|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: من الطلاب السودانيين بماليزيا الى الرئيس البشير (Re: سيف الدين حسن العوض)
|
بسم الله الرحمن الرحيم
الاتحاد العام للطلاب السودانيين
دوره 2005- 2008
بيان مهم من الطلاب السودانيين بماليزيا
الاخوة الطلاب الاوفياء:
تحيه المجد والخلود والعطاء لسوداننا العظيم اهله ونيله ونخيله وصحرائه الكبري وخط الاستواء,تحيه الوفاء والعهد الصادق الموثوق والرايه المرفوعه ابدا باذن الله خفاقه عاليه لا تنتكس ولا تهزها الرياح ولاتهاب المحن فهي رايه العزه من عهد ترهاقا ومهيره والمك نمر والمهدي ودينار وعلي عبداللطيف وصحبه والي جيل التحديات والبطولات الباذخه الازهري ورفاقه صناع الاستقلال والمجد لسوداننا الحبيب.
طلابنا الاوفياء :
يحل بيننا اليوم قائد المسيره وحادي الركب الاخ المشير عمر حسن احمد البشير رئيس الجمهوريه في زياره الي ماليزيا وتاتي هذه الزياره في ظل علاقات ثنائية متميزة تجمع بين الشعبين الشقيقين في مختلف المجالات وفي ظل وجود سوداني مبهر ومشرف في ارض ماليزيا وننتهز الفرصه لنحي الشعب الماليزي الشقيق وحكومته علي ما نجده منهم من كرم وضيافه وحسن اخاء
الاخوة الطلاب :
تجي هذه الزيارة في ظل تحديات جسام تمر بها الامه السودانيه من استهداف دولي متكرر لسياده وعزه السودان واهله عبر استغلال قضيه دارفور الحبيبه ومحاوله جر البلاد عبرها الي مستقع الوصايه التي نرفضها نحن جمله وتفصيلا لاننا ادرك بابعادها الخبيثه التي تستهدف انسان السودان ومقدراته ومكتسابته وعقيدته السمحه ومجتمعه المترابط
طلابنا الاوفياء
اننا ندعو اهلنا الشرفاء الاوفياء الاتقياءالي الوحده والتماسك وتفويت الفرصه علي اعداء الوطن واصحاب الاجنده الخاصه ومن لف لفهم الذين يستهدفون تحويل دارفور الي خراب تحقيقا لاهداف وضيعه كما ندعو باسم كل الطلاب السودانيين الشرفاء في داخل السودان وخارجه الاخوه في الحركات المسلحه غير الموقعه الي النهوض بدورها الوطني والجلوس مع ولاه الامر لتسويه بصوره سليمه بيضاء هدفها الاول والاخير حقن دماء الابرياء من شباب واهل دارفور اسوه باخوانهم الذين سبقوهم والذينوضعوا مصلحه الوطن فوق كل اعتبار
الاخوة الطلاب
نحي الاخ الرئيس علي زيارته التاريخيه الاخيره الي دارفور التي جدد فيها الدعوه الي حقن الدماء والالتفاف حول كلمة سواء هدفها تنميه دارفور وانسانها الطيب وندعو اخوتنا واهلنا في دارفور الي لم الشمل وجبر الضرر والالتفات الي التنميه والبناء لتعود دارفور الي سابق عهدها ارضا للسلام ومناره للقران والتعايش السلمي بين اهلها ولتكن محطة اروشا الحاليه محطة نهائية تلتقي بعدها الايادي وتتصافح معلنة ميلاد الامن والسلام
الاخوة الطلاب
اننا من هنا نجدد رفضنا القاطع لكل محاولات الالتفاف والتهديد والوعيد التي تنتهجها دول الاستكبار العالمي ضد الحكومة السودانيه والتي تستهدف في الاساس انسان السودان وكرامته وعزته ونؤكد اننا علي ثقه من قدره الحكومة السودانيه علي حل قضيه دارفور حلا يرضي الجميع دون تدخل او وصايه من احد بين ابناء الوطن الواحد لاننا علي ثقه من ان اخوان ورفاق الشهيد د.مجذوب الخليفه احمد قادرون علي مواصله المسيره وحقن الدماء.
