|
|
|
 Re: بوست الدعوة للاعداد للاحتفال بالشهيد محم� (Re: Bashasha)
|
كنت أود يا بشبش أن تتشاور مع هؤلاء الأخوة قبل الدعوة لهم
للإحتفال بشيء قد تراهم يخصهم وهم لا يرونه يخصهم .. وأنا أتفق معهم
فما هكذا تورد الأبل يا كمال..انت تؤمن بنظرية لا يؤمنون بها وتتحدث عن
مفكرهم الكبير بغير ما عرفوه به ثم فوق ذلك تسمي ذلك إحتفال وانت تعلم
أن لهم يوم محدد وطقوس معينة بالشهيد العظيم
أهم من كل ذلك انت تسلبه أهم ما دعى إليه وهو الرسالة الإسلامية
| |
 
|
|
|
|
|
|
|
|
Re: بوست الدعوة للاعداد للاحتفال بالشهيد محم� (Re: Bashasha)
|
عبدالصمد تحياتي،
والله مافاهم كلامك تب!
هذه دعوة لافراد بعينهم زملاء هنا للمشاركة في بوست بعينه شاركو فيهو قبل كده، بخصوص مناسبة تخصهم هم، فالمشكلة وين
او ليه دعوة زي دي تكون في الخاص، للاحتفال بي حياة وعمل رجل قدم حياتو كلها فداءا وثمن من قضيتو اللي مفترض هم مؤمنين بيها واقلاه مثله هم علي استعداد يقدمو حياتم مثله دفاعا عن قناعاتم هم ثم كرد اعتبار ووفاء لي تضحية شيخم!
فمافاهم موضوع كهذا يكون في الخاص من اساسو؟
اها كيف انا اؤمن بنظرية هم لايؤمنو بيها فطوالي يروحو شانقين بشاشا او طرحو؟
لو كده فرقهم شنو من الشنقو الشهيد محمود، وما معني الحرية لنا ولسوانا؟
غير انو كلام بشاشا ده هم شاركو في نشرو، دعمو بل تبنوهو!
طبعا ده كلو او بكري ما ورانا الحاصل شنو، ولكن برد علي كلامك.
| |
|
|
|
|
|
|
|
|
Re: بوست الدعوة للاعداد للاحتفال بالشهيد محم� (Re: Bashasha)
|
الأخ بشاشا تحية من جديد
ومرة تانية بأكد ليك أنا ما عندي معرفة بسبب حذف البوست لكن بتصور حذفه مقنع بالنسبة لي للآتي
انت أوردت أسماء أشخاص بدون ما تشاورهم للمشاركة في تزوير تاريخ زعيمهم وعقيدتهم
أنا ما قلت ليك كلمهم في الخاص.. قلت ليك على الأقل قبل إيراد اساميهم كان تستشيرهم
ولا انت ما شايف دا حق من حقوقم
نجي لمربض الفرس وهو حتة تزوير تاريخ الدعوة الجمهورية
انت بتنفي في دعوتك إنه محمود محمد طه زعيم جماعة دعوية إسلامية
وبترجع فكرته لإصول لم يعلنها أو يتبناها
بعدين انت عارف إنه الدعوة الجمهورية عندها يوم معلوم للمتابعين للإحتفال بذكري
الشهيد.. فكونك تقترح يوم آخر من عندك ويخدم أهدافك الآيدلوجية
وتورد أساميهم للحضور والإحتفال معك ثم بعد دا كله تتساءل بكري حذف البوست ليه
ياخ إدا أي واحد من الأسامي المذكورة إتصل عليه وإشتكى من فتح بوست باسمه
لايوافق عليه
فبكري مجبر يحذف البوست
لك التحايا
| |
|
|
|
|
|
|
|
|
|
Re: بوست الدعوة للاعداد للاحتفال بالشهيد محم� (Re: adil amin)
|
عبدالصمد يا اخوي اديها صنه!
هل مرا عليك البوست ده:
الاصل السوداني للتصوف - منبع الفكر الجمهوري.الاصل السوداني للتصوف - منبع الفكر الجمهوري.
الاخوان ديل شاركو اعلاه وبالتالي ده كان دعوة لهؤلاء الزملاء أن يعودو للخيط اعلاه يوم 25 ديسمبر لنبدأ معا الاحتفال بذكري الشهيد محمود.
فلو ده الموضوع المشكلة وين؟
اني ماشاورتهم في الخاص؟
خاص بتاع وين يازول ماك نصيح؟
في شنو في موضوع زي ده خاص؟
معقولة؟
بدل ما تقول لي زول بتبرع بنشر رسالتك كتر خيرك عاجزين عن الشكر لاهتمامك بي ذكري أبانا تقول ليهو لا_ تعال في الخاص اعمل مواعيد قابل السكرتيرة عندك تلاته دقايق او لازم تدفع مقدم عشان انضم معاك؟
معقولة؟
اذن الاعلان ده اي البوست المحذوف مقصود لحد زاتو لخدمة قضية الشهيد الوهب حياتو كلها من اجلها كدعايه مبكرة للإعداد للاحتفال بذكري هذا الرجل وماقدمو.
اذن لو ده الغرض فكيف الاعلان عن عمل عام يكون في الخاص؟
واضح انك لقيتا فرصة تضري عيشك بتاع حساسيتك المعهودة بكل ما اتصل بي كوش او كيف كلامي عن الشهيد محمود كآخر رسل امون ضرس سنونك المسوسات ديل يا عبد الصمد من كد دوم وعي الاستلاب!!!
