|
|
|
 Re: باركوا لي الرشاش الجديد ... (Re: معاوية المدير)
|
هههههه
أنا شغال بواحد ليهو عشرة سنة لمن مفصلاتو بقن يطقطقن
والمروحة يمكن شحمتها بالفازلين زي ستة مرات
والشاشة مرة واحدة والشاحن مرة واحدة
وحروف الالف واللام والسهم التحت ومفتاح المسح ديل ضاقت بيهم الظروف قاموا اغتربوا لجهات غير معلومة خلو مكانهم قنابير ساي،
والقطع الكانوا ساكنين فيها اتوزعت إسكان فئوي للجعارين وناس أم شبتو
جبت الجديد بعد خمسة سنة غلبني أنقل ليهو حاجاتي
كتيرة وفيهو برامج لازم ابدا انزلها من جديد وكسلت منها، قمت بعتو
بعدين الحكاية عشرة وعلاقة عاطفية النصيحة
يعني وقف معاي في الرش دا كلو أجي انزلو معاش إجباري؟
تاني جبت واحد جديد تحسبا لأي طاري
داك ياهو قاعد يعاين لي ومرة أعاين ليهو والقديم بيحدر لينا الاتنين سااااااي
ولسان حالو بيقول لي دافنينو سوا يا عواليق هههه
| |
 
|
|
|
|
|
|
|
|
Re: باركوا لي الرشاش الجديد ... (Re: حاتم إبراهيم)
|
Quote: أنا شغال بواحد ليهو عشرة سنة لمن مفصلاتو بقن يطقطقن
والمروحة يمكن شحمتها بالفازلين زي ستة مرات
والشاشة مرة واحدة والشاحن مرة واحدة
وحروف الالف واللام والسهم التحت ومفتاح المسح ديل ضاقت بيهم الظروف قاموا اغتربوا لجهات غير معلومة خلو مكانهم قنابير ساي،
والقطع الكانوا ساكنين فيها اتوزعت إسكان فئوي للجعارين وناس أم شبتو
جبت الجديد بعد خمسة سنة غلبني أنقل ليهو حاجاتي
كتيرة وفيهو برامج لازم ابدا انزلها من جديد وكسلت منها، قمت بعتو
بعدين الحكاية عشرة وعلاقة عاطفية النصيحة
يعني وقف معاي في الرش دا كلو أجي انزلو معاش إجباري؟
تاني جبت واحد جديد تحسبا لأي طاري
داك ياهو قاعد يعاين لي ومرة أعاين ليهو والقديم بيحدر لينا الاتنين سااااااي
ولسان حالو بيقول لي دافنينو سوا يا عواليق هههه |
| |
|
|
|
|
|
|
|
|
|
Re: باركوا لي الرشاش الجديد ... (Re: محمد حمزة الحسين)
|
تعرف يا عمك نحن مرقنا من علم الكمبيوتر بي بونطي واحد
سنة ألفين اظنو .. قلت لي اصغر اخواني وهو مهندس كمبيوتر واستاذ جامعي
داير اخش كورس كمبيوتر اخش ياتو كورس
قال لي اشتري ليك واحد وكابس فيهو
بس ما تكشح فيهو موية
اكابس واضرب تلفون .. الكمبيوتر يقول لي واكلم اخوي وهو يوريني
عليك امان الله بقيت ما بتطاقع .. ومرجع
ياهون داك قاعد يعين لي عشرة سنة ما هبشتو .. علا قاعد سبيل
الشفع كلهم يتعلمو فيهو ديسك توب
فيهو كل صور الغالين الوالد والوالدة وكل اطفالي من عمر ايام
ف شنو
زي قصة فرح ود تكتوك مع الابريق
| |
|
|
|
|
|
|
|
|
|
Re: باركوا لي الرشاش الجديد ... (Re: عبدالحفيظ ابوسن)
|
اول شئ نقول ليك الف مبروك للرشاش الجديد...
واذا انا فهمت صاح انت قاصد بالرشاش جهاز كمبيوتر جديد او جوال
جديد....
لكن اذا كنت عاوز تجمع الجهازين في جهاز واحد كان تشتري سامسونج نوت ٨...
