Quote: د/ امير كدى اجيك لى حتة الكذب نعم تواصلت معاك بالماسنجر و طلبت منّك ايميل حاتم كلامك كان واضح ما عندك ايميل ليهو و بتتواصل مرة مرة معاهو بالفيس ودى اول مرة اشير للكلام ده .. بالمناسبة طلب الايميل كان لهدف محدد و لقينا الايميل و جاتو رسالة من زميل تانى ..ما منّى لكن ده المهم ارجع شوية لليوم داك و شوف حصل شنو بعد تواصلى معاك و يا ريت تحتفظ بالاجابة لى نفسك
طيب يا جماعة
جلال هنا قال انو أتواصل معاي بالمسنجر و طلب مني إيميل حاتم و قال انو كلامي كان واضح و انا قلت ليه ما عندي إيميل حاتم و إني مرة مرة بتواصل معاه بالفيس !!
يا حلال ياخ اسمح لي و لأول مرة افول ليك انك كذّاب !! و غير جدير بالإحترام عندي بعد الان ! لانك شخص غير امين و يمكن ان تقول و تختلق أي شيء لتبرير موقفك !! و الحمد لله انو إرشيف المسنجر موجود يا جلال كل شيء ولا الكذب في حق الآخرين ! عيب و عيب كبير عليك !! ان تتراجع عن غلطك في حقّي و تعتذر عن بهتانك لي أفضل لك و أكرم لك من التمادي في الغلط ، لأنو الكضب حبلو قصيّر !! و بهتان الناس ما حاجة ساهلة !!
انا أتحدّاك قدّام الناس دي كلها ان تثبت كلامك المقتبس دا و تحيب دليل عليه و أتحداك ان تثبته !! عارف ليه ؟ لانه كذب و انت عارف إنك كضّبتٓ في حقّي !! لذلك سوف لن ارحمك !! أمامك ٢٤ ساعة ، اما ان تثبت كلامك الفوق دا و تثبت إني قلت ليك ما بعرف إيميل حاتم و إني أتواصل معه مرة مرة بالفيس !! و إما ان تعتذر لي امام الناس دي كلها !! دا تحدّي عديل يا جلال !! و بعد مهلة ال ٢٤ ساعة ، سأقوم برفع محتويات المراسلات في المسنجر بيني و بينك ! ليعرف الجميع من هو الكاذب فينا! ....
يا اخوانا دا تحدّي راسو عديل يا جلال جيب ما يثبت انو انا قلت ليك ما بعرف إيميل حاتم و إني بتواصل معاه بالفيس و لك الحق في الكشف عن كامل المراسلات التي تمت بيننا في المسنجر ! لانو لو انت ما عملت كدا ، سأفعلها انا بعد ٢٤ ساعة !!
الليلة بحدّدا معاك ! و لا اقبل بغير إعتذار عن هذه الفرية و محاولة الإغتيال دي ! طبعاً دا لو كنت تتمتّع بفضيلة الإعتذار ! ... في انتظارك !!
10-06-2017, 01:05 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7206
Quote: حافظ بشير سلامات موضوع البوست هنا لا علاقة له بالسرقه الأدبيه واذا كان صحيح إنما هو (عدم ذكر المصدر) ودي بسيطة حتي اذا حاتم نقل الموضوع من معروف (كما يدعي البعض) يكون الخطأ هنا فقط (عدم ذكر المصدر) يعني ممكن حاتم يدخل هنا هسي ويفرتق ليكم بيت البكاء ويقول فات علي أن أذكر المصدر ( قوموا الي مطاردتكم يرحمكم الله) ودا الخلاف بين الموضوعين يا حافظ تحياتي
سيبك من موضوع البوست، مداخلتك في البوست دا الأنا علقت عليها متعلقة بالسرقة الأدبية ولَّ لا؟ إنت في البوست دا تحجر على الناس توجيه إتهام او مناقشة أدلة عن إنتهاك حقوق النشر و الملكية الفكرية و تقول أن قضايا الملكية الفكرية لها نيابات و محاكم متخصصة و في البوست بتاع أمير الموجه ضد اسامة الخواض تدي أمير الحق في إصدار الحكم في وجود/عدم وجود سرقة أدبية و كمان تديهو الحق في تنفيذ العقوبة التي قررتها "السلخ بدون نفخ" قليل من الإتساق يجعلك أجمل يا عبد العظيم.
تاني شي: شنو قصة " عدم ذكر المصدر" دي؟ إنت قايل السرقة الأدبية دي كيفنها؟ ما ياها عدم ذكر المصدر دا ذاتو. دا تعريف السرقة الأدبية في الوكيبيديا "السرقة الفكرية أو الأدبية هي ادعاء شخص صراحة أو ضمنيًا بكتابة ما كتبه آخر أو النقل مما كتبه آخرون كليًا أو جزئيًا بدون عزو أو اعتراف مناسب." إذا عندك تعريف تاني جيبو. في المنبر هنا تعود الناس على تجاوز عدم ذكر المصدر إذا إعتذر الكاتب عن عدم ذكره للمصدر بحسن نية. تطنيش حاتم للبوست دا أبداً مافي مصلحتو. و محاولاتك و غيرك في الهروب من موضوع البوست برضو مافي مصلحة حاتم
طالما هشام ادم واقف في صف حاتم معناها ال3/4 موقفوم سليم — — ود البشري قلت لي طالما حاتم عندو بزنس دا دايل علي انو ما شبح ح؟ معناها انت مع انو حاتم سارق المقال ومستبعد انو حاتم يكون معروف / علي ماهر / ياسر احمد !
10-06-2017, 03:06 AM
زينب محمد عبدالله زينب محمد عبدالله
تاريخ التسجيل: 12-26-2010
مجموع المشاركات: 551
طيب ما دام انت مصر انو كل المداخلة بتاعتى موجه لى حضرت سيادتك ما كان تكرمنا بى رد حتى لو من باب المجاملة !! يعنى زول وجه ليك مداخلة على حسب ادعائك واصرارك انو الكلام كلو ليك انت كان فى داعى لى ..لم اسالك عن..... ولم اسألك عن....ولم اسألك افتكر قليل من التواضع لا يضير
10-06-2017, 03:38 AM
زينب محمد عبدالله زينب محمد عبدالله
تاريخ التسجيل: 12-26-2010
مجموع المشاركات: 551
Quote: حبابك زينب ازيك يا خية مافي قائمة تالتة للناس الزي كدة . من دهماء البورد وكتابه ان شاء الله قائمة فرعية
تحياتى اخى العزيز عبد الحفيظ لا والله يا اخ عبد الحفيظ انت من الناس العندهم مكانة فى هذا البورد ويكاد يكون هنالك شبه اجماع من كل الاعضاء على سمو اخلاقك وتواضعك واحترامك لى كل الناس ومن كبار كتاب المنبر ..عندنا مثل بصف الانسان العظيم بقول ليك ( الزول دا تاكل وتقش فى هدومو ) وانت كذلك حتى اختلافك مع الناس بيكون بى شرف واحترام ..فانت قامة لا تحتاج لى قائمة
10-06-2017, 04:11 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3464
يا هشام، صحيح كلامك ليس هناك اهتمام حقيقي بحقوق الملكية الفكرية في منتدى زي دا، بالنسبة لك ولحاتم، الناس تعترف لكم بغزارة المعرفة، لكن التعالي يزرع داخلها شك بأنو هناك مشكلة ما صدق حدسهم في الحالتين أنا شخصياً أحاول أن أستفيد منك وحاتم بغض النظر عن تعديكم على المبادئ وتعاليكم الغالبية لا يستطيعون ذلك أنت رجل متقدم فكرياً في مجتمعك السوداني دا، لكنك لن تستطيع نقل هذه المعرفة لمن حولك وهم في أشد الحاجة لها، لسبب بسيط؛ لا يثقون بك وفِي أصالة معرفتك أصالة بمعنى أنها جزء حقيقي منك شفت كيف
التوقيع: عمر بن الخطاب
10-06-2017, 05:14 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: أجمل حاجة في البوست ده كله إنه حاتم إبراهيم ما تداخل فيهو، وسفه الناس دي كلها
كذبة بلقاء
Quote: أقوال عن الكذب شيشرون: "الكاذب لايصدق حتى ولوقال صدقاً". إبراهام لنكولن: "تستطيع أنّ تخدع كل الناس بعض الوقت أو بعض الناس كل وقت ولكنك لاتستطيع أنّ تخدع كل الناس كل الوقت". أرسطو: "الموت مع الصدق خير من الحياة مع الكذب". فيكتور هيغو: "يكره الناس من يضطرونهم إلى الكذب عليهم". جورج برناد شو: "ليست عقوبة الكذب أنّ الناس لايصدقونه بل أنهُ هو لايستطيع أن يصدق الناس". أندرية روسان: "إنّ هناك لحظة في الحياة نكره فيها الكذب أشد الكرة أنها اللحظة التي يكذب فيها علينا أحدهم". إنغيلاميريكل: "إذا لم يستطع الإنسان أن يخترع كذبة مقنعة فأولى به أن يتمسك بالصدق". نيتشه: " لست منزعجاً لأنك كذبت علي، لكنني منزعج لأنني لن أصدقك بعد هذه المرة". نصف الحقيقة أكثر جبناً من الأكاذيب مثل يقول: " أخبر صديقك كذبة فإن حفظها سراً فأخبره الحقيقة". آن لاندرس: " الحقيقة العارية افضل دوماً من أجمل كذبة لباساً". أدولف هتلر: " اكذب كذبة كبيرة ثم حاول تبسيطها وكررها، في النهاية ستصدقها". بالتسار غراسيان: " كذبة واحدة تدمر سمعة شخص بالكامل". أدرين ريتش: " الكذب يكون بالكلمات وكذلك بالصمت". نيتشه: "الكذبة الأكثر انتشاراً هي كذب الشخص على نفسه". مالكولم ماغيريدج: " البشر لا يصدقون الكذب لأنهم مجبرون على ذلك، لكن لأنهم يريدون ذلك". من السهل تصديق كذبة سمعناها في الماضي على أن نصدق حقيقة نسمعها للمرة الأولى". جورج برنارد شو: " عقاب الكاذب ليس بأن لا يصدقه أحد، لكن بأنه لن يصدق أحد". إريك هوفر: " نكذب بأعلى صوتنا عندما نكذب على أنفسنا". وليام بليك: " الحقيقة التي تقال وإن كانت بدوافع سيئة تهزم كل الكذبات التي يمكن اختراعها". باولو كويلو: " لا أحد يستطيع أن يكذب ولا أحد يستطيع أن يخبىء شيئاً...عندما ينظر في عين شخص آخر". رونالد ريغان: "لست ذكياً كفاية كي أكذب!". كن حذراً، ففي بعض الأكاذيب ما يخبر بالحقيقة". سوفوكلس: " الكذبة لا تعيش حتى تصبح عجوزاً". لو أردت أن يصدق الناس كذبك، امزج معه بعض الحقائق". مثل عربي: "الكاذب يضيع له صدق كثير!". كذب اللسان من فضول كذب القلب فلا تأمن الكاذب على ود ولا تثق منه بعهد واهرب من وجهه الهرب كله واخوف ما اخاف عليك من خلائك وسجرائك: الرجل الكاذب. عرف الحكماء الكذب بأنه مخالفة الكلام للواقع ولعلهم أرادوا في هذا التعريف الحقيقة العرفية ولو شاءوا لأضافوا إلى كذب الأقوال كذب الأفعال. ليس الكذب شيئاً يستهان به فهو أس الشرور ورذيلة الرذائل فكأنه اصل والرذائل فرع له بل هو الرذائل نفسها وإنما يأتي في أشكال مختلفة ويتمثل في صور متنوعة. قال عليه الصلاة والسلام: " إنّ الكذب يهدي إلى الفجور وإنّ الفجور يهدي إلى النار".
