|
|
 Re: حبابكـ ألف .. تسجيل جديد لبورضاب الرياض .. مرحبا سـامية حــامد (Re: tmbis)
|
Quote: والله يا سامية الكلام دا بتابيهو بعدين .. إنتي مفروض تكوني لاعبه بي طريقة سيف مساوي وديمبا باري .. لما يتوقف زميل البورد .. تكوني إنت شغاله قشاش ومغطية الضهـر
لكن والله النصيحة لي الله .. كان لعبتي بي خطة ( خمسة خمسة خمسة ) دي ياكي الاتوقفتي بي المادة مية وخمسية تعديل الربع التاني من الفين وعشرة ..
يعني بي صورة أوضح:
تتوقفي مية وخمسين سنة زيك وزي زميلنا محمد البشرى الخضر .. وزميلنا عادل حسين الشهير بي أبو حسين .. ويصدر ليك صــك في حقك وقرار جمهوري..
بعد كدا يا سامية أبو حسين لازم يجيب ليك لاب توب حقك براك في المطبخ بشتغل مع المايكروييف .. وديسكتوب في الصالة بشتغل مع مكنسة الكهربة علشان ما تضايقو العيال والضيوف البجوكم .. ويعمل ليك خـط سيدات أعمال .. نانو اتصالو سريع ما يجيب ليك الأربعة غيغبايت البدوهو ليهو ملح دا .. ممحووووق وبقطع بسرعة ..
منورة يا أم حسين .. |
دا بكون جاء رايح بي جاي......... غايب ليه كم يوم بكون خرمان ليه لي مشكلة أها فتش البوستات كلها ما لقى ليه مشكلة قال إجي إتنفس هنا.
بوست ترحيب إكتب فيه المقالة دي كلها يعني دي لو كانت مرافعة في محكمة كان عمل شنو ؟؟؟
بعدين ياخي هو ترحيب جبت لاب توب و مايكروييف و مطبخ و مليون حاجة يعني الولية دي بعد مداخلتك دي ترسل خطاب شكر لي بكري
و تقعد في التلفزيون تتفرج في مسلسلات تركية و السلام.... من قولة تيت كاتب ليها مقال.
لأ و ما نسى إرحب بيها لكن بعد نهاية المقالة دي خت ليها كلمتين و خلاص. الكويسة إنو ما قال ليك عاين لي جاي ..دي لو قالها إحلنا الحلة بله
علاء الدين العادة السيئة دي خليها ....... بوستات الترحيب دي كلمتين و إتخارج
.
| |
 
|
|
|
|
|
|
|
|
Re: حبابكـ ألف .. تسجيل جديد لبورضاب الرياض .. مرحبا سـامية حــامد (Re: الفاتح عبد الله طه)
|
اخوي/ ود الصايم
دمت عافية
بما ان الموضوع ترحيب بالأخت سامية
وانضمامهالمنظومة بورداب الرياض
بالتوفيق لهااولا
تانيا ياخوي والله انامحتارة في وين موقعي
في الخريطة
اجيك من الأخر:
أنا زولة قديمة في البورت ناس 2003
الحاصل هسه كالأتي
أنا مقيمة في الرياض
وبرنامجي بقى 6 شهور في الخرطوم و6 شهور في الرياض
اها دايرة الفتوى منك
أنا مع منو ؟
ناس الرياض ولا ناس الخرتوم؟؟
وما تنسى المسألة Fifty Fifty
ارجوك تمسكني الدرب الجهجهة ما سمحة
ولك مني فائق التقدير
| |
|
|
|
|
|
|
|
|
 Re: حبابكـ ألف .. تسجيل جديد لبورضاب الرياض .. مرحبا سـامية حــامد (Re: إسماعيل وراق)
|
رشا يا أختنا .. تتشرف بيكـ الرياض والله!
غايتو حكايتكـ دي دايرة ليها فتوى عديل .. وأنا غايتو
بدرعا ليكـ في رقبتي لحدي ما يجي صديق الموج يشوف حل!
ما دام الحكاية ففتي ففتي يبقى مشاركاتكـ زاتا لازم تكون
بنفس المنظر .. يعني لو عملنا برنامج في الرياض وحضرتي
أها لو القصة دي مقسمة على نقة وغنا .. تحضري النقة وتمشي
قبل الفنان يبدأ الطرب .. لأنو دا الففتي بتاعكـ .. آمال إيه ولو
بورضاب الرياض ليهم الشرف والله، مش لو ستة شهور في السنة
ياخ لو انضمام بالانتساب ساي .. نشيلكـ فوق روسينا الغليدة دي!!
