليها بروموشن من امس! شي أقل من 24 ساعة و شي ترقبّوها وبتاع! علي اليمين بالغت معانا ! انا قلت دي اقلّاها تجيب لينا معروف سيد الإسم سايقه من ايده - باقي نظره على قدرو قالوا :) أو تكون سمعت الـ tip و قوقلت بالإنجليزي و جبت الديب! اجي القاك جبت العيد ههههههه
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: محمد البشرى الخضر)
|
شوفو يا أولاد القوز والبشري ... عرض زي دا ما بقدمو الا واحد ليهو يومين ما نام ... ونسي حكاية التشدد في معاقبة المجرم ولي هسي ما عارف مصيرو شنو مع شركائه ... المنطق بيقول العرض مغري ليكم اتو اللتنين وتالتكم ورابعكم ... علي الأقل بيحرركم من التقل المعسمكم دا ويحرر الحرامي من التلبد ويخلي الامور طبيعية ... دا من ناحية .. من ناحية تانيه الجراب مليان بالتقيل يا ود البشري والفضيحه قدر الليله وباكر وعربون محبه كدا بس لو عندك ودخالتك في الخرطوم خلي يمشي يفتش كلماسوفت في شارع كترينا الببدا من لفة جامع شروني جنوب محطة السكة حديد لغاية قفلة ونهاية الشارع عند السور الجنوبي لحديقة القرشي ... دا عربون بس.
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
عسس شنو .... ههههه ... دا نحنا بنتحسس خطاك بس ... ماهو إتا الوحيد القتا وسمعتا صوتو وعارف وين عناوين وتلفونات مؤسساتو .... إلخ. last update دي يعني ما عندو نشاط ولا ههههه عمل انتحال مؤسساتي كمان. نحيلك لي شهادة اخونا عمر التاج عن المؤسسه وصاحبها ....
Quote: أحسب أن لدي معرفة واسعة بشركات البرمجيات البتتعامل مع المؤسسات الحكومة .. وفي منتصف المسافة بين الخرطوم 2 والسجانة بالذات كنت أدير عملا مقترتا بالمجال وبهذه الصفة أعرف كل موظفي الشركات الموجودة في المنطقتين ، والعاملة في البرمجيات كما كانت لدي علاقات كبيرة بالمؤسسات التعليمية المختصة في العاصمة، وعملت في بعضها كما أن اغلب زملاء إدارات التقنية في الوزارات زملاء بالنسبة لي ، تربطني بهم علاقات كثيرة ومجموعات عديدة على وسائل التواصل الاجتماعي .. وبهذه الإحاطة وبسؤالي عنه لدى أغلب معارفي خلال الأمس واليوم أجزم تماما بعدم وجود أي شخص اسمه حاتم إبراهيم أو معروف أبو الحسن أو علي ماهر له ارتباطات بمؤسسة في العاصمة تعمل في هذا المجال وله علاقة بقواعد بيانات ما يتوقع أن يكون حكومة الكترونية.
|
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
Quote: الطفشو حا يجو تاني ........
|
قاعدين يأخ مافي زول مننا طفش .. بنعاين ونتابع في الخرمجة البتسووا فيها دي .. وعايزين نعرف آخرتا شنو ؟ .. معقوله يأخ .. بالغتوا يشهد الله .. ثم شنو الوثوقية دي .. هل عمر التاج عارف المنطقة من شروني لامن نهاية السجانة.. !! .. ومتأكد منها بالصورة التستشهد بيها بشهادته دي ! .. يأخ دي منطقة واسعة جدا وفيها تقريبا 9 أحياء .. رغم اننا شاقين النواحي دي طول بي عرض .. برضو مابنقدر ندعي إدعاء سيزيفي لامتناهي زي ده .. خليك من بتاع القاش وجبل التاكا ده .. ههههه .. خلي جايب شهادته معلقها في البوست .. بالغت وشذيت ..
جبت ضقلا يتلولح يا أبو صلاح ... أو كما قال أبوحسين لافُض فوه ..
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: جمال ود القوز)
|
هب وقوول كلامكم ده كلووو طلع صاح افتراضا يعني .. هل على فرضية واحدة عايزين تجوطوا الشغلانة بالصورة المريعة دي ؟ .. هل الامر ده بيستوي منطقا وعقلا ! .. وهل الفرضية الوحيدة المشيحيدة دي بتديكم الحق تمرقوا الزول ده .. وبي مواهب الكتيرة ومتعددة والتي شهد عليها القاصي والدانِ .. كيت من مولدكم المهبب ده .. ! ..
خلي قال ما يحلم يجتمع ببعض رواكيب المنبر وقببه الفاضية ..
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
Quote: خلي قال ما يحلم يجتمع ببعض رواكيب المنبر وقببه الفاضية |
اتا يا ود القوز رسالتي دي لي حاتم ما طلعتا منها الا بي دي ... العرض الفي الرساله دي متوازن جدا" وبحل المشكله قبل ما تفقدو زولكم دا تلقوهو في صقط لقط ... اتا زول عندك من الحكمه ما يكفي لتقدير موقف صاحبكم ومخارجتو من اشكالية السرقه او توابعها ... وزي ما شايف تاثير البوستين ديل علي تحركاته داخل المنبر والكل الآن متحفز ومنتبه تماما" لنواياهو وخططه ومافي تاني زول عاقل حا يشرب من كاس الحرامي ... يعني ما حا يكون متاح ليهو الاستعراض ومساسكة خلق الله بي كوبرا ولا اناكوندا المفروض تسوقوهو تدخلوهو في مكنه تعيد تدويرو زي اكياس البلاستيك ويجي راجع زيو وزي الاعضاء الاخرين ..
