|
|
|
 Re: بورداب الرياض يحتفون بالزميلة د. داليا الكباشي (Re: عبدالمجيد الكونت)
|
الحمد لله الواحد لقى ليهو طريقة يعبر عن شعورو اليوم داك ..
بعد سياسة التهميش التي فرضت عليه ..
والله انا لما مسكت المايك دا .. لو ما خفته علي الناس .. قربت اغني عديل كدا ..
لكن بالطريقة دي .. احتمال المرة الجاية اعمل لي فرقة جاز .. انا وود الصايم طبعا .. بالاضافة لي عبد المجيد الكونت
وكان ان نبهتني العضوة .. حليمة عبد الرحمن .. لي تقنية رقيص (التويست) التي رقص بها بعضهم .. 
مع العلم انو رقصة التويست دي .. كانت رقصة القـرد .. بتاعت زمن التسوي تلقا ..
لذلك ..
لو فكرنا لاحقا بأن تكون فرقة الجاز دي فرقة استعراضية .. ح نسوي (تيسـت) لي كم واحد من الجماعة ديل ..
اي واحد شايف انو موضوع (التويست) دا هيج اشجانو يجي يعمل اعلان هنـا .. قبلما نناديهو بالاسم ..
يستبعد الزميل ( توستاوي ) من بورداب أمريكا لانو بيكلفنا بدل ترحيل ..
..
الواحد كان عايز يشكر الأخوان في بورداب الرياض .. لكن اخشى إنو يجيك واحد يقوليك اللزم الصمت ..
| |
 
|
|
|
|
|
|
|
 Re: بورداب الرياض يحتفون بالزميلة د. داليا الكباشي (Re: محمد عبد الماجد الصايم)
|
ما دايره ابدأ كلامي بي (بورداب الرياض ) ,
لا لشيء الا انني اصبحت جزء من هذا الكيان الجميل , المتحاب .. المتواد .. المترابط
كنتا دايره افتح بوست منفصل , أشكر الناس واحد واحد
لقيت انو الزول ما بيشكر ناس بيتو , وانو باندوويث بكري دا كوولو ما بيكفيني شكر ..
حقيقه كانت ليله رائعه ,
سهرنا فيها على انغام جميله , ضحكات دافئه وتمنيات صادقه ممن كانوا حولنا من الاحبه ,
حفتا فيها ضيافتكم وكرمكم المبذول ,
وضاقت بي الارض بما رحبت حتى لامست اطراف السماء ..
شكرا ناس بيتي الجديد .. شكرا اهلي الجداد
شكرا جزيلا .. شكرا جميلا لكل الناس .. اللي جوا والمنعتهم الظروف القاهره من المشاركه
وانشالله الجايات اجمل واجمل ...
اتمنى ان اكون عند حسن ظن الجميع
وان اكون عضوا فاعلا في كيان بورادب الرياض , كما ويشرفني ان تكون هذه هي الانطلاقه لبرامج وفاليات اخرى
----------------
مهارات عاليه جدا اكتشفنها اول امس لعده اعضاء هنا ,
وكلو موثق صوره صووت .. فاااا شنو , مافي زول تاني يعمل لينا فيها ما بيعرف يرقص
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: احمد العمار)
|
بروفايــل ,,,
خالد سعيـد البوردابي النشيط ..
حلووومه حليمه عبدالرحمن صديقتي الجديده ,,
الريس أبو جهينـه ,, يديك الف عافيه يارب ,,
عم محمـود بكـر ,, شرفتني زيارتك الجميله ..
الخال محمد الشيـخ (أبو سامي) ,,
شتـات يا فـرده .. صلاح شتات ..
أبو حسين (ABUHUSSEN) ...
| |
|
|
|
|
|
|
|
|
 Re: بورداب الرياض يحتفون بالزميلة د. داليا الكباشي (Re: داليا الكباشى)
|
كان حفلاً جميلاً وذلك لجمال كل الذين كانو فيه فقد تشرفنا بمعرفة عدد مقدر من البورداب وكم كان اللقاء بهم جميل ،، عبد اللطيف بكري ، أحمد الشايقي ، الوجيه أيمن دياب ، ووووووووووووالخ بس النسيناه ما يزعل ...
غايتو صديق الموج ده أنا قلت ضهروا ينقص من الرقيص لكن إتضح إنو الراجل مازال شباب وكمان ناس د / محمد حسن ديل ما قصروا يعني الجماعة التقول رايحه ليهم حفلة ،،، لووووووول
غايتو يا دكتورة لقيتك ما ساهلة غلبتي العريس عشرة صفر ،،،
بس صورتنا لو نزلتوها مع صور ناس خالد سعيد ديل أكيد ما حانأكل عيش مع وجاهتهم دي ..
