Quote: الليلة لو قلت لي حاتم باسمه المزيف اساء لك في عرضك او شرفك او ابتزاك و تجاوز الشان العام للخاص و انت تريد ان تنتقم منه وتاخذ حقك سواء بالقانون او باليد أوحتى برد نفس الاساءات - وحاشاكما الاثنان بالطبع مثل هذا السقوط لكن لضرب المثل فقط- بقول ليك معليش لازم في الحالة دي تعرف و تتاكد من تفاصيله
خلينا من قصة حاتم يا ود البشرى وتعال نمسك المبدأ انت بتفتكر إنو العرض والشرف والخاص، هو فقط ما يتعلق بالجنس! يعني لو زول قال ليك كذاب أو منافق أو استهان بشخصيتك أو عِلمك، ألا يعتبر ذلك مساً بشرفك؟! حاجة تانية يا بشرى لو كان اسمي دا حقيقي (غير مستعار) وقام واحد أساء لشرفي هل ستتأثر عائلتي أو محيطي الاجتماعي؟ نعـــم وبالمقابل إذا رددت له الإساءة هل ستتأثر عائلته أو وسطه الاجتماعي؟ كـــلا طبعا، لكن لماذا؟
لماذا تقلل من خطورة أن يكتب عضو بـ اسم مستعار ويسيء للناس؟ طبعا الكلام دا كلو إذا اتفقت معاي إنو الشرف والعرض والخاص ليس فقط ما يتعلق بالجنس غير ذلك فأنت معفي من الإجابة
ياخ صلاح عبد الصبور مات عديل كده بعد ساعات من اتهامو بخيانة بلده تقولي شنو؟
أما خلاصة موقفي من حاتم فقد كتبت له التالي ولم يرد حتى الآن
Quote: السبب طريقتك في الطرح يا حاتم. عندك علم ومعلومات ومعرفة واجتهادات! قدمها للناس بتواضع العلماء ياخ اعط الآخرين حقهم في الاختلاف معاك، رُد عليهم باحترام وبدون سخرية وتسفيه وستجد حينها كل التقدير الذي وجده ويجده من سبقك ويعاصرك ومن يأتي بعدك هذا هو الوضع الطبيعي
حتى الذين يقفون في صفك ويدافعون عنك بالحق والباطل عندما يمتدحون قدْرك يبدؤون كلامهم بالقول: حاتم زول عالِم وموسوعي ووو.. ثم يردفون: لكنه مسيخ ولئيم وووو.. هذه الـ(لـكن) هي مشكلتك، لماذا لا تتخلص منها؟
كل يوم تكسب خصم جديد! هذه الحالة ليست طبيعية أرجو أن تراجع نفسك واسمع كلام الببكيك
10-03-2017, 04:07 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
وين شرف الكلمة ناصر وانت بتوصف أعضاء المنبر لأنهم كشفوا معلومات مهمة عن الشخصية التي تستهزأ بهم بالجهلة الساهرون المختصمون المتعقبون للشريف وهل هذا محل ابيات المتنبي انت لك شهرين بالمنبر لماذا تفعل هذا وهل هذه تقاليد الحوار ما هذه الأسماء العجيبة يا بكري واحد باسم ياسر أحمد يتعمد كتابة العربي بأخطاء ظاهرة حتى يغطي على شخصيته وآخرون لا يرعون إلاً ولا ذمة في حق الزملاء اين تريدون ان تأخذوا المنبر ام تعتقدون ان الأخرون عاجزون عن رد الإساءة بمثلها
10-03-2017, 04:29 PM
Nasser Amin
Nasser Amin
تاريخ التسجيل: 02-07-2017
مجموع المشاركات: 3562
في شنو؟ ما في زول اساء ليك...شكلك كدا عايز تكمم الافواه ؟! المشكلة شنو في ابيات المتنبئ!....لو بقت مقاس زول دي مشكلتو طيب انا لو جيت و ردحت في حاتم طبعا ح تكون مبسوط و ما ح تقول كلامك دا. بعدين حكاية "الاسماء العجيبة" دي هي الاساءة ...يعني اسمي ما عاجبك ,عايزو يكون شنو؟! بعدين ما كنت عارف ناس 2004 عندهم وضع خاص من الناس الجو قبل شهرين
10-04-2017, 10:59 AM
عمر دفع الله
عمر دفع الله
تاريخ التسجيل: 05-20-2005
مجموع المشاركات: 6353
Quote: وين شرف الكلمة ناصر وانت بتوصف أعضاء المنبر لأنهم كشفوا معلومات مهمة عن الشخصية التي تستهزأ بهم بالجهلة الساهرون المختصمون المتعقبون للشريف
طبعا دا كلام غلط وما صاح زي كلام الدكتور محمد المشرف دا :
Quote: وتزيد قائمة العقلاء الذين يرون خطأ هذه الصورة المقلوبة .. وتزيد صفاقة وصفقة الانصار .. ويزيد (الشبح الاسفيري) في غيه
دا باعتبار أن عبد الصمد ما قاعد يقرأ مداخلات المشرف .
على العموم مازلت أرى انو المفروض الحجة بالحجة وما في داعي للشتيمة المتبادلة بين الطرفين الضد والمع .. دا اذا كان الناس عايزة تتناقش باخوي وأخوك عشان تصل للحقيقة .
10-03-2017, 04:42 PM
عبد الصمد محمد
عبد الصمد محمد
تاريخ التسجيل: 12-12-2004
مجموع المشاركات: 1402
Quote: فش غباين وحراق روح ساكت كل زول شايل بندقيته في كنفه لا نجوت إن نجا القوم قاصديــن بدر لقتال المشركين
ليه يا أخ عبدالعظيم كدا..هل ترى أن تصبح المسألة مطلوقة كدا ساكت تسيء من تسيء وعندما يبحث الناس عن هوية هذا المسيء ويجدون هوائل في النت دا اسمه حراق روح ساكت. يعني في رأيك تنعدم المعايير . مش مفترض منك كعضو محترم في البورد تطالب من حاتم توضيح موقفه مما ورد عن شبهة سرقة أوتعدد شخصيات ومن هو الهو يعني أن تساند حاتم في موقف فكري شيء مقبول ومن حقك لكن إتخاذ موقف ضعيف في هذه الحالة الطارئة لا تشبه مثقف في مقامك نحن بنعرف في التاريخ انه المثقف أو العالم بيتحمل بشجاعة مسئوليته عن كل ما ينسب إليه والمساهمة الإيجابية هنا يا عبدالعظيم أن تصطف مع الحق لأجل الصالح العام ثم تستمر في إتخاذ مواقف تقدرها انت في أي بوست آخر أخ حاتم انت مطالب أن توضح للناس موقفك بشجاعة مما جاء في هذا البوست وإلا فإن الإسهام في ضياع المعايير سيكون وبالاً على كل فرد وإن ظن غير ذلك
10-03-2017, 05:32 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
الود و الاحترام الذي اعلمه وتعلمه يا دوك لا يحتاج تأكيد بالطبع و قبل ان اعلق على مداخلتك بشيئ من التفصيل اقول هذا الود هوالفرض علي اقول وجهة نظري لأنو لا اريدك ان تضيع مجهودك ووقتك في مخاطبة مسالة الشخصية و هل هي حقيقية أم لا لأنه حتى لو فعلت ووصلت للنتيجة الحاسمة في وجهة نظرك لسة لازالت المشكلة الحقيقية قائمة! ولم ترد أو تاخذ حقك من ما نالك .
Quote: 1- انا كتبت جملة واضحة جدا, وأنا حريص جدا في كلامي ومسؤول تماما عن فحواه
Quote: : نحن أمام شخص يتنقل بين الاسماء المستعارة وينشيء حسابات اسفيرية مختلفة لادارة صراعاته الاسفيرية
ما الخطأ تحديدا في هذه الجملة؟!
الا تتنقل هذه الشخصية المجهولة بين حسابات اسفيرية مختلفة لادارة صراعاته الاسفيرية ؟!
من خلال اعتراضك على الجملة وضح لي تحميلك للعبارة الذي لم تقوله على الاطلاق .. لم أكتب فيها أن الشخصية المجهولة التي تكتب باسم حاتم هنا تستخدم عددا من الحسابات في سودانيزاونلاين .. لم اكتب ذلك بالرغم من اني لا أجد وازعا او مبدأ اخلاقيا يمنعها من ذلك على الاطلاق .. وهناك الكثير من الشكوك حول شخصية اشقر طيبة المرتبطة ارتباطا وثيقا بهذا الشخص المجهول والذي اصلا لا يتورع على الاطلاق في اتخاذ اسماء مختلفة للكتابة الاسفيرية... وبالرغم من ذلك لم اكتب ذلك لعدم وجود يقين تام حولذاك .. وهو الامر الطبيعي جدا لاننا في النهاية لسنا جهات مختصة في تحرى ذلك ولا نمتلك الا ذواتنا المتواضعة جدا .. مجرد ناس عاديون يكتبون في منبر ويديرون نقاشات من خلال شخصياتهم الحقيقية في الحياة
ارجو مراجعة بروفايل أشقر طيبة .. ويمكنك تخمين الغرض من انشاء هذا الحساب على اية حال .. وفي كل الاحوال لم أكتب ذلك اصلا. .... ..
على ماهر سمعت به .. وأهو ظهر واحد اسمو معروف .. الا انو صابر ده اول مرة اسمع بيهو في البوست ده .. وللحقيقة هسع دي ما عارف سبب ايراد اسمو هنا .. سأعيد القراءة للمعرفة ليس الا ..
اقول ليك الخطأ وين:او لنسميها الـ irrelevancy يوجد يوزرنيم هنا باسم حاتم ابراهيم, لا تعلم عنه شيئ سوى هذه المعلومة - كالعشرات من الاعضاء الآخرين - هذا اليوزر تعرض لك - دون تفاصيل او تصنيف مني - و بينك وبينه حساب, حتى هذه اللحظة انت لا تعلم عن حسابات بأسماء أخرى في مواقع أخرى له ولا زال الحساب بينك وبينه قائم. طيب لما ظهرت معلومة الحسابات الأخرى في المواقع الأخرى من واقع الاحتكاكات مع الزملاء الاخرين في رايي لم يحدث تغيير في وضع الخلاف بينك وبين اليوزر حاتم ابراهيم, ستيل ترى ان عندك حق يجب أن تاخذه, طيب لو لم يات محمد مختار بمعلومة حساب علي ماهر,ولو لم يباصي القارئ معلومة معروف - وليس صابر يا محمد محمود :) - لجلال 1 ما الذي كان سيتغير بالنسبة لك؟في نظري لا شيئ لايزال الوضع كما هو عندك حق وحساب مع اليوزر حاتم ابراهيم هنا في سودانيز وليس في موقع آخر. فا المشكلة في العبارة اعلاه انها لا تخدم قضيتك إن لم تكن تضرها. بالنسبة لموضوع اشقر طيبة فدا يحتاج دليل وهذا أمر صعب ان لم يكن مستحيل اثباته لذا لن اعلق عليه,
Quote: 2- انت عندك يوزرنيم مختلفات في مواقع اخرى ؟!!
اولا كلامي دقيق جدا .. الاسماء المستعارة موجودة .. واعلنت أكثر من مرة انو ما عندي مانع من استخدامها ولكل كل حاجه في الدنيا عندها شروطها .. جنس العمل ليس محرما.. ولكن الممنوع هو كذا وكذا لو فمهت ما اريد ان اقوله
بيد اني اسألك سؤالا واضحا .. هل حدث ان سعيت لهذه الوضعية بغرض استغلالها في تحقيق وضعية افضل للاساءة للناس مثلا؟!!
لست انا بحاجه للاجابة كما تعلم .. اود الاشارة في عضمها.