10-06-2017, 06:50 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20436
توقفت عن مقولة برنارد شو " عقاب الكاذب ليس بأن لا يصدقه أحد، لكن بأنه لن يصدق أحد".
وتذكرت ما حدث مع معاوية الزبير وزكريا ومعي وصباح الخ .. وعدم قدرة اليوزرنيم على تصديق ان البوستات المعنية لم يكتبها اصحابها كمشاركات ضد حاتم بالتحديد. ..
ده بالتحديد ما حدث .. وهذه هي النقمة التي حلت بهذا الشبح .. "أن الجميع كذابون" .. وانما يجملون كلماتهم ويغلفونها وما عليه الا نزع التغليف لتبيان عوراتهم واكاذيبهم .. والرجل او المرأة مارس ذلك وكأنه في مهمة مقدسة ..
لذلك عانى كثير من الزملاء من حقيقة ان حاتم لا يرد على مداخلاتهم ومحتواها وانما يرد على تصوراتو هو عن هذه المداخلة ..
نبهني ايمن محمود لذلك في بوست النور حمد فتتبعته ووجدت انها الحقيقة الساطعة .. لا يهم على الاطلاق رأيك الذي تكتبه, وانما رأى "حاتم" المسبق حول ما كتبته وما ستكتبه مستقبلا!!
مودتي ..
10-06-2017, 07:27 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3464
انت قريب جدا في تفكيرك لي حاتم يا ابوبكر عشان كده وضعية انك قلبت جزئيا ضدو دي وضعية خاطئة ويجب استعدالها ..
لن تصدق "أصالة" هذا الدافع من دوافع الكتابة ...
أن تكون هناك قضية تشغل الرأى العام فيكتب "أحدهم" عنها.
قناعاتك بعدم وجود دافع كهذا لا يعني عدم وجودو .. واظنك قادر على استيعاب ذلك .. واما في حال ايمانك بوجود دافع كهذا وتعتقد انو لا ينطبق على معاوية وزكريا مثلا .. فهذا ما اتحدث عنو بالتحديد, اليس كذلك!!
"الاخيرة لا اثق بقدرتك على استيعابها"
10-06-2017, 07:59 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3464
. .. ... فعلا يا علي دفع الله ... مستنيرنا دا راسه خفيف ... وزن الريشة بس ... شمومة بس بتقلب افكاره 180 درجة وتجوطها ليهو ... لكن بيني وبينك قلبتوا دي كويسة معانا لأنه كان طابور خامس ... وبكدة اتمايزت الصفوف ... محامي الدفاع مفروض يستمر مع المتهم لاخر المحكمة موش في نص الجلسة يرمي محاضرو ويقول للمتهم sorry ليك وكفارة لي أنا ... . . . بعدين ما تنسى الزول دا جدو المك نمر فاااا عشان كدة ما تستغرب من جكتو دي ... ... . .. ...
10-06-2017, 08:36 AM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
Quote: الكذبة البلغاء يا ود القوز شكلها في مشاركة حاتم
يعني حاتم شارك في البوست انت ناسي انو هو شبح وزينب شبح وعبدالعظيم وياسر اشباح😁 غايتو دا التصريف الوحيد للاتهام
جمعة مباركة يا غالي .. شاكر جدا ردكـ .. والتفاتك لما كتبت .. لا أبدا مش ناسي ولا فايته عليّ .. لكن لا أخفيك مصدر استعرابي .. إنه انا استبعدت الكلام ده على صادق .. لانه الجدية البيتناول بيها الأمور هنا .. ما ظنيتها تسمح بي كلام عايم زي ده .. لا يسنده دليل ولا حتى بيّنات مقنعه .. يمكن الصادق عنده تخريج تاني للمسألة دي .. ننتظر ونشوف .. الله يستر من روحان الدرب في الموية للبعض .. وتشبيحهم من طرف لأي زول .. يقول رأي مؤيد لحاتم !! ..
أظنها بقت عدوى وحتتسع لتشمل الكثيرين .. محاولة فرض الوصاية على البورد وتفصيله .. ليناسب أفكار وتطلعات البعض أمر ما عاجبني .. يعني تحس كأنه في ناس عايزين البورد ده .. وفق رؤاهم وأفكارهم لأن الحاصل ده .. بيقودك رأسا لي نتيجة زي دي .. وانت عارف مآلات أحادية الرأي في مكان زي ده .. معناتو طوالي موته الاختلاف مسألة صحية جدا .. رأي ورأي آخر دون محاولات فرض الوصاية .. وكبح والجام الناس عن ابداء آراءهم .. بابتزازهم بمحاولات تشبيحههم المتكرره .. فيا الناس كلهم يعرفوا انت منو غصبا عليكـ .. يا كمان يشيلوا منك العدة ....
بعدين في مسألة ما مريحة .. الا وهي التهويش بمسألة الدين والالحاد .. الهدف منها شنو مثلا ؟ .. حتى وان جاءت في قالب الطُرفه .. برضو ما مقبولة ومستهجنه .. يعني عشان هشام أبدأ رأيه ! .. ده ابتزاز مرفوض وهزلي .. لانه الاختلاف محصور في جزئية بعينها .. فحقو الناس تلتزم بيها ..
Quote: مسألة تشبيح الناس دي يا ود القوز عبارة عجز بس
وهشام ادم مافي اي طريقة لاتهامه بالشبح عشان كدا
لازم يجيبو سيرة الالحاد وفاكرين كدا هم بقدرو يلجمو صوتو
وكأن الالحاد مسبة
اختلف مع هشام ادم في بعض الاراء ولكن هذا لا ينفي
ان للرجل اراء قوية وله علم ودراية كافية جداً لجعله مقنع وذو حجة
حتى ان الكثيرين من المطنطعين باسم الاديان هنا عجزو عن مواجهته
حجة بحجة .. كذلك حاتم عجز الكثيرون هنا عن مواجه افكاره واراءه
لذلك كان لا بد من محاولة الجامه بطريقة او بأخرى فجاءت فكرة الشبحية
ومحاولة الحفر النبش ومطاردة تاريخ الرجل حتى يحصلو على شيء يشفي غليل الهزيمة
يا سيدي ديل وصلو لدرجة اتهامه بانه كلجة فتأمل لهذا المستوى العجيب من الخصومة
انا عن نفسي قلتها واضحة في بداية البوست
ان كان هدف البوست النبش في تاريخ الرجل ومحاولة اثبات انه شبح ويستخدم
اسماء مستعارة كثيرة فهذا لن يصيب حاتم باي اذى لانو من حقه ان يسمي نفسه
بمن يشاء طالما في مواقع اخرى غير حوش بكري دا واظن الفرق واضح
اما اذا كان الهدف اثبات السرقة الادبية فهذا هو بيت القصيد او هو الجانب القوي
لا اظن ان فينا احداً يرى ان في سرقة جهود الاخرين ونسبتها الى للغير فيه اي ايجابية او توع من الصحة
ان اثبتوها على حاتم فهذه اظنها ستكون فعلاً ضربة قوية جداً
تحياتي
الأخ هيثم دعني أشهد شهادة في حقك وحق الأخ جمال القوز.. فكلاكما ونحن نختلف في هذه البوستات وقد نمارس أحياناً ضرب خفيف تحت الحزام لكن من المحترمين والطيبين في هذا المنبر..ومسألة تشبيحي لآخرين هي مسألة دعوا الأيام تفصل فيها فليس كل ما يلمع ذهباً بالنسبة لهشام يا هيثم فكل شيوخ المنبر يعلمون عن مساهماته العظيمة في العمليات الشبحية ربما قبل دخولك للمنبر.. ياخ دا مرة دخل لينا باسم كاتبة خليجية أظنها كويتية مشهورة كتب باسمها لبكري طالب معرف لها وإحتفى بها البورداب أيما إحتفاء ثم بدأت تكتب عن عظمة هشام ليكتشف البورداب أنها خدعة. وهنالك أخت فاضلة هي الدكتورة الشاعرة روزمين الصباح التي تركت المنبر نهائياً بعد أقذر لعبة شبحية في تاريخ البورد من إنتاج هشام أما عن إلحاده فهذا من حقه وأنا فقط أشرت للجملة للإشارة إلى موقف ودالبشرى الذي كان معروفاً بإصوليته والآن يقيف في مواضع مناقضة لما عهدناه بشكل مفارق جداً
10-06-2017, 03:12 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
Quote: الأخ هيثم دعني أشهد شهادة في حقك وحق الأخ جمال القوز.. فكلاكما ونحن نختلف في هذه البوستات وقد نمارس أحياناً ضرب خفيف تحت الحزام لكن من المحترمين والطيبين في هذا المنبر..
