|
|
 اشتري .. بيع .. أو تعال اتفرج ساي .. (سوق البورد)
|
فكرة خطرت ببالي ..
في الغالب أن كل واحد منا لديه شيء يريد اقتنائه .. أو شيء يريد بيعه
إذن اكتب ما تريد أن تبيعه أو تشتريه هنا .. ربما تجده عند زميل في البورد
في النهاية حيكون عندنا سوق داخل البورد ممكن الناس تشتري وتبيع .. أو تجي تتفرج
أها
عندكم شنو؟؟؟
|
|
 
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: نادية عثمان)
|
والله يا نادية انا لما سمعت أنو فى قطعة أرض فى كافورى وللجادين فرحت ... لكن يبدوا انو الكهرباء عندكم فى هذا المربع زايدة شوية .... والغريبة الكهرباء فى السودان دا كلو ناقصة إلا فى كافورى قالوا زايدة ........بس ممكن تورينى الكهرباء زايدة عندكم ليه؟؟؟....ما تخمين منى بس فى زول نقل لى المعلومة كدا ..... يا ربى يكون حاقد ؟؟؟؟ النسمع منكم...
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: الرشيد البصيلى)
|
الاكرم الرشيد البصيلى
| Quote: والله يا نادية انا لما سمعت أنو فى قطعة أرض فى كافورى وللجادين فرحت ... لكن يبدوا انو الكهرباء عندكم فى هذا المربع زايدة شوية .... والغريبة الكهرباء فى السودان دا كلو ناقصة إلا فى كافورى قالوا زايدة ........بس ممكن تورينى الكهرباء زايدة عندكم ليه؟؟؟....ما تخمين منى بس فى زول نقل لى المعلومة كدا ..... يا ربى يكون حاقد ؟؟؟؟ النسمع منكم... |
اغايتو موضوع الكهرباء الزائدة ده ليهو اكتر من تفسير لكن التفسير الاقوى انو كافورى زااتها جنب المولد الكهربائى شخصيا ثم التفسير الاكثر اهمية انو قالوا بيت الرئيس والترابى هناك والله اعلم  
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: محمد عبد الماجد الصايم)
|
سلام اخى محمد عبدالماجد
جد الفكرة جميله جدا وعجبتنى شديد وبماانو سوق معناتو بيشترى ويبيع فى كل
حاجه وبما انى لاملك ماابيعه ولامال اشترى به لكن عندى بس كديسة دايره
ابدلا لونا ذى اورنج فاتح مخططه واناعايزه واحدة لونا يكون رمادى ومافى مانع تكون مخططة برضو
السوق ده فيهو البدل برضو ولامافيه ؟!
علشان لو مافيه نقوم نبيع وبعدين نشترى تسلم يارب !!
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: ماجدة عوض خوجلى)
|
ماجدة خوجلي
Quote: سوق معناتو بيشترى ويبيع فى كل
حاجه |
يا زوله ما عندك مشكلة تب
بيعي .. اشتري .. بدلي .. أو اتفرجي ساي زي ما قلنا
Quote: اخي محمد ..
انا لدي قطعة في ام ضريوة ناصية تفتح على السكة حديد من الناحية الغربية ..
ود الباوقة |
ود الباوقة
أنا شخصيا ما بتنفع معاي
لكن أكيد حتلاقي ليها زولا في المنبر ده
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: Ahmed musa)
|
فكرة جيدة جدا لكن بتمنى ان تدخل التبويب ويكون لها حظ في صفحات الموقع مخصصة لها على ان يكون الدخول والمشاركة بالكتابة غير محصور على العضوية حتى تشمل الفائدة كل القراء ..
ود الباوقة :
Quote: اخي محمد ..
انا لدي قطعة في ام ضريوة ناصية تفتح على السكة حديد من الناحية الغربية ..
|
انا اتحمست لقطعتك دي بس حا تدفع لي معاها كم عشان اريحك منها ؟؟
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: محمد عبد الماجد الصايم)
|
الأخ الحبيب الـحبوب،
مـحـمدعبـدالـماجـد،
تـحـيةالود والأعزاز،
اشـيـد بفكرة "البوسـت". وأمل في ان أجـد في " سـوقكـم " الموقر ماأبحـث عـنه مـن فتـرة طـويلة.