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: Salah Zubeir)
|
دي اول كذبة :- 1-
Quote: وساكي ليهو زميل بورد بالإفك والبهتان لمجرد الشبهات |
قلت حرامي و الدليل موجود معروف ابوالحسن طالب الماجستير كلية العلوم جامعة الخرطوم كتب موضوع في 2010 نفس الموضوع سرقو حاتم إبراهيم و كتبو هنا في 2014 لا قال منقول و لا جاب الرابط السارق منو .... و تهريجك و رفسيك العملتو دا كلو ما غير شي ... حاتم إبراهيم حرامي سارق ليه موضوع كامل
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
دي كذبة في رويسك اتا يا أبو حسين قلتا ليك الزول دا هو ذاتو معروف كررتها ليك مرات ومرات . عندك معلومة انو معروف غير المتهم جيبا أرميها هنا وبكورك معاك زي ما قلتا ليك .. وبعدين ما كويس برضو تتهمني بالكذب لمجرد أنك ما مقتنع بوجهة نظري .. مش قلتا ليك اتا ماشي على غريق ؟؟ وما بتقدر عليهو يا أبو حسين والله .
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
كدا عدّاك العيب يا ود الزبير أنا وتّرني الكلام دا Quote: من ناحية تانيه الجراب مليان بالتقيل يا ود البشري والفضيحه قدر الليله وباكر |
عارفني حساسيتي عالية ضد التعدي على الخصوصيات و الابتزاز و التحسّس ورا الناس باختصار ضد امور الطربدة و صحافة الفنّانات ! لكن طالما الموضع عن المكتوب في البورد فا شنو... الامور طيبة يلّا اكسب الزمن و ادينا من الجراب لا داعي للانتظار لأنه صدقني لن يحدث اي فرق
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: محمد البشرى الخضر)
|
Quote: وين و متين انا رفعت اللافتة دي ...؟؟؟ تنظيرك احتفظ بيه لي نفسك اديني ادلة واضحة ..... |
خلاص دي اعتبرا كذبة اتا ما رافع لافتة الأخلاق والمباديء ساكي الزول دا حقارة ورجالة ساي كدا منك .. ما عندك شغلة بانو يسرق واللا ينصب .. مع انو دي ما بتعتبر كذبة بتعتبر حسن ظن ما في محلو . أها يالا الباقي
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: طلحة عبدالله)
|
Quote: كذبة بتكرر فيها عشان الناس تصدق كذبك ...... عندك دليل عليها ....؟؟؟؟ بدون تنظيرك المشهور بيه .... اديني حقايق ... لأنو لغاية الآن عندنا شخصين بي إسمين مختلفين |
طيب واتا ما لك ما جبت الدليل انو الاسمين ما شخص واحد أثبت انو المتهم دا ما هو معروف وأنا أثبت ليك انو هو معروف ما تقول لي اسمين مختلفين عشان اتا ذاتك هسة بتكتب باسم غير اسمك فهل دا معناهو انو أبوحسين ما هو عادل ؟؟ دي برضو كذبة في رويسك اتا بس .
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: طلحة عبدالله)
|
اها وين باقي الكلام الكلو كذب وتدليس يا أبوحسين ؟؟ غايتو الوحيدة الما بقدر اغالطك فيها لو أصريت على انها كذبة بتاعت رافع لافتة الأخلاق دي .. لأنو أنا كنت مفتكر أنك بتحارب في سلوك السرقة ما غير كدا .. الاتنين التانيات القلتهن ديل في رأسك اتا بس من باب المكابرة والغلاط ساي .. لكن ما كذبات يالا جيب باقي الكلام الكلو كذب وتدلس وممكن أساعدك اجيبو ليك
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: محمد البشرى الخضر)
|
Quote: حاج الطيب ما حسبتها صاح .... شايف الدفاع عن الباطل الباين زي الشمس ... و المحاولات المستميتة لقتل البوستين .... ما صدقوا ...... انتظر هجمة مرتدة ..... |
هي يا حاج العوض ونحنا بنخاف من المرتدات .... بعدين الناس ديل إن بقي ياهو دا لعبم لومني كان الكورة وصلت السنتر ... ياخي دي زي التقسيمه قون وباك والكوره ما بتمرق من خطهم بتاع ال18 زنقة شنو في شنو كدا .. بعدين كلو حركه فيها بركه .... هسع شوف الرغي والتزبد دا .. هسع احمد الله انو كلام طلحه دا قاعد يقولو كتابة" ... اتا عارف لو بتكلم معاك وجها" لوجه كان تكون محتاج غسيل وش من كمية البزاق الكان حا يجيك ... 😀😀😀😀
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: طلحة عبدالله)
|
Quote: هات دليلك على انو معروف هو حاتم ...
|
يعني معقول يا سيد أبو حسين تتهمني بأنو حرامي وتطالبني باثبات انو أنا ما كدا ؟؟ اتا أول أثبت انو كاتب الموضوع ما هو شخصية واحدة غير حكاية الاسمين المختلفين لانو دي أفتكر اتفقنا أنو بتحصل كتير وأديتك مثال بى اسمك اتا ذاتك .. يبقي الدليل يكون مثلا انك بتعرف معروف أو بتعرف زول بعرفو ويجيبو لينا صورة وصوت .. غير كدا نو وي يا أبو حسين . البينة على من أدعى بما انك ادعيت بانو المتهم ما هو معروف فيبقي جيب بينة اتا أول .
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: طلحة عبدالله)
|
Quote: طيب واتا ما لك ما جبت الدليل انو الاسمين ما شخص واحد أثبت انو المتهم دا ما هو معروف وأنا أثبت ليك انو هو معروف ما تقول لي اسمين مختلفين عشان اتا ذاتك هسة بتكتب باسم غير اسمك فهل دا معناهو انو أبوحسين ما هو عادل ؟؟ دي برضو كذبة في رويسك اتا بس . |
شخصين بي اسمين و عايزني انا اجيب ليك دليل على انهم شخصين ...؟؟؟؟؟ زمااااااااان منو ما متذكر قال للحرامي البس كدارتك و تعال عشان زي عمايلك دي ..... انا عندي اسمين مختلفين المنطق و العقل الما ذكي بقول انهم شخصين انت بتقول انهم شخص واحد انت المطالب بالدليل ما انا .... و ترديدك للكذبة دي ما بخليها حقيقة .....
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: طلحة عبدالله)
|
اتّ يا طلحة جبنا ليك شروط العضوية من موقع المترجمين انو التسجيل بيتم بعد تقديم مستند رسمى لاثبات الشخصية نفس القصة بتم هنا فى سودانيز يعنى معروف عندو وثيقة رسمية تثبت شخصيتو عند ناس الترجمة و حاتم عندو وثيقة رسمية تثبت شخصيتو عند صاحب موقع سودانيز دى الادلة المتاحة حالياً و استناداً عليها بنقول اىو حاتم شخصية مختلفة عن معروف اعتراضك المجانى على الحتة دى بيبقى شغل تشتيت ساكت ما لم تقدم دليل يثبت انو حاتم هو معروف لكن بالكلام و العضل ساكت ما ممكن تقنع زول نسيت ماهر على برضو تم تسجيلو بى مستند رسمى و فى نفس الموقع و الغريبة ماهر على طلع هو حاتم و دليلى على الكلام ده اعراف منّو هسى لو داير تقنعنا انو معروف هو حاتم جيب اعتراف منّو و وعدى بالاعتذار قائم
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: Salah Zubeir)
|
Quote: يلّا اكسب الزمن و ادينا من الجراب لا داعي للانتظار لأنه صدقني لن يحدث اي فرق |
ههههههههه يا باش دا تناص ولا زلابيه ولا شنو ... اتا داير يدوك الزلابيه من الجراب وكمان مستعجل وتشيل وتاكل فيها وتشبكني دي زلابية فيتريته ما زلابية دقيق فينو ... ههههه حاجات الجراب بتمرق في موعيدا المؤثره جدا" ..
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: Salah Zubeir)
|
يا جلالدونا عضل شنو هسة العضل الهنا دا أنا واللا اتا وجماعتك ديل يشيلو ويردموا مرة يدلعوا ومرة يقولوا كذاب ومرة يقولوا لي خشمك بتطاير منو البزاق وأنا المسكين أشيل وأهدى فيهم وبرضو يجي معاوية يقول لي اتلومت وتجي اتا تقول لي عضل وخف جمل .. يا حبيبي يا جلالدونا أدلتك دي ياها ذاتا العضل العايز تقنعنا بيهو دا .. دي اصلا ما أدلة والله العظيم ما أدلة .. جيب معروف دا صورة بس ان شاء الله وح أقتنع بيها .. صورة بس .. أها قصرت معاك .
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: Salah Zubeir)
|
Quote: اتا مغالط في انو الزول ممكن يكتب باسمين مختلفين أو عشرين اسم واللا مغالط في شنو بالضبط ؟ عشان نمشى واحدة واحدة .. اتا قلتا المتهم دا حرااااااااااااامي ودليلك على انو سرق موضوع معروف دا معناهو انك بتقول المتهم ما هو معروف .. طيب اتا مطالب تثبت بانو ما معروف وتاني بكرر ليك حكاية كتابة موضوع واحد باسمين مختلفين دا ما دليل يعتد بيهو .. يعني هسة لو شلت الموضوع دا وديتو للقاضي المحترف الشغلانية دي مستحيل يحكم بانو الزول دا حرامي لمجرد الشبهة دي .. زي ما قاعد تكورك اتا هنا .
|
الطبيعي كل زول عندو اسم واحد ..... الما طبيعي انو شخص واحد عندو اسمين .... عايزني اجيب ليك دليل على الطبيعي و انت مربع يدينك و تنظر لي على انو الماطبيعي هو الصاح بدون دليل ... !!!!
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
أبو حسين الحنين طيب اتا اسمك عادل بتكتب باسم أبو حسين كدا طبيعي واللا ما طبيعي ؟
يا جلالدونا أقول ليك حاجة .. جيب المستندات القلتها دي مستندات معروف ومستندات المتهم اللي هو حاتم ومقدما كدا اتا معاك حق وأنا غلطان .. بس جيب المستندات القلتها دي . انا ما بفيدني ولا بضرني كونو واحد هنا يطلع حرامي بسرق المواضيع .. مما جيت المنبر دا ماشى جمب الحيطة لا بقول دا سرق ولا دا خطف ولا عندي شغلة بالهوامش دي .. لأنو أصلا أنا ما طارح نفسي مفكر واللا كاتب واللا أديب ولا بوليس ولا أية حاجة .. أنا زول بجىء هنا أهظر وأناقش في حدود ضيقة جدا ولو عملت بوست بعملو في حدود معرفتي وإمكاناتي .. عشان كدا ما عندي أي مانع لو اقتعنت بانو المتهم دا حرامي فعلا اعتذر وأقول ليكم أنا غلطان وأشتت في حال سبيلي على أمل اللقاء في ملف تاني .. اتا قايل أنا شايل لي حمل تقيل يعني ؟ أبدا وحياة خوتك المافيها فائدة .. خخخخخخخ
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: Salah Zubeir)
|
Quote: كابتن صلاح بدأ يفلت .. |
هلا طلحه ... ياخوي اتفلت عليك لي شنو وعشان شنو الكتبتو انا شخصيا" خاتيهو تحت بند المداعبه والهظار ... ممكن ترد عليهو بي حكاية الاسهال دي بي نفس الطريقه وتديها كوزين من عندك لانو انا البديت .. وعادي الامور تمشي ... لكن لو حسيت انو في تفلت فيما ذكرته تجدني متاسف واعتذر ليك بي شده ... بعدين الناس الدفعتي مشو الجيش هسي دي رتبتم فريق أول... حكاية كابتن دي ما لافقه.
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: Salah Zubeir)
|
أها يا صلاح اتا هسة يقولوا ليك شنو ؟؟ علي الطلاق عارفك بتهظر وأنا برضو بهظر .. ياخ حيرتونا .. نهظر زي هظاركم تقولوا لا نعتذر واتلومت وعضل وما عارف شنو .. ما نرد ليكم هظاركم أنا شايفا سخيفة وفيها تجاهل ما كويس .. أها أعمل شنو يا الحبيب .. غايتو كدا بتأكدوا لي كل مرة انكم ما بتقبلوا جنس الهظار البهظروا دا .
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: طلحة عبدالله)
|
أبو حسين طلعت في الشباك عايز تهرب طوالي .. لا يا خوي اتا عليك دين منبثق من الدين الأكبر اللي هو موضوع الفطيسة المسميهو بوست دا .. الدين المنبثق انك قلتا فوق كلامي كلو كذب وتدليس وما جبت غير تلات .. اتنين منهن في رأسك اتا بس والتالتة حسن ظن ما في محلو لا تعتبر كذبة لكن ممكن نمشيها ليك شفقة فيك ساي .. أها جيب باقي الكذب والتدليس القلتو دا يا الحنين .. ولو غلبك تقوم بسندك اجيب ليك الكلام في محلك .. ولو برضو غلبك .. بعفيك عملا لله لكن بطلب منك نوريني اذا اتا ما رافع لافتة الأخلاق والمبادىء ساكي الزول دا لشنو وتكورك ليل نهار حراااااااااااااامي ؟؟؟؟؟
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: طلحة عبدالله)
|
وبرضو يا جلالدونا كونو أحرس لي بوست عشان أثبت فيهو براءة زول تاني أو أدافع عنو حتي لو بعرفو ما قاعد اعملا والله أبدا لسبب بسيط جدا وهو اقتناعي بانو أي زول دخل المنبر دا عندو القدرة على انو يدافع عن نفسو بطريقة أو بأخرى .. يعني بالكتير ممكن اتداخل في البوست مرة أو مرتين لكن ما بالطريقة الشايفا هنا دي أو في فطيستك الشالا سيل الأرشفة دا لانو أبو حسين وداك لأنو انت زيكم وزي آخرين هنا ممكن أصاقرم لكن ما كل الناس .. أنا ما عندي اخلاق أحرس البوست بتاعي ذاتو ولو جيت لقيتو مشى الصفحة التانية بجليهو إلا في حالات نادرة جدا . عايز أقول ليك يالا حركنا جيب المستندات القلتها دي واعتذاري مكتوب وجاهز والله .. انا عايز امشى الحفلة ما تفوتني ... خخخخخخخخ
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: طلحة عبدالله)
|
جلالدونا أو من ينوب عنه ألكعوا خخخخخخخخ المستندات أو ما يثبت انو المتهم ما هو معروف أبو الحسين أو أيا كان اسمو واعتذاري جاهز في جيبي .. ومعاهو اعترافي الصريح وباعلي من صوت أبو حسين انو حراااااااااااااااامي .. اتا قايل أنا واقفة لي دي يعني ؟؟ المهم حركونا ... عايز أشتت بص السيرة دا بفوت يخليني .. خخخخخ
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: طلحة عبدالله)
|
Quote: اتا داير يدوك الزلابيه من الجراب وكمان مستعجل وتشيل وتاكل فيها وتشبكني دي زلابية فيتريته ما زلابية دقيق فينو ... ههههه حاجات الجراب بتمرق في موعيدا المؤثره جدا" .. |
ههههه انا عارفها فتريتة ومدتها منهية كمان لكن وحاة الخوّة ما ح اقول ليك كدا وقت ملاوز من دي, بقطعها في جواي من سكات مواعيد مؤثرة يعني الساعة كم كدا, ساهرتوا بينا ما تدونا الليل ساي
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
طيب اتا هنا طلعت أكذب من مسيلمة ومحترف بهت الناس بالكذب اتا هسة قلتا لي كلامك كلو كذب وتدليس .. وين الكذب والتدليس دا ما لك ما جبتو؟ ما معقول تكون بتفضح في الحرامي والكذاب واتا في نفسك كذاب ومحترف إفك وبهتان .. جيب الكذب والتدليس في كلامي وإلا انت كذاب أشر لا تخاف ممن في السماء ولا تخجل ممن في الأرض .. خخخخخخخخ أتا قايل كونو أقول ليك كذاب دي بشتروها من الكنتين ؟؟ لا أقولا ليك وبى أدلتا كمان مش زي حقتك ساي كدا رجالة وحمرة عين .
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
Quote: جيب الكذب والتدليس في كلامي وإلا انت كذاب أشر لا تخاف ممن في السماء ولا تخجل ممن في الأرض .. |
مباااااااااااااااااااااااااااااااااااااااااااالغة يا الجااااااااااااااااااااااااااااااااااااااااااااااااااااااااك .... تنظيرك دا خليه مع ناس الأرض أحسن ليك الفي السماء دا ما تدخلو في كذبك و تدليسك و تنظيرك و كل عواليقك .....
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
خطة الأناكوندا ... كدي نقرأ ونشوف ..
Quote: 8- أناكوندا (استراتيجية) الأناكوندا أفعي ضخمة تعيش في حوض الأمازون، كبيرة شديد، قول 10 أمتار تخينة زي ماسورة الصرف الصحي عشرة بوصة، ما بتعضي لكن بتتلف في الفريسة وتعصرها، بتكسر الضلوع وتكتم النفس، بعدين تبلعها جُب. الخطة على النمط (واحد - لواحد) وتنفع مع شخص يعتقد بأنه متمكن من مناقشة الموضوع لخلفية يظنها كافية أو يعتقد في أهليته لذلك أو يكون فعلاً بالتأهيل المطلوب لكن يعجز عن التوضيح أو يظهر خلل في طريقة بيانه للأفكار.
تبدأ بجذبه بسؤال سهل لكن يمكن أن يتشعب بسرعة، ثم يتم إدخاله بسرعة في دوامة من الأسئلة لا تنتهي إلا بتعريته تماماً من أي معارف بدأ أنه يحاول إيهام الناس بأنه يدركها. |
نظام نرفع البوست والي حين ميسرة ... بالمناسبه اخوي الكبير اسمو ميسرة هسع اسمو الجديد (الي حين) والبركه في اب سن ....
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
افتكر الحتة دى واضحة يا ود القوز و طلحة على حسب شرط العضوية معروف ابو الحسن ليهو مستند يثبت شخصيتو على ماهر على حسب شروط العضوية ليهو مستند يثبت شخصيتو و ده فى موقع المترجمين العرب حاتم ابراهيم على حسب شروط العضوية ليهو مستند يثبت شخصيتو فى سودانيزنا ده الكلام ده صاح ولّا غلت الاجابة بلا او نعم
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: جلالدونا)
|
منبر سودانيز منبر حوار من الدرجة الأولي والناس بتتحاور عشان ياكدو علي الحقائق المختلف حولها ... والناس بتجي لأي حوار بنيه صادقه واهم شروط الحوار المثمر هو احترام محاورك .... من اهم الموجهات التي تتحكم في عقلية هذا الحرامي المريض هي عدم الاحترام لاي محاور والدخول في البوستات بنيه عاطله في تحقيق انتصار او صيت او tone ... وله عظيم الشرف في نيل التصفيق من الجلباقه والحواري بحسن طقطقته وعفيصه للاعداء المزعومين ..
Quote: 1:- كل الخطط هجومية وتعتمد على التواجد في بوستات الآخرين، فمافي منطق يخلي الواحد يهاجم ضيوفه 2:- كل الخطط تشترط أن المهاجم على حق والمهجوم مخطيء، إذا عايز تهاجم وانت على باطل اكتب لي في الخاص 3 :- الخطط تفترض أن المهجومين من مختلف التخصصات والمهن والخلفيات، ما عندنا قشة مرة ولا لحم حلو ولا مصارين بيض |
تعالو نشوف تقنيات الحرامي في إدارة النقاش مع محاوريه والهدف المعلن هو كسب معركة الحوار (مش انت عدو) لنيل الصيت (موسوعي وشالو ضرب بيهو الواطه وسلخ بدون نفخ واركبو ركوب الزراف) ....
Quote: العبارات زي (I am a banana) و (comprendes) و (hallelujah) ديل عندهن غردين، الأول قفلات والقفلة تفاصيلها تحت، أما الغرد التاني فهن بيشتغلن مفاتيح للبحث، يعني (anchors) بلغة ناس الكمبيوتر، المنبر دا ما بيصنف المواضيع، ملجة ساكت، فلو عايز تبحث عن مداخلة فانت في الواقع حتلقى نفسك بتبحث في كل البوستات الاتجمعت لعشرة سنوات أو اكتر، فالجمل القصيرة دي بتساعد في تحديد المداخلة المعنية وكل واحدة ليها مدلولات على نوع الموضوع.
أها، نجي لتصميم المداخلة، المداخلة عادة فيها ترويسة وبطن وقفلة، الترويسة دي بتعتمد على الموضوع انت عايز تركز انتباه منو أو عايز تشتت انتباه منو، البطن فيها الرد، أما القفلة دي فبتشتغل عكس الترويسة تماماً، يعني لو ترويستك كانت سؤال فالقفلة مفروض تكون إجابة السؤال وهكذا، بكدة مداخلتك بتكون صامدة ومكتفية (encapsulated).
أها، من التقنيات في المواجهات، ما تسأل خصمك سؤال ممكن يلقى فيهو فرصة الرد لصالحو، فلو ما متأكد من نزاهتو فهو ما حيقيف معاك ضد نفسو، منطق مش؟ يعني سؤال زي دا ما تسألو (يا فلان الحاجة ديك صاح ولا غلط؟) ، بل جاوب انت وعلل مباشرة، وما تدي خيارات إلا يكون كل خيار أكعب من التاني، وما تجاوب على سؤال إلا في الحدود الما بتسمح بسؤال لاحق بعدو، أو إذا سألت فخلي سؤالك إجابته من البديهيات الما ممكن يختلفوا عليها اتنين.
في التعليل دائماً ابني على راحتك، الطوب الكبار تحت والصغار فوق، يعني ابدأ بالحقائق المطلقة حتى لو كانت مضحكة وبالتدرج اضف ليها الحقائق القابلة للنقاش، دا بيخلي محاورك يضطر يجاريك وكلامك حيظهر مقنع للجميع.
ابتعد من المفردات الظنية، ما تقول اعتقد أو أظن أو احتمال أو غالباً إلا إذا كانت لحقيقة لا تقبل التغيير، دا بيضيف صيت أو (tone) لكلامك يخليهو كأنو كلام خبراء.
آخر حاجة، لو الموضوع طويل فما تمرق الحقائق كلها، خلي باقي ملاح في الحلة لتاني يوم، وأوهم المحاور بأنو دا ياهو حدك بأنك تديهو لكزة، بتكتيك التسخينة مثلاً أو الريـال، ودي تطبيقها دائماً ضروري في سرد النقاط، اسرد النقاط الما مهمة وأمسك عليك أهم مجموعة لتاني يوم. |
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: قسم الفضيل مضوي محمد)
|
Quote: محاولة الاتيان بأي معلومة غير متوفرة هنا في العام عن أي عضو وابتزازه بيها بيعتبر تعدي على خصوصيته واقرار مسبق بالافلاس ... . |
قسم الفضيل صاحبي ... ما قتا ليك ما تجيني مدردقنك ... هسي الكلام دا زي الفيهو ثرو باس لكن نفترض إنو من بنات افكارك ونقول ليك :- 1:- معلومة شارع كترينا اتكتبت في البورد هنا عدة مرات ومتاحة في النت وبي ارقام التلفونات كل ما عليك تقوقل بس ... يبقي هنا نقول :- تس نفست ...😀😀😀😀😀😀 2 :- معاويه ما ابتزاني عشان انا ساكن الشعبية ولا الشعبية هو ذلك الحي البستعرو منو ولي عظيم الشرف انو سكنت في الشعبية من ما ولدوني العام 1965 ولغاية الان بيت ابوي موجود ورقمو 120 مربع 6/7/V .. معاويه يا سيدي حلم في المنام وشافني ضابط عظيم في الأمن الشعبي وقمتا من بيتنا في الشعبية بالتخطيط لعدة اغتيالات ... الراجل من حقو يحلم وانتا من حقك تمسك ضنب الككو بالطريقه البتريحك ... 😀😀😀 3 :- كذلك بالنسبه لي ابوبكر زولك زاتو قام من النوم شاف بكور بقي تيتي طوالي جا فتح بوست سماهو بابكر بانت وساعة تمشي امريكا بتنزل عند ادم سفير ... خرابيط في خرابيط ... ولا عزاء لك في انو تاني مسكتا ضنب غوريلا عدييل هنا وبي اختيارك برضو صاحبي حاج العوض قاعد يقول ليك كيف .. حنني ... ياخي قسم دا بحنني ... 🤓🤓🤓🤓🤓🤓🤓
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
انا الي الآن نقلتا بعض من خلاصات بوست التاكتيك هنا وليس كلها ... ادعو اعضاء المنبر جميعا للإدلاء برايهم سلبا" ام ايجابا" في موجهات وتقنيات حاتم في حواره مع اعضاء المنبر الموجوده قبل مداخلتين من هنا وأخص هنا الأخوه ود البشرى و ود القوز ومن الأخوه المحايدين الأخ مولانا الملك والأخ عبدالحفيظ اب سن .. لا اهدف الي ادانات ولكن من مصلحة الجميع ان تتفشي النوايا الصادقه في حوار مثمر والاحترام المتبادل بين اعضاء المنبر ...
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: Salah Zubeir)
|
طلحة شرد قلنا ليك الدفاع عن الباطل كلفتو غالية و ود القوز عمل اضان الحامل طرشا و بقى زى موكله حايم عند الجيران و مابى الجيّة هنا هنا العصر حدّو مصر و فيهو تسييح ركب و هرس ضلوع و خج بطون و لفّة روسين و زغللة عيون عفيت منك يا ابو حسين سقتهم سواقة كعبة فى الدقداق الكبار ده كلماناكم ركوب الكركابة كعب
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: جلالدونا)
|
يا ود الزبير الدعوة لإبداء الرأي في اسلوب كتابة حاتم بفهم شنو؟ اهي امتداد للبوست الذي يتناول موضوع السرقة الأدبية ولاّ حاجة تاني تقع تحت بند الحاجات التانية الحامية ابو حسين؟ و اشمعنى التعليق على اسلوب حاتم فقط؟ ماذا عن اسلوب بشاشا مثلا, أو الطوربيد أومنتصر الصوفي أو كثير من اساليب الزملاء التي تتراوح بين الابتزاز و بين التبرع بالجهل و قراءة النوايا و تصنيف الآخرين و فرض الوصاية على كتاباتهم وتحديد أولويات الهم و المزايدة على وطنيتهم ومبادئهم بل و أخلاقهم حتى! و ح نستخدم يات كتالوج و يات فيرشن ويات سبسيفيكشن عشان نعاير بيها الدفييشن أو الكومبلاينسس بتاع اسلوب حاتم ونديه الأبروفال او الرجكشن!
يا ود الزبير الدواس بلا غبينة ولا ببقى, و الدواس النبيل أجمل ما فيه المباشرة و طالعني عيني عينك, ما فيه تحوّي خلف أهداف نبيلة مثل المحافظة على حقوق الملكية الفكرية مثلا, ما وصاية عليك لكن اقتراح اخد بيه أو اديه البحر: تعال لحاتم بي وشك عديل و طالعه مطالعة الفرسان و جهز ذخيرتك المعرفية و قدراتك النزالية و حججك وكابشراتك وروابطك مع قدر وافر من السخرية و القدرة على تحملها في نفس الوقت في واحد من بوستاته او افتح ليه بوست مخصوص, لكن دع موضوع السرقة الأدبية ليتناول موضوع السرقة الأدبية فقط
الشي التاني ما تصنف الناس مع وضد, لن يغنيك او يغني حاتم كثرة أو قلة او نوعية المؤيدين لأي منكما, يغنيك كيبوردك بس و قدرته على المحاججة لا أكثر.
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: محمد البشرى الخضر)
|
Quote: يا ود الزبير الدعوة لإبداء الرأي في اسلوب كتابة حاتم بفهم شنو؟ |
هههه يا باش ياهو دا الفهم :-
Quote: لا اهدف الي ادانات ولكن من مصلحة الجميع ان تتفشي النوايا الصادقه في حوار مثمر والاحترام المتبادل بين اعضاء المنبر ... |
غايتو جنس تملص ... موبالغه :-
Quote: و اشمعنى التعليق على اسلوب حاتم فقط؟ |
هههه لانو الوحيد من كامل عضوية سودانيزاونلاين الحدد اسلوبو في بوست مفتوح وسماهو (التاكاتيك) حدد فيهو كيف يتعاطي مع عضوية المنبر بأساليب مختلفه ...
Quote: و ح نستخدم يات كتالوج و يات فيرشن ويات سبسيفيكشن عشان نعاير بيها الدفييشن أو الكومبلاينسس بتاع اسلوب حاتم ونديه الأبروفال او الرجكشن! |
ياخوي انا ما طالب شهادة أيزو انا داير رايك في زول جاي يتحاور معاك وتطوع وابرز نواياهو التاليه في وجهك :-
Quote: 1:- كل الخطط هجومية وتعتمد على التواجد في بوستات الآخرين، فمافي منطق يخلي الواحد يهاجم ضيوفه 2:- كل الخطط تشترط أن المهاجم على حق والمهجوم مخطيء، إذا عايز تهاجم وانت على باطل اكتب لي في الخاص 3 :- الخطط تفترض أن المهجومين من مختلف التخصصات والمهن والخلفيات، ما عندنا قشة مرة ولا لحم حلو ولا مصارين بيض
|
Quote: يا ود الزبير الدواس بلا غبينة ولا ببقى, و الدواس النبيل أجمل ما فيه المباشرة و طالعني عيني عينك |
يا باش ما اظن في عضو في المنبر دا بيجي داخل هنا كايس دواس ولا شايل ليهو غبينه مسبقه ...معظم او كل الناس هنا بتجي تدخل كنوع من الانترتينمنت وكتيرين عملو لوق أوت حين إكتشاف غبينة أحدهم ... يعني احسن لي مليون مره اخش ال BBO العب تورنمنت بتاع بريدج من اجي أفور دمي في عكلته لا طائل منها ...
Quote: الشي التاني ما تصنف الناس مع وضد, لن يغنيك او يغني حاتم كثرة أو قلة او نوعية المؤيدين لأي منكما, يغنيك كيبوردك بس و قدرته على المحاججة لا أكثر. |
لا لا يا باش ما تفهمني غلت أنا ما اخترتك إنتا و ودالقوز كطرف معارض وانما لايماني القاطع بأنكم ناس حق وممكن تقولو رأيكم بدون ما تعاينو وراكم ... فرجاء" ما تحرمونا ...
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: محمد البشرى الخضر)
|
بختكم وصلتوهوا الثامنة .. (فاعل خير ) رجعني من تكسيحتي المختارة عشان أرد على ناس طلحة شرد ديل.. شرد كيف يا حبوب آخر كلام قلتو ليك هنا جيب المستندات الدخل بيها المتهم ومعروف أبو الحسين هنا وهناك عشان نتأكد أنهم ما شخصية واحدة ونقعد نكورك معاكم هنا .. غبت وما جبت إلا وهمة جديدة عايز تداري بيها خجلتك .. طلحة شرد ؟؟ هههههههههه .. يالك من متذاكي موهوم . وأبوحسين المجازف فكرة البوست دا ذاتو عفصناهو في ركن ضيق هنا بحكاية كذاب ومدلس دي وبرضو عداها لينا ردود طفولية يحسده عليها شفع الروضة من شاكلة أبيت آآي حرااااااااااااااااااامي .. كذااااااااااب .. الخ الخ الخ حمبكة الأولاد الصغار دي .. وفي النهاية شتت ليهو كم علامة إستفهام وكم وش أخدر وأصفر ورابط ما عندو أية علاقة بأية حاجة .. وسؤال واحد كررو كركمية مرة.
والكابتن صلاح غلبتو الحيلة بقى يشل ويعتل في شتيمة الآخرين للرجل ولما دا كلو ما جاب تمنو قال ل أبو حسين أمشي غسل وشك عشان طلحة دي بملاك بزاق جينا قلنا ليهو ما تفلت عشان ما نفلت عمل نفسو برىء .. عاد دا كلام دا ؟؟ خخخخخخخخخخ
نهايتو عزيزي المتظارف العبقري جلالدونا اتا والمكورك المهرف أبو حسين ومعاكم كابتن صلاح بتاع البزاق في البوست دا مرقتو للربا والتلاف وما عندكم أي موضوع إلا طق الحنك القادي وتجاذب أطراف الونسة المملة والسمجة جدا والناس حولكم هنا بين ساخر وضاحك عليكم ... خخخخخخخ
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
Quote: وأبوحسين المجازف فكرة البوست دا ذاتو عفصناهو في ركن ضيق هنا بحكاية كذاب ومدلس دي وبرضو عداها لينا ردود طفولية يحسده عليها شفع الروضة من شاكلة أبيت آآي حرااااااااااااااااااامي .. كذااااااااااب .. الخ الخ الخ حمبكة الأولاد الصغار دي .. |
جبتها ليك و إنت رديت عليها .... خخخخخخ خخخخخخخخخخخخ خخخخخخخخخخخخ خخخخخخخخخ
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
قلتا ليك اتا زول بسيط وما عندك التكتح يا أبو حسين وتاميها بالحركات الزي دي .. هسة الموضوع بقي على اسمو يعنى ؟؟؟؟؟؟؟؟؟؟؟؟ ان شاء الله يكون اسمو توم اند جيري .. المهم جيبو مستنداتو باعتبارو ما المتهم .. يعني أنا داخل هنا عشان أحفظ أساميكم ؟؟؟؟؟؟؟؟ والله العظيم انت كل ما تحاول تعمل فيها عندك حاجة بتهبل بى نفسك زيادة .. خخخخخخخخ
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: طلحة عبدالله)
|
Quote: نــــعـــــم بـالــحــــيـــــــــــــل ....... |
القال ليك منو بلحيل ؟؟؟؟؟؟؟؟ اتا بتحيل على كيفك ساي كدا هبتلي ؟؟ أنا موضوعي ما في اسمو منو موضوعي انو شخصية واحدة واللا اتنين .. معروف أبو الحسن أبو الحسين أبو الحصين هل هو المتهم واللا واحد تاني .. ؟؟ ياخ سماجتك ما لاقتني في القبور والله .. خخخخخخخخ
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
أبو حسين اتا عايز توصل البوست دا مية صفحة بالهرجلة البتعمل فيها دي .. ياخ أراهن على انو الأغلبية هنا عارفين انك ما عندك أي موضوع برغم محاولاتك المستميتة لاظهار نفسك بالمطقطقاتي والشفت والأية حاجة ههههههههههه لكن يا أبو حسين الكلام دا ما بالطريقة الساذجة البتعمل فيها دي .. لانو كدا بضحكوا عليك ما أكتر .. ياخ اتا هنا في البوست دا عملت لنفسك اشقدي ووجع مفاصل بالإضافة لكونك بقيت مسخرة عديل .. إلى جانب الأمر الفظيع المتمثل في حكمك على برىء بانو حرااااااااااااااامي وشتيمتك ليهو ساي كدا عنترية منك .. يا اللخو توب واستغفر وخليك عادي عارف حدودك وحدود امكاناتك ومارس حياتك بناءا عليها .. ما تتشعبط في المشاكل والفارغة والمقدودة عشان ما تدق الدلجة تكسر رقبتك واللا مخروقتك وتبقي عاهة وعالة على الحولك
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: طلحة عبدالله)
|
سألتك عن دليلك على أن معروف أبو الحسن طالب الماجستير كلية العلوم جامعة الخرطوم و حاتم إبراهيم شخصية واحدة و ليس شخصيتين إتنين و دي إجابتك :-
Quote: أبو حسين اتا عايز توصل البوست دا مية صفحة بالهرجلة البتعمل فيها دي .. ياخ أراهن على انو الأغلبية هنا عارفين انك ما عندك أي موضوع برغم محاولاتك المستميتة لاظهار نفسك بالمطقطقاتي والشفت والأية حاجة ههههههههههه لكن يا أبو حسين الكلام دا ما بالطريقة الساذجة البتعمل فيها دي .. لانو كدا بضحكوا عليك ما أكتر .. ياخ اتا هنا في البوست دا عملت لنفسك اشقدي ووجع مفاصل بالإضافة لكونك بقيت مسخرة عديل .. إلى جانب الأمر الفظيع المتمثل في حكمك على برىء بانو حرااااااااااااااامي وشتيمتك ليهو ساي كدا عنترية منك .. يا اللخو توب واستغفر وخليك عادي عارف حدودك وحدود امكاناتك ومارس حياتك بناءا عليها .. ما تتشعبط في المشاكل والفارغة والمقدودة عشان ما تدق الدلجة تكسر رقبتك واللا مخروقتك وتبقي عاهة وعالة على الحولك |
خخخخخخخخخ خخخخخخخخ خخخخخخخخخ خخخخخخخخخ
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: Salah Zubeir)
|
أبو حسين كمان بتكرر سؤالك عن أدلتي ؟؟؟؟؟؟؟؟ والله قوة عينك ما لاقتني في أركان الدنيا الأربع اتا ليي ما جبت دليك على انو هو ما معروف ..؟؟؟؟؟؟؟؟؟؟؟ اتا الجريت ليك فطيسة من الربع الفات جبتها هنا وحارسا اليوم كلو جيب دليلك على انو المتهم دا ما معروف عشان نكورك معاك حرااااااااااااامي ولو غلبك تجيب أدلة جيب معروف أو ما ينوب عنو .. بدل تقعد تبهت في الناس وترميهم بالإفك ساي عنترية ساي كدا .
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
القرداوى طلحة نحنا جبنا مقال واحد منشور فى زمنين مختلفين فى موقعين مخنلفين بى اسمين اتنين المستندات مبذولة قدامك رايك فيها شنو لو الاسمين لى زول واحد يبقى فى كذب و تزوير لو الاسمين لشخصيتين يبقى فى سرقة حكاية تتنطط و تقع و تقوم و تسف التراب دى ماب تحلك و بتضر بى زولك و ما فيها نفع ليهو كدى مرة استعمل عقلك و شاور على التهمةالاقل ضررا و انا معاك فيها ___ هسى يجى ينطط و يتخاخخ
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: جلالدونا)
|
جلالدونا المتظارف العبقري خخخخخخخخخخخخخ مليون مرة كلمتك قلتا ليك ما تدخل لي موضوع في موضوع أنا ما عندي شغلة مزور واللا خلافو وما ناقشت فيها أصلا أنا مشكلتي كلها في حراااااااااااااامي دي ... باعتبار انو الاسمين لشخصية واحدة بما ينفي مزاعم الحرمنة أي كلام غير دا أنا ما دخلت فيهو .. أنا متأكد انو المتهم ومعروف اسمين لشخص واحد وبالتالي كاتب الموضوع هو الشخص دا ذاتو .. يبقي ما حراااااااااااامي .. ناقش هنا في الحتة دي بس . ......................... قرداوي وينطط ؟ هههههههههه مشكلتكم يا جلالدونا بتهابشوا وأول ما يهبشوكم تتملصوا .. شايف صاحبك كابتن صلاح فوق قال بهظر وممكن يعتذر واتا قبل كدا قلتا بتهظر وممكن تعتذر ودا عشان بس رديت هظاركم زي ما وصلني منكم .. نحن بنراعي لى سنكم واتوا ما عايزين تفهموا الحتة دي .. خخخخخخخخخخخ .. شايفا دي ماعطا حنانك يا كبير ..
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: طلحة عبدالله)
|
Quote: أنا مشكلتي كلها في حراااااااااااااامي دي ... باعتبار انو الاسمين لشخصية واحدة بما ينفي مزاعم الحرمنة أي كلام غير دا أنا ما دخلت فيهو .. أنا متأكد انو المتهم ومعروف اسمين لشخص واحد وبالتالي كاتب الموضوع هو الشخص دا ذاتو .. يبقي ما حراااااااااااامي .. ناقش هنا في الحتة دي بس . |
هات الدليل على انو معروف ابوالحسن طالب الماجستير كلية العلوم جامعة الخرطوم هو نفسه حاتم إبراهيم .....
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
Quote: أنا متأكد انو المتهم ومعروف اسمين لشخص واحد وبالتالي كاتب الموضوع هو الشخص دا ذاتو .. يبقي ما حراااااااااااامي .. ناقش هنا في الحتة دي بس . |
اوكى نحنا جبنا دليلنا على انو حرامى انت طال ما متأكد جيب دليلك لكن ترمى الكلام كده ساى و تخنقنا بيهو وتفرضوا كحقيقة علينا ان نقر بيها كسر رقبة ده شغل نى منك دى ياها القردىة البنتكلم عنها ده ما هظار
| |
|
|
|
|
|
|
Re: *****حكاية موضوع تعريفي... و حاجات تانية حامي (Re: ABUHUSSEIN)
|
Quote: اتا أول أثبت انو كاتب الموضوع ما هو شخصية واحدة غير حكاية الاسمين المختلفين لانو دي أفتكر اتفقنا أنو بتحصل كتير وأديتك مثال بى اسمك اتا ذاتك .. يبقي الدليل يكون مثلا انك بتعرف معروف أو بتعرف زول بعرفو ويجيبو لينا صورة وصوت .. غير كدا نو وي يا أبو حسين . البينة على من أدعى بما انك ادعيت بانو المتهم ما هو معروف فيبقي جيب بينة اتا أول . |
أقعد أباري في تكرارك السمج دا واللا كيف ؟؟
..................... أبوحسين اتا ملكك في موضوع ما قادر تتفك منو وكل ما تحاول تعمل فيها شفت بتحتل أكتر في الغلط .. نصبت نفسك قاضي ونطقت بالحكم وشبكت الراجل حرااااااااااااااامي لمجرد شبهة موغلة في السذاجة والبلاهة .. طبعا انا ما بقدر ألومك على جهلك بالقواعد القانونية المتاحة لأي زول يعرفا ( المتهم برىء حتي تثبت ادانته ) ، ( الشك يفسر لصالح المتهم ) مع انو ديل ممكن يطلقوا بيهم سراح كاتل الروح .. وربما تكون بتعرفن لكن ساي كدا متعنتر على الراجل دا الما قاعد يرد ليك دا وعايز توصل البوست دا على حسابو لمية صفحة .. يمكن يصفقوا ليك واللا يقولوا عليك قوي وبوستاتك عندها رواج واتا خطير الخ الخ الخ .. غايتو أنا سبق وقلتا ليك الكلام دا بباينك وح تشوفوا كحلي .. اتا راكب رأسك ومتوغل .
| |
|
|
|
|
|
|
|