تسلم حبيبنا عبد الغني وربنا يديم المحبة .. وشاكر حسن ظنك .. عني وعن صديقي وأخي الغالي هيثم .. كامل تثميننا لهذا الشهادة الطيبة ..
لكن عندي ليك وصية مهمة جدا .. ود البشرى ده رمانة المنبر .. وزول نصيحة بلا أي رتوش .. وبمرق الحق ولو على نفسه .. فلو اعدت قراءة مداخلاته في الموضوع ده .. وجيت ليها بدون أي فكرة مسبّقة .. يشهد الله ستجده أفضل منا وبمراحل ..
احترامي لك ..
10-06-2017, 10:44 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3464
Quote: حاتم قال لمشرف: سيبنا من الكرتونة بتاعتك دي زكريا افترع بوست عن عدم التقليل من الشهادات نقوم نقول العقوبات قبل ترمب؟!
ده نموذج مثالي لطريقة تفكير حاتم وابوبكر ..
في ناس كتار جدا لا يتمتعوا ببصيرة ورؤية اعمق للظواهر من حولهم .. ودي ما مشكلة على الاطلاق ..
المشكلة بتظهر لمن يحاولوا تعميم حالة "العماء" هذه.
نموذج انو "حاتم قال لي مشرف كرتونة .. قام زكريا فتح بوست عن خطأ التقليل من شأن الشهادات = زكريا ضد حاتم في سياق صراع حاتم/مشرف"
النموذج ده .. نموذج التفكير ده لا يستطيع فهم الموقف المستقل ل "زكريا" عن الصراع التاني ..
زكريا الذي رأى غبارا كثيفا اثارته مسألة الشهادات .. أكتر من 10 بوستات على الاقل اثيرت فيهم هذه القضية ..
زكريا العندو رأى واضح حول هذه المسألة المثارة والمثيرة للغبار من حولو .. (قد يكون هذا الرأى موافقا او قد يكون مخالفا لاي زول.. ذلك لا ينفي انو رأى مستقل ويُراد التعبير عنو بمعزل عن اي صراع) .. من ناحية جدلية كده اي راي مستقل لابد وان يكون مختلفا مع راي آخر.. هذه بداهة بالتأكيد ولا يمكن المجادلة أن الاختلاف مع ْX يدحض استقلال الرأى !!
اذن المحاججة الصحيحة ليست ان حاتم قال لي مشرف كرتونة اذن زكريا بتعبيرو عن رأيو في مكان آخر فقد استقلالية رأيو عن صراع مشرف/حاتم !!!!!
زكريا العندو كامل الحق في التعبير عن ذلك .. وكامل الحق في التعبير عن ذلك بالدافع الاصيل والمستقل عندو والذي لا يمكن او يجوز انو "العماء" يصادرو منو .. ذلك "العماء" الذي لا يستطيع تحليل الاشياء او النظر عميقا في تفاصيلها ...
المهم !!
10-06-2017, 08:52 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: الرأى عندي هو الفصل بين رأى بعض الاخوة الاعزاء هنا عن راى محور عبدالعظيم بوب ياسر اشقر طيبة زينب
حتى في المحور المذكور يجب فصل حالة عبدالعظيم لوحدها والله أعلم!!!
جمعة مباركة يا مشرف .. صحي انت أحسن زول بيعرف يفرّز الحاجات هنا .. لكن المرة دي يا تشيل الكوم حقنا ده كلو يا تخليهو كلو .. ما حينفع تقعد تنقّي لينا بالله .. ذكرتني لمن تجي تنقي الطماطم أو البامية .. سيد الخدار بعترض بشدة .. أها أياهو موقفي موقف سيد الخدار ده .. شيلنا كوم واحد لان جزئية الاختلاف بتفرض كده ..
عبد العظيم مالو يأخ يا مشرف ؟ .. فرقو شنو مننا ! .. زول أبدأ رأيه والتزم بيهو .. انا ما شايف أي سبب يخليك تفرزو في كوم براهو .. انت اصلا أول زول مفروض ترفض محاولات تشبيحه .. أو تشيّلو الليلة كلها براهو .. لانه دي حتة بتميزك عن كثيرين .. المسؤلية تضامنية عبئها يقع على الكل .. نمرق سوا او نحتل سوا .. أو نحترق حيثما نحن .. زي ما قال فضيل بلسان سيدي عمر المختار .. لا نستسلم .. ننتصر أو نموت ..
هذا والله أعلم عن صحة فهمي لمداخلتك بعاليه .. (والعفش داخل البص) او كما يتنصل أصحاب البصات .. من المسؤلية حال طششان العفش ..
احترامي وتقديري الأكملين ..
10-06-2017, 09:16 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
ما قدرت والله (افرز) كلامك كويس لكن خليني اوضح فرزي للاشياء ..
شخصيا انا مؤمن جدا انو عبدالعظيم شخصية غير منطقية عندما يتعلق الامر بالشبح حاتم .. وأعتقد انو المحور ده كلو غير منطقي عندما يتعلق الامر بالشبح حاتم الا ان عدم منطقية عبدالعظيم متجاوزة ..
عدم المنطق المقصود هنا أن المسألة عندهم لا تتعلق بالمنطق والمجادلة والنقاش وانما هي اشبه بحالة من الايمان ..
بقية الزملاء وانت منهم المسألة بالنسبة ليهم متعلقة بمحاكمات عقلية وآراء مبنية على حساباتهم للاشياء .. ومتى تغيرت هذه الحسابات من الممكن ان تتغير محاكماتهم العقلية للامر الا اذا تحول الامر عندهم لشيء من المكابرة ..
طيب!!
هنا في كلام مهم يا جمال .. انا تحدثت عن شبحية حاتم .. انت رأيك شنو؟! تحديدا لمن عرفت انو حاتم كان بيكتب في منبر تاني تحت اسماء متعددة .. ماهر ومعروف اعني .. انت رايك في المسألة دي شنو ابتداء
ودعني اوضح مسألة مهمة جدا .. انت بالتأكيد متسامح جدا مع استخدام اسماء وهمية في منبر سودانيزاونلاين وخوض تجربة شبيهة بتجربة حاتم (الامران متصلان بالواو) ..
هل يمكن انو تقبل انو تتعدد الاسماء الوهمية لذات الحساب في ذات المنبر ؟!!
من الجائز قبولك بالحاجة دي .. مافي مشكلة في ذلك ولكن بس عشان نحصر النقاش ونخليهو واضح جدا
تعلم احترامي الكبير يا جمال ..
10-06-2017, 09:36 AM
عمر التاج عمر التاج
تاريخ التسجيل: 02-08-2008
مجموع المشاركات: 3422
لا حولااااا خمس صفحات وما في اي قون طيب ده ماياهو كلام الرشيد بدوي عبيد زاتو البضع البوست في قائمة الغلاط لكن الظاهر الفريق الضيف لاعب بتكتيك الهلال امام الوداد في نهائي افريقيا .. عندما كان اولادنا شغالين بتكتيك تشتيت ونضافة المنطقة الى الى اخر دقيقتين والباقي معروف.. في الحقيقة لم اقرأ غير صفحة واحد وبعض مداخلات الاخيرة لذا اعذروني ان كررت كلام احد في صفحة واحد قرات مقال حاتم كاملا لاول مرة.. وبعد قراته اقولها بالفم المليان .. من سابع المستحيلات ان يكون المقال كتبه حاتم واغلب الظن انه مترجم من احد مراجع الكمبيوتر القديمة لانه عبارة عن اساسيات ومثل حاتم يمكن ان يترجم من الكتب ولكنه لا يترك بالطبع اثر النقل او الترجمة من النت بل في الغالب مراجع ورقية او مصادر الكترونية في سيرفرات لا تصلها محركات البحث النقل والترجمة لاغبار عليها حتى في الرسائل العلمية .. لكن الاشارة للمصادر وتوضيح الاستدلالات الخاصة بالباحث ذات ضرورة حتمية المؤكد عندي ايضا ان اسم حاتم ابراهيم هو مجرد يوز نيم لشخصية حقيقية مجتهدة ومبرزة في عدة مجالات ومشهود لها بالنشاط ولكن اثق في زعمي اعلاه لدرجة تحدي حاتم بترك المنبر ان كان اسمه الحقيقي حاتم ابراهيم صاحب المنبر كثيرا مايكتفي بتصديق كلام واوراق طالب العضوية اذا كانت له اسهامات تقنية واضحة اشار اليها في طلب الانضمام اتمنى صادقا ان يواصل حاتم باسمه الكتابة في المنبر باسمه الحقيقي لتعم فائدة كتاباته العلمية وتكتسب قدرا من الموثوقية وهذا الامر بالطبع لن يمثل له ثغرة امنية خاصة انه مقل في الكتابة السياسية والدينية ولكن الكتابة بالصفة الاصيلة والاسم الحقيقي يمنح البورد وعضو فاعل مثل حاتم مزيد من الثقة والقبول وبالعكس فان التنوع والقفز بين الاسماء المستعارة يعتبر محفزا جيدا للضرب تحت الحزام والخداع والتدليس وامن عقاب ذلك لذا لا يحبذه اي عضو محترم وحتى الفريق الذي يشجع حاتم سيجد فائدة حبه وعطفه عندما يتأكد له انه بشجع لاعب حقيقي وليس مجرد بونبون الاخ جلال والاخ امير بوب ارجو يستجيبوا لرغبة الجمهور وتركه لمتابعة مباراة قمة واحدة في هذا البوست مع تحياتي وتقديري للجميع
10-06-2017, 09:53 AM
امير بوب امير بوب
تاريخ التسجيل: 01-02-2013
مجموع المشاركات: 1552
يا جلال يا ريت ما تعمل رايح من مداخلتي السابقة و الموجودة في بداية الصفحة دي ! فيها مقتبس ليك بتقول فيه إني كذّاب و انك تواصلت معي بالمسنجر و انا قلت ليك ما عندي إيميل حاتم لاكين بتواصل معاهو مرة مرة بالفيس !!