أقـوم بتجـميـع كل القصـائـد الـتي كـتبت فـي الفتـرة مـن 17 نوفمبـر 1958 وحـتـي 31 اكتـوبر 1964.
وهـي مـجـموعة القصـائـد التي هجـت او مـدحـت نظـام عبود.
وأبـحـث عـن قصـيـدة كـتبهـا شاعر شـيوعـي يـصـف فيـها انقلاب 17 نوفـمبـر بابن زنا ويـقول فـي مـطلعـها:
ولـدت سـفاحـآ فـما انت حـر
فـواجـه مـصـيـرك او فانتحـر
ولايـغرنك صـوت جـهـيـر
ولانـجـومك الـصـفـر
سـبق ان نشـرت هـذه القصـيدة فـي الـصـحف الـمحلية وكانت مـجـودة ايـضا بكتاب " ثورة شـعب " الذي طـبع ووزع في سـنوات السـتينيات.
ولك مـودتي.
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: محمد عبد الماجد الصايم)
|
والله فكرة حلوة
بس فى ناس بعد شوية بجوك بغادى ويشبكوك يا شنو ويا منو
طيب من ناحيتى
1- لوفى زول عندو اى منتجات سودانية (سمسم , كركدى , ليمون ناشف .... اى منتج سودانى) وما قادر تبيعها بس ورينى السعر للصادر كم وانا اى كمية بجيب ليك زول يشيلو منك كلها (بس سعر صادر)
2- لوفى زول عندو زيت عباد شمس مصنعة ومعباءة بمواصفات عالمية برضو لوعندو اى كمية عندى زبون جاهز من اوربا ممكن نشيلو منو الكمية كلها
3- لوفى زول عندو اى كمية من الذرة الشامية (مهما مانت كبيرة) يورينى السعر كم للطن(صادر) وانا بجيب ليهو زول يشيلو منو الكمية كلها
4- لدينا عربة تبريد فواكه جديدة للبيع للجادين فقط
5- لو فى زول عايز ماستركارد مدفوع القيمة مقدما ويكون صادر باسمه برضو يورينى (ماستر كارد امريكى 100%)
معلومات الاتصال فضلا زور موقعنا على الانترنت
www.haj2.biz
او البريد الالكترونى
[email protected]
تانى بجيكم
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: محمد عبد الماجد الصايم)
|
محمد عبد الماجد
Quote: وين يا ندوية
إنتي رسلتي للجماعة ونسيتيني ولا شنو .. ما لقيت حاجة في الإيميل |
غريبة !!
رسائلة دى بتمشى لى ناس منو كان كده ؟!!
كدى رسل لى فى الماسنجر الداخلى واعمل ليك رد طيب !!
اى زول ماوصلو منى ايميل يرسل لى فى ماسنجر بكرى يا(رجالة) سمح ؟!
رجالة دى باعتبار انو مافى ولا واحدة سيدة جات هنا قالت عندها شئ للبيع !!   
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: محمد عبد الماجد الصايم)
|
شقة للإيجار
الموقع: الطائف مربع 53 تفتح على زلط الفردوس، شقة أرضية، مدخلين كبار، فيها حوش جنوبي وحوش شمالي. الشقة غرفتين نوم واحدة رئيسية بحمام خاص، مطبخ واسع وحمام إضافي .هول كبير 8 × 9 متر بها مدخلين شمالي وجنوبي يمكن إضافة غرفتين إضافيتين فى الهول. الشقة تصلح لمركز خدمات طبية. الشقة محاطة بعدد 7 محلات تجارية مسـتاجرة كصيدلية ومركز تجميل وبتوتيكات حديثة.