أها برضوا تقولو لي بورداب الخرطوم ،، لوووول ،،،
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: داليا الكباشى)
|
تـاني البيقول جنه الاطفـال منازلهم , بختلف معاهـو عديييل :)
فاطمه صديق المووج ,,
البي اليمين دا حسين ولد ابو حسين , ودا اخوهو بس ساعدونا بالاسماء ,,
دا ولد عمو ادريس , ولد لطيف ورقااااص .. بس الاسم راح لي :(
صحبتي ياخ .. دي بنيه نادر النور آدم .. عثل العثل ياخ (^_^) الذ حاجه انها اتشبكت فيني .. ممكن تدوني ليها شده ؟؟
نجل ايهاب نميري .. بطووووط ياخ :)
البت سر أمها ... موش يا حليمه (^_^)
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: داليا الكباشى)
|
د.داليا طبعا زميل البورد ما محتفى به خاااااالص
سلام يا بت القبائل
مفروض كنت اكون اول الحاضرين واكثر الكاشفين لكن
خالك مشغول واقعدتنى ظروف قاهرة المهم ليس تقدم العمر
ولا البرد من ضمنها لكن الجايات اكتر من الرايحات
وانشاء الله تطيب لك الاقامه بيننا..
تحذير مهم:
اختى سواقة زميل البورد
وود الصائم
وابو حسين
وحمزاوى
تانى الحبه ما بتجيك
خالك وخال البورد بروف صديق ،،،
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: داليا الكباشى)
|
| Quote: اخلاص صديق المووج .. |
هى هسه انا ما اعتذرت وقايل روحى ماجيت انعل ابو الشامبيون زاتو...
يادالياانا عرسى ده كنت داسيه وقلت ليكم مافى داعى للمشاكل
يازميل البورض فى داعى للاحراج ده ياخى كان تكلمها تقول ليها
المره القديمه ماعارفه..غايتو بالغت يا داليا عديل كده
اها نكشف ليكم سر زواجى مادام بقينا امام امر واقع
طبعا اتزوجتها عشان المرحوم ابوها مسمى على
تصدقى ياداليا..
غايتو البتجى من داليا يستحملها خالها بروف صديق،،،
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: صديق الموج)
|
أحبابي البورداب ..
التحيات الطيبات لكم .. والود أكمله للدكتورة داليا ..
التي بحضرتها طاب لنا الجلوس ..
والتحية لشيخ العوض وزوجته الذين جملوا ليلتنا الليلاء بحضورهم الأنيق ..
حقاً كانت ليلة مترعة بالجمال ..
غني لنا صديقي زاهر مركز .. بصوت عطبراوي نقي ..
صابر معاك صبراً طويل كاتم العلي ..
أصلوا العلي مامره يوم بخيال بشر ..
ترحمت طويلاص على الراحل المقيم العطبراوي .. ورايت عطبرة في كل مقطع فحقاً لحن يوقز الحنين..
ثم رمانا حبيبنا ياسر العيلفون .. بما لاقبل لنا به من طرب شفيف ..
أنته المهم والناس جميع ماتهمني ..
ولم يرفق بقلوبنا الخفيفة .. حبيبنا إيهاب نميري ..
فأتانا بدرر الغناء .. الذي حملنا إلى عوالم نحن إليها ونشتاقها ..
وكانت العرضة حاضرة مع صديقنا وحبيبنا ود الشيخ ..
الماكل مل لاقال إتحمل بريد ولدي ..
شكراً لكل من جعل الفرح ممشى في تلك الليلة المحضورة ..
تحياتي،
أخوكم/ خالد الأرباب
بالمناسبة :
والله الواحد على حس القشرة دي .. جاني إحساس أنو ممكن أغني .. وقربته أردمكم بي غنية قنبلــــة :D
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: صديق الموج)
|
الخال ود الموج ..
تصدق والله مما مسكته المكرفون في الحفلة ..
وقدمته الفنان ..
الفلسفة مالياني من راسي لي كرعي ..
أسع كما فلسفة مالو لو قلته العطبراوي الله يرحمه ..
شبكتكم رحل بنا إلى عوالم ..
وترحمته طويلاص (D:) ... و العجيبة كمان كلمة أوقز (يعني داير أقول أيقظ .. شفته الفلفسه كيف ) ..