قلت ليك كلامك دا ما صاح و انت ناجرو ساي عشان تبهتني بالكذب !! اعلنت ليك تحدّي قدّام الناس دي كلها، يا إما تثبت كلامك دا هنا و تبقي قدرو و يا كمان تتحلّى بفضيلة الإعتذار تعتذر لي عنه !! عِلماً باني سمحت لك بالاستعانة بإرشيف المسنجر و الأتيان بجميع المراسلات الخاصة بيني و بينك و التي تثبت إدّعاءك ! .... فما عارف عملت لي شنو في الموضوع دا ؟!!
10-06-2017, 10:05 AM
Zakaria Fadel Zakaria Fadel
تاريخ التسجيل: 01-24-2013
مجموع المشاركات: 2002
الاخ الكريم ابوبكر اؤكد لك ولكل قراء هذا المنبر انني عندما كتبت البوست الذي يحمل رأيا عن التقليل من شأن الشهادات لم يكن البوست ردا على حاتم وحده وقد ذكرت ذلك لحاتم نفسه عندما تداخل معي وكان الإيحاء مني بأنني لا يمكنني فتح بوست لان عضوا واحد يحمل رأيا مخالفا لما اؤمن به ولكن ( وللاسف) أخذ الاخ الكريم حاتم عبارات انا كتبتها خارج السياق الذي وردت فيه وجعلها محورا للنقاش وهذا ما لا أرضاه لنفسي و غيري من الأعضاء ولذا توقفت عن النقاش قلت لحاتم ان هذا الرأي يحمله ( معك) ثلة من الأعضاء ولذا قمت بفتح البوست المعني وذكرت له انت كنت في بالي عندما ضربت الأمثلة بيوسف الموصلي و المشرف ( لأنك قد تكون أشهر من يحمل هذا الرأي الخطير في اعتقادي) ولكن ( وكما اسلفت) أخذ حاتم عبارات انا ذكرتها عن نفسي و عن ( معيشة أولادي ) وجعل منها محورا للنقاش وقد أوضحت له انني ذكرت هذه العبارات ( حتى لا يأتي متحاذق ويذكر ان البوست مكتوب بدافع شخصي) جعل حاتم هذه العبارات محورا للنقاش وأصبح يلوك فيها اكثر من مرة بل و كتب انني مصر على ان الناس تريد قطع عيشي وهذا اُسلوب في النقاش غير مرض بالنسبة لي ولذا توقفت
اعتذر للأخ جلالدونا عن الخروج عن موضوع البوست
10-06-2017, 10:14 AM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: يا جلال يا ريت ما تعمل رايح من مداخلتي السابقة و الموجودة في بداية الصفحة دي ! فيها مقتبس ليك بتقول فيه إني كذّاب و انك تواصلت معي بالمسنجر و انا قلت ليك ما عندي إيميل حاتم لاكين بتواصل معاهو مرة مرة بالفيس !! قلت ليك كلامك دا ما صاح و انت ناجرو ساي عشان تبهتني بالكذب !! اعلنت ليك تحدّي قدّام الناس دي كلها، يا إما تثبت كلامك دا هنا و تبقي قدرو و يا كمان تتحلّى بفضيلة الإعتذار تعتذر لي عنه !! عِلماً باني سمحت لك بالاستعانة بإرشيف المسنجر و الأتيان بجميع المراسلات الخاصة بيني و بينك و التي تثبت إدّعاءك ! .... فما عارف عملت لي شنو في الموضوع دا ؟!!
يادكنور امير بوب سلام المهم ياخ انا متابع لما تكتب واحيانا مشارك وانت لاتخلط الخاص بالعام في الحوار وقصة حاتم دي قصة طويلة واظن من خلال متابعتي لك معرفتك بحاتم كمعرفتي به ولا تصل الي مرحلة معرفة اخونا ودالبشري معه كماذكر ان هنالك تواصل تلفوني بينهم .: كتبت مداخلتي دي وشايف نفسك قام مع الاخ جلالدونا في كم مداخلة وشايف حددت وقت للاعتذار ياخ الصفحة دي فطها وجلالدونا شخص لو عرفته لما قام نفسك هكذا المهم جودية وعشم خير فيك فط الصفحة دي
10-06-2017, 10:15 AM
امير بوب امير بوب
تاريخ التسجيل: 01-02-2013
مجموع المشاركات: 1552
من مفارقات المنبر دا ، انو الخواض شايل بقجة غباينو تجاه حاتم و حايم بيها من بوست لآخر ! و جاي هنا يساكك في في إحتمالية انو حاتم سارق ! علماً بإنو الخواض ذات نفسه قفشناه منتحل ابيات مصطفي سند و الشاعر مسكين الدارمي و إدّعي دون ان يطرف له جفن إنها مما جادت بها قريحته !! و المفارقة التانية هي تنصيبه لنفسه مُصحّح لغوي لكتابات الآخرين و في سبيل مطاردته لحاتم و محاولة النيل منه ، بذل الخواض جهد كبير في إبراز الأخطاء الإملائية للأخ حاتم في بوست الموسيقى و عمل ليها جداول و بالألوان كمان ! لنفاجأ في النهاية بوقوع الخواض نفسه في خطأ لغوي فادح إذا صدر من طالب ثانوي لإستحق ضربات مبرّحة علي مؤخرته ! ما ممكن يا اديب با أريب و يا شاعر يا نحرير تقول لي ( لا تغمضه حقه ) و تغفل عن إنها ( لا تغمطه) !! و برضو عايز تكلّمنا عن ادونيس و محمد بنيس و ... ذكي جمعة !!
.... يا ريت ياخ كل زول يهتم بشئونه الخاصة و يترك مطاردة الناس و تتبُّع هفواتهم ! و لكم من الألقاب ما شئتم ، فلتتبادلونها فيما بينكم !!
...
10-06-2017, 10:48 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
قصة انو الخواض سرق من مصطفى سند عبارة زي (هم البسوك دثار خز) او مقطع تاني من البحر القديم .. القصة دي أمير قريتها وفتحت ايقونة رد ورديت وما رسلت الرد ...
تعرف ليه؟!!!
وأقسم بالشفق بتاعتك الفوووق ديك .. قلت ياخ ما أضغط على د. أمير ده .. وأمير في النهاية ما شرط انو يكون عندو علاقة نهائيا بالادب وذلك لا يقدح في تجربتو الحياتية ولكن ذلك يضطرني لشرح طويل الخ .. وبعدين ممكن الرد ده يوغر صدرو تجاهي وبالتالي مافي داعي ليهو
المهم الداير اقولو شنو يا أمير .. ياخ المسألة دي غير تكشف عن حالة من (عدم المعرفة) .. فانها لا تكشف عن شيء على الاطلاق.. اتمنى انك (تجليها) من ناحية .. وأتمنى انك ما تزعل من كلامي ده من ناحية تانية
العملو الخواض ده مش لا يندرج تحت السرقة الادبية يا أمير وبس ... بل ولا يندرج تحت معنى التناص (تداخل النصوص) اصلا عشان يبدو لغير العارفين مصدرا للشك في السرقة الادبية ..
بمقدور اي شاعر سوداني يقول دارجي او فصيح مثلا ويحشر فيهو في النص (أنت السماء بدت لنا واستعصمت بالبعد عنا) .. او بمقدوري انا ان اكتب خاطرة في سودانيزاونلاين وادرج فيها (كنت اجيئها غاضبا فاخرج منها هاشا باشا كأن لديها مصنع للفرح) .. هذا أمر اشبه ما يكون بالاقتباس وتوظيف مقولة او بيت شعر معروف جدا ومنسوب عند الجميع لصاحبه في نص جديد.
هذه هي وضعية الخواض عندما ادرج (هم البسوك دثار خز) وهو يكتب بكثير من الحرية والتحلل من أعباء الأديب نصا هجائيا لحاتم ..
خذ هذا النص الملتميدي للبحر القديم وهو مجهود من اسامة الخواض لقراءة اخرى لصوت مصطفى سند في البحر القديم
10-06-2017, 10:56 AM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
Quote: هل يمكن انو تقبل انو تتعدد الاسماء الوهمية لذات الحساب في ذات المنبر ؟!!
تسلم مشرف .. وتعلم كذلك قدرك عندي ..
خليني أقفز لي قدام واستخلص مرامي كلامك .. في سودانيز هنا ما حاوافق على مشاركة .. أي عضو بأكثر من يوزر واحد بس .. لأن الأمر لا يستقيم وحيسبب بلبلة أكيد .. ولا حتى حأوافق على الكلام ده .. بالنسبة للمنتديات الأخرى .. القاعدة واحدة عندي لا فرق .. لكن هل في زول قدر يثبت .. الحساب الآخر لحاتم هنا بسودانيز ؟!! .. موضوع ماهر ده ما كان يوزر .. ده اسم انطرح في رسالة لعضو هنا .. فكيف حتقدر تنزله منزلة يوزر يشارك .. ويتداخل وأكيد حيكون له تأثر .. سلبا او ايجابا على مجريات النقاش ! .. الحكم ما اظن بينفع لاختلاف الحالتين .. موضوع اتهام بعض الحسابات هنا .. بأنها تخص حاتم ابراهيم .. ده اتهام يفتقد حتى للمنطق .. لزول نتابع وعارف الناس .. وطريقة كتابتهم ومشاركاتهم خلال سنين .. مش يوم أو يومين او موقف زي النحن .. مختلفين فيه ده عشان يجي زول .. يحكم من خلاله ويقول ده حساب خاص بحاتم .. بنفس الطريقة الخارج بيها امير بوب .. خارج اللستة تأكد حيخرجوا الناس التانين ديل .. وما حينوب الناس غير التدخل في الخصوصيات .. رغم عدم موافقتي على الطريقة الخرج بيها .. أمير بوب لسبب بسيط انه مافي زول عنده .. حق عشان يطالب بيهو أو يلحّ عليّ .. عشان أوريهو انا منو ولا هيئتي شنو .. عموما أمير على الأقل أثبت خطل .. حكم البعض عليه ..
