|
Re: هل بوب هو الفاروق ؟ (Re: طلحة عبدالله)
|
لولا انو دا دكتور وداك (عنقالي ساي) لقلت انو الشخصية المنبرية واااااااااحد أو الاتنين بكتبو بباسوورد واحد .. نفس البوستات والمداخلات الغياظة جدا الما فيها أية شتيمة شخصية تقدر تمسك بيها الواحد وتقول ليهو كدا غلط أو ساي تختها ليهو .. ونفس البرود في التعامل مع غلط الآخر عليهو والإصرار على أخذ حقو مع ملاحظة انو عمر الله يطراهو بالخير كانت عندو الحتة بتاعت صاحبي وصاحبك دي وان لم تكن بطريقة ظاهرة، ودي ما لاحظتها عند بوب لغاية هسة ( معرفتي بيهو في البورد دا قريبة). عمر الفاروق كان زول هادى جدا في المنبر ما بتاع مشاكل لكن ممكن ينيش ليك أتخن تخين في الوسط الفني أو الرياضي ويشرشح ليك حنانو ويشكك فيهو جمهورو ويخلي ليك المنبر دا يقيف ويقعد مرة هبش الموصلي ومرة شروق ( وين شروق بالمناسبة دي ؟) ومرة دكتور المعز، ومرة حمزة سليمان .. هباش بحرص وغياظ بميز وقليص بفكر . أمير بوب لغاية هسة فيهو الصفات دي بدون زيادة أو نقصان مع مراعاة فروق التناول عند الأتنين .. يتبع .......
| |
|
|
|
|
|
|
Re: هل بوب هو الفاروق ؟ (Re: طلحة عبدالله)
|
أسوأ ما في عمر الفاروق المكابرة والمشاترة وإلا لما أصبح مشجعا لفريق مثل الهلال الأكتع المبشتن ككارو قديمة يجرها حصان أعرج يعاني من أبو الشهيق .. والغريبة ممكن يخسر أي زول مهما كان قريب ليهو لمجرد انو نصحو بان يشوف مصلحتو ومستقبلو وين بدلا من أن يهدر وقته الثمين في تشجيع هذا الفريق المهلهل المكعوج . وأسوأ ما في أمير بوب ( معرفتي بيهو ما طويلة في المنبر) التطويل والمط والجر في توصيل معنى ممكن يوصلو بسطر واحد .. يعني لو عايز يقول ليك أشرب موية ممكن عادي أول حاجة يعدد ليك مصادر المياه العذبة في الكون زيو وزي المدعو جرجير الملقب بود البشرى لكن للحق تطويلو ومطو وجرو دا ما في كل الأحوال ممل وسمج خخخخخخخ . يتبع ......
| |
|
|
|
|
|
|
Re: هل بوب هو الفاروق ؟ (Re: طلحة عبدالله)
|
سلام يا أبو علوة غايتو عمر الفاروق الكتا بعرفو هنا ما كان بكتب في جريدة كصحافي راتب لكن ما بستبعد انو يكون بقي كاتب صحافي وكبير كمان .. غايتو أنا هنا دعيتو كذا مرة هو والمدعو جرجير ومعاهم تاني واحد واللا اتنين عشان يكتبوا في الجرايد الرياضية .. صحيح انو ديل مشجعين ومتعصبين لكن بفهم وامكانات حقيقية في الكتابة وما في مقارنة بينهم و الكثيرين من القاعدين يورجغوا حاليا في الصحف .
| |
|
|
|
|
|
|
Re: هل بوب هو الفاروق ؟ (Re: طلحة عبدالله)
|
النقاط المشتركة بين بوب والفاروق في المشاركة بالمنبر كتيرة ولافتة جدا لدرجة اني كتير جدا شكيت انو ممكن الاتنين يكونو شخصية منبرية واحدة لولا بعض الاختلافات الجوهرية المتعلقة بالاهتمامات، لكن حتى دي ممكن الواحد يتغاضى عنها لانو وقياسا على امكانتم في الكتابة ممكن أي واحد فيهم يجيد التناول لأي موضوع .. خصوصا مع توفر سبل الاحتطاب من النت خخخخخخخ يعني زي بوب دا عادي ممكن يكون ما عندو اهتمام بالكورة لكن يمشي يذاكر ساعة وساعتين ويجىء يرص ليك موضوع رياضي كما ينبغي له أن يكون .. والعكس في حالة الفاروق . غايتو أنا عندي شك في انو الاتنين شخصية واحدة .. وما في جنس كائن في الكون يقدر يقنعني بخلاف كدا .
| |
|
|
|
|
|
|
Re: هل بوب هو الفاروق ؟ (Re: طلحة عبدالله)
|
Quote: يعني زي بوب دا عادي ممكن يكون ما عندو اهتمام بالكورة لكن يمشي يذاكر ساعة وساعتين ويجىء يرص ليك موضوع رياضي كما ينبغي له أن يكون .. |
ههههه سلام يا طلحة ياخ والله دمرتني ، تقارنّي بالفاروق التعبان داك !!