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: Khalid Saeed)
|
1000 مبروك مرة أخرى ،،
وملايين الأمنيات الطيبة بحياة طيبة وهنية،،
ودعواتي لا تنقطع لكما بالرفاه والبنين ،
وكل الشكر للريس أبوجهينة وربعه على هذه
اللفتة المعهودة فيكم ،،
تراحيب المطر بالدكتورة داليا وهي تقدم
أوراق إعتمادها سفيرة للنوايا السليمة
والخدمة الطوعية في قارة أخرى ، وحتماً
يتأسى على فراقها مجالات أخرى وأطفالنا
في المايقوما الذين خصصت لهم جل وقتها،،
شكري للجميع دون تسميات ، فقد كان حفلاً
بهياً ومفعم بالطرب الأصيل نميري والعيلفون
الذي فاجئني بوجوده في الرياض،،
وشكر خاص جداً للحبيب صديق الموج وهو يدخل
الوجدان (خارج مضمار السياسة)، حرس المولى
ذريتك وعروستك الحلوة إخلاص ونجاهم من شرور
الدنيا، وكل أمنياتي أن تكون هكذا دائما
كما شهدتك بالأمس تنثر الفرح على من هم حولك
بمختلف مشاربهم،،
شكر خاص للأخ يوسف السماني على اريحيته وتقبله
لملامتي وتبيانه لوجهة نظره، مايربط بيننا ياحبيب
أكبر من دهاليز السياسة وفروقاتها،،
أجمل شيء في الحفل:
1-العروسة وهي تزغرد في فرحها ،،
2- حضور العوض المسلمي وعروسته في مفاجاة سارة للجميع،،
3- التنظيم الجيد وكرم الضيافة،،
أسوأ شيء في الحفل:
عدم الإنتباه لتليفوانات المتصلين الكثيرين الذي عادو أدراجهم
بسبب صوت الساوند وتزامن ذلك مع توقف الموقع،،
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: عبد اللطيف بكري أحمد)
|
ليلة دافئه بمحبة الحضور رغم البرد القارص خارج قاعة الاحاسيس التي احتضنت المحتفي بهم باريحية بورداب الرياض .
التحية للزميلة داليا في زواية الرياض الانسانية المحجوزة من حوش اخونا بكري ابوبكر . التحية للاخ عوض المسلمي وزوجتة بتشريفهم ليلتنا .
تحية للاخ عبداللطيف بكري الذي خصني في مداخلتة .
Quote: شكر خاص للأخ يوسف السماني على اريحيته وتقبله
لملامتي وتبيانه لوجهة نظره، مايربط بيننا ياحبيب
أكبر من دهاليز السياسة وفروقاتها،، |
اخي عبدالطيف جمعنا هذا الوطن الاسفيري وتعارفنا عبر الكلمة تضاداً او توافقاً فانبثقت علاقات اجتماعية حميمة وطدت حبل التواصل الانساني الي حياة اسرية كما حال المحتفي بهم , واخري عدائية تلبست روح الضد الفكري نتيجة لغبن في كوامن النفس بيد اننا في بورداب الرياض تجاوزنا الاخرين في فهمنا واحترامنا لاختلافاتنا الفكرية وتعايشنا الانساني ورتق فتق الغاء الاخر او التشفي منة لذا نحن متحابون متعاونون ليبقي جسم بورداب الرياض نموذجا لوطن يسع الكل بمختلف مكوناتهم واثنياتهم .
لك الود
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: صديق الموج)
|
فاميليـز ,,
نادر النور فاميلي ,,
هاشم خلف الله فاميليي ,,
مصدق فاميلي ,,
ود الصـايمز فاميلي ,,
على اليسار .. مدام يوسف السماني ..
يتبـع ,,
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: صبري طه)
|
Quote: طبعا يا جماعه نسينا نقول ليكم ان ود الباوقه ضرب الشامبيون مع حمزاوى
وشاكل تمبس وداليا قامو زعلو ولم يحضرو الحفله ماشايفين ماعندهم صور معانا,, |
موج
صدقني ثاني اسرة حضرت للقاعة هي اسرتي حضرنا عند التاسعة
مساء
رغم ان سفر والد زوجتي كان عند السادسة صباح الجمعة
اصرت الاسرة لمشاركة الاخت الكريمة داليا وبورداب الرياض
رغم كل الظروف 00000000000000
ذهبنا عند الساعة 12.30 صباحا
وشوكرن
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: ABUHUSSEIN)
|
Quote: الوالد ابوحسين : بعد السلام والاحترام والتقدير اعفوا لي عليك الله وسامحني في اى كلمة قلتها ليك لاتليق بسنك ولا بشعرك المااسود ..
تحياتي واحترامي وتقديري ..
ولدك ومحبك فايز
|
يا ابوحسين
بالاضافة لكلام ابنك ود القاضى
خت الصورة دى زاتها فى البروفايل ويمين تانى بكرى ما يوقفك
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: نادر النور آدم)
|
حقيقة شوف خميسك لو تبيع قميصك ...
ناس رائعة و حلوة وخميسكم اروع وربنا يدوم عليكم الافراح
تحياتنا نزفها لكم من ( جده غير ) لكل بورداب الرياض
ونهنيهم على نجاح الاحتفاء
واسعدنا وشرفنا معرفة الكثير من البورداب من خلال الصور الزاهية
حاولنا نخرج نجوم للحفل ولكن ماشاء الله كل الناس نجوم والفرحة مرسومة في الوجوه النيره
.