احترامي لك ..
10-06-2017, 10:24 AM
Zakaria Fadel Zakaria Fadel
تاريخ التسجيل: 01-24-2013
مجموع المشاركات: 2002
اعتذر اولا عن بعض الأخطاء النحوية في مداخلتي أعلاه واعتذر ثانية لصاحب البوست لأنني اريد ان اضرب مثلا هنا
تعرف يا ابوبكر انني قد فكرت قبل عدة ايام في فتح بوست بعنوان ( حول التعليم و التعلم و الشهادات ..... مشاهد حياتية) ولكنني وجدت بالامس موضوعا عن التعليم في فنلندا وعلى الفور صرفت النظر عن البوست وقررت عدم كتابته خشية ان يأتِ احد و يقول هذا الموضوع ردا على موضوع فنلندا
10-06-2017, 10:32 AM
Nasser Amin Nasser Amin
تاريخ التسجيل: 02-07-2017
مجموع المشاركات: 3562
فكرة الاستنارة كلها يا فضيل، قائمة على انك تكون عندك المقدرة في تحويل قناعاتك ١٨٠ درجة. موس تكون زي المشرف بخسوا ليهو كرتونتو؛ بقت الدنيا كلها بالنسبة ليهو لآفة حول رد الاعتبار للكرتونة!! لو قلت لي قيّم جدودك الاتنين نمر وود سعد في رايي نمر أكثر استنارة الجري موقف مستنير وقراءة حصيفة لتقليل الخسائر
الشيء المخليني مستنير دون ناس المنتدى هو مساحة الحركة الصانعها لنفسي مثلا أبوي أمرني بصوم رمضان وفِي نفس الوقت ودلني المدرسة وقال لي يا ولدي العلم نور عبر المدرسة توصلت لأنو حرمان خلايا الجسم من الماء مضر ضرر كبير طوالي خليت رمضان وتبعت العلم لو تاني لقيت انو رمضان مفيد للصحة؛ برجع ليهو ما عندنا ثوابت
10-06-2017, 11:25 AM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
يا مستنير أعمل حسابك، المشرف دا مرفوع عنو الحجاب. موش بس عارف طريقة تفكيرك، كمان قبل ما تكتب كلامك هو بيكون عرفك داير تقول شنو بالضبط و يقتبس كلامك و يرد عليهو
يا مشرف بالله صاحبي المستنير دا براحة عليهو و خصوصاً هو في البوست دا يعيش حالة توهان.
10-06-2017, 11:22 AM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
Quote: آي يا مشرف افرز لي نفرين ودالقوز هيثم الغالي ختهم في كاتقري براهم ود القوز دة ما يبطبط ساي افروز ياخ مشاهد انصرافي
ههههههههههههه .. يا ود أب سن .. الله يديك العافية مكان ما تقبل يأخ .. ويسعدك ويصلح وليداتك .. أنا زول هاباش ساي .. ما زيك رزين وتقيل وماسك خشمي .. انت عارفني كويس جدا .. وأنا عارفك كمان .. سكاتك سكات الزول العارف .. ومليان فهم لامن مدفق بي غادي .. الا خايف اللوم وشيل الحس .. هنا في سودانيز البعض يندرعوا .. فيك يكرهوك رأيك القلتو .. وتتمنى تبلع رأيك ده مآثرا السلامة .. لكن ده ابدا ما بعني .. أنك زول خاتي الرأي السديد .. وبتقدر تقول الكلام المتفرد ذو العبارة الجزله .. فعنك اليسألوني انا ده .. قريت ليك لامن عيوني ديل عمّشن .. واحلف عليك انت هنا في سودانيز .. شغال بي ربع مكنة بس كان فتحت .. بقية البخاخات وباقي المكنة ... والله الا يقوموا جارين منك .. هسه مرات مرات كده بتفلت منك .. بعض اشراقات لكنك شحيح يأخ .. بقيت تبخل علينا وما زي زمان .. كل يوم الواحد اعتاد مساءا .. يقرأ ليك كلام دسم ومشبع فكريا .. احترامي لكـ ..
عموما أي كوم فيهو ود الغالي ده .. أنا موافق تكوّمني فيهو .. لانه ما بعيد مننا فكرة وطريقة تناول ... بل وحذر جدا كمان .. شوفو هسه يتلبّد كيفن جاي وجاي .. خايف يتم فرزو وتصنيفو ... مع إنه رأيه ما بيغباني ..
شايف معاوية حسين لاعب ليهو باك ...
10-06-2017, 11:40 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
وعدت زملاء كرام بالعودة لتعليقاتكم قبل كدا عايز اقول كلام عام حول مسالة الاصطفاف و تجيير حديث الآخرين ومواقفهم وما إلى ذلك من السذاجةو التسطيح ان تعتبر مخالفة رأيك في نقطة ما وخاصة إذا كانت خلاف كع طرف آخر هي انحياز واصطفاف مع الآخر بشكل كامل والاسراف في اطلاق الاوصاف المهينة لهذا الخلاف في الراي ليصبح شيل ابريق و شلة وحيران ودفاع وكدا قلت هنا من يوجد حاجات اسمها اسنقلالية في الراي و انحياز للحق بشكل مطلق كما تراه .. إلخ, إن كان صعب عليك استيعاب هذه الأمور لا داعي لإنكارها و تجيير الخلاف وتصويره على انه انحياز لآخر وكذا الشي التاني الثابت الوحيد في الدنيا هو التغيير, اي شيئ قابل للتطور و التغيير و التبديل ,حتى رؤيتنا لكثير من الأموروفهمنا لها يتطور و يتبدل مع اكتساب الخبرات و تعدد التجارب ايضا اقول انه من الخطأ و خطل الراي و سذاجته افتراضك امتلاك الحقيقة المطلقة ومعرفتها, لدرجة ان من خالف رأيك ليس سوى مدافع عن الباطل! ألا يمكن ان يكون ما تراه باطلا هو الحق من وحهة نظره!! ادي غيرك فرصة ان يكون له رأي ووجهة نظرمخالفة, وهذا أمر طبيعي اخيرا اقول حتى الساعة المعطلة تصدق مرتين في اليوم, اختلاف مع فلان ذات بوست اونقاش لا يعني انه صار قرد في نظرك ليس له اي موقف او رؤية صحيحة بشكل مطلق! و الحكمة المحرفة تقول hate the game don't hate the player اختلافي معك هنا لا يعني عدم اتفاقي مع وجهة نظرك هناك
دا كلام عام رايت أن اقوله فربما اعفاني من تكراره مستقبلا اعود بالتفصيل للزملاء الكرام و تعليقاهم الكريمة
10-06-2017, 11:55 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
حاتم في المنبر دا سرق واللا انتحل واللا سخر واللا استهزأ واللا تعامل بفوقية واللا زول ما كويس في نفسو واللا شنو بالضبط ؟؟؟؟؟؟؟؟؟؟؟؟؟ الشغلانية بقت جايطة وفيها فجور ما مستحب أفرزوا يا أمرأء عشان نقدر نشوت معاكم واللا نشوتكم انتوا ذاتو . ..................... يا ريت جرجير ما يكون بعمل ليهو في رد حدادي مدادي للدكتور محمد المشرف الذي يحلل لنفسه ما يحرمه على حاتم وأقصد تحديدا حكاية السخرية من الآخر دي.. بيد انو الدكتور سبق وأن حاكى لهجتي كعربي جزيرة من باب السخرية دا غير سخريتو من مشاركاتي في المنبر باعتبارها كلها هههههههه زيي وزي جرجير الهسة قاعد يرد ليها بمئات الكلمات والعبارات بدون ما يقول حاجة :) التناقش في موضوع البوست دا ما عايز مطاولات وجر ومط وفلسفة كتيرة عشان كدا اختصروا منك له، عسى ولعل نفهم حاجة . خخخخخخخخخخخخخ
10-06-2017, 12:03 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
Quote: ياخ المسألة دي غير تكشف عن حالة من (عدم المعرفة) .. فانها لا تكشف عن شيء على الاطلاق.. اتمنى انك (تجليها) من ناحية .. وأتمنى انك ما تزعل من كلامي ده من ناحية تانية
العملو الخواض ده مش لا يندرج تحت السرقة الادبية يا أمير وبس .. . بل ولا يندرج تحت معنى التناص (تداخل النصوص) اصلا عشان يبدو لغير العارفين مصدرا للشك في السرقة الادبية ..