للجادين الاتصال على البريد الالكتروني [email protected]
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: محمد عبد الماجد الصايم)
|
Quote: طيب من ناحيتى
1- لوفى زول عندو اى منتجات سودانية (سمسم , كركدى , ليمون ناشف .... اى منتج سودانى) وما قادر تبيعها بس ورينى السعر للصادر كم وانا اى كمية بجيب ليك زول يشيلو منك كلها (بس سعر صادر)
2- لوفى زول عندو زيت عباد شمس مصنعة ومعباءة بمواصفات عالمية برضو لوعندو اى كمية عندى زبون جاهز من اوربا ممكن نشيلو منو الكمية كلها
3- لوفى زول عندو اى كمية من الذرة الشامية (مهما مانت كبيرة) يورينى السعر كم للطن(صادر) وانا بجيب ليهو زول يشيلو منو الكمية كلها
4- لدينا عربة تبريد فواكه جديدة للبيع للجادين فقط
5- لو فى زول عايز ماستركارد مدفوع القيمة مقدما ويكون صادر باسمه برضو يورينى (ماستر كارد امريكى 100%)
|
محمد ياخوى سوقك حر والله
شوف ناس دوت ديل شغلهم على كبير بقى
ضيع على الماكنة بتاعتى ياخى
هسع ثانى البشتغل بى منو بالله
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: محمد عبد الماجد الصايم)
|
Quote: قـرشـــو
جار البحث عن الماكينة بواسطة عيوننا في التشليح
|
الأخ محمد
لك التحية
مشكور والله ياخى وانت كده بقيت زول مثالى عدييييييييييل كده
لانه زى طلبى ده بسبب الاحتقار من البعض والازدراء ولعلهم يقولون فى الالفية الثالثة وهذا يبحث عن ماكينة السبعينات ( للعلم عربيتى موديل 77 ) ويقينا غير مرحب بمثل هذا الطلب ولكن لو عرفوا اننى امشى كدارى لعذروا ...
اما عن ناس التشليح فلى معهم تجربة مريرة فقد اشتريت منهم واحدة سابقا بواسطة احد الاصدقاء وكان وعدهم لى بعد التركيب بانها مضمونة طول العمر ولكنها بعد شهر واحد دخنت وحين العودة اليهم قالوا ان صاحب الماكينة شخص اخر وهم مسوقين فقط وانه غادر التشاليح وبالتالى لا يستطيعون عمل شىء.. طبعا التبرير لم يدخل راسى وعرفت ان بنى الوطن فى الخارج هم أكثر من يؤذيك لثقته انك لن تتخذ معه اى اجراءات قانونية ...
والله المستعان يا سيدى ..
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: محمد عبد الماجد الصايم)
|
| Quote: الحضور الان بالمنتدى العام لسودانيز أون لاين دوت كوم 1116 شخص » (84 )عضو و (1032) زائرا |
الأخوة الزوّار غير المسجلين في الموقع بإمكانهم إرسال مساهماتهم في البيع أو الشراء على الإيميل
[email protected]
والرجاء وضع طرق الاتصال أيضا
abuguta
حبيب ألبي
ضع إيميلك هنا ليراه الجميع
العزيزة نادية بت عثمان
Quote: Quote: مسكين البدا يأمل في (كافوري)
السعر بالقديم ماخارج معاك ولا شنو ؟!! |
السعر ما مشكلة .. يا ريت تفاصيل أكثر من موقع القطعة أو رقمها عشان نشوف عيونا في كافوري
عمنا قــــرشــــو
والله نحن عاوزين نخدم الناس كللللللها بعيونا في الرأس وعيونا في التشليح كمان
معليش الموضوع عاوزر تفتيش .. لكن برضو جارين
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: محمد عبد الماجد الصايم)
|
قرشو مالك معاى يا اخوى
طيب تانى جايك عشان اتمها ليك بالمرة
من النواحى التقنية
ناجر سيفرات لينكس
يسلرات لينكس
من داتا سنتر اميريكية لها سمعتها
تافيك عالى
نصممم مواقع انترنت ومنتديات
خدمة البث التلفزيونى المباشر من مكان الحدث الى الانترنت (حفلات , موتمرات صحفية)
نصميم سى دى بوفايل للشركات باحدث الاشكال ودة نموذج حسب الشكل اللى انت عايزه
لمعلومات اكثر زور موقعنا على الانترنت الخاص بالتقنية
www.haj2.com
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: دوت مجاك)
|
الأخ دوت مجاك
لك التحية
بصراحة يا حاج متولى شغلكم نضيف ياخى ...
بس نحن البره ديل كيف نقدر نستفيد من خدماتكم دى ...
لكن تعرف الحيرنى شنو يا دوت
كيف بتسوقوا بطاقات فيزا وماستر كارد ؟؟؟ هل تتعاملوا مع بنوك معنية ام ماذا ؟؟؟
بعدين طالما الحكاية حكى فى حكى
انا بديك اقتراح وعاوز حقى عينى
ايه رأيكم تعبوا الويكة والدكوة والكركدى فى عبوات وتصدروها للسودانيين خارج الوطن
والله الويكة عندنا اغلى من الهامبرجر
صدق او لا تصدق
اها انا حقى عاوزة ويكة ساااااااااااااااكت ...