وزي ما نصحني اعضاء في المنبر ماشة اليوم اشتري سامسونج نوت ٨.. وده اظنه حيكون
رشاش قوي....عشان ندافع بيه عن نفسنا....
..الجرائد الامريكية اليومين ديل كلامها كله عن الصواريخ الكورية التي سيرش بيها رئيس كوريا
الشمالية ترامب ....
ودمت بالف خير وصحة وعافية
| |
|
|
|
|
|
|
|
|
|
Re: باركوا لي الرشاش الجديد ... (Re: معاوية المدير)
|
Quote: مهما يكون قديم،فستفقد الكثير حال التحول للجديد...
ركز على الباليستي....
وبالمقابل لازم نطور بطارياتنا... والرادارات التلقائية...
....
مبارك قبل الرؤية... ينستر معانا وننستر منو..
ههه |
ههههههههههه،
يا قصي يأخ رش الحبان ليهو مكان، ؤ مع التطورات الجديدة
دي حا نرفع مستوى الرش، عليه فتطوير البطاريات والرادارات
شر لا بُدّ مِنّو ...
| |
|
|
|
|
|
|
|
|
|
Re: باركوا لي الرشاش الجديد ... (Re: معاوية المدير)
|
Quote:
مبروك عليك يا ود المدير
الله يدينا خيره
و جيتك بدريييييي و باركت ليك
يلا امسح اسمي من القائمة |
يا عمدة يأخ كلو خير غير ان بعض شر يسكن
بين حروفه .
طيّب وكِت أصلك جيّت مالك جاي مدلدِل إيدينك !،
ما كان تجيبلك معاك عِلبة ماكنتوش ...
| |
|
|
|
|
|
|
|
|
 Re: باركوا لي الرشاش الجديد ... (Re: معاوية المدير)
|
يا سلآلآلآلآلآلآلآم يأخ،
بالله شوفوا البوست دا جاب مِنو، يأخي دا يُعتبر أجمل بوست
اكتبو في حياتي، ووجودك يا عووضة بالجد أسعدني . يأخي
أنا هسّع قلت أفتح بوست أسأل مِنّك فأمثالك عندما يغيبون
عنا تفرق معانا كتير . بصرآحة فتشت عليك في كتير من وسائل
التواصل ؤ سألت من تلفونك عشان أتصل عليك فما أسعدها
ختوة وما أعظمها فرحة !.
لك مودتي وأتمنى الآ تغيب عنا ...
| |
|
|
|
|
|
|
|
|
 Re: باركوا لي الرشاش الجديد ... (Re: معاوية المدير)
|
Quote: هههههه
أنا شغال بواحد ليهو عشرة سنة لمن مفصلاتو بقن يطقطقن
والمروحة يمكن شحمتها بالفازلين زي ستة مرات
والشاشة مرة واحدة والشاحن مرة واحدة
وحروف الالف واللام والسهم التحت ومفتاح المسح ديل ضاقت بيهم الظروف
قاموا اغتربوا لجهات غير معلومة خلو مكانهم قنابير ساي،
والقطع الكانوا ساكنين فيها اتوزعت إسكان فئوي للجعارين وناس أم شبتو
جبت الجديد بعد خمسة سنة غلبني أنقل ليهو حاجاتي
كتيرة وفيهو برامج لازم ابدا انزلها من جديد وكسلت منها، قمت بعتو
بعدين الحكاية عشرة وعلاقة عاطفية النصيحة
يعني وقف معاي في الرش دا كلو أجي انزلو معاش إجباري؟
تاني جبت واحد جديد تحسبا لأي طاري
داك ياهو قاعد يعاين لي ومرة أعاين ليهو والقديم بيحدر لينا الاتنين سااااااي
ولسان حالو بيقول لي دافنينو سوا يا عواليق هههه |
هههههههههههههه،
اب زُمبارة ضبيتك بالله ؤ عيني باردة، الرش دا كُلو بالخردة الوصفتها دي !،
ختري لكن ؤ ليك علي أنا أجيبلك رشاش بجفيرو علي شرط الفارات ديّل
تعدِمُن نفاخ النار .