سلام يا دكتور المشرّف طبعاً ، كونك تكون شايف المسألة دي تكشف فقط عن عدم معرفتي و لا شيء آخر ، فهذا رأيك و من حقّك ان تشوف كيفما تشاء ! و تأكّد انو مافي تحسّس و لا يحزنون ، انت الذي لا تتحسّس و تعتقد إنك بوجهة نظرك دي بتضغط عليّ !! فيا عزيزي ، المعرفة ذاتا خشم بيوت و لها أوجُه كثيرة !! بدليل الخواض نفسه ، قال انو تناصص مع مصطفي سند !! و ارجع ما قلت عليه انا انتحال الي مفهوم التناص !! يعني ذهب هو الي غير ما ذهبت اليه انت في دفاعك عنه او فلنقل رأيك ! فلا تحاول ان تكون ملكيّاً اكثر من الملك !! واحدة من مشاكل الخواض التي ذكرتها له في اكثر من مداخلة ، هي انه يحاول الحط من الرأي الذي يخالفه و محاولته سلب منتقديه الحق في الإنتقاد عن طريق الإيحاء بعدم معرفتهم الكافية التي تؤهلهم لإبداء رأي نقدي فيما يكتب ! محاولات تبخيس مجهودات الآخرين و التقليل من إمكانياتهم او افتراض الجهل فيهم ليست الطريقة المُثلي لمواجهة الآراء و انت هنا يا مشرّف تعتمد نفس الاسلوب في محاولتك لتوصيل وجهة نظرك ! عموماً ، اختلاف وجهات النظر وارد جداً ، و كما تقول ، بإمكانك ان تنجر أي قصيدة و تدخل فيها ما شئت و تقوم بتوظيفه في قصيدتك و هذا من حقّك و جائز ، و مافي زول أنكره يا مشرّف ، و لكن بالمفاهيم النقدية المتعارف عليها ، يتم استخدامك دا وفق ضوابط معينة فأنت تفعل ما تفعله إما علي سبيل التضمين او الاقتباس او المعارضة ( المجاراه) او التناص و غيرها من باقي المفاهيم ! و هناك بالتأكيد باب الإنتحال و التلاص و غيرها ! ظللت اطالب الخواض مثلاً في ذلك البوست بتعريف مفهوم الإنتحال في الشعر ، و يظل يراوغ و ظل يتساءل عن علاقتي بالنقد الأدبي ! و يستميت في وصفي بالضعف في الأدب و عدم أهليتي لإبداء أي رأي و ظل ينصحني بقراءة محمد بنيس و غيره ! ياخ دا حتي الان مستكتر ملاقاتي لدرويش و بات يشكك فيها و يتمسخر عن بأيّ صفة قابلته !! يا مشرّف ياخ صحي نحن لا شعراء ، لا أدباء و لا نقّاد محترفين و لكن لنا ذائقة جيدة و حد أدني من المعرفة يجعلنا نميّز. بين الغث و السمين ! مسألة الإستعلاء التي يمارس فيها الخواض و غيره ، سوف لن تخدم له قضية و لن تغيّر الحقائق ! احترم وجهة نظرك في تقييم القصيدة الهجائية الكتبها الخواض و لكني ما زلت اعتقد ان ما فعله الخواض يندرج تحت بند الإنتحال و إدّعي انو الأبيات مما جادت بها قريحته اكثر من ذلك ، انا شايف انو شوّه البحر القديم بعد ان انتحل بعض ابياتها و ذلك بالنزول بها الي الحضيض بعد ان كانت مرتبطة بمعانٍ سامية الي مفردات القمل و الضراط و غيرها ! الخواض نفسو يا مشرف حاول يخارج نفسو بحكاية التناص دي رغم انو الفرقة بين التناص و التلاص تكاد تكون معدومة في معظم الأحايين ! و ما زال سؤالي للخواض قائم ، هل قصيدتك الهجائية المتواضعة دي ، تحتاج ان تتناصص فيها مع شاعرين ؟!! و رغم ذلك قلت ليه و ما زلت عند رأيي ، دا انتحال راسو عديل و تخريب متعمّد لوجداننا الذي ظل متعلّقاً بالبحر القديم و سمو معانيها !
.. لا ادري أهمية او دلالة إيرادك للنص الملتميدي في الحتة دي ! هل للتدليل علي قرب الخواض من النص و إسهامه فيه ؟! و ما هي العلاقة بينه و قولي انو الخواض إنتحل بعض ابيات القصيدة و شوّهها و إدّعي انها من بنات أفكاره ؟!!
لاكين شكراً علي كل حال
...
تحياتي
10-06-2017, 12:14 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
شيخ المسلّمي كيف حالك ياخ بدل تقول لي خلّي موضوع جلال ، مش كان تطالبو يثبت بهتانه لي او يعتذر عنه ! الراجل جاني في صمة خشمي و إتهمني اني كذّاب ! و ظل ينقز بالكلام دا من بوست لآخر في محاولة منه لترسيخ هذا البهتان ! و دليلو قال انو تواصل معي بالمسنجر و طلب مني إيميل حاتم و قال انا قلت ليه ما عندي الإيميل و قال إني قلت ليه قاعد أتواصل مع حاتم بالفيس !! و بما انو تهمة الكذب دي ما ساهلة ، انا قلت ليه كلامك دا ما صاح و لم يحدث !! و انه كلام منجور ساي في سبيل تدعيم بهتانه لي ! نبّهته في البداية انو كلامو دا ما سليم و لم آخذ مخاطبته لي بعبارة امير الكذّاب علي محمل الجد لاكين لقيت الراجل مواصل في الشغلانة حتي صدّقها هو نفسه !!
و لذلك طالبته ان يثبت كلامو او يعتذر عنه ! و سمحت له بالرجوع الي ارشيف المسنجر و كشف كل المراسلات التي تمت بيننا !! ليعرف الجميع من هو الكاذب فينا و من هو صاحب الغرض ! اعتقد كنت و ما زلت fair enough المهلة التي أعطيتها له ، هي لكي يرجع للمراسلات الداخلية بيني و بينه و يعرضها هنا ليؤكد كلامه و إن لم يفعل ، سأقوم انا بذلك ! و ما زلت في انتظاره ، يا إما يجيب المراسلات و يوضح وين انا قلت الكلام البهتني بيه او يعتذر عنه ! ...
غير كدا ما عندي شغله معاه ، و العفو و العافية !
...
تحياتي يا مسلّمي !
10-06-2017, 12:50 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: التناقش في موضوع البوست دا ما عايز مطاولات وجر ومط وفلسفة كتيرة عشان كدا اختصروا منك له، عسى ولعل نفهم حاجة .
حاتم ابراهيم جاب موضوع هنا في سودانيز وعملو حقو تب. اتضح انو الموضوع موجود في النت وكاتبو اسمو معروف ابوالحسن. يا سيدي معروف دا كتب المقال سنة 2010 جا الحرامي دا جابو بي ضبانتو سنة 2014 واتبناهو علي اساس إنو من بنات أفكاره. لغاية دلوقت الزول دا ما جا اعتذر لي قبيلة سودانيز عن السرقه دي. المساعدين قالو (بدون اوراق ثبوتيه) إنو حاتم هو معروف (لاحظ أنا ما قتا مساعدين ياي لأنو مساعد الياي ليهو دور محوري جدا" في سلامة العربه وطول عمرها). المطلوب اعتذار حاتم للسرقه الواضحه جدا" وعندك المعروضات في الصفحه الأولي وتحتوي علي مقالي معروف وحاتم. علي المساعدين إثبات انو حاتم هو معروف ومافي داعي لي كلام العيال بتاع انو المقالين هو اسلوب حاتم ولو طارت عنزه ... إلخ. وبعد ما تثبتو إنو حاتم هو معروف سيكون (لكل مقام مقال). شايف ابوحسين مداخل هنا هل ترمب فكا حظرو برضك؟ الصفحه الأولي بها مس من الشيطان.
10-06-2017, 12:28 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
يا جمال انت قلت كلام مهم جدا .. أديني دقيقة خليني اقتبتسو ..
Quote: خليني أقفز لي قدام واستخلص مرامي كلامك .. في سودانيز هنا ما حاوافق على مشاركة .. أي عضو بأكثر من يوزر واحد بس .. لأن الأمر لا يستقيم وحيسبب بلبلة أكيد .. ولا حتى حأوافق على الكلام ده .. بالنسبة للمنتديات الأخرى .. القاعدة واحدة عندي لا فرق ..
'طيب يا جمال .. انت اغنيتنا عن حاجات كتيرة جدا ..
الامر مرفوض بالنسبة ليك في هذا المنبر وفي غيره من المنابر .. لماذا ؟! لانو ح يسبب بلبلة ويفتقر للاستقامة الخ ..
في زول كتب في منبر المترجمين العرب بي اسمين .. معروف ابوالحسن و ماهر .. كيف الكلام ده؟
1- في موضوع هنا كتبو حاتم باسم حاتم وكتبو معروف باسم معروف في منبر آخر. يا واحد سرقو من التاني يا الاتنين اسماء لذات الشخصية المجهولة ..
2- على ماهر او ماهر على اسم استخدمو حاتم لتقديم نفسو لعضو معانا هنا المنبر .. دي حقيقة بعض النظر عن كيفية اكتشافها ..
اذن 1 حاتم = ماهر
2- لو حاتم ما حرامي نت في الموضوع الهنا .. اذن 2 حاتم = معروف
اذن1 وإذن 2 = حاتم = ماهر = معروف
اذن3 انو معروف = ماهر
اذن4 الحسابين ماهر ومعروف كانو بكتبو في منبر المترجمين وهما اسمان مستعاران لشخصية واحدة مجهولة .. قد تكون الشخصية اصلا اسمها حاتم او على او معروف ابوالحسن او اسم مختلف تماما وبالتالي ينطلق عليهم وصفك للموضوع انو مرفوض ويفتقر للاستقامة ومثير للبلبلة ..
احتمالات انو حاتم لا يساوي معروف احتمالان ..
1- حاتم سرق من معروف فهو حرامي نت ..
2- معروف سرق من حاتم وصدفة غريبة خلت ماهر يكتب في منبر المترجمين مع معروف ابوالحسن .. وصدفة غريبة انو ما لاحظ انو في عضو تاني اسمو معروف سرق منو موضوعو بي حذافيرو .. وصدفة غريبة انو (البلبلة) ياها ذاتها والاسلوب ياهو ذاتو الخ الصدف الغريبة والعجيبة جدا
رأيك شنو يا جمال ؟
10-06-2017, 12:44 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
أخونا صلاح اتا بتقول انو حاتم سرق الموضوع والمساعدين بقولوا انو حاتم هو نفسو معروف الكتب الموضوع في الحالة دي المفروض تثبت انت انو حاتم ما هو معروف والعكس بالنسبة للمساعدين .. الموضوع لغاية هنا جدل بيزنطي أنا كمتابع ما مرقت منو بى حاجة .. بمثل ما هم عليهم اثبات انو حاتم هو معروف عليك انت اثبات العكس واللا كونو سرق دي مجرد اتهام لا يعتد بيهو . بالنسبة لي لو طلع حاتم سرق الموضوع ح اغير رأيي فيهو كزول منتج ومفيد .. ولو طلع انو هو نفسو معروف كان بكتب في منبر تاني يبقي الوضع على ما هو عليه بالنسبة لرأيي فيهو وعلى المتضرر من الناس الضد يقنعني بوجهة نظر تؤكد انو ما المفروض الزول يكتب باسماء مختلفة في منابر مختلفة .