طلابنا الاماجد:
اننا اذ ننتهز هذه الزياره المباركة للاخ الرئيس الي ماليزيا نجدد دعوتنا الي الجميع الي كلمه سواء هدفها الاول بناء السودان واهله وحقن دماء ابنائه ونحث كل الوطنيين الشرفاء علي تفويت الفرصه علي كل متربص وخائن وعميل ونجدد رسالتنا الي كل ابناء الشعب السوداني الي الالتفاف حول قضايا الوطن المصيريه من اجل احلال السلام الدائم والاعمار في السودان والذي بانت بشائره في كل انحاء السودان ونجدد باسم الطلاب السودانيين داخل وخارج السودان وفي ماليزيا خاصه عهدنا المقدس ان يظل الطلاب حماه للوطن ومكتسابته في كل زمان ومكان وسيظل الطلاب رسل محبه وسلام واخاء بين ابناء الوطن الواحد لا نحيد عن المبادئ الساميه ولانرهن مواقفنا لقضايا خاسره وانما نحن للسودان وقيادته وبه نحو العلا والنهضه المنشودة
• التحيه للاخ رئيس الجمهوريه المشير عمر حسن البشير واعضاء حكومه الوحدة الوطنيه الموقره
• والتحيه لابناء الوطن الواحد الموحد في كل فج
• والمجد والخلود لشهدائنا الابرار
• والتحيه لطلاب السودان حماة ارضه ودرعه المتين
• وسيظل السودان واحداً موحداً باهله وقيادته الرشيده
• والله اكبر والعزة للسودان
الطلاب السودانيين بماليزيا4/8/2007 م
| |
 
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: حيدر حسن ميرغني)
|
الاخ الكريم / حيدر حسن ميرغنى
اولا شكرا جزيلا للمرور والمداخلة
وشكر لهنيئا لهم هذه
اماسؤالك عن الاتحاد وهل هو منتخب ام لا
والله شوف
حسب علمى المتواضع جدا ليس هناك اتحاد للطلاب السودانيين بماليزيا
وحتى مسألة اتحادات طلاب هذه في ماليزيا ممنوعة ولايسمحون للطلاب الاجانب بتكوين اتحادات اصلا ..ولكنهم يسمحون بتكوين جاليات لهم او روابط ويتعاملون معهم باعتبارهم ممثلين لدولتهم ... والاخوة الطلاب السودانيين في ماليزيا حسب علمى كذلك يتبعون رأسا للاتحاد العام للطلاب السودانيين الذى مقره في الخرطوم .. ولهذا تجد ان البيان مرؤس باسم الاتحاد العام للطلاب السودانيين ومن ثم ياتى العنوان الفرعى الطلاب السودانيين بماليزيا ... وتوجد بديلا لذلك روابط للطلاب السودانيين في عدد من الجامعات الماليزية والتى من ابرزها رابطة الطلاب السودانيين بالجامعة الاسلامية العالمية بماليزيا..والذى وصلنى الاعلان او البيان من لجنتهم التنفيذية وهذا مالزم توضيحه
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: سيف الدين حسن العوض)
|
عجيييييييييييييييب والله .....قمنا خلاص للاستهبال....
سيد سيف...اول حاجه الاتحاد دا عملوهو متين?
اعضائه منو....رئيسو منو....عمل شنو لى هسى?
ورسلوا ليك الخطاب لشنو?
وغيرك انت تانى نشروا وين....والكتبوا منو?
والركاكه فى الخطاب دى وتحيه خط الاستواء دى قلبتوا فيها هوبا....
وللجميع....الخطاب دا ما بمثل الا كاتبه وفضيحه نحن فى ماليزيا نناى عنها
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: الشيخ إبراهيم الشيخ)
|
اؤمن على ما دعا اليه الاستاذ سيف وبالمقابل ادعو فخامة الرئيس الى
ورجالات دولته ان يتقوا الله فى الشعب السودانى وان يوقفوا مظاهر تكميم
الافواه وقمع حرية التعبير لانها لا تشبه الاسلام فى شئ
وان يضع الرئيس حدا لشلالات الدماء المنهمرة على مدار الايام فى شتى البقاع ويعلم انه
يتحمل وزرها يوم البعث العظيم
ان يضع الفصول الختامية للفساد المالى والادارى الضارب باطنابه والذى طوق الخدمة
المدنية وجعل المواطن دائب الشكوى من التعنت والتردى فى الخدمات
ان يطوى سيادته ملف دارفور ويوقف هذا العبث والتدخل السافر من قبل الامبريالية
الا يقدم على القسم الغليظ اذا ليس لديه القدر الكافى على الايفاء به
ودمت
كما اتمنى ان يتشكل هذا الاتحاد من جميع الوان الطيف السياسى والا يكون حكرا فقط على
جماعة المؤتمر الوطنى
الطيب عبدالرازق النقر
وطنى اضحى بقدرة قادر كوز وعنصرى
| |
|
|
|
|
|
|
|
|
 Re: من الطلاب السودانيين بماليزيا الى الرئيس البشير (Re: الطيب عبدالرازق النقر)
|
الاخ العزيز / الطيب النقر
سلامات كثيرة جدا
ومشتاقين كثير
شكرا ليك على المرور من هنا
والتعليق الرائع جدا
وشكرا ليك على النصيحة التى قلما تقدم هذه الايام
والدين النصيحة يالطيب
بس انا بختلف معاك انو مافى تكميم افواه
او حتى قمع لحرية التعبير في السودان ويبدو انك طولت الغيبة
والدليل على ذلك كم هائل من الصحف السيارة المستقلة
وقنوات فضائية قادمة وكم هائل من الاذاعات التجارية
قد يكون هناك فساد من اى نوع هنا او هناك وهذه طبيعة البشرالخطأ
اما قضية دارفور فمن منا لايريد لهذا الجرح ان يندمل !