,وانا ايضا تحريت الدقة ما وسعني لذلك سبيلا, ولم اعن انّك تتهمه بتعدد الحسابات في سودانيز, كنت احاول الاشارة لأن ما يحدث خارج البورد فهو خارج البورد الشي التاني الاختلف معك فيه ان المشكلة في رايي أكبر في الإساءة في رقبتها وليس كيفية ارتكابها. بالنسبة لسؤالك لي الحسابات الأخرى لان طبيعة التسجيل فيها تتيح لك كتابة اليوزر نيم وليس كما يفعل بكري هنا و يمنحك الاسم الذي يريد, فا اخترت التسجيل بلقب يعرفه البعض لكن قطعا الاغلبية من القراء و الاعضاء هناك لا يعرفونه ولا لم افعل ذلك بغرض الإساءة أو التخفي وهذه الاشارة اعلق عليها بـ كيف يمكن الجزم بان هذا ما حدث؟ وأن الأسماء المختلفة بغرض الاساءة للآخرين أو بغرض التخفي اساسا! حاتم يتجنب الاشارة لهذه النقطة او التعليق عليها ويصر على احترام خصوصيته وان ليس من حق ايا كان ان يساله عن اسم أو تصرف فعله أو يفعله في موقع خارج البورد!! فا من اين اتى هذا اليقين - ولست انت وحدك يا دوك - أولا بان هذه الاسماء له و ثانيا انه اتخذها بغرض التخفي و الإساءة.
النقطة الثالثة اولا احب اعتذر عن الطريقة العبرت بيها ووصلت لك استخفافي بما جرى ويجري وما نالك من أذى,حقيقة انا ادرك جيدا هذا الشعور ومررت به و أأسف أن تسببت به لك و للزملاء دون قصد حقيقة حاولت ان أمر على التفاصيل مرا خفيفا دون تعمق لأصل للنقطة المهمة في رايي, يوجد خلاف يوجد أذى فا الأجدى التعامل معه ومخاطبته مباشرة, دون تضييع الوقت و الجهد في أمر غير انه ليس جوهري فان حسمه لن يضيف او يغير من القضية الاساسية شيئ. دا اولا, وثانيا ولأن الشيطان في التفاصيل ف ما جرى فيه اخطاء وتعديات متبادلة و ليس حاتم هو المتعدي و البادئ على طول الخط هناك فعل و رد فعل و مبادئة هنا مرة وهناك مرة , لذا التفصيل يفسد الحياد وقديجعلني ابدو في مظهر المدافع عن حاتم او عنك وانتما لا تحتاجان قطعا لذلك, بصفة عامة انا أرى ان الإصلاح وقول الخير هو المطلوب وعلى الاقل عدم اجترار الاحزان و اثارتها مرة اخرى إن تعذّر الإصلاح. مسالة حق الرد مكفولة بالطبع ولست انا من يمنحها اويمنعها, لكني قلت رايي وكيف كنت ساتصرف لوكنت انا المعني. وبالنسبة لتناولي لأمر الشهادات ينطبق عليه ما قلته اعلاه و اكرر اسفي مرة اخرى. اما مسالة حق الرد على الزول المافيش! دي نقطة خلاف بيننا, كيف عرفت انه مافيش؟ عشان ما بتعرف عنه اكثر من اسمه المستخدمه في الموقع هنا, طيب قل يا دوك ماذا تعرف عن عبد الصمد او وهبة الشبلي - انا ما عارف بروفايلاتهم هل مكتوب فيها تفاصيل أم لا - أوغيرهم , ممكن اعد ليك مية عضو هنا لا تعرف عنهم اكثر من اسمائهم المكتوبة او ما اوردوه في بروفايلاتهم, لو حصل واحدهم اساء لك ح تعمل شنو؟ انا لو مكانك سارد الاساءة بمثلها - وربما أكثر - للإسم البخاطبني, لو الموضوع مشى ابعد واردت ان الجا للقضاء أو أخذ حقي بيدي سأسأل بكري ليمدني بمعلوماته المفروض عرفها عنه حين قبل تسجيله.
معاوية الزبير يا صديق لست بهذه السطحية و قصور التفكير واظنك ادرى بذلك, لم احصر الأمر على العرض او الشرف و لم اقل ان ما يمسهما يتعلق بالجنس فقط, من وين جبت الكلام دا؟ دا كلامي كامل
Quote: الليلة لو قلت لي حاتم باسمه المزيف اساء لك في عرضك او شرفك او ابتزاك و تجاوز الشان العام للخاص
الاساءة في العرض أو الشرف معناها اوسع واشمل من الجنس فقط بكثير ودا امر مفهوم بالضرورة لم اظن اني احتاج ان اشير له او افصل فيه واضفت له تجاوز العام للخاص ودي معناها اشمل و تشمل اي حاجة لا علاقة لها بالنقاش المكتوب في البورد والرد عليها في رأيي قد يتجاوز البورد ويحتاج فعلا معرفة الشخص بشكل أكثر أومحل اقامته او عمله على الأقل. و بالطبع الوصف بالنفاق اساءة بالغة و الكذب هي ايضا كذلك - مالم يتم التدليل عليها لتصبح أمرا آخر.
Quote: لماذا تقلل من خطورة أن يكتب عضو بـ اسم مستعار ويسيء للناس؟
أنا لم اقلل من الإساءة للناس بإسم مستعار بل اريد تنبيهكم انكم من تقللون من الإساءة في رقبتها وعلى اطلاقها سواء صدرت من معلوم اومجهول وماسكين في خناق هل نعلمه ام لا,وضربت امثلة عن اساءات بالغة صدرت من معلومين ياساميهم وصورهم واي شي وسببت نفس الأذى الذي كانت ستفعل لوكانوا مجهولين! النقطة المهمة في رايي مخاطبة سبب الأذى الحقيقي وهو الاساءة,مسالة معرفة او جهل شخصية فاعلها تاتي في المرتبة الثانية.
10-03-2017, 05:47 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: نحن بنعرف في التاريخ انه المثقف أو العالم بيتحمل بشجاعة مسئوليته عن كل ما ينسب إليه والمساهمة الإيجابية هنا يا عبدالعظيم أن تصطف مع الحق لأجل الصالح العام ثم تستمر في إتخاذ مواقف تقدرها انت في أي بوست آخر
يا عبدالصمد موضوع مطاردة "حاتم" في البورد ما جديدة وفصولها كثيرة وما حتتوقف في الموضوع دا إذا تجاوز حاتم اللائحة في الكتابة في البورد يتحاكم باللائحة وإدارة المنبر هي الجهة المسؤوله من تطبيق اللائحه وإذا كان التجاوز فيه تجاوز للقانون بكافة أشكاله يجب اللجوء الي الجهات البتنظم الموضوع دا .. لكن الجوطة دي السك سك الشغال طول السنة دي ردود أفعل لي مخاشنات الناس كلها متابعة النقاشات في البورد وردود الأفعال دي فيها الكثير من الغرض عشان كدا موضوع الخير والشر والحق والفضيلة والصالح العام الكلام دا هنا ما بركب يا عبدالصمد ومحاولة حشد رأي عام ضد حاتم من قبل المختلفين معاه برضه الموضوع مكشوف يعني ما جديد ..
10-03-2017, 05:56 PM
عبد الصمد محمد
عبد الصمد محمد
تاريخ التسجيل: 12-12-2004
مجموع المشاركات: 1402
Quote: يا عبدالصمد موضوع مطاردة "حاتم" في البورد ما جديدة وفصولها كثيرة وما حتتوقف في الموضوع دا إذا تجاوز حاتم اللائحة في الكتابة في البورد يتحاكم باللائحة وإدارة المنبر هي الجهة المسؤوله من تطبيق اللائحه وإذا كان التجاوز فيه تجاوز للقانون بكافة أشكاله يجب اللجوء الي الجهات البتنظم الموضوع دا .. لكن الجوطة دي السك سك الشغال طول السنة دي ردود أفعل لي مخاشنات الناس كلها متابعة النقاشات في البورد وردود الأفعال دي فيها الكثير من الغرض عشان كدا موضوع الخير والشر والحق والفضيلة والصالح العام الكلام دا هنا ما بركب يا عبدالصمد ومحاولة حشد رأي عام ضد حاتم من قبل المختلفين معاه برضه الموضوع مكشوف يعني ما جديد ..
يا عبد العظيم أنا معاك إنو في جو بتاع مطاردات في المنبر وهو جو حديث العهد لكن دا ما موضوع هذا البوست الخطير..ممكن الناس تتناقش في بوستان جديدة أو قديمة عن من يطارد من حقيقة ... وهل هنالك ذئب وهنالك حمل البوست دا عن إكتشاف مواد منقولة من كاتب آخر في أحسن الأحوال البعض يظن أن ذلك الكاتب هو حاتم بس باسم آخر وصورة مزيفة لكاتب نيجيري ألا ترى من حق صاحب البوست بسط هذه المعلومة الموثوقة ثم مطالبة الجميع لحاتم بالرد
10-03-2017, 06:05 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: في أحسن الأحوال البعض يظن أن ذلك الكاتب هو حاتم بس باسم آخر وصورة مزيفة لكاتب نيجيري ألا ترى من حق صاحب البوست بسط هذه المعلومة الموثوقة ثم مطالبة الجميع لحاتم بالرد
حاتم مخير ممكن يرد وممكن ما يرد وممكن يطنش مافي زول يقدر يلومه لأنه البوست مكتوب في جو مشحون بالمطاردة والخلافات والمخاشنات يعني اذا جاء البوست أو ما جا دا موضوع بيرجع ليه هو ومافي زول بقدر يجبره علي الإستجابة لهذه الجوطه
هو البحدد ردة فعله تكون كيف
10-03-2017, 06:07 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: حاتم مخير ممكن يرد وممكن ما يرد وممكن يطنش مافي زول يقدر يلومه لأنه البوست مكتوب في جو مشحون بالمطاردة والخلافات والمخاشنات يعني اذا جاء البوست أو ما جا دا موضوع بيرجع ليه هو ومافي زول بقدر يجبره علي الإستجابة لهذه الجوطه
هو البحدد ردة فعله تكون كيف
بالله شوف البني آدم السوداني وصل لياتو مرجلة من عدم المسئولية والإستهتار وكمان من المفارقات العجيبة يا أخ عبدالعظيم خاتي شعارك صورة الرئيس التنزاني جون ماغفولي قاهر الفساد!!!!!!! بالفعل إذا سرق فيهم الشريف تركوه وإذا سرق فيهم الضعيف أقاموا عليه الحد نحن أمام حالة سرقة إسفيرية يا عبدالعظيم سرقة إسفيرية وتقول على كيفو طيب البشير برضو على كيفو وأي حرامي أو منتحل على كيفو بس أكيد قريب جداً حتلقى نفسك في موقف حراج بتحتاج فيه لنقد واحد إرتكب فعل مشين.. أو على الأقل ساند النظام الإغتصب السلطة ومن حقو يقول ليك على كيفي لأنك انت معارض والجو السياسي أو المنبر مشحون بالعداء للحكومة يا عبدالعظيم الحلال بين والحرام بين ومن الأفضل لحاتم كإنسان إتصدي للعمل العام يقوم يبرر هذه السرقة
10-03-2017, 06:07 PM
محمد محمود محمد
محمد محمود محمد
تاريخ التسجيل: 02-04-2013
مجموع المشاركات: 910
أعتقد يا محمد البشرى .. إنو المعركة مع الأشباح غير متكافئة ، الشبح ليس عنده ما يخشى عليه ، و إصرارو على التخفّي ، بيؤكد إنو بيضمر الظهور بالشخصية العدائية و المتعجرفة دي . تتمثّل إهميّة السفور في منع الزول من التعدّي على الآخرين خوفاً من العقاب . مسألة بكري و البطاقات و الهوية وضح إنها مسألة غير مجدية ، لكن في مجتمعنا السوداني عموماً ، كتير ما يكون العقاب الإجتماعي أفدح و باهظ الكلفة .