قلت شنو ؟؟
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: محمد عبد الماجد الصايم)
|
mohmed khalail
| Quote: ارجو ان يشمل البوست ايضا كل انواع الاجارات سيارات,شقق,بيوت,فيلل,يخوت دي للمريشين بس وغيرها |
ما عندنا أي مشكلة .. العندك جيبو
Abureesh
Quote: فكرة اكتر من رائعة واقترح على بكرى تخصيص حتة خاصة بيها خارج المنبر,
مع ابتكار طريقة للدفع عن طريق المنبر لو امكن.. |
نفكر مع بعض ونتقدم لي قدام ونتطورللأفضل باكتمال الآراء
محمد ابو القاسم
Quote: فكرة جميلة
تكون مجانية بس |
أكيد مجانية .. ما طالبين حاجة من زول
عاوزين الناس تستفيد .. أكيد لو ما عاوزه تبيع عاوزه تشتري
Quote: وبكري اعمل ليك ليها لينك خاص
واديك ادارتوا واي عملية تتم ليكم فيها 10 دولار دعم لبورد |
ده كلام لي بكري .. لكن الدولارات دي نلمها من الناس كيف
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: دوت مجاك)
|
الارض مساحتها 438 متر وهى جار واحد رتبة فى الجيش حسب مابعرف واتخيل لى تالت بيت من الناصية .. هى المنطقة بتكون عمرت شديد وبالتالى انا لانى اشتريتها وسجلتها وجيت على مصر فماعارفة هسة الشكل بكون كيف لكن فاتحة فى ميدان ومجمع خدمات حسب ماورانى الزول الاشتريتها منو ..اها كده تمام؟
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: الواثق الصادق)
|
Quote: تحياتي للجميع..
لكل بورداب السعودية والمنطقة الشرقية خاصة..
عايز لي عربية (سمحة) بالأقساط..
و بدون مقدم..
ضروري شديد
بس ما تلحق مكنة قرشو |
الواثق
ياخوى انا اكان لقيت جنس العربية دى
هده طرفى من المكنة
ببيع العربية تشليح وادفع بيها القسط الاول
بس وين الناس العاوزة تبيع ياخى
مع انى شايف الناس بتغير فى عرباتها وتركب جديد
لكن ما عارفهم بودوا القديم وين ...
نظرة يا مرتاحين ...
| |
|
|
|
|
|
|
|
|
|
Re: اشتري .. بيع .. أو تعال اتفرج ساي .. (سوق البورد) (Re: محمد عبد الماجد الصايم)
|
Quote: الاخ الفاضل محمد عبد الماجد
تحيه رائعه بروعة أعضاء سودانيز اونلاين
حقيقى لقد اعجبتنى فكرة سوقك المفتوح بالموقع
وبما أنني رأيت من الصعب بل المستحيل حصولي على باسوورد من الزعيم بكرى مباشرة وذلك لما أجده من الواسطات اليومية لأشخاص آخرين .. وبما أنني من أكثر المعجبين بالموقع ومن أكثر المشاهدين والمتابعين لما يدور فيه .. ولان أمنيتي الحصول على باسوورد للعبور والإبحار معكم في عالم سودانيز اون لاين .. ولاستحالة الحصول عليه .. رأيت أن اعرض طلبي هذا عبرك برغبتي في
شراء باسوورد لموقع سودانيز اونلاين
والوسطاء يمتنعون
أخوك
عماد
السعودية ـ جدة
|
غايتو يا عماد بحاول أعمل ليك واسطة مع بكري .. يا ربي بتمشي؟؟؟
| |
|
|
|
|
|
|
| |
محمد عبد الماجد الصايم
bashir adam abdalla
Hatim Yousif
الرشيد البصيلى
محمد فرح
الطاهر عثمان
قرشـــو
ماجدة عوض خوجلى
Ahmed musa
علاء الدين حيموره
mohmed khalail
Ahmed Yousif Abu Harira
دوت مجاك
محجوب البيلي
Abureesh
معتصم محمد صالح
abuguta
محمد ابو القاسم
مجدي عبدالرحيم فضل
Saber Abdelhadi
عاصم ابوبكر حامد
osama dahab
فيس بوك
تويتر
انستقرام
يوتيوب
بنتيريست