شكر ليك كثير يااخ الطيب على المداخلة ونامل ان يسمع
الاخ الرئيس واعوانه النصيحة وبارك الله فيكم
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: Mahathir)
|
الاخ الحبيب / مهاتير
سلامات
وما عجيب الا .... كما يقولون
بالنسبة لسؤالك حول الاتحاد يمكنك الرجوع لردنا على الاخ حيدر حسن ميرغنى
اما رسلوا الخطاب علشان شنو؟ هم عارفين
واذا ما وصلتك نسخة منه بعد ... اعتبر هذه بمثابة نسخة طبق الاصل لك
الكتبو منو ...ده برضو سؤال يامهاتير ماهم ذاتهم الطلاب السودانيين بماليزيا
اما حكاية الركاكة في الخطاب وكده فماتسألنى ماليس لى به علم
وده رأيك ونحن نحترم رأيك فلتحترم رأيهم
ولك عاطر التحايا
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: Deng)
|
اللخو / دينق
سلاما لو تجسد كان درا *** وياقوتا يقلب باليدين
طولنا من شوفتك وطلتك
نحن مش فرحانيين وبس
نحن بنطط الان فرحا وسعادة لانو الريس في ماليزيا
ضمن منظومة الشراكة الذكية
وده اظنوا بيسعد كل سودانى غيور على وطنه
بتهمه مصلحة وطنه وشعب وطنه
وشكر ليك كثير على المرور والتعليق والمداخلة
وخلينا نشوفك مرة مرة
اما حكاية انو البيان ده كتبو الطيب النقر
فالامر محول لاخونا الطيب النقر
اما سؤالك الموجه للاخ مهاتير فنحن بدورنا نحوله
عسى ولعل نجد واياكم اجابة شافية
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: سيف الدين حسن العوض)
|
اول حاجه يا اخ سيف خلينى اقول ليك ان زول ما نزيه....بديت البوست التعيس بالعبارة الاتعس | Quote: وصلتنى للتو نسخة من بيان الاخوة الطلاب السودانيين بماليزي |
والحقتها بالفضيحه البيان المعنون باسم كل الطلاب Quote: الاتحاد العام للطلاب السودانيين
دوره 2005- 2008
بيان مهم من الطلاب السودانيين بماليزي |
بعدين لمن زنقوك قلت Quote: حسب علمى المتواضع جدا ليس هناك اتحاد للطلاب السودانيين بماليزيا
وحتى مسألة اتحادات طلاب هذه في ماليزيا ممنوعة ولايسمحون للطلاب الاجانب بتكوين اتحادات اصلا |
واوضحت كمان | Quote: رابطة الطلاب السودانيين بالجامعة الاسلامية العالمية بماليزيا..والذى وصلنى الاعلان او البيان من لجنتهم التنفيذ |
يعنى يا اخ سيف انت عارف انو مافى اتحاد بالاسم دا لكن دينك واخلاقك منعوك من قول الحقيقه مش? يعنى شفت التزوير وسكت ....
غايتو اطلب المغفره والتوبه يا استاذ يا باحث....
بعدين رابطة المنتحلين الاسلاميه ....المزورين ديل اول حاجه يلحقونا بخطاب اعتذار لكل الطلاب السودانيين فى ماليزيا بعدين نتفاهم.....
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: سيف الدين حسن العوض)
|
الاخ دينق....اول حاجه تحيه....بتاع الحلايف دا ما بستاهل كلمه ريس ولا حتى بال comma بتاعتا.....
نعود لاخونا الطيب....ما ملاحظ انو الوحيد البجى ناطى وبقول انا كوز? لكن هل الكيزان بقولوا انو واحد منهم? الباقى i'll leave it to you ...
اتحاد الطلاب التعيس دا لو فيهو خير كان كلم عمر الكذاب يتوسط للبوليس الماليزى علشان يفك ولد الزبير محمد صالح.....تدفع كم واديك القصه كلها?
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: Mahathir)
|
الأخ سيف الدين تحياتي
جاء في مطلع البيان
Quote:
الاتحاد العام للطلاب السودانيين
دوره 2005- 2008 |
وجاء في ختامةQuote:
الطلاب السودانيين بماليزيا4/8/2007 م |
سؤآلي لك
من هي الجهة التي اصدرت البيان؟
هل هي الاتحاد العام للطلاب السودانيين ام الطلاب السودانيين بماليزيا؟
إذا كانت الجهة التي اصدرت البيان هي الطلاب السودانيين بماليزيا، ماهي علاقة الاتحاد العام للطلاب السودانيين بالطلاب السودانين بماليزيا حتى يرد اسمه في بيانها ..