10-03-2017, 06:21 PM
معاوية الزبير
معاوية الزبير
تاريخ التسجيل: 02-07-2003
مجموع المشاركات: 7893
مقبولة يا عبد العظيم الهدية, انا بحب البهجات الزي دي ههههه وان كان فات علي الحكمة و ووجه الشبه مع موضوع البوست
يا محمد محمود نقطتين هنا, الأولى : هل حاتم ابراهيم شبح اساسا؟ لو لم تسمع بعلي ماهر و أخيرا معروف ابو الحسن - المرة دي صاح ههه - هل كان سيتبادر لذهنك ان حاتم شبح قدتقول انك لا تعلم عنه شيئ غير اسمه المكتوب, طيب اعيد سؤالي اعلاه, هل ماذا تعرف عن معاوية حسين مثلا, اين يقيم , خريج وين, عمره كم وشكله كيف, عنده صلعه ولا لأ وكمرقم تلفونه؟ إن كانت الإجابة بـ لا يأتس سؤال آخر هل تبادر لذهنك انه شبح؟
النقطة الثانية: نمسك معارك حاتم هنا, وقارنها بأي معارك اخرى لعضاء آخرين, هل هناك ما يميز معاركه وطريقته عن الآخرين و هذه الميزة ترجع لكونه متخفي أنا ارى ان من يستفيد من تخفيه في المعارك يريد ان يخرج من العام المكتوب في البورد للخاص و انه يخاف من الرد عليه بالمثل أو اقسى أو يخاف من القانون قارن معارك حاتم مع الزملاء بمنو اقول ليك , اختر من طرف و حاول انظر للأمر من زاويتي التي انظر منها و ستفهمني بإذن الله
10-03-2017, 06:52 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: بالله شوف البني آدم السوداني وصل لياتو مرجلة من عدم المسئولية والإستهتار وكمان من المفارقات العجيبة يا أخ عبدالعظيم خاتي شعارك صورة الرئيس التنزاني جون ماغفولي قاهر الفساد!!!!!!!
يا عبدالصمد يا خوي وينا عدم المسؤوليه وفي شنو؟ يا زوول إنت سالي سكينك وجاي جاري عاوز تضبح وعندك معركتك مع حاتم , ودا شأنك بس ما تحاول تجبر الناس تأخذ موقف عشان إنت عندك موضوع مع حاتم أو عندك تار وقايل نفسك هسي لقيت فيه فرقه حساباتك يا عبدالصمد في الموضوع دا تحديدا ما عندها علاقة بالحق والفضيلة وإماطة الأذي عن البورد , عندك معركتك أكل نارك براك (ما تربطها بالأخلاق والفضيله) ما تقعد تحشد في الرأي العام وتصنف الناس ( الما معانا ضد حاتم فهو ضدنا) عشان كدا إنت مركب نضارة بتشوف الناس بمعيار الخصومة مع حاتم دا المحدد بتاعك يا عبدالصمد طبيعي تختلف مع أي زول مختلف معاك في موقفك دا وانا فاهم الحتة دي كويس
10-03-2017, 06:56 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
إذا حاتم إتجاوز اللائحة بتاعة المنبــر يتحاكم باللائحه ومافي زوول بقدر يقول لي بكري غلطان لكن قصة ( ضرب النار دي وكل زول شايل ليه بندقية في كتفه وعاوز يشتغل سنايبر دا موضوع تاني) ما عنده علاقة بلوائح المنبر
10-03-2017, 06:58 PM
عبد الصمد محمد
عبد الصمد محمد
تاريخ التسجيل: 12-12-2004
مجموع المشاركات: 1402
Quote: يا عبدالصمد يا خوي وينا عدم المسؤوليه وفي شنو؟ يا زوول إنت سالي سكينك وجاي جاري عاوز تضبح وعندك معركتك مع حاتم , ودا شأنك بس ما تحاول تجبر الناس تأخذ موقف عشان إنت عندك موضوع مع حاتم أو عندك تار وقايل نفسك هسي لقيت فيه فرقه حساباتك يا عبدالصمد في الموضوع دا تحديدا ما عندها علاقة بالحق والفضيلة وإماطة الأذي عن البورد , عندك معركتك أكل نارك براك (ما تربطها بالأخلاق والفضيله) ما تقعد تحشد في الرأي العام وتصنف الناس ( الما معانا ضد حاتم فهو ضدنا) عشان كدا إنت مركب نضارة بتشوف الناس بمعيار الخصومة مع حاتم دا المحدد بتاعك يا عبدالصمد طبيعي تختلف مع أي زول مختلف معاك في موقفك دا وانا فاهم الحتة دي كويس
كيف مسئولية شنو يا عبدالعظيم في مقال مسروق هنا .. سارقو حاتم ..دا ما سبب ملح للدفاع عن نفسه والله يسامحك على بقية الإساءات
10-03-2017, 06:59 PM
جلالدونا
جلالدونا
تاريخ التسجيل: 04-26-2014
مجموع المشاركات: 9390
التحية للجميع على اثراء البوست اتابع بى اهتمام شديد كل المداخلات و كنت بتمنى القدرة على الرد عليها بالمفرد بالنسبة لى كمفترع لهذا الخيط مساسكة حاتم او معرفة شخصيته لا تعنينى فى شئ فناس المساسكة و بيت البكا و الاغتيال و التوقيق و الشخصنة ديل اخير يخشّو الضل قاصد مداخلاتى تكون محدودة و محددة و محصورة فى الاتى مقال منشور فى موقعين تحت اسمين مختلفين تاريخ النشر موجود اسم الكاتبين موجود حاتم ابراهيم سودانيزز اون لاين 2014 معروف ابو الحسن .. طالب ماجستير كلية العلوم .. جامعة الخرطوم 2010 و طلبى واضح من الاخ حاتم تكّرم بالرد فبها ما تكرم بالرد ما فبها ____ ناس العزومات و جر الموضوع لى سكك تانية الحتّة دى انتو ما ناسا و اعرف تماما كيف ادير هذا البوست
10-03-2017, 07:07 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
إذا حاتم إتجاوز اللائحة بتاعة المنبــر يتحاكم باللائحه ومافي زوول بقدر يقول لي بكري غلطان لكن قصة ( ضرب النار دي وكل زول شايل ليه بندقية في كتفه وعاوز يشتغل سنايبر دا موضوع تاني) ما عنده علاقة بلوائح المنبر
اول حاجة اعترض على تسمية فراش تانيا ما انت البحدد متين يترفع و ما محتاج لى شورتك ارجع عاين لى موضوع البوست شنو و شوف الجا شايل غبينتو منو
حاتم فى وضع انو تجاوز حقوق النشر و الملكية الفكرية لو عندك حاجة فى الحتة دى اهلا و سهلا ___ نفس الكلام لى بتاع الشطر الميت
10-03-2017, 07:17 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: حاتم فى وضع انو تجاوز حقوق النشر و الملكية الفكرية لو عندك حاجة فى الحتة دى اهلا و سهلا
الكلام دا عنده محاكم ونيابات متخصصه بقضايا الملكية الفكرية يعني المتضرر يمشي يفتح بلاغ يتهم فيها حاتم بإنتهاك حقوق النشر والملكية الفكرية
البوست دا منتهي وولد ميتا , كان ممكن يكون فعلا موضوع إذا الرفعه زول ما بطارد حاتم عشان كدا أي زوول متابع البورد حيعرف طوالي البوست دا إمتداد لبوستات مطاردة حاتم
10-03-2017, 07:19 PM
جلالدونا
جلالدونا
تاريخ التسجيل: 04-26-2014
مجموع المشاركات: 9390
Quote: كان ممكن يكون فعلا موضوع إذا الرفعه زول ما بطارد حاتم
ده ياتو منطق في الدنيا البيخلّيك تقّل من شأن الموضوع ، فقط عشان صاحب الموضوع مطارِد و عندو مصلحة ؟ الأمانة بتقتضي إنك تقول رأيك في الشي المطروح بغض النظر عن دوافع صاحب البوست و رأيك فيه . بمنطقك ده حاتم ما كان وجد روّاد لبوستاتو .
10-03-2017, 07:23 PM
عمر التاج
عمر التاج
تاريخ التسجيل: 02-08-2008
مجموع المشاركات: 3428
أكن للأخ حاتم كل اعجاب و تقدير ، وللاخ جلال كل الود والتكبير وأجد نفسي في مكان وسط من أغلب صراعات البورد، اللهم إلا ما تطلب رأيا موضوعيا بحتا . ولكن عدم تداخل حاتم - والذي شبهته بصديقي المجتهد سابقا - في هذا البوست حتى الآن لا يبشر بخير على الأقل ينتظره القراء ليؤكد على الفرضية الراجحة بأنه ( مين داك بتاع جامعة الخرطوم) كل القرائن تشير إلى أنه استخدم ذلك الاسم غير الحقيقي واستعار تلك الصورة التي لا تمثله ، وادعى الانتماء لجامعة الخرطوم زورا ، لشيء في نفسه ، وما ينتظره منه القارئ بعض الاحترام والتعبير دفعا للكلام الموجه له هنا وهو الذي اشتهر بسرعة الرد على مايعنيه وما لا يعنيه في البورد. مع خالص الود للجميع
الشبح عبدالعظيم كمن يحاول تغطية عين الشمس بغربال إتقبضتوا بالثابتة يا شبح وزولك دا البوست الوحيد الما عتبوا صدقني بفقد كتير بعد الفضيحة دي خاصة خاتي في محل صورتو صورة محتال أكاديمي نيجيري السؤال المهم هو شنو في هويته الفظيع عشان رغم كل اهتماماته اللغوية وكتاباتو المعقولة يتخبى عمر التاج قال في واحد عندو نفس الإهتمامات دي شغال في وزارة الخارجية وربما يستشف إنه على وفاق مع الكيزان أهلنا قالوا الشينة منكورة (مخفية) فما هي الشينة في شخصية الشبح حاتم الحقيقية
10-03-2017, 07:36 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
أي زوول عنده هوا سخن يجي يطلعه في البوست دا وبعدين شوفوا ليكم شغله تانية يعني البورد دا مافيه موضوع غير حاتم شقي الحال دا كل شوي موضوع وكل شوي بوست وبتتفننوا في البوستات
بعد ما الناس تقنع من خيرا في البوست ويتفتح بوست جديد وبرضه قبقبة ومطاردة
قبل كدا قلت ليك يا عبدالعظيم إتحداك تثبت إنه انت شخص حقيقي وعندها أعتذر وأتوقف عن الكتابة نهائياً في أي مكان.. ياخ على الأقل ربنا أدانا الحصافة لو ما أدانا غيره شبحيتكم هي جزء لا يتجزء من مساهماتكم والجو الغريب الخلقتوه وحقيقة العلاقات بين عدة أسماء وهمية خاصة في خانة الفيس بوك مع حاتم ماهر ناصر معروف عبدالعظيم ناصر زينب الخ الخ يا ريت لو ناس المنبر يتحدوا ويقرروا محاربة الظاهرة الشبحية في المنبر بعد إستفحالها. دي ما عدالة دي
10-03-2017, 07:55 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: قبل كدا قلت ليك يا عبدالعظيم إتحداك تثبت إنه انت شخص حقيقي وعندها أعتذر وأتوقف عن الكتابة نهائياً في أي مكان.. ياخ على الأقل ربنا أدانا الحصافة لو ما أدانا غيره
تعرف إنت زوول موهوم وذكرتني قصة الزول العميان وفتح لي ثواني وشاف ليه فار وعمي تاني بقي أي حاجة يتخيلها فار ( وكل شوي يسأل دي أصغر ولا أكبر من الفار)
انا رديت عليك قبل كدا قتليك ارجع للأرشيف بتعرف اذا أن شبح (زي ما بتتوهم) وخليك عندك الشجاعة وتوقف عن الكتابة اذا فعلا إنت عارف نفسك بتكتب شنو وإذا زول عندك وسواس ساي الله يشفيك
ارجع أمشي فتش وأبحث قبل ما تجي بردلب واقع بي وشك وتقعد تقابض في الناس زي المجنون (دا شبح ودا ما شبح)
خلي حركات التهرب يا شبح وعارف نفسك شبح إتحداك أكتب عنوانك هنا وأنا بكتب عنواني دي لو كنت جاد عاوز تثبت إنك ما شبح أو أتحدك قول إتخرجت من ياتو كلية وياتو سنة وأنا سأفعل المثل
الشبح عبدالعظيم البورد فيه مئات المواضيع المميزة والمعافاة إلى أن يعتب عليها الشبح الآخر بعد أن يخلص من مطاردة كبر لكن عينك ما بتشوف إلا البقع السوداء وسط الدواير البيضاء الكبيرة وأصلاً قالوا الشر بيعم والخير بيخص أنا فاهم قصدكم أيتها الأسامي الشبحية المأزومة قصدكم تخربوا البوست دا وتحرفوا وجهته لكن عبثاً تجتهدون أكثر ما تفعلونه ستحفظونه عالياً في المقدمة دائماً وكل يوم سيقرأ الآلاف عن إنفضاح بعض مخازي الأشباح حاتم
10-03-2017, 07:50 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
يا عظمة اسمح لي اخالفك في مسالة الحقوق و الملكية على الأقل ما تعارفنا عليه في البورد, وانت قديم التسجيل من 2006 اكيد مرّت عليك عدّة كيتات دوّرت في موضوع النقل والإشارة للمصدر دا حتى ثقافة القوقلة تم تطويرها من هنا, أكان قلت السلام عليكم هناك من يقوقلها لك فا على حاتم ان يشارك في البوست او ان لم يشا يمكن الرد في الموضوع في بوستات اخرى, ويمكنه ايضا ان يطنش هذا حقه في النهاية لكن ايضا للاعضاء و القراء حق الحكم و اساءة الظن في الحالة دي دا بصفة عامة لكن في ما يخص الموضوع دا تقريبا هناك شبه اجماع من المتداخلين عدا القليل ان الموضوع لحاتم وانه هو نفسه الكاتب, يبقى سؤال لماذا اختار ان يكتب تحت هذا الإسم دي في النهاية الإجابة عليها من عدمها تقديرها يرجع له وليس من حق احد ان يفرض عليه ان يجيب في امر شخصي لحدث جرى خارج البورد وبرضو من حق القارئ و العضو ان يفترض ما يشاء من سيناريوهات و يسيئ الظن.