10-06-2017, 01:02 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
انت عارف في سودانيز اولاين ده انا مرات كثيرة بعتمد علي كلام الشخص الاخر في النقاش او الحوار وتبني عليه انا حسب متابعة البوست ده والباقيات اخونا جلالدونا اداك مساكات خارج الموضوع الاساسي وانت استند عليها ودي تعتبر غلطة او جليط منه والاسلوب ده انا شغال بيه في قروبات بتاعت سياسة واراء مختلفة بمسك في الكلام وبحول مجري الحوار .. المهم اخونا جلالدونا زول نيته طيبة وجد زول جدع بس الظروف قرنتك معاه في الحتي دي وانا شخصيا مصدق كلامك لانه قلت عندك اثبات .. .انا طلبي ليك عايز امشط الحكاية دي في قملتها اذا تعذر الاخ جلالدونا عن الاعتذار .. انت تفط الصفحة دي نهاييي ويكون ماقصرت واستجبت لي وساطة اخوك ونشيله ليك لي عوزة اخوك بتاع مشاكل ممكن عادي يستجيب لاي طلب منك ولو كان رقبة موت عديل
10-06-2017, 01:22 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: يضا اقول انه من الخطأ و خطل الراي و سذاجته افتراضك امتلاك الحقيقة المطلقة ومعرفتها, لدرجة ان من خالف رأيك ليس سوى مدافع عن الباطل! ألا يمكن ان يكون ما تراه باطلا هو الحق من وحهة نظره!! ادي غيرك فرصة ان يكون له رأي ووجهة نظرمخالفة, وهذا أمر طبيعي
نان النبي الخدر مرفوع عنو متل الكلام دا ... اكتر واحد محتاج يوجه ليهو الكلام دا في المنبر العام هو ابو المفهوميه حاتم ابراهيم ... لو كنتا قلتا الكلام دا قبل شهرين او تلاته كان في بوستات كتيره لن تفتح ....
10-06-2017, 01:34 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
هههههه طلحه .... حاتم قاعد وما مات وبيكون قرا مداخلتك دي قبل ما انا أقرأها .... وابصم ليك بالعشره ما حايجي يقول انا معروف ولا لع ... السبب كل الاجابات تودي الي جهنم ...
10-06-2017, 02:46 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
سلامات مشرف .. المعادلة دي أصلا أنا ما عندي فيها اعتراض .. ووقائع كتيرة بتسندها .. أهمها بصمة الكتابة .. ووحدة الأسلوب .. المهم جدا .. انه ادانتي لصحة المعادلة دي ما بيتحقق هنا .. لانها لاوجود لها .. هي بره المنبر .. هناك موجودة وانا رافضها .. وادنتها لكن هنا عندنا مافي .. بعدين انت اصلا معادلتك .. قائمة على فرضية يوزرس .. فكيف عايز في الآخر تجي تقلبها .. لي صفات اليوزرس .. بمعنى آخر لو زول معروف عنه صفة .. والصفة دي اتحققت في أماكن اخرى .. لكن ده مابيعني ضرورة تحققها .. حال وجوده عندنا فكيف حتبني على شيء ! .. ماحاصل ولا وجود له خالص .. والا يا مشرف اثبت إنه حاصل وموجود .. وانه حاتم مشارك بي يوزرين تلاتة .. وهنا في سودانيز .. مش بره .. وقتها أنا حاقيف مع الرأي القائل .. بمعاقبة صاحب اليوزرين وطرده من المنبر ..
هل حتقدر علشان تحقق معادلتك دي .. تثبت انه حاتم يمتلك .. يوزرين تلاتة بسودانيز اون لاين .. !! .. هنا مربط الفرس ..
10-06-2017, 01:39 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
أعلم رأى اسامة وأختلف معه ان تضمين بيت سند لا يدخل ضمن مفهوم التناص الأدبي .. التناص في وجهة نظري المتواضعة جدا هو علاقة ابداعية جديدة بين فضاءات داخلية وخارجية لنصوص مختلفة .. هو اشبه ما يكون بحالة بعث جديد للنصوص الاقدم بالضرورة في لحظة مخاض ابداعي جديد .. وتضمين بيت سند الشعري (هم البسوك دثار خز) لا يشكل بعثا جديدا .. استدعى عندي ذات الذي كان عليه .. او لم ينجح اسامة في فرض ذلك على قراءتي .. وتفسير ذلك عندي ان اسامة كان في خضم سجال اسفيري اكثر منه في خضم ولادة ابداعية.
المهم تجدني آسف جدا على المعنى الذي وصلك مني على اية حال ولكنك انت الذي اصررت جدا على حكاية السرقة الادبية المافيشه .. وعلى ايرادها هنا وفي بوستات أخرى .. واظنك فتحت بوست بذلك .. هو تضمين او اقتباس .. وهو مسألة معروفة جدا .. وغاية ما يمكن ان نختلف عما اذا كانت تناصا ادبيا او هو مجرد تضمين او استدعاء ضمن مساجلة لا ترتقي لمرحلة الابداع الشعري.
* أسامة تلفت فلم يجد الا ادواتو الشعرية في مواجهة التعدي .. (ودي مسألة جميلة جدا بحد ذاتها) فاستخدمها بدون الدخول في حالة ابداعية تخصه كشاعر.
10-06-2017, 01:57 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
غايـــتو أسوء حاجة عبدالغنييناصر ليه زول في موقف أو نقاش حيضره أكثــر من خصمه عشان كدا يا غني إنت أكثر قاعد تبوظ شغل الجماعه القاصدين "حاتم" بي هرجتلك وبي رواشتك وبي جغمستك
10-06-2017, 03:01 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
اها يا ناس الجبهة العريضة لإسقاط حاتم موضوعك خستك ولا لسه؟ نصيحتي ليكم شوفوا ليكم شغله قصتكم منفسه وموضوعكم بايظ ما تضيعوا وقت الناس في مساككة فارغه وحراق روح علي الفاضي حاتم جاب فيكم قون في الثمانيات والقون دا حارقكم بس ما قادرين تكسبوا أي جولة إستعملوا كل السبل وكل مره ينتهي موضوعكم وخشمكم ملح ملح ومنظركم بقي بايخ جدا وصورتكم أتهزت شديد دحين لموا باقي القشرة وباقي الكراتين الشايلنها وزوغوا من الموضوع دا , لأنكم جربتوا أكثــر من مره وأهل الشام بقولوا (الجرب المجرب عقله مخرب) وتقول العرب (من جرب المجرب حاكت به الندامه)
في نقطة مهمة جدا :- شايف الكثيرين شغالين يفصلوا حاتم عن البورد وأي واحد يناصر حاتم (قالوا عليه حوار وتابع) طبعا دي طريقة قديمة وأقدم من الكسرة مافي زول عاقل بيخاف من إبداء رأيه في قضية عامة خوفا من أن يقال له تابع لي فلان أو حوار علتكان ( دا إسلوب أقدم من الكسرة والملاح) غيروا أدواتكم وأساليبكم
10-06-2017, 03:09 PM
امير بوب امير بوب
تاريخ التسجيل: 01-02-2013
مجموع المشاركات: 1552
يا دكتور المشرف سلام طيب ما دام لديك وجهة نظر تختلف عني و عن الخواض حول الأمر لماذا إفترضت كلامي ( مجرد عدم معرفة و لا شيء آخر ) ؟!! لماذا لم تعتبره وجهة نظر ثالثة و مبنيّة علي زاوية شوف و معرفة مختلفة و تناقشها معي بدل محاولة تبخيسها ؟! قولي بالسرقة الأدبية مبني علي إعتبار ما قام به الخواض هو إنتحال و ليس تضمين و لا تناص انتحال بمعناه المعروف و هو التلاعب في النص الأصلي بتغيير بعض المفردات و الكلمات لإنتاج نص مختلف قليلاً عن الأصل و من ثم نسبة المنتج الجديد لنفسك ! ... بعدين يا مشرف ، واضح جداً انك لم تقرأ كلامي حول الأمر و لم تطّلع علي البوست الذي خصصته انا اذلك ! فقط سمعت بقولي انو دا نوع من السرقة الأدبية ، دون ان تقرأ التفاصيل و تعرف دفوعاتي ! و هذا واضح من قولك انو دا ( تضمين) ، التضمين ممكن تقول في عبارة ( ) !! هذا ليس كلامي يا مشرّف و ليست هذه الجزئية هي موضع الخلاف و انا لم أبني عليها حُكمي ! العبارة دي استخدمها الخواض فعلاً و ضمّنها قصيدته و وردت بين مزدوجين كإشارة للتضمين
و لذلك لم اعترض عليها انا و لم ادمغ الخواص بالسرقة بسببها !! حيث لم تكن موضع خلاف !
كلامي كان حول جزئية مختلفة تماماً و هي ما قلتُ انا انه انتحال ! يعني مثلاً الحتة دي :
قُلْ للمقمِّل ذي القناع الأسودِ = قل للمليحة في الخمار الأسود ! ثمّ ...