واذا كانت الجهة التي اصدرت البيان هي الاتحاد العام للطلاب السودانيين، من الذي اعطاهم الحق في التحدث بإسم الطلاب السودايين بماليزيا، خاصة في عدم وجود إتحاد للطلاب السودانيين بماليزيا ينضوي تحت مظلة الاتحاد العام للطلاب السودانيين كما ذكرت بقولكQuote:
حسب علمى المتواضع جدا ليس هناك اتحاد للطلاب السودانيين بماليزيا
وحتى مسألة اتحادات طلاب هذه في ماليزيا ممنوعة ولايسمحون للطلاب الاجانب بتكوين اتحادات اصلا
|
ارجو الإفادة ولك شكري
الصاوي
| |
|
|
|
|
|
|
|
|
|
شكرا ماهتير علي التنوير (Re: سيف الدين حسن العوض)
|
شكرا ماهتير علي التنوير ووضعنا في الصورة والا لكان بيان أتحاد الكيزان "خم"
الناس......
.....وهكذا يصر الكيزان علي التزييف والتزوير....
ولا أدري كيف يصدر ما يسمي بالاتحاد العام بيان يتحدث فيه بأسم وأرادة
الطلاب في بلد ليس له فيها فرع وليس فيها أتحادات طلابية?
من قال لكم أن هذه هي أرادة ورؤية طلاب ماليزيا>?
كمال عباس
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: سيف الدين حسن العوض)
|
Quote: إذا كانت الجهة التي اصدرت البيان هي الطلاب السودانيين بماليزيا، ماهي علاقة الاتحاد العام للطلاب السودانيين بالطلاب السودانين بماليزيا حتى يرد اسمه في بيانها ..
واذا كانت الجهة التي اصدرت البيان هي الاتحاد العام للطلاب السودانيين، من الذي اعطاهم الحق في التحدث بإسم الطلاب السودايين بماليزيا، خاصة في عدم وجود إتحاد للطلاب السودانيين بماليزيا ينضوي تحت مظلة الاتحاد العام للطلاب السودانيين كما ذكرت بقولك |
اسئلة تحتاج لاجابة !!!!
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: Mahathir)
|
صدقني يا مهاتير الاخ سيف عاوز يحتفل بزيارة البشير على طريقته الخاصة .... بس ماقدر يطبخها
اي جدل حول بيان طلابي في هذا المنبر يحسم دائما بعرضه في صورته الاصلية (ورق رسمي مختوم بختم الاتحاد)
اتمنى ان يتحفنا سيف بالبيان الرسمي
لسنا ضد من يرغبون في الاحتفال بزيارة الرئيس
لكننا نرفض الزج باسم كيان طلابي في مثل هكذا احتفال
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: سيف الدين حسن العوض)
|
| Quote: اتحاد الطلاب التعيس دا لو فيهو خير كان كلم عمر الكذاب يتوسط للبوليس الماليزى علشان يفك ولد الزبير محمد صالح.....تدفع كم واديك القصه كلها? |
أخونا مهاتير.
والله بالغته عديل كده.
خير زي ده مفروض يكون بالخط العريض وعنوان مانشيت رئيسي بالبورد.
كده أدينا التفاصيل قبل ما يجي بي جاي هشام هباني.
وبعدين شيخة الظلام أكيد عندها التفاصيل ولكن عملت بيها نايمة.
دينق.
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: سيف الدين حسن العوض)
|
الاخت Salwa Seyam
Quote:
: إذا كانت الجهة التي اصدرت البيان هي الطلاب السودانيين بماليزيا، ماهي علاقة الاتحاد العام للطلاب السودانيين بالطلاب السودانين بماليزيا حتى يرد اسمه في بيانها ..
واذا كانت الجهة التي اصدرت البيان هي الاتحاد العام للطلاب السودانيين، من الذي اعطاهم الحق في التحدث بإسم الطلاب السودايين بماليزيا، خاصة في عدم وجود إتحاد للطلاب السودانيين بماليزيا ينضوي تحت مظلة الاتحاد العام للطلاب السودانيين كما ذكرت بقولك
اسئلة تحتاج لاجابة !!! |
ننتظر ردهم وللحديث بقيه....
قيل لنا ان البشير اختار الهرب ولن يخاطب السودانيين هنا....الشرده دى لله
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: سيف الدين حسن العوض)
|
اخونا دينق....
كدى ندى سيف فرصه يجى يحكى القصه او ناس الاتحاد ديل يجو يوروناعملو شنو للطالب دا....فالحين بس يتملقو فى الدلاهه البشير....
هى مشكله كبيره فيها طالب صومالى مطعون وولد الزبير انقبض بعد ما صورتو ظهرت فى ال CCTV شايل سيف عدييييييييييل كدا......
يا دينق بطل جلدنا وادفع....وبرسل ليك القصه فى ال private
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: Mahathir)
|
شكرا ماهتير علي التنوير ووضعنا في الصورة والا لكان بيان أتحاد الكيزان "خم"
الناس......
.....وهكذا يصر الكيزان علي التزييف والتزوير....