10-03-2017, 07:55 PM
محمد محمود محمد
محمد محمود محمد
تاريخ التسجيل: 02-04-2013
مجموع المشاركات: 910
محمد البشرى متين الناس بتبدأ تفتش ورا الزول و تحاول تثبت هويتو ؟ أكيد لما يكون في ناس إتضرّرو منو .. مثال معاوية او جلالدونا او الفحل ، ماف زول بحث عن شخصياتهم ، طالما هم ناس متوازنين و كتاباتهم لاتتعدّى إبداء الرأي في الإطار المقبول. بالنسبة لشخصيات معروفة إتسمت بالعنف اللفظي و الإساءة و التعدّي على الناس ، واحد من أسباب أفولهم في البورد إنهم ناس معروفين ، تخيّل واحد منهم داخل بإسم مستعار أو زي ما كان بيحدث في نافذة الفيس .. ما كان في شخص عاقل قدر يستمر في البورد . كلامي بصورة عامة بالطبع ، ما بأعني حاتم شخصياً إلى أن يثبت إنو شبح و كل المعرّفات دي تبعو .
10-03-2017, 08:00 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: لكن في ما يخص الموضوع دا تقريبا هناك شبه اجماع من المتداخلين عدا القليل ان الموضوع لحاتم وانه هو نفسه الكاتب
كدي يا ود البشري أحسبها نسبة وتناسب شوف المتداخلين اللإنت ذكرتهم ديل كم في المية منهم عندهم مشاكل مع حاتم عشان كدا الإجماع دا ما عنده قيمة كأغلبيه في رأي بشأن الزميل حاتم (طوالي تربطه بدون ما تفكر بالمطاردة) وبعدين تشوف باقي القصه
10-03-2017, 08:03 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
معليش يا جلالدونا أنا عارفو بجرجرني عشان أخرب معاه البوست بس دا آخر رد عليهعبدالعظيم أنا اتهمتك بإنك شبح بكل الجدية وانت بتمارس الزوغان من تهمتي المفروض إنها تهمة غير ساهلة في حقك.. لا تفسير لذلك سوى إنك شبح وبالعدمإتحداك تتجرأ على صفاقتي وباطل إتهامي وتثبت أني متوهم..عارف حترد بكلام مموه ولسبب واحد لأنك عاجز عن إثبات عدم شبحيتك المساندين حاتم كتار غيرك لكن ما حصل حد قال دنقس شبح، أو جمال ودالقوز شبح، أو محمد الأمين موسى شبح ، أو قسم الفضيل شبح أو القاضي شبح أو عبدالمنعم الطيب شبح لكن قلنا عبدالعظيم وحاتم وياسر احمد أسماء هوائية
كدي يا محمد البشرى حقو نمسك الحاجات بهدوء ونعرف من ياتو حد أدنى نحا مختلفين, وده مهم عشان ما نختلف في اشياء لم نصل, بعد, لمرحلة الاختلاف حولها ..
هل تتصور انو الشبح الاسفيري هو كيان معدوم مثلا ؟! احنا عارفين انو في زول حقيقي قاعد (منقب) في مكان ما ويتنقل في هذا الاسفير باسماء متعددة ويتخذ ويسعى لهذه الوضعية ويستثمرها تماما في ادارة صراعاتو الاسفيرية .. .. الزول ده تعريفنا (او تعريفي) ليهو بانو (شبح اسفيري) .. ...
اذا كنا متفقين انو ده تصور صحيح لمفهوم الشبح الاسفيري نكون تجاوزنا المحاججة بان الناس ما شافت شوف العين عبدالحفيظ ابوسن* وما عارفين شكلو واحتمال موجود انو عبدالحفيظ يكون في اول عهدو بالاسفير كتب باسم (ود كوستي) في منبر (كوستي للجميع) بالتالي احتمال انو يكون "شبح اسفيري" مساوي ومعادل تماما او قريب من احتمال كون اليوزرنيم (حاتم ابراهيم) شبح اسفيري
شخصيا اعتبر مثل هذا ال Dilution للموضوع لمصلحة حاتم ينطلق من رغبة اكيدة منك في الاصلاح ولكن .. اعتقد شخصيا بأن ذلك يزيد من التعقيد والاحتقان .. او هو عندي كذلك على الاقل ..
كلمات مثل إحترام الخصوصية هي كلمات مؤججة للاحتقان .. تعرف ليه يا محمد ؟! لانها اسواء من مدلول عبارة (كلمة حق أريد بها باطل) .. ولأنو الواحد جزء كبير من احتمالو نابع من انو الناس .. غالبية الناس الكويسين عارفين كويس الحاصل شنو .. وعارفين كويس انو انا او اي واحد من الاخوان الذين تأذوا من هذا الحساب مافي زول فيهم مشى دق باب الشبح الاسفيري لانتهاك خصوصيتو كي ترفع راية (انتهاك الخصوصية) على اسنة الرماح نحوهم ..
انتهاك الخصوصية افهمه ان أكتب باسمي الحقيقي ويتم تشخيصي باضطراب نفسي او يتم تناول أدائي المهني.. انتهاك الخصوصية يكون بأن أكتب باسمي الحقيقي واكتب ما اريد بوضوح شديد ويأتي من يحرف كلامي كما يريد .. انتهاك الخصوصية ان يكتب معاوية الزبير باسمه الحقيقي بوستا عن المؤهلات الاكاديمية ليأتي من يتهمه بالكذب في نواياه الحقيقية .. شفت كيف انتهاك الخصوصية يا محمد .. اين كانت عبارات من شاكلة أن فلان من حقو تماما أن يكتب رأيه في الجدوى من الشهادات الاكاديمية؟!!
الوضعية هنا ليست وضعية احترام للخصوصية احترام الخصوصية مبدأ أصيل للجميع ولا علاقة له على الاطلاق بالتخفي .. نحترم خصوصيتو لو كتب باسمو الحقيقي ... ونحترم خصوصيتو لو كتب باسم (اللحو) او (الفراش الحائر) .. رغبة التخفي في عضمها لا علاقة لها بالخصوصية واحترامها .. هي محفوظة في كل الحالات .. العلاقات المباشرة بهذه الرغبة قد تكون ضرورات أمنية مثلا .. ونحترمها جدا لو كانت .. وضع اجتماعي او وظيفي لا يسمح .. ده كلو مفهوم جدا ومافي زول تجاوزو هنا اصلا .. وأما رغبة ساي في ممارسة الاساءات وحرية اضافية لممارسة السخرية والتندر ومطاردة الناس وملاحقتهم دونما قيود على الاطلاق .. فمعليش والله .. ليس هنا مجال لرفع راية احترام الخصوصية
قلت من اين لنا هذا اليقين ؟!!
لا نحتاج لليقين اصلا .. نحتاجو في شنو مثلا ؟! نحنا ما محتاجين نمشي نتقصى فكرة حاتم او علان من انو يكتب تحت اسماء مستعارة مصدرها شنو .. نحنا شفنا حاتم بستغل هذه الوضعية في ايذاء الآخرين .. وجينا قلنا انو متخذ هذه الوضعية لهذا السبب بناء على النتيجة/الاثر القدام عيوننا ..
يكون والله عندو اسباب تانية .. ضرورة امنية مجتمعية وظيفية او اي سبب تاني .. ده ما بغير النتيجة القدامنا دي .. ومافي زول ذاتو شغال بيها عشان يمشي يفتش عن اليقين .. هو اتخذ هذه الوضيعة للاساءة لي انا .. اقوم اقول انا والله ما عندي يقين مكتمل الاركان انو هو في الحقيقة ما سعى لهذه الوضعية بغرض الاساءة لي بصورة حصرية .. ويقع على (عبء) الافتراض انو احتمال انو والله ممكن يكون في حاجه تانية !!!!
النقطة التالتة يا محمد ... ما بيناتنا اعتذار على الاطلاق .. وانما اختلاف بنختلفو هنا واتفاق بنتفقو هناك وانت اخ عزيز جدا ولكن .. نجي لنوع تاني من ال Dilution بتاع انو المسالة اعتداءات متبادلة وليس بالضرورة ان حاتم هو البادي ومثل هذا الكلام ...
قطعا لكل واحد من الذين تأذوا من حاتم (الا يلفت الانتباه الحديث عنهم كمجموعة) قصة مختلفة ولكن .. عني شخصبا لم ابادر على الاطلاق .. وانما مددت حبال الصبر طويلا .. بدأ الامر من هذا البوست .. حاديك رابط بوست قراءة ثانية حول مداخلة مولانا الملك .. قراءة ثانية في ملخص مولانا الملك حول مسألة المؤهلات .. قراءة ثانية في ملخص مولانا الملك حول مسألة المؤهلات .. ثم هذا البوست باركوا لي الخ .. باركوا لي حصولي على التخصص الثاني في الاورام من البورد الامريكي ..باركوا لي حصولي على التخصص الثاني في الاورام من البورد الامريكي ..
ثم بوست النور حمد ..
شخصيا لا اقبل اي كلام من شاكلة ليس بالضرورة ان يكون حاتم هو الباديء وان المسالة اعتداءات متبادلة .. لا اقبل هذا لانو غير صحيح .. هناك اعتداء واستفزاز مستمر وعابر للبوستات .. تبينته من اول الامر والتمست للزميل (انذاك) بعض الاعذار فسكت عليه زمنا قبل ان ارد ..
أخيرا يا محمد كلامك حول التعامل مع الخلاف بصورة مباشرة !! انا والله متفق معاك لكن اسألك ذات السؤال السألتو أنت -محقا- لكمال عباس .. نعمل شنو بالتحديد غير انو نقول انو هناك خلل اساسي يتمثل في وجود شخصية تتخفى تحت اسماء مزيفة وتتخذ هذه الوضعية لالحاق الاذى باعضاء المنبر المختلفين معاهو في الرأى .. ممكن نعمل شنو تاني .. نقيف من الكتابة وننأى بانفسنا من هذا المستنقع الآسن .. ولا نمشي نشتكي للادارة .. ولا نسكت .. ولا نعمل شنو بالتحديد لمخاطبة هذا الخلاف بصورة مباشرة كما تفضلت.. ؟!!