هم ألبسوكَ دثار مدْحٍ =. هم ألبسوك دثار خزّ ناعم الأسلاك
دعوكَ نجمَ النتِّ،، تاجَ النتّ،، فخْرَ النتّ،، شمْسَ النت = ودعوك تاج العزّ فخر العزّ مجد العزّ .... !!! هل ما زلت تعتقد انو دا تضمين يا مشرف ؟!! و ان كانت الإجابة نعم ، ما هو مفهومك للإنتحال إذاً ؟
... الخواض قال لا يحق لي و لا لغيري تناول نصّه دا و انو النقّاد وحدهم الذين يملكون الحق في الكلام ! و طبعاً إفترض فيني و في غيري الجهل و عدم المعرفة بأُسس النقد الأدبي و صادر حقنا في إبداء آراءنا فيما يشتم به !! ...
ياخ والله التضمين و الاقتباس المعارضة الشعرية و التناص و باقي الكلام الكبار كبار دا كلو بنعرفو بس كمان الانتحال برضو بنعرفو ... و الشغلة ما دايرا ليها درس عصر ! ...
ارجو ان لا تغمضوني حقي ياخ !😜 او كما قالها الخواض !! ... سلام يا دوك !
10-06-2017, 03:16 PM
محمد محمود محمد محمد محمود محمد
تاريخ التسجيل: 02-04-2013
مجموع المشاركات: 910
٦/ صفر لا حولا ها ناس اها وبعدين وصلتو لشنو؟ ناقشوهوا في فكرة وفِي كتابته وفِي ردوده المنطقية والساخرة عليكم ودي صعبة عليكم واضحة ااااها تعالوا اتلموا وضروا عيشكم وبعضهم استمرا يفش غليله من طرف واحدبعد ما شاف سيد الحوبة ما هببوا ليهم ووجدوها تاريخية لكن الزول دا مصيبة لا الحول ما يخليكم المتكالبين ديل!!!! ....... والإناء الفارغ اكتر ضجيجا الاناء تقرا هنا الكرتونة
وَيَا حاتمنا تسلم...
10-06-2017, 03:17 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
هذه مجاراة للبحر القديم .. ليست تناصا وليست سرقة ادبية .. قد افهم النقاش حول انها تناص .. هناك معطيات لذلك وقد تكون اصح من حكمي انا .. ولكني استند على الغرض من الكتابة بصورة اساسية ..
وأما التضمين والمجاراة* التي حصلت للبحر القديم لا يمكن الحكم عليها كسرقة أدبية .. لا توجد أسس لذلك وحتى يختلف الناس ..
* اتمنى مراجعة مسألة (المجاراة والمعارضة في الشعر)
نموذج ود ضحوية وطه الضرير وعلى ود الفقير ..
Quote: وبدأ الطيب المساجلة قائلا: ماني شغيل بيوت بعقب بحل الصرة وما بتبن الجارة واخون الحرة باذل مالي للازمني واقف برة وسايم روحي لليوم البقولو مشرة
وقال علي ود الفقير مجاريا : ماني شغيل بيوت الناس بتكره جيتي وماني بتبن الجارة وأخونا وليتي بازل مالي لي اخواني البعرفوا صتيتي وسايم روحي للفارس البقولوا ضميتي
النكتة دي حصلتها في الواتس ... وأي تشابه بين شخصياتها وأحداثها وبين شخصيات وأحداث هذا البوست يعتبر من باب المصادفة غير المقصودة ... ... . .. ... النمر زهجان زهجة شديدة وكايس ليه اي حيوان يدقو بس ... ماشي كدة لاقاهو قرد ... قال للقرد اديني طاقيتي ... القرد قال ليه ما عندك عندي طاقية ... النمر لمَّ في القرد كسرو كسرة شديدة ... تاني يوم لاقاهو تاني وقال ليه اديني طاقيتي ... القرد قال ليه ما عندي عندي طاقية تاني كسرو ... كل يوم بالطريقة دي ... قام القرد مشى للأسد قال ليه النمر ما عندو عندي طاقية وكل يوم يجي يقول لي اديني طاقيتي واقول ليه ما عندي يقوم يدقني ... قام الأسد قاليهو خلاص انا بشوف ليك الحاصل ... الاسد استدعى النمر وقال ليه والله كلنا ما بندور القرد لكن شوف ليك سبب مقنع عشان تدقو بيهو ... مثلا تمشي تلقى القرد في شجرة الليمون تقول ليه اديني ليمونة - كان اداك صفرا تلم فيهو تدقو وتقول ليه انا دايرا خضرا ... وكان اداك خضرا تقدو تقول ليه انا دايرا صفرا ... النمر اتكيف من الفكرة ومن الصباح مشى للقرد لقاهو في شجرة الليمون قال ليه اديني ليمونة ... القرد قال ليهو دايرها خضرا ولا صفرا ؟؟؟ النمر قال ليهو يا قرد هوي اديني طاقيتي ... ... . .. ...
10-06-2017, 04:07 PM
امير بوب امير بوب
تاريخ التسجيل: 01-02-2013
مجموع المشاركات: 1552
يا مشرّف المجاراة او المعارضة الشعرية موجودة و لا تعتبر عيباً و لا سرقة أدبية ! ما في زول أنكرها او غالط فيها !! حتي قصيدة مسكين الدارمي ( قل للمليحة في الخمار الأسودِ ... ) جاروها او عارضوها شعراء كتيرين ، حتي صارت هناك نسخ متعددة منها ( الخمار الاحمر ، الأزرق ، الأصفر ... الخ ) و الفكرة وراء المجاراه او المعارضة هي انو الشاعر يُعجب بقصيدة او بيت لشاعر آخر و يقوم بصياغة عمل موازي علي نسق تلك القصيدة ، إعجاباً بها و لكنه لا يدّعي انها من إنتاجه !! بل يشير الشخص الي انني أجاري القصيدة الفلانية او فلان ، و هذا نفسه ضرب من الإبداع !! اما ان تنسج قصيدة سراً علي نسق قصيدة أخري و تقول هذا من إبداعي او مما جادت به قريحتي ، فهذا لا يعتبر مجاراه بل انتحال و سرقة و سطو علي حقوق الآخرين !! انا افهم انو اهم بند في المجاراة او المعارضة الشعرية هو الإفصاح عمّن تجاريه او الكشف عمّا تجاري !!
مشكلتنا مع الخواض في الحتة دي انو قال العمل دا مما جادت به قريحته !! أها ! ...
عموماً كتّر خيرك و أسف لجر البوست لهذا النقاش !
... تحياتي
10-06-2017, 04:12 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: هناك موجودة وانا رافضها .. وادنتها لكن هنا عندنا مافي ..
احترامي الكامل لوجهة نظرك .. وجهة نظري انو انا بعاين لي لحاجتين جنس العمل والسلوك .. وما أدينه هو العقلية الملتوية والسلوك غير القويم .. وهو يتعلق بالشخصية ويتنقل معها بالضرورة ..
لو جاز التشبيه يا جمال فقولك اشبه بمن يحاجج أن هذا المسؤول كان فاسدا بالفعل في ولاية أخرى ولكن لم يثبت عليه فسادا في وزارة الصحة التي تخص ولايتنا .. وها أنت تقول انو هذا السلوك الذي يفتقر للاستقامة كان موجودا في منبر المترجمون العرب ولكن لم يتم اثباته هنا ..
10-06-2017, 04:35 PM
امير بوب امير بوب
تاريخ التسجيل: 01-02-2013
مجموع المشاركات: 1552
يا طلحة سلام غايتو ما أظن حاتم ألجن لما قال ليك يا تلحة ! الزول الكافر دا ختّاها ليك في حنانك ... والله صحي ! هههههه انا غايتو الحتة دي عجبتني و الاسم دا ح اعتمدو ليك فأرجو انك بعدين ما تجي تتّلحني ! ...
البهلول الجهلول يتحدث عن مسألة تم طي كتابها في بوست "قل للمليحة"..لانتفاء الأدلة النقدية الأدبية.
"العودة إلى سنار" مليئة بالتناصات، وهنالك ملحق بها ، وفي النهاية قد جادت بها قريحة محمد عبدالحي ب"العودة إلى سنار".
"قبر الخواض" مليئة بالتناصات، وهنالك ملحق مطوّل بها، وفي الأخير ، قبر الخواض ،كنص، جادت به قريحة كاتب هذه المداخلة.
ولعلم النطاسي، فقد قدمت محاضرة قبل أكثر من ثلاثين عاما في مدني عن "التناص" في "موسم الهجرة إلى الشمال"، من خلال "الخطاب الاستشراقي"، و "القوة الفائقة للعطر"...
فأنت جئتني في ما تخصصت فيه، ومارسته....
10-06-2017, 04:55 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3464
Quote: انا غايتو الحتة دي عجبتني و الاسم دا ح اعتمدو ليك
بقيت ناطق رسمي واللا شنو ؟ أها عرفناها الحتة دي عجبتك ح تعتمد لي الإسم دا كيف يعني ؟ أوع تكون عايز تتغول على حق أبوي في سمايتو لي كمان ؟
ثم ياخ حاتم دا لو قصد تلحة على وزن طلحة يبقي كدا هو بسخر من إسم طلحة وإن شاء الله يلم فيهو واحد شايل الاسم دا يملصوا هدومو اللابسن في نص الشارع خخخخخخخخ ولو كمان قاصد تلحة من تتلح يبقي هو زول مجنون طايرا ليهو ساي لأنو أنا اتلحت المتلحنو ما اتلحتو هو .. أخير منو الأهبل الجوا يساعدوا في قبر أبوهو دس المحافير .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Hafiz Bashir
Maawya Hussein
زينب محمد عبدالله
أبوبكر عباس
معاوية الزبير
ABUHUSSEIN
محمد المسلمي
محمد حيدر المشرف
الصادق يحيى عبدالله
osama elkhawad
جمال ود القوز
علي دفع الله
قسم الفضيل مضوي محمد
محمد البشرى الخضر
عبدالحفيظ ابوسن
عمر التاج
Zakaria Fadel
Nasser Amin
حمد عبد الغفار عمر
Hassan Makkawi
طلحة عبدالله
Salah Zubeir
عبدالعظيم عثمان
محمد محمود محمد
عبدالمنعم الطيب حسن
فيس بوك
تويتر
انستقرام
يوتيوب
بنتيريست