في إنتظارك رسّل لي صورة مقاس بظبورطي ؤ كراتينك الملقطا من
مضارب بني عبس كولها، ؤ شهادة ميلآد حتي لو تكون مضروبة، ثم
بعد دا خسمتك بالله والرسول إنت سُعلوّة واللآ الناس ديّل تاهمنك
ساكت ؟...
| |
|
|
|
|
|
|
|
|
|
Re: باركوا لي الرشاش الجديد ... (Re: معاوية المدير)
|
سلام عليك ود المدير
ولا ود الوزير
دي نكتت بناتي
الظاهر أنا off point
انا قايل القصة الرشاش البقتل داك
يا بأخي وظتا اعصابنا
انا قلتا ود المدير ناس الانقاذ ح يخشو معاهو في حوار
وتنبآت بناتي تبقى صح
يعني الجماعة طوالي يدوك وزارة وشيلو منك الرشاش
ترى طلع فشنك ساكت
مودتي
| |
|
|
|
|
|
|
|
|
|
Re: باركوا لي الرشاش الجديد ... (Re: حاتم إبراهيم)
|
Quote: ود المدير سلام. ولعلك طيب
ياحليل زمن المستنير وهبة. وزمن الرشاش حقه
|
التحية للمستنير وهبة
شكلك فاقدو شديد يا مسلمي
مبروك يا مدير
بس اتمنى تكون قاعد تعرف تستخدمو
باقي الجديد .. شديد
والله يستر ما ترشبو روحك
| |
|
|
|
|
|
|
|
|
 Re: باركوا لي الرشاش الجديد ... (Re: حمد عبد الغفار عمر)
|
Quote: تشوف النبي الخِدر يا الكُعوبيّة،
يا كافي البلا طرد بنات لقاي ساكت كدي
ما بتجي مدلدِلو في إيّدك !... |
كدي هاك ديل إتصبر بهن لامن نشوف نرسل الطرد ...
إن شاء الله يطردوك الكيزان بعد رفع العقوبات يقولوا ليك من لم يكن معنا في الشدة بأسٌ يتجلي فلسنا في حاجة لك في الرخاء
:
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: باركوا لي الرشاش الجديد ... (Re: محمد حمزة الحسين)
|
يااااااااااا ود المدير خلعتنا ياخ
خليتني شايت في اتجاه مختلف ... أنا قايل اشتريت ليك رشاش ( دوشكا )
وعاني حميدتي عديييييل ..
بعدين لو سيادتو ( حسبو ) سمع بيك يركِبك تهمة حيازة سلاح ..
غايتو نبارك نعمل شِنو ... إن شاء الله الرشاش يربى في عِزك وبكرة
يبقى دبابة ...
| |
|
|
|
|
|
|
|
|
|
Re: باركوا لي الرشاش الجديد ... (Re: معاوية المدير)
|
Quote: لكن اذا كنت عاوز تجمع الجهازين في جهاز واحد كان تشتري سامسونج نوت ٨...
وزي ما نصحني اعضاء في المنبر ماشة اليوم اشتري سامسونج نوت ٨.. وده اظنه حيكون
رشاش قوي....عشان ندافع بيه عن نفسنا....
..الجرائد الامريكية اليومين ديل كلامها كله عن الصواريخ الكورية التي سيرش بيها رئيس كوريا
الشمالية ترامب ....
ودمت بالف خير وصحة وعافية |
حباب بنتنا بسمات .
عارفة، أنا زول علآقتي الأساسية مع التلفون لا تتعدى إني أكون سامع
الطرف التاني والطرف التاني سامعني، خلآف كِدا كلو في مفهومي
ترف، عشان كِدا لو ما ناس الشركة أدوني تلفون مجاناً أوّعِك من أمشي
إشتري، ؤ حويّط خلآس التلفون البلِم فيهو يفكو مني الجليل الرحيم .
المنبر اليومين ديّل كلو كلآمو عن الرشاش بتاعي، يعني أنا زي زول
كوريا الهرش ترامب ؤ قعدوا في الوآطة ...
| |
|
|
|
|
|
|
|
|
|
Re: باركوا لي الرشاش الجديد ... (Re: محمد مجيدو)
|
Quote: ود المدير سلام. ولعلك طيب
ياحليل زمن المستنير وهبة. وزمن الرشاش حقه |
تسلم أخوي المسلمي .