10-03-2017, 08:45 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
بعد اذنك يا دوك ارجع ليك بكرة, عايز اركز وانا اتناول كلامك دا, لا اريد ان ابدو متحيزا أو أضع نفسي في حذاء حاتم وأرد نيابة عنه بكرة بعد القهوة و الروتين الصباحي ان شاء الله موعدنا
10-03-2017, 08:52 PM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
انا ما عارف يا عبد العظيم انت مصور الامر كأنو تكالب على حاتم الموضوع غير كدا خالص حاتم عضو في المنبر ومهم جدا سيرتو في المنبر تتسق مع ما يدعو اليه من استقامة في الطرح وتركيزو على مسألة الانجازات. مافي شيء غير يدخل ويبادر مستبعدا موضوع المطاردة بالاجابة على سؤال صاحب البوست هل الاسمين تبع حاتم ولا لا . لو كانت الاجابة نعم 60 في المائة من حمولة البوست دا حتنزل لانو ليس هناك ما يمنع ان يكتب شخص في عدة مواقع لو كانت الاجابة لا تبقى قضية تانية . انا موضوع معروف الحسن دا قريتو تقريبا في 2011 لانو الموقع دا كنت متابعو ولما حاتم نزل الموضوع هنا كنت مشكك هل هو الموضوع الانا قريتو زمان ولا بشبهو وما اشتغلت بمسالة التحقق فيهو لطبيعة الموضوع الما داخلة في اهتماماتي.
10-03-2017, 09:31 PM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7216
سلام يا عبد العظيم ما متتلحك والله لكن ياخي ما ممكن قبل اسبوعين بالضبط تكتب:
Quote: يا أميـــر اذا ثبتت السرقة الأدبية (أسلخه بدون نفخ )
و تجي الليلة تكتب:
Quote: الكلام دا عنده محاكم ونيابات متخصصه بقضايا الملكية الفكرية يعني المتضرر يمشي يفتح بلاغ يتهم فيها حاتم بإنتهاك حقوق النشر والملكية الفكرية
___________________________________________
بالنسبة لموضوع البوست، حاتم إبراهيم أثرى المنبر بكم هائل من الكتابات و المواضيع المفيدة.. لا يهمني ما إذا كان يجمعها من ذاكرته او من مصادر ورقية او الكترونية. مشكلة حاتم هي قدرته الفائقة على إستعداء محاوريه و الإنجرار وراء الصراعات التي تستهدف مخالفيه في الرأي، رغم أنه لا يسب و لا يشتم و لكن حواراته تتسم بالسخرية و إستفزاز المحاورين. لذلك لا أجد غرابة في أن يكون لديه عدد من الخصوم , موضوع البوست هو تطابق ما كتبه حاتم إبراهيم مع ما كتبه من قبل معروف ابو الحسن، رغم وجود بعض الدلائل التي تشير إلى أنهما شخصية واحدة، إلا أن الموضوعية نقتضي مني أن أعتبر أنهما شخصيتان منفصلتان إلى حين أن يثبت حاتم إبراهيم أنه هو نفسه من كتب قبلاً تحت إسم معروف ابو الحسن. إذا فشل حاتم في إثبات ذلك يعتبر هذا التطابق في الكتابة سرقة ادبية. إذا ثبت أن حاتم هو نفسه معروف ابو الحسن فلا أرى مشكلة في الكتابة بأسماء مختلفة في منتديات مختلفة.
10-03-2017, 10:12 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
حاتم دا زول نجيّض وكان كتبت إسمو يجيك خاوي زي الصقر، شئ عجيب ؤ غريب إنو ما يظهر في البوست دا حتي الآن وصار ينسحب من المنبر تدريجياً حسب إحساسي، وحسب ظني إنو الشخصية دي سوف تنسّل من المنبر بشويّش بِشويّش، ويظل القوم هنا يسهرون ويختصمون و يفنجطون ويرفسون وهلُمّ جرة وزير كمان ...
10-03-2017, 10:21 PM
جلالدونا
جلالدونا
تاريخ التسجيل: 04-26-2014
مجموع المشاركات: 9390
بس لكن هنا بتهمنى صفة معروف ابو الحسن فى حال كونه حاتم هل هى صحيحة او غير صحيحة
عبء إثبات أن حاتم إبراهيم كتب الموضوع المنشور سنة 2010 تحت إسم معروف ابو الحسن يقع على حاتم إبراهيم. حاتم هو المطالب بهذا الإثبات و إلا فإن النظرة المحايدة و الموضوعية تقول بأنهما شخصين مختلفين و أن حاتم قد إنتهك حق الملكية الفكرية.
10-03-2017, 11:35 PM
وهبه الشبلي احمد
وهبه الشبلي احمد
تاريخ التسجيل: 05-08-2016
مجموع المشاركات: 398
. .. ... بمقارنة اسلوب حاتم ومعروف في الموقعين المختلفين ... نجد أن بصمة الكتابة في الحسابين تكاد تكون متطابقة ... نفس التكتيك ونفس طريقة التداخل بالجوز والعلاج بالصدمة ... اذا كان هدف هذا البوست هو محاولة اكتشاف سرقة المقال موضوع البوست زي ما ذكر صاحبه ، فقد فشل هذا المسعى في رايي لتشابه الاسلوبين الى حد كبير ... عليه يشيع هذا البوست الى مثواه الاخير وينتهي العزاء بانتهاء مراسم الدفن .... . . . . . ولكن تنبع أهمية هذا البوست في اعتقادي فانه سيمثل نقطة مفصلية هامة وحرجة لمسيرة حاتم في المنبر ... . .. ...
10-04-2017, 00:34 AM
وهبه الشبلي احمد
وهبه الشبلي احمد
تاريخ التسجيل: 05-08-2016
مجموع المشاركات: 398
خليني اختلف معاك شوية ، فمشكلة حاتم سوناتا لم تبدا معك في هذا البوست ! وانما بدأت معك في بوست الكاونتربوينت !!!
نعم بوست الكاونتربوينت زاطووو ماغيرو !!! ابوست الذي شهد هزيمة معروف أبو الحسن !
وخليني اذكرك بان المستنير تواصل مع مستر روبرت استرين واتي منه بخطاب واضح بان كل كاونترميلودي يعتبر كاونتربوينت لم يعجب الكلام حاتم سوناتا فقرر ان يخاطب روبرت بالطريقة البعرفها هو ، وفعلا بعث بايميل لمستر روبرت. واتي رد مستر روبرت بايميل لحاتم سوناتا ،وسوناتا جا جاري بالرد ليفند مزاعم المستنير ، وقراء الايميل بمزاجة هو وبطريقته ليؤكد ان كلام المستنير غير صحيح !! لحدي هنا دورك انت شنو ؟؟؟
نعم تداخلت انت وكان ردك التالي:
[((((( كاونتربوينت؟ (Re: حاتم إبراهيم)
المتابعة صعبة لمعرفة ما يحدث ولكن أتمني عودة الأخ حاتم إبراهيم "أحد كائنات المنبر الجميلة جدا" ..
لفت انتباهي ان الرد الي كتبه الموسيقي روبرت ليس لمصلحة حاتم على الاطلاق ... كما وأعتقد أن حاتم قد أخطأ في قراءته نوعا ما
Quote: Counter-melody is simply a second melody that plays along with another melody. This is one example of counterpoint. How important the counter-melody is in relation to the melody can only be assessed on a case by case basis. It is just a general term with no significance beyond what I articulated abov
التقييم case by case هو لمدى أهمية الكاونتر ميلودي وليس لكون الكاونترميلودي تمثل نموذجا من نماذج الكاونتربوينت .. أقول لك عطفا على فهم الكلمات المباشرة لا الموضوع )))))
أعلاه ردك في بوست الكاونتربوينت بين الاقواس..
مداخلتك أعلاه ورغم بساطتها وحسن النية فيها من اجل توضيح الأمور ووضعها في نصابها الصحيح الا انها لم تعجب السيد معروف ابدا. . وقد افرد لك ردا في صفحة كاملة (وقتها كان يتم تعتيل ردوده من منبر مجاور) وقد كان وقتها يعاني في الدخول للمنبر وقد ذكر بانة موقوف واتهم شخصيات معينة بانها وراء إيقافه مما حدا بالريس بكري التدخل شخصيا لتأكيد ان حاتم غير موقوف ،وشبكك في الحتة دي بتفق معاك وفي الحتة ديك لا وانت عارف لولوته! مداخلتك أعلاه وضحت للكثيرين وانا منهم ومن لم يدقق في (ترجمه) وقراء علي ماهر للايميل انه اما حاتم سوناتا لا يجيد حتي قراءة ايميل بالإنجليزي او انه غير امين في الترجمة مما فتح الافاق عاليا لكثيرين للتشكيك في كل ما يقول اخونا معروف أبو الحسن. مداخلتك أعلاه فعلا غيرت مسار البوست حتي وصل الي نتيجة وهو هزيمة سوناتا ورفاقه شر هزيمة. من وقتها وحاتم سوناتا خاتك في القائمة السوداء ولابد ليك هههه. فهو يعرف تماما من تسبب في خسارته . عندما فتح الأستاذ معوية بوست الشخصيات الاسفيرية بعد ان قرر الموصلي الابتعاد ، بدا باستهداف الأخ معاوية الزبير. في بوست مولانا المك عن الشهادات واثرها تداخلت انت ولكنة ما كان فاضي ليك فوقتها المستهدف معاوية ! عندما فتحت بوست متصل بموضوع التخصص أيضا لم يكن مستهدفك انت فقد كان مواصل في حملته علي معاوية! عندما نزلت انت موضوع زمالتك الجديدة لم يستطيع ان يصبر عليك اكثر وتملكه الغضب الشديد والباقي انت عارفو براك. وفي بوست الهوية السودانية كان وقتها قد انتهي من معركته مع معاوية وتفرغ لك تماما.او بالاحري هو استدعاك للنقاش حتي ينفرد بك فوقتها لم يكن هناك أي عدو يلوح في الطريق سواك انت. وفي بالو تأثيرك الكبير في بوست الكاونتربوينت .! ما بنسي حقو ..ههه يا دكتور حاتم دا قلبو اسود من الفحمة وهو لا ينسي ابدا من يقارعة الحجة بالحجة. زول ما بفكر الا في الانتقام لمن كانت فكرتة اصح منه. زول لا يعرف للنقاش معني من دون المرارات والانتقام . زول موقوف في المنتديات وبأسمائه الكثيرة بسبب قلة الادب وعدم احترام المحاور ولا ادب النقاش! سواد قلب وسواد نية لا يمكن ان ينتج منها جو معافي للنقاش وتبادل المعلومات في منبر عام. الا سؤال كدة يادكتور هو الزول دا وينو ليهو يومين ماظهر؟؟؟ +++ اظهر وبان يا....معروف (الرصافي)
10-04-2017, 03:06 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
يظل بوست الرابط بتاع الحوار بين معروف وصهيب من أمتع الحوارات التي قرأتها، وقد جملت علي اليومين ديل! لاحظ لصورة بروفايل معروف، صورة خالية من التعابير، تقول للمحاور: لا دايرين سلام لا هظار بس تطقطق
يا حاتم، أو أي كان اسمك لقد أمتعتنا جدا في هذا المنبر وصدق ود المشرف في وصفك: "أنت أحد كائنات المنبر الجميلة جداً" لم ولن يمر زول بهذه المتعة
أتشرف بأنني الوحيد الذي استطاع الاختلاف معك بمحبة يا حلو
10-04-2017, 05:03 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
قبل كم سنة انشبك البورد دة في التحقق من اسم .. وتوالدت البوستات بشكل مزعج ف شنو الجد يعني اتفق مع بكري و معاوية الزبير انو حاتم شخص محفز للحوار . وله قدرة علي تنويع المواضيع . وقدرة علي الاستنباط وهضم ما يعج به السايبر . الاشكالية كلها في انه حاد في ردوده ولا يقبل منطق الآخر بنفس بارد ولا ينسي ودالمشرف تحدث حديثا جيدا وكذلك معاوية حول التعرض الشخصي حاتم من الذين احب ان اقرأ لهم . فقط اني قرأت له تعليقا لم يعجبني حول ضياع زمننا في البكيات والمجاملات وفي ظني ان البورد مجتمع وليس صف اكاديمي . الناس بتتونس احيانا وتجامل وتواسي وتهاظر وبرضو تنتج معرفة ووعي الداير اقولو الناس ما رافضة حاتم ولكن مستهجنة اسلوب تعرضه للآخرين . وما دام اباح لنفسه التعرض الشخصي للآخرين فيجب ان يعرفو شخصه
10-04-2017, 05:12 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20554
قبل زمن كتبت لك أن حاتم شخصية روائية، وهذا لا يعني انه "عبقري"،
وتلك الشخصية الروائية تتطلب ثلاثة ميمات "المحقق والمحلل النفسي والمؤرخ"...
