|
|
|
 Re: اكتشاف الصين لي مادة في جلد حمير نا تخلي � (Re: Osman Musa)
|
| Quote: عندنا ناس كتار عندهم اخوان من الرضاعة شدوهم وركبوا فوقهم .. للاسف |
مع إني حردان وقافلة معاي،لكن الحق حق،النكتة دي زي صيام عرفة،تضحك عام ورا وعام قدام...
ياعثمان عليك الله اطلب من بكري نقل البوست دا للمنبر الجديد...
بخلاف النكتة،فيهو عدة مواضيع دسمة...
تحياتي للجميع ،عدا بكري ابوبكر
| |
 
|
|
|
|
|
|
|
|
Re: اكتشاف الصين لي مادة في جلد حمير نا تخلي � (Re: يحي قباني)
|
فرصة للكسب الساهل جدا طالما الحمير بقى عندها سوق رائج لانو في المنطقة بين بربر والعبيدية هناك عدد كبير من الحمير المطلوقة لارقيب لاحسيب ومجننا أصحاب المشاريع تدخل تاكل وتقيل كل النهار وكمان تبيت وتتكاثر الحمير دى يقال انها سابقا كانت للمعدنين ولمن ربنا فتحها عليهم خرتو يدهم من الحمير بعد اقتناء الهايلوكس واحلالها محل ابودبر .فنصيحة للعايز ليهو كسب ساهل أمشى تلك النواحى والملم من طرف كل الحمير السايبة وبورتسودان قريبة وتكلفة الترحيل اقل من الخرطوم وفوق دا أصحاب المشاريع الكبيرة الناس الزارعيين برسيم كتير ربما يحفزوا من يريحهم من الحمير بان يهبوا ليهو زوادة الطريق لحدى بورتسودان مجانا لانو الحمير دى تعبانين منها تعب شديد وغلبهم البعملوا معاها .
| |
|
|
|
|
|
|
|
|
|
Re: اكتشاف الصين لي مادة في جلد حمير نا تخلي � (Re: يحي قباني)
|
من الأمور المهمة وظهرت في البوست دا،إنو في السودان في راس مال حر بشتغل في أي حاجة،
بمعنى ،تلقى في ناس عندهم قروش قاعدين للتقليد وسماع السوق،الحاجة البتظهر طوالي بخشوا فيها..
راس المال دا وسطي،لاهو بالكبير زي ناس أسامة داؤد مثلا،ولا هو بالضئيل زي الناس الدون ال100ألف..مع إنو اسامة مرات عندو الحركة دي..
في طبقة وسطى من الراسمالية في السودان ،الطبقة دي ليها تأثير كبير على الاقتصاد السوداني،سوقا إسمو سوق التقليد...
لكن بصراحة انا ماعارف التأثير دا على الاقتصاد سالب ولاإيجابي...
في سنة من السنوات شوال البصل حصل ألف جنيه..السنة البعدا بقا 200 حتى وقت الذروة..
في واحد من المزارعين المعتقين قالي :الناس ضرونا،كل من هب ودب جا زرعلو فدان وللا فدانين،غرقوا السوق الله لاكسبم...
أنا طبعا كنت من ناس هب ودب ديل...دعوتو بتاعة الله لاكسبم إنطبقت علي..
الظاهرة دي دايرا بحث...غايتو السودان فيهو فرص ممتازة ، وبعد فك الحصر دا ح تزيد...
قبل أربعة شهور جونا ناس في الحواشات شايل استبيانات زراعية،قمت سألتهم الاستبيانات دي جاية من وين ؟
قالوا من شركة أمريكية...
من الزمن داك عرفت الحصر ح يفكوهوا...
بتاع جبنة الحمير دا مالو مابسلم علينا
| |
|
|
|
|
|
|
|
|
|
Re: اكتشاف الصين لي مادة في جلد حمير نا تخلي � (Re: عليش الريدة)
|
| Quote: عشان ما يحصل أي تحرش |
مرة معدَي من عطبرة للفاضلاب بالبنطون وكان ملان بحمير عائدة من السوق بعد افراغ حمولتها من البرسيم
حمار ضكر الظاهر كان مزنوق شديد تلَب فوق حمارة ماكنة وسيدو حلف مافي زول يهبشهم 
سواق البنطون قرررب يطش بينا لأسوان من شدة ما اندمج مع الاكشن الخطير ده
غايتو أول مرة إتفرج فيلم زي ده (لايف) وانا لسه مراهق
الحمير عالم جميل
| |
|
|
|
|
|
|
|
|
Re: اكتشاف الصين لي مادة في جلد حمير نا تخلي � (Re: يحي قباني)
|
الأخ قباني سلامات ياخ الزمن ده كلو نحضر في مصارعة ناس جون سينا و عراك ناس
هولفيلد و نحن ما عارفين العضلات التبش دي من جلد حميرنا . ياخ قالوا الانجكشن
الواحدة بي 100 دولار و الرياضي محتاج لي حقنتين في الأسبوع . بعدين تعال شوف
الجري ناس المسافات الطويلة ديل . عليك ألله بدون أبر جلد حميرنا بتنفع ؟
| |
|
|
|
|
|
|
| |
Osman Musa
عليش الريدة
Asim Ali
Abdullah Idrees
Hatim Alhwary
يحي قباني
Mohammed Ahmed Saeed
حيدر حسن ميرغني
فيس بوك
تويتر
انستقرام
يوتيوب
بنتيريست