ياخ نحن مستحملين زي أبو الحسين دا براهو وهسي جايب لينا أم حسين معاو!
_
بس أدينا خبر لما تكوني في الرياض ياخ!!
| |
|
|
|
|
|
|
|
|
|
Re: حبابكـ ألف .. تسجيل جديد لبورضاب الرياض .. مرحبا سـامية حــامد (Re: محمد عبد الماجد الصايم)
|
رشا يا أختنا .. تتشرف بيكـ الرياض والله!
غايتو حكايتكـ دي دايرة ليها فتوى عديل .. وأنا غايتو
بدرعا ليكـ في رقبتي لحدي ما يجي صديق الموج يشوف حل!
ود الصائم سلام
بما انك استشرتنى فنحن بورداب الرياض فى حكاية
تقسيم الاختساسات فبنبقى مؤتمر وطنى عديل واكبر
نسبة بنديها لتنظيم تانى هى28% عشان كده رشا
دى تبقى من بورداب الرياض..
بعدين دى من بورداب الرياض بالميلاد،مش اخت اباذر المطر
وقريبة معتصم دفع الله وشتات وتيب،،،،،
| |
|
|
|
|
|
|
|
|
|
Re: حبابكـ ألف .. تسجيل جديد لبورضاب الرياض .. مرحبا سـامية حــامد (Re: صديق الموج)
|
شكرأ ودالصايم
وكلك زوق
أقول علي الما ح يصبح سر
تصدق أنامن 1986 في الرياض . والخرتوم
جابوني ليها ناس الجامعات الله يخليهم
يعني الأولوية للرياض
بعدين ود الموج صاحب( بعلي )
يعني مساعدة بجد من صدييييق
اسمو صديق
اظن كدى اتحلت
رشا 86 شنو ياخى انت هنا من زمن السعوديه دى ياحج يا شغل
عمرة دى ماكانت فى زاتا ماتصغرى رقبتك ساكت لووووووول،،،
| |
|
|
|
|
|
|
|
|
|
Re: حبابكـ ألف .. تسجيل جديد لبورضاب الرياض .. مرحبا سـامية حــامد (Re: ABUHUSSEIN)
|
| Quote: لأ و ما نسى إرحب بيها لكن بعد نهاية المقالة دي خت ليها كلمتين و خلاص |
..
اقوليك حاجة يا سامية ..؟
قالو في خط بتاع (كييييبل) رموهو بي فوق ليكم .. الخط دا اتصالو سريع .. تكتبي المداخلة كدا قبال ما تكمليها تلقيها اترسلت .. شووووووو .. بعدينك بدوك الخط في الكيبل دا .. وبدوك معاهو حسابين في الفيس بوك ونسخة جديدة من الاسكابي .. وخلاطة .. يعني ناس البيت ديل يا سامية زي التكنو قاعدين معاك ..
عشان كدا انسي الخط القلتو ليك امس دا .. وشوفي موضوع الكيبل دا .. وبالمرة غيري الأجهزة وظبطي الشبكة في البيت وأعملي ليك قسام وجيبي عداد جديد للكهربه .. وبالمرة غيري السراميك لانو النوعية دي فيها عازل بيقطع الاشارة بتاعت النت ..
والله البشوف مداخلات العضو أبو حسين في بوست ترحيب بالأخت سامية حامد .. الفار يلعب في عبــو..
حسع يلمو فيك الجماعة البي هناك ديلاك .. يطلعوك .. أبو حسين .. أبو بــاب
وبذلك يكون اسمك الجديد:
أبو حسين ابو بــاب وحيطـة بيضا ..
.
من ناحية أخرى .. جارية المفاوضات فيما يتعلق بي البوست الترحيبي الخاص بي شذى آل الصايم
| |
|
|
|
|
|
|
|
|
|
Re: حبابكـ ألف .. تسجيل جديد لبورضاب الرياض .. مرحبا سـامية حــامد (Re: محمد عبد الماجد الصايم)
|
السلام عليكم
اول حاجة عاوزة اشكر الاخوان المرحبين
الاخ الفاتح عبد الله طه
الاخ ابو قصي
الاخ اسماعيل
الاخت رشا
كتر خيركم كتير
تاني حاجة انا عاوزة اعرف البوست ده للترحيب بي سامية حامد ولا لاسباب اخرى
يعني مثلا الجماعة ديل ما لاقين مكان تاني إتشاكلوا فيو قالوا نغش المسكينة دي بي كلمتين ترحيب وباقي البوست نتفشى فيو!!!!!!!!