ظني ان المقال لحاتم ، لكن معلومة انو في الجامعة وطالب ماجستير دي ماكنة ساكت كي يتم قبوله ضمن تلك الجمعية، لأن حاتم معقد من الشهادات، ويكره الأكاديميين والمشهورين.
ويبدو أن عدم مجيئه مرتبط بمسألة انتحال شخصية طالب يحضر للماجستير.
حسب كلامه عندما تم الضغط عليه ، قال انه درس فقط الثانوي، وكهرباء..
ومن لغته العربية الفصحى المتهالكة، وعدم معرفته بطريقة إيراد المصادر والمراجع،
يبدو جليا انه لم يتلق تعليما أكاديميا منتظما ومؤسسا.
كل كلامي سابق الذكر مجرد تكهنات:
"المقال له، والمعلومة عن تحضير الماجستير في جامعة الخرطوم مضروبة"...
10-04-2017, 06:37 AM
عمر دهب
عمر دهب
تاريخ التسجيل: 10-19-2014
مجموع المشاركات: 2010
عبد الحفيظ يشهد الله إنت زول زعيم في المبنر ده و رجل محبوب وما تعتبر هذا الرد إنتقاص من معرفتك ، لكن مجرد سؤال . قلت : ( بعيدا عن مرامي البوست تهافت تعني تناقض وليس تفاهة تهافت الفلاسفة تعني تناقض الفلاسفة تهافت التهافت تعني تناقض التناقض) أولا: هل فعلا تهافت تعني تناقض ؟؟ ثانيا: وين أنا قلت إنها تفاهة؟ لك كل الود
10-04-2017, 07:31 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
حبابك ياسر وتشكر لطيب قولك لا أذيعك سرا انا قريتها وما عرفت القالها منو لكن فهمت وقتها هي تبرير للكلمة بإستلهام عنوان كتاب تهافت الغزالي ودخلت فقط من اجل الكلمة دون تعريض او نية سيئة واعتذر جدا ان فهمت انني اعرض بك او اجعلك في مرمي النيران غايتو يا ياسر اصلي ما بتوب .. قدر ما تحاشيت الدخول في الوكرة دي ما قدرت اعتذر ليك واعتذر لأي زول اشتم شبهة تعرض ليهو وألوم نفسي وفعلا تهافت تعني تناقض .. افتشها ليك تهافَت : (معجم الرائد) تهافت - تهافتا - (فعل) 1- تهافت القوم على الماء : تتابعوا عليه 2- تهافت على الشيء : تساقط عليه « تهافت على الشر » 3- تهافت الجدار : تهدم وتساقط قطعة قطعة 4- تهافت الفراش على النور : تساقط عليه 5- تهافت القوم : تساقطوا موتى 6- تهافتت الآراء : تناقضت 7- تهافت الثوب : بلي
10-04-2017, 07:43 AM
Yassir Ahmed
Yassir Ahmed
تاريخ التسجيل: 07-27-2017
مجموع المشاركات: 356
تسلم ياسر وكتر خيرك دي مترادفات .. الكلمة تعني اكثر من معني ولكن يفهم معني محدد في سياق الكلام . لو كان ذهني متوقدا الان لتذكرت كلمات تعني معان مختلفة وتفهم في موقعها
10-04-2017, 07:49 AM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
هيثم غالى محمد البشرى الخضر و من تبعهم بمداخلات من اجل مرّاقة لا تسمن و لا تغتى من جوع معطى انّو معروف ابو الحسن هو حاتم ابراهيم كشطر ميت ده حلّكم و مرحب بيهو بالنسبة لى العقدة هنا معروف ابو الحسن طالب ماجستير كلية العلوم جامعة الخرطوم لو عندكم درب مخارجة فى الحتة دى مرحب بيكم و إن لا ارقدوا عوافى
10-04-2017, 08:32 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
يا علي دفع الله، في واحد اسمو ديجانقو من أم شانق حاج ابراهيم، بتاع مشاكل وسريع سرعة عجيبة، يوم دقش ليهو واحد بنية كسر ليهو نخرتو وقام جاري في اتجاه رفاعة، الجماعة ساكنو بالجمال تاني يوم الصباح دربو جابم في حلّة جنب البنطون ناس الحلة قالوا ليهم: بلحيل جانا أمس المغرب وكان عندنا حفلة يعرض فوقها للدغش، والصباح ركب البنطون ومشى الحصاحيصا!!!
هيثم غالى محمد البشرى الخضر و من تبعهم بمداخلات من اجل مرّاقة لا تسمن و لا تغتى من جوع معطى انّو معروف ابو الحسن هو حاتم ابراهيم كشطر ميت ده حلّكم و مرحب بيهو بالنسبة لى العقدة هنا معروف ابو الحسن طالب ماجستير كلية العلوم جامعة الخرطوم لو عندكم درب مخارجة فى الحتة دى مرحب بيكم و إن لا ارقدوا عوافى ======================
يا ابو الجل ياخي لك من العوافي ضعف التي رقدنا عليها
شكلك ما فهمت مغذى مداخلتي نهائي
غايتو لو كان هدفك اثبات انو حاتم هو معروف .. بتكون غير طموح نهائي
يعني شنو؟؟؟؟؟؟؟ سو وات؟؟؟؟؟
الليلة لو حاتم دا استخدم حساب تاني باسم معروف دا داخل حوش بكري دا
كان الكلام بكون تاني وله نكهة وطعم تاني خالص
لكن خارج المنبر مالناش دعوة بيهو
الجانب القوي يا جلال هو جانب اثبات السرقة المقصودة للمقال
اذا قدر اثبتو دي هي الضربة القاضية يا معلم
بعدين ياخي انا شخصياً ابداً ما قاعد احاول اكوس في مراقة لي حاتم
ما كل الما معاك ضدك يا فردة وللا شنو
يعني الا نشيل فراراتنا ونقيف قدام هههههه
10-04-2017, 08:35 AM
Hassan Makkawi
Hassan Makkawi
تاريخ التسجيل: 02-27-2008
مجموع المشاركات: 6157
Quote: كدي يا محمد البشرى حقو نمسك الحاجات بهدوء ونعرف من ياتو حد أدنى نحا مختلفين, وده مهم عشان ما نختلف في اشياء لم نصل, بعد, لمرحلة الاختلاف حولها ..
هل تتصور انو الشبح الاسفيري هو كيان معدوم مثلا ؟! احنا عارفين انو في زول حقيقي قاعد (منقب) في مكان ما ويتنقل في هذا الاسفير باسماء متعددة ويتخذ ويسعى لهذه الوضعية ويستثمرها تماما في ادارة صراعاتو الاسفيرية .. .. الزول ده تعريفنا (او تعريفي) ليهو بانو (شبح اسفيري) .. ...
اذا كنا متفقين انو ده تصور صحيح لمفهوم الشبح الاسفيري نكون تجاوزنا المحاججة بان الناس ما شافت شوف العين عبدالحفيظ ابوسن* وما عارفين شكلو واحتمال موجود انو عبدالحفيظ يكون في اول عهدو بالاسفير كتب باسم (ود كوستي) في منبر (كوستي للجميع) بالتالي احتمال انو يكون "شبح اسفيري" مساوي ومعادل تماما او قريب من احتمال كون اليوزرنيم (حاتم ابراهيم) شبح اسفيري
شخصيا اعتبر مثل هذا ال Dilution للموضوع لمصلحة حاتم ينطلق من رغبة اكيدة منك في الاصلاح ولكن .. اعتقد شخصيا بأن ذلك يزيد من التعقيد والاحتقان .. او هو عندي كذلك على الاقل ..
صباح الخير يا دوك, اليوم كنت مشغول شوية فا معذرة على التأخير ونعم متفقين على تعريف الشبح الاسفيري اعلاه - زول يخفي نفسه ويستخدم اسم او عدة اسماء مستعارة لادارة صراعاته, لكن اختلف معك في نقطتين او تلاتة اولا الحديث عن سودانيزاونلاين لا عن غيرها من المواقع, فلي رأي في كيفية الحصول على مثل هذه المعلومة ثانيا: هل ينطبق هذا الوصف على اليوزر نيم حاتم ابراهيم! هل تستطيع بكل ثقة ان تقول انه اسم غير حقيقي ولا يوجد شخص بهذا الإسم وعندك من الأدلة ما تراه مقنعا و يصمد امام التفنيد؟ ثالثا في النقطة الأخيرة التي ترى فيها تخفيف مني, خليني اسألك - اعلم اني سألته من قبل لكنه مهم - لولا ان محمد مختار اثر شكلة مع حاتم قام بالبحث و اتى بسيرة علي ماهر ولولا ان صاحبا لينا اكلته يده من قعاد ساي قام فتش على موضوع صابر الحسن وباصاه لجلالدونا , لولا ما سبق ما الذي يدعوك لتظن بشبحية وزيف الاسم حاتم ابراهيم!
Quote: كلمات مثل إحترام الخصوصية هي كلمات مؤججة للاحتقان .. تعرف ليه يا محمد ؟! لانها اسواء من مدلول عبارة (كلمة حق أريد بها باطل) .. ولأنو الواحد جزء كبير من احتمالو نابع من انو الناس .. غالبية الناس الكويسين عارفين كويس الحاصل شنو .. وعارفين كويس انو انا او اي واحد من الاخوان الذين تأذوا من هذا الحساب مافي زول فيهم مشى دق باب الشبح الاسفيري لانتهاك خصوصيتو كي ترفع راية (انتهاك الخصوصية) على اسنة الرماح نحوهم ..
لا يا صديق, استخدامي لمسالة احترام الخصوصية نابع عن قناعة لا مسألة تأجيج ولا في سياق كلمة حق اريد بها باطل, كل عضو له حق ان يتخير ما يفرج عنه من معلومات اي سؤال عن زيادة اراه انتهاك خصوصية وهذه مسألة عامة وتنطبق على الجميع غض النظر عن الموضوع المدور حاليا و التفاصيل المذكورة من حق حاتم او غيره بعد ان استوفى شروط العضوية ان يخفي أو يعرب عن ما يشاء من معلومات عن نفسه.
Quote: انتهاك الخصوصية افهمه ان أكتب باسمي الحقيقي ويتم تشخيصي باضطراب نفسي او يتم تناول أدائي المهني.. انتهاك الخصوصية يكون بأن أكتب باسمي الحقيقي واكتب ما اريد بوضوح شديد ويأتي من يحرف كلامي كما يريد .. انتهاك الخصوصية ان يكتب معاوية الزبير باسمه الحقيقي بوستا عن المؤهلات الاكاديمية ليأتي من يتهمه بالكذب في نواياه الحقيقية .. شفت كيف انتهاك الخصوصية يا محمد .. اين كانت عبارات من شاكلة أن فلان من حقو تماما أن يكتب رأيه في الجدوى من الشهادات الاكاديمية؟!!