هذا فعلا موقف غريب جدا من الزول الاتصل بي بكري لسحب البوست!
واضح ان هناك تصفية حسابات ما_ من ايا كان وهذا سلوك وأخلاق مابشبه ماعرفناه من نموذج سلوك الجمهوريين.
عشان كده انا كنتا مفحط ولكن ياني القعدتا او ياني المعري الزول ده كما يوما ولدته امه لان هذه عفانه عهدناها في الكيزان والوهابية وليس الجمهوريين!
| |
|
|
|
|
|
|
|
|
|
Re: بوست الدعوة للاعداد للاحتفال بالشهيد محم� (Re: Bashasha)
|
السيد بكري صاحب الموقع :
انا عايز اعرف اسم الزول الطالبك بحزف البوست المعني اللي كان اعلان ودعوة لأفراد بعينهم للعودة الي بوست معين شاركو فيهو قبل كده.
فما عارف الاشكال وين هنا؟
هل دعوة من شارك في خيط معين للعودة لذاك الخيط جريمة تستدعي سحب تلك الدعوة؟
باي مسوغ لايحي يا امين الموقع عشان ما اكرر غلطة زي دي لو هناك غلط؟
اتنين المانع شنو تخطر العبد لامون بي قرارك قبل تنفذيو كزوق او كده؟
او قبلها اعتقد من حقي اعرف اسم العضو الفتح بلاغ ضدي من باب الشفافية والا هما عشان ابعد منو وبالتالي اوفر عليك المجهود!!
فمافاهم الاشكال وين في ذكر اسم الشاكي للشاكنو؟
ده من حقي!
بالذات اني لم ارتكب جريمة لما تطوعتا وخدمتا طرح وقضية هذا الشاكي كجمهوري افتراضا بالدعوة للاحتفال بذكري رحيل والد الجمهوريين!
انا غرضي افهم قوانين المنبر دي بتفسروها كيف وماهي هذه القوانين الخالفتها بدعوة جمهوريين للاحتفال بذكري مؤسس الفكر الجمهوري؟
الطريقة المتبعة لسحب البوستات والمداخلات للاسف ستدمر هذا الفضاء لانو الاسلوب ده حيكتل الصراع الفكري اي الديزل الجاري قطر بضاعة هذا الفضاء.
انا افهم سحب مداخلات او بوستات خادشه للحياء هاتكه للعروض ولكن لا أفقه الحكمة من سحب بوست عبارة عن دعوة للاحتفال بي مناسبة عامه محددة!
خليهم هم اي المدعويين يمشو للعازمم او يقدمو اعتراضم او ماتخلي العضوية تضيع وقتك باستخدامك كأداة لتصفية حسابات شخصية من ناس نفوسم تنتح عفانه كاي مرحاض لامواخذه!!
لو في محللك يابكري بضيف ايقونة تسمح العضوية التصويت لمسح اي كلام او تركو او بي كده توظف وكتك لما اهو اهم من دون ما يشيلوك وش القباحة!
موضوع غايه في البساطة!
| |
|
|
|
|
|
|
|
|
|
Re: بوست الدعوة للاعداد للاحتفال بالشهيد محم� (Re: Bashasha)
|
الي الاخوات والاخوان الجمهوريين:
غايتو مصيبتكم مصيبة!
دفن الراس في الرمال ما بحلكم تب!
مطلوب موقف مبدايي واحد واضح من الحصل ده لو معا او ضد تصرف هذا الجمهوري اللي قدم حاجات هو اولوياتو هو علي حساب دماء والدا احبكم واختار يموت بي جلال من اجل مبدأ!
اها حتسوو شنو؟
اها حتبيعو محمود؟
ولا بلا خجلة حتعملو طرش مع ترديد تعاليمو شغل ورجغه بكل عهر كما يفعل الوهابية؟
المبدأ ام المجاملات يا جمهور بين؟
حقكم راح ياجمهوريين للاسف!
قال براي سويتا في نفسي قال!
| |
|
|
|
|
|
|
|
|
|
Re: بوست الدعوة للاعداد للاحتفال بالشهيد محم� (Re: Bashasha)
|
سلام يابكري،
واضح انو في حاجة غلط.
انت بتفكر البوست المقصود الطشا، هو الخيط ده، او ده ماحاصل!
البوست الاتسحب واحد تاني عنوانو قريب من الاتي:
دعوة للزملاء د.النور حمد د.حيدر بدوي، قصي للحضور هنا يوم 25ديسمبر
ده هو الطشا!
فهل اتصل بيك زول لسحب هذالبوست المعني؟
| |
|
|
|
|
|
|
|
|
|
Re: بوست الدعوة للاعداد للاحتفال بالشهيد محم� (Re: Bashasha)
|
سلامات يا عزيزي كمال بشاشا
في تقديري أنك تملك الحق في أن تكتب ما تشاء وتدعو من تشاء من الجمهوريين. والبوست القديم بتاعك دليل على حقك دا.
أنا ما أفتكر أنو هناك جمهوري طالب بسحب البوست.
تفسيري لما حدث هو أن المنبر تعرض لمشاكل يوم البارحة وقد اختفت كل الصفحات ما عدا الصفحة الأولى. لذلك أظن أن البوست اتلحس نتيجة الخلل الذي حدث والذي ربما يكون بفعل هاكر، والله أعلم.
ياسر
| |
|
|
|
|
|
|
| |
Bashasha
بكرى ابوبكر
adil amin
Yasir Elsharif
فيس بوك
تويتر
انستقرام
يوتيوب
بنتيريست