وهبة !، يا سلآلآلآم يأخ، بالله الزول دا أخبارو شنو ؟
عليك الله اكان لميّت فيهو تبلغو تحياتي ...
| |
|
|
|
|
|
|
|
|
|
Re: باركوا لي الرشاش الجديد ... (Re: معاوية المدير)
|
Quote:
يا زول مبروك ..
الا كمان الزول الشبح ده ما يقعد (يتسولف) معاك وياخد ويدي ..
يبفى عليك البقى في وفد المنافي .. والله صحي !!! |
البِقى في وفد المنافي يبقى في حشى الكلبة .
تعرف يا قريبي، أجمل حاجة تكون عندك علآقة
حميمة مع شبح وأجمل من ذلك تكون عندك علآقة
مع سُعلُوّة زي حاتم صاحبي دا .
أسعل مجرّب ...
| |
|
|
|
|
|
|
|
|
|
Re: باركوا لي الرشاش الجديد ... (Re: معاوية المدير)
|
مبروك الرشاش
بس ان شاءالله يكون رشاش أصلي
ما كرتوني؛
تصدق المعاي خلاص وصل مراحل من التعب
يفتح بعد ساعة دا لو فتح
وممكن يركن في ايتها لحظة
تكتب المداخلة لسودانيز يرسلا لسودانيات
والجزء الأيمن منه معطلا تمام تضغط اي رقم مثلا
يردمك بلصات لمن تامن
المشكلة الكتابة من الايفون بصلحا براهو لحاجة انت ما دايرة
وداك بخربا براهو
نسوي شنو ذاتو ما عارفين....
سلام يا مديرنا
وسي سي لحاتمنا
| |
|
|
|
|
|
|
|
|
|
Re: باركوا لي الرشاش الجديد ... (Re: نعمات عماد)
|
| Quote: مرسل لك تسالي و فول و قنقليز و قضيم. و دوم بدرة . |
الزولة دي كان صاحبتك والا ما صاحبتك ..... رشها لينا ....
يعني شنو دوم بدرة؟ ....... عرفنا الصلعة .... كمان جابت ليها سنون مكسّرات؟
| |
|
|
|
|
|
|
|
|
|
Re: باركوا لي الرشاش الجديد ... (Re: معاوية المدير)
|
Quote: الزولة دي كان صاحبتك والا ما صاحبتك ..... رشها لينا ....
يعني شنو دوم بدرة؟ ..... |
سلام عليكم كلكم
يا ابو الريش خلي التحاريش 🙂
تعرف عصير الدوم لذيذ جدا و في دعاية انو يخفض ضغط الدم المرتفع.
يا ود المدير رش يا اخوي و لا تبالي ، و الله ما بزعل منك .
| |
|
|
|
|
|
|
|
|
|
Re: باركوا لي الرشاش الجديد ... (Re: معاوية المدير)
|
Quote:
صباحك زين يا صاحبي ود المدير ..
والف مبروك رشاشك الجديد .. وعقبال نسمع
اشتريت البقشو لانه طلع الجديد . هههههههههه |
بت عمسيب يا صاحبة،
يباركولك جديد الوِليدات إن شاء الله .
غايتو أنا دِيّمة الناس بيكونوا فايتني بتلآتة
أو أربعة أجيال، مستحيل أكون مواكب ...
| |
|
|
|
|
|
|
| |
معاوية المدير
أحمد الشايقي
عبدالحفيظ ابوسن
Osman Awoda
محمد حمزة الحسين
حاتم إبراهيم
محمد المسلمي
Hassan Makkawi
محمد حيدر المشرف
جلالدونا
ست البنات
مني عمسيب
حيدر حسن ميرغني
Ali Alkanzi
فدوى الشريف
حمد عبد الغفار عمر
محمد فضل الله المكى
الصادق عبدالله الحسن
محمد مجيدو
محمد أبوالعزائم أبوالريش
عبدالمنعم الطيب حسن
نعمات عماد
فيس بوك
تويتر
انستقرام
يوتيوب
بنتيريست