هنا ايضا اعتذر عن التعليق لأنه سيدخلني في تفاصيل و سيجعلني ابدو كمن يتحدث بلسان حاتم, لذا اكتفي بالقول ان ما اوردته ليس انتهاك خصوصية بالمفهوم الذي عنيته و اشرت له في سؤال حاتم عن لماذا استخدم معرف آخر في موقع آخر ولماذا اضاف صفة طالب ماجستير ما ذكرته انت اسمه اساءات, شتائم, تعدّي, استفزاز أو اي شيئ من العنف المفسد للحوار في الاسافير و الذي يتم التعامل معه بشكل وطريقة أخرى - قد تختلف من شخص لآخر - لكن قطعا ليس بالتشكيك في شخصية القائل !
Quote: الوضعية هنا ليست وضعية احترام للخصوصية احترام الخصوصية مبدأ أصيل للجميع ولا علاقة له على الاطلاق بالتخفي .. نحترم خصوصيتو لو كتب باسمو الحقيقي ... ونحترم خصوصيتو لو كتب باسم (اللحو) او (الفراش الحائر) .. رغبة التخفي في عضمها لا علاقة لها بالخصوصية واحترامها .. هي محفوظة في كل الحالات .. العلاقات المباشرة بهذه الرغبة قد تكون ضرورات أمنية مثلا .. ونحترمها جدا لو كانت .. وضع اجتماعي او وظيفي لا يسمح .. ده كلو مفهوم جدا ومافي زول تجاوزو هنا اصلا .. وأما رغبة ساي في ممارسة الاساءات وحرية اضافية لممارسة السخرية والتندر ومطاردة الناس وملاحقتهم دونما قيود على الاطلاق .. فمعليش والله .. ليس هنا مجال لرفع راية احترام الخصوصية
رايي هنا هو نفس رأيي اعلاه
Quote: قلت من اين لنا هذا اليقين ؟!!
لا نحتاج لليقين اصلا .. نحتاجو في شنو مثلا ؟! نحنا ما محتاجين نمشي نتقصى فكرة حاتم او علان من انو يكتب تحت اسماء مستعارة مصدرها شنو .. نحنا شفنا حاتم بستغل هذه الوضعية في ايذاء الآخرين .. وجينا قلنا انو متخذ هذه الوضعية لهذا السبب بناء على النتيجة/الاثر القدام عيوننا .. يكون والله عندو اسباب تانية .. ضرورة امنية مجتمعية وظيفية او اي سبب تاني .. ده ما بغير النتيجة القدامنا دي .. ومافي زول ذاتو شغال بيها عشان يمشي يفتش عن اليقين .. هو اتخذ هذه الوضيعة للاساءة لي انا ..
هنا اختلف معك, لا اعتقد كون حاتم اخفى معلوماته الشخصية - او لنقل استخدم اسم مزيف - افاد او اعطاه ميزة ما كان ليعطيها له اسمه الحقيقي ياخ هنا الناس وبأسمائها الحقيقية انتهكت كل الخطوط الحمراء و ابتزت وهددت و طاعنت و عايرت و تعنصرت و سبت الدين و الاب و الأم وكل المقدسات وكذّبت و افترت وما خلّت حاجة كل هذا وبأسمائها الحقيقية لا اعتقد ان اخفاء حاتم شخصيته اداه اي ميزة, نفس ما خاطبك به و غيرك عادي ممكن يقوله اي ممن تعرفهم حق المعرفة ومتأكد من حقيقة شخصياتهم, هسي لو طلع فعلا كلامك صاح والاسم حاتم ابراهيم غير حقيقي و جا و اعترف ان اسمه الحقيقي صابر ابو الحسن و اخد عضوية و نشر كل معلوماته الشخصية وتحقق منها الناس و قام اعاد نفس كلام حاتم بالحرف! ح يحصل شنو؟ و ح يفرق وقع الكلام عليك و الآخرين بشنو؟
Quote: اقوم اقول انا والله ما عندي يقين مكتمل الاركان انو هو في الحقيقة ما سعى لهذه الوضعية بغرض الاساءة لي بصورة حصرية .. ويقع على (عبء) الافتراض انو احتمال انو والله ممكن يكون في حاجه تانية
لا ما تقول كدا لكن اساسا دي ما هي المسالة السببت لك الأذى
Quote: النقطة التالتة يا محمد ... ما بيناتنا اعتذار على الاطلاق .. وانما اختلاف بنختلفو هنا واتفاق بنتفقو هناك وانت اخ عزيز جدا ولكن .. نجي لنوع تاني من ال Dilution بتاع انو المسالة اعتداءات متبادلة وليس بالضرورة ان حاتم هو البادي ومثل هذا الكلام ...
قطعا لكل واحد من الذين تأذوا من حاتم (الا يلفت الانتباه الحديث عنهم كمجموعة) قصة مختلفة ولكن .. عني شخصبا لم ابادر على الاطلاق .. وانما مددت حبال الصبر طويلا .. بدأ الامر من هذا البوست .. حاديك رابط بوست قراءة ثانية حول مداخلة مولانا الملك .. قراءة ثانية في ملخص مولانا الملك حول مسألة المؤهلات .. قراءة ثانية في ملخص مولانا الملك حول مسألة المؤهلات .. ثم هذا البوست باركوا لي الخ .. باركوا لي حصولي على التخصص الثاني في الاورام من البورد الامريكي ..باركوا لي حصولي على التخصص الثاني في الاورام من البورد الامريكي ..
ثم بوست النور حمد ..
شخصيا لا اقبل اي كلام من شاكلة ليس بالضرورة ان يكون حاتم هو الباديء وان المسالة اعتداءات متبادلة .. لا اقبل هذا لانو غير صحيح .. هناك اعتداء واستفزاز مستمر وعابر للبوستات .. تبينته من اول الامر والتمست للزميل (انذاك) بعض الاعذار فسكت عليه زمنا قبل ان ارد ..
الاعتذار كان لابد منه على الأقل لنفي تعمدي في توصيل الاحساس بالاستخفاف بالنسبة للباقي اعفيني من التعليق لأني إن عجزت عن السعي بالخير و اصلاح ذات البين فا لن انصّب نفسي حكما, وإن فعلت فعلي ان اسمع من الطرفين ولا رايك شنو؟ دي ابسط معايير العدالة. دا بالنسبة لي أما انت كطرف وترى انك صاحب حق لك ان لا تقبل اي تخفيف او تضييع للمسالة لك كامل الحق في ذلك.
إ
Quote: أخيرا يا محمد كلامك حول التعامل مع الخلاف بصورة مباشرة !! انا والله متفق معاك لكن اسألك ذات السؤال السألتو أنت -محقا- لكمال عباس .. نعمل شنو بالتحديد غير انو نقول انو هناك خلل اساسي يتمثل في وجود شخصية تتخفى تحت اسماء مزيفة وتتخذ هذه الوضعية لالحاق الاذى باعضاء المنبر المختلفين معاهو في الرأى .. ممكن نعمل شنو تاني .. نقيف من الكتابة وننأى بانفسنا من هذا المستنقع الآسن .. ولا نمشي نشتكي للادارة .. ولا نسكت .. ولا نعمل شنو بالتحديد لمخاطبة هذا الخلاف بصورة مباشرة كما تفضلت.. ؟!!
كويس ذكرتني ارفع بوست محاكمة الصحفية عسى ولعل كمال يشوفه ويتذكر يجيب على الاسئلة المفتوحة! نرجع للموضوع, لن افرض عليك او حتى اوريك تعمل شنو! هذا خيارك بالطبع, لكن لي ان اقول رايي في ما تفعله و جدواه وكيف كنت ساتصرف لو كنت مكانك, لن اشغل نفسي بامور جانبية لأنو اساسا اختلافي معك في هل هو شبح ام لا و التانية في هل اذتني شبحيته ولا الكلام الاتوجه لي وكنت ساركز على ما وجه لي و آذاني و عندي الخيارات يا ردّيت زي ما هو او بزيادة أو رفعت الأمر لبكري ليطبق اللائحة أو مشيت ابعد واخترت اللجوء للقانون أو طنّشت خالص و عفوت - لكن ما اظن :) المهم لي خياراتي وكلها مركزة على السبب الرئيس في تسبيب الأذى وليس سوى ذلك
10-04-2017, 09:32 AM
Yassir Ahmed
Yassir Ahmed
تاريخ التسجيل: 07-27-2017
مجموع المشاركات: 356
هيثم الحاجة الفهمتها من كلام جلالدونا إنه إذا طلع حاتم هو معروف أبو الحسن ، هل فعلا كان في طالب ماجستير كلية العلوم جامعة الخرطوم بالإسم ده ؟ إذا ثبت إنه مافي هنا بكون التزوير . هذا والله أعلم
10-04-2017, 09:52 AM
امجد الجميعابى
امجد الجميعابى
تاريخ التسجيل: 01-08-2013
مجموع المشاركات: 2623
تعرف!! انت نبهتني لمسألة غائبة عني تماما .. وكثيرا ما الواحد يتداخل في بوست ثم ينسى البوست في عضمو ناهيك عن مداخلة صغيرة كتبها ومضى لحال سبيلو ..
أعتقد ان مداخلتاي في بوست الكاونتربوينت تقف شاهدا قاطعا على قدرة هذا الحساب الاسفيري على استعداء الناس بدون اسباب اطلاقا الا الاختلاف المهذب جدا في الرأى .. وسأورد المداخلتين
الأولى
Quote: المتابعة صعبة لمعرفة ما يحدث ولكن أتمني عودة الأخ حاتم إبراهيم "أحد كائنات المنبر الجميلة جدا" ..
لفت انتباهي ان الرد الذي كتبه الموسيقي روبرت ليس لمصلحة حاتم على الاطلاق ... كما وأعتقد أن حاتم قد أخطأ في قراءته نوعا ما
Quote: Counter-melody is simply a second melody that plays along with another melody. This is one example of counterpoint. How important the counter-melody is in relation to the melody can only be assessed on a case by case basis. It is just a general term with no significance beyond what I articulated abov
التقييم case by case هو لمدى أهمية الكاونتر ميلودي وليس لكون الكاونترميلودي تمثل نموذجا من نماذج الكاونتربوينت .. أقول لك عطفا على فهم الكلمات المباشرة لا الموضوع
والثانية
Quote: ست مسلي جدا ..
ليست لي اهتمامات معرفية بالموسيقى .. لا شيء يتعدى "نقر الاصابع" ما ترتاح للموسيقى ومحاولة عدم الوصول لمرحلة الشتارة في الرقيص..
البوست مليان لى ود عينو بشخصيات اسفيرية عريقة وحديثة وعلى كل ضامر يأتين من كل فج عميق .. يمكن بتجاوز بسيط أن نميز مقابلة بين العراقة المنبرية وبين الحداثة المنبرية
يطيب لي تصور حاتم و بوب كشباب مقابل تيم الموصلي .. (قد يكونوا أكبر سنا من هذا التصور لكن لا فرق) .. الشاهد انهما بلعبو بطريقة حلوة جدا وناس مكربين وعارفين كيف يتعاملوا مع سبورة بكري ابوبكر ..
ببساطة وبي لغة الشباب (الانا منهم) .. ممكن يطقطقو اي زول هنا .. وما عندهم كبير ... اهم حاجة انهم نجيضييين وما بتاكلو حنك ساي. .. (ناس الحنك يبتعدون)
...........
هنا في حاجة مهمة .. فهناك تجاوزات .. هناك عنف لفظي وعنف معنوي ممارس .. ودي حاجة ما كويسة .. كلما قللنا منها بكون أحسن .. المشكلة انو مافي معيار محدد للحاجات دي ولكن .. اليس من الممكن الوصول لمستوى حواري أكثر راحة للجميع ؟!
يعنى اسامة الخواض لا يقبل بتحريف اسمو .. خلاص ما تحرف اسمو يا حاتم ك nice gesture منك الم تكن حقا اصيلا لاسامة .. مثلا يعني
المهم متابعين ..