غايتو الحاجة الوحيدة الصاح في كلامك دا إنّو ماعندي علاقة بالكورة و ما عندي فيها ابو النوم ، لاكين كدي الحق افتح ليك بوست و يكون مزاجي رايق عليك أمان الله أكرّها ليك من زمن ( شواطين) !!😜 ... يا طلحة انا تخصصي هنا في زي عينة المستنير دا ما شايفني بطقطقو كيف !!
أيّ بوست فيه كوماج ، بنحولوا للكبير طوالي !! ... تحياتي !
| |
|
|
|
|
|
|
Re: هل بوب هو الفاروق ؟ (Re: امير بوب)
|
يا طلحة مستنير الجن دا او المستجير علي قولتك ، الجماعة رفعوا ليه روحو ( المعدنية) غايتو من يوم علي دفع الله قال ليه بتشبهني و حافظ بشير الكيشة التاني قال ليه اسلوب كتابتو زي كتابتي زولك بقي يتكشّم ! شايفو بقي يحاول يتلصق فيني و داير يصاحبني 😜 لاكين اخوك واعي لحركاتو دي !!
...
| |
|
|
|
|
|
|
Re: هل بوب هو الفاروق ؟ (Re: امير بوب)
|
هههههههههههه يا بوب الكورة دي كاري ما بتقدر علي فيها مستعد أجيب ليك الخبر قبل ما يحدث بأربعة أيام على قول الزعيم خخخخخخخخ بالنسبة لصاحبك المستجير فدا زول طيب وعلى نياتو لدرجة الغشامة أحيانا .. مشكلتو في الرواشة واختلال ميزان تعبيرو في مواضع تتطلب الرصانة والاتزان .. بس عشان يثبت انو زول محنك ومفحم مع انو الوضع ما بستاهل التعب دا كلو منو .. طبعا نوعو دا أنا شارب مويتو عشان كدا أظنو بقى يكرهني .. مرة دخل لي في بوست بتاعي وقال لي اتا ما قلتا لي تاني ما تدخل بوستاتي هههههه غايتو كونو بشبهك في الشكل دي ما بعرفا لكن في الكتابة بصراحة هو ما قدر كدا .
| |
|
|
|
|
|
|
Re: هل بوب هو الفاروق ؟ (Re: طلحة عبدالله)
|
وحاة الله عدمان اسم الموضوع يا تنظير!! ياخي وقت ما عندك حاجة تكتب فيها أو عنها ما ضروري (تفترع) بوست! انت قايل الباسويرد بسحبوه منك كان ما كتبت بوستات ولاّ حاجة
قوم لف ياخ انت وابو حسين معاك
| |
|
|
|
|
|
|
Re: هل بوب هو الفاروق ؟ (Re: محمد البشرى الخضر)
|
الاخ طلحة تحية طيبة اعرف دكتور امير معرفة شخصية واعرف بعض الاصدقاء الذين يعرفون الفاروق اوكد لك بانهما شخصين مختلفين. انا موجود ف الدمام حتى بداية السنة الجديدة لمن يريد التأكد. لك الود
| |
|
|
|
|
|
|
Re: هل بوب هو الفاروق ؟ (Re: طلحة عبدالله)
|
الصديق اسامة محمداني كيف حالك و مشتاقين ياخ ! أشكرك للمرة التانية علي محاولة توضيحك ...
يا طلحة ياخ والله الكبير ما غلت عليك لمّا قال ليك تلحة !😜 الفاروق دا كدي اسألو قول ليه في حياتك سمعت بي زول اسمو امير بوب !! و بالمناسبة بوب دا ما لقب ، دا اسم جدّي !!
مافي حل ياخوي عشان نحسم المواضيع دي إلّا نعمل ( فرش متاع) و الناس دي كلها تخت صورها !
..، قلت لي الكورة دي تخصصك ؟!!
لا كان كدا خلاس 😉
...
تحياتي !
| |
|
|
|
|
|
|
Re: هل بوب هو الفاروق ؟ (Re: امير بوب)
|
يا أمير الفاروق خخخخخخخخ لو كان ذلك كذلك ( أقصد حتة انو عمر ما سمع بيك) فدا أمر طبيعي لأنو العامة هي البتسمع بالنجوم وليس العكس خخخخخخ ثم ياخ حتى لو فرشت متاعك وختيت صورتك وصورة رقمك الوطني هنا اتا عندي عمر الفاروق وهو أمير بوب حتي يثبت العكس حسب قناعتي وغروري أنا .. ما تحاول يا حبيب . من جهة أخرى يا زول ما تذكرني بحكاية تلحة دي بقوم أهيج فيك وفيهو .. كما لا تتكلم عن كوني بعرف كورة بطريقة مشابهة لتلك التي لكزني بيها من قبل طيب الذكر طارق بتاع الهيلاهوب الذي فرتق الفرقة وقعد يضرب في المدارس جير .. خخخخخخخ
| |
|
|
|
|
|
|
|