.
لكن الخوف من برد الرياض هو الذي منعني من الحضور ومشاركتكم ....
.
.
صديق الموج حاجة عجيبة (بعيد عن السياسة )
تحبة بين السطور
وتحبة بين الصور
دمو خفيف وليهو حضور
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: صبري طه)
|
سلام للكل
بورداب الرياض احلى ناس
جد اديتونا ليلة ويا لها من ليلة جميلة انيقة وساحرة وراقية بالحضور الكريم
واجمل حاجة انها جات في توقيت جميل والناس طالعه من زحمة المدارس والاختبارات فكانت نعم الترفيه والترويح عن النفس
الشكر لي كل القائمين على هذا العمل الجميل الرائع وخاصة الريس ابو جهينة
والشكر للعروسين الجميلين لانهم هم سبب البهجة ووين ما إكونوا تكون الافراح و السعادة وإن شاء الله دايما مبسوطين وباسطين الحولكم
انا حضرت حفلات كتيرة لي بورداب الرياض لكن دي اول حفلة لي وانا بوردابية المرة دي الاحساس كان غير يعني بقيت ست البيت ما ضيفة زي كل مرة
وسعدت بالتعرف على كتير من الاخوان والاخوات وجد كلهم ناس حلوين وظريفين
ـــــــــــــــــــــــ
دلوش وابو حسين وتمبس انا قاعدة من الساعة 11 لحدي الساعة 3/30 ما تنزلوا لي غير صورة واحدة بس
زي ما قال ود الموج دي حقارة وانا زعلانة
| |
|
|
|
|
|
|
|
|
 Re: بورداب الرياض يحتفون بالزميلة د. داليا الكباشي (Re: صبري طه)
|
غايتو الكتابة في البورد بقت زي حصة الإملاء زمان
الواحد يفتش للحروف فتيش بقينا في كبرنا نتهجأ لوووول ..
ألف مرحب بالدكتورة داليا بيننا في الرياض ..
خلاص هي بقت ست بيت وضمن المجموعة تستلم مهامها من الآن ..
كل الأماني لها ولأخي تامبا بالرفاهية ..
والحياة الزوجية الحلوة والسعيدة ..
تحايا كبيرة لبورداب الرياض ولجنتهم المؤقرة ..
دائماً رائعين وحلوين ..
وإن شاء الله تامين ولامين ..
إفتقدنا مجموعة كبيرة من البورداب لعل المانع خير ..
بالجد إفتقدناكم ..
شكراً عبداللطيف بكري ( بس الكاميرا خطيرة )
الحبيب جيمي السنوسي ..
لعلك بخير يا صديق ..
أنا كنت خلف الكواليس والبركة في ليمو ما قصر
زعلت جداً لما علمت قبل قليل بحضور الأخ الصادق خليفة لغاية موقع الإستراحة ولم يتمكن من التواصل معنا وقد حاول كثيراً الإتصال بنا لكن يظهر إنو الصوت كان عالي والكل كان مشغول ..
معليش يا أبومحمد الجايات أكتر من الرايحات ..
دي غايتو يغرموها ليك تمبس وداليا
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: صبري طه)
|
| Quote: طبعا يا جماعه نسينا نقول ليكم ان ود الباوقه ضرب الشامبيون مع حمزاوى |
أول مرة صديق الموج يقول كلام صح
فعلاً انا والحبيب ود الباوقة ضربنا الشامبيون تمام التمام
ووقفنا تك
ود الباوقة اعاد ايام العراق والبعث والجعة
يا صديق اخوي القعدة مع ودالباوقة ولا بلاش
واصل يا ودالباوقة وما تقول لينا تاني صقرية وهيييييييع والبشير والمؤتمر
ودالباوقة انت حلو بالشامبيون
| |
|
|
|
|
|
|
| |
نادر النور آدم
أحمد الصديق
ismeil abbas
محمد عبد الماجد الصايم
tmbis
داليا الكباشى
haroon diyab
Zomrawi Alweli
إدريس محمد إبراهيم
ياسر السر
صديق الموج
keiga2000
Khalid Saeed
يوسف السماني يوسف
ABUHUSSEIN
فايزودالقاضي
abdulhalim altilib
ALZOLZATOO
احمد التجانى احمد
طارق جبريل
صديق عبد الجبار
هاشم أحمد خلف الله
فتحي الصديق
وليد عبد اللطيف
جمال السنوسي
على محمد على بشير
أبو الحسين
ساميه حامد
معتصم دفع الله
طارق عبد اللطيف نقد
الصادق خليفة
فيس بوك
تويتر
انستقرام
يوتيوب
بنتيريست