والمشكلة الكبرى انو بعلي العزيز زاتو داخل في الموضوع
يا جماعة الخير انا زولة ماشة جنب الحيط بالله ابعدوني من مشاكلكم ديي
| |
|
|
|
|
|
|
|
|
 Re: حبابكـ ألف .. تسجيل جديد لبورضاب الرياض .. مرحبا سـامية حــامد (Re: هالة الأقرع)
|
الاخت الغالية هالة شَرف الله مقدارك البورد اصلا منور بامثالك ربنا إزيدهم وإبارك فيهم
| Quote: زوجة الرجل الرائع ابو حسين |
شفتوا الناس البتفهم ده زوجي البعرفو انا اما البتعرفو انتو ده زول تانيQuote:
و كنت حابة أردها هنا بس ظروف و الله غيبتني |
يا زولة مافي اي مشكلة ما قصرتي ونردها ليك في الافراح إن شاء اللهQuote:
ود الصايم تسلم على الأخبار الحلوة |
والله هو ود الصايم ما قصر وفتح البوست لكن شكلو كده فتحو لشئ في نفس يعقوب ما للترحيب وبس!
| |
|
|
|
|
|
|
|
|
|
Re: حبابكـ ألف .. تسجيل جديد لبورضاب الرياض .. مرحبا سـامية حــامد (Re: waleed dawash)
|
Quote: اقوليك حاجة يا سامية ..؟
قالو في خط بتاع (كييييبل) رموهو بي فوق ليكم .. الخط دا اتصالو سريع .. تكتبي المداخلة كدا قبال ما تكمليها تلقيها اترسلت .. شووووووو .. بعدينك بدوك الخط في الكيبل دا .. وبدوك معاهو حسابين في الفيس بوك ونسخة جديدة من الاسكابي .. وخلاطة .. يعني ناس البيت ديل يا سامية زي التكنو قاعدين معاك ..
عشان كدا انسي الخط القلتو ليك امس دا .. وشوفي موضوع الكيبل دا .. وبالمرة غيري الأجهزة وظبطي الشبكة في البيت وأعملي ليك قسام وجيبي عداد جديد للكهربه .. وبالمرة غيري السراميك لانو النوعية دي فيها عازل بيقطع الاشارة بتاعت النت ..
والله البشوف مداخلات العضو أبو حسين في بوست ترحيب بالأخت سامية حامد .. الفار يلعب في عبــو..
حسع يلمو فيك الجماعة البي هناك ديلاك .. يطلعوك .. أبو حسين .. أبو بــاب
وبذلك يكون اسمك الجديد:
أبو حسين ابو بــاب وحيطـة بيضا |
الناس بتحب المشاكل زي عيونا
الحاجات دي إن شاء الله تكون جهزتها إنت ... ما كلها كم يوم و حا تبقى زينا يا أخوي
.
| |
|
|
|
|
|
|
|
|
 Re: حبابكـ ألف .. تسجيل جديد لبورضاب الرياض .. مرحبا سـامية حــامد (Re: waleed dawash)
|
اوووووووووووو الغالي وليد مشتاقين والله
البورد منور بي وجودك فيو واللهQuote: فانا اوصيك بالتمسك بنصيحة اخوانا الفوق بخصوص
بعلك .... لانو من هنا ولقدام اسمو (زميل البورض) |
شنو يا ابوي انت ما مع المقولة البتقول انا واخويا على إبن عمي واناوإبن عمي على الغريب!!!
انا ممكن اقيف معاك عشان حاجة واحدة بس لانك هلالابي وما صهيوني زي الجماعة
| |
|
|
|
|
|
|
| |
ABUHUSSEIN
طارق جبريل
الفاتح عبد الله طه
رشا بابكر
مجدي عبدالرحيم فضل
إسماعيل وراق
محمد عبد الماجد الصايم
صديق الموج
tmbis
ساميه حامد
هالة الأقرع
الفاتح ميرغني
waleed dawash
آدم جمال أحمد
سيف الدولة كامل
Souad Taj-Elsir
فيس بوك
تويتر
انستقرام
يوتيوب
بنتيريست