|
Re: الف الف مبروك (...ان محمد عبدالماجد الصايم) .. (مطلوب تكمله للاسم) (Re: أبو ساندرا)
|
Quote: سلوان أصلك محتاج للمن والسلوى 3 دامات ؟ إذن ، خذ طريقك إلى الجنة ، ولاتلوي على شييء |
أبو ساندرا يا عمكـ كبيرنا الذي مازال يعلمنا الـ أي حاجة!
تلاتة دامات .. اتنين هارت والتالتة لسه ما ظهرت! غايتو الواحد من حبو للبرازيل سماها (جوان)! أما بالنسبة لـ اللواية .. فالأمور ما مضمونة يا عمكـ
_ واستعرنا من عندكم (أحلى بنات) ورشّيناها في البروفايل!!
| |
|
|
|
|
|
|
Re: الف الف مبروك (...ان محمد عبدالماجد الصايم) .. (مطلوب تكمله للاسم) (Re: ياسر بيناوي)
|
Quote: بالله هو ودالصائم ده متزوج؟ و عندو شفع كمان؟ اليشوف قعادو في النت يفتكرو عزابي ... و عاطل كمان! و الأعجب من كده ... ضحكو ده؟ ورينا ياخى بتعملا كيف الحركة دى؟ و لا يكون البتاع! غايتو ربك عندو حكم , الف مبروك البنية و حمدلله على سلامتها و سلامة الأم .. يا داليا اقترح اسم ضحكان ... اهو يكون الاسم الكامل عندو معنى: ضحكان محمد عبدالماجد الصايم أو كروان |
جبر الله يا عمكـ هرشكـ ياخ .. هرشكـ تاكل لحم كرشكـ أو كما يقول المثل الغير سرّي! بعدين البتاع دا بعمل حاجات كـدا غريبة خلاس! يعني عامل فيها ما عندكـ خبرة في موضوع البتاعات دا! الله يباركـ فيكـ يا حبيب بعدين لو سميناها ضحكان الحكاية تكون بقت (فعل) أو (صفة) ما (اسم)! كروان شنو يا عمكـ في السخانة دي! إنت ليكـ كم سنة قاعد هناكـ؟
| |
|
|
|
|
|
|
Re: الف الف مبروك (...ان محمد عبدالماجد الصايم) .. (مطلوب تكمله للاسم) (Re: ياسر بيناوي)
|
Quote: ياعمك انت طول اليوم في النت بتلاقي وقت لي درس العصر متين لووووولز الف مبروك ان شاء الله تتربى في عزك وتدخلك الجنة لو المدام بتاعة كورة سميها المان او اسبان لو طلعت بتشبهك سميها مايكل اسيان لكن بتخيل لي كلام تاج السر صاح ريان اسم يتناسب مع الحدث |
زاتو يا عمكـ الله يباركـ فيكـ يا حبيب وبركة بالشوفة! تشكرات يا عمكـ والله وربنا يدينا فرقة في المرة الجاية!
الحمد لله الطلعت تبع المدام! غايتو لو بقت علينا كان شبكت فينا قصة إسيان دي! بعدين درس العصر دا داير ليهو إنترنت كمان! تسلم يا حبيب
| |
|
|
|
|
|
|
Re: الف الف مبروك (...ان محمد عبدالماجد الصايم) .. (مطلوب تكمله للاسم) (Re: ياسر بيناوي)
|
Quote: الف مبروك يا ابوهن انت كده حققت امنيتي تتربي في عزك ياخ لو فعلا زي ما قالت داليا ... البنيه سميحة ومابتشبهك اسم اشجان مناسب لكن لو بتشبهك احسن اسم ليها بمبان قوم اخد ليك لفة قبل السماية |
بيناوي يا عمكـ الله يباركـ فيكـ ونباركـ ليكـ قريب إن شاء الله بعدين شنو الأمنية دي ياخ! افصحوا عن أمانيكم!
أها يا عمكـ .. ماخد لي لحدي هسي زي سبعطاشر لفة!! بعد السماية يمكن نحتاج دربّات وكــدا!
تسلم يا حبيب
| |
|
|
|
|
|
|
Re: الف الف مبروك (...ان محمد عبدالماجد الصايم) .. (مطلوب تكمله للاسم) (Re: Sana Khalid)
|
Quote: ألف ألف مبروك لود الصايم و حمد الله على سلامة المدام.. حنفتقدك في البورد اليومين الجايين ديل.. عندك اجازة أبوة Paternity Leave سبعة أيام ما تجينا بجاي و كل يوم فيها اتحصن سبعة مرات من عين عصام جبرالله* |
أختنا في الله د. سناء (ركّزي على الدال بالله)!
الله يباركـ فيكـ ونباركـ ليكـ قريب إن شاء الله غايتو أهو الواحد غاب ليهو يومين .. لكن أخير منهن الشغل! ياخ روحنا مرقت عديل من أمش وتعال وجيب وودي! أما فيما يخص عصام جبر الله .. فلا خوف منه! مش عيونو المحوّصات ديل ولّ حاجة تانية؟ تشكرات كميات!
| |
|
|
|
|
|
|
Re: الف الف مبروك (...ان محمد عبدالماجد الصايم) .. (مطلوب تكمله للاسم) (Re: سيف الدولة كامل)
|
Quote: يعني خلاص صدقتو فرمالته بتاعة مستشفى الخرطوم اللاصقها في بروفايله!! يا جماعة الزول دا محسي .. يعني تبعدو منو الاسماء الفيها حروف الزاي والذال والسين والحاء والطاء والعين .. هو ذاتو لو ما اخاف الكضب قعدين ينادوا ( مهمد ابدون).. |
ود الملكـ يا عمكـ غايتو كمية بتاعت ضحكـ مبالغة في قصة الأسماء دي! كل مرة أشيل ليهم اللستة وأمش أقرا .. وأمي الله يحفظها شغالة لي: أجوايمو .. أجوايمو .. أجوايمو! إنقون منّي؟ أها لما بقينا على جوان اتصلت حماتي قنبلة ذرية قلت ليها سميناها (جوان) قالت لي (إييييي .. جوال؟)
تسلم يا عمكـ ويديكـ العافية
| |
|
|
|
|
|
|
Re: الف الف مبروك (...ان محمد عبدالماجد الصايم) .. (مطلوب تكمله للاسم) (Re: Hassan Senada)
|
Quote: الف مبروك البلبله ياودالصايم وتتربى في عزك. وخلاص ضمنته الجنه يا بختك اصلك انت زول جنه ربنا يزيك من نعمه.
اها سوزان اسم جميل وما بيقدم وزان جميل برضو ونجوان اجمل. |
تراجي .. أختنا التي في نص التلج! الله يباركـ فيكـ يا حبيبة وتسلمي والله! آمين ياخ .. ربنا يسمع منكـ ونشوف الجنة دي!
نجوان لو ما خُماسي كان موضوعو اتحسم! غايتو قسمناهو .. بقيناهو (جوان)!
تسلمي والله ويديكـ العافية
| |
|
|
|
|
|
|
|