ولا أدري كيف يصدر ما يسمي بالاتحاد العام بيان يتحدث فيه بأسم وأرادة
الطلاب في بلد ليس له فيها فرع وليس فيها أتحادات طلابية?
من قال لكم أن هذه هي أرادة ورؤية طلاب ماليزيا>?
كمال عباس
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: Mustafa Mahmoud)
|
| Quote: نعود لاخونا الطيب....ما ملاحظ انو الوحيد البجى ناطى وبقول انا كوز? لكن هل الكيزان بقولوا انو واحد منهم? الباقى i'll leave it to you ... |
الباشمهندس ال
مهاتير
كيفك يا رائع
انت عارف انا اول مرة اكتشف انو لسانك اطول من طولك الفارع دا ....ثم تانيا
ياتو يوم انا قلت كوز بالمعنى الفم المليان فى البروفايل بتاعى قلت انا تائه فى شعاب
الحركة الاسلامية يا مهاتير بطل شغل التلفيق بتاعك دا ثم تالتا فى كوز بكتب الكلام الفوق
دا ولا بنتقد عثرات النظام
انت عارف يا مهاتير الفرق البينى وبينك انو انا بنظر الى الجانب المشرق من هذا النظام
وانت فقط يجول نظرك الى فداحة ما ارتكبه اساطينه ...ولكن ما زلت بؤمن انا هذا النظام
يتحلى بدهاء سياسى وقدرة على المضى قدما رغم الفقر المدقع الذى ساد وسط اهلنا الغلابة
ورغم التفاف الطغمة السيئة حوله (المتنفعين)واذناب ومواخير امريكا وعملائهم الامر الذى
جعل رئيسنا يخضع مكرها لاملاءات وشروط امريكا
ثم رابعا سالتك بفالق الحب والنوى زعماء حركات التحرير الذين لا عهد لنا بهم اتعدهم من
الثوار الشرفاء ام من المتسلقين المنتفعين ديل يا باشمهندس اسوأ من الكوز المتسلق لان
الكوز المتسلق برضى بالعملة المحلية وديلك اشرئبت انفسهم للعملة الاجنبية ديل فضحونا
فى العلم باسره وخلو سيرتنا للبيسوى والما بسوى
ما تقولى الحكومة اقدمت على ضرب القبائل الزنجية وسلحت القبائل العربية دا كلام ما
بخوش طايوق ( تفل شاى) حتى ...النظام اخطاءه بالكوم والردوم وواضحة حتى فى ماليزيا
دى شايفنها زى معظم البيجوا للكورسات الاعداد ية سواء كورسات لغة او خلافه لابد ان
يكون كوز ليه ضل ... وهاك يا صرف وهاك يا بذخ وهاك يا فسح
بالله شفت ليك لغة بتكتسب فى شهرين ياخى امور الفوضى دى
بعدين نجى لما يسمى بيان اتحاد الطلاب السودانيين انا غايتو الشئ العارفو انو
الحكومة الماليزية ما بتسمح بمثل قيام هذه الاتحادات وفى ظنى انا هذا الخطاب صيغ
من طلاب الجامعة الاسلامية او وصلهم من قيادة الاتحاد العام للطلاب السودانيين
ودا بعنى ان هذه الجمعية التى صلاحيتها قاصرة على الجامعة الاسلامية لا تتعداها الى
غيرها من الجامعات لها علاقة وثيقة العرى باتحاد الطلاب السودانيين القاصر على
الطلاب المنسوبين للمؤتمر الوطنى وعلى حد علمى لا يوجد طلاب يمثلون الوان الطيف
السياسى ينتمون لهذا الاتحاد
نقطة قبل الاخيرة احب ان انبه سيادة الباشمهندس اليها حبيبنا مهاتير هى ان يكون
عفا كما عهدناه دائما فى لسانه وما يكون بدور وينفعل بسرعة زى كاتب هذه الاسطر
يا مهاتير التجريح دا ما من شيمك ... ما تخلى بغضك لعمر البشير يخرجك من طورك
ختاما انت قاعد توصف لينا بالموبايل نجى البيت نلقاك مافى دا ما عيب منك
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: سيف الدين حسن العوض)
|
الاخ سيف
كيف حالك عساك بخير
Quote: الطيب عبدالرازق النقر
وطنى اضحى بقدرة قادر كوز وعنصرى |
ابو الطيب الفنان , كيف حالك
ياخي انت قبل ماتسجل في البورد دا رشحك سيف ونزل ليك كم موضوع
استبشرنا خير ببزوغ كاتب متمكن ينتشل هذا البورد مما الم به من
تشوهات كادت ان تودي به , ولكنني اراك وللاسف قد ركبت موجة لاتشبه
ادبك الذي كم تشوقنا له , فماهو السبب لو تكرمت ؟
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: حيدر حسن ميرغني)
|
الاستاذ المبجل خضر
والله اولا عايز اشكرك على كلامك الجميل دا
وحقيقة انا شاعر انو انا ما بستحق الاطراء دا
الدكتور سيف الدين العوض رجل نبيل صاحب فضل على ابدا ما حانكره
هو الشجعنى للانضمام لهذا المنتدى العملاق وهو النشر لى الكتير مما يخطه يراعى
واسف جدا انو اكون قد خيبت امالك لكن الواقع المنتدى دا فيهو اصحاب
العاهات الفكرية و اقزام يجبروا اهل المقام الرفيع ان يشدوا الرحال عنه مكرهين
وانا انسان جئت وكلى لهفة ان اناقش واجادل الخناذيذ ولكن اصحاب العقول الضحلة
الخرقاء جرفونى الى قاعهم زى صريع السلاف الذى احبه رغم سيل الشتائم التى يجود بها
على كل كوز يتراءى فى خياله اما الصبى اللديح الاورنيشى الاريب خالد الولد العاق
فانا استأذنك ان انجرف كمان حبتين فى الحضيض معه الود دا مغاصنى بالحيل وعاوز
(ادب اسفيرى)
ودمت يا سيدى ولك من الشكر اجزله[
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: الطيب عبدالرازق النقر)
|
شكرا ماهتير علي التنوير ووضعنا في الصورة والا لكان بيان أتحاد الكيزان "خم"
الناس......