قبل هاتين المداخلتان أعتقد اني تداخلت مع حاتم تداخلات بسيطة وكلها كانت تداخلات "لطيفة" جدا .. (اللطف ليس مسألة خاطئة بل حاجة كويسة جدا) وأذكر جيدا انني طالبت بعودته للمنبر عندما سمعت بايقافه ..
ثم كان رأيي الشخصي المعقول جدا بأن هناك متخصصة يكون لرأى المتخصص قيمة اكبر .. لم اصادر رايا او أمنع انسانا من ابداء رأيه وانما اشرت لاهمية رأي المتخصصين في مجال اختصاصهم ..
رأي عادي جدا .. وتم طرحو بكل احترام و .. عينك ما تشوف الا النور يا وهبه ؟!!
الآن عرفت أن في الأمر احتقاب ..
الغرابة لن تنقطع عن هذا العالم طالما كان الانسان هو المقياس !!!
10-04-2017, 10:44 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: هيثم غالى محمد البشرى الخضر و من تبعهم بمداخلات من اجل مرّاقة لا تسمن و لا تغتى من جوع معطى انّو معروف ابو الحسن هو حاتم ابراهيم كشطر ميت ده حلّكم و مرحب بيهو بالنسبة لى العقدة هنا معروف ابو الحسن طالب ماجستير كلية العلوم جامعة الخرطوم لو عندكم درب مخارجة فى الحتة دى مرحب بيكم و إن لا ارقدوا عوافى
تفتكر ياجلي حاتم محتاج مرّاقة نوفرها ليه احنا؟ انت لو ما عارف ارجع اقرا البوست انت ختيت المراقة قبل تكتبوا حتى ههههههه ثم يا سيدي ارجو ان لا تقرا مساهمات الناس ومواقفها بعقلية الاصطفاف و قراءة النوايا و الما معانا وكدا زي ما في الاصطفاف و مجاملة الاصحاب و شيل الغبينة و عدو عدوي وما شابه في برضو حاجات جميلة في الدنيا اسمها الاستقلالية بالراي و الحياد و الوقوف مع الحق المطلق كما تراه فا شنو.. ركّز على موضوعك يا قريبك وسيبك منّنا, دي يادوب النقلة الأولى زي ما قلت ليك
قال مرّاقة قال, المرّاقة انا شايف شوف عين كواستك ليها بعد شوية هههههه
10-04-2017, 10:54 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
من الغريب حقا أن يرد أخونا معروف/ماهر/حاتم على مناقشه في منبر يعنى بالترجمة والمترجمين العرب بأن من حقه ابداء رأيو كمتخصص في علوم الكمبوتر بينما يكون رأيي حول اهمية رأي المتخصصين في مواضيع تخص تخصصاتهم .. يكون هذا الرأى البسيط والمنطقي جدا هو احد الركائز التي بنى عليها ذات الحساب الاسفيري تكاتيك مطاردتي..
يقول معروف لمحدثه
Quote: ليس هناك تحرشات يا أخ صالح الرأي العلمي يؤخذ ويرد ولا يصح إلا الصحيح، وأنا أرى أن كل مشاركاتك العملية في مجال تخصصي فهل أصم آذاني؟ أم أمدحها فقط؟ أذكر أنك حدثتني يوماً ما عن "زكاة العلم".
ويطارد المشرف ارتكازا على مجرد رأى يرى فيه المشرف أن رأى المتخصصين مهم في مجال تخصصاتهم ..
الأغرب من ذلك ان يدلق احبارا قذرة جدا في مطاردة طويلة لرأيي الواقعي حول سيادة اللغة العربية في السودان ويشير لذلك الرأى بكونه خنوع لارادة المستعمر العربي ونوع من الاستلاب الثقافي وسلوك مشابه لسلوك ال House negro. بينما يتم اكتشاف أن (اللخو) عضو في جمعية تعمل على تحقيق نهضة علمية وثقافية في العالم العربي عن طريق الترجمة وتكوين وعي علمي وثقافي لدى الشعب العربي وبعث ثورة معرفية لديه؛
لا اعلم ايهما اغرب؟! أعلاه أم زول يطارد ويسيء ويسخر من المشرف لمجرد أنو المشرف قال (لست عربيا.. الا ان ثقافتي عربية وأنا انظر لذلك بعين النقد) .. ثم يتم اكتشاف انو ذات (الكوشي الزنجي الجيفاري الصلب) عضو في جمعية تتمثل أهدافها في تعزيز ونشر الثقافة العربية واحداث (بعث) معرفي للامة العربية ..
Quote: توحيد المترجمين واللغوين والكتاب الذين تربطهم علاقة قريبة كانت أو بعيدة باللغة العربية وبعلومها، ولم شملهم؛ • الدفاع عن حقوق المترجمين واللغوين والكتاب الذين تربطهم علاقة قريبة كانت أو بعيدة باللغة العربية وبعلومها؛ • العمل على تحقيق نهضة علمية وثقافية في العالم العربي عن طريق الترجمة وتكوين وعي علمي وثقافي لدى الشعب العربي وبعث ثورة معرفية لديه؛ • وضع موقع على الإنترنت يمكن المترجمين واللغوين والكتاب الذين تربطهم علاقة قريبة كانت أو بعيدة باللغة العربية وبعلومها من الالتقاء والتواصل مع بعضهم وتبادل الآراء والخبرات عليه؛ • تمكين المترجمين واللغوين والكتاب الذين تربطهم علاقة قريبة كانت أو بعيدة باللغة العربية وبعلومها من تطوير أفكارهم ونشر مؤلفاتهم من مقالات وكتب وأبحاث ومعاجم وما أشبه ذلك؛ • التشجيع على البحث العلمي والتفكير النقدي الهادف في العالم العربي من خلال اللقاء والتواصل على موقع مستقل على الإنترنت. وقد تم لتحقيق هذا الغرض حجز الموقع التالي على الإنترنت *http://www.atinternational.org[/QUOTEhttp://www.atinternational.org[/QUOTE]
10-04-2017, 11:17 AM
معاوية الزبير
معاوية الزبير
تاريخ التسجيل: 02-07-2003
مجموع المشاركات: 7893
Quote: لا اعتقد ان اخفاء حاتم شخصيته اداه اي ميزة, نفس ما خاطبك به و غيرك عادي ممكن يقوله اي ممن تعرفهم حق المعرفة ومتأكد من حقيقة شخصياتهم
الفرق يا صديقي ود البشرى تجده في مداخلتي السابقة معك
Quote: حاجة تانية يا بشرى لو كان اسمي دا حقيقي (غير مستعار) وقام واحد أساء لشرفي هل ستتأثر عائلتي أو محيطي الاجتماعي؟ نعـــم وبالمقابل إذا رددت له الإساءة هل ستتأثر عائلته أو وسطه الاجتماعي؟ كـــلا طبعا، لكن لماذا؟
كان هناك خطأ في مداخلتي المقتبسة قمت بتصحيحه هنا وهو (حقيقي غير مستعار)
أقول، هذه هي ميزة أن تكتب بـ اسم مستعار وتسيء للناس.. لا ضرر في أن تكتب بأي تعريف يروقك طالما لم تشتُم الناس
هذه النقطة أوضحها ود المشرف أكثر من مرة لا أدري لماذا يتجاهلها الناس ويقولوا ليك ماسكين شطر ميت هسع الماسك في شطر ميت منو بالله عليكم؟! هذا الوصف في حد ذاته مسيء جدا تخيل كم يبدو شكلنا غبيا وهبنقة ونحن قاعدين نرضع في شطر ميت
10-04-2017, 11:23 AM
ombadda
ombadda
تاريخ التسجيل: 10-10-2002
مجموع المشاركات: 6736
لم اتداخل مع المدعو حاتم و لا مرة بالرغم من انى اطلعت على كثير مما كتب .. لانى لم اجد ما يمكن اتناوله معه .. يكتب مداخلنه و لا يترك لك مجالا للرد او التداخل و سرعان ما يغرب عنك .. !!
أعتقد ان أمثال حاتم كثر بيننا و لكنهم بدرجات مختلفة ..
10-04-2017, 11:39 AM
امير بوب
امير بوب
تاريخ التسجيل: 01-02-2013
مجموع المشاركات: 1552
الغريبة معظم البوستات المفتوحة هنا .. يجي ابفلجة داخل ويعوس عواستو ويفوت الا البوست دا .... غتااتة بس .... حسي يكون مجقلب ويدو محرقاهو وعاوز يدخل يقراء الفاتحة (يعزي ) الا الحيران والمطبلاتية نصحوه بعدم الدخول .. وياكلو نارم ... مع انو الموضوع بخصو ... او كما قال ابيل لير .. لما قال ثورة مايو رفعت المره في مرتبة الرجل .. والقصة معروفة ... ---- يا عمر دفع الله ... الكراكتير معبر الا ان الشبح هي السيارة المرسيدس وليست الروزرويس كما هو في الرسم حقك .. للتوضيح بس ----- عااالم بطااالـــــــــــــــــــــــــة ,,,
Quote: عشان كدا ارى ان هزيمة حاتم في هزيمة افكاره بالمنطق و بالحجج وتفنيد و مجابهة التحديات التي يضع فيها الجميع, و الإنصراف لما دون ذلك اول علامات الهزيمة أمام منطقه.
10-04-2017, 11:44 AM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20360
يبقى الاختلاف جميلا جدا في كل الاحوال .. نسميهو اختلاف تجاوزا لانو لم أجد ما يمكن أن أفهمو عشان اختلف معاهو .. على سبيل المثال انا اعلم انو (احترام الخصوصية) مبدأ .. وكل زول ليهو الحق ان يفرج عما يريد من معلومات .. وادينا فوق للبيعة حق انو ما يكتب اسمو ذاتو .. يكتب اي اسم يريد ..
فاذا كنت انا متفق معاك في ده كلو .. فما حأقدر اقول انو مختلفين .. اللهم الا اذا انت مختلف معاي في مسالة انو من الخطأ السعي لوضعية الشبح الاسفيري والاستفادة من هذه الوضعية في اساءة الناس
لو انت مختلف معاي في جوهر كلامي ده بصورة مجردة (بغض النظر عن موضوع حاتم .. وغض النظر عن ال threshold بتاعت الاساءة عندك او موضوعها كالاعراض ونحوها) .. لو انت مختلف معاي في جوهر كلامي ده بصورة مجردة فده موضوع اختلاف واضح ...
ولو متفق معاي فوقو .. ومختلف انو لا ينطبق على حاتم بافتراضات زي لو ما محمد مختار ولو ما كان ذلك كذلك .. او حتى بيقين داخلى ومعرفة منك شخصية انو حاتم ده هو ذاتو شخصيتو الحقيقية لتواصل خاص بينكما .. فده اختلاف من نوع تاني .. عندئذ ممكن اختلف معاك بطريقة محددة ومختلفة جدا ..
بمناسبة هذه الافتراضات اجابتي هي: وكيف تكتشف الاشياء اصلا؟! واحد يتكون هناك حاجة للمعرفة .. سؤال للاجابة .. شكوك الخ ...
لو لم تخرج تلك المرأة لخارج منزلها لما عرف الناس بأمر حملها الحرام .. نعم .. كان من الممكن أن يحدث ذلك ولكنها سيئة الخلق للحد البعيد .. لا تدع احدا الا ولاحتقه بسوء .. هي تسيء للناس من طرف .. تشتم .. تسخر .. تعتدي .. وكونها عانزا فاتها قطار الزواج .. القت مسؤولية ذلك على جنس الرجال والنساء قاطبة .. وتجلى حقدها على الاطفال بوجه الخصوص.. لا تجد طفلا من اطفال الجيران الا وضربته .. لذلك ذاع امر حملها بالحرام سريعا برغم اعتكافها (المريب جدا) في البيت
10-04-2017, 11:50 AM
امير بوب
امير بوب
تاريخ التسجيل: 01-02-2013
مجموع المشاركات: 1552
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة