النقطة الرئيسية هي : السودانين العاملين فيها عرب هم زاتهم بيتكلموا العربيه زي البتان(الباكستانيين) أو الزنجباريين أو البخاريين .. عشان كدا ما عندهم أي حق يسخروا من باقي أهل السودان أصحاب اللغات الأفريقية يعني هم زاتهم (العنصريين ديل) في نظر العرب طريقة كلامهم مكان سخرية وتندر
10-22-2017, 06:26 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
افتكر الاشكالية هي في الاعلام والذي يسعي دائما لاظهار السودان كبلد عربي كامل الدسم ويحاول بكل الطرق اخفاء كل مايدل علي غير ذلك ... هذة سياسة موجهة بامتياز نحو التماهي العروبي الكامل في فترة شهدت رواجا للغة العربية والثقافة العربية مربوطة بالثراء العربي وكذلك فترة ظهور قنوات اعلامية رائجة ومؤثرة ... لم اري شعبا احب قناة الجزيرة وتاثر بها كالسودانيين ..عندما تظهر مادة اعلامية سودانية في الجزيرة او الام بي سي تجد السودانيون يطيرون من الفرح ويعدون ذلك نوعا من الاعتراف والقبول ويحسون فورا بالتماهي مع المجتمع العربي ولكن مايلبث ان تحدث حادثة عنصرية خارج السودان الا يغضب السودانين بطبعهم ويلعنون كل ماهو عربي ...لذلك الموضوع هو موضوع تصالح من النفس لااكثر ولااقل .. .نفس الشئ يحدث هنا مع النوبين والهنددوة واهل الغرب ..ماعدا الجنوبيون الذين احس دوما بتصالحهم النفسي مع هويتهم رغم ان الكثير منهم كانو في الخرطوم غير متعلمين ويمارسون مهن هامشية لكن تجدهم لايحملون تلك الضغائن العرقية بل حتي لايحفلون بما يقال عنهم ولايذهبون الي تفسيرات مثل عنصرية وتعالي وما الي ذلك ...مايحدث مع الرطانة وكذلك اهل الغرب اعتبارهم ان اللغة الخرطومية او لغة المركز هي الكل في الكل ويساعدهم في ذلك سيطرة الاعلام العروبي/اسلامي وكل مايحدث لهم من عنصرية هو ارتداد لما يمارسة العرب من عنصرية علي نفس السودانيين اهل المركز ... ولكن الجديد االان بعد الثورة المعلوماتية الكبيرة والانفتاح علي العالم وتراجع اسعار النفط تعاني المجتمعات العربية نفسها من التهميش والتراجع ثقافيا ولغويا ...فالان اذا لم تكن تجيد الانجليزية لاتستطيع ان تعيش في مدينو كمدينة دبي او حتي المنامة دعك من الحلم بايجاد وظيفة .......هذا البوست واحد من بوستات التحسر علي اللبن المسكوب علي ثقافة تحمل فناءها بداخلها ..تقافة لم تتطور نفسها علميا اوحضاريا واعتمدت كثيرة علي نظرية التهميش والاعلام الموجة ..لذلك اعتقد من الافضل التركيز علي قراة المستقبل والتعامل مع الحضارات المختلفة بانفتاح اكثر والاخذ منها والتاثير عليها لانها كلها نتاج انساني صرف ولااري غضاضة من الاحتفاء بكل هذة الثقافات الانسانية بكل تصالح وقبول .....
10-22-2017, 06:32 PM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
1 - السودانيون كلامهم المتداول باللغة العربية هل مفهوم للمتلقى بمعنى يعبرون بوضوح عما يريدون قوله وتوصيله للمتلقين .. فيهمون جيدا بعضهم البعض
2 - السودانيون هل لديهم إشكالية فى فهم صحيح لمعانى (بعض) كلمات اللغة العربية (المتداولة بينهم) ولهم فهم مغلوط (غير صحيح) أى خطأ أو أخطاء شائعة فى (يعض) كلمات اللغة العربية المتداولة بينهمم؟
10-22-2017, 07:44 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: هنا الشاعر ود الرضي في رمية الطابق البوخة : فاح لي كبريتا.....كبدي كالبنزين قادحه كبريتا اصلو هالكنى......منو ما بريتا يا جرح غور.....انشا الله ما شفيتا *********** طابق البوخه........قام ندا يهتّف نام من الدوخا ايدو عاقباهو.......الجدلة مملوخا لي معالق الجوف....موسو مجلوخا كل النهايات اللي وقف عليها الشاعر (متحركة) وغير ساكنه
معناها معلوماتك في الشعر قدر الحال في الشعر يجوز الوقوف على المتحرك عادي دون حرج ... والوقوف على متحرك شي مشهور في الشعر العربي بحسب وزن القصيدة ... والقصائد المصاغ وزنها وقافيتها على الوقوف على متحرك... تفقد موسيقاها إذا سكنت قافيتها التي فيها الوقوف على متحرك فإذا وقفت فيها على ساكن تفقد جمالها ويختل وزنها وهذا شي معروف حينما كنت مدرس فنية بالسعودية طلب منا الوكيل بعمل (شكلي فقط) مطلوب من ادارة التعليم أن يقيم المعلمين بعضهم البعض فاعطينا أوراق فيها نقاط أمام كل نقطة مكتوب درجة تقييم محددة أمامها مساحة فارغة لوضع علامة صاح وكل معلمين إثنين يدخلون لفصل أحد المعلمين لتقييمه أثناء أداء الحصة وكان الوكيل فلسطيني والمعلم الذي دخلنا عليه مصري كان يدرس لغة عربية وكانت معلم قديم بالمدرسة وكنت أن لي سنة واحدة معاهم فوجدناه يدرس في داخل الصف الرابع أو الخامس الابتدائي قصيدة شعر من النوع التي قافيتها حرف متحرك وكان معه تسجيل فقام بفتح التسجيل وكان ملحن أو بطريقة الإلقاء وبعد نهاية عرض التسجيل الصوتي بالداتا شو قام وبدأ هو يلقي والطلاب يرددون خلفه ولكن شعرت بالنشاذ في طريقة إلقائه وتنبهت بأنه يسكن القافية والقصيدة قافيتها متحركة فلما خلص أعاد التسجيل فوجدت في التسجيل القافية متحركة...طبعا لم أعلق لا داخل الفصل ولا خارجه ولا في ورقة التقييم حتى لا أحرجه ولا أظهر كأني اتنقصه كزميل وأنا أصلا غير شريك له في تخصصه...فآثرت السكوت... وهذه قصيد للبحتري فيها الوقوف على متحرك
10-22-2017, 11:37 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
Quote: يا جوهر صدر المحافل روحي معاك " إتلطفيلا" ( زي ما نطقها الشاعر مبارك المغربي)
وما يدرينا ربما قصد الشاعر كلمة أو عبارة (إتلطفيلا) أي (تلطفي لها) لشيء في نفس الشاعر فلو قال :(إتلطفيبا) كما أحب الشاعر مبارك المغربي رحمهم الله جميعاً.... فسيكون صارت : روحي معاك (تلطفي بها) والفرق كبير بينها لأن (إتلطفيلا) التي هي (تلطفي لها ) فيها ما يدل على الحب والتقدير لما تلطفت لأجله (تطلفي لها) أما (إتطلفيبا) التي هي (تلطفي بها) تعبر عن العطف بالضعيف لضعفه وليس لحبه وتقديره وربما الشاعر لم يتركه اعتداده بنفسه أن يقبل أن تتلطف به بل ويريدها أن تتطلف له تقديراً وحباً له وليس شفقة ورحمة به
Quote: معناها معلوماتك في الشعر قدر الحال في الشعر يجوز الوقوف على المتحرك عادي دون حرج .
منتصر الشعر خلي إنت دا هسي أمشي علي المراية وحاول قول : "فرحت لأني نجحت" حتلقي نفسك بتقول (رحتا لاني نجحتا) ودي الطريقة السودانية في الكلام\ مفروض التاء في (فرحت تكون ساكنة) والتاء في (نجحت تكون ساكنة) بالطريقة الفوق دي بتكوت قبلت السكون الي فتحة (ودا ياهو المتحرك والعرب لا تقف علي متحرك)
10-23-2017, 06:24 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: 1 - السودانيون كلامهم المتداول باللغة العربية هل مفهوم للمتلقى بمعنى يعبرون بوضوح عما يريدون قوله وتوصيله للمتلقين .. فيهمون جيدا بعضهم البعض
يا نادر الكلام السوداني "بالعربي السوداني" غير مفهوم للكثيرين طبيعي أن يكون الكلام مفهوم بين السودانين ومفرداته ومصطلحاته مفهومة وحتي اذا كان مفهوم للمتلقي غير السوداني هذا لايعني أنهم "عرب"
تحياتي
10-23-2017, 08:11 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
Quote: . هل تعتقد أن اللغة العربية أو حروفها نزلت من السماء؟.
لا أعتقد وجود نص في ذلك ولكن نصوص القرآن الكريم المنزلة بالحروف العربية نزلت من السماء نعم ولم تنزل مكتوبة أما مجرد الحروف فلا شكل الحروف كان نتاج تطور طبيعي ...في البداية كانت الحروف العربية تكتب بخط المسند اليمني وهو نتج من رموز مفهومة الدلالة وكانت حروف منفصلة وهي التي صار يكتب بها الأثوبيون والأرتريون وصاروا يكتبون بها من اليمين للشمال والعرب كانوا يكتبون بها من الشمال لليمين ... وفيها حرف النون مثلا يرسم بشكل تجريدي (للنون) بمعنى الحوت لذلك سمي بالنون والشَين بشكل شين يعني قبيح والزين بشكل زين وهكذا ثم تركوا الحرف المسند وصاروا يكتبون بخط الجزم القرشي المكي المطور من الخط الفينيقي والنبطي الذي تطور عبر الزمن ومر بمراحل من التحسين والتطوير.
10-23-2017, 09:08 PM
Bashasha Bashasha
تاريخ التسجيل: 10-08-2003
مجموع المشاركات: 25803
وهو نتج من رموز مفهومة الدلالة وكانت حروف منفصلة وهي التي صار يكتب بها الأثوبيون والأرتريون
الوهابي عابد الاعراب العامل فيها صوفي، منتصر:
الاثيوبيين والارتريين ديل ككوشيين لما صاغو وكتبو اول لغة في تاريخ البشر علي سطح هذا الكوكب، اختم هاجر النوباوية بالمناسبة، والدة اسماعيل، لم تكن حتي نطفة في بطن امها عليها السلام، لانو هاجر في عصرها كانت من الاولياء زي مابنقول بي لغة عصرنا.
اذن بطل تسميع نصوص ايات وعي العبودية شايفك مصر تجعل من لغة العرب اطفالنا اصل اللغات وهذا يفضح مركب النقص الجواك تجاه العربي الاستعبد امثالك قرون وقرون.
10-23-2017, 09:42 PM
Bashasha Bashasha
تاريخ التسجيل: 10-08-2003
مجموع المشاركات: 25803
الاسلاموي العامل صوفي ده الاسمو منتصر هذا، بيتكلم عن عصر لاحق نسبيا انتهي فيه الصراع المرير مابينا واللاجئين الوافدين والمهاجرين العرب الي سعودية ويمن اليوم بهيمنة الوافدين كالعهد بنا كناس ماعندنا وعي عنصري قومي لاننا كنا ولا نزال من منظور عصرنا حتة دراويش كصوفية كما اسمونا الانجليز!
بنفس الطريقة في عصر لاحق في دنقلا تحديدا بعد ماخسرنا المعركة الاخيرة في عصر ترهاقا، كتبنا بدورنا باللغة اليونانية عاملين فيها مسيحيين بذات طريقة المتاسلمة الحاليين من امثال منتصر هذا.
اذن هو يهرف بما لايعرف، يردد ترهات ادبيات قادة المعسكر الاخر بتاع الاصل السامي اي اليهودي تحديدا للحضارة!
اكيد ماعندو ادني فكرة عن طبيعة هذا الصراع واللعبات القردية بواسطة قادة المعسكر الاري الاخر اللي جعل كوم العرب جواهو يتخذ من اللغة العربية اصل ولسان مايسمي بالحضارة الفرعونية ذات نفسها هولة البيض حصريا، او مش امثالنا الكانو ولايزالون عبيدا من المهد والي اللحد!
نعم صالح، شداد، او لقمان، اي بناة جنات عدن الجابت لينا العرب ديل كلاجيئئن، كانو ارتريين، صوماليين، وحبوش يامنتصر، والملكة سبأ الكان مغرم بيها نبيكم سلمان كانت "حبشية" بي تعابير وعينا الحالي.
العربية، عربية كارو ساهي مابخلوها تسوقا، الي يومنا هذا في 2017 دعك من ملكة كمان!
10-23-2017, 10:02 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: شكل الحروف كان نتاج تطور طبيعي ...في البداية كانت الحروف العربية تكتب بخط المسند اليمني وهو نتج من رموز مفهومة الدلالة وكانت حروف منفصلة وهي التي صار يكتب بها الأثوبيون والأرتريون
ليس للرموز دلالة! والحروف التي تكتب بها العربية إلى اليوم منفصلة! تلتصق فقط بسبب أسلوب الكتابة (cursive style)
لو أعدت التفكير فستجد الكثير من مفردات القرآن بالرسم العثماني أصلها أمهري ሕይወት = حيوات = حيوة = حياة وأيضاً ጸሎት = صِلوت = صلوة = صلاة هذه لغتهم اليوم في إثيوبيا، يقولون للحياة (حيوات) وللصلاة (صِلوت) بلا تكلف
ولو نظرت في (المعاجم) العربية ستجد للمفردتين (حيوة، صلوة) تخريجات غير مقنعة وحديث مبهم عن (إعجاز). بينما طريقة الرسم هذه لا تعدو أن تكون مجرد كتابة تتبع (النطق الأصلي) لهاتين المفردتين، وهذا يدلل على منبعهما. بكل بساطة، ومثل ذلك كثير من المفردات في الدين الإسلامي. ____ ما منعك قول اللغة العربية مقدسة سوى الحياء.
10-23-2017, 10:28 PM
Bashasha Bashasha
تاريخ التسجيل: 10-08-2003
مجموع المشاركات: 25803
حانزل شريط هنا لي واحد من ابرز علماء اللغات وابرز متخصص في المدونتر اي الهيروغليفية عشان يسكت امثال العروبي منتصر ده once and for all!
الزول ده فرطق الشغلة في روسين الخواجات فرطيق!
هو رفيق شيخنا دياب او كان معا هو في ملحمة "الميل 74" بي لغوه الكيزان اي مؤتمر 1974 في القاهره في المؤتمر اللي نظمتو منظمة اليونسكو اللي غير مجري التاريخ في الصراع ده حول تاريخ السودان اي افريقيا اي كوش.
سلام لمبتدر البوست و للاخوة المتداخلون: سؤال للاخ حاتم عن المقتبس التالي:
Quote: لو أعدت التفكير فستجد الكثير من مفردات القرآن بالرسم العثماني أصلها أمهري ሕይወት = حيوات = حيوة = حياة وأيضاً ጸሎት = صِلوت = صلوة = صلاة هذه لغتهم اليوم في إثيوبيا، يقولون للحياة (حيوات) وللصلاة (صِلوت) بلا تكلف ولو نظرت في (المعاجم) العربية ستجد للمفردتين (حيوة، صلوة) تخريجات غير مقنعة وحديث مبهم عن (إعجاز). بينما طريقة الرسم هذه لا تعدو أن تكون مجرد كتابة تتبع (النطق الأصلي) لهاتين المفردتين، وهذا يدلل على منبعهما. بكل بساطة، ومثل ذلك كثير من المفردات في الدين الإسلامي.
لقد سمعتُ بعض الروايات التي تتحدث عن الاصل السرياني للكلمات الواردة في القرآن مثل صلوة (صلاة)، زكوة، (زكاة) و انت هنا اشرت لاصلها الحبشي، فهل من علاقة بين لغة الحبشة و اللغة السريانية، ام انها (الكلمات) انتقلت عن طريق الديانة المسيحية المشتركة بين القوميتين؟
10-24-2017, 02:24 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: . منتصر الشعر خلي إنت دا هسي أمشي علي المراية وحاول قول : "فرحت لأني نجحت"
كيف أخليهو ياخي إنت في حاجة ما عارفا السودانين ديل من دون خلق الله بعتبروا إنو كلامم العاااادي دا عبارة عن شعر قول لي كيف؟ لأنهم ببساطة بسموا الكلام العادي دا (نضم) يعني (نظم) وقلب الظاء ضاد مشهور في غالب بلاد العرب والنضم أي (النظم) هو (نظم الشعر) ويقولون ما (تنضم معاي) يعني لا تتحدث معي وهكذا والنضم أو النظم هو نظم الشعر ...والشعر كما بينا يجوز فيه الوقوف على متحرك ليكون الكلام مموسق واللغة الدراجية دائماً تميل للكلام الخفيف السهل المهضوم ... وهناك كلمات تكون ثقيلة إذا وقف فيها الإنسان على السكون ... وأنا لي بوست استخرجت منه قرابة السبعين كلمة من بطون الدارجية السودانية وارجعتعتها لمصادرها في العربية معتمداً على معجم لسان العرب . غرائب الكلمات في دارجيتنا فصيحة وموجودة في المعاجم العربيةغرائب الكلمات في دارجيتنا فصيحة وموجودة في المعاجم العربية
10-24-2017, 11:30 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
يا أخ بشاشا سأكون سعيد جداً وفخور جداً لو كان في إرجاعك لكل حضارة المسلمين ولغة العرب وما شابه للأصول افريقية مبني على أدلة صحيحة ودقيقة السودان دولة افريقية ونحن أفارقة ونفخر بكل ما ينسب للأفارقة لكوننا في قلب أفريقيا السمراء وحضارتنا الأقدم في السودان أفريقية ....وكذلك نفخر بلو كان أمنا هاجر نوبية ... وأما لقمان عليه السلام متفق على أنه نوبي ...
10-25-2017, 00:34 AM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
. كلامك هذا ينظر فيه لو كانت كلمة (حياة) في اللغة العربية أستخدمت في بداية البعثة المحمدية ومع نزول القرآن الكريم ولكنها كلمة قديمة بقدم اللغة العربية الضاربة في القدم ثم إن كلمة (حياة) في اللغة العربية لها مشتقات كثيرة تبين أصالتها في اللغة فمنها : (حي) فهل في اللغة الأمهرية كلمة (حي أو أحياء أو يحييّ أو محييّ ) وهكذا
Quote: ጸሎት = صِلوت = صلوة = صلاة.
هذه ثلاثة حروف ጸ وهو حرف صاد على شكل الصدر وሎ وهو حرف السين على شكل السن و ት وهو حرف التاء على شكل تقاطع والكلمة بحروفها الثلاثة تنطق ( صست ) وهي إذا ترجمة للعربية تعني (صلاة) لكنها لا تشبه في نطقها كلمة (صلاة)
10-25-2017, 04:19 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
فهل أتت البعثة بلغة جديدة؟ ثم كون اللغة العربية اشتقاقية فهذا لا يعني قدمها يمكنك أن تشتق من أي مفردة فعليا عربية أو غيرها مثال: موبايل يموبل موابلة يتموبل! وبالتأكيد في الأمهرية مقابلات لما سردت وليس بالضرورة أن تكون اشتقاقية.
المقطع (ሎ) في الأمهرية يقابل اللام المضمومة الممدودة يا منتصر! ونقله بالعربية يعطي (صلوت) وليس المفردة العصية على النطق التي اخترعتها.
أقدر محبتك العارمة الاقتصادية للغة العربية وناطقيها.
10-25-2017, 05:13 AM
Bashasha Bashasha
تاريخ التسجيل: 10-08-2003
مجموع المشاركات: 25803
ولكنها كلمة قديمة بقدم اللغة العربية الضاربة في القدم
منتصر كاره ذاتو عابد مستعبديه، قتا اللي اللغة العربية ضاربة في القدم؟
قرقرقرقرقر!
طيب اذا حتي باعتراف اسياد نغمة وعيك "العبدة" هاجر هي من انجبت اسماعيل والكلام ده نسبيا قريب ده، اي قبل 3,000 سنة او شوية، فماهم كيف بعد ده تسوي لغة وليد هاجر ضاربة في القدم،
اذا هاجر دي تاريخ وجودا ممتد بطول وعرض ملاييين السنيين، كام للبشرية وهي من صاغت اول لغة في تاريخ كوكب الارض قبل اكثر من 5,000 سنة من تاريخ اليوم؟
مرة اخري هاجر دي تحديدا ككوشية هي من اخترعت ما يعرف بالSCRIPT في علم اللغويات اللي معناهو تحويل الصوت الي لغة او وسيط مرئي، مقرؤء!
لا العرب لا الجن الاحمر عندو اسكربت!
او بعد ده تسوي لغة عريقة عمرها لايتعدي ال2,000 علي احسن الفروض مغارنة بالاصل الممتد لقرابة الثلاثة اضعاف لغة مستعبديك؟
كيف اللي عمر 2,000 سنة وهو فرع يكون اقدم واعرق من العمرو 5,000 سنة وهو الاصل؟
كيف الجنا يكون اعرق واقدم من امو؟
بزمتكم شوفو زي ده بقول في شنو؟
او بعد ده يسوي مافي ادلة!
ادلة بتاعة ايه لي واحد زيك يري الوجود بعدسات لاصقة عربية؟
لامعني للادلة مع مخلوق يكره من هو، ويري روحو او حاجاتو بي عيون مسترقيه!
لما تكون انسان حر تري الوجود بعيونك انت، اسالنا من الادلة!
لحدي الزمن داك، خليك في تصوراتك المسبقة دي كhouse niga يسوي are we sick, boss!!
10-25-2017, 04:50 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: يا أخ بشاشا سأكون سعيد جداً وفخور جداً لو كان في إرجاعك لكل حضارة المسلمين ولغة العرب وما شابه للأصول افريقية مبني على أدلة صحيحة ودقيقة السودان دولة افريقية ونحن أفارقة ونفخر بكل ما ينسب للأفارقة لكوننا في قلب أفريقيا السمراء وحضارتنا الأقدم في السودان أفريقية
ما أظنك تقصد كلامك دا وتعنيهو إلا مداراة، لا سعيد ولا باين! فهنا مثلاً لماذا نجد معظم الشعوب المسلمة والعربية في مؤخرة الأمم؟لماذا نجد معظم الشعوب المسلمة والعربية في مؤخرة الأمم؟ لماذا نجد معظم الشعوب المسلمة والعربية في مؤخرة الأمم؟
كنت لاعب (ظهير) وحدثتنا عن اختراع العرب للصفر والكاميرا والبوصلة! وجاء واحد زيك كدة قال اخترعوا مناديل الورق! وطبعاً دي معلومات خطأ نتيجة تعبئة منذ الصغر، زي بتاعت (الدكتور) القال خط غرينتش منتصف الأرض وهو أطول الخطوط وكمان عندو حاجة سماها (نقطة الأصل) أبو ورقة علمية دا!
واتضح إنو أقوالك دي نتجت في الواقع عن (غرام مصيري) ساكت!
ملحوظة: في نفس البوست حنلقى الراجل الطيبان بتاع نص الصفحة الفولسكاب معلق أتاريهو كان مباري البوست لدرجة التصحيح الإملائي، مداخلاتي أكتر من تلاتة صفحات (فولوسكاب)
Quote: وحضارتنا الأقدم في السودان أفريقية
الكلام دا يعني شنو يا منتصر؟
____ ሰማይ = سماي = سماء
10-25-2017, 05:00 AM
جلالدونا جلالدونا
تاريخ التسجيل: 04-26-2014
مجموع المشاركات: 9390
حاتم لا زال يواصل ضرب العضوية فى المياشر و فى غير المباشر مع بعضها البعض الفكرة الاساسية خلق جو من شحنات البغضاء بينه و زميل ثم ينقل نفس الجو مع زميل اخر بهبشه مع وش ضاحك تكتكيك ابو التكاتيك حاتم شرير يمشى على قدمين فاحذروه و احذروا كمان التيم ويرك الواقف بى وراهو
10-25-2017, 07:18 AM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
تعرف يا بشاشا أنا مقتنع بأنو مافي شيء يجبر أهل الهجرة الأولى للقدوم للحبشة دونا عن بقية بلاد الأرض إلا لكونها المنبع
سلام ياحاتم، نعم،
ارض الحبشة هي منبع كل مايسمي بي دين او اديان اليوم، بل اكتر من كده، اركان الاسلام الخمسة كانت ممارسة في داخل سعودية اليوم بواسطة اهل الارض الاصليين اي "الحبوش" من امثالنا من قبل رسالة القرن السابع ب 1,000 سنة!
نعم عدد الصلوات في اليوم في عصرنا في سعودية اليوم كانت 7 لتتحول الي 5 فقط في رسالة القرن السابع الكانت بعث واحياء لذات "الدين" الكوشي بي فهم امثال المستعرب منتصر اللي لوثوهو الاعراب بعد قدومم الي ديار لقمان "الحبشي"، بلقيس اي سبأ "الحبشية" الكانت حين قدوم هؤلاء الاعراب من اغني بقاع الارض.
اي زول عايز تفاصيل اكتر عليهو بالكتاب ده الان بالعربي موجود في السودان :
لي امنا دوراسلا هيوستن الكتبتبو في عشرينات القرن الماضي لما امثالا كانو بقتلو رجما حتي الموت معلقين في اغصان الاشجار في شوارع امريكا لانو الواحد منهم تجرأ او ملا عينو في "بت بيضا"!!
كتبنا عن هذا العمل في المنبر ده من كم طاشر سنة وهذا يعتبر مجرد مدخل فقط!
لاحظ ياداب بدا الكلام في المنبر ده عن الارث والاصل اليهودي لرسالة القرن السابع، وهذا مضحك بحق لان هذا طبيعي او منطقي!
احنا كتبنا من زمن في المنبر ده عن الاصل السوداني لكل مايسمي يهودية او مسيحية، هنا:
عما قريب حنبدا رقم (3): الاصل الســــــــــــــــــــوداني للاســـــــــــــــــــــــلام.
اذن الاعراب الاشد كفرا من دون خلق الله، لمارفضو هذا الدين الوافد الاجنبي والغريب او طاردو رواده اللي ماصدفة كانو امثال بلال لا غرابة،
فاتباع هذا الدين الوافد والاجنبي عادو به الي منبعه والي منشائه اي ارض كوش اللي استقبلت من لجأو اليها كالعهد بكوش اصل الحضارة بكل ترحيب، لان ما اتو به هو بعض بضاعة كوش، وبالتالي ما كان غريب علي اهلنا في الحبشة ارض بلقيس!
الطريف "اشد كفرا" دي قالو خاصة بالعرب الرعواتية اي عرب الخلا، وكانو ابوجهل ولا كل اعيان قريش اللي جدهم "النوباوي" اسماعيل كانو مزارعين ولاضاربين الخلا!
10-25-2017, 08:59 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
Quote: . المقطع (ሎ) في الأمهرية يقابل اللام المضمومة الممدودة يا منتصر! ...
ليس صحيحاً أنا متأكد أنا أخطأت في الحرف الأول هو في المسند اليمني صاد ولكن بالأمهري دال أما الحرف (ሎ) أنا متأكد أنه (سين) اليوم دخلت على شاب حبشي في محل في الشارع وقلت له إقرأ لي هذه الكلمة ጸሎት) والله على ما أقول شهيد قرأها (داستا) اتفق معي في الثاني والثالث المتوافق مع النطق الحميري المعيني لهذه الحروف واختلف معي في الحرف الأول وقال لي في الأمهري ينطق دال وليس صاد الذي في النطق الحميري ثم قال لي أن هذه كلمة معناها جميل وكان يظنني أشك في الكلمة أنه معناها سيىء وقال لي معناها (شي كويس ) أو (محترم) المهم ما اختلفنا ربما معناها العام كما ذكر ومعناها الخاص صلاة
10-25-2017, 09:32 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
طيب هنا أنت مقر بأن هذا الحرف ሰهو سين وممكن هناك يكون سين مضمومة ... حاراجع الموضوع دا أهم شيء عندي الحقيقة بعدين ما هو دليلك على أن العرب هم من أخذ عض كلامهم بمن اللغة الحيشية وليس العكس أنا عندي أدلة عكس كلامك سأوردها لكن أنت أين أدلتك على دعواك بأن العرب هم من أخذ من اللغة الحبشية؟!
ما هو دليلك على أن العرب هم من أخذ من اللغة الحشيشة وليس العكس
اعلاه سؤال المستعرب الخلوي منتصر!
نعم مصر انو اسماعيل هو الولد هاجر!!
ياهذا قنا لما "الحبش" بنو سد مارب واقامو جنات عدنن، ابراهيم ما كان اتولد زاتو، دعك من كونو جانا لاجي في كمت هربا من المجاعة الضربت فلسطين اللي وصلا من نواحي العراق!
فكيف اللي عمرو لايتعدي ال 5,000 سنة علي اقصي تقدير اي الساميين بعامة وليس العرب اللي ظهرو مؤخرا جدا حتي فيما بين الساميين، فكيف العربي بعد ده يكون اصل للحبشي حفيد "لوسي"، "الحشية" العمرها اكثر من 3.200,000 سنة؟!
لوسي "الحبشية":
عزيزي القارئي،
وقع ليك كلامنا كيف لامعني للادلة للنقاش مع امثال منتصر هذا الساجي مجموعة تصورات معينة مسبقة، كعمة او عقال او حايم بيهو؟
10-25-2017, 10:03 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
Quote: طيب اذا حتي باعتراف اسياد نغمة وعيك "العبدة" هاجر هي من انجبت اسماعيل والكلام ده نسبيا قريب ...
الزعم بأن تاريخ اللغة العربية وتاريخ العرب بدأ مع سيدنا اسماعيل هذا كلام غير صحيح إذا تجاوزنا أن اللغة العربية بدأت مع آدم عليه السلام فالمتفق عليه أن أول نبيين بعد نوح عليه السلام كانا من العرب وهما هود وصالح عليهما السلام وهؤلاء كانا قبل ابراهيم عليه السلام بزمن بعيد جداً وحتى قبل إدريس عليه السلام الذي كان هو قبل ابراهيم عليه السلام وابنه اسماعيل عليه السلام ومدائن صالح وكذلك هود عليهما السلام (إرم ذات العماد) ومدائن صالح ما زالت آثارهما موجودة تشهد عليهما والدليل على عروبة هود عليه السلام وأنه أول نبي عربي قد جاء في صحيح ابن حبان عن أبي ذر في حديث طويل في ذكر الأنبياء والمرسلين قال سيدنا محمد صلى الله عليه وسلم: “ وأربعة من العرب: هود وصالح وشعيب ونبيك محمد” رواه ابن حبان بسند صحيح
10-25-2017, 10:35 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
وهذه مخطوطة يمنية حميرية بخط المسند منقوشة على صخرة عمرها 3000سنة 3ألف سنة يعني منذ 1000 ق م وغزو الحبشة لليمن كان متأخر جداً في القرن السادس قبل الميلاد وهو عام 525م وحتى 599م
10-25-2017, 11:08 PM
Bashasha Bashasha
تاريخ التسجيل: 10-08-2003
مجموع المشاركات: 25803
من اين لك انو الحميريين او ثمود او عاد كانو عرب؟ ماجاوبتا علي سؤالي: هل اسماعيل هو الولد هاجر ام العكس؟ قدامك لوسي عمرها اكثر من 3,200,000 او برضك تسويي يمنيين؟
10-25-2017, 11:05 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: ليس صحيحاً أنا متأكد أنا أخطأت في الحرف الأول هو في المسند اليمني صاد ولكن بالأمهري دال أما الحرف (ሎ) أنا متأكد أنه (سين) اليوم دخلت على شاب حبشي في محل في الشارع وقلت له إقرأ لي هذه الكلمة ጸሎት) والله على ما أقول شهيد قرأها (داستا)
يا منتصر ما تغالت وانت في حالة استلاب، انت مش عالجناك قبال سنتين؟!
في تلاتة مقاطع للجعز متشابهة جداً في الرسم، وفي سين وفي صاد Lawe ለ ሉ ሊ ላ ሌ ል ሎ Sat ሰ ሱ ሲ ሳ ሴ ስ ሶ Bet በ ቡ ቢ ባ ቤ ብ ቦ ------------------------------------- Saday ጸ ጹ ጺ ጻ ጼ ጽ ጾ
وزي ما شايف، الصف الأول لام، وحرفنا المقصود آخر واحد، ورابطين ليهو عنبة بالجنبة ولاحظ مجموعة مقاطع الصلاة اسمها (صاداي)! أما مجموعة السين فاسمها (سات)
Quote: طيب هنا أنت مقر بأن هذا الحرف ሰهو سين
كدي عاين ليهم جمب بعض اللام والسين والصاد (ጸ, ሰ, ሎ) أها، بتشابهن؟ والحرف (ሎ) ينطق (لو) يا منتصر وليس سين، انت الاستلاب طشش عيونك كلو كلو
وزولك القلت عليهو (حبشي) وغلبو يقرأ كلمة صلاة دا غير مؤهل! يا كمان تكون دغمستها ليهو لشيء في نفسك وغرض وانت بانحيازك وعاطفتك الجياشة دي ما مؤهل للنظر في الموضوع دا ولو خليناك لهواك حتجي تقول العرب (اخترعوا) اللغة الصينية وحبر الكوبية!
فالمتفق عليه أن أول نبيين بعد نوح عليه السلام كانا من العرب وهما هود وصالح عليهما السلام
قرقرقرقر!
نواصل مع المستعرب الخلوي منتصر عبد الباسط:
متفق عليه بين منم؟
العرب واليهود؟
طيب هو احنا قنا غير كده؟
انتا بتسمع في ايات، اناشيد مستعبديك!
ادناه تسلسل زمني يشرح كيف ظهور اول سامي لا يتعدي عام 2,400 ق.م:
نعم اول سامي في التاريخ ظهر في عصر الاهرامات، تقول لي نبي او رسول او بتيخ؟
كل هذه التصورات مقاربة لي اصل كوشي اي حبشي صرف!
نعم سفينة نوح كمثال قاعدة الي اليوم في واحدة من اهراماتنا في كمت، والفيضان ده كان في ذات النيل الشايفو جاري قدامك من الخرطوم!
نعم مفردة "نبي" لغة لامعني لها في رطانة العرب لانها كوشية!
ادم بنفس الطريقة كمفردة لامعني لها في رطانة اسيادك العربية او العبرية!
لو مصر خدك:
مفردة ادم، او مدلولها، في اللغة العبرية:
ADAM (Heb)0 1)
Father of Mankind. 2)
First man in the image of God 3)
Completion of creation. 4)
Namer of all creatures.
واضح ان هذا هو ذات تعريف "ادم" في اسلام الثقافة العربية، المعروف ب"الاسلام" بالالف واللام.
الان ناتي للاصل الكوشي، لمفردة ادم، لغة ومدلول، وكما سيتضح للقارئ، اليهودية اخذت المفردة بالنص، من اللغة الكوشية، وهذه النقطة مهمة:
ادم في اللغة الكوشية، ممثلة في الهيروغلوفية:
ATM (Eg)0 1)
Father of Mankind. 2)
First god in the image of Man. 3)
Root TM means ‘completion’. 4)
Cognate DM means “to name
اذن باختصار شديد ماممكن تقارن لوسي "الحبشية" اللي عمرها ملايين السنين بي ادم العربي او نوح اليهودي اللي ظهر بعد 2,400 ق.م شغل محاكة او تقليد لي كلامنا احنا!
Quote: . حجرك الجبتو دا يا منتصر منقوش بآلة حديثة معاصرة فهو إما مزور أو نسخة للعرض (replica)......
وإنت حجرك الأثيوبي الأصلي وين؟! أنا جاييك لموضوع الحجر دا بالتفصيل لكن دعواك بأن اللغة العربية مصدرها أثيوبيا شي مضحك لأن اللغة العربية تعادل كلماتها ومفرداتها عشرات أضعاف اللغات الأثيوبية مجتمعة معجم واحد زي لسان العرب به 18 مجلد ضخم يعني سماكته حوالي 70 سم فكيف يكون الفرع أضعاف حجم الأصل ؟! فهل رأيت شجرة فرعها أعرض من ساقها ؟؟!!! مالك كيف تحكم!!
10-27-2017, 02:37 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
طالما أنت تشكك في النقش الحجري لخط المسند هنا يستوجب سؤالك هل أنت تعتبر أنه لا وجود حقيقي لخط اسمه خط المسند في اليمن وأن كل النقوش الموجودة في اليمن لهذا الخط مزورة ومختلقة؟!! أم أنك تقر بصحة بعض هذه النقوش ولكن تاريخها عندك يعود فقط لفترة الحكم الأثيوبي لليمن الذي كان في القرن السادس الميلادي؟ أم لك كلام آخر؟ تعليقي سيكون بعد أن تجيب على هذا السؤال
10-27-2017, 02:25 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: أنا جاييك لموضوع الحجر دا بالتفصيل لكن دعواك بأن اللغة العربية مصدرها أثيوبيا شي مضحك لأن اللغة العربية تعادل كلماتها ومفرداتها عشرات أضعاف اللغات الأثيوبية مجتمعة
منتظرين حجرك! بس (حجرك) المعروض دا شغل حديث! بعدين أنا ذكرت مصطلحات بعينها، دينية تحديداً لأنو مافي لغة طبيعية (مصدرها) واحد مفرد!
اللغة الطبيعية (نظرياً) مفرداتها تعادل كل لغات العالم مجتمعة! بس دا ما بيعني أنها الأقدم على الإطلاق، بل العكس وفقاً للخاصية الاشتقاقية الميكانيكية الحديثة نسبياً دي.
كم عدد مفردات اللغة العربية المستخدمة فعلياً يا منتصر؟
ما رجعت لينا في الموضوع الأمهري بتاع الصلاة! ጸሎት = صِلوت = صلوة = صلاة دا يعني كلامي صاح وانت غلت. كالمعتاد
10-27-2017, 03:34 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
أنا صراحة معرفتي خاصة بخط المسند اليمني وليس بالخط الأثيوبي المطور عن خط المسند وبعدين ما بعيد تكون انت حبشي البعيد شنو وفي حالة زي دي ما ممكن اكون اعلم منك بلغتك الأم البعيد شنو وانت مجهول الهوية ومتعدد الشخصيات .. وبعدين الضحك الكتير البدونضرورة دا هو الجاب ليك الكلام
10-27-2017, 03:48 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: السودانين ديل من دون خلق الله بعتبروا إنو كلامم العاااادي دا عبارة عن شعر قول لي كيف؟ لأنهم ببساطة بسموا الكلام العادي دا (نضم) يعني (نظم) وقلب الظاء ضاد مشهور في غالب بلاد العرب والنضم أي (النظم) هو (نظم الشعر) ويقولون ما (تنضم معاي) يعني لا تتحدث معي وهكذا
يعني يا منتصر السودان دا كله شعراء وكلامنا العادي دا شعر
معقول الكلام دا عشان تثبت وتوجد مخارجة للأخطاء الواضحه في كلامنا السوداني لقواعد اللغه العربيه وقليبنا للحروف حسب لساننا الأصلي تقوم تقول السبب :السودانيين شعراء وكلامهم شعر
10-27-2017, 03:55 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: البعيد شنو وانت مجهول الهوية ومتعدد الشخصيات ..
كدا يا منتصر تمشي تركب قطر الفلول طوالي أي زوول يغلبه النقاش يقعد يقابض في حاتم ويقبقبه طلع بطاقتك إنت شبح إنت ما معروف وين المشكله؟ ناقشه بدون ما تختزن أي معلومات شخصية وتسقطها علي النقاش ناقش كلامه البيقولوا بدون أن تفكر في إنه دا منو
وإذا غلبك النقاش أركب قطر الفلول وقول أنتم السابقون ونحن اللاحقون
ذكرتني يا عظمة، مرة سمعنا قالو أتيم قرنق بتهكم على البروف/ عوض إبراهيم عوض ، قاللو: ترا والله شايفنك بتجتهد شديد تتكلم اللغة العربية متل أهلا بالظبط . عمومن عندنا بوست موسع في هذا السيق ، بعالج قضايا ليها علاقة بالانقاء العرقي و العنصرية المقنعة و العروبةو التعريب . فيا ريت لو عندك وقت تمر علينا بهناك في الآراء الحرة و المقالات. بتلقاه بعنوان " شاطر و مشطور وبنهما ظازج". و لك مودتي
Quote: طالما أنت تشكك في النقش الحجري لخط المسند هنا يستوجب سؤالك هل أنت تعتبر أنه لا وجود حقيقي لخط اسمه خط المسند في اليمن وأن كل النقوش الموجودة في اليمن لهذا الخط مزورة ومختلقة؟!! أم أنك تقر بصحة بعض هذه النقوش ولكن تاريخها عندك يعود فقط لفترة الحكم الأثيوبي لليمن الذي كان في القرن السادس الميلادي؟ أم لك كلام آخر؟ تعليقي سيكون بعد أن تجيب على هذا السؤال .
10-30-2017, 08:26 AM
Mohd Ibrahim Mohd Ibrahim
تاريخ التسجيل: 01-19-2004
مجموع المشاركات: 2234
اكتب النص هنا افتكر الاشكالية هي في الاعلام والذي يسعي دائما لاظهار السودان كبلد عربي كامل الدسم ويحاول بكل الطرق اخفاء كل مايدل علي غير ذلك ... هذة سياسة موجهة بامتياز نحو التماهي العروبي الكامل في فترة شهدت رواجا للغة العربية والثقافة العربية مربوطة بالثراء العربي وكذلك فترة ظهور قنوات اعلامية رائجة ومؤثرة ... لم اري شعبا احب قناة الجزيرة وتاثر بها كالسودانيين ..عندما تظهر مادة اعلامية سودانية في الجزيرة او الام بي سي تجد السودانيون يطيرون من الفرح ويعدون ذلك نوعا من الاعتراف والقبول ويحسون فورا بالتماهي مع المجتمع العربي ولكن مايلبث ان تحدث حادثة عنصرية خارج السودان الا يغضب السودانين بطبعهم ويلعنون كل ماهو عربي ...لذلك الموضوع هو موضوع تصالح من النفس لااكثر ولااقل .. .نفس الشئ يحدث هنا مع النوبين والهنددوة واهل الغرب ..ماعدا الجنوبيون الذين احس دوما بتصالحهم النفسي مع هويتهم رغم ان الكثير منهم كانو في الخرطوم غير متعلمين ويمارسون مهن هامشية لكن تجدهم لايحملون تلك الضغائن العرقية بل حتي لايحفلون بما يقال عنهم ولايذهبون الي تفسيرات مثل عنصرية وتعالي وما الي ذلك ...مايحدث مع الرطانة وكذلك اهل الغرب اعتبارهم ان اللغة الخرطومية او لغة المركز هي الكل في الكل ويساعدهم في ذلك سيطرة الاعلام العروبي/اسلامي وكل مايحدث لهم من عنصرية هو ارتداد لما يمارسة العرب من عنصرية علي نفس السودانيين اهل المركز ... ولكن الجديد االان بعد الثورة المعلوماتية الكبيرة والانفتاح علي العالم وتراجع اسعار النفط تعاني المجتمعات العربية نفسها من التهميش والتراجع ثقافيا ولغويا ...فالان اذا لم تكن تجيد الانجليزية لاتستطيع ان تعيش في مدينو كمدينة دبي او حتي المنامة دعك من الحلم بايجاد وظيفة .......هذا البوست واحد من بوستات التحسر علي اللبن المسكوب علي ثقافة تحمل فناءها بداخلها ..تقافة لم تتطور نفسها علميا اوحضاريا واعتمدت كثيرة علي نظرية التهميش والاعلام الموجة ..لذلك اعتقد من الافضل التركيز علي قراة المستقبل والتعامل مع الحضارات المختلفة بانفتاح اكثر والاخذ منها والتاثير عليها لانها كلها نتاج انساني صرف ولااري غضاضة من الاحتفاء بكل هذة الثقافات الانسانية بكل تصالح وقبول .....
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالعظيم عثمان
محمد أبوالعزائم أبوالريش
Mohd Ibrahim
نادر الفضلى
حاتم إبراهيم
منتصر عبد الباسط
Bashasha
جلالدونا
دفع الله ود الأصيل
فيس بوك
تويتر
انستقرام
يوتيوب
بنتيريست