.....وهكذا يصر الكيزان علي التزييف والتزوير....
ولا أدري كيف يصدر ما يسمي بالاتحاد العام بيان يتحدث فيه بأسم وأرادة
الطلاب في بلد ليس له فيها فرع وليس فيها أتحادات طلابية?
من قال لكم أن هذه هي أرادة ورؤية طلاب ماليزيا>?
كمال عباس
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: Mustafa Mahmoud)
|
الإخوة الإعزاء
سلام
معذرة أولا للبعد عن البورد
بالأمس إتصل بي أحد الإخوة وكلمني بأن هنالك تخريفات كثيرة
من بعض الأقلام النكرة بماليزيا..
لم أكن أتصور الكذب يصل لحد هذه البجاحة..
ماليزيا منذ عام 1995 بدون حتى جالية حقيقية للسودانيين!!
ونسمع اليوم عن إتحاد للطلاب!!!
يا سيف بالله أخجل على حالك!!
والله ما كنت أتصور أن يصل بك الحال لهذه الدرجة..
ماليزيا هذه ليست بلاد كيزان وهوس شيطاني إسلاموي حتى نسمع مثل
هذا الغثاء..
في ماليزيا لا يوجد حتى ما يجمع طلاب جامعة وحدة من السودانيين..
ليس هناك ما يجمع السودانيين بماليزيا.. حتى العيد
عبدالعزيز,
سنغافورا
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: Mahathir)
|
الاخوة الاماجد
- الطيب
- مهاتير
- حيدر حسن ميرغني
- الشيخ ابراهيم الشيخ
- دينق
manubia
elsawi
- كمال عباس
Salwa Seyam
- خضر الطيب
- مصطفى محمود
- عبد العزيز عيسى
شكرا جزيلا لكم
وحقيقة انشغالنا بحوار لانكاوي الدولى
منعنامن الكتابة اليكم ولكن سارد عليكم برواقة
فقط شيلوا الصبر
وشكرا جزيلا لكم على المرور والتعليق
ودمتم ذخرا للوطن
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: سيف الدين حسن العوض)
|
أستاذ سيف ....
ياتو اتحاد بتتكلم عنو ؟؟؟؟؟
وبعدين لمن تجيي تكتب بيان زي دا ترجع لتجمعات الطلبة السودانيين في ماليزيا
UNITEN ,UPM,UKM.UM UTM UTP MMU USM UIAM UCSI sunway ,limkokwing ,والعديد من الجامعات ....
وبعدين اسلوب البيان شكلو مكتوب تحت ضل عصرية أو في أحد مقاهي مسجد جامك أو لربما احد مكاتب بوكيت بنتانغ
وعلى حسب علمي انو مافي زول من الطلبة عارف بالبيان دا .... يعني اسلوب الكعب الداير دا تعملو على ناس مغفلين ..وبعدين يا مان انت زول إعلام ما دايرين نوريك Basics of technical communication and release news writting skills and public relations skills
والبيان دا ان دل وانما يدل على الخواء الفكري الذي يعاني منه كاتبه.وبعدين أسلوب في ساحات الفداء دا زمنو ولا...
وبعدين انا من خلال خبرتي كpublic relations & media officer
لعدد من الروابطوالاندية في الجامعة أسمح لي انو اقولا ليك و بصراحة أسلوبك دا ركيك و طريقة مدافعتك عن البيان أكثر ركاكة ....
-------------------------------------------------------------------
مهاتير بخصوص الود الصومالي ....شكلك داير توضيح ومعلوماتك مضللة شوية ...
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: sari_alail)
|
شكرا sari_alail
الظاهر سيف لم يستطع مداراة هذا الهزيان القبيح الذي رماه منذ ايام هنا
ولازال يبحث عن اعذار واهية لهذه الفضيحة المدوية
عيب والله مثل هذه الافاعيل من إنسان رسالي مثل سيف يفترض يكون قدوة لنا نحن
اخوان الشياطين
غايتو الفيك اتعرفت يا سيف وماتزعل تاني من ودهباني
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: sari_alail)
|
الاخ الحبيب / ساري الليل
سلامات
ونأسف اذ لم نستطع الرد على مداخلتك الرائعة في حينها
ولك العتبى حتى ترضى
اما سؤالك التالى
| Quote: ياتو اتحاد بتتكلم عنو ؟؟؟؟؟ |
فهو الاتحاد العام للطلاب السودانيين
اما كتابك
Quote: وبعدين لمن تجيي تكتب بيان زي دا ترجع لتجمعات الطلبة السودانيين
في ماليزيا |
انا لعلمك ما كتبت هذا البيان وانما نقلته لتعميم الفائدة وكتر خيرى
وبارك الله فيك يااخ سارى الليل على المرور الرائع والتعليق الاروع
وليتك ترجع لينا
اما اتهامك بان
| Quote: وبعدين اسلوب البيان شكلو مكتوب تحت ضل عصرية أو في أحد مقاهي مسجد جامك أو لربما احد مكاتب بوكيت بنتانغ |
فذاك شرف لاندعيه وتهمة لاننكرها
وقد اصبت كبد الحقيقة حينما اوردت العبارة التالية
| Quote: وعلى حسب علمي انو مافي زول من الطلبة عارف بالبيان دا |
وعلشان كده نحن آلينا على انفسنا ان ننشره لتعميم الفائدة وللعلم
والحاضر يكلم الغائب
ونحن لاندعى كثير علم ومنكم نستفيد يااخ ساري الليل
وهذا ردا على عبارتكم الجميلة الآتية :
Quote: وبعدين يا مان انت زول إعلام ما دايرين نوريك
Basics of technical communication and release news
writting skills and public relations skills |
اما عبارتك الرائعة هذه
Quote: وبعدين انا من خلال خبرتي كpublic relations & media officer
لعدد من الروابطوالاندية في الجامعة أسمح لي انو اقولا ليك و بصراحة أسلوبك دا ركيك و طريقة مدافعتك عن البيان أكثر ركاكة .... |
فنحن نفتخر انو لدينا امثالك من الشباب الباهر والرائع
والذين ينتظرهم السودان بفارغ الصبر لاخراجه من محنته
وتشكر كثير على المرور والمداخلة والتعليق فوق العادة
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: Mahathir)
|
الاخ الحبيب / مهاتير
والاخوة المتداخلين
سلامات
وشكرا لك ي اخى مهاتير على رفع البوست دوما
بالنسبة للبيان انا لاناقة لى فيه ولاجمل
بالنسبة للاتحاد انا بتمنى انو يكون في اتحاد للطلاب السودانيين بماليزيااسوة باتحادات الطلاب في الهند وباكستان وبريطانيا وامريكا سابقا وغيرها من الدول .. طبعا ماليزيا مافيها اتحاد للطلاب السودانيين وانما هناك روابط للطلاب مثال ذلك رابطة الطلاب السودانيين بالجامعة الاسلامية العالمية بماليزيا والذين يسعون جاهدين من خلال نشاطاتهم المختلفة والعديدة من عكس صورة طيبة عن السودان واهله في اذهان كل جنسيات العالم عموما وفي العقلية الماليزية على وجه اخص ... ولهم خالص الشكر والتقدير ومن لايشكر الناس لايشكر الله .. وقد سبق لي وان نشرت لهم العديد من الانشطة عبر موقع سودانيزاونلاين هذا ... بالنسبة للبيان اعلاه فقد تفضل الاخوة في رابطة الطلاب السودانيين بالجامعة الاسلامية العالمية بماليزيا باعطائى نسخة منه وحقيقة لم اجد فيه جملة رابطة الطلاب السودانيين بالجامعة الاسلامية العالمية وانما وجدت بدلا عن ذلك الطلاب السودانيين بماليزيا ... وعلى العموم كتر الف خيرهم فهم حاولوا ان يرحبوا بالسيد رئيس الجمهورية بطريقتهم الخاصة ... ومن هنا نطالب السيد رئيس الاتحاد العام للطلاب السودانيين اخوناالمجاهد / محمد عبد الله شيخ ادريس والذى زار ماليزيا قبل شهور بدعوة كريمة من اللجنة التنفيذية للجالية السودانية بماليزيا للمشاركة في احتفالات الجالية بماليزيا باعياد الاستقلال المجيدة ... نطالبه بتبنى انشاء اتحاد للطلاب السودانيين بماليزيا حتى يقوم بدوره كاملا في خدمة طلابه ... واعتقد ان الاخوة في رابطةالطلاب السودانيين بالجامعة الاسلامية العالمية بماليزيا اخونا سعيد بابكر واخونا حسام الدين محمدعجيب وغيرهم يسعون جاهدين لتكوين هذا الاتحاد بالتعاون مع روابط الطلاب السودانيين في الجامعات الماليزية الاخرى ... نسأل الله ان يوفق الجميع لما فيه خير البلاد والعباد وان يوحد كلمتنا وان يجعلها كلمة صالحة وخالصة لوجه الله الكريم ... ودمتم ... مودتى ... سيف
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: سيف الدين حسن العوض)
|
Quote: يعنى تفتكر انو انا اكون الفت هذا البيان
ما قلنا جاءتنا نسخة منه والسلام
نسخة ورقية واخرى اسفيرية
والله خير الشاهدين |
يا حيدر.
الجماعة ديل عندهم الحمام الزاجل, أنت بتحك فيها كده مالك؟
الاخ سيف.
البيان ده وصلك كيف؟
من مجهول ولا في زول خطى لك ظرف جنب خشم الباب أو الايميل بتاعك؟
وهل أنت تنشر أي شئ يصلك وحتى لو كنت لا تعرف مصدره؟
دينق.
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: Deng)
|
اللخو / دينق
سلامات
شكرا جزيلا لك
| Quote: البيان ده وصلك كيف؟ |
عن طريق الحمام الزاجل
اما كيف فهو تسلبم مباشر دون وسيط
اما اذا كنت تريد نسخة منه انت والاخ حيدر
فارجو ان ترسلوا لى ارقام صناديق البريد
حتى نحرص على ارسال نسخ من رسائل مماثلة
اليكم في القريب العاجل
والله الموفق
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: Deng)
|
اللخو/ دينق
سلامات
| Quote: طيب الشخص الذي قام بتسليمك هذا البيان. هل عرف نفسه اليك كمسئول في ذلك الاتحاد الوهمي أم أنت تعرفه جيدا وتعرف وظيفته ؟ |
طبعا يادينق الشخص الذي قام بتسليم البيان اعرفه جيدا
واحفظ باسمه
| Quote: في كلا الحالتين يجب عليك أن تفصح عن هوية وأسم الشخص الذي سلمك الرسالة, هذا ليست بجريمة أو بجريرة بل مجرد إجراء عادي وللتوضيح العام. |
عجبى والله يادينق
ادفع وانا اعطيك المعلومة ...
وباعتباري صحفى يحق لى الاحتفاظ بمصدرى وإن كان المصدر موضح في اول البيان يادينق
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: سيف الدين حسن العوض)
|
Quote: انت عارف يا مهاتير الفرق البينى وبينك انو انا بنظر الى الجانب المشرق من هذا النظام
وانت فقط يجول نظرك الى فداحة ما ارتكبه اساطينه ...ولكن ما زلت بؤمن انا هذا النظام
يتحلى بدهاء سياسى وقدرة على المضى قدما رغم الفقر المدقع الذى ساد وسط اهلنا الغلابة
ورغم التفاف الطغمة السيئة حوله (المتنفعين)واذناب ومواخير امريكا وعملائهم الامر الذى
جعل رئيسنا يخضع مكرها لاملاءات وشروط امريكا |
الطيب النقر.
هسع أنت ما بتخجل من جنس كلامك الفوق ده؟
ياتو جانب مشرق ابتتكلم عليه ده؟ الناس بتموت في السودان بأسباب مختلفة منها الحرب والمرض وتدهور مريع في جميع الخدمات العامة والكيزان
خاميين قروش البترول وأفسدوا البلاد وأنت تتحدث من ماليزيا عن الجانب المشرق؟ أكيد لو كنت من كجبار ولا جبال النوبة أو دارفور لما كنت عرفت أن
هنالك جانب مشرق أبدا لهذا العصابة المجرمة. أتقي الله يا الطيب النقر.
دينق
| |
|
|
|
|
|
|
|
|
|
Re: من الطلاب السودانيين بماليزيا الى الرئيس البشير (Re: Mahathir)
|
تشكر ياحبيب
وشكرا جزيلا على اثارة مثل هذا الموضوع الجميل
وليتنا جميعا نسعى لتكون اتحاد للطلاب السودانيين بماليزيا
واذا لم يكن اتحاد فليكن رابطة للطلاب السودانيين بماليزيا
تحت لواء الجالية السودانية بماليزيا
وعلشان كلنا نخدم وطنا بعيدا عن الحزبية والجهوية والقبلية
وديدننا في ذلك
وللاوطان في دم كل حر
يد سلفت ودين مستحق
| |
|
|
|
|
|
|
| |
سيف الدين حسن العوض
حيدر حسن ميرغني
Mahathir
الشيخ إبراهيم الشيخ
الطيب عبدالرازق النقر
Deng
manubia
elsawi
kamalabas
Mustafa Mahmoud
خضر الطيب
Abdlaziz Eisa
sari_alail
فيس بوك
تويتر
انستقرام
يوتيوب
بنتيريست